Ilir Levonja – Page 3 – Dielli

Tungjatjeta o shqiptarë!

May 4, 2021 by dgreca

Që të shkarkohet sot Presidenti Ilir Meta është e pamundur, për shkak të proçedurave deri në Gjykatën Kushtetuese, pra një vit humbje kohe me luftë nervash, fjalësh, e emrave nga emrat…

– …në këtë tabllo shqiptarët janë ca sehirxhinj a tifozë të thekur palësh, por jo të vetes. Por edhe nëse Ilir Meta shkarkohet, shqiptarëve nuk u ngrihen rrogat, nuk u përmisohen kushtet e jetesës, nuk u vjen uji 24 orë….

NGA ILIR LEVONJA/

Nisma për shkarkimin e Presidentit të Republikës është një nga gjërat më të panevojshme për shqiptarët. Eshtë e tillë pikë së pari, pasi nuk është çështje e tyre. Shqiptarëve nuk u ndodh gjë as për mirë e as për keq. Në fund të fundit nuk e zgjodhën ata, ky është tashmë ai ekuivok social që deri në 2012 sillte ngërç politik për shkak të numrit 84. Pra deri para viti 2012 duheshin 84 vota, që dmth, edhe nga opozita. Me një fjalë synimi ishte dalja në pah e një kandidati qoftë ky burrë a grua, i cili ofron konsensus, a besim midis kampeve, gjë që mund dhe të refkletonte në shoqëri. Madje i shkonte shumë për shtat edhe statutit presidencial në lidhje me unifikimin e palëve në pergjegjësitë shtetërore. Kosova përshembull e ruan edhe sot, me këtë model zgjodhi Presidenten Vjollca Osmani, një nga kanditaturat më të votuarat në zgjedhjet e përgjithshme. Shqipëria e ndryshoi në 2008 pas ngërçëve të shumta parlamentare, jo vetëm nga emrat por edhe nga pa aftësia shqiptare në lidhje me bashkëpunimin sidomos kur bëhet fjalë për kombin. U ndryshua me inisiativën e PD dhe mbështjen e PS. Kësisoj në 2012, me një shumicë të thjeshtë, pra 73 vota i sollën Shiqpërisë të parin President puro partiak Bujar Nishanin. Në 2017, tashmë me shumicë të konsoliduar të majtë, sollën Ilir Metën, Presidentin aktual. Pra Ilir Meta ashtu si para ardhësi i tij Bujar Nishani, nuk ka se si përfaqësoj shqiptarët. Shqiptarët do t’i përaqësonte një president i cili të mund ta zgjidhnin vet. Megjithëse që nga dalja e opozitës nga parlamenti, ka bërë opozitën reale. Por në të njëjtën kohë edhe lojra politike po si ato të Edi Ramës, Bashës, Sali Berishës etj. Spektaklin më të madh duhej ta luante opozita parlamentare aktuale. Për më tepër që shumë nga ata edhe nuk fituan as votat minimale të kalimit të pragut elektoral. Akoma kur duket krejt bizare se si mundet një parlament logjikisht i vdekur për shkak të zgjedhjeve të reja, të ndërrmarri nisma të tilla, kur vendi ka nevoja imediate si punësimi, rritja e pagave, riparimi i dëmeve nga tërmeti, pandemia etj., të merret me shkarkimin e Presidentit të Republikës. Pra shërbimin më të madh që mund t’i bënin vendit, do ishte dorëheqja nga mandati personal por i krizave kombëtare. Këtë ata nuk e bëjnë. Ndaj sot shqiptarët janë të deytruar të dëgjojnë, të njëjtën retorikë. Atë të luftës personale të emrave me emrave, jo të politikanëve që i shërbejnë vendit. Që të shkarkohet sot Ilir Meta është e pamundur, për shkak të proçedurave deri në Gjykatën Kushtetuese, pra një vit humbje kohe me luftë nervash, fjalësh, e emrave nga emrat. Ku në këtë tabllo shqiptarët janë ca sehirxhinj a tifozë të thekur palësh, por jo të vetes. Por edhe nëse Ilir Meta shkarkohet, shqiptarëve nuk u ngrihen rrogat, nuk u përmisohen kushtet e jetesës, nuk u vjen uji 24 orë. Pastaj Ilir Meta sikur do vetshakrkohej nëse fitonte Edi Rama. Tani sapo filloi lojën hap kutitë si Edi Rama dikur. Shqiptarët asgjë, do mbeten prapë ca sehirxhinjë të denoncuesit dixhital, kush ka dhe kush nuk ka të drejtë, ndërkohë që jo më fëmijët e tyre, por nipërit e mbesat do vazhdojnë të shikojnë të njëjtën tabllo emrash, me të njëjtat mjete, me të njëjtën strategji fyerjesh e sharjesh, por që pavarisht gjithçkaje ata ishin, ata janë, ata do të mbeten aty. Kurse ju, aeroporteve, porteve, metrove, veç me tungjatjeta malli o shqiptarë.

