dgreca – Page 2487 – Dielli

Shqipëri-SHBA, fillon “Joint Effort-16”

September 19, 2016 by dgreca

Nga Shefqet Kërcelli/

U zhvillua sot në ambientet e garnizonit Zall-Herr, ceremonia e fillimit të stërvitjes së përbashkët “Joint Effort-16”, e cila do zhvillohet nga data 19 deri më 29 shtator, në rajonet e Garnizonit “Skënderbej”, Zall-Herr, Bizë, Kepi i Palit,Vau i Dejës, Poshnjë, Rinas dhe Kuçovë. Në Stërvitjen “Joint Effort-16”, marrin pjesë qindra trupa nga Shtabin i Përgjithshëm, Forca Tokësore, Forca Ajrore, Forca Detare, Komanda Mbështetëse dhe Komanda e Doktrinës dhe Stërvitjes, si dhe trupa dhe mjete ushtarake të Forcave të Armatosura nga SHBA, Britania e Madhe, Italia, Kosova dhe Mali i Zi. Qëllimi i stërvitjes “Joint Effort-16”, është thellimi i njohurive dhe aftësive vendimarrëse të drejtuesve në planëzimin dhe realizimin e stërvitjeve të përbashkëta, duke zbatuar doktrinën dhe standartet e NATO-s, përmirësimi i mëtejshëm i bashkëveprimit me partnerët ndërkombëtare në planëzimin dhe ekzekutimin e operacioneve ushtarake me spektër të plotë, si pjesë e TASKFORC-e të bashkuara të NATO-s, me theks nivelin taktik e operacional.

Vec trupave pjesmarrëse, në ceremoninë e hapjes moren pjesë ZëvendësMinistri i Mbrojtjes z. Petro Koçi, shefi i Shtabit të Përgjithshëm të FA, Gjeneralmajor Jeronim Bazo, Komandanti i Forcës Tokësore Gjeneral brigade Nazmi Cahani, Komandanti i KDS, Gjeneral brigade Dedë Prenga, Komandanti i Komandës Mbështetëse kolonel Ardian Bali, atashetë ushtarakë të SHBA, Britani e Madhe, Kosovë, Mali i Zi, Itali, komandantë repartesh si dhe drejtorë drejtorish nga MM dhe SHP.

Fjalën e hapjes e mbajti Komandanti i Forcës Tokësore, Gjeneral brigade Nazmi Cahani, i cili ndër të tjera u shpreh se, “Është një kënaqësi e veçantë që sot me rastin e fillimit të stërvitjes “Joint Effort 2016”, të përshëndes dhe t’ju uroj mirëseardhjen në stërvitje përfaqësuesve nga Italia, Kosova, Mali i Zi, Mbretëria e Bashkuar dhe Shtetet e Bashkuar të Amerikës. Jam i sigurt që kjo mundësi, do të përdoret për të përmirësuar aftësitë luftarake, rritur bashkëveprimin dhe kuptimin e përbashkët ndërmjet trupave tona si dhe për të shkëmbyer eksperiencë dhe për tu stërvitur së bashku.

Në të njëjtën kohë, kjo është një mundësi për të njohur njëri tjetrin, për të mësuar rreth historisë dhe kulturës si dhe gjithashtu për të shijuar sa më shumë mikpritjen shqiptare…”

Ceremonia u përshëndet nga zv.ministri i Mbrojtjes z. Petro Koci, i cili pasi i uroi mirëseardhjen në stërvitje përfaqësuesve nga Italia, Kosova, Mali i Zi, Mbretëria e Bashkuar,dhe SSBA, i falënderoi ata për mbështetjen, angazhimin, eksperiencën dhe profesionalizmin që mirëpresim të demonstrohet.” Sot bashkarish nisim Stërvitjen “Joint Effort-16”, eventin më të rëndësishëm stërvitor të vitit për FARSH. Kjo është një stërvitje komplekse, dhe për të mbërritur deri këtu janë investuar mijra orë pune në një periudhë kohe më shumë se një vjeçare. Ky është një operacion me spektër të plotë, i cili është planëzuar dhe do të ekzekutohet në nivel operacional dhe taktik, është “live“ dhe e asistuar me kompjuter, është e perbashket, pra FT, FAj, FD janë pjesëmarrëse si dhe është e shpërndarë në disa poligone të FARSH-së”, theksoi ndër të tjera në përshëndetjen e tij zv.Ministri Koci.

