Besim Ndregjoni – Page 5 – Dielli

MARTIRI I VOTES SE LIRE KUJTIM FRANGU JETOI PAK DHE DHA SHUME PER LIRINE!

July 7, 2016 by dgreca

Në 19 VJETORIN E VRASJES SË KOMISIONERIT KUJTIM TOFIK FRANGU/

Nga Besim Ndregjoni/

Ne këtë periudhë 25 vjeçare të ndrrimit të sistemit politikë kam organizuar dhe përkujtuar shumë figura të shquar antikomuniste të cilët kan lënë gjurmët e tyre në historine tonë kombëtare. Në mes këtyre martirve sot mbas 19 vitesh kujtojmë me respekt dhe venerim Martirin e votës së lire Kujtim Tofik Frangun. U mbushën 19 vite që çdo fillim të korrikut si vit shënues të kujtojmë ty Kujtim . Korrik 1977 vriten poetët e Librazhdit Vilson Blloshmi, dhe Genc Leka, për poezitë e tyre në mbrotje të lirisë. Diktatura i vrau në korrik se tronditej nga “Saharaja”shqiptare që kishte ndërtuar pushteti i tyre . Herojtë dhe martirët paskan të përbashkët jo vetëm idealet dhe lirinë por dhe vdekjen. 20 vite më pas në vitin e zi të 1997 falangat ideologjisë komuniste që nuk ju nënshtruan gjykimit për krimet e kryera të diktaturës vranë në qendrën e votimit mbrojtsin e votës së lire, idealistin e lirisë, birin e të burgosurit politikë Kujtim Frangun, vetëm se ai nuk pranoi të cenohet vota e lirë. Ai votën e quante të shejtë, të pa prekshme, kurse pala vrasëse donte pushtetin me tjetërsimin dhe cënimin e votës.

Ajo donte sundimin ideologjik dhe politik pa votë të lire. Historia përsëritet i njëti plumb që vrau poetët , i njëti plumb vrau mbrojtësin e votës së lire.Kujtim, të kujtova ty, se ti je nga ata emra që për lavdi s’do t’ia dish kur jeta mbillet nëpër zemra me bekim perëndish.

Sot të kujtova ty, si një emblemë e gjallë e histories së re , e kësaj historie që dhemb. Pikat e referimit nuk kan të sosur në këtë 19 vjetor të vrasjes tënde. Populli një armë ka në dorë, Votën e lire dhe verditkin e sajë të cilën ti e mbrrojte me jeten tënde.

Ti ishe i përndjekur politike , por me dinjitet , jetove 42 vite , por jeta jote nuk matet me vite që jetove por me kualitetet njerzore që e përballove atë jete.

Jeton pak pak dhe bën shumë , e tillë ishte jeta e martirit të votësë lire Kujtim Frangu. Ai përçonte “Mirësi” dhe kjo i buronte nga vuatjet që kishte kaluar në sistemin diktatorial. Motua e tij ishte “Të falim ne , që të pendohet të tjerët. Me urretje nuk shkohet larg…

I sakrifikicës për të tjerë deri në vetëflijim. Përjetuesi i viteve të burgut të babait të tijë Tofik Frangu që vuajti jo pak por dhjetra vite, vetëm se ishte fisnik dhe nacionalist dhe spranonte ditatin e krimit komuniste. Kujtim Frangu e kuptonte demokrcinë me thënjen e ish Presidentit Abraham Linkol, Aq sa nuk dua të jem skllav, po aq nuk dua të jem zotëri,. Gjithçka që nuk përputhet me këtë concept , bie në kundërshtim me demokracinë. Kjo shprehje kuptim plote përputhet me idealizmin dhe përkushtimin e kujtim Frangut dhe e karakterizon jo vetëm tërë veprimtrinë e jetës së tij por, dhe si komisioner i votes së lire për të cilën dha jetën I goditur me plumb nga një dorë gjakatare ditë e zgjedhjeve për deputetë e kuvendit të Shqipërisë në vitin 1997. Vdekja tregon se ç’njeri ke që qënë, thotë populli. Vdekjet më të bukura janë si ajo e

Kujtim Frangut, . Të biesh hero nga plumbi për nje ideal të lartë , për lirinë e njeriut , për të drejtën e vote së lire në demokraci. Zoti kur don , të shpërblen dhe me vdekjen.

