Komente – Page 469 – Dielli

BANKA BOTËRORE DHE AMBASADORËT ME HESHTJEN E TYRE KANË PËRGJEGJËSI PËR ANARKINË E PRONËS DHE DREJTIMIN E KEQ TË DEMOKRACISË NË SHQIPËRI

June 9, 2013 by dgreca

Shkruan: Loro Stajka/ShBA/

Kam lexuar në internet shkrimet e fundit të botuara në gazetën Dielli në New York dhe Telegraf në Tiranë, që z. Rrapo Danushi Niko Nesturi dhe Gëzim Boçari i adresojnë znj Lovovski, ambasadore e W.Bank në Tiranë dhe shpresoja që zonja Lovovski t’i kishte analizuar me qetësi këto kritika dhe të reflektonte për këtë problem që na shqetëson të gjithë. Përgjigja e Lovovsky në gazetën Telegraf dt 6 Qershor 2013 tegon nivelin dhe mentalitetin komunist të saj. Jam dakort se është menaxhimi i keq i Bankes Boterore por dhe i ambasadorëve të BE, OSBE ,USA etj që për 22 vjet kanë heshtur dhe kanë lejuar politkanët shqiptarë të vazhdojnë shkeljen e parimeve më themelore të një shoqerie demokratike. Ju personalisht zonja Lovovski jeni bashkefajtore në këtë krim të organizuar sepse keni justifikuar vjedhjen e pronave. Po të kishit zbatuar parimet për të cilat shoqatat e pronarëve kanë të drejtë, çdo gjë do të kishte ecur ne rrugën e demokracise. Lidhur me intervistën e ish ambasadorit Withers dhanë në Zerin e Amerikes, asesi nuk mund të thuhet se në Shqiperi ka shtet demokratik. Mbi ju znj. Lovovsky dhe ambasadorët rëndojn shkelja e parimeve bazë të njerezimit, të respektuara që nga zanafilla por po mohohen sot në demokraci. Konfliktet dhe vrasjet e shqiptareve ndermjet tyre për shkak të prones janë financuar nga ju dhe kjo rëndon mbi ju. Ju po kultivoni në popull vesin e turpshëm të vjedhjes së pronës se tjeterkuj. Ju dhe ambasadoret që deri sot jeni pajtuar me kete situatë, duke u justifikuar me ndonje kritike të mbytur, mund të shlyeni nje pjese të mekateve vetem duke zbatuar parimet morale dhe kushtetuese për pronen ashtu si i zbaton SHBA dhe Europa. Pa kthyre pronën në origjinë Shqipria do vazhdoje të shkatërrohet, ajo nuk mund të rilindi, duke firmosur tapi atyre që kanë shkelur ligjet dhe kane pushtuar pronën e tjetërkujt,siç pretendon Edi Rama. Po ashtu demokracia nuk mund beje perpara siç thote Sali Berisha, pa i kthyer pronen e grabitur pronarit të ligjshem. Çdo gja fillon me kthimin e pronës në origjinë. Une falenderoj gazeten Dielli dhe redaksine e gazetes Telegraf, qe ashte e lire dhe e hapur për kete problem qe na shqeteson të gjith shqiptareve.

Ne faqen e internetit të shoqatave, une e kam lexuar dhe studiuar projektligjin e shoqates për pronen. Nuk jam specialist i kesaj fushe por jam shume i kenaqur pasi ai e zgjidh problemin tim të prones qe ma kanë grabitur. Me sa kuptoj kjo zgjidhje është në përputhje me parimet e përgjithshme dhe me situatën e krijuar. Do të ishte në nderin e Bankës Botërore, të analistëve të politikës dhe të gazetave të shprehin mendimin e tyre për këtë problem të ditës dhe zgjidhjen e tij.

