• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Rënia me këmbë përpjetë e Edi Ramës

October 22, 2017 by dgreca

Nga Ilir Levonja/ Florida/

1 Ilir-levonja (2)Sot prokurori i përgjithshëm i antimafias në Itali, Franco Roberti, i kërkoi qeverisë së vendit të tij ndërhyrjen emergjente për një luftë frontale të drogës, ose legalizimin e saj. Midis të tjerave gjyqtari me origjinë napolitane, theksoi faktin se Italia është totalisht e pushtuar nga droga dhe se pasojat ndihen kudo. Ai hodhi idenë e legalizimit në mënyrë që shteti të konkuroj tregun e kriminelëve, një lloj monopoli për të bllokuar drogat e lehta e sidomos ato që vine nga Shqipëria. Dhe në fund ai e mbylli duke thënë se shteti është krijuar për të luftuar kriminelët dhe jo për të bashkëjetuar me ta. Një fjalë e publikuar edhe në shumë media të vendit tone.

Thjesht si një informacion, kur duhet të ishte një analizë me t’i vënë gishtin kokës. Dhe kjo për faktin që tregon se sa problem është bërë Shqipëria për vendet fqinje dhe Europën. Në një fare mënyre këtu merr përgjigje edhe ajo pyetja e përditshme, se, pse vendi ynë po vonon kaq shumë integrimin përfundimtar në Bashkimin Europian. Franco Roberti përmendet edhe nga shtypi në botë për konstatimin se grupet mafioze të dorës së dytë në Itali janë bërë më të rrezikshëm se etërit e tyre. Dhe kjo fal tregut të lire të drogës që vjen nga vendi përmatanë Adriatikut, pra vendi ynë.

Pak muaj më pare një alarm të tillë e dha edhe Greqia, madje duke theksuar se nga Shqipëria nuk vjen vetëm droga por edhe bosët e saj. Personi së cilit i referohej qe një qytetar i Delvinës me post në dogana dhe që sot është në kërkim.

Nga kjo luftë e fqinjëve, nga arrestimet në masë të shqiptarëve në Itali, për shkak të përgjimeve rezulton se në periudha dy a tre vjeçare vetëm nga Vlora janë transportuar drejt Italisë, si nga ajri dhe deti, tonelata kanabis sativa (35 deri 40 ton) me vlerë mbi 350 mijë euro. Vetëm nga Vlora…, po nga e gjithë Shqipëria? Përgjigja është alarmante dhe kjo i përket qeverisjes së Edi Ramës. Janë shifra që me të vërtetë kanë luajtuar themelesh organet e hetimit dhe të akuzës në vendin fqinj. Dhe sado që shqiptarët të grinden mes tyre me llogjet se pse kjo prokurori kështu e ashtu. Pse nuk arrestoi Berishën në 21 janar 2011, por kërkon arrestimin e Sajmirit sot, etj. Sado të japim shfaqe me qytetarë të verbuar pas iksit a ypsilonit, mes lotëve, pas fitoreve partiake, halli i tyre është një, lufta pa kompromis trafikantëve dhe lënien e Shqipërisë nën shenjtërinë e pisllëkut të saj.

Rasti i Vlorës është në fakt nisja e tatëpjetës së Edi Ramës, edhe për faktin tjetër se ai është edhe një deputet fuqiplotë i saj. Shifrave kokëforta, përgjimeve, avionëve të rrëzuar, depove të kthyera në rafineri, emrave me pushtet, kryepleqve në zonat e thella etj., mund t’ua falim ne, mund t’ua fali Edi Rama, partitë ku aderojnë dhe që ngrohën duart me lëpushkat nga kanabisi, por asesi Europa. Edi Rama mund të shkoj konferancave, mund të flasi për progres, për politika rajonale në përmisimin e klimës. Mund të flasi gjithë ditën duke u dhënë mënd për luftën kundër drogës dhe krimit. Mund të justifikoj për shkak të kapjes ish ministrin e plot rreth tij tashmë të shkarkuar e përjashtuar, por kjo nuk ia ndal aspak më zdrypjen. Shifrat flasin të kundërtën e sharmit modernist të Edi Ramës. Por dhëntë Zoti që bashkë me botën ta kuptojnë këtë edhe shqiptarët në mënyrë që të bëhen kuratorë të fateve të tyre.

Hiqeni nga mendja se një krahinë e tërë me atë volum prodhimi, që voton kryeministrin…, ku përfliteti ish ministri i brendshëm dhe krahu i djathtë i kryeministrit, të mos u prishi shijen kancelarive matanë.

Këto janë pa pjekuritë shekullore, por edhe të qëllishme të shtetarëve tanë. Në të njëjtën kohë kur një vend i rajonit përshembull, si, Serbia…, edhe pse doli nga luftrat ndër etnike, urrejtjes racore, i garanton Europës siguri nga krimi dhe është më pranë anëtarësimit se ne që kemi plot 27 vjet që e kërkojmë. Mirëpo ndërsa ne merremi me suportin e kultivuesve të drogës, ata pushtojnë qiellin me fluturakë, bëjnë shtet dhe të imponohen. Kurse fluturakët tanë janë Tahirët, ai peshku kavajas, grupet e luginës së Vlorës dhe Delvinës. Sot Edi Rama karshi Europës është një tip i pozitave të Erdoganit, në një izolim total. Në një theqafje pa kthim. Sado ta votojmë. Sado vende me shumicë në parlament t’i japim. Nuk ka kthim mbrapa. Dhe e keqja është se një që e shtyjnë me dy duar, merr me vete edhe popullin e tij.

Filed Under: Analiza Tagged With: Ili Levonja, kembeperpjete, prokurori Franco Roberti, Rama-renie

Artikujt e fundit

  • Truri dhe kozmosi
  • DIAMANTËT E FESTIVALIT
  • Ta ruajmë, ta flasim dhe të na rrojë në jetë të jetëve gjuha jonë e bukur dhe hyjnore shqipe
  • Në ditën e lindjes së Heroit, Fehmi Lladrovci
  • The White House issues a Prayer for Peace Proclamation on Memorial Day
  • Pikniku i parë shqiptar madhështor në Staten Island, New York
  • DUKE PRITUR TË HËNËN E MEMORIES – ABDULLA RAMI – PËRTEJ HARRIMIT
  • Unioni i Gazetarëve Shqiptarë apel organizatave ndërkombëtare të gazetarëve për kërcënimet ndaj gazetarëve në detyrë në Kosovë
  • QEVERIA RAMA KAP GJITHÇKA, DO TË KONTROLLOJË EDHE KËRKIMIN SHKENCOR
  • Frank Shkreli merr titullin ‘Qytetar Nderi’ i Malësisë së Madhe
  • Zgjedhjet piramidë dhe Shkodra
  • KUSH ËSHTË ABDULLAH RAMI?
  • Koncerti Panshqiptar Shpalos Bukurinë e Muzikës së të Gjitha Trevave
  • “Përtej harrimit” dhe përkthimi i “Shekspirit” të Hygoit, një përpjekje në rimëkëmbjen historike të kujtesës sonë të përbashkët
  • Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT