PRISHTINË, 19 Nëntor 2015/ Ministri kosovar i Punëve të Brendshme, Skender Hyseni priti sot në takim komandantin e KFOR-it, Guglielmo Luigi Miglietta.
Në këtë takim, u diskutua lidhur me çështjen e sigurisë dhe zhvillimet e fundit në Republikën e Kosovës. Me këtë rast, ministri Hyseni vlerësoi punën e Policisë së Kosovës në realizimin e planit të saj operativ, përkundër vështirësive dhe sjelljes së protestuesve.
Ndërsa, komandant i KFOR-it, Miglietta e siguroi ministrin Hyseni se Policia e Kosovës do të këtë përkrahjen e plotë nga ana e trupave të KFOR-it, në kuadër të përgjegjësive që ka KFOR-i në Kosovë, në ruajtjen e rendit dhe ligjit.
Po ashtu, ai e përgëzoi punën e Policisë së Kosovës në ruajtjen e rendit dhe qetësisë për qytetarët e Republikës së Kosovës, njoftoi ministria./b.j/
Ambasadat e Quintit: Dhuna politike dëmton Kosovën
-Deklaratë nga ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës: Apelojmë për respektim të sundimit të ligjit, procedurave demokratike, dhe normave ndërkombëtare/
Nga Behlul Jashari/ PRISHTINË, 19 Nëntor 2015/ Ambasadat e Francës, Gjermanisë, Italisë, Mbretërisë së Bashkuar, dhe Shteteve të Bashkuara në Prishtinë, dënojnë përdorimin e vazhdueshëm të dhunës për arritjen e qëllimeve politike.
“Apelojmë për respektim të sundimit të ligjit, procedurave demokratike, dhe normave ndërkombëtare”, theksojnë pesë ambasadat në deklaratën e sapodërguar.
“Dhuna politike është e papranueshme dhe dëmton interesat e qytetarëve të Kosovës dhe pozitën ndërkombëtare të Kosovës. Ajo nuk i sjell dobi askujt”, vijon deklarata.
“Ne përgëzojmë Policinë e Kosovës për profesionalizmin dhe theksojmë rëndësinë që ka bindja ndaj ligjit nga ana e të gjithë qytetarëve, pa marrë parasysh rangun apo pozitën”, përfundohet në deklaratën nga ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara.
November 19, 2015
Statement of the Embassies of France, Germany, Italy, the United Kingdom, and the United States
The Embassies of France, Germany, Italy, the United Kingdom, and the United States in Pristina condemn the continued use of violence to achieve political goals. We call for respect for the rule of law, democratic procedures, and international norms. Political violence is unacceptable, and damages the interests of Kosovo citizens and Kosovo’s international standing. This benefits no one. We commend the professionalism of the Kosovo Police and stress the importance of all citizens, regardless of rank or position, abiding by the law.
Kosovë-Ditë dhune, drojë nga konflikti qytetar
“Drojë nga konflikti qytetar”, thekson shtypi i sotëm i Kosovës në një nga titujt. Ndërsa, kryetitujt e ballinave janë: “Shteti me polici, opozita me vandalizëm” – te gazeta Koha Ditore, “No comment!” – te Zëri, “Dhuna nuk i sjell favore asnjërës palë” – te Epoka e Re, “Protesta të dhunshme! Gurë dhe gaz lotsjellës, arrestime dhe kërcënime!” – te Bota Sot, “‘Luftë’në Prishtinë, Thaçi e Mustafa fshihen në Bruksel” – te Kosova Sot/
-Qeveria e Kosovës deklaroi mbrëmë se, dënon ashpër dhunën e skajshme të manifestuar nga opozitarë të dhunshëm nëpër rrugët e kryeqytetit, e cila ka arritur përmasa absurde, duke e tejkaluar çdo kuptim/
-Ministri i Punëve të Brendshme, Skender Hyseni, do të mbajë sot konferencë shtypi, ku do të flasë lidhur me zhvillimet e fundit në aspektin e sigurisë në Republikën e Kosovës/
-Opozita paralajmëron: Kundërshtimi aktiv do të rritet për çdo ditë e më shumë. Nuk mund të ketë normalizim ngase Kosova po rrezikohet nga defunksionalizimi dhe ndarja etnike/
Nga Behlul Jashari/ PRISHTINË, 19 Nëntor 2015/ “Shteti me polici, opozita me vandalizëm”, është kryetitull në ballinën e shtypit të sotëm kosovar për zhvillimet e djeshme në Prishtinë.
