Tepelene- Në luftën për asgjësimin e parcelave me kanabis të ndërmarrë nga Ministria e Brendshme, ministri Saimir Tahiri ka hasur rezistencë pikërisht në Tepelenë, vendi i tij i i origjinës.
Por, jo vetëm, sipas denoncimeve të bëra nga PD në seancën parlamentare të 29 nëntorit 2013 shumë drejtues të lartë të policisë që u emëruan nga ministri Tahiri janë nga Tepelena, madje dhe nga Kurveleshi ku mesnatën e 29 majit banorët kanë qëlluar me armë, kanë bllokuar rrugën me inerte madje kanë thyer xhamat makinave të policisë për të mos i lejuar të hyjnë.
Sulmuan policinë në hyrje të fshatit
Policia e Gjirokastrës bën publike detajet e ngjarjes së ndodhur mesnatën e së enjtes 29 maj në komunën e Kurveleshit kur disa persona ndaluan policinë të hyjë në fshat për të kryer operacionin për identifikimin dhe asgjësimin e parcelave me kanabis.
Në hyrje të fshatit Lekdush një grup personash kanë kundërshtuar me dhunë policinë duke thyer me mjete të forta xhamat e makinës së policisë. Më pas kanë bllokuar me inerte rrugën dhe kanë qëlluar me armë zjarri për të penguar forcat e policisë për të mos vazhduar operacionin.
Policia është tërhequr për t’u kthyer disa orë më vonë me dhjetra forca të Drejtorisë së Policisë së Gjirokastrës, RENEA, FNSH, e Delta Forcë. Kur rruga u hap janë kryer kontrolle banesash. Janë sekuestruar 3 automjetet me të cilat kanë lëvizur personat e armatosur si dhe janë kryer kontrolle massive të territorit.
8 të arrestuar 2 në kërkim
Tetë persona janë arrestuar, ndërsa dy të tjerë janë shpallur në kërkim si autorë të sulmit me armë ndaj policisë por dhe bllokimit të rrugës në hyrje të fshatit Lekdush të komunës Kurvelesh.
“Gjithashtu është bërë arrestimi në flagrancë i dyshuarve si autorë të sulmit me armë ndaj policisë dhe bllokimit të rrugëve. Janë arrestuar M.Kurra, S.Mema, për akuzën e vrasjes në rrethana të cilësuara të mbetura në tentativë.
Si dhe u arestuan D.Qendro, E.Lusha, K.Sulmataj, D.Majko, G.Nerguti, N.Muca. për organizim i grumbullimeve të paligjshme me pjesëmarrje të personave të armatosur. Gjithashtu për këtë ngjarje janë shpallur në kërkim dhe dy shtetas të tjerë.
Ky operacion i policisë ishte ndërmarrë në kuadër të operacionit të koduar “Derveni” dhe u shkatërruan 3500 fidanë kanabis
Në zonën e ish minierës së fosforit në komunën Kurvelesh dhe forcat e policsië së Tepelenës kanë vijuar operaconin për krehjen e gjithë zonës.
NJOFTIM PËR SHTYP.
Vijon puna për parandalimin e kultivimit të Canabisit.
Në vijim të Operacionit të koduar “Derveni”, në zonën e Ish minierës së Fosforit në Fshatin Gusmar të Komunës Kurvelesh të rrethit Tepelenë, arrestohen 8 persona.
Sekuestrohen tre automjete.
Në vijim të operacionit të Koduar Derveni të zhvilluar nga Efektivat e Policisë së Komisariatit të Policisë Tepelenë, në zonën e ish minierës së Fosforit në fshatin Gusmar të Komunës Kurvelesh të rrrethit Tepelenë, ku u shkatërrua një Serrë me 3500 fidanë canabis sativa në gota plastike, të cilat do kultivoheshin në këtë zonë , dhe ishin hapur 3500 gropa, opreacioni ka vijuar për kontrollin e plotë të gjithë zonës në komunën Kurvelesh.
Një grup personash të ardhur nga zona të tjera me lidhje farefisnore në këtë komunë, dhe disa persona nga fsharat e komunës Kurvelesh , kanë kundërshtuar me dhunë policinë e Tepelenës që po vijonte operacionin për kontrollin e teritorit , ku kanë thyer me mjete të forta xhamat e njërës nga makinat e policisë.
