Organizata e Gruas “Shpresë & Paqe”/
New York, 7 Korrik 2015/
Deklaratë/
Drejtuar Presidentit të Shqipërisë Z. Bujar Nishani/
I nderuar Z. President!/
Organizata e Gruas Shqiptare – Amerikane “Shpresë & Paqe” (Hope & Peace) me Qendër në New York, ndjek me vëmendje ngjarjet në vend. Konkretisht jemi të shqetësuara për situatën e rëndë sociale që ndodhet Shqipëria përsa i përket vrasjeve ndaj të huajve e dhunës së ushtruar ndaj fëmijëve jetimë.
Duke qenë se armët tashmë ndodhen në duart e njerëzve të pa ndërgjegjshëm e kriminelëve, organizata jonë është e mendimit se, Shqipëria duhet të aplikojë dënimin kapital – Me Vdekje.
Ngushëllojmë me këtë rast familjet e viktimave të dy turistëve çek si dhe popullin çek, si dhe dënojmë këtë akt barbar të shqiptarit kriminel në veri të vendit.
Njëkohësisht dënojmë dhunën që është ushtruar ndaj të miturve jetimë në Jetimoren e Shkodrës dhe e shikojmë të udhës që kujdestaret e kësaj qendre jo vetëm të pushohen nga puna, por edhe të marin dënimin e merituar nga drejtësia.
Për Organizatën e Gruas “Shpresë & Paqe”
Me respekt
Kryetarja
Mimoza Dajçi
Ne Foto:Ekzekutimi i denimit me vdekje per te fundit here eshte kryer 25 qershor 1992 në mes të qytetit të Fierit dhe trupat u lanë të varur deri mbrëmjen tjetër për t’u parë nga turma njerëzisht që erdhën dhe nga qytetet e tjera.Dy personat e ekzekutuar me vdekje ishin vëllezërit Josif dhe Dritëbardh Çuko nga fshati Libofshë i Fierit. Ata u shpallën fajtorë për vrasje të shumëfishtë në atë që u quajt “Masakra e Libofshës”. Ata vranë pesë persona, mes tyre një foshnjë 8 muajshe.
Iftar ndërfetar në Staten Island me rastin e muajit të Ramazanit
Qendra Kulturore Islame Shqiptare në ishullin Steten Island, shtroi një Iftar ndërfetar me rastin e muajit të Ramazanit/
Dekadën e fundit për çdo vit, udhëheqësit fetar nga sinagogat, kishat, tempujt dhe xhamitë, në ishullin e Staten Island në Nju Jork, në bashkëpunim me zyrtarët e lart të qytetit, ata të policisë (NYPD), dhe, udhëheqës të tjerë të komunitetit kanë ardhur duke e rritur bashkëpunimin e tyre ndërfetar, dhe punuar së bashku me komunitetin në aktivitete të ndryshme/
Nga Beqir SINA – Staten Island – New York /
STATEN ISLAND, NY – Lider nga Departamenti i Policisë në Nju Jork, udhëheqës të ndryshm fetarë dhe të komuniteteve në Staten Island – u mblodhën së bashku për një darkë ndërfetare, në natën e 19-të të Agjërimit të muajit të shejtë Ramazanit të hënën, një nga mënyrat më të mira për të i shërbyer qytetarve të bashkuar, pa dallime fetare nacionale, e raciale ne qytet.
Darka e Iftarit, u mbajtë nga Qendra Kulturore Islame Shqiptare në ishullin Steten Island, në një nga ditët të Agjërimit të muajit të Ramazanit, i cili është muaji i Nëntë i Vitit musliman, i cili, filloi më 18 qershor të këtij muaji dhe përfundon në mbrëmjen e 17 Korrikut.
Iftari – është vakti pas perëndimit të diellit që përfundon ditën e agjërimit gjatë muajit të Ramazanit, një kohë për t’u lutur dhe për të reflektuar, për të kujtuar se të gjithë besmitarët janë të barabartë ndër njerëzimin, dhe për të riafirmuar angazhimet për të ndihmuar , e sakrifikuar, duke përfshirë edhe atë për të luftuar nga vështirësitë ekonomike dhe pabarazia.