KISHA“SHEN MERIA“ NE ELBASAN ANKOHET TEK AMBASADORI ARVIZU PER ANTIAMERIKANIZMIN E JANULLATOSIT

June 9, 2013 by dgreca

KISHA ORTODOKSE AUTOQEFALE KOMBETARE SHQIPTARE/*

SHEN MARIA ELBASAN/

Nr.Pr_001______/

Cel. 0355682533097/

LETER E HAPUR DREJTUAR AMBASADORIT TE SH.B.A./

ZOTIT ALEKSANDER ARVIZU/

Zoti ambasador./

Ju shpreh respektin dhe mirnjohjen per kontributin dhe vlersimin pozitiv ndaj vendit tim por dhe ndaj besimtareve ortodoks Shqiptar.

Kerkojme bekimin e Zotit qe si Ju dhe kombi Shqiptar, te realizojme aspirata e perbashketa per nje rajon ballkani ne zhvillim dhe paqe te perhereshme.

Ne jemi te bindur se Ju me diplomacine Tuaj, do te jeni ne mbeshtetje te kombit Shqiptar i cili ka probleme jo pak, qe nga klasa politike e deri tek sovraniteti ekonomik dhe panvaresia reale perballe korenteve politike Europiane.

Po gjithashtu, ne shpresojme ne mirkuptimin Tuaj dhe per problemet fetare dhe kryesisht ato te Autoqefalise se vertete Ortodokse Shqiptare. Probleme qe vazhdojne te jene ne dem te identitetit dhe historise ortodokse Shqiptare.

Ne shenje respekti dhe mirnjohje per Shtetet e Bashkuara te Amerikes, si dhe per ambasadoret e saje qe ne kohe te hershme,Ambasadore te cilet vazhdimisht kane deshiruar perparimin dhe zhvillimin e kombit Shqiptar. Ne e ndiejme si obligim T’ju paraqisim nje informacion te shkurter rreth konfliktit parimor te lindur qe me ardhjen ne krye te kishes Autoqefale Ortodokse Shqiptare ne menyre te paligjshme te shtetasit grek Anastas Janullatos, si Kryepeshkop i kesaj kishe.

Jemi te detyruar te bejme nje spjegim te ketij konflikti, si ne aspektin teologjik, ashtu dhe ne ate ligjor, per te mos i lene hapsire interpretimeve te pa verteta dhe trillimeve, qe dalin vazhdimisht nga struktura anti shqiptare apo vorio-epirote ne Greqi kunder identitetit dhe historise Ortodokse Shqiptare.

Ortodoksia Shqiptare, ne historine e saje, ndryshon shume persa i perket Ortodoksise Lindore.

Ortodoksia Shqiptare nuk eshte perzier ne lojra politike nderkombetare ashtu si kisha te tjera ortodokse qe me veprimet e tyre i kane dhene zhvillime negative njerezimit.

Ne statutin e vitit 1936 te Kishes Ortodokse Autoqefale Shqiptare, satut i miratuar nga Mbreti iShqiptareve Zogu-I dhe punuar me mjeshteri nga Ate Fan Noli, Visarion Xhuvani, Kristofor Kici te cilet kane qene drejtues te saje si Kryepeshkope, ne nenin 16 percaktohet qarte se: Kryepeshkopi duhet te jete prej gjaku dhe gjuhe Shqiptar. Statut I njohur dhe nga Patriarkana e Stambollit. Ky statut eshte i pandryshueshem edhe sot sepse eshte i shenjte dhe i perjetshem.

Influenca e politikes Greke pjeserisht ne klasen politike Shqiptare, ka bere qe ky person te jete ne krye si Kryepeshkop. Ne jemi te shqetesuar per kete njeri sepse nuk kryen ne te vertete misionin e tije fetar por perpiqet qe disa pakica te kombesive te tjera ti quaje Greke .

Ne kemi te dhene se ky person bashkpunon dhe me financime me grupe qe kerkojne territore te Shqiperise ne Jug duke perdorur misionin fetar.

Cdo tentative, per ta larguar kete person ka deshtuar per shkak te nderhyrjes se shtetit Grek ne Keshillin e Europes, duke akuzuar Shqiperine e brishte per cenim standartesh nderkombetare. Ne disa raste, shteti Grek ka persekutuar emigrantet Shqiptare.