Presidenti i Republikës së Shqipërisë Alfred Mosiu , me dekretin Nr. 4984 dt. 20.07.2005 e ka dekoruar Kujtim Frangun “Për merita të veçanta civile “me motivacionin “ Për kontributin e dhënë ,duke sakrifikuar dhe jetën në zhvillimet e demokratike në mbrotjem e votës së lire” Komisioni shtetëror I Këshillit të Ministrave me vendimin Nr. 19 dt. 12.07 1998 e ka shpallur Dëshmorë i Atdheut me motivacionin: Rënien në krye të detyrës si komisioner në Komisionin e Votimit”

Sot të kujtova ty në këtë korrik të verdhëremë, dhe u ndjeva i rëndësishëm duke marrë nga imazhi i yt. Sepse kujtesa për ty është një obligim për të dashur më shumë lirinë, të cilën ti na e mësove pak më shumë, duke vaditur rrënjët e saja me gjakun e rinisë tënde.

MALSIA E MADHE, BOROVA E KRIMEVE TË KOMUNIZMIT!

January 27, 2016 by dgreca

Nga Besim NDREGJONI/
Lufta e dyte botërore solli në Shqipëri me pushtimin fashistë element politike që për interesa të tyre në shërbim të planeve djallzore të fqinjeve nxoren një forcë kriminale siç ishte partia komuniste e cila në emer të luftës për çlirim shtriu tentakulat e saja ideologjike staliniste dhe ushtroi barbarizma ndaj popullsisë , ndaj nacionalistëve shqiptarë që nuk pranononin diktatin e urdhëruar nga emisarët serbë malazez ndaj shqiptarëve. Kryengritja antikomuniste nuk ishte një ngjarje e rastesishme , ajo ishte një organizim i menduar e programuar nga nacionalistët dhe antikomunistët e Malësisë së Madhe . Nevoja e këtij organizimi kishte lindur që kur u themelua Partia Komuniste Shqiptare nga armiqt shekullor të malësorëve e shqiptarëve , nga sllavët e jugut ,me të deleguarit e tyre Miladin Popoviç Dushan Mugosha e Velimir Stoiniç. Kryengritja antikomuniste e janarit 1945 ishte vijim i luftës mbrojtëse të organizuar nga nacionalizmi shqiptar ndër mote e shekuj. Ky nacionalizëm kishte në Malësi simbolet e gjalla që njiheshin, nderoheshin e respektoheshin nga Malesia e Madhe e më gjërë. Kryengritja antikomuniste e janarit 1945 e filloi luftën e saj ndaj planeve antishqiptare me trimat e kësaj krahine që ndër shekuj ishte e shquar në mbrotje të truallit kombëtar.. e si do të pranonte Preng Cali mbrojtësi i kufive të Shqiperisë me trimat e maleve Gjekë Selcën e Gjergj Lul Tomën , luanin e kësaj krahine Llesh Marashin, e si mund të ishte i qetë Gjelosh Luli -kushririn i parë i heroit të popullit e trimit legjendar Dedë Gjon Lulit , e shqiptari i njohur për atdhetari Pjeter Zekun Camaj , trimi i urtë Smajl Haxhin , nacionalisti Luketë Marash Grishajn, oficeri i karierës e njohësi i disa gjuhëve të huaja -Gjon Martin Lulatin, trimin si zana Mirot Palokë Kokën , trashigimtarin e bajraktarit trim e të urtë të Vuklit e Kelmendit Kolë Gjon Bajraktarin , Lucë Gjon Rapuken , trashigimtarin e Çun Mulës -Mul Deli Bajraktarin e Hotit , Dodë Nikollen e Grudës , Pretash Zeken e Kojës , Gjokë Dodë Broqin djalin e bajraktarit famëmadh të Kastratit Dodë Preçit , Pjeter Gjokë Bajraktarin e Shkrelit , Nikollë Preken ,Tom Lekë Daken- nipin e kreshnikut të malesisë Gjeto Daka , Osman Haxhin e Postribës , Kolë Zefin e Grudës e tjer burra trima të trevës trime e atdhetare të Malesisë Madhe planet antikombëtare të serbëve e komunistave shqiptar për të nënshtrua malsorët . Këta trima e lidhën besen me treva të tjera antikomuniste që nga Shkodra , Nëshkodra , Dukagjini ,Mirdita , Lezha e tjer, për të luftuar kundër pushtuesve komunist, që ishin të pa fe , pa atdhe , pa nderë , pa besë e pa burrni. . Data14 janar (1945) është data tragjike që detyroi Kelmendasit të fillojnë rezistencen me pushkë kunder ekspeditave të brigadave komuniste te Ura e Tamarës ,për ta vijuar në Brojë , Nikçë , Vukel , Selcë e në të gjithë Kelmendin.. Janari i vitit 1945 për malsorët trima filloi lufta civile e cila njohi kurorizimin e vete me date 23 janar 1945 ku forcat popullore të kësaj zone u shtri dhe po shkonte drejt Shodrës. Me datën 23 janar 1945 ,do të fillonte lufta e vërtet e kryengritësve në Bajzë, Shkrel e më gjerë. Lulash Cuk Curri i Jeranit dhe Zef Tomë Çekaj nga Bzheta e Shkrelit vriten sëbashku me Gjon Martin Lulati e Mirotë Palokë Kokaj,dhe u plagosë Gjon Nikë Preçetaj..Ndërsa në Kelmend që prej 14 janarit