PERSONAZH/ Flet modelja Amina Shena, “Miss Queen of the Europe” dhe “Miss Fotozhenia”/
-Jam shumë ekspresive dhe mendoj, se sytë janë tipari që më veçon nga të tjerat/
-Të jesh e bukur të ndihmon, por nuk është arma kryesore për të ecur në jetë/
– Dashuria është një marrëdhënie dypalëshe që shkrihet në një trup të vetëm/
Nga Albert Z. ZHOLI/
Karrierën si modele e ka filluar që në moshën 15-vjeçare. Ka sfiluar dhe pozuar për firma te ndryshme, kalendarë, reklama. Në vitin 2009 mori pjesë në një konkurs bukurie, ku u vlerësua me çmimin “Miss Queen of the Europe” dhe “Miss fotozhenia”. Së fundmi ka qenë pjesë e një formati televiziv.
– Në sa sfilata keni marrë pjesë dhe si e kujtoni sfilatën tuaj të parë ?
Unë kam qenë pjesëmarrëse në shumë sfilata.
Sfilata ime e parë ka qenë në vitin 2009, ku unë kam qenë vetëm 15 vjeç dhe në këtë sfilatë dola si modelja me e duartrokitur.
-Cilat janë sfilatat më të preferuara në botën e modelingut për ju?
Mua më pëlqejnë të gjitha sfilatat, por do të veçoja sfilatat e “Victoria Secret “.
-Tashmë është rritur numri i modeleve shqiptare, a ndihet konkurrenca dhe sa e ndershme është kjo konkurrencë?
Unë deri tani nuk e kam ndjerë konkurrencën.
-Cilat janë pikat e tua më të forta si modele?
Bëhem njësh me aparatin. Jam shumë ekspresive dhe mendoj që sytë janë tipari që më veçon nga të tjerat.
-Imazh i kujt firme do të preferonit të ishit?
Imazhi i Versace edhe DG nuk do ishte keq.
– Përse tregu shqiptar i modelingut ende është shumë i ngushtë?
Në Shqipëri fatkeqësisht bota e modelingut është ende në hapat e para, kjo është arsyeja se nuk ka shumë mbështetje, por jo se mungojnë talentet dhe dëshira për të zhvilluar modelingun.
-Çdo të thotë te jesh e bukur dhe nëse ndihesh e tillë, cili është koncepti juaj lidhur me bukurinë?
Bukuria pa zgjuarsinë është pa vlerë për mua. Të jesh e bukur të ndihmon, por nuk është arma kryesore për të ecur në jetë .
-Cila është veshja e preferuar, sportive apo klasike?
Në veshjet e përditshme do të preferoja një veshje sportive, ndërsa për raste, normalisht diçka klasike.
-Cilat janë synimet tuaja?
Synimet e mia janë që të arrij të bëhem e famshme dhe në arenën ndërkombëtare aty.
-A jeni e dashuruar dhe cili është mendimi juaj për dashurinë?
Natyrisht jam e dashuruar dhe mendoj që dashuria është diçka sublime, ndjenja me e bukur, një marrëdhënie dypalëshe që shkrihet në një trup të vetëm.
-Ku i bëtë pushimet verore ?
Pushimet verore i bëra në Dhërmi. Adhuroj kaltërsinë e detit Jon dhe mrekullitë që na ofron Riviera Shqiptare, sepse është një vend i bukur dhe më pëlqen .
-Më mirë në dimër apo në verë?
Çdo stinë ka bukurin e vet, por mua me pëlqen me shumë vera .
Ja si mund të siguroni një biletë për Shqipërinë në “Euro 2016”
10 qershorin e ardhshëm në Europian do të jetë dhe Shqipëria, dhe ëndrra më e madhe e cdo tifozi kuqezi tani është të ketë ndër duar një biletë të ndeshjeve të kuqezinjve në këtë kompeticion. Për këtë arsye, është e nevojshme të informoheni mbi rrugët dhe mundësitë që krijohen për pasjen e një bilete së tillë.
Gjëja e parë që duhet bërë është të shkosh në faqen online të Uefa-s, në sesionin “Ticket” ose “Bileta” në shqip.
Për të zgjedhur skuadrën që do të ndjekësh në Europian, mjafton të klikosh mbi ikonën me flamurin më të bukur në botë, atë shqiptar.
Faqja pasardhëse të informon që në fillim se për të blerë një biletë online në uefa.com duhet të plotësosh minimalisht një nga dy kushtet e mëposhtme, të jetosh në Shqipëri ose të kesh pasaportë shqiptare.