Koha Ditore shkruan se, dita e mërkurë në Prishtinë ka nisur me aksionin e Policisë për të arrestuar katër deputetë opozitarë të dyshuar për veprën penale të përdorimit të armës apo mjetit të rrezikshëm për shkak të hedhjes së gazit lotsjellës në Kuvend.
U arrestua Donika Kadaj-Bujupi e AAK-së, derisa tre deputetët e VV-së – Albin Kurti, Albulena Haxhiu e Faton Topalli – nuk u zunë nga Policia.
Arrestimit opozita iu përgjigj me protesta, të cilat gradualisht eskaluan në përplasje mes opozitarëve dhe Policisë, ku nga njëra anë u përdorën gurë e kokteje molotovi, e nga tjetra gazi lotsjellës.
Vendimi i pasdites për 30 ditë paraburgim për deputeten e AAK-së nxiti përshkallëzimin edhe më të madh të protestave, të cilat deri në orët e mbrëmjes degraduan në vandalizëm dhe shkatërrim të pronës.
Me rënien e territ, përplasja u ndal, por rrugëve të qytetit mbetën pasojat e saj, derisa gjasat për një zgjidhje të situatës duken edhe më të largëta, shkruan gazeta.
“Drojë nga konflikti qytetar”, është një nga titujt tjerë të gazetës, ku theksohet: “Pushteti e subjektet opozitare kanë ashpërsuar gjuhën midis tyre. Përfaqësuesit diplomatikë janë marrë me motivet që kanë prodhuar këtë situatë. E analistët kanë folur për një momentum të ri në skenën politike, të krijuar nga e mërkura, e që, sipas tyre, mund të përshkallëzojë në konflikt qytetar”.
Ndërsa në një nga shkrimet theksohet se, “analistët kanë folur për një momentum të ri në skenën politike, të krijuar nga e mërkura, e që, sipas tyre, mund të përshkallëzojë në konflikt qytetar”.
“No comment!”, është kryetitulli te Zëri, ku shkruan, se arrestimi dhe paraburgosja e deputetes së AAK-së, Donika Kadaj-Bujupi, ngjalli protesta të dhunshme në qendër të Prishtinës. Shumë rrugë janë kthyer në kaos të vërtetë, ndërsa raportohet për 10 të lënduar, në mesin e tyre shtatë policë të njësive speciale. Opozita paralajmëron vazhdimin e protestave, ndërsa diplomatët ndërkombëtarë zhgënjehen me “pamjen e Kosovës”.
Kryetituj tjerë në ballina gazetash janë: “Dhuna nuk i sjell favore asnjërës palë” – te Epoka e Re, “Protesta të dhunshme! Gurë dhe gaz lotsjellës, arrestime dhe kërcënime!” – te Bota Sot, “‘Luftë’në Prishtinë, Thaçi e Mustafa fshihen në Bruksel” – te Kosova Sot.
Mbrëmë , VV, AAK e Nisma paralajmëruan se, “përballë insistimit të qeverisë, që t’i zbatojë marrëveshjet e dëmshme me Serbinë dhe demarkacionin me Malin e Zi, kundërshtimi aktiv i opozitës së bashkuar do të rritet dhe do të intensifikohet për çdo ditë e më shumë”.
“Nuk do të tolerojmë që Kosova të shndërrohet në shtet policor, e shteti policor në instrument të mbrojtjes së ‘Zajednicës’ dhe demarkacionit. Nuk do të ketë qetësi derisa pushteti vazhdon arrogancën, duke arrestuar opozitën”, shprehen tre partitë opozitare në deklaratën e përbashkët.
“Nuk mund të ketë normalizim ngase Kosova po rrezikohet nga defunksionalizimi dhe ndarja etnike. Opozita e bashkuar do të vazhdojë aktivitetet dhe protestat deri në tërheqjen e marrëveshjeve të dëmshme dhe lirimin e deputetëve të opozitës”, përfundon deklarata.
Policia e Kosovës mbrëmë njoftonte se, si pasojë e dhunës së shfaqur nga ana e protestuesve, deri në ora 19:30 numri i zyrtarëve policorë të lënduar të cilët kanë kërkuar ndihmë mjekësore ka arritur në 7, mirëpo ka edhe zyrtarë të tjerë të cilët kanë pësuar lëndime sipërfaqësore, por që nuk kanë kërkuar ndihmë mjekësore.
Ndërsa në bazë të informacioneve të mëhershme lëndime kanë pësuar 2 qytetarë, të cilëve po ashtu iu është dhënë ndihma mjekësore.