nuk ishte ndalur lufta mbrojtese e trimave kreshnikë kelmendas që mbroheshin heroikisht nga ekspeditat ndëshkimore të barbarëve të kuq me frymzim sllavo-komunist. Qëndresa e antikomunisteve të Kelmendit të udhequr nga Prekë Cali , Gjekë Selca , Gjergj Lul Toma , Kolë Gjon Bajraktari , Lucë Gjon Rapuka e tjer trima të Kelmendit zgjati më shumë se një muaj ,deri me daten 17 shkurt 1945 , kur Prekë Cali vendosi me u dorzuar në “besë” të të pabeseve për të mos dëmtuar më shumë Kelmendin. Bilanci i kesaj lufte mbrojtese ishte tragjik ,u vranë gjatë kesaj lufte 44 këlmendas dhe 52 partizan komunist. Por kjo luftë nuk mbaroi me kaq pasi vijoj deri sa komunizmi u rrëzua nga pushteti . Deri ateherë në Malesi të Madhe kishin dhënë jetën në luftë kundër komunizmit 182 malësor , si dhe ishin burgosu , internuar, shpronsuar e persekutuar qindra e qindra të tjer.. u vranë nga ata shqiptare që e quanin veten komuniste dhe vritnin malsorët në tokën e tyre në shtëpine e tyre.. Këlmendi kjo zonë atdhetare kombëtare u shëndrua në një shesh tragjedie ku derdhej gjak shqiptari në mes të shqiptarëve.. Borovën në jug e vrau nazizmi që ishte pushtues i huaj, po a nuk u shëndrua dhe Këlmendi në veri një Borove e dytë me vrasje më shumë se në Borovën e jugut nga komunistët shqiptarë që për idealet e sllavokomunizmit bënë në Këlmend barbarizma ndaj malsorëvë që nuk kishin asnjë faj e vriteshin pa faj.. Sot mbas 71 vitesh e themi me plot dinjitet se po të kishin vepruar krahinat e tjera si Malsia e Madhe të bashkuar pa ra pre e ndasisë fati i shqiptarve dhe Shqipërise do të ishte ndryshe. A mund të besojmë se po shkojmë në rrugën e duhur nëse flejmë në harresën e së shkurës?
A duhet të besojmë se ata që nuk kanë guximin të kujtojnë të djeshmen të marrin vendime të guximshme në favor të qytetarve për të nesërmen? Përmes këtyre ngjarjeve madhore historike ne sjellim njëballafaqim të së shkuarës, duke përshkruar lumin e së keqes që përshkruan shqiptarët për vite e vite, por pa shkuar ne vetë në shtratin e urretjes. Këto ngjarje nuk janë romane, por historia tragjike e tyre jep romane të tëra. Në këto histori është njeriu i sulmuar nga bisha e mungesës njerzore. Dhe sot kur kujton për jetët e ketyre burrave e grave që kan mundur ta ruajnë veteveten dhe pse janë fyer , gjakosur , dhunuar poshtëruar, nuk mund të mos ndalesh gjatë , e të besosh se duhet thënë me zë të lartë të vërtetat e Njeriut. Përpara këtyre malsorve shqiptar do të habisnin edhe vetë Danten, siç e thotë në parathanjen e kujtimeve të françeskanit At Zef Pëllumitm njeriut që kaloi gjithë rrathët e “ferrit komunist”e që pati fatin të ishte gjallë, si për të mos lënë në harresë vuatjet eatyre që pati në qeli e jashtë qelive. Përball kësaj heshtje dhe indiference, përball këtij ndërgjegjësimi të pamaftueshëm shoqëror, ne të mbijetuarit e ferrit komunistë a duhet të tërhiqemi para një realiteti të tillë qysh në fillim, a duhet të reagojmë dhe të denojmë këto masakra çnjerzore? Është primare që të përpiqemi me tejkalue, tue zhvesh lakuriq murtajën e terrorit komunist para botës së qyetetnueme, duke fituar simpatinë e botës demokratike , si viktima të pafajshme që refuzon dorzimin pa kusht? Mesazhi i kryengritjes antikomuniste të Malsisë Madhe është: Garancia e besës se nuk do të ketë halmarrje , e na që e provuam terrorin nuk do ta lejojmë! Përndryshe , do të dështojmë në përpjekjen tone me këput zingjirët e dhunës në vendin tone. Angazhimi jonë asht me adoptuar vlerat politikem shpirtnore të perendimit. Nuk duhet të heshtim së publikuar e dokumentuar krimet e komunizmit që helmin ideologjik që e përçojnë ideollogët të ashtuquajtur historian ti ballafaqojmë me të vërtetën që brezi i ri të njohi historinë e krimit komunist e ta denojë atë. Shoqëria ka nevojë për të vërtetën, për moralin e heronjve që u martirizuan për liri. Për besën e fisnikërine e malsorve, e kur ata të njihen me këto vlera morale, atëhere ndërtojmë shtet të së drejtës. Borova në jug u masakrua nga nazizmi, Malsine e Madhe e masakroi komunizmi, drejtsia duhet të denojë si krimet e nazizmit dhe krimet e komunizmit.. Borova dhe Malsia e Madhe, kërkojnë Drejtsi! Neve na takon të bëjmë paqen!

