Archives for May 2018

Prokurori amerikan Xhek Smith (Jack Smith) emërohet Prokuror i Specializuar

May 7, 2018 by dgreca

Jack Smith Headshot

7 May 2018- Xhek Smith, prokuror amerikan me përvojë në hetime politike të rangut të lartë dhe hetime penale ndërkombëtare, u emërua Prokuror i Specializuar pas një procesi përzgjedhës të organizuar nga Bashkimi Evropian.Ai do të jetë pasardhësi i David Schvendimanit, i pari Prokuror i Specializuar, më herët edhe Kryeprokuror i Task Forcës Hetimore Speciale, i cili e lëshoi detyrën më 31 mars kur skadoi emërimi i tij si zyrtar i Shërbimit të Jashtëm amerikan.“Është nder dhe kënaqësi që më ofrohet kjo sfidë dhe jam i gatshëm t’i çoj hetimet më tej”, u shpreh z. Smith.Aktualisht, z. Smith është nënkryetar dhe kreu i seksionit të padive i Korporatës Spitalore të SHBA-së, organizata shëndetësore joqeveritare më e madhe në Shtetet e Bashkuara, një post të cilin e ka pasur që në shtator 2017.Nga shkurt 2015 deri në gusht 2017, z. Smith ishte ndihmësprokuror i parë federal dhe ushtrues i detyrës së prokurorit federal për rajonin e mesëm në Tenësi (Tennessee).Gjatë periudhës 2010-2015, z. Smith ishte kreu i seksionit për integritet publik në Departamentin e Drejtësisë së SHBA-së, ku ishte i ngarkuar me mbikëqyrjen e procedimit të çështjeve të ndërlikuara për korrupsion publik anembanë Shteteve të Bashkuara.Nga 2008 deri më 2010, z. Smith ishte koordinator për hetime në Zyrën e Prokurorit në Gjykatën Penale Ndërkombëtare (GJPN). Në atë post, ai mbikëqyri hetime delikate të zyrtarëve të qeverive të ndryshme dhe të milicisë, për krime lufte, krime kundër njerëzimit dhe gjenocid.Para detyrë në GJPN, z. Smith ishte në Zyrën e Prokurorit Federal për Rajonin Lindor të Nju Jorkut (New York), ku gjatë nëntë vjetëve pati poste të ndryshme, ndër të cilat kreu i zyrës për paditë penale dhe zëvendësshef i Seksionit Penal. Si kreu i zyrës për paditë penale, z. Smith kishte në vartësi afërsisht 100 prokurorë penalë në një sërë fushash, si korrupsioni publik, terrorizmi, bandat dhe krimi i dhunshëm, si dhe mashtrimet financiare dhe krime të natyrës ekonomike.Para detyrës si ndihmësprokuror federal, z. Smith punoi për pesë vjet si ndihmësprokuror rajoni në Zyrën e Prokurorit të kontesë së Nju Jorkut, ku ai ishte në seksionin për vepra penale seksuale dhe dhunë shtëpiake.Gjatë karrierës së tij, z. Smith ka marrë një sërë çmimesh. Këtu përfshihen Çmimi për Drejtor nga Departamenti i Drejtësisë i SHBA-së; Çmimi i Prokurorit të Përgjithshëm për Shërbime të Shquara; Çmimi për Juristët e rinj nga Shoqata Federale e Juristëve; Çmimi Charles Rose nga Shoqata e Rajonit Lindor; Medalja Henry L. Stimson nga Shoqata e Juristëve të kontesë së Nju Jorkut dhe bursa pasuniversitare Wasserstein e Fakultetit Juridik të Harvardit. Ai është diplomuar në Fakultetin Juridik të Harvardit dhe në Universitetin Shtetëror të Nju Jorkut në Oneonta.

***

US Prosecutor Jack Smith Appointed Specialist Prosecutor

Jack Smith, a US prosecutor with experience in both high-level political investigations and international criminal investigations, has been appointed Specialist Prosecutor after a selection process organised by the European Union.

He will be succeeding David Schwendiman, the first Specialist Prosecutor and formerly Lead Prosecutor of the Special Investigative Task Force, who stepped down at the end of March when his term as a US Foreign Service Officer expired.

