Sofra Poetike – Page 66 – Dielli

RONALD RUSSELL NE SOFREN E DIELLI PREJ FASLLI HALITIT

April 15, 2016 by dgreca

RONALD RUSSELL 1904 -1974/Rusell ishte një gazetar britanik, autor dhe politikan konservator.

U lind më 29 maj 1904, djali i J Stanley Russell e Seahouses, Northumberland. Ishte arsimuar në Haileybury dhe Imperial College. Filloi një karrierë në gazetari në vitin 1929 në Newcastle Chronicle, duke lëvizur për Reuters në vitin 1931. Në vitin 1935, ai u bë një lektor në ekonominë e industrisë së qymyrit. Gjatë Luftës së Dytë Botërore ai shërbeu si oficer në artileri Royal dhe si një oficer i stafit.

SOT DHE DJE

Frikacaku i sotëm

Është ai fëmija që e tallnin dje.

torturuesi i sotëm

është fëmija që kamzhikonin dje.

Mashtruesi i sotëm

është fëmija që s’i besonim dje.

Protestuesi sotëm është fëmija që shtypnin dje.

I dashuruari i sotme është fëmija që ledhatonin dje.

I pakompleksuari i sotëm

Është ai fëmija që ledhatonim dje.

I pakompleksuari i sotëm

është fëmija që nuk e blasfemonim dje.

I shfrenuari i sotëm

Është ai fëmija që s’e anashkalonim dje.

Inteligjenti i sotëm

është fëmija që e mësonim dje.

Indulgjenti i sotëm

është fëmija që falnim dje.

Njeriu që aspiron dashuri dhe bukuri

Është ai fëmija që jetonte i lumtur edhe dje.

___________________________________________

*Ronald Russell ka ngritur problemin e njeriut që është zhvilluar në mënyra të ndryshme në bazë të metodave me të cilat është trajtuar si një fëmijë. Cila nga këto favore dhe çfarë e pengojnë zhvillimin paqësor të personalitetit të foshnjës.

Përktheu: Faslli Haliti

FASLLI HALITI SJELL NE “SOFREN POETIKE” TE DIELLIT MERCEDES ÁLVA

April 12, 2016 by dgreca

Mercedes Álvarez (Tandil, Buenos Aires, Argjentinë, 1979). Ajo jetoi në Mar de la Plata deri në nëntëmbëdhjetë vjeçe, ndërsa nga viti 1998 deri në 2006 jetoi në Spanjë. Aktualisht jeton dhe punon në Buenos Aires. Ka botuar romanin “Historia de un ladrón, (Historia e një hajduti), dhe pëmbledhjen me poezi” Imitación de los pájaros”, “Imitimiteti i karpentierit”, përmbledhje nga e cila është marrë kjo poezi.

SHPINA JOTE SI NJË PASQYRË

Unë nuk doja

të isha nuse, por muzë

të kapërcej

grilat e kohës

të më portretizojnë me shpatën pas

arratisëse

infeksionit që shkatërroi

atë vit

tokën.

Unë nuk doja

asgjë veç shpatullave të tua

sepse ato nuk kishin as sy as ekspresion,

as gojë, asgjë.

Por në fund pashë

se shpatullat i kishin,

dhe fillova të përdor

shpinën tënde

si pasqyrë.

Përktheu: Faslli Haliti

Ngordhi një qen

April 12, 2016 by dgreca

Ngordhi një qen/

Nga Jakov Solomon/Izrael/

Dyzet vjet lehe pa u lodhur kurrë ,/

Me korin e zhabave që të vinte nga pas/

Na flisje për suksese , por bëre katrahurë ,/

U mbylle në një vrimë miu dhe popullin bëre të plas./

Por ti s’ishe Kashei I pavdekshëm/

Një ditë dhe ty mortja të përlau ,/

Për vendin dhe botën , i padëshëruar ,

Jeta u hakmorr me ty dhe trurin ta thau .

Atë tru që gjithë kohës polli zezona

Dhe farën e keqe në mes të Europës ,

Të erdhi ngordhja dhe zvarrë të tërhoqen ,

Në rrugët e Tiranës e në sytë e gjithë botës .