Më tej, duke përfunduar, Zv.Ministri Koci kërkoi nga të gjithë siguri të plotë gjatë gjithë stërvitjes, -pasi jeta dhe shëndeti i gjithsecilit prej jush, është shumë e rëndësishme për ne,-theksoi ai.

Përgjatë 10 ditëve të zhvillimit të “Joint Effort”, nëpërmjet skenarëve të ndryshëm të përgatitur më përpara, synohet që trupat pjesëmarrëse në këtë stërvitje të rrisin ndërveprueshmërinë ndërmjet forcave pjesëmarrëse dhe kapaciteteve operacionale të shtabeve dhe njësive të Forcave të Armatosura të RSH, në procesin e planëzimit dhe ekzekutimit të operacioneve luftarake në mjedis të përbashkët (JOINT) dhe multinacional, në nivel taktik dhe operativ.

Objektivi kryesor i stërvitjes është trajnimi dhe stërvitja e pjesëmarrësve për të përballuar sfidat operacionale aktuale dhe për të ardhmen me qëllim për t’u përgjigjur krizave shumëdimensionale dhe operacioneve me spektër të plotë në mbështetje të paqes.

Ahmad Khan Rahami, po mbahet në paraburgim

September 19, 2016 by dgreca

Ahmad Khan Rahami, person i dyshuar në shpërthimin në Chelsea NYC, po mbahet në paraburgim/

Beqir SINA New York City /

LINDEN NEW JERSEY : (Bota sot) Njeriu që autoritetet ende nuk duan të flasin për lidhjet e tij, me bombardimet e natës të shtunën në lagjen Chelsea, të qytetit të Nju Jorkut, dhe në mëngjes të dielën në Jersey Shore, sot mabsdite, është me sa duket në paraburgim.

Ahmad Khan Rahami, 28 vjeç, thuhet se ishte i “angazhuar” në një betejë të shkurtër duke bërë një farë rezistence me armë, para se të arrestohej nga forcat e specializuara të FBI, të cilat ishin vënë në ndjekje të tij.

Simbas raporteve, shkëmbimi i zjarrit ka ndodhur në qytetin Linden, NJ, katër milje larg nga Elizabeth, NJ, e cila është dhe adresa e fundit ku ishte parë Rahami .

Një raport i kanalit televizivë NBC New York, tha se “Të paktën një oficer u qëllua në gjoks gjatë një “takedown”, por nuk u plagos rëndë, sepse ai ishte i veshur me një jelek anti plumb. Rahami u plagos në shpatullën e djathtë në shkëmbimin e zjarrit.”, tha televizioni NBC – New York

Rahami thuhet se u dërgua urgjentisht në spital.

Agjencitë e zbatimit të ligjit nuk kanë konfirmuar se ai është në paraburgim, por CNN, NBC New York dhe NY Times, raportojnë se ishte ai mbasi autoritetet duan pak kohë për të konfirmuar me anë të shenjave të gishtërinjve, dhe ta bëjnë zyrtare arrestimine tij.

Megjithatë autoritetet thanë se mbasi e kishin identifikuar se Rahami ishte një person me rrezikëshmëri të lart, dhe kishin shpërndarë një mesazh “alert” me fotografinë e tij në të gjithë apartetet e telefonave dhe Iphone, tek qytetarët e Nju Jorkut dhe Nju Xhersit, rreth orës 7:30 paradite këtë mëngjes, duke theksuar se ai duhet të konsiderohet si “i armatosur dhe i rrezikshëm, morë disa telefonata.