“I am honoured and delighted to have been given this challenge and am looking forward to taking the investigation forward,” Mr Smith said.

Mr Smith is currently Vice President and Head of Litigation for the Hospital Corporation of America, the largest non-governmental health-care provider in the United States, a position he has been in since September 2017.

Between February 2015 and August 2017, Mr Smith served as First Assistant United States Attorney and Acting United States Attorney for the Middle District of Tennessee.

Between 2010 and 2015, Mr Smith served as Chief of the Public Integrity Section of the US Department of Justice, supervising the litigation of complex public corruption cases across the United States.

From 2008 to 2010, Mr Smith served as Investigation Coordinator in the Office of the Prosecutor at the International Criminal Court (ICC). In that capacity, he supervised sensitive investigations of foreign government officials and militia for war crimes, crimes against humanity, and genocide.

Mr Smith joined the ICC from the US Attorney’s Office for the Eastern District of New York, where he served for nine years in a number of positions, including Chief of Criminal Litigation and Deputy Chief of the Criminal Division. As Chief of Criminal Litigation, Mr Smith supervised approximately 100 criminal prosecutors across a range of programme areas, including public corruption, terrorism, violent crime and gangs, as well as white collar and complex financial fraud.

Before becoming an Assistant US Attorney, Mr Smith served for five years as an Assistant District Attorney in the New York County District Attorney’s Office where he was a member of the Office’s Sex Crimes and Domestic Violence Units.

Mr Smith has received a number of awards during the course of his career. These include the US Department of Justice Director’s Award; the US Attorney General’s Award for Distinguished Service; the Federal Bar Association’s Younger Federal Attorney Award; the Eastern District Association’s Charles Rose Award; the Henry L. Stimson Medal of the New York County Bar Association; and a Harvard Law School Wasserstein Fellowship.

He is a graduate of both Harvard Law School and the State University of New York at Oneonta.

SHBA-Kosovë, një dekadë miqësi e partneritet me Iowa-n

May 7, 2018 by dgreca

-Kryeministri i Republikës së Kosovës, Ramush Haradinaj, takim me delegacionin 60 anëtarësh, përfaqësues të shtetit të Iowa-s, institucioneve arsimore dhe ekonomike/

Prishtinë, 7 maj 2018-Gazeta DIELLI/“Kosova është shtëpia juaj e dytë dhe kështu ju konsiderojmë. Faleminderit për të gjithë mbështetjen që keni treguar për ne, për shoqërinë tonë. Ardhja juaj këtu sot, dëshmon që ky partneritet, kjo miqësi me ju po fiton një dimension tjetër, në ekonomi, siguri, kulturë”, kështu tha kryeministri i Republikës së Kosovës, Ramush Haradinaj, në fillim të takimit me delegacionin 60 anëtarësh, përfaqësues të shtetit të Iowa-s, institucioneve arsimore dhe ekonomike nga ky vend.Me këtë rast, kryeministri Haradinaj duke vlerësuar marrëdhëniet shumë të mira me shtetin e Iowa-s, tha se Kosova mburret dhe ka nderin që të ketë këtë partneritet me shtetin tuaj, dhe në përgjithësi me Shtetet e Bashkuara të Amerikës, miqësi kjo e cila ka lindur në ditët më të vështira.Për gati një dekadë Kosova dhe shteti i Iowa-s kanë demonstruar një partneritet korrekt bashkëpunimi në shumë fusha me interes për Kosovën, veçmas në atë arsimor.

“Tani me ardhjen tuaj në Kosovë, ky bashkëpunim do të intensifikohet, për të sjellë rezultate konkrete. Kosova është e hapur për investimet dhe ndihmën amerikane”, tha kryeministri Haradinaj.