Më pas mund të vazhdosh me procedurën duke zgjedhur ndeshjen që kërkon të ndjekësh në stadium, duke plotesuar aplikimin online dhe në fund, nuk duhet harruar, që të theksosh faktin se në shkurt dëshiron të njoftohesh me email nëse ke fituar apo jo të drejtën e pajisjes me një biletë.
Sipas rregullores një person nuk mund të blejë më shumë se katër bileta për ndeshje, por për ata që duan të shohin më shumë se një ndeshje ekziston dhe një paketë e veçantë që ua mundëson këtë, ndërkohë që ka dhe bileta të vecanta për personat me aftësi të kufizuara.
Për një herë që Shqipëria luan në Europian cmimi i biletave nuk është dhe aq i kripur duke qenë se bëhet fjalë për një fazë finale të Europianit.
Nëse do të kemi fatin të luajmë ndeshjen hapëse me Francën, një biletë në bazë të kategorisë do t’ju kushtojë nga 75 euro më e lira në 595 euro bileta në tribunën vip, për ndeshjet e grupeve dhe 1/8 ato variojnë nga 25 euro deri në 145 euro, për cerekfinalet 45 euro deri në 195.
Për gjysmëfinalet dhe finalen ndërkohë, çmimet janë pak më të kripura siç i shihni dhe në tabelë.
Për momentin, aplikimi nuk ka filluar ende, por për të mos humbur asnjë sekondë të vyer, është mirë që në kutinë e mëposhtme të shkruani adresën tuaj të email dhe uefa.com do t’ju njoftojë sapo aplikimi për shorteun e biletave të jetë i disponueshëm.
NËNË TEREZA,ENGJËLLI SHQIPTAR QË ME DASHURI PUSHTOI QIEJT
Nga Azgan HAKLAJ/
President i Unionit Artistik te Kombit Shqiptar/
Lapsi në dorën e Zotit./
Më 16 tetor 1979, kur bota u lajmërua, jo pa sensacion, se një misionare në Kalkutë do të merrte çmimin Nobel, biografë e gazetarë u turrën të rrëmonin në biografinë e kësaj gruaje të brishtë e të çuditshme. Fjalëpak, por e saktë dhe e vendosur në atë që thoshte, ajo iu përgjigj medias botërore: “Nga gjaku dhe prejardhja jam shqiptare. Kam shtetësi indiane. Jam murgeshë katolike. Nga prirja i përkas gjithë botës… Me zemër, i përkas plotësisht zemrës së Jezusit”.
Ishte Nënë Tereza, që si rrufe në qiell shndriu mbi errësirën që asokohe kishte kapluar Shqipërinë, vendin e izoluar e të harruar të shqiponjave. Dhe ja, kjo grua e vogël na e rikthen edhe njëherë si komb atë emër të madh që patëm latuar në shekuj me pereandoret Dioklician, Konstandin, Justinijan apo me Skënderbeun. “Një grua vërtet e vogël me trup, por që s’ka asgjë të vogël në qenien e saj” – do ta përshkruante Indira Gandi. Nga madhështia e dashuria e saj, ajo do t’i jepte gjithë globit nga Kalkuta në Irlandë, nga Venezuela në SHBA, por dhe vendit tonë do t’i dhuronte më shumë nga të gjithë: qenien e gjakut që i rridhte në damarë, atë shqiptar. Ne ishim kombi i braktisur nga njerëzia, liria dhe nga Zoti. Ishim kombi i dënuar të përjetonim copëtimin e robnimin kush prej sistemeve ekstratotalitare e kush prej dhunës shovene.
Dhe ja, një fat në buzëvarur, një qiri shkëlqimtar që ndriçonte fundin e tunelit të destinit fatal shqiptar: Nënë Tereza. Ajo me dy fjalë për origjinën e saj arbënore e me një foto të vitit 1925, kur s’i kishte mbushur të pesëmbëdhjetat, veshur me rrobën tradicionale kombëtare shqiptare, po i thoshte botës se shqiptarët jo vetëm ekzistojnë, por janë në vëmendjen e vetë Zotit. Një befasi e mrekullueshme që bëri Papën, mbretërit, presidentët e fuqishëm të globit të kujtoheshin një çast, se aty buzë Adriatikut, rrethuar me tela e të izoluar prej perëndimit, që prej lashtësisë, jetojnë shqiptarët e Nënë Terezës e të Gjergj Kastriotit. Prej asaj kohe kanë kaluar dekada e kombi ynë ka galopuar drejt së mirës e fatit më shumë se çdo komb në fundshekullin që lamë pas e në këtë që po jetojmë. Por nuk mund të mohohet se pa zë e me modesti, pa zhurmë, por me shumë përkushtim e dashuri, ne kishim me vete si melhem e hajmali, si bekim e afrim te Zoti, dorën dhe mendjen e Nënë Terezës. Se vetë Nënë Tereza ishte një laps në dorën e Zotit, me të cilën duket se Perëndia nënshkroi për të na e ndërruar fatin e larguar, për të na i zbuar, më në fund, ndëshkimet dhe mallkimet shekullore.
