dgreca – Page 264 – Dielli

Vizita e Vjosa Omanit në Shqipëri tkurri hovin e politikes qyqare në të dy shtetet!

December 22, 2020 by dgreca

Reagim- Vizita e Vjosa Omanit në Shqipëri tkurri hovin e politikes qyqare në të dy shtetet!/

Shkruan Luan ( Asllan) Dibrani/

Gazetarët arrogant të pa cipë, të pa formuar mirë më kanë irrituar gjithmonë duke më shqetësuar deri në atë masë që të reagoj publikisht kundër tyre ,prandaj edhe këta tipat me paraqitjen e tyre kundër Vjosa Osmanit me rastin e vizitës së saj në Shqipëri.

FOTO/ Vjosa Osmani nis vizitën zyrtare në Shqip� - Syri | Lajmi i fundit

Kjo vizite dhe diskutimi i saj javën qe po e leme pas, hapi debate të shumta andaj në Shqipëri,Kosovë e ma gjerë. Kujtojmë se pas vizitës së saj në Tiranë, ku u injorua nga kryeministri Edi Rama dhe disa zëra qeverisës ,aty krah tyre me kritika boshe dolën edhe disa gazetar ,deputet të Kosovës dhe shërbëtoret e politikes qorre mbi 30 vjeçare në të dy shtetet ,qe i sollën vendeve tona paqartësi pa vizion ,varfëri ,kriminalitet dhe anarki !.

Zëri i disa gazetare kundër Vjosa Osmanin siç janë Mero Baze (Gazeta Tema) Frrok Çupi , Dritan Hila, Deputetja e AAK-së, Teuta Haxhiu,Bajram Gecaj i PDK-së etj e quan “jeniçere,fyese,te pa ditur,jo mirënjohëse,zjarrvënëse,tradhtare,argate e Albin Kurtit etj. Përmes opinionit te tyre thuhet se Kurti dhe Osmani “janë jeniçerë” të cilët po bëhen të famshëm duke sulmuar politikën e Tiranës.

Vjosa Osmani e gjykoj indiferentizmit te Shqipërisë për shumë vite ndaj Kosovës dhe neglizhencën qe kanë praktikuar te dy qeveritë në të kaluarën për shume tema por edhe për gjenocidin serb në Kosovë…

– Jo zoti Mero, Frrok Çupi , Dritan Hila, Deputetja e AAK-së, Teuta Haxhiu –Bajram Gecaj i PDK-së etj, thellohuni pak në filozofinë e politikes se kaluar të boshllëkut dhe indiferentizmit te Shqipërisë për shumë vite ndaj Kosovës ,po edhe ndaj vetvetes ,prandaj zonja Vjosa Osamani shprehi mospajtimet e saj me politiken shumë vjeçare si të Shqipërisë ashtu edhe të Kosovës, gjë qe shpalosi dhe kritikoj neglizhencën qe kanë praktikuar te dy qeveritë në të kaluarën për shume tema por edhe për gjenocidin serb në Kosovë..

Ajo nuk gjykoj vetëm politiken e Shqipërisë ne raport me ndërkombëtarizimin e Kosovës qe te radhitet përkrah popujve të lirë e të barabartë në organizatat ndërkombëtare si në OKB, në UNESCO, në INTERPOL dhe institucione tjera qe Kosova mbeti vendi ma i izoluar në botë ,po gjykoj drejt me fakte edhe Kosovën me qellim te krijimit të një uniteti me një zë pran faktorëve ndërkombëtar.

Vjosa Osmani është mike amerikane dhe bashkëpunëtore e tyre për interesin kombit për ta lëvizur politiken e pluhurosur te Shqipërisë dhe te Kosovës.

Mero Baze dhe ju te tjerë sa premtimet iu dhanë Kosovës për liberalizimin e vizave me mashtrimet e Evropës, madje edhe duke iu dhuruar dhurata .Dëshmia ma e mirë është dhe ma e freskët tkurrja e kufijve në mes Kosovës dhe Malit te zi ,po ashtu në mes Kosovës dhe Maqedonisë!!! Sot akoma kosovarët janë pa viza?

