Pentagoni do të ofrojë kompensime për të afërmit e të vrarëve e të plagosurit nga sulmi ajror amerikan mbi Spitalin e Kunduzit të drejtuar nga organizata humanitare mjekët pa kufij.
Të paktën 22 pjesëtarë stafi e pacientë, humbën jetën nga bombardimet e një jave më parë.
Uashingtoni pretendon se goditja e spitalit ndodhi gabimisht gjatë përpjekjeve për të shënjestruar kryengritësit talebanë. Por organizata mjekësore e quajti ngjarjen “krim lufte” kërkon zhvillimin e një hetimi të pavarur nga një komitet ndërkombëtar në Zvicër, i cili që prej krijimit të tij deri më sot nuk është përdorur kurrë.
Sqarim: -pse e dhamë në faqet e “Diellit” këtë lajm?
Tashmë mediat shqiptare, qoftë ato të shkruara ose vizive kanë akses të japin cdo lajm qe lidhet me popullin ose shtetin amerikan. Madje deri ato për ngordhjen e një qeni apo zogu në “x” provincë ose rrugicë të Amerikës. Transparenca e demokracisë dhe shtetit amerikan arrin deri atje sa të pranojë përgjegjsinë kur ndodhin gabime gjatë luftimeve e konflikteve, gjë që nuk e gjen në asnjë ushtri të botës sot. Provo i dashur gazetar të marësh një infromacion të tillë në ushtrinë ruse, kineze, koreanoveriore, apo vende të tjera. Kanë ndodhur gjëra të tmershme kudo në botë, të cilave mediat shqiptare dhe botërore nuk i qasen dot. {Sh.K}
Archives for October 2015
Kosovë- Jo dhunë!
-Dhuna nuk guxon të zëvendësoj institucionet demokratike shtetërore. Ministri Çollaku pret në takim ambasadorin e Mbretërisë së Bashkuar,O’Connell/
PRISHTINË, 13 Tetor 2015/ Ministri i Integrimit Evropian, Bekim Çollaku, ka pritur sot në takim ambasadorin e Mbretërisë së Bashkuar në Kosovë, Ruairi O’Connell.
Gjatë takimit kanë diskutuar për zhvillimet e fundit politike në vend si dhe për axhendën evropiane të Kosovës.
Ministri Çollaku dhe ambasadori O’Connell, janë pajtuar se mënyra e vetme për të siguruar suksesin e Kosovës në planin e brendshëm dhe në arenën ndërkombëtare është përmes funksionimit demokratik të institucioneve legjitime të zgjedhura nga qytetarët e Kosovës.
“Dhuna nuk guxon të zëvendësoj institucionet demokratike shtetërore”, thekson komunikata e dërguar nga Ministria kosovare.
Po ashtu ambasadori O’Connell, ka rikonfirmuar mbështetjen e Mbretërisë së Bashkuar ndaj procesit integrues të Kosovës në BE si dhe anëtarësimit të Kosovës në UNESCO dhe organizata të tjera ndërkombëtare./b.j/
Kosovë- Qeveria, shqetësim dhe keqardhje për dhunën
-Qeveria e Republikës së Kosovës, i bën thirrje partive opozitare që të heqin dorë nga veprimet anarkike dhe nga përdorimi i dhunës mbi institucionet e shtetit/
PRISHTINË, 13 Tetor 2015/ Qeveria e Republikës së Kosovës deklaroi sot se, shpreh shqetësim dhe keqardhje për dhunën që grupe militantësh të partive opozitare kanë ushtruar një natë më parë mbi Policinë e Kosovës dhe institucionet e tjera kushtetuese, duke lënduar rëndë disa zyrtarë policorë, duke shkaktuar dëme në objekte publike e private dhe duke krijuar shqetësim te qytetarët.
“Aktet e skajshme vandale që u manifestuan gjatë protestës së dhunshme të thirrur dhe të drejtuar nga udhëheqja e Lëvizjes Vetëvendosje, dhe të përkrahur nga partitë tjera opozitare, cenon rendin dhe ligjin, punën e organeve të pavarura shtetërore si dhe interesat madhore të qytetarëve dhe të shtetit të Kosovës”, thekson komunikata e sapodërguar.
