Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PDIU në Fier – Idrizi , paralajmëron daljen nga Koalicioni i së majtës

by

PDIU në Fier – Idrizi “presion” mazhorancës: Zbato marrëveshjen, ose dalim nga koalicioni/Pas Vlorës, Partia për Drejtësi Integrim dhe Unitet në kuadër të zgjedhjeve të 21 majit brenda partisë ka zhvilluar një takim me strukturat e saj në qytetin e Fierit.

Në fjalën e tij, kreu i PDIU-së Shpëtim Idrizi i bëri thirrje mazhorancës të zbatojë marrëveshjen e firmosur mes palëve, ndryshe do të dalë nga koalicioni.

Idrizi: Ne do të dimë të bëjmë presionin tonë dhe kush ka bërë marrëveshje me ne, asaj marrëveshje do ti shkojë deri në fund sepse ndryshe PDIU nuk do ta ketë më me vete. Votat tuaja, mbështetja juaj, janë obligim për ne. Është e pafalshme që ky vend që ka mundësi pa fund të jetojë sot në varfëri, të mos ketë politika sociale. Kjo është arsyeja pse ne morëm nismën e pensionit social që sot është një realitet.

Deputetja, Mesila Doda, pasi kujtoi nismat e ndërmarra nga PDIU, vuri në dukje faktin se kjo forcë politike nuk është një parti vetëm për çështjen çame, por u shërben të gjithë shqiptarëve.

Doda: Askush prej nesh nuk mund të na mbërthejë dhe të themi ne do jemi vetëm për një arsye dhe për një çështje. Jo ne jemi në shërbim të njerëzve, të shqiptarëve, çështjes çame, kauzës kombëtare dhe ndarjes së këtij vendi nga e kaluara.

Kreu i PDIU përshëndëti vendimin për anëtarësimin e Kosovës në UEFA.

Mogherini në Kosovë, flet në seancë solemne të Kuvendit

by

PRISHTINË, 4 Maj 2016/ Kuvendi i Republikës së Kosovës mblidhjet nesër në një seancë solemne, një ditë pasi Komisioni Evropian propozoi heqjen e vizave për qytetarët kosovarë.

 Adresimi i Përfaqësueses së Lartë të  Bashkimit Evropian për Punë të Jashtme dhe Politika të Sigurisë /Zëvendës Presidente e Komisionit Evropian, Federica Mogherini, deputetëve të Kuvendit të Republikës së Kosovës, është e vetmja pikë në axhendë.

Seanca solemne e Kuvendit të Kosovës nisë në orën 16:00./b.j/Foto-Arkiv

Promovimi i dhimbjes në Detroit

by

Akademikët Kosovarë  ishin mysafirë të  degës së Vatrës në Miçigan dhe të Kishës “Zoja Pajtore”./

 NGA MONDI RAKAJ-Nën/Kryetar i Degës së Vatës në Michigan/

Me datën 1 Maj 2016,  u promovuan librat dhe dokumentarët e dy kolosëve të letrave shqipe nga Kosova: Dr. Dom Lush Gjergji dhe Dr. Nusret Pllana . Akademikët Kosovarë  ishin mysafirë të  Vatrës Miçigan dhe të Kishës “Zoja Pajtore”. Promovimi i librit të plotë të  Prof. Dr. Nusret Pllana  , “Terrori i Serbisë Pushtuese mbi Shqipëtarët 1844-1999” dhe filmat dokumentarë , “Shoqata  Humanitarë Bamirse Nëna Terezë” dhe “Dëshmitë e Heshtura” ishin dhe arsyeja e këtij takimi.

Fjalën e hapjes e mbajti Akademiku  Dr.Gjeke Gjelaj, i cili  pasi i uroj mirëseardhjen miqve , bëri një ekspoze të veprës së Prof. Pllanës., i cili lartësoi veprën e Pllanës si unike. Gjithashtu ai vlerësoi veprën e Dr.Dom Lush Gjergji , si një  nga biografitë më të spikatura në botë , që ka  shkruar për Nënë Terezën deri më sot.