Edhe sot, kur ne shkojmë në Bruksel për të konsultuar obligimet tona integruese, më shumë se gjithçka ajo që na lidh me Perëndimin, me Zotin e qytetërimin është natyrisht edhe vegimi e emri i madh i Nënë Terezës. Kjo grua gjeni, jo vetëm e besimit, e bamirësisë, është dhe esenca e një filozofie të re, e cila u kyç jo pa rëndësi e pa efekt në epokën e globalizmit. Kur paraja po synonte të konkurronte vetë Zotin, Nënë Tereza këshillonte të pasurit të mos gëzoheshin dhe aq, kur në botë miliona njerëz vuajnë urinë, sëmundjen, luftën. Ajo i kërkoi botës humane jo lëmoshë e mëshirë, por besim e afrim te Zoti, mirësjellje e dashuri njerëzore.
“Më mirë të bëni gabime me mirësjellje, sesa mrekulli me vrazhdësi.” Kjo thënie biblike e Nënë Terezës është kthyer në sloganin e të gjithë shpirtrave njerëzorë që besojnë te Krijuesi.
Gjenia e Nënë Terezës, mrekullia e saj, nuk qëndron vetëm në shërbimet e saj e të Urdhrit të vet shpërndarë në të gjithë botën, në të mirë të të sëmurëve, të të varfërve e të uriturve. Është shumë më gjeniale dhe hyjnore. Ajo i argumentoi njerëzimit se vuajtja për dashuri dhe uria për të është më e rëndë se uria për bukë. “Po të kishte të uritur në Hënë, unë do të shkoja dhe atje…” Kështu e përshkruan përkushtimin një ftesë për këdo dhe kurdoherë drejt një qëllimi të mirë, human e fisnik”, sepse fisnike ishte vetë Nënë Tereza, gjaku e gjeni i saj shqiptar.
Ne kete dite lumturimi, bota feston dhe e kujton këtë engjëll të brishte që e lindi, e rriti nëna e toka shqiptare, për t’ua falur qiejve, nga ku ajo të mund të vijojë përjetësisht misionin e saj hyjnor. Ajo qëndron lart mbi ne, e mbështjellë me rrobën ngjyrë qielli e reshë të bardha, duke na vëzhguar e duke u lutur për ne. Duke u lutur për të gjithë, pa na ndarë as në fe, as në ide. Le ti dëgjojmë këto lutje engjëllore, se aty mëshirohet dhe shqip, se shqiptare qëlloi jo rastësisht, të ishte aty ky engjëll unik që Zoti ia dhuroi njerëzimit…!
O Zot me jep fuqi te jap paqen .
Te jap dashuri atje ku ka urrejtje.
Te sjell frymen e pajtimit atje ku ka gabime.
Te sjelle harmonine atje ku ka mosmarveshje.
Te sjell te verteten atje ku ka gabime.
Te sjell besimin atje ku ka dyshime.
Te sjell shprese atje ku ka deshperim.
Te sjell drite atje ku ka terr.
Te sjell gezim atje ku ka dhimbje e deshperim.
NIKOLIQI “ZBULON” HISTORINE E RE TE KOSOVES
Nikoliqi “pajtohet“ me shqiptarët:Historia e Kosovës është 50 vjeçare !/
Nga Fahri XHARRA/
E shihni ju , burra të botës që i madh e vogël u zgjuat me një histori të re ; e shihni ju argatët e Serbisë që u munduan të na “zbuloni” Kombin Kosovar ; e shihni ju burra të botës që na “ mbushet “ mendjen që ne flasim e duhet të flasim kosovarishten e juaj.
E shihni ju burra të botës që na e “krijuat” identitetin fetar turk , duke e mohuar çdo gjë shqiptare ?