Shtrohet pyetja sa beri presion Shqiperia në faktorët ndërkombëtar, qe kjo gjë të riparohet politikisht,kur dihet qe standardet janë plotësuar !. Tutje, gazetari Bazo thotë se Shqipëria që nga vitet e 90’ta nuk ka lënë asgjë pa bërë për të mirën e Kosovës. Ndërsa sjellja e Osmanit është fyese ndaj Shqipërisë dhe mosmirënjohje e madhe. Ka gjithnjë politikanë në Kosovë që duan të bëhen të famshëm duke sulmuar politikën e Tiranës. Është një lloj kompleksi i viktimizimit të tyre, duke dashur të shpjegojnë dështimet e tyre me politikën e Shqipërisë, dhe jo me problemet e Kosovës. Zoti Mero ,Zonja Osmani nuk donë te bej karrierë sipas opinionit tuaj se ajo ma e ka krijuar karrierën dhe është një figurë nder ma te mirat qe njeh kombi i ynë. Ka studiuar në SHBA. Vjosa Osmani është mike amerikane dhe bashkëpunëtore e tyre për interesin kombit për ta lëvizur politiken e pluhurosur të Shqipërisë dhe të Kosovës.

Kritikën e saj mos e merrni si fyes, por mesazh si të veprohet në politiken e jashtme, te të dy vendeve drejt daljes nga varfëria për një prosperitet ma te mire e jo te boshatisen vendet tona nga rinia dhe shtresat intelektual duke u tretur në mërgim…

Vjosa Osmani nuk ka pse të shqetësohet prej epiteteve dhe etiketave bosh të këtyre zërave shërbëtor e një politike ditore dhe të degraduar politikisht e kombëtarisht . Ata thjesht i shërbejnë me zellin e mercenarit padronit të tyre Edi Ramës, po edhe njerëzve si Isa Mustafes në Prishtinë etj .

Zonja Osmani ne diskutimin e saj në Kuvendin e Shqipërisë mbrojti UÇK-në dhe gjykoj gjenocidin serb ,qe shkaktoi ideologjia çubrilloviçiane – milloshoviçiane dhe se fundi vuçiçane.

Zonja Osmani beri kërkesën me burrërore qe një politikan Shqiptar ka pasur kurajën te veje në dukje qe nga çlirimi i Shqipërisë ne 1912. PARLAMENTI SHQIPTAR ka detyre vëllazërore , morale , dhe historike qe ta mbështesë deri ne presjen me te fundit kërkesën e zonjës Vjosa Osmanit. Qe 30 vjet polik shterpe e Kosovës dhe Shqipërisë nuk dha përgjegjësi as kush nga kriminelet serb, me përmasa gjenocidi ,qe shkaktoi ideologjia çubrilloviçiane-milloshoviçiane- dhe se fundi vuçiçane.

Vjosa Osmani, beri kritiken e vet ndaj Gjykatës Speciale, qe po e dëmton imazhin UÇK, për disa njerëz të shtabit të përgjithshëm që janë shumë të rëndësishëm simbolikisht dhe funksionalisht. Ajo tha se duhet që Shqipëria të luajë rolin e vet. Të bëjë atë rezolutë minimale të njohjes së gjenocidit serb. E treta tha që minishengeni është bërë gabim. Shtrohet pyetja çka ka te hedhet poshtë këtu ne këto parime leksionesh kombëtare qe iu trasoj një politikane kosovare për tu zgjuar nga gjumi?

Dritan Hili gazetar thekson “ nuk ka qasje më të gabuar se të futesh në analizën e politikave të brendshme të një shteti, nëse nuk jeton aty”. Nuk ka politike më të gabuar sesa të përpiqesh të imponosh sjelljen e një shteti tjetër, çfarëdo marrëdhënie të kesh me të. Të dyja të çojnë në qorsokak. Të dyja këto gabime i bëri presidentja në detyrë e Kosovës, OsmaniI reagoj edhe Dritan Hilit, se Vjosa Osmani nuk erdhi vizitë në Shqipëri për përçarje,po erdhi tu mësoj dhe shtyje drejt një uniteti kombëtar.