Dr. Dom Lush Gjergji , si reçensor i veprës së Prof.Pllanës, shpjegoi rëndësinë e veprës së Pllanës, si një vepër që  i ka kaluar kufinjtë e Kosovës dhe Shqipërisë me kohë…Ai ndër të tjera përmendi dhë shenjtërimin e Nënë Terezës, ku porositi , që shqiptarët duhet ta imitojnë Nënë Terezën, që të lartësojnë veten si shenjë obligimit ndaj  Shenjëtores.

Rita Gjelaj , drejtuesja e takimit shpjegoi , se takimi është i një vlere të veçantë , për vetë promovimin e veprave të tilla që vijnë nga kolosë si , Dr. Lush Gjergji dhe Prof. Pllana.

Në takim merrnin pjesë dhe përfaqësuesit e shoqatave në Miçigan.

Zoti Kujtim Qafa , përshëndeti në emër të Vatres  dhe kryetarit Alfons Grishaj . Ai shpjegoi  përse Vatra kishte zgjedhur Kishën “ Zoja Pajtore” për të zhvilluar takimin . Ai falemnderoi të pranishmit dhe veçanërisht, Dom Ndue Gjergjin dhe çiftin Gjekë dhe Rita Gjelaj, të cilët kishin mbajtur peshën kryesore të këtij takimi. Në këtë takim përshëndetën dhe , Luigj Gjokaj , Sekretari i” Shoqatës Malësi e Madhe” ,  Marash Nucullaj, Kryetar  i “Liga Shqiptaro-Amerikane” Miçigan,  Mikel  Dema , Kryetar  i  “Shoqatës Kosova”  Anton Lajçaj , Kryetar  i “ Shoqatës Rapsha” Dom Anton Kqira, Zef Pergega. Dom Fred Kalaj, Dom Ndue GJergji.Për këtë eveniment kishin ardhur nga Toronto , pjestarë nga “Shoqata e Bashkëssisë Shqiptaro-Kanadeze”, Ramazan Këllezi me të bijen Uarda, Dr. Ruki Kondaj, Gaz Kondaj, Iliaz Loku dhe  Murat Hashani. . Gjithashtu ishte i pranishëm nga Kanadaja , ish luftetari i UÇK, Bedri Toqani, i cili ishte dhe shoqëruesi i Z. Pllana. Dr. Rukie Kondaj dhe Ramazani përshëndetën në emër të organizatës qe përfaqesonin…

Dr. Pllana , pasi falenderoi Vatrën , me  Z. Buçaj  në krye ,kishën Zoja Pajtore me në krye Dom Ndue Gjergji, Z. Alfons Grishaj dhe Edmond Rakaj,  etj… Ai theksoi ndër të tjera , “ Unë jam njeriu më i pasur në botë , sepse unë  kam me vete mbi 400 mijë martirë të Kosovës”!

Nga Vatranët merrnin pjesë , Zv/ Kryetari Edmond Rakaj , Dr. Gjekë Gjelaj , Gjevalin Gega , Valentin Lumaj,Petrit Doda, Gjon Kaçaj, Rafael Floqi, Sokol Kalaj, Gjergj Filipi,Gjergj Krasniqi, Gjovalin Gjelaj etj…Në këtë takim morën pjesë dhe ALB TV USA , me President Gani Vila   dhe ACTV me Drejtor Eduard Aliko. Kryetari i Vatrës Miçigan , Alfons Grishaj ,  pas takimit , e vlerësoi si një takim model , duke falemderuar personalisht kokë pë kokë kryetarët e shoqatave dhe veçanarisht Kishën “Zoja Pajtore” me në krye Dom Ndue Gjergjin , i cili si gjithnjë ka ndihmuar  raste  të tilla me përkushtim dhe bujari të pashoqe. Një falemnderim i veçantë ishte për çiftin Gjelaj,  që drejtuan me kompetencë takimin. Gjithashtu një falemnderim shkon  dhe për Valentin Lumaj , i cili  për dy ditë  punoi me projektorin për dy dokumentarët e rëndësishëm. Po një falemnderim i vëçantë ështe dhe për TV ALB USA.