Dekadën e fundit për çdo vit, udhëheqësit fetar nga sinagogat, kishat, tempujt dhe xhamitë, në ishullin e Staten Island në Nju Jork, në bashkëpunim me zyrtarët e lart të qytetit, ata të policisë (NYPD), dhe, udhëheqës të tjerë të komunitetit kanë ardhur duke e rritur bashkëpunimin e tyre ndërfetar, dhe punuar së bashku me komunitetin në aktivitete të ndryshme, të tilla të organizuara : si forumet për edukatën shëndetësore, aksionet për dhurimin e gjakut, pastrimin e lagjeve të qytetit. Aktivitete të përbashkta, duke vizituar të sëmurët në spitale dhe qendrat e të moshuarve, grumbulluar dhe dhuruar pako me veshje, dhe ushqime falas, si dhe aktivitete të përbashkëta kulturore dhe sportive.
Këto festime ndërfetare, dikur nuk kan qenë as të imagjinuara në formën sikur ato organizohen tani në Staten Island, por fal lidershipit fetarë në Staten Island – kjo gjë është arrirë dhe është për t’u marrë shembull në të gjithë Nju Jorkun, u tha në këtë tubim. Duke cekur faktin se në këtë drejtim janë dalluar dhe Imamët shqiptarë, të kësaj qëndre cilët janë edhe lidershipi i qëndrës Islamike – AICC , Imam Dr. Zurkani Vardar, Imam Ferid Bedrolli dhe dr. Tahir Kukaj, të cilët kan kontribuar në afrimin e komuniteteve të ndryshme ndërfetare.
Në mesin e të ftuarve në këtë Iftar – ishin disa përfaqësues të departamentit të policisë së qytetit, nga NYPD, zyrtarë të administratës lokale, në Ishullin Staten Island , udhëheqës të ndryshëm fetarë dhe të komuniteteve në Staten Island si dhe disa veprimtar të komunitetit : Chief Joanne Jaffe – Chief Community Affairs Bureau NYPD, Chief Edward Delatorre – Staten Island Borough Commanding Officer, Lt. Raffet Awad – Community Outreach Staten Island, Lt. Adeel Rana – President of Muslim Officers Society, Det. Ahmed Nasser – One police Plaza Muslim Liaison Officer, Det. Q. Rios – 120 Precinct Staten Island, Rabbi Stephen Stern, -Arden Hights Boulevard Jewsh Center Staten Island, Rabbi Michael Howald – Temple Israel, Staten Island, Rabbi Dr. Judah Newberger – Congregation Bnai Israel of Staten Island, Reverend Terry Troia – Project Hospitality Staten Island.
Iamam, Dr. Tahir Kukaj, profesor dhe një ndër Imamët kryesorë të kësaj qëndre islamike shqiptare në Saten Island, i cili udhëhoqi ketë takim ndërfetar me shtrimin e Iftarit, tha se :” Qëllimi, ynë në shtirmin e këtij Iftari duke ftuar dhe udhëheqës të ndryshm fetarë dhe të komuniteteve në Staten Island , është në kuadrin e aktiviteteve të bashkëpunimit dhe bashkëjetes ndërfetare e shkëlqyer në qytetin dhe komunitetin tonë.
Ai tha se : “Ku , xhamia jonë është bërë një prej qëndrave fetare dhe kulturore, prijatare në fushat të ndryshme të jetës fetare, sociale e shoqerore në qytetin e New Yorkut. AICC, ceku ai është themeluese e dy organizatave ndërfetare në Staten Island në parteneritet me qendrat tjera në këtë qytet, ku bashkërisht ne shërbejmë, afro një dekadë në ishullin Staten Island dhe New York”.
Më tej imam Kukaj, duke faleminderuar secilin prej të ftuarve për pjesmarrjen e tyre në këtë Iftar, ndërfetar, ka folur për rëndësinë , vlerat dhe kuptimin e muajit të Agjerimit Ramazanit, tek të gjithë besimtarët mysliman.