Por vdekja e jote s’i mbylli dritaret

E erës së qelbur që erdhi më von ,

Aty nëpër këmbë i kini zuzarët

Shumë zëra këtë përditë jua thonë .

Flakeni tutje atë jetë mbushur

Mërirash e urrejtje ngado ,c’i doni?

Do shihni pastaj që lule do celin,

Dhe si gjithë popujt e tjerë do të rroni !!!!!!!!!!!!!

Jakov Solomon

Qershor 2012

AS ROZAFË E AS DORUNTINË

April 3, 2016 by dgreca

Ramiz LUSHAJ/

AS ROZAFË E AS DORUNTINË/

1./
Shkodër: 2 prill 2016./
Me katër pika gjaku loton qielli./
Me katër varre lundron dielli./

Nga Toka ngrihen katër Konstandinë./
Ndryshe nga Legjenda Arbnore:/
Ata janë lisa të gjallë…/

Ata kërkojnë Motren e Tyne të Madhe:
Demokracinë.

Ajo, ndryshe nga Legjenda Arbnore:
Trupin e bukur e ka me varrë…!

Me katër dëshmorët e Shkodrës:
Arben Broci, Besnik Ceka, Bujar Bishanaku, Nazmi Kryeziu.

Me Azem Hajdar…

2.
Demokracia:
Me katër mijë plagë.
Nis prillin e vet.
Nis Alfabet…

Demokracia nuk është Rozafë,
As nji Doruntinë.

Ajo është motër me Lirinë…
Nusja ma e bukur për Shqipërinë.

Shqipëri Etnike, 2 prill 2016

ALFONS GRISHAJ NE SOFREN POETIKE TE DIELLIT

March 22, 2016 by dgreca

ALFONS GRISHAJ/

Porosi/

Miq, ju porosis !/

Brumi i trogloditit është një lëmsh me gjemba/

Kurth i sirtarëve dhe i simbjozave ./

Sponsor i kapeles së madhe mbi kokën e vogël./

Kremi i parasë nuk do mbulojë kurrë/

Rrudhat në shëmtinë e kohës me teknikën e plastikës./

Kollarisja nuk mbulon dot fytyrën e një idioti,/

As kantalena nuk ka nevojë për glaca minjësh mbi E./

As ritishenca për thumbat e hermetizmit kot së koti./

Mbi letrën e bardhë ,mund të shkruani me multikolor,

Por jo me të bardhë … dhe grafika e të bardhës mbi të zezë

Duket si epitaf mbi vorr!

Manekini do bëhet kopja e harpës moderne,

Ku zhvesh vehten me kënaq lakuriqësinë e njeriut

Që përditë tymos llullën magjike të haluçinacionëve.

Miq , rrokullisem me dhimbjen e luleve

Në honet e qelizave molekulare të shpërdorimit mizor,

Kur i këput një pis dhe i dhuron një hor!

Mos besoni tek asnjë lloj miu ,

Se prej aty, nuk lind kurrë gjeniu!

Ju lutem!Ju lutem!

“Lacrimosa-n “ e Mozart, mos ta lozim tani , “*Judicandus homo reus”,

Se shpirtrat e fëmijëve tanë kurrë nuk do të gjejnë qetësi.

Gjëndra pineale: “ Zgjohu o njeri”!

* Judicandus homo reus = Njeriu fajtor do gjykohet…

Pushti

U shfaqën vrangat mbi ndryshkun e fytyrës

Aktorit në skenë , aktor në jetë…

Lotët e shelgjeve u mblodhën në duart e pista prej pushti

Si Juda Eskarioti në qesen e turpit …

Lypsari modern , zvarraniku prehistorik!

Litarët e gjakut , konopë ankorimi në emporium,

Superlativa e pushtllëkut puthadorë.

Me kockat e të parëve, hajmali e hajmalive …

Pushti hiperbolës, bën viganë kakërdhitë e dhive!

Zgjidhja e Terrorit

Të gjithë vuajnë prej terrorit…

Prej pabesisë që vjell pafajsinë,

Prej djallit që del prej ferrit

Me kosë në fyt me pre lirinë.

E vras mendjen për ketë jetë…

Formulë të thjeshtë për qetësi,

Çdo njeri të shkojë n’ vend të vet,

S’ do ketë më vrasje e pabesi !