Albin Kurtit dhe Vjosa Osmanit i frikësohet njerëzit e zhvatjes, kriminalitetit ,anarkisë,hajnisë e korrupsionit!!!…

Përfshirë edhe Kurtin që ka bërë një vrime në ujë në të gjitha kauzat e tij. Tani duke u kthyer në Shqipëri, dhe tek vizita e Osmanit, rishtas kemi një qasje përçarëse. Te dy figurat po neperkemben nga kjo klase politike gazetareske ,po edhe nga disa politikaj qe fatkeqësisht gjenden ne ato pozicione .Vetëvendosjes po i frikësohen te dy qeveritë në Kosove e Shqipëri. Me te drejt e kanë ketë shqetësim se Vetëvendosja do te vije dita qe do ti thyej këto barriera të koordinuar në demin e popullit tonë si në Shqipëri ashtu edhe në Kosovë kundër vlerave tona kombëtare. Zonja Vjosa Osmani,vazhdo je personaliteti ma i veçanet ,ma i shkëlqyer ,zërat e tille jemi mësuar ti dëgjojmë gjithmonë prandaj koha është për zgjuarje e jo zhvatje, kriminalitet ,anarki,hajni e korrupsion!!!…

Kriset dialogu me Serbinë, minishengeni ballkanik thembra e Akilit për Kosovën

December 22, 2020 by dgreca

Nga Eneida Jaçaj/ Po ndodh ajo që fatkeqësisht me shumë gjasa pritej! Dialogu Kosovë-Serbi, i iniciuar në Uashington më 4 shtator, dhe i ndërmjetësuar nga Bashkimi Europian, parimisht shpresohej se do të sillte paqe dhe normalizim mes dy vendeve, duke i hapur dritën jeshile bashkëpunimit ekonomik. Gjithsesi, pavarësisht përpjekjeve të SHBA dhe BE për të vendosur ura bashkëpunimi mes dy shteteve, diaologu është parë edhe me hije dyshimi, pasi Serbia nuk e njeh Kosovën. SHBA-BE menduan t’i drejtojnë vendet drejt një marrëveshjeje ekonomike, e cila më pas mund të konkretizohej edhe me njohjen e Kosovës, nga Serbia.

Por, gjatë këtyre ditëve ka patur përplasje deklaratash mes liderëve të Kosovës dhe Serbisë. Kryeministri i Kosovës, Abdullah Hoti, ka thënë se nuk do të ketë marrëveshje pa njohje reciproke, ndërsa kryeministri serb, Aleksandër Vuçiç, i është përgjigjur se, sa të jetë ai në qeverisje nuk do e njohë Kosovën. Këto përplasje në distancë dëshmojnë se dialogu Kosovë-Serbi po kriset dhe nuk do të ketë të ardhme. Situata është acaruar fill pas akuzave ndaj luftëtarëve të UÇK për krime njerëzore. Por ajo çka është më e rëndësishmja për t’u theksuar në gjithë këtë kakofoni mendimesh e qëndrimesh është minishengeni ballkanik, që mbetet të jetë thembra e Akilit për Kosovën. Krerët më të lartë të shtetit kosovar po kërkojnë me çdo kusht njohjen e Kosovës nga Serbia, në një kohë kur ende qëndron në këmbë projekti për minishengenin ballkanik. Pse i druhet Kosova minishengenit ballkanik dhe pse lidhet kaq ngushtë njohja e Kosovës me ketë projekt?

Minishengeni ballkanik

Liderët e Kosovës po këmbëngulin që dialogu me Serbinë që të ketë ecuri, duke realizuar të gjitha pikat e marrëveshjes, duhet që Serbia të njohë me patjetër pavarësinë e Kosovës. Përpos faktit që Kosova është në të drejtën e saj, në fakt në këtë rast i intereson njohja e Kosovës nga Serbia, pasi lidhet direkt me minishengenin ballkanik.

Kujtojmë se në vitin 2019, kryeministri Edi Rama së bashku me kryeministrat e Serbisë, Maqedonisë së Veriut arritën në Ohër një marrëveshje për projektin e minishengenit ballkanik, i cili konsiston në lëvizjen e lirë të njerëzve, mallrave, shërbimeve dhe kapitaleve. Projekti ka për qëllim bashkëpunimin rajonal meqenëse Bashkimi Europian po vonon integrimin. Kosova nuk u përfshi në këtë marrëveshje mes vendeve të rajonit, u la në hije, pasi Serbia por edhe Bosnja-Hervegovina nuk e njohin Kosovën, dhe nuk mund të ketë projekt kur shtetet janë në konflikt me njëri-tjetrin.