Policia e Kosovës përmes njësiteve të saja relevante deri në ora 19:30 ka shoqëruar në stacione policore 22 protestues të dhunshëm, si dhe më parë ka konfiskuar në vendngjarje një çantë të mbushur me mjete të dyshuara si koktej molotovi.
Po ashtu në bazë të informacioneve të Policisë janë shkaktuar dëme të konsiderueshme në objekte publike, përfshirë ndërtesën e qeverisë. Ka pasur edhe dhjetëra vetura të dëmtuara, mes tyre 4 vetura të Policisë dhe një veturë qeveritare është djegur.
Ministrja e Tregtisë dhe Industrisë, Hykmete Bajrami, mbrëmë njoftonte: “Isha në Ministri dhe aty ishin shkatërruar shumica e veturave. Ishin bërë dëme edhe në objektin e Ministrisë…”
Ndërkohë, sapo njoftohemi se ministri i Punëve të Brendshme, Skender Hyseni, do të mbajë sot konferencë shtypi, ku do të flasë lidhur me zhvillimet e fundit në aspektin e sigurisë në Republikën e Kosovës.
KOSOVË-QEVERIA: DHUNA E OPOZITËS, PËRMASA ABSURDE
PRISHTINË, 19 Nëntor 2015/ Qeveria e Kosovës deklaroi mbrëmë se, dënon ashpër dhunën e skajshme të manifestuar nga opozitarë të dhunshëm nëpër rrugët e kryeqytetit, e cila ka arritur përmasa absurde, duke e tejkaluar çdo kuptim.
“Qeveria e Republikës së Kosovës është jashtëzakonisht e indinjuar me lëndimet që iu shkaktuan sot qytetarëve të pafajshëm, pjesëtarëve të Policisë së Kosovës dhe me dëmet materiale dhe skenat e tmerrshme që u panë sot në Prishtinë”, thuhej në deklaratën e dërguar mbrëmë.
“Hipokrizia e opozitës qëndron në faktin se ata gjoja po protestojnë për mbrojtjen e Republikës, por në emër të mbrojtjes së saj ata po tentojnë ta shkatërrojnë atë, po i sulmojnë institucionet e saj, po përdhosin çdo gjë që është ndërtuar me shumë mund”, theksonte deklarata e qeverisë kosovare.
Qeveria e Republikës së Kosovës shprehet se, “qëndron e palëkundur nga dhuna e shfrenuar e një grushti ekstremistësh e banditësh dhe inkurajohet nga refuzimi i qytetarëve për t’u bërë pjesë e këtyre skenarëve”.
“Projektet zhvillimore, rritja e investimeve të huaja, përmirësimi i mirëqenies së qytetarëve, proceset integruese evropiane dhe miqësia me Shtetet e Bashkuara të Amerikës dhe vendet tjera mike, nuk mund të pengohen nga grupe banditeske që po synojnë ta zhysin vendin në kaos”, theksonte qeveria e Kosovës.
“Qeveria e Republikës së Kosovës shpreh përkrahjen më të fuqishme për Policinë e Kosovës, e cila me përkushtim po e mbron Republikën e Kosovës nga aktet kriminale të orkestruara për përfitime ekskluzivisht politike”, përfundonte deklarata.
Situata në Kosovë dhe heshtja e pazakontë e Serbisë!
Nga Enver Bytyçi/
Këto dy ditët e fundit situata në Kosovë është tensionuar në kulm. Në parlament dhe para policëve opozita nuk përdori kësaj radhe vetëm gazlotsjellës, por edhe sprajt helmues. Madje vetë sprajthedhësja, deputetja e Vetëvendosjes, Albulena Haxhiaj, u dëmtua nga sprajti dhe gazi, sa u detyrua të shkojë në dyert e spitalit.
Përsëri autorë të gazit e sprajtit ishin deputetët Albin Kurti, Kada Bujupi, Albulena dhe një tjëtër protagonist i VV. U bllokuan punimet e parlamentit, buxheti i shtetit për vitin që vjen gjithashtu është bllokuar. Kërkesa e opozitës vazhdon të jetë anullimi i marrëveshjes së Asosacionit të komunave serbe dhe i marrëveshjes me Malin e Zi për kufirin. Ne vend të debatit e argumentit të munguar, në rrugët e Prishtinës ka protesta që shoqërohen me gurë e mjete të forta nga demonstruesit si dhe me gazlotsjellës nga ana e policisë. Gjykata ka urdhëruar arrestin e katër deputetëve, për shkak të të cilit një prej të cilëve, zonja Bujupi, tashmë gjendet në paraburgim, ndërsa tre deputetët e VV kanë ikur në drejtim të paditur, për t’u shfaqur ditën djeshme në protestë bashkë me përkrahësit e tyre e përsëri për t’u fshehur në ndonjë vrimë. Isa me Thaçin ia hypën avionit, se i kishte thirrur Mogerini në Bruksel. U takuan edhe me presidentin e Komisionit, Junker. Ndoshta për ta vazhduar pajtimin “historik” me Serbinë.