E shihni ju burra të botës se sa shumë material iu përgatitët nikoliqëve dhe daciqëve ; që ata me fjalët e juaja iu dokumentojnë ambasadorëve te huaj se : “Shekujt tanë shihen në gurë, e nuk e di ku shihen, ku gjeni gjurmë të pranisë shqiptare në Kosovë e Metohi më të vjetër se 50 vjeç” ka thënë Nikoliq duke përmendur në këtë kontekst xhamitë, të cilat të gjitha janë të reja. ( Tomislav Nikoliq )
Ju ishit autoriteti i Kosovës , juve ju shifnim ne çdo mbrëmje në ekranet televizive duke na e mbushur mendjen se ne nuk ishim dikur as 1 % e popullsisë së këtyre anëve, . Pra si po e shihni , ju të pa nderuar (më vjen mërzi dhe turbullim në lukth t`iu përmendi emërat) , ju mohues të kombit , të historisë e të vetvetes , ju errësues të çdo gjëje shqiptare , se sa leht i çelet goja dikujt , se sa lehtë i hapet gryka armikut . Tani kënaquni , se atë që e tha Nikoliqi e keni thënë vet ju . Ai nuk po çpifet ; ai po e flet atë që e flitshit ju në këto 16 vjetët e fundit .
Secili nga ju e nga ne mundohej ta shponim qiellin sa më lartë ,; edhe shtresa e ozonit ishte në rrezik nga dëshira e juaj dhe e jona.
Donim t`i tregonim botës që nuk jemi ata që menduat ju ; por jemi shumë të njomë në këto anë. !
– Srbija je jedina zemlja u Evropi kojoj, pored otimanja dela teritorije, proterivanja građana, nekažnjenog ubijanja i takozvane žetve organa, sada pokušavaju da otmu i kulturnu baštinu pod zaštitom Uneska – rekao je Nikolić u svom govoru ambasadorima.” e shkrova serbisht , për të gjithë mohuesit sepse ata dine shumë mirë se për kë dhe me urdhër të kujt flisnin.
Paramendoni , mbledhjes e thirrur nga Tomislav Nikoliqi iu përgjegjen pozitivisht rreth 80 përfaqësues diplomatik dhe pesë organizata ndërkombëtare ( Govor predsednika Srbija prati oko 80 diplomatskih predstavnika i predstavnici pet međunarodnih organizacija. Kako saznajemo, skupu su se odazvali svi koji su bili pozvani.)
“ Ta leni kulturën “tonë “ ( serbe , pra ) në duar të shqiptarëve në Kosovë , është një lloj siku t`ia besoni qengjin ujkut “ – paska thënë Nikoliq. Mirë e ka pasur , pse jo ne e mohuam çdo gjë antike shqiptare , ne falëm trashëgimin kulturore – kishtare, dhe e “ filluam “ historinë” si na e diktonte turku .
Ambasadorëve të pranishëm iu shpërnda libri “”Hrišćanska baština na Kosovu i Metohiji – istorijska i duhovna postojbina srpskog naroda” (E kaluara shpirtërore serbe )
(Ambasadorima je podeljena knjiga “Hrišćanska baština na Kosovu i Metohiji – istorijska i duhovna postojbina srpskog naroda”. Nikolić je po knjigu preko ambasadora poklonio i šefovima njihovih država i međunarodnih organizacija.)
Duke mohuar vetveten , ia japim të drejtën Nikoliqit të thotë: “Kulturna baština na Kosovu je povezana sa živom istorijom i vekovnim prisustvom srpskog naroda na ovim prostorima. “ ( Trashëgimia kulturore serbe është ngushtë e lidhur me historinë shekullore të popullit serb në këto anë )
“Në Kosovë dhe Metohi qenkan shkatërruar 134 objekte fetare , 33 përmendore kulturo- historike, janë vjedhur bi 10 . 000 ikona dhe objekte të ndryshme fetare serbe. Janë shkatërruar mbi 5.261 gurë varresh dhe varre pravoslave serbe “ – iu tha Nikoliqi ambasadorëve të thirrur . E tha sepse ne asnjë herë nuk ditëm të themi që trashëgimia ortodokse në Kosovë ishte dhe është shqiptare.
Edhe një herë ju falemnderit juve që na e “ zbuluat “ identitetin fetar të shqiptarëve , që donit të na leni në b…. kosovarishten dhe popullin kosovar !