Kryeministri Abdullah Hoti por edhe ish-Presidenti Hashim Thaçi, e kanë kundërshtuar këtë projekt, me argumentin se do të risjellë minijugosllavinë, pasi Serbia e ka tregun më të zhvilluar dhe do të kontrollojë tregjet e vendeve të tjera të rajonit. Por kjo është një deklaratë që bëhet në kushtet kur Serbia nuk po e njeh Kosovën, dhe kjo e fundit nuk mund të bëhet pjesë e projektit, me të drejta të barabarta në aspektin e bashkëpunimiyt ekonomik rajonal. Pra, me pak fjalë, Kosova dëshiron të bëhet pjesë e këtij plani, por së pari duhet të njihet nga Serbia dhe Bosnje-Hercegovina. Këtë e ka konfirmuar vetë Hashim Thacci, se Kosova është e gatshme të bëhet pjesë e projektit, por fillimisht duhet njohja nga Serbia. Dhe kjo është arsyeja përse po këmbëngulet për njohjen e Kosovës, pavarësisht akuzave tensionuese ndaj projektit nga liderët e Kosovës. Kryeministri Edi Rama e vlerëson si projekt, por ka mbetur në udhëkryq pasi nëse nuk përfshihet edhe Kosova, do të bëjë figurë të keqe para shqiptarëve të Kosovës. Nga ana tjetër, Vuçiç pati deklaruar se Rama nuk është gati, pasi ndihet në presion nga liderët e Kosovës. Sigurisht që Serbisë i intereson zbatimi i këtij projekti pa përfshirjen e Kosovës, duke zhvilluar dhe zgjeruar tregun ekonomik të saj, në raport me tregjet e tjera të rajonit.

Vjosa Osmani

Minishengeni ka ashpërsuar marrëdhëniet Shqipëri-Kosovë, dhe kjo u dëshmua edhe me vizitën e Presidentes në detyrë, Vjosa Osmani, në Tiranë, e cila shkoi për t’i dhënë një shuplakë Ramës. Ajo i kërkoi Ramës miratimin e një rezolute që dënon genocidn serb ndaj popullit të Kosovës. Por kjo kërkesë e saj erdhi si një provokim për të parë sesa i gatshëm është Rama të dalë kundër Serbisë, në një kohë kur ende flitet për marrëveshjen e Ohrit, minishengenin ballkanik, pasi Shqipëria ka miratuar disa rezoluta ndër vite për dënimin e genocidit serb ndaj popullit të Kosovës. Dhe sigurisht Kosovës nuk i intereson që vendet e tjera të rajonit të bashkëpunojnë ekonomisht, dhe ajo të lihet jashtë. Në këto kushte, ekspertë të çështjeve ekonomike mendojnë se kjo nismë paraqet improvizim politik përderisa Kosova nuk trajtohet aty e barabartë për shkak se nuk njihet nga Serbia dhe Bosnje Hercegovina. Megjithatë do të ishte një projekt shumë pozitiv për rritjen e bashkëpunimit rajonal, duke përfshirë edhe Kosovën. Shpresojmë të ndodhë kështu, megjithëse njohja e Kosovës nga Serbia dhe Bosnje-Hercegovina duket shumë larg, mbase edhe e pamundur!