Delegacioni në fjalë po qëndron për vizitë në Kosovë, me qëllim të përforcimit të bashkëpunimit ekonomik dhe arsimor.Kryeministri Haradinaj konfirmoi mbështetjen e tij për projektet që promovojnë cilësinë në arsim, profilizimin e fushave të studimit dhe për projekte që hapin vende të reja të punës dhe nxisin zhvillim ekonomik të vendit.“Kosova ka nevojë për shkolla profesionale, të orientuara varësisht nga nevojat e tregut të punës. Kosova ka nevojë për modelin amerikan të shkollimit, të punës dhe zhvillimit ekonomik. Ne jemi të përqendruar drejt rrugës tonë euro-atlantike dhe për këtë po punojmë çdo ditë”, tha Kryeministri Haradinaj.Kim Heidemann, drejtoresh ekzekutive në emër të shtetit simotër të Iowa-s dhe delegacionit, falënderoi kryeministrin Haradinaj për pritje, duke thënë se marrëdhëniet ndërmjet dy vendeve janë zhvilluar vazhdimisht, dhe se edhe në të ardhmen do të ketë bashkëpunim në sektor të ndryshëm.Në këtë takim ishte i pranishëm edhe atasheu për siguri i Kosovës në shtetin e Iowa-s, Xhavit Gashi.Të martën, më 8 maj, delegacioni i lartë nga nga Iowa, SHBA, kryesuar nga Zach Nunn, Përfaqësues në Komitet për Marrëdhënieve Ndërkombëtare, nga Iowa State Capital dhe Timothy Orr, Gjeneral i Gardës Kombëtare të Iowas, do të qëndrojë në Kuvendin e Republikës së Kosovës./b.j/

NJË KËSHILL I PËRBASHKËT PËR BISEDIMET ME SERBINË

May 7, 2018 by dgreca

Nga Harry Bajraktari*/

Kosovën në muajt e ardhshëm e presin ditë të vështira rreth vazhdimit të bisedimeve politike në mes Prishtinës dhe Beogradit. Këto bisedime me ndërmjetësimin e Bashkësisë Evropiane në Bruksel, pritet të zgjidhin kontestet kryesore që ekzistojnë në mes të dy shteteve, Kosovës dhe Serbisë. Me Serbinë po negociohet më shumë se dy vjet, dhe për një mori çështjesh janë nënshkruar disa marrëveshje nga pala kosovare dhe ajo serbe. Problemi i këtyre marrëveshjeve të arritura, me ndërmjetësimin e Bashkësisë Evropiane, konsiston në faktin se Beogradi nuk po e bën implementimin e tyre, përkundër zotimeve që ka dhënë në Bruksel. Në anën tjetër akuzon Prishtininën për ngecjen e tyre, gjë që nuk është e saktë as e vërtetë. Politika serbe kur është në pyetje çështjeje e normalizimit të marrëdhënieve me Kosovën, gjithnjë nxjerrë pretekste të ndryshme, të pa qena për të gjetur diçka që të refuzojë implementimin e tyre, duke i kushtëzuar ato me probleme të tjera të inskenuara.

Nisur nga fakti se dialogu në mes dy vendeve, Kosovës dhe Serbisë, duhet të ketë një fund, e jo zvaritje të pakufishme, tani Bashkësia Evropiane, si duket, do të ndërmerrë hapa më serioz që këto negociata të përfundojnë në vitin 2019, ku do të nënshkruheshin marrëveshjet përfundimtare për normalizimin e marrëdhënieve në mes Prishtinës dhe Beogradit.

Një gjë është e qartë se vazhdimi i dialogut në muajt e ardhshëm do të jetë shumë i vështirë dhe i kompiluar, duke i marrë parasysh pretendimet e Serbisë që të mos e njoh Kosovën si shtet, e në anën tjetër të bëjë përpjekje të hyjë në Bashkësinë Evropiane.

Dukue pasur parasysh situatën aktuale politike rreth dialogut në mes Kosovës dhe Serbisë, unë, me këtë rast, dua të shpreh opinionin tim për domosdoshmërinë për formimin e një Këshill të përbashkët nga të gjitha partitë politike parlamentare, ku do të merrnin përgjegjësinë politike rreth dialogut dhe marrëveshjeve të nënshkruara. Një Këshill të kësaj natyre e pat krijuar edhe ish presidenti i Kosovës Dr. Ibrahim Rugova gjatë bisedimeve në Vjenë që zgjatën nga 2005-2007 nën hudhëheqjen e presidentit Athisari.