GJYQTARËT DHE PROKURORËT E DIKTATURËS, JO PJESË E SISTEMIT TË DREJTËSISË!

January 14, 2016 by dgreca

GJYQTARËT DHE PROKURROËT E DIKTATURËS TË JAPIN LLOGARI PËR KRIMET DHE JO TË JENË PJESË E SISTEMIT TË DREJTËSISË!
Besim NDREGJONI/
President i Unionit të Burgosurve dhe të Përndjekurve Politike! /
Të Burgosurit dhe të Përndjekurit Politikë të Shqipërise po ndjekin me vëmdje situatën politike në vend dhe në veçanti reformën në Drejtësi si një akt madhor për shoqërine dhe shtetin tonë , për të pasur një sistem drejtësie të pamvarun dhe në shërbim të qytetarve. Realiteti për këtë reformë po ndesh me arrogancën e mazhorancës aktuale e cila duke mos përfillur rekomandimet e Komisionit të Venecias hartoi një draft vetëm me ekspertët e PS. Drafti i ekspertëve politike të PS , jo vetëm që nuk i shërben drejtësisë por është në shërbim të politikës qeverisëse dhe intersave meskine të juristëve që i kan shërbyer regjimit diktatorial, dhe aspak shoqërisë dhe shtetit të së drejtës për të cilën ka nevojë Shqipëria. Mendjemadhsia utopike e këtyre ekspertëve anashkalojne rekomandimet e Venecias, dhe pa i vrarë ndërgjegjja morale e profesionale kërkojnë të rikthejnë në organet e drejtsisë mbas 25 vitesh gjygjtarë, prokurorë , hetuesa , avokatë që kan qënë pjese e sistemit komuniste dhe kanë dhunuar të drejtat dhe lirite e njeriut.. dhe më keq që këta individe që morën vendime politike, pushkatime, burgosje , internime, ndaj shtresës së të përndjekurve politike sot mbas një çerek shekulli duan të marrin drejtësine dhe ta bëjne monopol të politikës sunduese të një mazhorance e cila dhe pse është trashgimtare e partisë komuniste gjatë kohës së ndryshimit nuk pati kurajon të kërkonte falje për krimet e komunizmit. Shpirtat e të pushkatuarve , e jetët e mijera të denuarve e të internuarve pa faj, nga kjo bandë avokatësh e gjygjtarësh i drejtohen Presidentit të Republikës, mikut dhe aleatit tonë SH.B.A Ambasadorit Donald Lu, përfaqesueses së Komisioni Europian Ambasadores Vllahutin, si dhe faktorit ndërkombëtar, të ndalojnë menjëherë këtë draft sa antikushtetues por dhe anti shqiptar që e kalon sistemin tone demokratik të brishtë në anale diktatoriale . Ambasadori Lu u trondit kur vizitoi kampin e çfarosjes së Spaçit para disa muajsh dhe dha mesazhin që këto krime nuk duhen harruar dhe të u trasmetohet brezave të rinj kjo histori tragjike. Atëhere shtrohet pyetja a mund të jenë pjesë e sistemit të drejtsisë këta ekspertë , avokatë, hetues, prokurorë që me ligjin e xhunglës ndërtuan ekzekutuan këto kampe çfarosëse të jetëve njerzore. Mijëra familje ish të përndjekura politike nga regjimi mizor komunist, si pjesë e kësaj shoqerie, që ma shum se kush do popull tjetër në të gjithë europën juglindore vuajti dhe u masakrua nga e ashtuquajtur “drejtësi diktatoriale” presin një sistem drejtësie që të jetë në shërbim të qytetarve dhe jo të kriminelëve të politikës aktuale. Sinqerisht dhe me faktorin ndërkombëtar shokohemi kur shikojmë nga ana e tyre heshtje sikur në Shqipëri nuk ka ndodhur asgjë nga diktatura staliniste, sikur krimet filluan tani me korrupsionin e politikanëve. Sot të pushkatuarit pa varr të burgosurit politikë shqiptarë kërkojnë njëzëri jo drejtësi me prokurorët dhe gjygjtarët që dhunuan të drejtat e tyre në kampet çfarosëse të Spacit, e Burrelit, të Qaf-Barit e të Maliqit ku akoma nuk ju është tharë gjaku nga këta torturues të cilët në vend që të i nënshtroheshin një Nurembergu shqiptarë për krimet , ata sot po japin leksione demokracie pa asnjë moral njerzor. Jemi në unison për të bërë një sistem drejtësie siç e kërkon aleati i ynë i përjetshëm SHBA nëpërmjet ambasadorit LU.. dhe Komisioni Europian. Ne presim që sistemi i drejtësisë të denoi krimet e komunizmit, të denoi krimet e këtyre që duan të rikthehen në sistemin e drejtësisë, ne kërkojmë drejtësi për të gjithë shqiptarët. Denim krimesh për kriminelët e të korruptuarit, nqs sitemi i drejtësisë sot është i korruptuar dhe kjo është e vërtetë , kjo vjen thjesht se gjygjtarët e djeshëm mbajtën peng sitemin dhe e bënë të korruptuar duke mos denuar krimet makabër të komunizmit , dhe duke e futur në sistem ma anë ligjesh politike korrupsionin krimin që ka përfshirë politikëbërjen shqiptare. Shqipërise nuk i mungojnë kapacitetet dhe nuk ka pse të ngelet peng i këtyre ekspertëve që duan të dhunojnë demokracin me të inkriminuarit e djeshëm duke shfrytëzuar politikishtë sistemin demokratikë. Ne të përndjekurit politike shqiptar mbas 25 viteve pluralizëm , kemi kapacitete intelektuale që të i shërbejmë kësaj reforme pamvarsisht se politikbërja na ka perjashtuar nga kjo e drejtë me ligje “demokratike.” Çdo heshtje ndaj kësaj maskarade ligjore që na paraqitet si draft për sistemin e drejtsisë nga kjo mazhorancë politike është një krim që i bëhet shoqërisë dhe shtetit të së drejtës. Sovrani kërkon drejtësi për të denuar korrupsionin e sotëm në politikberje , dhe krimin e vrasjeve dhe burgosjeve politike pa faj të djeshëm, kur kjo të zbatohet shqiptarët do të kenë qetsinë dhe do të jenë pjese e demokracisë europiane.