Palath, pelazg, e bardhë

December 22, 2020 by dgreca

NGA ASTRIT LULUSHI/

Për origjinën, kur shkenca ngec, bibla merret si pikë fillimi, dhe pastaj historia bëhet e ngatërruar. Konflikti i Adamit dhe Evës me Satanin është një vepër e krishterë e shekullit të 6-të, e përkthyer nga një origjinal arabisht. Nuk bën pjesë në kanunin e ndonjë kishe. Libri, së pari u përkthye në gjermanisht nga ku u përkthye në anglisht, dhe fillon menjëherë pas dëbimit nga Kopshti i Edenit dhe përfundon me testamentin e përkthimin e Enokut. Theks i madh është vendosur mbi hidhërimin dhe pafuqinë e Adamit në botën jashtë kopshtit, ku Gjarpri i ndëshkuar përpiqet të vrasë Adamin dhe Evën, por parandalohet nga Zoti, i cili përsëri e ndëshkon Gjarprin duke e bërë atë memec. Satani gjithashtu përpiqet të mashtrojë dhe të vrasë Adamin dhe Evën disa herë. Por Zoti i shpëton dhe e krahason këtë ngjarje me Ringjalljen e ardhshme të Krishtit. Kaini vrasësi i parë, përshkruhet si tepër ‘i keq’. Pasardhësit e tij bëhen Nefilimë – (të parët), “njerëzit e fuqishëm” të Zanafillës.
Zoti parashikon edhe disa ngjarje të tjera biblike në të ardhmen, përfshirë Noen dhe përmbytjen e madhe. Pasardhësit e Noas themeluan nga një komb, dhe secili komb formoi gjuhën e vet. Konfuzioni ndodhi në kohën e Pelegut, birit të Eberit, që ishte biri i Semit, birit të Noes. Pelegu ishte i pari i Pellazgëve, i cili fillimisht u vendos poshtë malit Ararat, vend pushimi mitik i Arkës së Noes, siç përmendet në Librin e Zanafillës.
Është pranuar se Pellazgët ishin paraardhësit e lashtë të fiseve proto greke. Herodoti dhe autorë të tjerë antikë tregojnë që Pellazgët erdhën përpara se Grekët të vendoseshin në Greqi, Azinë e Vogël dhe në shumë pjesë të Italisë. Me emrin e Pellazgëve në kohërat antike u quajt Gadishulli i Peloponezit, dhe ndoshta kulti i perëndeshës Athena-Pallada, nga vjen fjala “Palladium”, imazhi prej druri i një perëndeshë. Qyteti që zotëronte palladiumin konsiderohej të ishte nën kujdesin e perëndeshës. Rreth palladiumit, që ruhej në Trojë, ekzistonte një legjendë që ai ra nga qielli. Pasardhësit e Eneas e sollën atë në Romë dhe që atëherë palladiumi u mbajt në tempull. Hesiodi thotë se Enea ishte një paraardhës i Adriatikut Veneti (Heneti) në Etruria. ‘Pelasg’ vepron si përfaqësues i popullsisë autoktone të Italisë. Është e mundur që një pjesë e Pellazgëve, gjatë zhvendosjes, të kenë shkuar fillimisht në Arkadia dhe prej andej në Itali. Kjo u dha shkas autorëve të mëvonshëm t’i thërrisnin me një emër të ri Pellazgët italianë – Arkadët. Është gjithashtu domethënës, për shembull, që emrat e popujve baltikë të Letonisë, Lituanisë dhe popullit të Italisë – Latinët kanë të njëjtën rrënjë – Lat, duke ruajtur lidhjen me emrin antik të Pellazgëve (Palathi)
Etimologjia e emrit “Pellazg” është e ngjashme me shqipen e “bardhë”, me të njëjtin përkthim ruajtur në kuptimin origjinal në gjuhët latine dhe balto-sllave. Krahaso baltas (lituanisht) – beliy (rusisht) – do të thotë ‘e bardhë’, balts (letonisht) – do të thotë ‘e bardhë’, blanc, alba (latinisht) – do të thotë ‘e bardhë’.
E njëjta origjinë, që do të thotë ‘e bardhë’ është termi ‘Baltika (Baltik)’ – përmes formës më të lashtë ‘Plada’, që rrjedh nga etnonimi – Palathi (Pellazgë). Gjithashtu në kufirin me Lituaninë dhe Letoninë janë edhe Bjellorusët, në etnogjenezën e të cilëve morën pjesë edhe fiset Balltike. Nuk është rastësi që një nga emrat historikë të Bjellorusëve ishte Baltorusët, që do të thotë ‘rusë të bardhë’. Pasardhësit e Pellazgëve ose të lidhur me Pellazgët, mund të jenë shfaqur në Shtetet Balltike në 1300 – 1200 para erës sonë, pasi morën pjesë në Luftën e Trojës. Pellazgët luftuan në anën e Trojanëve dhe pas disfatës, një pjesë e tyre, si Lelegët, Brezhanët, Dardanët, Veneti, etj., të kryesuar nga Enea migruan nga Troja në Itali, duke sjellë këtu emrin e etruskëve (Etruria).

MBI 250 MJEKË SHQIPTARË NË ZVICËR TË PËRFSHIRË NË BETEJËN NDAJ CVODI-19

December 22, 2020 by dgreca

MBI 250 MJEKË SHQIPTARË NË ZVICËR TË PËRFSHIRË NË BETEJËN NDAJ CVODI-19

Dr. Faton Zeneli, mjek i Kirurgjisë Abdominale në Spitalin e Sankt Gallenit në Zvicër rrëfen ekskluzivisht për gazetën DIELLI, Organ i Federatës Panshqiptare të Amerikës VATRA, New York, situatën e pandemisë në Zvicër dhe gjëndjen e shqiptarëve në shtetin helvet. Sipas dr.Zenelit janë më shumë se 250 mjekë shqiptarë që janë angazhuar në frontin e “luftës” në betejën ndaj Covid-19. Me Dr. Faton Zenelin bisedoi gazetari i “Diellit” Sokol PAJA.

