Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Rektori i UBT-së në Nju Jork

by

-Rektori Hajrizi në vizitë zyrtare në SHBA- thellon bashkëpunimin me universitete amerikane. Ai u shpreh i nderuar edhe nga pritja e rezervuar në Konsullatën e Përgjithshme të Republikës së Kosovës nga diplomatët dhe ambasadorja Teuta Sahatqija, e cila vlerësoi lart kontributin e UBT-së në promovimin e arsimit të Kosovës në planin ndërkombëtar/

1 rektori1 Teuta1 Kryeziun

-Studentët e UBT-së, pjesë e hulumtimit të Morehead State University, në SHBA/

2 studentet1 makineri4 kompjuteraNJU JORK, 31 Korrik 2017-Gazeta DIELLI/  Rektori i UBT-së, Prof.Dr. Edmond Hajrizi ka qëndruar në Nju Jork. Ai në kuadër të agjendës për vendosjen e partneritetit akademik me universitete dhe institucione  amerikane ka takuar udhëheqësit e shumë fakulteteve atje. Rektori  Hajrizi, gjatë qëndrimit në Nju Jork, ka zhvilluar takime të ndara me krerët e fakulteteve të st.Johns University, respektivisht udhëheqësit e katedrës juridike, biznesit dhe atij të komunikimit masiv. Universiteti St. Johns, është përzgjedhur së fundi (2017) si një ndër kolegjet më të mira Kombëtarë në Shtetet e Bashkuara të Amerikës.Qëllimi i vizitës, sipas rektorit Hajrizi, ishte konsolidimi i bisedimeve në fushat e përbashkëta prioritare, që do të finalizohet së shpejti përmes nënshkrimit të një marrëveshjeje gjithëpërfshirëse të bashkëpunimit. Duke u bazuar në përshkrimet analitike të arsimit në Kosovë, z.Hajrizi në bashkëbisedim me krerët e këtij institucioni, ka ofruar një gamë të gjerë të mundësive të shkëmbimit ndërinstitucional.Me theks të veçantë, biseda është zhvilluar rreth politikave programore, rritjes së  performancës dhe përmirësimit të kurrikulave akademike, shkëmbimit të stafit dhe studentëve gjithnjë në kuptim të ngritjes dhe përmirësimit të cilësisë së mësimdhënies, ngritjes së strukturave dhe nivelit të kërkimit shkencor, në përputhje me standardet e aplikuara amerikane.Qëllimi i vizitës në Nju Jork kishte të bënte gjithashtu, edhe me një pikë tjetër strategjike për UBT-në me institucione amerikane, respektivisht ngritjes dhe forcimit të Qendrës Euro-Atlantike, si dhe implementimi i një sërë projektesh të përbashkëta, të cilat do të iniciohen me konsolidimin e qendrës.Rektori Hajrizi ka zhvilluar gjithashtu një vizitë në selinë e Organizatës së Kombeve të Bashkuara, ku është njohur nga afër me programet e saja socio-ekonomike dhe zhvillimore, me ç’rast ka vizituar edhe zyrën e Radio-Televizionit 21 ku u prit nga korrespondenti Halil Mula, si i vetmi medium/gazetar nga Kosova me akreditim në Kombe të Bashkuara.Rektori Hajrizi u shpreh i nderuar edhe nga pritja e rezervuar në Konsullatën e Përgjithshme të Republikës së Kosovës nga diplomatët dhe ambasadorja Teuta Sahatqija, e cila vlerësoi lart kontributin e UBT-së në promovimin e arsimit të Kosovës në planin ndërkombëtar.  Ajo iu referua një sërë storieve të suksesit që UBT ka arritur në kompeticione ndërkombëtare, ndërsa e ka vlerësuar si një zhvillim të natyrshëm. Nga ana e tij, Rektori Hajrizi u shpreh se u ndje mjaft i kënaqur dhe i nderuar nga vizita në Nju Jork dhe theksoi, edhe një here, angazhimin e tij personal në realizimin e projekteve me institucione amerikane të arsimit të lartë.