MIRNJOHJE DHE NDERIM PER PROF. REPISHTIN DHE SHKRIMTARIN KADARE!

January 5, 2016 by dgreca

UNIONI KOMBTAR I TE BURGOSURVE DHE TE PERNDJEKURVE POLITIKE SHPREH NDERIMIM PER REPISHTIN E KADARENE/
Profesor Sami Repishtit!/
Nga Besim Ndregjoni/
Në këto ditë të fillim motit të ri 2016 shtresa antikomuniste shqiptare mori si një sihariq lajmin e vendosjeses së personalitetit tuaj në panteonin e Shkodrës loce, të kulturës e të qëndresës antikomuniste “Nderi i Qytetit Shkoder”!
Në emrin tim dhe të bashkëvuajtësve të tu në mbarë hapsirën shqiptare na lejoni i nderuar të ju percjellim përgezimet tona të sinqerta si dhe dashurin njerzore që kemi për JU si një udherrëfyes dhe ideolog i lirisë dhe denoncimit të krimit komuniste në Shqipëri.
Sigurisht që ne të përndjekurit politike të diktaturës gjatë kë tyre 25 viteteve jemi sunduar nga një klasë politike sa e verbërt dhe e shurdhët për të drejtat dhe lirite tona.. por jeni Ju Profesor me zërin tuaj, me mendimet tuaja të vyera e realiste, që i keni shërbyer të vërtetës të denoncimit të krimit komunist ku Ju e provuat jo pak por një 10 vjeçar në trupin tuaj. Ne miqtë e tu gëzohemi jo vetëm se vendlindja e juaj e ndritut vlersoi birin e saj. por se përkrah Fishtës dhe Ibrahim Rugovës emri i përfaqësuesit tonë Prof. Repishtit na ndricon në rrugën tonë të drejte drejt lirisë, na lehteson plagët që kullojnë gjak nga sadiszmi i diktaturës staliniste shqiptare..na inkurajon për të vërtetën për të ndërtuar raporte të drejta që të ndërtojme këtë atdhe me paqe dhe jo urretje.
Konsideratat dhe vlersimet ndaj figurës tende të ndritur nuk mund kurr të shprehen në një mesazh.. por ne jemi krenar me JU që na udhërrefeni drejt një paqe e mirkuptimin në atdheun tonë të përbashkët Shqiperinë!