Michigan me, 3 Maj 2016

Një kompjuter në syrin e njerëzve nga Google

by

Google, kompania që do të jetojë gjithmonë vazhdon të përbëjë lajme interesante për njerëzit, teksa ka krijuar një patentë për të vendosur një kompjuter në syrin tënd. Në patentën që është dorëzuar në 2014 dhe që u publikua javën e kaluar, Google e quaj këtë pajisje “një lente elektronike që mund të përdoret për të kontrolluar fuqinë optike të pajisjes”, që do të ushqehet nga një “antenë e thithjes së energjisë”. Kjo pajisje injektohet në kapsulat e lenteve për sytë që nuk është se tingëllon shumë bukur në fakt, shkruan The Verge. Google përmend një tufë sinjalesh që mund të dërgohen nga pajisja si GPS, LTE dhe NFC të cilët mund të qëndrojnë shumë mirë brenda trupit të njeriut. The Verge shkruan se nuk e di se si do të veprohet në këtë fushë, por kjo pajisje mund të ndihmojë personat që kanë probleme me shikimin. “Kush e di, ndoshta Google vjen me diçka që e bën Google Glass të duket një alternative modeste”

Presidenti Thaçi prezanton prioritetet para ambasadorëve të BE-së

by

-Ambasadorët bënë thirrje që të shfrytëzohet momentumi i lajmeve të mira për Kosovën, për të dinamizuar procesin e zhvillimit ekonomik të Kosovës/PRISHTINË, 4 Maj 2016-B.Jashari/ Presidenti i Republikës së Kosovës, Hashim Thaçi, ka pritur sot në takim ambasadorët e të gjitha shteteve të Bashkimit Evropian, vetëm pak orë para vendimit të Komisionit Evropian për liberalizmin e vizave.

Para ambasadorëve, presidenti Thaçi ka shpalosur edhe prioritetet e tij për mandatin pesëvjeçar. “Sundimi i së drejtës, zhvillimi ekonomik, bashkëpunimi rajonal, anëtarësimi në NATO dhe në BE janë fushat në të cilat do të angazhohem më së shumti”, ka thënë Thaçi para korit diplomatik, duke shtuar se prioritetet e tij janë vetëm pasqyrim i aspiratave të vetë qytetarëve të Kosovës, që të jetojnë me dinjitet dhe prosperitet. Ai ka thënë se anëtarësimi i djeshëm në UEFA, ambiciet për medalje në Lojërat Olimpike, por edhe rekomandimi për liberalizim të vizave, janë disa nga lajmet e tjera të mira që po i përjetojmë apo që po i presim me padurim. 

Më pas, presidenti Thaçi ka falënderuar të gjitha shtetet për përkrahjen që kanë dhënë vazhdimisht për fuqizimin e shtetit të Kosovës.“Si president do të inkurajoj amendamentimet e ligjeve ekzistuese apo hartimin e ligjeve të reja për të mbushur çdo boshllëk që mund të gjendet. Përpilimi i një manuali për vendimet gjyqësore, forcimi i transparencës dhe përgjegjësisë së gjyqësorit janë disa nga hapat që i nevojiten Kosovës. Inkurajuese janë edhe lajmet nga ekonomia dhe konfirmimet e trendit pozitiv”, ka thënë ai.Presidenti ka shtuar se fillimi i zbatimit të MSA-së është një prej lajmeve më të mira për bizneset vendore, sepse tregu i Evropës tashmë po hapet për prodhuesit kosovarë.

Ai ka folur edhe për dialogun me Serbinë, si rrugë e vetme për paqe dhe stabilitet të qëndrueshëm në Kosovë.Presidenti Thaçi ka thënë se do të vazhdojë ta përkrahë këtë proces dhe është i gatshëm të kontribuojë sa herë të jetë e nevojshme.“Besoj se janë pjekur kushtet që i tërë procesi i dialogut mes Kosovës dhe Serbisë të kalojë në një nivel tjetër”, ka shtuar ai.Duke folur për luftën kundër terrorizmit, presidenti Thaçi ka thënë se me të drejtë jemi cilësuar lider në rajon në luftimin e radikalizmit dhe ekstremizmit.Në anën tjetër, ambasadorët e shteteve të Bashkimit Evropian e kanë përgëzuar presidentin Thaçi për anëtarësimin e Kosovës në UEFA.Ata i kanë ofruar mbështetje për prioritetet e tij në sundimin e së drejtës dhe në procesin e anëtarësimit të Kosovës në BE dhe NATO.Gjithashtu, ambasadorët bënë thirrje që të shfrytëzohet momentumi i lajmeve të mira për Kosovën, për të dinamizuar procesin e zhvillimit ekonomik të Kosovës.