Studentët e UBT-së, pjesë e hulumtimit të Morehead State University, në SHBA

Studentët e UBT-së në Fakultetin e Mekatronikës, Annea Futko, Kenan Alija, Dorontina Hysenaj, Bardh Rushiti, Yll Salihu dhe Adnan Shabani, të shoqëruar edhe nga profesorët e UBT-së, Valmir Hoxha e Bertan Karahoda, janë duke marrë pjesë në hulumtimin që po kryhet nga Morehead State University në SHBA dhe UBT, i cili ka të bëjë me analizimin e ndërlidhjes mes realitetit virtual dhe kontrollerëve industrialë.

Ky hulumtim i përbashkët është rezultat i lidhjes së bashkëpunimit të mëhershëm në mes këtyre dy institucioneve, pas vizitës së përfaqësuesit të Departamentit për Menaxhimin e Inxhinierisë dhe Teknologjisë brenda Morehead State University, Jorge Ortega, të bërë në UBT disa muaj më parë, me ç’rast edhe u përzgjodhën studentët që aktualisht janë pjesë e hulumtimit në SHBA.Studentët e UBT-së do që qëndrojnë në MSU deri më 31 korrik, teksa gjatë kësaj kohe do të përfundojnë trajnimet për Fanuc Robot, vlen të theksohet se studentët  e UBT-së ishin mjaft të suksesshëm  edhe në testimin për certifikim. Ata janë  pajisur me certifikata të njohura ndërkombëtarisht për kontributin e dhënë në hulumtim./b.j/

Ballist Morina kërkon azil në Kroaci

by

hqdefault-1-e1501346829102

Simpatizuesi shqiptar i futbollit, Ismajl Morina, i arrestuar sipas kërkesës së Serbisë, i dyshuar se e ka aktivizuar një dron për të fluturuar me një flamur në ndeshjen e futbollit Serbi – Shqipëri, në Beograd, ka kërkuar azil politik në Koraci, për ta evituar ekstradimin.Ky person ishte arrestuar në muajin qershor në Kroaci, sipas kërkesës së Serbisë. Një gjykatë në Dubrovnik është pajtuar javën e kaluar, për ta ekstraduar shqiptarin 35 vjeçar në Beograd.

Darko Butigan, avokat i Ismajl Morinës, tha sot se klienti i tij është ankuar kundër ekstradimit dhe, po ashtu, ka kërkuar azil politik në Kroaci.Avokati Butigan tha se Morinaj frikësohet se nuk do të ketë proces gjyqësor korrekt në Serbi.

Në ndeshjen kualifikuese futbollistike ndërmjet Serbisë dhe Shqipërisë, në tetor të vitit 2014 në Beograd, u shkaktua incident, kur droni me një flamur nacionalist shqiptar fluturoi mbi fushë, raporton AP nga Zagrebi.

***

Ndodhet i ndaluar që prej një muaji në Kroaci, Ismail Morina, i njohur si “Ballist Morina”, protagonisti i mbrëmjes së tetorit të vitit 2014 në Beograd, që nëpërmjet një droni të telekomanduar valëvite mbi stadiumin e Beogradit flamurin e Shqipërisë .

 NGA PROTESTAT E SE SHTUNES PARA KRYEMINSTRISE, FEDERATES DHE AMBASADES KROATE/

Ballisti-1-780x439ambasadakroateBallisti-fk-780x439Ballist Morina, gjate ndeshjes se futbollit ndermjet ekipeve kombetare, Shqiperi-Armeni, 2-1, e vlefshme per eleminatoret e "Euro 2016" ne France, e luajtur ne stadiumin "Elbasan Arena", ne qytetin e Elbasanit. /r/n/r/nBallist Morina, during the Euro 2016 qualifying round football match between Albania and Armenia, 2-1, at the Elbasan Arena Stadium.