Qeveria e Republikës së Kosovës dënon ashpër sulmet kundër institucioneve të sundimit të ligjit dhe garantimit të rendit dhe sigurisë, të mandatuara që aktivitetin e fushëveprimit të tyre ta ushtrojnë të lira nga ndërhyrjet dhe dhuna.
“Qeveria e Republikës së Kosovës, i bën thirrje partive opozitare që të heqin dorë nga veprimet anarkike dhe nga përdorimi i dhunës mbi institucionet e shtetit, me qëllim që të dalin mbi ligjin dhe që të realizojnë axhendat e tyre politike ditore, duke vepruar në kundërshtim me interesat e qytetarëve dhe të Republikës së Kosovës”, përfundon deklarata.
Ndërsa, Lëvizja Vetëvendosje, subjekti më I madh opozitar kosovar, sot, pas mesditës mban konferencë të jashtëzakonshme për medie në lidhje me ngjarjet e mbrëmshme. Sipas partisë tjetër opozitare, AAK, “pas skandalit të mbrëmshëm duhet të tërhiqet Ministri i Brendshëm dhe Drejtori i Policisë së Kosovës”./b.j/
KFOR COMPREHENSIVE APPROACH: VISIT TO THE NORTH OF KOSOVO AND MEETING WITH THE MAYOR OF ZUBIN POTOK
Pristina, 13 October 2015/ KFOR Commander, Major General Guglielmo Luigi Miglietta flew to the north and met the Mayor of Zubin Potok, Mr Stevan Vulovic, in the City Hall of the town.
General Miglietta and Mr Vulovic discussed the current situation in Kosovo with specific focus on the north.
The mayor expressed to COM KFOR his appreciation and gratitude for the impartial and effective posture of KFOR in maintaining a safe and secure environment and freedom of movement for all the people.
“KFOR will continue to provide a secure environment in the north and in the rest of Kosovo, ready to intervene as third security responder if required”, General Miglietta said, “KFOR, in full compliance with its mandate, promotes progress and dialogue in the region”.
General Miglietta also visited Camp Cabra military base where the unfixing process is ongoing. The shaping of KFOR posture is related to an ordinary redistribution of soldiers through the territory. This readjustment guarantees more flexibility and continuity in carrying out all the operational activities related to KFOR mandate that remains unchanged.
KFOR Commander periodically meets the Kosovo stakeholders and KFOR troops on the ground for a comprehensive approach of the overall situation in the region.
Kosovë-shtypi: Arrestimi i Kurtit mat potencialin e trazirave
PRISHTINË, 13 Tetor 2015/ “Arrestimi i Kurtit mat potencialin e trazirave”, shkruan sot shtypi i Kosovës në një kryetitull balline.
Gazeta “Zëri” raporton se, policë e protestues të lënduar, vetura të djegura, objekte të tjera të demoluara është bilanci i demonstratave që plasën pas arrestimit të ish-liderit të Lëvizjes “Vetëvendosje”, Albin Kurti, në mbrëmjen e së hënës. Ka mjaftuar vetëm një alarm i partisë më të madhe opozitare, “Vetëvendosje”, se lideri “shpirtëror” i kësaj partie u arrestua nga Policia dhe qindra protestues të barrikadohen para Stacionit Policor në Prishtinë. Menjëherë ka plasur përleshja e aktivistëve më radikalë të LVV-së dhe Policisë, që rezultoi me dhunë deri në momentin kur u dha lajmi se deputeti Kurti u lirua.
Policia gjatë gjithë kohës përdori gazin lotsjellës dhe spërkatësin neutralizues, ndërsa protestuesit përveç gurëve kanë djegur edhe koshat e mbeturinave, si dhe disa vetura zyrtare.