Duke veçuar me këtë rast , atë se shqiptarët mysliman janë simbol i tolerancës dhe bashkëjetesës fetare, kudo në botë
“ Muslimanët, janë besnik dhe duan këtë vend, e në mënyre të veçant ne shqiptarët, tha Dr. Kukaj, ne i jemi shumë mirënjohës popullit Amerikan dhe qeverisë së Shteteve të Bashkuara, për atë që e kan ndihmuar në kohët më të vështira popullin shqiptar , ishin ata që ndihmuan popullin shqiptarë më shumë se kushdo nga e gjithë bota, sidomos në momentet më të vështira të kombit shqiptar, prej shpalljes së pavarësisë, dhe, sidomos në rastin e luftës së Kosovës, si dhe me rastin e formimit të shtetit të Kosovës, pavarësinë e saj ndihma e SHBA ka qenë jashtëzakonishte madhe” tha ai duke falimenderuar këtë vend.
Më pasë liderit nga Departamenti i Policisë në Nju Jork, udhëheqësit e ndryshëm fetarë dhe të komuniteteve në Staten Island – folën për bashkëjetesen fetare, rolin dhe kontributin e tyre në këtë qytet, i cili ka treguar me aktivitetet e tij se duhet marrë si shembull për të gjitha komunitetet, thanë ata në bashkëjetesen fetare.
Gjatë fjalës së tij, shefi i policisë së Ishullit Staten Island -Edward Delatorre – Staten Island Borough Commanding Officer, falënderoi komunitetin mysliman në këtë qytet, dhe në veçanti Qendrën Kulturore Islmae Shqiptare në ishullin Staten Island, liderit e saj, për kontributet, që ata kanë bërë për të pasur një komunitetet sa më të lidhur me njëri tjetrin, pa marrë parasysh se çfarë besimi i përkasin, kombësie, race apo gjinie, duke qenë të gjithë të barabartë ndaj njerëzimit.
“Në këtë Iftar, tha Delatorre, ne së bashku riafirmojmë një të vërtetë, themelore, edhe për karakterin e vendit tonë- SHBA, e cila është liria jonë e fesë – e drejta për të praktikuar besimin tonë fetar – pa marrë parasysh se çfarë feje kemi, ne besojmë, ose të lutemi, duke besuar në bashkëjetesën fetare.Ne, të gjithë kemi një detyrim – për të bërë pjesën tonë – për të ndihmuar e punuar me çdo komunitet, kapërcyer pengesat, thyer padrejtësinë e pabarazisë, për të qendruar sa më afër me hallet e problemet me qytetarët tanë, në jetën e tyre të përditëshme, dhe, për t’i i larguar ata nga veset e këqija, droga, dhuna, vjedhjet e të tjera”.
Si të mbrohemi nga mashtrimi ISIS? Shpëtimi është Skënderbeu!
Është tragjike, dhe lënduese për shqiptarët kur sheh se si djem të rinjë, të cilët për vite të tëra morën zemrat e shqiptarëve, por edhe të tjerëve, dhe sot përfundojnë tragjikisht.
Tragjikisht, pasi në lulen e rinisë vdesin duke humbur botëkuptimin për ardhmërinë e jetës, si njeri së pari, dhe pastaj si shqiptar.
Shqiptarët ende nuk kanë asnjë ide, as iluzion se kush në të vërtetë është ISIS-i, aq shpejt u shfaq, u fuqizua dhe aq shumë tmerrshëm po e trondit botën, sa edhe sikur të ishin nga ndonjë planet tjetër nuk do të mund të justifikoheshin sjelljet aq makabre të tyre.
Është e pashpjegueshme ende, se si të rinjë shqiptarë jashtë Kosovës dhe diasporës rekrutohen nga qendra e ISIS-it!
Në Kosovë, sidomos, mbretëron ideja se lidhjet e rekrutimit për në ISIS kalojnë nëpërmjet Serbisë, sikurse edhe në Maqedoni, nëpërmjet Serbisë dhe shërbimit sekret Maqedonas, e po ashtu edhe në Shqipëri janë të përfshira shërbime të huaja.
Por, a ka ndonjë të përbashkët me shqiptarët, ideali i grupit ISIS?