STUDENTE QE STUDIONI NE SHBA, KUJDES ME VIZEN!

by

Njoftim nga Ambasada amerikane në Tiranë për për studentët që studiojnë në SHBA./

1njoftim per studentet shqiptare ne SHBA

Më datën 27 korrik 2017, Ambasada amerikane në Tiranë ka dhënë një lajmërim për të gjithë studentët shqiptarë që studiojnë në SHBA.Ambasada njofton se “nuk është nevoja që studentët të kthehen në Shqipëri gjatë pushimeve verore vetëm për të rinovuar vizën”.

Megjithatë ajo njofton se “nëse ktheheni në Shqipëri gjatë verës dhe viza juaj skadon apo ka skaduar, sigurohuni që të nisni procesin e rinovimit të vizës të paktën tre javë para se të udhëtoni”.

Njoftimi i Ambasadës

Studentë, vini re – nuk është e nevojshme të ktheheni në Shqipëri gjatë pushimeve verore vetëm për të rinovuar vizën. Megjithatë, nëse ktheheni në Shqipëri gjatë verës dhe viza juaj skadon apo ka skaduar, sigurohuni që të nisni procesin e rinovimit të vizës të paktën tre javë para se të udhëtoni. Ndonjëherë mund të ketë vonesa gjatë procesit dhe ju nuk do të doni të vonoheni!

 

Prishtinë-Festival poetiko-letrar me krijues nga diaspora

by

-Festivali poetiko-letrar “Promenadë mërgimtare 2017” do të vazhdojë me orën letrare, e cila do të ketë karakter garues/

1 Murati Diaspora

PRISHTINË, 28 Korrik 2017-Gazeta DIELLI/  Mbështetur nga Ministria e Diasporës e Qeverisë së Kosovës, në Bibliotekën Kombëtare “Pjetër Bogdani” në Prishtinë, me moton “Ti je pjesë e atdheut”, u mbajt festivali poetiko-letrar  “Promenadë  mërgimtare 2017”.Njoftimi dërguar nga Ministria thekson se, ky aktivitet po organizohet  në kuadër të takimeve tradicionale të krijuesve nga mërgata dhe diaspora. Festivalin e poezisë e hapi shkrimtari Hasan Qyqalla, kryetar i Lidhjes së Krijuesve Shqiptarë në Mërgatë, i cili, ndër të tjera, tha se niveli i kulturës së një kombi matet me dy komponentë:  e para konsumimi, leximi i krijimeve letrare artistike dhe promovimi i vlerave artistike.

Ministri i Diasporës, Valon Murati, i pranishëm në këtë ngjarje kulturore,  tha se ky aktivitet është vazhdimësi e përpjekjeve për ta mbajtur gjallë frymën, atdhedashurinë dhe letërsinë shqipe edhe në mërgatë.“Përmes aktivitetit artistik letrar, ju ndihmoni në mbajtjen gjallë të gjuhës shqipe, promovimin e identitetit tonë kombëtar, shpërfaqjen e vlerave tona edhe në raport me vendet ku jetoni”, theksoi ndër të tjera ministri Murati.Ndër veprat e shumta që sot u promovuan ishin edhe: “Në ëndrra digjet nata”, e autorit Hasan Qyqalla, “Kthimi”, i autores Majlinda Nana Rama etj. Po ashtu, u promovua edhe  revista “Mirdita”, e shoqërisë kulturore-artistike “Mirdita”.

Festivali poetiko-letrar “Promenadë mërgimtare 2017” do të vazhdojë me orën letrare, e cila do të ketë karakter garues./b.j/

Gjakova mikpritëse e mësuesve nga Diaspora

by

Seancë nga Seminari i Mësuesve në DiasporëGjakova mikpritëse e mësuesve nga Diaspora, seminar katër ditor/1_GjakovaNga Hazir MEHMETI, Vjenë/

    Seminari i trembëdhjetë me radhë do të mbahet prej 1-4 gusht në Gjakovë ku  do marrin pjesë mësuesit nga shumica e vendeve evropiane.  Seminari organizohet nga MASH, MASHTK dhe Komuna e Gjakovës. Mysafir i veçantë Prof. Dr. Dr. Basil Schader, Shkolla e Lartë Pedagogjike e Zürichut. Kërkohet mbështetje financiare nga qeveritë tona të Shkollës Shqipe në Diasporë. Çdo vonesë me pasoja tragjike kombëtare.Përkraje ...