Humbësi nuk është viktimë!

April 29, 2021 by dgreca

NGA ILIR LEVONJA/
A duhet të dorëhiqet Lulzim Basha? Pa asnjë diskutim që po. Në mes është një nga standartet sa i munguar aq edhe i domosdoshëm në demokracinë shqiptare. Pikë së pari është një akt personal individual që ka sjellë kaq shtrëmbërim të vullnetit të popullit. Lufta e gjakut në Amerikë zgjati katër vjet, 1861-1865. Ai që i dha fund quhej Abraham Linkoln, ose presidenti i 16-të i Shteteve të Bashkuara. Duke ndjerë popullaritetin e madh të tij, Partia Republikane i ofroi kandidimin për një mandat të tretë, pasi Kushtetuta e vendit e lejonte, por ai nuk pranoi. Madje ishte pikërisht ai i cili hodhi idenë e kufizimit të mandatit presidencial. Dhe kjo gjë u bë e mundur me Franklin Rusvelt. Pra dorëheqja dhe kufizimi i mandatit është një akt civil individual që e ka të domosdoshëm vendi për t’ua
lënë si standart fëmijëve. Nuk është fundi i botës të hapësh krahun, por e kundërta.

Tek ne është krijuar një mjedis politik gati shfarosës për të mbrojtur njëshin nga ”armiqtë” brenda të së njëjtës prirje politike, por me mendime të ndryshme. Mos harroni se jemi një komb që kemi histori të hidhur me mendimin ndryshe. Kemi vrarë dhe persekutuar njëri tjetrin.
Nga kjo epokë zie, u bënë tashmë postulat fjalët e një vajze shqiptare e cila nga tavolina e një gjyqi publik, u thoshte motrave dhe vëllezërve të një gjaku se, fakti që mendonte ndryshe, nuk do të thoshte se e donte atdheun më pak se ata. Kjo ishte Musine Kokalari, dëshmia apo fytyra për turp e jona. Nuk bëhet më fjalë se cili iks, ish pd-ist e kërkon atë.
Se vërtetë është e neveritshme të shohësh një ish president demokrat që kërcën vendit si dreqi, që vrapon i pari të kërkoj dorëheqjen e Lulzim Bashës, jo pse nuk fitoi zgjedhjet, por sepse nuk e kishte emrin e tij si kandidat për deputet. Eshtë vërtetë e neveritshme që një president pa nam e nishan nuk u pa asgjëkundi gjatë fushatës, se, normale mendësia e
vlerave të padiskutueshme në parti, hatërmbetja etj., sot kërcen si kokoshkat kundër
Bashës. Në presidencën e tij do mbahet mend për luftën e hapur karshi një poeti modern
kombëtar, që shkonte në Vatikan si përfaqësues i shtetit. Mirëpo presidenti i shërbente
klanit imun të oligarkëve në emërime e ç’emërime, jo trashëgimisë shtetare. Është e
neveritshme të shohësh një kastë karrikethyerish që shpikën opozitën kundër opozitës.
Mbetën studiove duke kritikuar Bashën, jo atë që qeveriste, madje kanë votuar kundër
demokratëve. Po, po pikërisht për inat të Bashës, sot kërkojnë ikjen e tij. Një opozitë që
