Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Seanca me kreun e SHISH, debate në Komisionin e Sigurisë

by

Nga Anila Struga/Komisioni parlamentar i Sigurisë Kombëtare u përfshi sot nga debatet lidhur me seancën dëgjimore me kryetarin e Shërbimit Informativ Shtetëror, Visho Ajazi. Seanca e planifikuar për 5 mars u shty për shkak se z. Ajazi nuk ishte i pajisur me çertifikatën e vlefshme të sigurisë, e domosdoshme në rastet e raportimit të ‘sekreteve shtetëtore’.Deputeti i PS-së, Piro Lutaj, në fillim të mbledhjes së sotme të komisionit tha se seanca me kreun e SHISH është lënë në mes dhe duhet të kemi një përgjigje, se kur z. Ajazi do të jetë i pranishëm në komisionin parlamentar.

“Në rastet kur kreu i SHISH nuk paraqitet në komision atëhere deputetëve iu lind e drejta, sipas ligjit, që të shkojnë vetë pranë institucionit në fjalë dhe të verifikojnë të gjitha pretendimet e tyre”, tha z. Lutaj.
Në reagimin e tyre deputetët e opozitës, përmes nënkryetarit të komisionit, Flamur Noka tha se deputetët e shumicës vijnë në komision vetëm për të bërë zhurmë. “Kreut të SHISH nuk i kemi vënë afat se kur do të vijë në komision”, tha Noka.
Një javë më parë, kryetari i Shërbimit Informativ, Visho Ajazi u paraqit për të raportuar në komisionin e Sigurisë, pa çertifikatën e vlefshme të sigurisë. Kjo u konsiderua e paligjshme nga ana e deputetëve të maxhorancës, të cilët kërkuan ndërprerjen e mbledhjes dhe shtyrjen e saj në një moment tjetër, deri sa kreu i SHISH të pajiset me çertifikatën e nevojshme.

Hapet gjyqi ndaj Gjikës, Shtyhet gjyqi i Mziut

by

Me argumentin se Prokuroria nuk ka prekur asnjë nga të drejtat e të pandehurve në dosjen, ku ndodhet nën akuzë edhe kryebashkiaku i qytetit të Vlorës, Shpëtim Gjika, gjyqtari Arben Micko hodhi poshtë kërkesen e avokatëve për pushimin e çështjes. 

Pasi gjyqtari deklaroi çeljen procesit gjyqesor, prokurorët lexuan kërkesën për gjykim, në të cilën pretendohet se në dy episode, pa qenë nën diskutim të mbledhjeve të KRRT-së të Bashkisë Vlorë është vendosur për ndertimin e dy objekteve në këtë qytet.
Sipas Prokurorisë, kjo shkelje është bërë duke falsifikuar dokumentet dhe për këtë ka prova dhe dëshmi. Seanca e radhes u caktua për të hënën e ardhshme, ndërsa kryebashkiaku Gjika u shpreh se prania e medias ne salle do te nxjerre ne pah historine e nje hetimi te montuar.
“Falenderoj median që po angazhohet për ta bërë sa më transparent këtë gjykim, transparencë që nuk i vlen vetëm publikur, por vlen edhe për të parë dhe për të kuptuar se sa i montuar është ky proces nga ana e prokurorisë. Prokuroria në cdo moment kërkon kohë për të sqaruar ato që realisht i ka ngritur vetë prej gati një vit e gjysmë”, tha Gjika.

Shtyhet gjyqi ndaj Mziut

Procesi gjyqesor ndaj kryebashkaikut te Kamzes, Xhelal Mziu edhe ne seancen e dyte nuk u arrit të realizohej.
Shkak u be mungesa e njerit prej te akuzuarve, shefit te tatimeve te kesaj bashkie Bujar Loshi, i cili kishte depozituar nje kerkese per shtyrje te seances pasi kishte probleme shendetesore.
Nderkohe qe ne salle ishin te pranishem, drejtori juridik Atli Hoti dhe kryebashkiaku Xhelal Mziu qe tha se do te jete i pranishem ne te gjitha seancat. Kryebashkiaku Mziu, i cili gjykohet per dy akuza te shperdorimit te detyres dhe te abuzmit me taksat, e konsideroi kete çeshtje si politike.
“Besoj që kjo akuzë e ngritur nga Prokuroria tashmë, jo vetëm për mua, por edhe për specialistë dhe një masë e gjerë e kanë parë që është një akuzë e pathemeltë, nuk ka asnjë bazë ligjore, përveçse një prapavijë politike. Unë kam qenë i angazhuar për të respektuar Prokurorinë dhe kam marrë pjesë në çdo thirrje të prokurorisë. Po ashtu, edhe me Gjykatën”, tha Mziu./ Top Channel