Këtë verë seminari i mësuesve nga diaspora do mbahet në qytetin e Gjakovës, i njohur si qytet historik, i kulturës e traditës shqiptare. Seminari organizohet nga Ministria e Arsimit e Shqipërisë (MASH) dhe Ministria e Arsimit Shkencës e Teknologjisë së Kosovës (MASHTK) dhe komuna nikoqire e Gjakovës. Është ky seminari i trembëdhjetë me radhë i cili do të mbahet prej 1-4 gusht, ku  do marrin pjesë mësuesit nga shumica e vendeve ku mbahet mësimi shqip. Rëndësia e seminarit është komplekse dhe shumëdimensionale: shkëmbim përvojash, ligjërata nga pedagog ekspertë të kulturës e gjuhës, promovime tekste mësimore e artistike, njohje me trashëgiminë kulturore të qytetit nikoqir.

Krahas ligjëratave nga pedagog e gjuhëtar eminent do  prezantohen tekstet e reja didaktike e metodike të dedikuara mësuesve të gjuhëve amtare në disa gjuhë mes tyre edhe në gjuhën shqipe, të quajtur doracakë. Përmbajtja e tyre bazohet në përvojën profesionale të shumë mësuesve gjuhësh amtare në Evropë. Këto tekste janë konceptuar e hartuar nga metodisti e didakti i njohur Prof. Dr. Dr. Basil Schader, ligjërues në Shkollën e Lartë Pedagogjike të Zürichut në Zvicër, “Kontribute të reja për mësimin e  gjuhës  amtare dhe të kulturës së

prejardhjes”.  Nexhat Maloku dhe  Nexhmije Mehmetaj  do prezantojnë nga projekti i theksuar: “Punë me 6 doracakët e MP në diasporë…  Janë gjashtë tekste, doracak për mësues gjuhësh amtare në gjithë kontinentin: Bazat dhe arsyet, Përkrahje e komunikimit gojor, ..e kompetencave ndërkulturore, … e të shkruarit. … e të lexuarit në gjuhën e parë, Strategjia dhe teknika të mësuarit.
Në historikun e shkollës shqipe në diasporë do shënohet përfundimi i projektit në botimin e 19 teksteve mësimore për tri nivelet mësimore. Projekt me nismëtar mikun tonë të njohur Prof. Dr. Dr. Basil Schader dhe MASHT- së Kosovës me koordinator Nuhi Gashi, i cili fitoj edhe çmimin evropian  “Projekt i Shkëlqyer” në Grac të Austrisë me karakter gjithë evropian në konkurrencë prej 66 subjektesh konkurruese nga disa vende me rastin e  Ditës së Gjuhëve Evropiane. Këto tekste sipas standardeve dhe strukturës metodike e didaktike bashkohore evropiane e ngritin mësimin në gjuhën shqipe në nivelin krahasuese me gjuhët tjera amtare turke, kroate, polake, hungareze etj.

Pritet që të paraqiten me fjalën e tyre përfaqësues nga Ministritë e Arsimit nga të dy vendet tona dhe Mimoza Kusari-Lila, kryetare e Gjakovës.  Seanca zyrtare do të drejtohet nga Anila Ferizaj (MAS), Nuhi Gashi (MASHT), Diana Qarkaxhija (Gjakovë). Me kumtesa do paraqiten:

nga  MASH Shqipërisë: Zamira Gjini, Anila Ferizaj, Dr. Albana Tahir  Dr. Merita Koka Karaguni , Prof, Asoc.Dr. Enida Kume Ergisa Bebja. Dr. Jostina Dhimitri, UN- Tiranë, Dr.Blerta Avdia, Tiranë.   Nga MASHT e Kosovës: Nuhi Gashi, Shqipe Gashi dhe Arbër Salihu. Ligjërata do mbajnë edhe Prof. dr. Anton Nikë Berisha (UN i Kozencës-Itali) “Funksioni identitar i letërsisë…”, Driton Kajtazi ( ISEAL Lozanë),Prof. dr. Naxhi Selimi (SHLP –Zvicër),Mirela Xoxi-Duka (CH),  Nga Greqia: Aurela Konduri, Arian Polisi, Merita Imeri dhe Eva Paloka.  Aida Haziri dhe Anila Kadija ( Londër), Marinela Qytyku (Samaticë).