Albin Kurti, deputet i Kuvendit të Kosovës, u arrestua nga Policia me urdhër, siç u tha, të Prokurorisë, pas dyshimit për hedhjen e gazit lotsjellës në ambientet e Kuvendit të Kosovës. Kurti është ndaluar në magjistralen Ferizaj – Prishtinë dhe është shoqëruar për intervistim në Stacionin Qendror të Policisë në kryeqytet. Ai ka qenë bashkë me deputetin dhe shefin e Grupit Parlamentar të “Vetëvendosjes”, Glauk Konjufca, dhe dy aktivistë të tjerë të kësaj Lëvizjeje, që ishin duke u kthyer nga një aktivitet nga Shkupi.
“Prishtina fushëbetejë”, është kryetitulli në ballinë i gazetës “Koha Ditore”.
Pas një përleshjeje mbi tri orësh me gurë e gaz lotsjellës mes pjesëtarëve të Policisë së Kosovës dhe protestuesve, deputeti i lëvizjes “Vetëvendosje”, Albin Kurti, është liruar nga arresti, mbrëmë vonë, pas mesnatës, shkruan gazeta.
Më tej thekson se, Kurti u ndalua në mbrëmje, rreth orës 9:00, derisa po kthehej nga Shkupi, në fshatin Çagllavicë, bazuar në, siç tha Policia, “urdhëresën nga prokurori kompetent”, në kuadër të hetimeve për hedhjen e gazit lotsjellës në seancën e fundit në Kuvend..
Vetë Kurti pas lirimit tha se policia kërkoi ta intervistonte, por ai ka refuzuar t’u përgjigjej pyetjeve që i kishin bërë gjatë mbajtjes në Polici tre hetues të krimeve të rënda.
Ai lirimin e tij ia atribuoi presionit të protestuesve, të cilët pas arrestimit të tij u tubuan para ndërtesës qendrore të Policisë në Prishtinë, ku, duke kërkuar lirimin e deputetit opozitar hodhën edhe gurë dhe mjete të forta, duke thyer xhamat e hyrjes së stacionit policor “Qendra”. “Besoj se pse jam liruar kaq shpejt ju e dini më mirë, se ju keni qenë jashtë e unë kam qenë brenda”, tha Kurti pas daljes nga Policia.
Ai nuk ka dashur të flasë në asnjë moment për hetimin e tij që nisi të premten lidhur me hedhjen e gazit në Kuvend. Madje refuzoi të përgjigjet edhe në atë nëse e konsideron vepër penale këtë akt. “Nuk kam pranuar të përgjigjem në asnjë pyetje të këtyre hetuesve dhe nuk kam pranuar avokat mbrojtës, unë përfaqësoj veten dhe nuk ka nevojë që të më mbrojë askush. Pyetje të prokurorisë dhe këtyre policëve unë nuk iu kam përgjigjur dhe nuk kam pse të ndërroj këtë qëndrim as tash”, tha ai për gazetën.
“Kryeqyteti në kaos pas arrestimit të Kurtit”, është titulli në ballinë i gazetës “Kosova Sot”, sipas së cilës “pakënaqësia qytetare merr dimension të ri”. “Deputeti Albin Kurti është arrestuar pak pas menatës, pas arrestimit nga Policia”, raporton gazeta.
Javën e kaluar, në 8 tetor, nga grupi parlamentar i LVV, deputeti Albin Kurti, është hedhur edhe gaz lotësjellës në “aksionet simbolike” protestuese të bllokimit të seancave plenare të Kuvendit të Kosovës që nga fillimi I sesionit vjeshtor, në një prej të cilave ka pasur edhe gjuejatje me vezë drejt kryeministrit. Në kundërshtim të 4 marrëveshjeve me Serbinë të 25 gushtit dhe marrëveshjes së demarkacionit me Malin e Zi, opozita kosovare ka bojkotuar tre mbledhjet e kaluara të Kryesisë me kryetarët e grupeve parlamentare, bojkoton edhe komisionet parlamentare, ndërsa ka paralajmërtuar edhe protesta në rrugë.
Sot, pas mesditws, në zyrën qendrore të Lëvizjes Vetëvendosje mbahet konferencë e jashtëzakonshme për medie, në lidhje me ngjarjet e mbrëmshme./b.j/
- « Previous Page
- 1
- …
- 68
- 69
- 70
- 71
- 72
- …
- 104
- Next Page »