brejti votat e të djathtës dhe sot morën si dhuratë hallatet e Ramës. Shumë nga ju sot me të
drejtë pyesin, kujt t’i besojmë Rudinës, vajzës së heroit të demokracisë, që na doli me parti
më vete?. Ashtu sikur shumë nga ju ndjeni dhimbje se përse duhet të iki kur ka marrë më
shumë vota nga zgjedhjet e fundit. Eshtë e thjeshtë, nuk ka fituar. Dhe si i tillë duhet të
hapi krahun. Bizarriteti i këtyre zgjedhjeve fillon që me formulën e herësit ku vota
popullore nuk të bën deputet deri në trefishin e saj. Po, Shqipëria është viktimë e
formulave si Dushku i famshëm, apo herësi i Ramës me lista gjysëm të hapura etj.
Megjithatë Basha ka qënë aktor në këtë pengmarrje vullneti të shqiptarëve ndaj duhet të
japi dorëheqen. Djegia e mandateve ishte një akt i madh politik, por donte dhe një vullnet
të madh këmbëngulës në të drejtën se përse sakrifkuat mandatin. Ju e përkrahët Bashën, i
mbushët sheshet. Megjithatë me afrimin e stinës së verës Basha u tha, takohemi në shtator.
Protestuesi nuk ka kohë të pushoj, protestuesi e fillon dhe, o fitimtar o i burgosur. Ju u burgosët Basha shkoi me pushime duke u justifikuar me kancelirët e Europës, jo duan apo nuk duan të huajt. Vullneti është i juaji, jo i të huajve. Duhet ta kuptojmë se politika e denoncimit ka marrë fund dhe se duhen çelur rrugë të reja. Kush ka humbur një herë duhet
të hap krahun. Madje me vullnetin e tij jo me pritjen e skuthit që çirret studiove dhe e quan detyrën e kryer. Në pushtet është një makineri e fortë, një pallat me administratorë që
mishëron absurdin kafkian…, e vështirë për t’u zhbërë kështu. Do mendje të ftohta,
unifikim dhe një strategji me shpirt të madh. Nuk mund të vish në pushtet, të përmbysësh
herësin e Ramës me përjetësisht emrin e Fatmir Mediut në lista. Nëse nuk i jepni
rëndësinë e duhur humbjes, votave të firuara, do mbesim gjithë jetë denoncues dixhital,
qaramanë, përballë 4 vjeçarëve pambarim të Edi Ramës. Koha fluturon si nuk ua merr
mendja, lum ai që nuk e shpërdoron. Përgjegjësia e pa emërt nuk është demokraci.
Humbësi nuk është viktimë, nuk është pështirosja jonë, nuk është plehra jonë. Por është
rishtas pjesë e jona dhe ne nuk duhet të anatemojmë as të anatemohemi me njëri-tjetrin.
Eshtë thjesht standart. Se pikërisht fal mungesës së këtij standarti sot e kësaj dite vazhdon
të shitet votat.

Sakrifica sociale

April 22, 2021 by dgreca

Mos dëgjoni të marrët që thonë arrestoni Ilir Metën, si strumbullari i krimit. Nuk arrestoni ju, por policia./