Anastas Janullatos, kerkon me cdo kusht qe Ortodokesve Shqiptare tu implementohet nje dokem fetare me shenjtore Greke,Ruse,Serb etj. Qellimi i tije eshte qe Ortodokset Shqiptar ta ndiejne veten ndryshe nga shqiptaret e besimeve te tjera dhe te vihen ne sherbim te mendesive Ortodokse Greke.

Ne Ortodokset Shqiptare nuk jemi pjese e boshtit politiko-fetar Athine-Mosk-Beograd. Bosht i cili vazhdimisht eshte kunder interesave te drejta dhe zhvilluese te perendimit.

Anastas Janullatos kerkon te ndryshoje strukturen kishtare ose administrative, gje qe e ka bere ne disa kisha.

Arkitektura e ndertimit te kishave eshte e stilit helen me fonde qe asnjehere nuk behen transparente.

Gradualisht po largohet nga liturgjia Shqiptare dhe po perdor ate Greke.

Krijimi i Sinodit te Shenjte me pjesmarrje dhe te personave me nenshtetesi Greke, eshte nje shkelje tjeter e statutit te shenjte dhe te perjetshem.

Autoqefalia Shqiptare, ndarjen nga kisha greke e ka paguar me gjak martiresh, te cilet e shihnin te verteten dhe zhvillimin ne perendim.

Fatkeqesisht, dobesite e tranzicionit Shqiptar, si dhe nevojat e Shqiptareve per nje punesim apo qendrim jashte shtetit, i shfrytezon Anastas Janullatos, duke u kerkuar te ndryshojne emrin dhe besimin. Kjo arrihet me ndihmen e shtetit Grek dhe papergjegjesine e disa qeveritareve Shqiptare. Ky eshte nje realitet i hidhur per ne por me mire e verteta se zhgenjimi ne fund.

Ne kete konflikt, ne jemi udhehequr nga edukata dhe shpirti Kristian me menyren paqesore dhe dashurine. Kundershtim yne ndaj Janullatosit buron nga e drejta dhe vertetsija nen driten e Zotit, per te drejten teologjike dhe ligjore ne ate qe kerkojme per Ortodokset Shqiptare dhe per kombin Shqiptar ne Ballkan.

Tashme eshte e qarte vepra e tyre ne dem te Shqiperise.

-Veprimet politike brenda kishes te Janullatos dhe sherbetoreve te tije.

-Veprimet me eshtrat e ushtareve pushtues Grek duke shtuar numrin ne menyre artificial per tu quajtur deshmore te vorio-epirit.

-Ndrimin e emrave Shqiptar ne Greke.

-Financimet me bekim te Janullatosit per te pushtuar jeten ekonomike politike e fetare te Shqiperise.

-Fjalimet e Janullatosit ne organizma nderkombetare per gjoja mungese te drejtash te ndryshme ne Shqiperi.

-Qendrimet e shtetasit greko-amerikan Nikola Geixh ne dem te territorit dhe identitetit Shqiptar.

-Thirrjet e konsullit Grek ne Korce per deklarim te rreme te kombesise dhe fese.

– Fushata e Vangjel Dules dhe organizates Omonia pro regjistrimit fallsifikues te popullsise.

-Faqet ne internet te Vasil Bollanos per autonomi te Himares si dhe marrja pjese ne mbledhje te pseudo qeveria e Vorio Epirit etj.

Ju bejme me dije se plani grek eshte te tjetersoje identitetitn Shqiptar ne tre drejtime si, feja, gjuha, kombesia. Mbas ketij tjetersimi ata do kerkojne referendum per shkeputje nga trualli i atdheut.

Denancojme si nderhyrje ne punet e brendeshme, por dhe ne kushtetuten e K.O.A.K.SH. veprimet e nenshtetasit grek Anastas Janullatos i cili perpiqet te ndryshoje disa ligje te statutit apo kushtetutes kishtare, me qellim qe ti pershtasi sipas interesit te tije personal e helenizimit perfundimtar te kesaj kishe. Statuti i kishes eshte i perjetshem dhe i fundit i miratuar dhe nga Patriarkana e Stambollit, statut qe nuk lejon asnje Kryepeshkop pa gjak shqiptari,gjuhen shqipe,si dhe nenshtetsine shqiptare. Ne i jemi drejtuar dhe ambasades Greke ne Shqiperi duke i bere te ditur se, nenshtetasi i saj eshte i padeshirueshem dhe merret me pune qe i perkasin shovinizmit fantazist grek.

Anastas Janullatos, ky gjeneral dhe drejtues shpirteror i partise rraciste dhe anti amerikane “Agimi i arte” ne Greqi duhet te largohet nga Shqiperia. Shpesh here shteti shqiptar eshte perkulur perpara nacionalizmit dhe shovinizmit grek.

Zoti ambassador. Anastas janullatos bashkpunon me kishen serbe dhe ate ruse ne dem te shqiptareve qe jetojne ne atdheun e tyre si sterniper te pellazgeve. Jo rrall here janullatos perhaps ndjenje anti amerikane ne mes te besimtareve. Panvarsisht nga puna e tije ne dem te shqiptareve ne nuk do te lejojme qe lidhja shpirtrore midis kombit shqiptar dhe popullit amerikan te cenohen nga mosmirnjohes dhe shoviniste greke.

Ne shpresojme se, ashtu sic kane bere Ambasadoret e meparshem te Shteteve Bashkuara te Amerikes, duke vizituar Kishen tone, jeni dhe Ju i ftuar dhe i mirepritur per nje vizite.

Vizita Juaj do ti gezonte pa masa besimtaret Ortodokse te lagjes Kala por dhe ato te mbare kombit Shqiptar per ti dhene nje shprese, se e arthmja e Ortodoksise Shqiptare do te jete me e sigurte.

Me kenaqesi ne jemi ne pritje te vizites Tuaj kurdo qe ju ta vleresoni te arsyeshme.

Ne jemi ne pritje te pergjigjes tuaj pozitive.

Sinqerisht

AT NIKOLLA MARKU

* Letra u dergua nga Kisha Shen Meria ne Elbasan ne Gazeten Diellin me shenim:Lutemi botojeni!

Nesër mund të jetë më mirë se sot, e pasnesër akoma më mirë se nesër!

June 9, 2013 by dgreca

Shkruan: Faik KRASNIQI?Prishtine/

Nesër mund të jetë më mirë se sot, e pasnesër akoma më mirë se nesër. Njeriu gjithmonë jeton me shpresën se e nesërmja do të jetë më e mirë. Shpresa na mban gjallë. Në qoftëse vdes shpresa mbaron gjithçka. Jeta i ngjason një peme me rrënjë të kalbura. Ndërsa nëse një e vërtetë vdes, kjo konsiderohet thjesht një kapitull i mbyllur i jetës, që më së fundmi e pranojmë si të tillë, duke pasur shpresën që na ndihmon të shikojmë përpara dhe që na jep forcën për të hapur kapituj të rinj. Sepse jeta vazhdon…

Humbja e një shprese do të thotë të humbësh ëndrrat e tua për një të ardhme në të cilën ti investon gjatë gjithë jetës dhe sipas mendimit tim është një nga gjërat më negative.

Një e vërtetë është diçka kohore (e tanishme) dhe të nesërmen i përket të kaluarës që nuk kthehet më pas…Personalisht preferoj të humbas një të vërtetë sot sesa një shpresë mot. Njeriu përballet në jetë me vështirësi dhe të vërteta të hidhura .. që do apo s’do do i pranojë ashtu si të jenë, por shpresa na mban gjallë… ajo vdes e fundit ..ajo na shtyn përditë e përditë që kur dalim nga shtëpia ta mbajmë kokën lart dhe t’i japim vetes kurajon , durimin dhe vullnetin se ditë më të bukura do vijnë …

Nëse humb shpresa …pavarësisht se vazhdon merr frymë në pamje të jashtme .. në brendësi ke vdekur si njeri. Humbja e një shprese është më e rëndë se humbja e një të vërtete!Në botën ku jetojmë sot, të vdesi një e vërtetë është e hidhur, të vdes një shpresë, ka vdekur shpirti…….Shpirtin e mban shpresa dhe pa të do ishte thjesht një tunel i zymtë ku nuk ka as ‘’ajër’’ dhe as ‘’jetë’’…

Kur një njeri humbet shpresën, ai në fakt humbet gjithçka. Është pikërisht shpresa për një ditë më të mirë që na zgjon nga shtrati, shpresa për një pagë më të mirë ajo që na çon në punë, shpresa e prindërve tanë për një të ardhme më të mirë për ne. E gjithë jeta e njeriut është e mbërthyer me shpresë dhe humbja e kësaj është edhe humbje e një të vërtete.

Shpresa është ajo ura lidhëse drejt së vërtetës, pra janë të dyja të rënda dhe s`do të doja të humbja asnjërën. Mund të jetë diçka e rëndë, por nganjëherë koha tregon se humbja e një shprese (kur kjo është e pabazë) është një gjë e mirë. Të humbasësh një shpresë në të vërtetë ke humbur një mundësi për të mos u mërzitur ama e vërteta është ajo që na bind që mërzia është një e vërtetë më e madhe sesa tek shpresa. Thonë që të jetosh me shpresë është një mënyrë vazhdimësie ama po të ishte e vërtetë atëherë edhe materia do të ishte iluzion.

Njeriu jeton me shpresë. Në qoftë se ai e humb këtë, është i pa vlerë në shoqëri.

OPINIONISTËT E TIRANËS, BINJAKËZUAR ME POLITIKËN DHE OLIGARKËT, IA KANË SHITUR SHPIRTIN DJALLIT

June 8, 2013 by dgreca

Nga ELIDA BUÇPAPAJ/

Shtypi dhe mediat e shumta të Tiranës vendosin në fokus të tyre dizinformacionin. Kjo sindromë, ky morbus duhet të shërohet me çdo kusht. Ti e kupton se noton total në dizinformacion, kur kërkon që ta krahasosh të njëjtin lajm në gazeta apo televizione të ndryshme. Dhe përfundimi është se do të mbetesh me gojë hapur, pasi do të konstatosh se nga lajmi, që ka kaluar në guzhinat e redaksive, ku kryeshefi është pronari apo oligarku i tranzicionit, nuk ka mbetur më asnjë shenjë.

Abuzimi me lajmin në Tiranë është i frikshëm, në kuptimin se si keqpërdoret ai. Është e kuptueshme që çdo gazetë apo televizion të ketë politikën e vet redaksionale, të zgjedhë prej lajmit, të nënvizojë dhe ta kthejë në kryetitull atë që i shkon për shtat, por pa guxuar t’i ndryshojë as edhe një presje.

Kulmi i rrezikut është se politikat redaksionale të gazetave apo televizioneve nuk përputhen dhe nuk kanë asnjë pikë të përbashkët me interesat kombëtare të vendit. Si ndodh rëndom në një demokraci Perëndimore, ku duke anuar majtas apo djathtas, kritikat janë në shërbim të zgjidhjeve më të mira për vendin dhe në të mirë të opinionit publik. Në Tiranë shtypi dhe mediat kanë politika imponuese, pra diktojnë atë që duan ata, kë duan ata, si duan ata për interesa të tyre dhe assesi të vendit. Diçka që rrezikon integritetin e vendit.

Abuzimi me lajmin në Shqipëri është profesional që nga era e diktaturës dhe kryhet mjerisht nga ata që duhet të jenë zëdhënësit, besnikët dhe përcjellësit e tij, por që kanë dalë totalisht nga roli. Sepse opinionistët e Tiranës janë binjakëzuar dhe trinjakëzuar me politikën dhe oligarkët, pra ia kanë shitur shpirtin djallit.

Lajmin në Shqipëri e veshin, e zhveshin, i bëjnë make up, e përçudnonjë, e zbukurojnë, e lajlulosin, e lenë pa frymë, pa organe, pa asgjë, e kalojnë në gijotinë dhe pastaj e krijojnë sipas gustove dhe shijeve të tyre. Dhe kur vjen puna tek gustot, atëhere ata krekosen e dalin me maksimën latine që thotë « De gustibus non est disputandum », se gustot dhe shijet nuk vihen në diskutim. Dhe kur ke parasysh shijet e pronarëve dhe botuesve të Tiranës, asnjëri prej tyre nuk është as vegjetarian apo vegan, të gjithë janë carnivorë, mishëngrënës. Kështu bëjnë edhe me lajmin, ia rrjepin mishin, deri palcën.