Përgjigja është e menjëhershme, jo dhe aspak. Shqiptarët e kanë të konstituuar identitetin e tyre kombëtar, nuk kanë probleme me besimet e tyre. Shqiptarët janë i vetmi komb në Ballkan, i cili që në mesjetë nuk identifikohej me fenë, dhe ky ka qenë çelësi që i ka shpëtuar shqiptarët nga çdo lloj asimilimi, pra ia ka siguruar mbijetesën etnike dhe kombëtare, dhe nuk e ka bërë këtë as ajo ortodokse, që më së shumti ka asimiluar, por as ajo islame, pasi që të dyja fetë kanë asimiluar dhe vazhdojnë të asimilojnë, si në grek, serb, maqedonas, por edhe në ‘mysliman’ si në Sanxhak, në Rozhajë e tutje, në turq e në boshnjak, si në Kosovë e në Maqedoni, dhe veçanërisht në Turqi, ku janë shqiptarë ose me origjinë 5-9 milionë shqiptarë. Pra, po të ishte për islamin apo perandorinë turke, sikur ta kishte pasur qëllim ruajtjen e shqiptarëve, shqiptarët sot në Turqi do të kishin edhe universitete të tyre, mos të flasim për shkolla që nuk i kanë, as ato fillore, dhe do të ishin në Parlament të përfaqësuar më shumë se kurdët, duke pasur mbi 80 deputetë.
E dyta, shqiptarët nuk kanë të përbashkët me urrejtjen që përfaqëson dhe artikulon sot ISIS-i. Shqiptarët janë shembull në botë, se si një komb i ndarë në tri besime fetare të mëdha, nuk ka pasur asnjëherë konflikte, dhe se si të gjithë jetojnë në paqe dhe madje kanë edhe martesa të përziera.
Shqiptarët brenda identitetit të tyre, të nisur që nga mesjeta kur u quajtën arbër, janë identifikuar me të parët e tyre. Skënderbeu e identifikonte veten si pasardhës të Pirros së Epirit, dhe Aleksandrit të madh. Pra, ai nuk e shihte veten si pasues fetar, përkundrazi ai erdh si një shpëtimtar shqiptar, si shpëtimtar kristian ai shihej nga katolicizmi, dhe bile edhe nga ortodoksia. Skënderbeu mblidhte gjithë energjitë e mundshme për ta sfiduar një perandori, që nga do shkelte nuk mbinte bari!
Ishin idetë skenderbejane ato që mrekulluan Rilindjen kombëtare shqiptare për të ngjizur ideologjinë kombëtare shqiptare!
(I. Morina-Bota Sot)
Gazetarja e njohur çeke: Në Shqipëri bëra muajin e mjaltit, do të vij sërish
Ne Foto: Bára Procházková komenton ekzekutimin e turistëve në Dukagjin, gazetarja e njohur çeke: Në Shqipëri bëra muajin e mjaltit “Do vi sërish edhe pse ndodhi vrasja e 2 bashkëkombasve të mi”./
Bára Procházková është një gazetare e njohur në Çeki.
Drejtuese e një emisioni politik në televizionin CT 24, ajo është një nga njerëzit më publikë në këtë vend.
E dashuruar me djalin që vuri kurorë dhe me bukuritë e alpeve shqiptare, vitin e kaluar ajo zgjodhi të bëjë muajin e mjaltit pikërisht në Shqipëri.
Por teksa përgatitej të vinte sërish në këtë verë, mësoi lajmin për vrasjen e dy bashkëkombasve pikërisht në malësitë ku ajo preferonte të shkonte.
Për gazetarin Roland Qafoku gjatë emisionit “Debati në Channel One”, Procházková tregoi sesi gazetares i duhej nga njëra anë të jepte lajmin e vrasjes së tyre dhe nga ana tjetër i duhej të përçonte në opinionin çek se ajo që ndodhi është një ngjarje e veçuar dhe se Shqipëria është një vend i sigurtë.
“Turistë çekë janë vrarë edhe në shtete të tjera si në Evropë, Azi, e Amerikë, kështu që kjo që ndodhi nuk është një ngjarje që na bën të ndryshojmë mendim për Shqipërinë”.