Shkrimtarit të madh Ismail Kadare

Fillimi i ketij viti që përkon dhe me ditlindjen tuaj të 80 më jep kënaqësi t’ju përcjell urimet e mia dhe të klasës së përndjekurve politike shqiptar për marrjen e titullit të lartë të shtetit demokratik francez, ku vlerat e një personaliteti si JU, nderohen në përkushtim të zhvillimit dhe të drejtave dhe lirive të njeriut.
Nderimi i juaj është një ogur i mire për zhvillimet e demokracisë shqiptare. për kombin tonë që ju me dinjitet e përgjegjësi kombëtare po e rreshtoni në botën e qytetruar. Faliminderit mik për këtë nder që na bani neve bashkombasve të tu dhe atdheut tonë të përbashkët Shqipërinë. Paqja në botë për njerzimin . Sidomos , mirkuptimin për problemet tona që akoma nuk “:shihen ” as “ndigjohen” nga të verbrit dhe shurdhët e vendit tonë.
Besim NDREGJONI
Aktivist i te Drejtave dhe Lirive te Njeriut
President i Unionit Mbarekombetar
Integrimit te Burgosurve dhe Perndjekurve Politik te Shqiperise

TEATRI I SHËMTUAR I KRYEMINISTRIT !

December 16, 2015 by dgreca

Nga Besim NDREGJONI/

Kryeministri Edi Rama ka filluar një ofensivë ideologjike e propogandistike ndaj antikomunistëve shqiptarë dhe familjeve të tyre që përballuan me stocizëm të paparë diktaturën më të egër e kriminale të Partise Komuniste . Ofensiva e radhës së Kryeministrit janë ish të përndjekurit politike antikomunistët shqiptare dhe familjet e tyre. Dje në qytetin antikomuniste të Shkodrës, Kryeministri deklaroi në aktivin e PS se ishte një gabim dekorimi i torturuesit At Zef Pellumbit, dhe i Prof Sami Repishtit, nga qeveria e tije…Hipokrizia dhe abuzimi i paskrupull i një Kryemistri, i cili ka 25 vite që nuk i kërkon falje familjes së Poetit Havzi Nela.. ka 25 vite që mijera familjeve te përndjekura politike u tregon mëllefin e tij duke promovuar xhelatet në pushtet e përbuzur viktimat. Në rolin e një sunduesi dhe aspak të qeverisjes vazhdonte hipokrizine e tije në një qytet të martirve dhe rezymeja e tije urretje ishte para trashgimtareve të persekutorve, se antikomunistët shkodran ka 25 vite që i tregojnë vendin. Falja e tijë për dekorimet e torturuesit Shyqiri Coku do të qetsonin shpirtrat e dy ish te burgosur politike të ndjerit At Zef Pëllumin, dhe ikonës Prof. Repishti duke i ndare këto nga mijera të burgosur dhe të përndjekurit e tjere. Nuk besoi se shpirti i Zef Pllumbit, dhe ndërgjegjja e ikonës Repishti do të jene të qeta me këtë falje pa u kërkuar falje bashkevuajtëve të tjerë. Urrejta e këtij Kryeministri ndaj familjeve fisnike shqiptare ish të përndjekura politike që përballuan diktaturën nuk po njeh kufi dhe tani mbas 25 vitesh. Ishte qesharake dhe tragjike për këtë sundimtare i cili ne rolin e nje shpifsi te rëndomt më sulmoi mua si Kryetar i Unionit te Burgosurve dhe të Përndjekurve Politike të Shqipërise i mandatuar nga shumica e të burgosurve dhe të përndjekurve politike për thirrjen time njerzore e morale për të shkulur bunkerin e tij simbolin e diktaturës.. aq abuziv ishte sa me bëri Kryetar të bashkimeve profesionale e poet të Enverit.. të meshiroi Kryeministër .Po të kisha qënë Kryetar i Bashkimeve Profesionale do të isha deputet i partisë tënde me sekretarin e rinise Fatmir Xhafen… po të kisha pasur dellin për poezi dhe të i kisha thurur poezi Enverit tënd të dashur do të isha antar i partise tënde, me Taulant Ballen. Abuzimi i juaj me thashe e theme e shpifje me detyron të ju mëshiroi..Pse more zoti Kryeminister, ti djali i antarit të komitetit qendror të partisë komuniste , dhe Presidjumit të kuvendit popullor , profesor i artit të realizmit socialistë që ke përbuzur me qindra artistë me shkarravinat tuaja në mbrotje të ideologjise që denonte artin borgjez, paske të drejte të bëhesh Kryeminister dhe të qeverisish Shqipërine, kurse une biri i një të burgosuri politike nip i tre të pushkatuarve politike , dhe dy të vdekurve në hetusi , nuk paskam të drejte të mbroj të drejtat dhe lirite e mia e të familjeve të përndjekura politike. Ne mijra djem e vajza të të ekzekutuarve dhe të burgosurish politike nuk paskemi të drejte të jemi pjese e politikebërjes.. Statusin tim si i përndjekur politike e përcakton ligji zoti Rama dhe jo ju. Mos harro se përsekutimin ndaj familjes time për 50 vite të diktaturës ka prekur 7 breza… kurse ju si pinjoll i udhëheqjes diktatoriale me pushtetin politike të korruptuar keni krijuar pasuri maramamendse për 7 breza..e ka kontroluar dosjen time cdo pushtet politike dhe e kan parë certifikaten e pastërtise morale.. për akuzat që bëre ndaj meje trego dokumentacionin ose kërko falje përpara se të përballesh me drejtsine si shpifse . Une e dua Shqiperine atdheun tim , ti e ke përbuzur në France duke e paraqitur atë një bukner me lecka.. Dje kur ishe ne opozite dhe të ftonja në aktivitetet e mia si në ekspoziten shkrimtareve të vrarë nga diktatura isha i përndjekur sot që je në pushtet dhe denoncoi projektetet tuaja urretjse ndaj shtresës time.. paskam qëne i priviligjuar. Ne jemi në pozicjone të ndryshme zoti Rama ..Ty të trondit zëri im në mbrotje të lirisë, pse mbroj të drejtat e antikomunisteve ish të përndjekur politike, ti mbron kriminelët që ekzekutuan këto krime në emër të partisë që përfaqesonit. E quajte thirrrjen time dhune ndaj bunkerit..dhe smban pergjegjesi për dhunën që u ke shkaktuar klasës të përndjekurve politike për 25 vite, ke caktuar ditë çlirimi 29 nëndorin që është dita e pushtimit diktatorial ndaj shqiptareve.. ke refuzuar ligjin e hapjes së dosjeve duke mos lejuar lustracionin dhe drejtsinë të denoi krimet monsturoze të komunizmit. Partia që drejtoni ju ka ik nga parlamenti dhe nuk ka qënë dakorte me rezolutën e asamblesë së Këshillit të Europës për denimin e krimeve të komunizmit.. e ke mbushur paralamentin me hetues dhe operativa sigurimi. duke përbuzur vuatjet dhe pushkatime tona.Për dy vjet të qeverisjes tuaj e ke mbushur administraten me kriminele të diktaturës , ty të qan zemra për të burgosurit politike… dhe ke emruar në ministrinë e mbrendshme zv-ministrin që i ka torturuar të burgosurit e Spacit Qani Sadikun e Skënder Halucën etj.. Genjen kur thua kam dëmshpërblyer të përndjekurit politike me 5 këste.. kur realisht kë dhënë 3 këste për 300 të burgosur politike e PD ka dhënë 24 mije qytetarve 2 këste…shëtit në çdo manifestim qeveritar ,me fotot e diktatorit , detyron femitë të nderojne me grusht në cermonitë e datave simbol të diktaturës , sëbashku me ministrat e tu nderon vrasit e shqiptarve të pafajshëm me shallat e bolshevizmit.. projekton bukere mbi dhomat e nëndheshme ku jane kryer krime e jane akoma pa u thare gjaku i shqiptarëve të vrarë, dhe ti mbi atë gjak don të vendosish fotot e diktatorit, me qënse dështove tek bukearti i parë.. Nuk ke lejuar që të bëhet një muze për krimet e komunizmit. Ne sot po përbaltemi nga ata që dje kryen krime ndaj nesh, ata sot në vend që të kërkojnë falje e të i vrasi ndërgjegjja për krimet , marrin guximin dhe fyejn ata djem, nipër e mbesa , të cilët të detyruar nga masakrimi i partise tënde u priviligjuan nga çdo e drejtë njerzore, duke ju mohuar të gjitha të drejtat e liritë e tyre. Sot familjet tona po ndeshen me një padrejtësi të madhe , keqtrajtimin e viktimave të komunizmit nga bijt e etërve të djeshëm, Sakrificat , qëndrimin heroik që nuk ju nënshtruam “luftës së klasave “ fenomeni më negativ i shekullit 20. Familjet tona me fitoren morale kunder shnjerimit komunist ka fituar të drejtën e “kapitalit moral” të shoqërise shqiptare. Këtë të drejt e konfirmon pafajsia e jonë që është stigma ma pozitive e zhvillimit politik në Shqipëri. I kujtojmë Edvin Ramës se kur ju duarttrokishtshi masakrën komuniste ndaj nesh ne kishim guximin dhe i thamë: JO diktaurës, Pra spiunimin gjejeni tek vetvetja që i shërbenit diktaturës dhe jo tek ne fisnikët që e përbuznim pushtetin diktatorial. Sot ne kemi të drejtën me ju akuzue mospërfilljen e pushtetit të mazhorancës në vendin tonë., sepse ne jemi të pafjshëm. Pafajsia asht thelbi i sakrificave tona i rezistencës tonë antikomuniste. Ne sot ju kërkojmë të kërkoni falje për akuzën dhe urretjen që tregoni ndaj familjeve antikomuniste ish të përndjekur politike si Kryeministër i këtij vendi. Ju në vitet 80 bashkëpunonit me revistën e sigurimi të shtetit “ Në shërbim të popullit” Nr. 11 nëndor 1983…Cdo referncë e juaj anti morale, po përballet me moralin tonë të padiskutueshëm për të ndërtuar një Shqipëri njerzore. Mashtrimi në politikë është gënjeshtër që ka rrjedhime. Dhe mashtrimi i radhës është Projekt i bunkerit tuaj të paligjshëm. e dyta me këtë projekt ju i riktheni shoqerise jo masakrat e krimit por në ato tre dhoma torturash doni ta mbushni me fotot e udhehëqesit shpirteror, në ato dhoma ku paraardhsit tuaj i kan mbushur me gjak te pafajshem të shqiptarve antikomuniste. Ju synoni të fshini të gjith ata që e kan stausin ligjor të përndjekjes politike, dhe qellimi dihet të zvoglojnë nr, e të përndjekurve dhe të fshijnë nga kujtesa krimet monsturoze komuniste. Dhe me eleminimin e klasës së të përndjekurve, Kryeministri aktual dhe kjo mazhorancë që është e mbushur me individë të inkriminuar në krimet ndaj familjeve tona kryen misionin e saj në mbrotje të diktaturës pa e nxjerrë para drejtsisë krimet që u kan ndodhur familjeve tona për 45 vite diktaturë . Poshtrimi i kundërshtarit politik nuk është fitore , por shkatrimi i gjysmës shqiptare që mendon ndryshe.