Fahri Xharra . 18.10 .15
Gjakovë
Mitrovicë-Ura në qershor 2016, qarkullim i plotë
-Do të arrihen edhe marrëveshjet e domosdoshme lidhur me kufirin që ndan komunën jugore e komunën veriore të Mitrovicës/
Nga Behlul Jashari/ MITROVICË, 18 Tetor 2015/ Ura e Mitrovicës mbi lumin Ibër, ku dje pasdite nisën përgatitje për punime të revitalizimit, të cilat kanë vazhduar gjatë ditës së sotme, deri në fund të qershorit 2016 parashihet që në mënyrë komplete të lëshohet në qarkullim. Në punët e para, në anën jugore të urës është vendosur një pano-bilbord që tregon se këtu është një projekt i BE-së. Punimet kanë vijuar në vënien e rrethojës që shënon vendin e punimeve, e pastaj të shtyllave të betonit në të dyja anët e urës.
Kryeministri Isa Mustafa, pas kthimit nga Brukseli, raundi i 28 i dalogut Kosovë-Serbi në nivel të lartë kryeministror, ka njoftuar në mbledhje të qeverisë dhe në konferencë shtypi për paketën e katër marrëveshjeve të 25 gushtit 2015, e cila përfshinë edhe marrëveshjen lidhur me heqjen e barrikadave nga ura e Mitrovicës.
Kryeministri i Kosovës ka theksuar se, marrëveshje është bërë edhe për heqjen e barrikadave mbi urën e lumit Ibër që ndan Mitrovicën Jugore prej asaj Veriore.
“Me marrëveshje jemi përcaktuar që me datën 15 tetor të fillojë lirimi i urës dhe ura të shndërrohet në kantier, në mënyrë që të rikonstruohet me dy rrethrrotullime, njëri në pjesën jugore, tjetri në pjesën veriore, me staza për këmbësorë dhe për biçiklistë, dhe me pjesën në të cilën do të qarkullojnë automjetet e lehta dhe të rënda. E gjithë kjo do të zgjasë deri në fund të qershorit 2016 kur parashihet që në mënyrë komplete të lëshohet në qarkullim ura mbi Ibër dhe me këtë do ta kemi lidhjen e pjesës jugore dhe pjesës veriore të Mitrovicës”, ka thënë Mustafa.
Ndërkohë, ka vijuar ai, poashtu do të arrihen edhe marrëveshjet e domosdoshme ndërmjet dy kuvendeve komunale të Mitrovicës, ndërmjet dy kryetarëve të komunave, lidhur me kufirin që ndan këto dy komuna, sepse ajo është e lidhur edhe me ndërtimet infrastrukturore dhe ndërtimet tjera që do të bëhen në atë pjesë të vendit.
Pas fillimit të punimeve në urë dje, kryeministri Mustafa e vlerësoi këtë si një hap të rëndësishëm drejt integrimit të qytetarëve të dy pjesëve të qytetit. “Mendoj se është një hap shumë i rëndësishëm i integrimit të pjesë veriore dhe jugore të Mitrovicës. Është një premtim i cili është bërë, është një marrëveshje e cila do i jap efektet dhe rezultatet e veta dhe unë mendoj se ne do ta kapërcejmë me këtë problemin e ndarjes së veriut dhe jugut”, tha Mustafa në një intervistë televizive.
Zyra e Bashkimit Evropian në Kosovë ka bërë të ditur se, kontraktuesi i BE-së do të mbyllë të dy anët e urës me barriera dhe vendin e ndërtimit me gardh. Punët ndërtimore në këtë urë do të kryhen duke iu qasur vendit të punimeve përmes rrugës nga ana jugore. Gjatë kohës së revitalizimit, njëra anë e urës do të ketë qasje për kalimtarët.
Në 13 tetor, kryeministrat e Kosovës e Serbisë, Isa Mustafa e Aleksandar Vuçiç, ishin në një “darkw joformale” në Brusel, me ftesë të ndërmjetësueses së dialogut për normalizimin e marrëdhënieve, Përfaqësueses së Lartë të Bashkimit Evropian për Politikë të Jashtme dhe Siguri, Federica Mogherini.
Darka ishte në “kontekst të dialogut të lehtësuar nga Bashkimi Evropian”, është theksuar në njoftimin e BE-së.
“Të dy kryeministrat patën një diskutim të hapur për gjendjen aktuale të dialogut, në veçanti sa i përket implementimit të marrëveshjeve të 25 gushtit”, thuhej në njoftim dhe shtohej se “të dy palët e kanë përsëritur përkushtimin e tyre për zbatimin e të gjitha marrëveshjeve të arritura deri tash”.
Në urën kryesore në lumin Ibër në Mitrovicë, para katër vitesh, grupet e serbëve vendosën një barrikadë pas disa barrikadave të tjera nëpër rrugët në veri.