SITUATA E COVID-19 NË ZVICËR

Si çdo vend tjetër edhe Zvicra po ballafaqohet me pandeminë globale Covid-19. Duke patur parasysh valën e parë të pandemisë, e cila ishte më e lehtë, falë masave që ndërmori Shteti i Zvicrës, vala e dytë disi filloi me një hov më të madh përhapje. Se çfarë po ndodh aktualisht në Zvicër, dimë që diku mbi 80% të Terapive Intensive janë të mbushura me pacientë Covid. Shifrat momentale të infektimit sillen diku rreth 400.000 të infektuar, prej tyre 311.000 të shëruar dhe gati 6000 të vdekur. Për këtë arsye po përflitet që pas 18.12.2020 të merren masa edhe më të ashpra në lidhje me vetëmbrojtjen ndaj Covid-Pandemisë. Ardhja e Vaksinave është shumë e mirëpritur, mirëpo egziston një habi në popull duke pasur parasysh se komplikacionet e mëvonshme janë ende të paqarta. Nga fundi i vitit e me së largu nga Janari 2021 do të fillohet me vaksinimin e popullsisë së pari me moshat e treta, pastaj punonjësit e shtëpive të pleqëve dhe pastaj punonjësit shëndetësor.

COVID DHE SHËNDETI MENDOR I POPULLSISË

Duke qënë se jemi në Valën e dytë të Pandemisë, ekspertët kanë mundur të nxjerrin të dhëna, përsa i përket dhunës në familje dhe shoqëri. Për momentin deri sa po shkruajmë, raportohen diku rreth 30% më shumë raste se pas valës së parë të pandemisë. Përsa i përket shëndetit mendor, po vuajnë më së shumti moshat mbi 65 vjeç, që nga aspekti social ndihen të izoluar dhe vuajnë nga sëmundje kronike. Përsa i përket divorcit, nga viti në vit ka patur rritje, ndërsa edhe këtë vit është rritur numri i divorceve (mbi 15000 divorce në vit). Sa i përket specialitetit që unë ushtroj në mjeksi, për momentin në shumë spitale janë reduktuar operacionet e planifikuara, dhe kryhen vetëm operacionet urgjente ose mund të operohen pacientët me tumore nëse aspekti kirurgjik është mëse i nevojshëm.

SITUATA E KOMUNITETIT SHQIPTAR NË ZVICËR

Duke u bazuar në të dhënat statistikore zyrtare, në Zvicër jetojnë mbi 300.000 shqiptarë. Falë Zotit integrimi i gjeneratave të reja është i shpejtë dhe pa asnjë pengesë. Mbi 250 mjekë për momentin veprojnë në Zvicër, informacionet dhe vetëdijësimi lidhur me pandeminë Covid-19 nuk është duke munguar. Lëvizjet e shumta të emigranteve dhe malli për Atdheun po e bëjnë menaxhimin e pandemisë paksa më të vështirë. Diku rreth 30% e komunitetit shqiptar ende nuk besojnë në Pandeminë Covid 19. Me thënë të drejtën, kjo përqindje e madhe na ka vënë në vështirësi edhe neve si staf mjekësor. Sido që të jetë, ne jemi të hapur që të flasim më shumë dhe vetëdijësimi të arrijë kulmin e të kuptuarit të pandemisë dhe rrezikut. Duhet një kujdes i shtuar dhe ndërgjegjësim për qasjen ndaj pandemisë.

TURIZMI NËN EFEKTIN E PANDEMISË GLOBALE

Aktualisht po i përmbahemi masave të ndërmarra nga autoritetet shëndetësore të shtetit Zvicërian. Unë jetoj në qytetin e Ëinterthurit, Kantoni i Zürichut, ndërsa punoj në Spitalin e St.Gallenit-Kantoni Sankt Gallen. Jo më pak se një vit më parë në këtë kohë (2019), njerëzit kishin të tjera shqetësime, se si ti gëzonin të afërmit e tyre me dhuratat e Krishtlindjeve dhe Vitit të Ri, ndërsa tani sheh njerëz të maskuar duke u mbrojtur nga të gjitha anët dhe me sy të kthyer nga Ministria e Shëndetësisë së Zvicrës, se çfarë masash do ndërmarrin në fundin e javës. Normal se në qytetet e Zvicrës por edhe në malet e Zvicrës mungojnë turistët, në krahasim me vitet e tjera. Në përgjithësi ka diku 20-30% më pak turistë se në vitin e kaluar. Prej 12.12.2020 u ndalua puna e restoranteve, pubeve mbas orës 19 :00 në mbrëmje, ndërsa të dielave do qëndrojnë mbyllur edhe marketet e mëdha nëpër stationet e trenit, ku orari i punës para një viti ishte 365 ditë hapur. Priten të merren masa edhe më të ashpra nga 20. 12.2020. Jo vetëm qyteti ku jetoj, por në çdo qytet, jeta dukej disi me ndryshe. Njerëzit janë të hutuar.