Nisin hetimet për terrorizëm për Boeing-un e zhdukur

by

KUALA LUMPUR – Malajzia ka hapur hetimet për terrorizëm pasi u zhduk dje nga radarët një “Boeing 777″ i kompanisë “Malaysia Airlines” me 239 persona në bord, mes të cilëve ndodheshin disa pasagjerë të dyshimtë që kishin hipur me pasaporta të vjedhura.

“Shërbimet tona të zbulimit janë mobilizuar dhe sigurisht që agjencitë e kontrollit të territorit të të gjitha vendeve të prekura janë njoftuar”, deklaroi sot ministri malajzian i Transportit, Hishammuddin Hussein.
SHBA-ja, që në bordin e avionit kishte tre qytetarë të saj, dërgoi disa agjentë të FBI-së, duke theksuar se deri tani nuk ka asnjë provë terrorizmi.

SHUHET ISH ZV/MINISTRI I BRENDSHEM FERDINAND PONI

by

Ndërron jetë nga një infarkt në zemër, ish-zëvëndësministri i Brendshëm, Ferdinand Poni. Zemra e tij ndali sot në moshën 49-vjecare teksa kreu i grupit të këshilltarëve të djathtë në Bashki ishte duke pirë një kafe në Prizren, Kosovë. Lajmi konfirmohet nga burime brenda selise se Partise Demokratike.

Poni ka lindur në Berat më 16 mars të vitit 1965.

Ferdinand Poni është diplomuar në Fakultetin e Shkencave të Natyrës, dhe më pas në Fakultetin e Drejtësisë. Ai ka marrë një master dhe në Universitetin e Tiranës. Ka ndjekur një sërë kursesh specializimi në disa vende, si në Universitetin e Nju Jorkut.
Prej vitit 1999 e në vazhdim, ai ka qenë funksionar pranë selisë qendrore të PD-së dhe ka mbajtur një sërë funksionesh.
Në periudhën 1993-95 ka qenë ndihmës i Kryeministrit për pushtetin lokal. 1995-1997, Drejtor i Përgjithshëm i Pushtetit Lokal në Ministrinë e Brendshme.
Njihet si hartues i shumë punimeve në fushën e autonomisë lokale, institucioneve demokratike dhe zgjedhjeve, si bashkëhartues në një sërë ligjesh të rëndësishme.

Në 2005 u emërua zv.ministër i Brendshëm, pozicion të cilin e mbajti deri në vitin 2013. Deri para vdekjes ai ka mbajtur postin e kreut të Këshilltarëve të PD-së në Bashkinë e Tiranës

UKRAINË – Merkel: Ende nuk është vonë për zgjidhje politike

by

Kancelarja gjermane, Angela Merkel vlerësoi se ende nuk është shumë vonë për një zgjidhje politike për krizën e Ukrainës për te mënjanuar keshtu mundësitë e ndërhyrjes ushtarake, njoftoi sot zëdhënësi i saj, Steffen Seibert.

“Ende nuk është shumë vonë për të zgjidhur krizën nëpërmjet politikes”, theksoi zëdhënësi gjatë një konference për shtyp në Berlin.
“Ende nuk është shumë vonë që Rusia të dërgojë sinjale që vërtetojnë respektimin e marrëveshjeve nëdrkombëtare dhe të mundësojë qetësimin e situatës në Krime dhe në lindje të Ukrainës”, shtoi ai.
Seibert i referohej memorandumit të Budapstit të viti 1994 që ka të bëjë me respektimin e sovranitetit të Ukrainës