E si për çudi, në Beograd askush nuk është shqetësuar për atë që ndodh në Kosovë, edhe pse sa herë presidenti, kryeministri e shefi i diplomacisë serbe flasin, deklarojnë se “Kosovo e Metohi është territor serb”. Edhe unë kam filluar tani të besoj se “Kosova po shndërrohet pak nga pak në një territor serb”. Po të mos ndodhte kjo, pra nëse gazi, sprajti, protesta, korrupsioni i qeveritarëve, përfshi dhe këta të opozitës që kanë qenë në pushtet, do ta largonin Kosovën nga Beogradi e nga Serbia, me siguri që politika, akademia, kisha serbe do të jepnin alarmin. Përkundrazi, askush nuk ka folur kundër veprimeve të Albin Kurtit, madje duket se në Beograd ka një entusiazëm të justifikuar për atë që bën Albini në Prishtinë kundër institucioneve të Kosovës. Askush në Beograd nuk është shfaqur i shqetësuar për faktin se politikanët e qeveritarët, me përjashtime natyrisht, janë zhytur në korrupsion dhe basjkëpunojnë me krimin ekonomik, pa përjashtuar dhe bashkëpunimin me mafien serbe.
Beogrqdi po i vëzhgon ngjarjet në Prishtinë më një qetësi të pazakontë për të. Ndërsa në veriun e Kosovës, të cilën “e mbron” Albini, ekstremisti serb, Dardan Molliqaj është shfaqur solidar për ato që Vetëvendosja po kryen në Prishtinë. Si qeveria me korrupsionin dhe kapjen prej tij, ashtu dhe Vetëvendosja me arrogancën e dhunës kundër institucionit të parlamentit po i bëjnë Serbisë shërbimin e paimagjinueshëm disa vite më parë. Ndërsa bota e qytetëruar po sheh e po tallet me papjekurinë dhe inatin prej injorantësh të politikanëve në Prishtinë.
Miqtë e Kosovës e të shqiptarëve u shfaqën të shqetësuar dhe folën pa ngurim. Një ish-ushtar britanik i Ushtrisë Çlirimtare të Kosovës tha troç se këto veprime po e bëjnë Kosovën gazin e botës dhe se UÇK nuk luftoi që politika në Kosovë të sillet në këtë mënyrë. Ambasadori amerikan për të disatën herë i ka kritikuar veprimet e opozitës dhe ka bërë thirrje për maturi nga të dy palët. Po kujt po ia kërkon ai këtë maturi? Ai e di se janë në përballje dy palë: Njëra e inkriminuar në korrupsion dhe pala tjetër e dehur nga deliri për të ardhur me dhunë në pushtet, me qëllim që t’i shijojë edhe kjo palë frutet e korrupsionit.
Ambasadorja e Gjermanisë në Prishtinë, Angelika Viets, ishte më e drejtpërdrejtë, Ajo konstatoi nëpërmjet një shënimi në faqen e saj të FB se kjo situatë e krijuar nuk është thjesht dhe vetëm për shkak të marrëveshjeve. Nëse kjo do të ishte për shkak të marrëveshjeve, iniciativa e Presidentes dhe vendimi i Gjykatës Kushtetuese për pezullim të përkohshëm do të ishte shfrytëzuar si një mundësi për t’u angazhuar në dialog dhe diskutim për këto çështje. Kjo mund të jetë një tentativë për të çuar vendin në zgjedhje të reja, për të dëshmuar se Qeveria është e pasuksesshme, tentativë për t’u përfshirë në pushtet ose një tentativë për të spostuar (shtyrë) disa procese të tilla si funksionalizimi i Gjykatës Speciale; hakmarrje ndaj Kryeministrit ose të gjitha këto së bashku. Ose ndoshta janë të tjera arsye, por jo dy marrëveshjet. Kjo është e qartë për ne”.