VAKSINAT ANTICOVID NË ZVICËR

Brenga kryesore më herët ishte, pse nuk ka vaksinë kundër Covid, ndërsa tani kur vaksina është bërë publike, lindin pyetje të tjera: A duhet të vaksinohemi? Cilat janë komplikimet që sjell vaksina? Sa është e dëmshme vaksina tek unë me sëmundjet kronike që vuaj? Vaksina Anticovid, normal si në çdo vend tjetër, ashtu edhe Zvicra, bazohet më së shumti në të dhënat ose studimet që janë bërë me vaksinën anticovid. Për momentin Sëissmedic ka tri vaksinat, të cilat i kontrollon përbërjet para se të jepet drita jeshile dhe në fund vendos për fillimin lidhur me vaksinimin e popullatës. Mbetet shumë për tu parë në të ardhmen sesi do të zhvillohet situata e pandemisë. Për momentin jemi në valën e dytë dhe nëse Ministria e Shëndetësisë i ashpërson masat lidhur me vetmbrojtjen dhe fillon sa më shpejt ashtu siç parashikohet me vaksinimin, mendohet se Pranvera e 2021 do të jetë më shpresëdhënëse dhe do të jemi çliruar prej virusit vdekjeprurës.

NJË URIM PËR DIASPORËN NË USA

Lexuesve të gazetës Dielli si dhe të gjithë Shqiptarëve në Shtetet e Bashkuara të Amerikës i deshiroj së pari shumë shëndet dhe motivim për ta përballuar të keqen që na mundon prej 1 viti. Ju bëj thirrje të gjithë bahskëkombasve të mi që të respektojnë protokollet e shëndetësisë dhe të vetëdijësohen për rrezikun që sjell neglizhenca në përballje me këtë pandemi globale. Bashkë do ia dalim ta mposhtim virusin vdekjeprurës.

PROF. DR. RIFAT LATIFI: GJITHË ENERGJINË DHE KAPACITETET E MIA DO TI JAP PËR VATRËN

December 21, 2020 by dgreca

-Sot Prof. Dr. Rifat Latifi gjatë vizitës në Vatër u anëtarësua në Federatën Panshqiptare të Amerikës”VATRA” dhe dhuroi $1,000.00(Një mijë dollarë)

Nga Sokol PAJA/

Dr. Rifat Latifi , kryetar dhe Profesor i Kirurgjisë në Kolegjin Mjekësor të New York, Shkolla e Mjeksisë dhe Drejtor i Departamentit të Kirurgjisë në Rrjetin Shëndetësor të Qendrës Mjekësore Westchester në Valhalla, New York vizitoi Federaten Panshqiptare të Amerikës VATRA. Në takimin vëllazëror Dr. Rifat Latifi Shefi i Kirurgjisë së Përgjithshme në Qendrën Mjekësore Westchester dhe anëtar i Kolegjit Amerikan të Kirurgëve (ACS), Kolegjit Ndërkombëtar të Kirurgëve (ICS) dhe të Kolegjit të Kirurgëve të Kosovës u prit nga kryetari i Vatrës z.Elmi Berisha dhe përfaqësia më e lartë e kryesisë së Vatrës si nënkryetari Besim Malota, Anëtari i Kryesisë Anton Raja e Mark Mrnaçaj, Arkëtari Marjan Cubi dhe gazetari i Diellit Sokol Paja.