Policia në qytetin Linden NJ, tha se ata gjetën të dyshuarin Rahamin, pasi një prej oficerëve i ishte përgjigjur një telefonatë të një personi që nuk deshi të idetifikohej, por tha se ai simabs tij “Ishte i dyshuari, duke fjetur nën pullazin e një korridori të një biznesi aty në mes të një rrugice të ngushtë afër një blloku me lokale.”

Capt. James Sarnicki nga stacioni i policisë në Linden tha CBS, ka qenë i pari i cili iu afrua të dyshimitit, dhe thotë se e njohju atë në kohën kur ai ngriti kokën dhe Samicki e njohu atë si Rahami,

Capt. James Sarnicki ka deklaruar se i dyshuari u tërhoq nga korridori mes rrugicës me një armë në dorë dhe qëlloi nndaj një agjenti policie dhe e goditi atë në bark,” duke shtuar se : “Më pas Rahami u ngrit dhe filloi duke ecur nëpër rrugë në një drejtim nga perëndimi.. “

Nga shkëmbimi i zjarrit Rahami mori një plagë dhe u dërgua në spitalin universitar në Newark.

th (2).jpeg

th (3).jpeg

th (4).jpeg

MINISTRI I JASHTEM BUSHATI, TAKIME NE BOSTON

September 19, 2016 by dgreca

Z. Ditmir Bushati, Minister i Jashtem i R. Sh. dhe z-nja Floreta Faber, Ambasadore e R. Sh në Washington DC erdhën nëBoston MA/

OLYMPUS DIGITAL CAMERA — Pergjegjesja e Bibliotekes’Fan S. Noli, prane Katedrales “shen Gjergjit” ne Boston, Neka Doko, duke dorezuar per Muzeun Kombetar, origjinalin e Shtampes se Faik Konices.

Nga Thanas L. Gjika/ Boston/

Më 18 shtator erdhën në Boston MA z. Ditmir Bushati, Ministër i Jashtëm i R. Sh. i shoqëruar prej bashkëshortes dhe z-njës Floriana Faber, Ambasadore e R. Sh. në Washington DC.

Ata morrën pjesë në tre ceremoni:Në ora 11:00 AM shkuan në kryekishën e Shën Gjergjit, ku mbas ceremonisë së meshës, At Arthur Liolini organizoi në sallën e pritjes ceremoninë e dorëzimit të shtampës së Faik Konicës “EX LIBRIS F. K.”, e njohur si “vula e Faik Konicës” me të cilën ai stamposte gjithe librat e bibliotekës së tij personale. Ky relik muzeal ishte sistemuar prej skluptorit Ndriçim Bejko dhe zonjës Neka Doko në një korrnizë ku ishin vendosur krahas shtampës origjinale dhe disa fragmente dorëshkrimesh të rilindësit erudit Faik Konica.

Këtë shtampë e kanë studiuar dhe vlerësuar dy studiuesit e jetës dhe veprës së Konicës, z-njtë Fotaq Andrea dhe Agron Alibali.

Pra, Kryekisha e Shën Gjergjit i dhuroi këtë objekt muzeal Republikës së Shqipërisë përmes dorëzimit të tij z. Ditmir Bushati, Ministër i Jashtëm i Shqipërisë. Së shpejti kjo relikë kulturore do të vendoset në Arkivin Qendror të Shtetit , ose në ambjentet e Muzeut Kombëtar në Tiranë, si një dhuratë e diasporës shqiptare të Amerikës.

Në ora 13:00 PM, z. Bushati, z-nja Faber dhe grupi që i shoqëronte morrën pjesë në një takim në Qendrën për Zhvillim Ndërkombëtar (Center for International Devellopment) në Kennedy School of Governement, Harvard University, Cambridge MA., ku u prit prej z. Ermal Frashëri, S. J. D., drejtues i këtij institucioni.