Ju duket makabre, kjo që po ju them. Mos do të më thoni: uff, çfarë sensi antinjerëzor keni kur përshkruani këtë fenomen; zonjë kujdes se keni shkelur etikën profesionale me këtë gjuhë të helmatisur! Por kështu është e vërteta, e hidhur, e helmatisur, pelin, të cilën gazetarët e Tiranës, shërbëtorët e aq shumë zotërinjve e kthejnë me kokë përmbys.

Lajmin nuk mund ta transformojë askush, qoftë ky kush të dojë, qoftë ky të ketë lidhje me kë të dojë, qoftë me kryeministrin apo me liderin e opozitës, apo qoftë i punësuar nga pronarë me lidhje me qeverinë apo me grupet e interesit pranë opozitës, lajmi është kokëfortë, është ky që është dhe si i tillë duhet respektuar.

Në Tiranë lajmi masakrohet. Sikur të mos mjaftonte censura. Të gjithë opinionistët që dalin nëpër ekranët e televizioneve të Tiranës me flokë të sapolyera dhe krehura nga parukieret më në modë të metropolit ballkanas, me kostume shik firmato dhe me këpucë me çmim sa pensionet e dhjetë shqiptarëve, unë i përfytyroj gjithnjë me zinxhirë me dryna, sepse burgosin lajmin. Pastaj kur duan të hiqen elokuentë, për të evidentuar gradat e tyre shkencore, atëhere janë zero me xhufkë, sepse gënjejnë, pasi flasin dhe llapin sikur të kenë adn të përbashkët me të pronarëve. Ndërsa me publikun nuk kanë asnjë lidhje dhe publiku i njeh ata si zëdhënës të politikës dhe oligarkisë tranzicioniste, sepse me urdhërin e tyre lajmi përçundohet, transformohet sipas interesave të partive, partiakëve, oligarkëve, pra lajmi zhvishet nga të qëni lajm dhe kthehet në agjitpropagandë, diçka e ngjashme me kohën e diktaturës.

Këta faqezinj shkelin të drejtën e opinionit për informim sepse lajmi është e drejtë dhe pronë e opinionit publik. Jo vetëm në rang kombëtar dhe rang vendi, por në rang global. Ne e shohim në çdo sekondë se ndodh diçka, kudo që të ndodhë, opinioni informohet menjëherë, ne e marrim lajmin menjëherë dhe gazetarët pastaj bëjnë updated, përditësimin, për ta saktësuar, për t’i shkuar tek e vërteta që është vetë lajmi.

Në Tiranë ndodh e kundërta, në Tiranë gazetarët marrin rroga marramendëse, pushtojnë hapësirat që duhet të jenë pronë legjitime e opinionit publik, për ta çorientuar opinionin publik, për ta larguar nga e vërteta, nga lajmi, për t’ia bërë mendjen dhallë, çorap si thotë populli. Me këtë strategji gazetarët orintohen nga politika, nga botuesit dhe pronarët, të cilët midis tyre kanë lidhje të forta interesi ekzistencial, sepse mbijetojnë falë abuzimit, falë shkeljeve të ligjit të konkurencës, tregut të lirë, i cili vendos kufij dhe nuk lejon të abuzosh as me të drejtat dhe as me pushtetet. Këto të drejta sanksionohen në kushtetutën e një vendi demokratik, ku shteti i së drejtës përjashton çdo lloj abuzimi dhe ku fjala e lirë, e vërteta dhe lajmi janë sovrane. Nëse shkelet sovraniteti i lajmit dhe i të vërtetës, si veprohet në Shqipëri, është shkelur edhe sovraniteti i shtetit, qytetarit dhe opinionit publik.