I ftojmë ambasadorët e akredituar në Tirane, në respekt të misionit të tyre . në respekt të lirive dhe të drejtatave të njeriut, të mos jenë indiferent ndaj dhunës kryeministrore ndaj klasës antikomuniste shqiptare që është pjesa më fisnike e qëndrestare dhe miqësore e vendeve që ata përfaqësojnë. Të mos jenë indiferent ndaj urrejtjes dhe përbaltjes e papërgjeshmërisë së një Kryeministri që për moto ka pushtetin e tij personal dhe jo demokracinë. Pushteti është mjet në demokraci , asht qellim në diktaturë! Qëllimi i pushtetit është forcimi i kohezionit social shqiptar, e jo “luftë klasash” Në rastin tonë kohezioni social kërkon pastrimin e krimit dhe të kriminelit komunistë ,në një proces të mbështetur në drejtësi , është rikthimi i plot në liri në dinjitet për të gjithë . Një shtet dhe shoqëri e këtill nuk mund të ndërtohet mbi padrejtsinë. Zeri im nuk hesht si gjate ketyre 25 viteve në mbrotje të lirise dhe në denoncimin e krimeve të partise tuaj dhe ndaj shpifjeve të tuaja zoti Kryeministër.

Të jeni i bindur se ne bijte e të martirizuarve të diktatures komuniste do të denocojmë krimet e partisë tuaj kriminale dhe nuk do të ju lejojme të fshini memorien e këtij kombi se doni të rivritni ndërgjegjen e një shoqerie me pushtet politikë.