Ministria e Jashtme e Shqipërisë në bashkëpunim me Universitetin Harvard e organizuan këtë takim me titull SHQIPERIA DHE DIASPORA NJE KOMUNIKIM I RI. Për organizimin e këtij takimi ndihmoi dhe z. Mark Kozmo, drejtues i shoqërisë MassBesa me qendër në Boston MA. Nga Shqipëria kishte ardhur dhe z-nja Alma Jani, drejtuese e Organizatës Ndërkombëtare për Migracion (ONM), Tiranë.

Pas prezantimit të tematikës së takimit prej z. Frashëri, foli z-nja Jani duke treguar përvojën e institucionit të vet dhe disa përpjekje që janë bërë për krijimin e lidhjeve midis Organizatës Ndërkombëtre për Migracion dhe diasporës shqiptare në botë.

Më tej foli z. Kozmo, i cili vuri në dukje se në shtetin Massachussets sot ka 75.000 shqiptaro-amerikanë kurse në mbarë ShBA-të ka rreth 500.000 shqiptaro-amerikanë. Komuniteti shqiptar në Amerikë ka ardhur duke u forcuar mbas vitit 1991. Sot ky komunitet bie në sy si një komunitet i suksesshëm për shkollimin e lartë, për blerje shtëpish dhe regullimin e tyre shumë mirë, për hapje bisnesesh të ndryshme të cilat i ka shpënë përpara me sukses, etj.

Më tej foli z. Bushati, i cili theksoi nevojën e madhe që ka atdheu për aktivizimin e diasporës në plane të ndryshme ekonomike, kulturore, shkencoe, artistike, etj. Ai vuri në dukje se tashmë institucionet janë dhe bashkëpunimi duhet forcuar. Mos prisni që atdheu t’ju ftojë, ju duhet të tregoheni më aktivë për afrim e bashkëpunim.

Më tej u kalua në pyetje. Prof. Thanas Gjika pyeti për saktësinë e evidencave të shqiptarëve në diasporë dhe sidomos të të rinjve që po diplomohen e po mbrojnë tituj e grada shkencore në universitete të botës. A ka evidenca se sa të diplomuar jashtë kanë ardhur në Shqipëri për të aplikuar për punë dhe sa prej tyre janë punësuar atje?

Z. Bushati tha se evidenca të sakta nuk janë bërë ende, por ne na gëzon fakti që shqiptarët e diasporës së sotme dallohen për shkollimin e tyre të lartë dhe shpresojmë që së shpejti të realizojmë disa punësime të reja.

Z. Frank Zdruli kërkoi që shteti shqiptar të njohë pronat e shqiptarëve të diasporës, sepse deri sot në këtë drejtim nuk është bërë gjë.

Në fund Prof. Arben Malaj tha se lidhjet e shqiptarëve të disaporës me atdheun në rrugë zyrtare është një proces që paraqet vështirësi dhe do të kërkojë kohë që të arrihet në evidenca të sakta dhe marrëdhënie të shumanshme, por ardhja e vetë ministrit Bushati këtu tregon se ka filluar një proces i mbarë.

Më tej u kalua në ambjente të tjera ku pati një koktej të pasur dhe bisedat u zhvilluan në grupe të vogla.

Nga qyteti i Worcester-it MA, ku ka një komunitet prej rreth 20.000 shqiptaro-amerikanë, kishin ardhur për të marrë pjesë z-njtë Gregori Steffon, prof. Thanas Gjika, prof. Dhimitër Skende, John Lito (kryetar i ardhshëm i degës së Shoqërisë Vatra që po krijohet në këtë qytet) dhe Frank Zdruli, kryetar i shoqërisë “Djemtë e Shën Marisë”. Në takim me z-njën Faber ata i vunë në dukje se komuniteti shqiptar i qytetit të tyre ka një histori mbi 100-vjeçare dhe Ambasada jonë duhet të marrë pjesë në veprimtaritë kryesore të këtij komuniteti, si është psh festivali shqiptar që organizon Kisha “Fjetja e Shën Marisë” çdo dy vjet.