Unë jam i prirur t’i besoj zonjës ambasadore, jo thjesht se ajo përfaqëson një vend mik të Kosovës, Shqipërisë e shqiptarëve, por se i njoh gjermanët. Ata janë të drejtpërdrejtë, ata edhe diplomacinë e bëjnë të tillë, pa lajka, pa doreza diplomatike, pa patur frikë se humbasin ndikim, nëse shfaqen ashtu siçjanë e siç mendojnë. Por të tillë janë treguar të gjithë diplomatët e vendeve mike. Vetëm ndonjë diplomat mik i Rusisë dhe i Albin Kurtit, mund ta ketë këshilluar këtë të fundit që t’i vejë flakën i Kosovës, kësaj radhe jo për bashkimin e saj më Shqipërinë, por për “bashkimin” ose “ribashkimin” e Kosovës me Serbinë.
Vetëvendosja e shpall “armik” ambasadorin e SHBA-ve. Të shohim çfarë do të thotë për ambasadoren gjermane në Prishtinë. Natyrisht ideologjia, së cilës i përmbahet ajo e detyron të orientohet kah lind dielli e jo kah perendon dielli. Ndryshe nuk mund të ndodh që të shpallësh të padëshirueshëm ambasadorin e vendit që ka kontribuar miliona herë më shumë se Albini e albinët për çlirimin e Kosovës, pra ambasadorin e SHBA-ve.
Nuk e di deri ku do të shkojë kjo verbëri politike e njerëzore, por jam i bindur se policia do t’i ekzekutojë urdhërat e gjykatës për arrestimin e Kurtit, Haxhirajt dhe një tjetri deputeti të VV. A do ta zgjidhë konfliktin kjo masë. Jam dhe do të jem skeptik për këtë. Dhuna gjeneron dhunë. Por shpresoj se qytetarët e Kosovës nuk do të mbështesin aventurat e politikanëve të tyre në pushtet ose në opozitë. Nëse politikanët në rolin e gjeneralëve mbeten pa ushtarë, atëherë ata do të detyrohen të shkojnë drejt arsyes dhe të veprojnë sipas arsyes. Arsyen e veprimit politik e shpreh shumë qartë ambasadorja gjermane. Eshtë e tepërt të vijoj më tej më ndonjë argument shtesë.
STATEMENT BY THE PAN ALBANIAN FEDERATION OF AMERICA “VATRA” ON THE POLITICAL CRISIS IN KOSOVA
In the United States, members of VATRA, and Albanians everywhere, are alarmed by the worsening situation that has been created in Kosova. Images of chaos and disorder that have been coming live from Prishtina do not resemble a society where constituents elect their most capable representatives to work toward solidifying independence, enhancing the wellbeing of the citizenry and represent their concerns in parliament with dignity.
The behavior of the parliament, a lawmaking body whose decisions impact Kosova’s fate, is akin to out of control fans in a sports arena which is a contradiction to the tradition of the council of elders where two opposing sides were heard, arguments were weighed without emotion and disputes settled rationally and justly indicative of a civilized people.
The scenes outside Kosova’s parliament conjure up memories of a recent history marred with Kosovars’ confronting Serbian and Montenegrin police. It does not resemble a populous enjoying a hard won freedom that required so much blood sacrifice.
We cannot condone the oppositions’ use of violence with connotations anarchy, which are unacceptable in a civilized society and are condemnable as antidemocratic, at the same time they diminish legitimacy their own cause however righteous it may be.
The government coalition is no less to blame for creating a situation that is bursting at the seams. Pervasive corruption that extends to the highest levels of government; officials—elected or appointed—become rich overnight, while citizens grow more destitute, unemployment rises, young people hopeless for their future, and thousands of families leave their homeland in a mass exodus. Political jockeying and an unquenchable thirst for power and for limitless wealth, are some of the voiced grievances of the people, who are the ones officials, both from parliament and government should be serving.
Instead of improving, the situation deteriorated to an alarming rate after the government signed accords with Serbia regarding Zajednica and Montenegro on redefining the border. The opposition accuses the government of grave negligence that damage Kosova’s sovereignty, while the government claims the opposite. The matter now rests in the hands of the Constitutional Court. The opposition should show patience and allow the Court to perform its function.
In order to resolve this perilous situation in Kosova, we believe that firstly, a referendum should be held as soon as possible on the accords about which the public should be well-informed and understand the implications involved. This way, the people, in a safe and secure environment decide to accept the accords or discard them and opt for a new round of negotiations. Secondly, calling for early elections should be seriously considered.
We sincerely hope that all political entities, in the best interests of the people and the republic of Kosova, resolve their differences and create an atmosphere of reason in order to move towards stability and progress for the nation and the welfare of the people.