Dr. Hasan Bello
Ne historine e Shqiperise zgjedhja e Sulejman Delvines (1884-1932) si kryeminister perben nje rast te rralle. Kjo konstatohet ne procesverbalet e Kongresit te Lushnjes te 31 janarit 1920, ku lidhur me kete problem thuhet se, delegati i Kolonjes kishte propozuar si kandidate per kryeminister keto personalitete: Sulejman bej Delvinen, Iliaz bej Vrionin, Ahmet bej Zogollin, Sotir Pecin, Ndoc Coben dhe Mehmet bej Konicen.
Nga dokumentacioni nuk del se si u krye votimi, i hapur apo i fshehur. Sipas Sejfi Vllamasit, delegatet zgjodhen S.Delvinen si kryeminister pasi qe nje njeri patriot, pa ambicie si dhe per faktin se personi i tij si kryetar qeverie, nuk provokonte rivalitete midis parise.
Mirepo ne kete periudhe ai ndodhej ne Konferencen e Paqes ne Paris si delegat i kolonise shqiptare te Stambollit, ku kerkonte qe Shqiperia te ndiqte nje politike te pavarur dhe largimin e italianeve nga Vlora.
Kryeministri i zgjedhur nga Kongresi i Lushnjes do te kthehet ne atdhe afersisht pas nje muaji e tetembedhjete ditesh, me 18 mars 1920. Gjate kesaj kohe qe S.Delvina ndodhej ne Paris, qeveria u drejtua nga zv.kryeministri, Eshref bej Frasheri.