Z-nja Faber premtoi se do të vijë për të marrë pjesë në festivalin e ardhshëm, në qershor 2017.

Më tej iu tha z-njës Faber se amabsada duhet të ndjekë rregullisht gazetat Dielli dhe Illyria ku duhet të ndjekë krijimtarinë e shumanshme të elementëve të shquar të diasporës sonë dhe t’i afrojë të tillë elementë pa dallim bindjesh politike.

Kurse z. Steffon tha se mundësitë e diasporës shqiptare të Amerikës për të ndihmuar atdheun janë të shumta, por së pari duhet që të jetë kuadri ligjor i kompletuar dhe i garantuar se pronat u përkasin pronarëve të vërtetë dhe se nuk do të ketë më rrezikim të jetës së bisnesmenëve që vijnë nga jashtë.

Mbas këty dy ceremonive z. Bushati dhe z. Faber shkuan në ambjentet e shkollës shqipe në Boston, ku shoqëria MassBesa organizon mësimin e gjuhës shqipe me fëmijë të moshave të ndryshme…

PRESIDENTI NISHANI DO TE TAKOHET ME VATREN

September 19, 2016 by dgreca

Presidenti Bujar Nishani, në Organizatën e Kombeve të Bashkuara në Nju-Jork me ftesë të Sekretarit të Përgjithshëm, Ban Ki-moon/

Nju Jork, 19 shtator 2016/Sipas burimeve te Gazetes Dielli në SHBA, presidenti i Republikes së Shqipërisë , Shkelqesia e Tij, Bujar Nishani,i cili merr pjesë në Sesionin e 71-të të Organizatës së Kombeve të Bashkuara , do te takohet me Kryesine e Federates Panshqiptare te Amerikes me 24 Shtator 2016, c’ka është e konfirmuar.

Sipas burimeve nga Presidenca e Shqiperise, me ftesë të Sekretarit të Përgjithshëm të Organizatës së Kombeve të Bashkuara (OKB), Ban Ki-moon dhe Presidentit të Asamblesë së Përgjithshme, Peter Thompson, Presidenti i Republikës, Sh.T.Z. Bujar Nishani, së bashku me Zonjën e Parë, Odeta Nishani, në krye të delegacionit zyrtar shqiptar, merr pjesë në Sesionin e 71-të të Asamblesë së Përgjithshme të OKB-së, që do të zhvillohet në Nju-Jork.

Në këtë veprimtari të rëndësishme botërore të diskutimit të çështjeve dhe problemeve më të mprehta të kohës si ato të lidhura me paqen dhe sigurinë globale, krizën e refugjatëve dhe migracionin, përmirësimin e të drejtave të njeriut, luftën kundër terrorizmit dhe ekstremizmit, janë ftuar kryetarë shtetesh e qeverish, autoritete të tjera të larta shtetërore e të politikës botërore, si dhe drejtues të organizmave ndërkombëtare, etj.

Gjatë debatit të përgjithshëm të Sesionit të 71-të, Kreu i Shtetit shqiptar do të mbajë një fjalë duke iu drejtuar Asamblesë së Përgjithshme të OKB-së, e më pas do të marrë pjesë në Ceremoninë e Nivelit të Lartë për Hyrjen në Fuqi të Marrëveshjes së Parisit për Klimën, si dhe do të diskutojë edhe në segmentin e Nivelit të Lartë të AP-së në kuadër të 30-vjetorit të Deklaratës për të Drejtën për Zhvillim.