Në takimin mikëpritës vëllazëror kryetari Elmi Berisha deklaroi: “Mirësevjen në Vatër Prof. Rifat Latifi.Për mua personalisht, për Vatrën dhe çdo vatran është një ditë shumë e gëzuar teksa në mesin tonë kemi një mjek, një patriot, një shqiptar dhe një profesor të mirënjohur në nivel ndërkombëtar. I dashur Profesor Latifi, ju jeni figurë e jashtëzakonshme që na bën krenarë të gjithëve, jeni një profesionist i shkëlqyer dhe një njeri me zemër të madhe që shërben me përkushtim duke dhënë kontributin tuaj të vyer dhe të pakushtëzuar në ndihmë të njerëzve e bashkepatrioteve shqiptarë. Sukseset tuaja për ne janë një motivim i madh. Dr. Rifat Latifi si Kryetar dhe Profesor i Kirurgjisë në Westchester në Valhalla, New York, si autor ose bashkëautor i më shumë se 330 artikujve dhe kapituj librash dhe autor / redaktues i 20 librave, arritje këto që na bëjnë të ndjehemi krenarë dhe të përulemi para kontributit e vepres suaj të jashtëzakonshme shkencore.

Prof.Latifi shërben në bordet editoriale të shumë revistave ndërkombëtare. Prof. Latifi është anëtar i një numri të organizatave të shumta kirurgjikale shtetërore, kombëtare dhe ndërkombëtare. Kemi kaq shumë për të thënë për këtë mjeshtër duarartë në kirurgji, për këtë profesionist shembull të lartë për kirurgët e rinj, një shembull i njeriut human dhe punëtor, i palodhur dhe që na bën krenar anembanë botës.

Mirësevjen në Vatër profesor, në këtë shtëpi të madhe të të gjithë shqiptarëve” përfundoi kryetari i Vatrës Elmi Berisha në fjalën mikëpritëse. Dr. Rifat Latifi u shpreh shumë i lumtur për pritjen në Vatër dhe theksoi se të gjitha kapacitetet e tij dhe mundësitë e tij do i vërë në shërbim të Vatrës në të ardhmen. Prof.Latifi ndër të tjera theksoi: “Jam shumë i gëzuar që jam sot në mesin tuaj. U gëzova shumë kur erdha dhe e gjeta derën e Vatrës të hapur. Kjo derë duhet të qëndrojë e hapur përgjthmonë për secilin prej nesh që të kontribuojmë me aq sa mundemi. Unë kam qenë pjesë e Vatrës që kur kam qenë në specializim në Yale University në vitet 90. Përveç gëzimit që përjetoja në sallat kur operacionet dilnin me sukses, gëzimi dhe kënaqësia e dytë ishte kur vija në Vatër. Edhe pse kam shetit shumë shtete të botës dhe Amerikës, kurrë Vatrën nuk e kam hequr nga zemra e mendja ime. Lidhja me Vatrën është një lidhje me atdheun, me tokën tonë, kjo lidhje e shënjtë duhet të adaptohet dhe të respektohet prej të gjithëve neve sa jemi e kudo që jemi. U jam mirënjohës për ftesën z.kryetar, por ju nuk duhet të na ftoni, ne duhet të vijmë vetë këtu. Se kjo është toka jonë, kjo është Shqipëria jonë, Kosova jonë, struktura jonë, krejt jeta jonë. Para 20 vitesh ne filluam implementimin në Kosovë të telemjeksisë e teleshëndetësisë. Ishte një hap gjigand për kohën, ndërsa sot krejt bota e ka adaptuar atë sistem. Sot Shqipëria ka 47 qendra të telemjeksisë ndërsa Kosova ka vetëm 9 qëndra. Ne e kemi pasur si vizion që tash 20 vjet. Ne sapo kemi themelu Kolegjin e Kirurgëve të Kosovës. Kemi lidh besë për me e ndërru faqen e mjeksisë shqiptare. Ne duhet të ndihmojmë sa më shumë shtetin tonë e kombin shqiptar. Nëse para 30 vitesh do më thonte dikush se do ishe pjesë e një tavoline, e një zyre, e një organizate ku ka kontribu Noli e Konica do më dukej si një ëndërr e largët. Të jesh sot në Vatër është nder dhe krenari. Sot përbetohem se krejt energjinë time fizike, kapacitetin tim shkencor e intelektual kam për t’ia dedikuar kauzës me të cilën Vatra jeton tash e më shumë se një shekull” përmbylli fjalimin e tij Dr. Rifat Latifi. Në përmbyllje të takimit vëllazëror, Prof Latifi u anëtarësua në Vatër dhe u deklaroi kryetarit dhe vatranëve se do të jetë kurdoherë në shërbim të vatrës e axhendës patriotike e diplomatike që ka Vatra ka në dobi të çështjes kombëtare.