Më pas këta persona kanë bllokuar rrugën për në hyrje të fshatit Lekdush me inerte dhe kanë qëlluar me armë efektivat e policisë që po shkonin për të hapur rrugën.
Në ndihmë të efektivave të Komisariatit të Policisë Tepelenë kanë shkuar dhjetra forca të Drejtorisë së Policisë së Qarkut Gjirtokastër, e më pas edhe Reparti Special Renena , grupet të FNSH, e Delta Forcë.
Si rezultat është bërë hapja e rrugës , janë kryer dhjetra kontrolle banesash, është kryer kontroll masiv i teritorit që mbulon Komuna Kurvelesh , janë sekuestruar 3 automjete që kanë lëvizuar personat e armatosur , por më pas i kanë braktisur pasi të gjitha hyrje – daljet ishin të bllokuara nga Policia, si dhe janë arrestuar tetë persona dhe janë shpallur në kërkim dy të tjerë dhe konkretisht:
M.Kurra, i datëlindjes 1992, lindur dhe banues në Progonat.
S.Mema, i datëlindjes 1991, lindur dhe banues në Progonat.
Dyshohet se keta dy shtetas në bashkëpunim me dy shtetas të tjerë që janë shpallur në kërkim nga ana jonë dhe persona të tjerë që vijon puna për identifikimin e tyre , kanë goditur me mjete të forta makinën e policisë dhe më pas kanë bërë bllokimin e rrugës me inerte , si dhe kanë sulmuar me armë efektivat e policisë.
Arrestimi i tyre u bë për veprat penale “Vrasje në rrethana të cilësuara mbetur në tentativë, kryer në bashkëpunim:, si dhe “Organizimi i grumbullimeve dhe manifestimeve të paligjshëshme me pjesmarrje të personave të armatosur”.
Gjithashtu janë arrestuar në flagrancë:
1. D.Qëndro, i datëlndjes 1987, banues në Progonat.
2. E.Lusha , i datëlindjes 1984, nga Dibra banues në Tiranë.
3. K.Sulmataj, i datëlindjes 1968, lindur në Kukës e banues në Tiranë.
4. D.Majko, i datëlindjes 1993, banues në Progonat Tepelenë.
5. G.Nerguti, i datëlindjes 1986, banues në Kukës.
6. N.Muca , i datëlindjes 1995, banues në Librazhd .
Arrestimi në flagrancë i këtyre shtetasëve është bërë pasi dyshohet se janë autorë të ngjarjes së Progonat ku kanë bllokuar rrugën , kanë goditur me mjete te forta makinën e policisë dhe kanë kundërshtuar me dhunë forcat e policisë që ishisn duke kryer detyrën.
Vijon puna për zbardhjen e plotë të ngjarjes dhe arrestimin e personave të tjerë të implikuar në këtë ngjarje.
Materialet do ti kalojnë Prokurorisë së Rrethit Gjyqësor Gjirokastër për veprime të mëtejshme.(Kortezi TV Ora News)
Në Grevën e urisë 14 ish të përndjekurve: “Po na provokojnë”!
Tirane- Alim Sofija dhe Gjet Ndoji i janë bashkuar çadrës së grevës së urisë e cila prej katër ditësh është ngritur pranë godinës së ish të përndjekurve politikë, 50 metra larg Parlamentit.
Sofija është nga Kukësi ndërsa Ndoji është nga Lezha.
Sot në ditën e katërt të grevës gjëndja shëndetësore e ish të përndjekurve që kanë hyrë në grevë urie që prej 28 majit është rënduar. Ndërsa në tendë numri i ish të përndjekurve që po vazhdojnë grevën ka shkuar në 14.
Një grup mjekësh qëndron në dispozicion të tyre.
Ndërsa shprehen të vendosur për të vazhduar grevën e urisë për plotësimin e kërkesave të tyre, thonë se po provokohen nga disa persona.
Një incident i tillë ndodhi rreht orës 09:15 minuta kur pati një konflikt verbal mes grevistëve dhe disa personave të tjerë që ishin jashtë çadrës.
Por konflikti zgjati vetëm pak minuta ndërsa ndërhyri policia për të larguar personat që ishin afër grevës.
Hoxha: Veliaj, zymbyl të mos vazhdojë më me intriga
Fatmir Hoxha drejtuesi i grevës u shpreh se personat kanë qëllim të prishin grevën janë ish agjentë të sigurimit. Ndërsa i bëri thirrje Veliajt të mos vazhdojë më me intriga.
“Neve i presim provokimet sepse është gjallë diktatura. Ata janë njerëz të sigurimit të shtetit kundër grevës.
Nuk kemi ardhur për qëllime personale. Erjon Veliaj të mos hedhë akuza. I them Zylmbylit të mos vazhdojë intrigat.
I pyetur që sipas Veliajt nëna dhe daja i tij kanë marrë të gjitha paratë e kompensimit Hoxha tregoi librezën ku sipas tij janë marrë vetëm 1 milionë e 700 mijë lekë.
DY GREVA URIE
Dy greva urie, një tjetër ish e përndjekur hyn në çadër, protestë mbështetëse te Piramida/
Tendës së grevës së urisë së ish të përndjekurve i është bashkuar sot një tjetër protestuese. Ajo është Turbullira Jakup Shalsi, 70 vjeç e cila thotë se nga paratë e dëmshpërblimit ka marrë vetëm 60 mijë lekë, ndërkohë që para çadrave te Piramida ku prej 21 majit vazhdojnë grevën e urisë një përfaqësi e shoqatës së të larguarve nga administrata dhe 6 punonjës policie të liruar u mbajt një protestë.
Dy kategorit e personave që kanë hyrë në grevë urie janë zgjuar sot në një ditë me shi. Të larguarit nga administrata jënë në ditën e 10 të grevës së urisë të vendosur në çadrat përpara Piramidës dhe në krah të kryeministrisë. Kurse një grup ish-të përndjekurish kanë hyrë sot në ditën e 3-të të grevës së urisë. Ata janë vendosur përpara Parlamentit dhe në afërsi të Institutit të Përndjekurve Politikë.
Greva e ish-të përndjekurve politik
11:30 Grevës së ish-të përndjekurve politikë i bashkohet një e moshuar
Fatmir Hoxha, organizatori i grevës së urisë së ish-të përndjekurve u shpreh se janë të vendosur për ta çuar deri në fund grevën e urisë.
“Nuk i shkëputim grevës deri në vdekje. Ta marrë vesh politika shqiptare jemi të vendosur burra dhe gra deri në vdekje, të dënohet krimineli Enver Hoxha”.
Një grup ish-të përndjekurish politikë kanë hyrë sot në ditën e tretë të grevës së urisë. 15 ish-të përndjekur janë vendosur me çadra përpara Parlamentit dhe në afërsi të selisë së tyre. Ata hynë në grevë urie me 5 kërkesa drejtuar qeverise. Ish të përndjekurit kërkojnë që dëmshpërblimi i tyre të kryehet brenda 2 vitesh.
Ditën e djeshme janë dërguar në spital dy gra greviste për shkak të problemeve shëndetësore. Njëra prej tyre ka nevoje edhe për ndërhyrje kirurgjikale. Por ata shprehen të vendosur për të vazhduar grevën.
Një ditë më parë ka pasur akuza dtrejtuar ministrit të Mirëqënies Sociale dhe Rinisë. Ndërkohë që sot do të shpërndahet kësti i radhës për këtë kategori
Greva e të larguarve nga administrata
Të larguarit nga administrata kanë hyrë sot në ditën 10-të të grevës së urisë në çadrat e ngritura në lulishten pranë godinës së Kryeministrisë, duke kërkuar rikthimin në punë.
Gjendja shëndetësore e grevistëve rëndohet nga dita në ditë, ndërsa shumica e tyre kanë marrë disa herë trajtim mjekësor, por shprehen të vendosur për të vazhduar grevën deri në fund misionin e tyre.
Ndërkohë që grevës së të larguarve nga puna iu bashkuan edhe 5 policë të liruar nga detyra në vitin 2013.
Shoqata e policëve mbështet me protestë ditën e 10-të të grevës së urisë
Greva e urisë e të pushuarve nga puna që zhvillohet prej dhjetë ditësh para Kryeministrisë, është mbështetur të premten nga një protestë e ish-policeve të pushuar nga puna në shenjë solidariteti.