JA PERSE KRYEMINISTRI BERISHA DUHET T’I FITOJE EDHE KETO ZGJEDHJE

June 7, 2013 by dgreca

KOMENT PËR ZGJEDHJET E 23 QERSHORIT 2013/

Nga Prof. Thanas L. GJIKA/SHBA/

Në fushatën e sotme për zgjedhjet e 23 qershorit, forcat kryesore janë polarizuar midis Partisë Demokratike me z. Sali Berisha në krye dhe Partisë Socialiste me z. Edi Rama në krye. Arsyetimi kryesor që përdoret sot për të mbushur mendjen e popullit shqiptar se nuk duhet votuar z. Sali Berisha, është nevoja e rrotacionit, zëvendësimi i tij me z. Edi Rama, mbasi ai ka qëndruar shumë gjatë në pushtet dhe ka bërë gabime të rënda…

Për mendimin tim ky arsyetim nuk është bindës, mbasi:1. Rrotacioni është një domosdoshmëri në vendet me demokraci të zhvilluar, si SHBA, shtetet e Europës së Bashkuar, etj, por jo për vende me demokraci të brishtë, si Shqipëria, që kanë kaluar një periudhë të gjatë kohe nën zgjedhën e egër komuniste. Z. Sali Berisha vërtet ka qendruar gjatë në pushtet dhe ka berë gabime, të cilat i pranon dhe vetë, por detyrat kryesore ai i ka kryer mirë. Sot Shqipëria, nga një shtet në gjendje kome që ishte në vitet 1991-1994, është forcuar, ka hyrë në NATO dhe po ecën me sukses drejt Europës së Bashkuar. Fshatarësia shqiptare sot ka toka e bagëti, ka shtëpi të reja, është e punësuar në pronën e vet. Të gjithë qytetarët e Shqipërisë jetojnë sot shumë, shumë më mirë se në vitet 1945-1991.

2. Partia Socialiste e Shqipërisë, si vijuese e drejtpërdrejtë e PPSH / PKSH ka pasur e ka nevojë dhe detyrë të zhvillojë së pari katarsën e vet, për t’u çliruar nga mendësia komuniste. Që kjo parti të kthehet në një forcë të vërtetë demokratike duhet të pranojë sukseset e kundërshtarit, duhet të mos shajë e shpifë kundër çdo bëme të Partisë Demokratike në pushtet, por të japë obsionet e saj më të mira. Z. Edi Rama, në vend që të merrej me rigjenerimin e partisë së tij këto tetë vjet të qëndrimit në opozitë, kreu veprime shumë të dëmshme politike duke mos hyrë në parlament, duke zhvilluar greva urie e demonstrata pa bukë, duke ushqyer vetëm urrejtje e tifozllëk të sëmurë. Më 21 janar 2011 ai nuk doli në krye të demostruesve, por i la demostruesit si bagëti pa bari dhe demostrata degjeneroi në një demostratë të dhunshme, duke dëshmuar se partia e tij nuk është në gjendje të kryejë një demostratë paqësore, si i zhvillojnë forcat politike demokratike.

3. Unë mendoj se fitorja e z. Sali Berisha më 23 qershor 2013 do t’i bëjë mirë të dy forcave kryesore politike, pra do t’i bëjë mirë së ardhmes së Shqipërisë. Kjo fitore do të sjellë si pasojë mënjanimin e z. Edi Rama nga kryesia e PS-së. Kjo parti do të shpëtojë nga ky kryetar i rastit e ambicioz, i cili për hir të mbajtjes së karrikes e shkatërroi PS-në duke mënjanuar shumë prej elementëve të pjekur të saj. PS-ja gjatë katër vjetëve të ardhshëm do të ketë mundësi të rigjenerohet dhe të përgatisë kuadro të pjekur për të konkuruar denjësisht në zgjedhjet e vitit 2017. Nga na tjetër dhe PD-ja gjatë katër vjetëve të ardhshëm do të ketë kohë të përgatisë kuadro të reja që po rriten në gjirin e saj për të vijuar edhe më mirë se z. Sali Berisha lojën politike të pluralizmit me tolerancë e pjekuri për të dëshmuar se dhe ne shqiptarët meritojmë të hyjmë në BE.