Presidenti Nishani do të bashkëdrejtojë me Zëvendës Presidentin e Komisionit Evropian Frans Timmermans, Tryezën e Rrumbullakët të Diskutimit të Takimit të Nivelit të Lartë mbi ndarjen të bashkuar të përgjegjësisë globale për refugjatët dhe respektimin e ligjit ndërkombëtar.

Vizita zyrtare e Kreut të Shtetit shqiptar pranë organizatës më të madhe në botë për sigurinë ndërkombëtare, zhvillimin ekonomik dhe barazinë sociale, parashikon edhe një sërë takimesh të rëndësishme dypalëshe me homologë nga Evropa si dhe nga bota.

Gjithashtu Presidenti i Republikës është i ftuar dhe do të marrë pjesë në punimet e sesionit plenar të Takimit Vjetor 2016 të Nismës Globale Klinton ku do të diskutohet për “Partneritetin e Begatisë Globale”.

Gjatë qëndrimit në Shtetet e Bashkuara të Amerikës, Presidenti Nishani do të zhvillojë takime edhe me drejtuesit dhe anëtarë të shumtë të Bashkësisë shqiptaro-amerikane si dhe do marrë pjesë në disa veprimtari të tjera me karakter ekonomik, kulturor e shoqëror ku do të vlerësojë personalitete të shquara shqiptare e amerikane me kontribut thelbësor në promovimin e vlerave atdhetare, kulturore e paqedashëse të shqiptarëve.

Presidenti Nishani do të mbajë edhe një ligjëratë në Universitetin Kombëtar të Mbrojtjes në Uashington D. C., ku do të ketë edhe takime të rëndësishme me personalitete dhe figura politike të zgjedhura në nivel vendor dhe kombëtar, si dhe do të vizitojë Memorialin kushtuar viktimave të sulmit terrorist të 11 shtatorit 2001 në Pentagon.

Vizita zyrtare e Presidentit të Republikës në Shtetet e Bashkuara do të përmbyllet në qytetin e Çikagos ku do të marrë pjesë në veprimtaritë ekonomike, kulturore dhe shoqërore në kuadër të thellimit dhe zgjerimit të marrëdhënieve të gjithanshme historike dhe strategjike shqiptaro-amerikane.

DIASPORA- Protestë e shqiptarëve para Parlamentit Evropian në Bruksel

September 18, 2016 by dgreca

Nga Rrustem Geci/

Me 17 shtator, në Bruksel para Parlamentit Evropian u zhvillua një protestë paqësore, e organizuar nga Shoqata e Shqiptarve të Brukselit, kundër keqtrajtimit të të burgosurve shqiptarë të Kumanovës, në burgjet famëkeqe, “Idrizovë”, dhe “Prilep”, nga policia fashistoide sllavomaqedone. Me këtë rast Shoqata Demokratike “Çamëria” me qendër në Hollandë, me kryetarin e saj , Festim Lato, përkrah protestën, dhe ngre zërin kundër keqtrajtimt barbar të të burgosurve shqiptar në burgjet e shtetit Maqedon. Shoqata Demokratike “Çamëria” me qendër në Hollandë kërkon ndalimin e torturave ndaj vëllëzërve tanë nëpër burgjet sllavomaqedone u shpreh Rrustem Geci, Këshilltar i Shoqatës Demokratike “Çamëria” në Dortmnund. Lirimi i të burgosurve të Kumanovës, vazhdoi Geci, është në të mirë të Maqedonisë, ndryshe, Ribashkimi i Maqedonisë Ilirike Shqipërisë , është i pandalshëm dhe vullnet i popullit shqiptar. Në këtë protestë u tha se, Shoqata Demokratike “Çamëria” me qendër në Hollandë, dhe Këshillat Ndërkombëtar të “Çamërisë në Evropë dhe Amerikë, janë dhe do të jenë në krah të popullit shqiptar në Maqedoni!