Mendoj se në këtë Këshill të përbashkët do të duhej të merrnin pjesë Presidenti, Kryeministri, Kryeparlamentari dhe të gjithë përfaqësuesit e partive politike shqiptare që janë sot në parlament. Vetëm me një pjesëmarrje të tillë do të jemi të fortë dhe të barabartë në bisedimet e zorshme me Serbinë në Bruksel, në të kundërtën, në çfardo mënyre që të nisemi për atje, do të jemi të dobësuar. Kur është çështja shtetëror e kombëtar, kapërcimi i interesave partiake, grupore dhe individuale, është i domosdoshëm. Me asgjë nuk mund të arsytohet refuzimi e ndonjë subjekti politik në këtë situatë.

Çështja e formimit të Bashkësisë së Komunave serbe, ku Bashkësia Europiane ka caktuar një afat, do të jetë ndër problemet e ndërlikuara të këtyre bisedimeve. Derisa Beogradi kërkon qe Asociacioni i Komunave serbe, të ketë kompetenca ekzekutive, Kosova duhet të jetë e prerë që kjo bashkësi komunash të krijohet sipas bazës kushtetuese të Republikës së Kosovës, e jo të lejohet që brenda saj të sajohet një Republikë sebe, si ajo në Bosnje, apo çfardo autonomije tjetër që pretendojnë serbët, veç asaj sipas ligjeve të Kosovës.

Pra ekipi i Kosovës, i formuar sipas kësaj skeme të përbashkët, garanton siguri dhe besushmëri para qytetarëve të Kosovës në këto bisedime me Serbinë, ku Beogradi për normalizimin e marrëdhënieve mes dy vendeve, në fund të dialogut duhet ta njohë shtetein e Kosovës ndërkombëtarisht.

*Autori është veprimtar dhe bisnesmen i njohur i komunitetit shqiptaro-amerken dhe themelues i gazetës Illyria.

New York, 2018

Homazh për mikun tonë Lirim Biçaku

May 7, 2018 by dgreca

Nga Reshat Kripa/*

I nderuar miku ynë!

Ju them mik se me të vërtetë i tillë ishe. Ti ishe këshilltari ynë i urtë, ishe burri me një karakter të fortë, i pathyeshëm para tiranisë së diktatorëve dhe i papajtueshëm me prapaskenat e intrigantëve të pamoralshëm. Nuk besoja kurrë se do të isha unë ai që do të thoja këto dy fjalë të përmortëshme në përcjelljen tënde për në banesën e përjetëshme. Nuk besoja, se deshëm të të kishim gjithmonë pranë, gjithmonë në krye të rrugës që kishim nisur së bashku, sepse kishim nevojë për prezencën tënde, për mendimin tënd, për fjalën tënde të urtë. Por ti ike. Zoti kishte vendosur të të merrte pranë vetes dhe Zoti gjithmonë zgjedh më të mirët dhe ti ishe më i miri.

Ishe i ri kur u detyrove të përballeshe me dallgët e tufanit të tmerrshëm që kishte mbuluar vendin. Megjithatë ti nuk u theve. Ato dallgë i përballove me krenari dhe dinjitet. Bijtë e një familje fisnike e tregojnë veten edhe në rrethana shumë të vështira. Po, i dashur, ti i mbijetove asaj kohe barbare, i mbijetove sepse në venat e tua rridhte gjak fisniku. Ky gjak nuk të mungonte ty, i dashur vëlla! Fisnikërinë e familjeve të mëdha nuk mund ta errësojnë klithmat e korbave të zinj. Por së fundi kohët ndryshuan dhe ti ishe gjithmonë në rradhën e parë të atyre që iu kushtuan demokratizimit të vendit dhe në mënyrë të veçantë të atyre që i kishin hequr mbi supet e tyre tmerret e sistemit gjakatar. Para syve më dalin ato ditë të zjarrta kur mblidheshim dhe diskutonim për të ardhmen e atdheut tonë të përvuajtur. Diskutonim për shoqatën tonë të nderuar që përfaqesonte frymën më demokratike të shoqërisë shqiptare, frymën e nacionalizmit shqiptar. Këtë nuk do ta harrojmë kurrë për tërë këta vite që na kanë mbetur për të jetuar.

Ti i përkisje asaj plejade që kishin një pasion, një dëshirë të madhe për lirinë. Doje të jetoje i lirë, pa gjemba dhe ferra në rrugën tënde. Doje të jetoje në një botë të vërtetë. Por, për fatin e keq të atdheut, jetoje në një epokë të gabuar. Jetoje në atë epokë kur nuk mund të shprehje dot ato që ëndërroje, ato që të buronin nga zemra e madhe. Jetoje në atë epokë kur nuk mund të shprehje mendimet e lira, ndjenjat e shpirtit të pastër. Jetoje në atë epokë kur kishe dëshirë për të studiuar dhe nuk të linin të studioje, kishe dëshirë për të punuar dhe nuk të linin të punoje, kishe dëshirë për të jetuar dhe nuk të linin as të jetoje. Jetoje në atë kohë kur sistemi totalitar mbyste mendimin e lirë që në lindjen e tij.

Të nderuar familjarë. Më lejoni t’ju sjell ngushëllimet tona. Mos derdhni lot. Nuk është zakon të derdhen lot për burrat e shquar. Atyre u thurren vargje, u këndohen këngë .Ai ishte një nga këta burra. Ju humbët me të vërtetë njeriun më të dashur tuajin, por edhe ne nuk kemi humbur pak. Ne humbën mikun tonë më të mirë. Humbëm njeriun që e kishim në krahun tonë. Humbëm mikun tonë për fjalën dhe këshillat e të cilit kishim shumë nevojë. Ne sot i falim tokës mëmë vetëm trupin e tij të drobitur, ndërsa shpirtin e kanë marrë engjëjt dhe kanë fluturuar lart në qiell për ta shpënë te Zoti i madh i madhërishëm, në parajsën e përjetëshme. Ndërsa deri dje kishim në mes mikun tonë të dashur, tani e tutje do të kemi kujtimin e tij të paharruar.

Qoftë i lehtë dheu që i ra përsipër!(Foto-Kortezi-Telegraf)

Shpirt, mendje e materie

May 7, 2018 by dgreca

1 Astrit Lulushi

Nga Astrit Lulushi/

Mendja (intelekti), është jomateriale. Ajo është e aftë të ekzistojë pa trup, si rrjedhim, është e pavdekshme. Ky argument i shtruar nga Aristoteli rreth 350 vjet pes, ka qenë burim debatesh mes dijetarëve ndër shekuj. Një argument për ekzistencën jomateriale të mendjes shkon kështu: nëse mendja do të ishte materie, atëherë do të duhej të kishte një organ korrespondues të mendimit. Dhe meqenëse të gjitha shqisat kanë organet e tyre përkatëse në trup, atëherë mendimi do të konsiderohej si ndjenjë. Por ndjesia nuk mund të jetë kurrë e rreme, prandaj mendimi nuk mund të jetë kurrë i rremë. Dhe kjo sigurisht është e pavërtetë. Prandaj, mendja është jomateriale.

Ndoshta argumenti më i rëndësishëm është demonstrimi i Aristotelit për pavdekësinë e kësaj pjese të shpirtit a psikikës njerëzore. Ai argumenton se meqenëse mendja vepron pa organ, ajo ekziston pa trup. Dhe nëse ekziston pavarësisht nga materia, ajo nuk mund të korruptohet. Sa herë njeriu mendon se ka bërë gabim, por nuk e pranon?

Aristoteli pohon se shpirti është forma ose thelbi i çdo gjallese, dhe se nocioni i një trupi pa shpirt, ose një shpirti në trup të gabuar, është thjesht i pakuptueshëm. Duket se me termin “shpirt” Aristoteli ka dashur të thotë “fuqi jetësore”. Duke e ndarë substancën në tre kuptimet e saj (materie, formë dhe atë që përbëhet nga të dyja), Aristoteli thotë se shpirti duhet të jetë pjesa e kryesore e trupit, dhe se nuk mund të jetë materie, por prej tij materia merr jetë.