Gazetarja tejet e njohur në Çeki vlerëson punën e policisë, e cila brenda 30 orëve arriti të vërë në pranga autorin e krimit.
Dhe për t’i përforcuar të gjitha këto që thotë, gazetarja çeke deklaron: “Më prisni në Shqipëri, shumë shpejt do të vi me pushime”.
Kosova rishikon Buxhetin e Shtetit 2015
– Drejt faljes së borxheve publike rreth 680 milionë euro-Priten edhe ndryshimet kushtetuese drejt Forcës së Armatosur të Kosovës/
Nga Behlul Jashari/ PRISHTINË, 7 Korrik 2015-Kuvendi i Republikës së Kosovës do të mbajë seancë plenare në 9 korrik, vendosi sot në mbledhjen pëgatitore Kryesia bashkë me shefat e grupeve parlamentare, kryesuar nga kryeparlamentari Kadri Veseli.
Pas miratimit nga qeveria në 26 qershor, shqyrtimi i parë i Projektligjit për ndryshimin dhe plotësimin e Ligjit për Buxhetin e Republikës së Kosovës për vitin 2015, do të jetë një nga rreth 10 pikat e seancës së ardhëshme plenare të Kuvendit.
Pas shqyrtimit dhe miratimit në Kuvendin e Kosovës të Projektligjit për ndryshimin dhe plotësimin e Ligjit për Buxhetin, do t’i hapet rruga rishikimit të Buxhetit të Shtetit për këtë vit, ndërsa sipas paralajmërimeve të qeverisë shpenzimet e parapara do të jenë më të ulëta për 49 milionë euro. Rishikimi i Buxhetit është bërë në harmoni të plotë edhe me marrëveshjet e arritura me Fondin Monetar Ndërkombëtar, ka theksuar qeveria.
Buxheti i Kosovës 2015 me të hyra të planifikuara 1 miliard e 576 milionë euro, me një rritje prej rreth 8.1% krahasuar me vitin 2014, është miratuar në 29 dhjetor nga Kuvendi i zgjedhjeve të 8 qershorit, i konstituar pas gjashtë muajsh.
Në axhendën e seancës vijuese plenare të Kuvendit pritet të jenë edhe shqyrtimi i parë i Projektligjit për Faljen e Borxheve Publike, si dhe i Raportit të Bankës Qendrore të Republikës së Kosovës dhe i Raportit të Fondit të Kursimeve Pensionale për vitin 2014.
Në 3 qershor 2015, qeveria e Kosovës, e drejtuar nga kryeministri Isa Mustafa, miratoi Projektligjin për Faljen e Borxheve Publike, ndërsa sipas Ministrisë së Financave shuma e borxhit që do të falet vlerësohet të jetë rreth 680 milionë euro. Rreth 148 milionë borxh ndaj Administratës Tatimore të Kosovës, rreth 6 milionë borxh ndaj Doganës së Kosovës, rreth 57 milionë borxh ndaj tatimit në pronë dhe rreth 465 milionë borxh ndaj ndërmarrjeve publike.
Ministri kosovar i Financave, Avdullah Hoti, ka thënë se, sipas vlerësimeve të institucioneve që kanë marrë pjesë në hartimin e këtij ligji, kryesisht do të përfitojnë personat fizikë të cilët kanë paqëndrueshmëri në mirëqenën e tyre sociale.
“Kjo do t’i shërbejë prioriteteve të qeverisë së Republikës së Kosovës në fushën e mirëqenies sociale. Në anën tjetër, falja e borxheve sipas këtij ligji do të krijojë një momentum të ri që do të shërbejë për ngritjen e disiplinës së përgjithshme të personave fizikë dhe juridikë në Kosovë karshi obligimeve të tyre publike”, tha ministri Hoti .
Shtypi i sotëm kosovar paralajmëron edhe ardhjen në rend dite të propozimeve për ndryshimet kushtetuese, që i hapin rrugën transformimit të FSK-së në Forcën e Armatosur të Kosovës, të cilat do t’i dorëzohen Kryesisë e Kuvendit, menjëherë pas shqyrtimit të hënën e ardhëshme në Komisionit parlamentar për legjislacion.