Krahas ligjëratave trajnuese nga ekspert nga lëmi i didaktikës e metodikës në mësimdhënie, në seminar do këmbehen përvoja nga praktika mësimore mes mësuesve vendesh të ndryshme, njohja me rrethanat specifike të mësimit shqip, njohja me format e reja të mësimdhënies bazuar në arritjet elektronike e teknologjike, promovime tekstesh me autor mësuesit krijues.

Krahas seminarit tradicional në vendlindje, tani disa vjet me radhë në disa vende po mbahen edhe seminare trajnuese rajonale  si në Greqi, Kroaci, Itali, Austri, Zvicër etj. të përkrahura na MASHT- Kos dhe Ministria e Diasporës, kurse jo edhe nga MA e Shqipërisë si bartëse kryesore e detyrimeve ndaj mërgatës shqiptare. Premtimet boshe për ndihmë në financimin e Mësimit Plotësues në Diasporë nga kjo ministri, seminareve të më parme, janë vetëm zhgënjim i  hidhur për nxënësin e gjuhën shqipe. Shumica e këtyre seminare u përkrahen nga afarist e veprimtarë patriot që punojnë për ruajtjen e qenies kombëtare aty ku asimilimi vepron pamëshirshëm. Këto seminare janë shembuj e përvojë edhe për vendet tjera, se si duhet shkëmbyer përvojat në mësimdhënie, aktivitete kulturore, qëndrim ndaj shkollës shqipe, ndaj integrimit dhe ruajtjes së identitetit kombëtar në formimin e plotë të personalitet duke e ruajtur identitetin kombëtar.  Nga vende të ndryshme do duhej të kemi Werkshope-punëtori nga puna me materialet mësimore, nga faqet e internetit pranë Drejtorive të Mësimit, këndeve kulturore e sportive, nga sukseset e talenteve nga radhët e fëmijëve shqiptarë, e tjerë, krejt kjo në shërbim të pasurimit të përvojës profesionale nga vende të ndryshme ku shumëkultura tani është një realitet pozitiv, si dhe në pasurimin e konceptit të seminarit.

Mes dy seminareve shkolla shqiptare mbeti pa disa figurat e njohura që dhanë ndihmë të madhe në zhvillimin e saj, Prof. Dr. Musa Kraja, drejtor i Akademisë Shqiptare të Edukimit, autor i shumë teksteve didaktike e metodike, ligjërues në shumë seminare;  Arif Demolli, shkrimtar, autor dhe koordinator tekstesh mësimore,  ligjërues në disa seminareve dhe Dashamir Zaqe, mësues e veprimtar i dalluar në Greqi e Shqipëri.
Mësuesit në diasporë shpresojnë se Ministritë tona do jenë në vijën e strategjisë kombëtare në përkujdesje ndaj mësimit shqip në diasporë, si gjymtyrë e trupit kombëtar. Deri tani nuk mund të jemi të kënaqur nëse vetëm 5% apo më pak nxënës shqiptarë mësojnë të lexojnë e shkruajnë shqip, kur dihet se shumica absolute e mësueseve nuk kanë paga të rregullta, disa paguhen vullnetarisht nga prindërit, disa punojnë falas. Është urgjente dora e shteteve tona në financimin e mësimit shqip në mërgatë pa marr parasysh çmimin. Veçan duhet dhen dora mësuesve në Greqi e Itali. Kjo po zvarritet me vite, kurse çmimin do e paguaj kombi me humbjen bijve e bijave të tij.