Përfaqësuesi i shoqatës së policëve të pushuar nga puna tha “ne jemi pushuar nga puna në kundërshtim me ligjin dhe kërkojmë rikthimin në punë, pasi shumë nga punonjësit e policisë kanë marrë vendimin e gjykatës për kthimin në punë dhe asnjë vendim nuk është zbatuar. Ne do të vazhdojmë të mbështesim grevistët deri në realizimin e kërkesave tyre”.
Grevistët e urisë janë monitoruar nga mjeke24 orë dhe shumë prej tyre janë dërguar në spital për të marrë ndihmë mjekësore.
Sot Artan Murrizi, nje nga grevistet eshte derguar ne gjendje et rende ne sppital.
TENSION NE TIRANE-Greva e ish të përndjekurve, Përplasje fizike mes deputetëve PD e policise
Tirane-Tensionohet situata para godinës së Institutit të të përndjekurve politikë./
Në orën 13: 20 minuta një mjet tip golf kishte ardhur për të sjellë infrastrukturën për të ngritur cadrat. Kjo nuk është lejuar nga policia.
Ndërkohë kanë ndërhyrë edhe deputetët e PD-së për të lejuar që paisjet të dilnin nga makina. Ka pasur edhe një përplasje fizike mes deputetëve të PD-së dhe policisë.
Ish të përndjekurit deklaruan se i ishin grisur çadrat.
Ata donin të ngrinin çadrat para Parlamentit, pranë godinës së ish të përndjekurve, por policia nuk i lejon. Sipas policisë leja është marrë për tubim proteste e konfirmuar nga bashkia e policia e Tiranës, dhe jo grevën e urisë.
Një grup deputetësh të PD-së ndodhen pranë protestuesve.
Ora 10: 30: Ish te prendjekurit: Edhe ne ne grevë urie
Në orën 10:30 minuta një grup ish-të përndjekurish politik deklarojnë se do të hyjnë në grevë urie pa afat.
Lajmi u bë i ditur nga Kryetari i Partisë së të Drejtave të Mohuara, Fatmir Hoxha gjatë një deklarate për mediat përpara selisë së ish-të përndjekurve politik.
Mendohet se fillimisht do të jenë 10 persona që do t’io bashkohen kësaj greve urie, ndërkohë që Hoxha u shpreh se greva është e hapur dhe për persona të tjerë të marrin pjesë.
Gazetarja e Ora News Manjola Hasa informon se ish të përndjekurit kanë planifikuar të ngrenë çadrën në pedonalen para Parlamentit, por pritet që policia t’i pengojë.
“Aktualisht grupi i ish të përndjekurve ndodhen brenda në oborrin e Institutit të të Përndjekurve Politikë në krah të Parlamentit, ndërkohë që ka prani të forcave të shumta të policisë jashtë, pranë Parlamentit” informon gazetarja jonë në orëb 10:40 minuta.
“Do të instalojmë çadrat, dhe do të bëjmë grevën derisa të marrim përgjigje pozitive për kërkesat tona,” tha Hoxha duke lexuar 5 kërkesat që kërkohen të plotësohen.
“Se pari dëmshpërblim total për të gjithë ata që kanë statusin e të përndjekurit politik dhe që i takon dëshmpërblimi brenda 2 viteve, dhe qe janë të gjallë.
Së dyti, rikthim në administratë të gjithë fëmijët e të përndjekurve që janë larguar nga puna.
Së treti, shtimin e dëmshpërblimit për ata që kanë bërë vitet e internimit, t’i njihen.
Së katërti, të rihapen dosjet që kanë mbetur pezull në Ministrinë e Drejtësisë, si pasojë e burrokracisë dhe urrejtjeve klasore që ka politika shqiptare.
Së pesti, të denohet figura e kriminelit Enver Hoxha dhe të dali jashtë ligjit Partia Komuniste pasi ajo përbën një rrezik të madh për Shqipërinë”
I pyetur se sa është numri i ish të përndjekurve politike që do të hyjnë në grevë urie, Hoxha u shpreh se greva është e hapur dhe të gjithë janë të mirëpritur t’i bashkohen grevës ton.
- « Previous Page
- 1
- …
- 457
- 458
- 459
- 460
- 461
- …
- 596
- Next Page »