Nga Ilir LEVONJA/

Mos dëgjoni të marrët që thonë arrestoni Ilir Metën, si strumbullari i krimit. Nuk arrestoni ju, por policia. Për më tepër, Ilir Metën president nuk e bët ju, as opozita e sotshme. E bëri Edi Rama me lali Erin. Spiunët i quajnë patronazhist, i marrin në mbrojtje publikisht. Ata që mbrojnë votën, i quajnë paramilitarë madje i ndëshkojnë publikisht. Madje, madje po publikisht ju kërkojnë juve të arrestoni presidentin tuaj. Për ngjarjen e Kavajës folën me gjysëm zëri. Madje e nxorrën nga pas me video autorin, sqaroi publikun, nuk ishte socialist. I sqaroi me video se i ishte fyer mjekra. Një lloj forme e marrjes përsipër të krimit, si grupet fondamentale. Në Elbasan ia gjetën vegjën. Paramilitarët të vrasin. Në fund qyteti simbol i arsimit dhe kulturës, territor bandash. Në fund mjerë ai që iku. Jeta të bën një personazh të hupur. Sot situata është e gjitha një sakrificë sociale. Nesër do shikojmë dramën tonë në një teatër me qiell të hapur. Njerëz që çirren dhe u dalin përpara furgonëve nëpër natë, shpërndajnë ”ndihma”, japin para, blejnë vota, u mësojnë qytetarëve se si të votojnë, në fund u shënojnë emrin në fletore. Megjithatë propoganda bërtet arrestoni presidentin. Një absurdidet putinist sovjetik, sikur prokurorin, xhandarin ta keni ju. Arrestojeni ose mbylljani gojën, megjithëse ligjet i kanë vetë, por arrestimin e kërkojnë nga ju. Ndërkohë quajnë sukses një reformë në drejtësi, e cila tenton e intimidion denoncuesit. Dhe ju që i besoni, në kor i vërsuleni presidentit. Po kështu nesër (larg qoftë pas 4 vjetëve, do ju kërkoj të arrestoni të arrestoni Erion Braçen). E harruat, e bën me Ben Blushin. Nëse në Shqipëri ka tension, ka plagosje apo vrasje, një gjëm që kurrë mos u çoftë nëpër mend, e jo të ndodhi, dijeni se fajin e ka ai që i organizon zgjedhjet. Sa më shumë që kërkon nga ju, aq më i dështuar është. U çorr duke sharë opozitën për mos respektimin e distancës në mitingjet e saja, dje i harroi çjerrjet. E mbyti helmi, i solli autobuzët, postoi pamje me sheshe plot. Mos dëgjoni të marrët kur u thonë vrisni, por pështyjini.

Fushata më e ndyrë e këtyre 30 viteve

April 21, 2021 by dgreca

Nga Ilir Levonja/

Nga 30 vite pluralizëm kjo është fushata më e ndyrë, më e ulët, më poshtëruesja që ka vrarë që në krye garën reale. Në televizionet shqiptare të shkatërrohen nervat kur shikon 3 fytyra, Edin, Lulin dhe Erionin. Edi i madh, një gogol klasik që do e përgjigjet si i do bytha, madje nuk e ka për gjë të ngrihet e të lëri studion pas pyetjesh të tilla se si është e mundur që një kapele polici kushton 328 euro? Me se është bërë more vëlla? Me çfarë materiali kaq të kushtueshëm etj. Edi, i cili përfundimisht e ka fituar betejen, ua ka mbushur mëndjen top shqiptarëve, se armiku i tyre dhe e keqja e vendit, nuk është ai, por Sali Berisha dhe Ilir Meta. Sikur edhe 8 vite të tjera të qeverisi, që mos o Zot, prapë ata janë fajtorët. Në mos ata, do shpiki dy, ndofta nga këta që promëvon tani.. Luli, jashtë mode që flet vetëm për qeverisje me marrëveshje publike. Me drithije të një aleance të urryer por edhe të mundshme midis tij dhe Ramës. Dhe në fund më i neveritshmi lali Eri që u kujton shqiptarëve makinat luksoze të opozitës, por që nuk denjon t’i përgjigjet një gazetari mbi vjedhjen e të dhënave etj. Madje u çon truprojat t’a hedhin tutje sikur të jetë një send i padobishëm. Për t’i vënë vulën ndyrësisë, mjafton të shikoni atë shiritin sipër ekranit ku shkruhet pamjet e servirura nga PS apo PD-ja. Unë e kam pohuar vazhdimisht se partitë e vogla janë një egzagjerim i realitetit shqiptar, por derisa i ke pranuar dhe ke shpallur një garë, koha televizive duhet të ishte e shpërndarë njësoj. Në kutpimin që duhej të kishte vend edhe për spotet e tyre, për fushatën e tyre, për projektet, programet. Dhe se e vetmja e rrugë e eleminimit, duhej ishte vota përmes një formule, përshembull me kalimin e një pragu elektoral. Por kjo nuk ndodh!. Në televizionet e shqiptarëve serviren pamjet e ofruara nga vetëm 3 pole, të dhunshme, plot fyerje e përbuzje aq sa kurrë mos prisni nga tetëmbëdhjetëvjeçarët një politikë ekuivalente perëndimore. Por do kemi një vazhdimësi të stanjacionit, të sharjeve dhe konflikteve të njëpasnjëshme në shtabet elektorale. Dhe ta dini, kaq poshtë Shqipërinë nuk e ka rrëzuar vetëm Edi Rama, por edhe shoqëria e saj. Një pjesëmarrje e dëshiruar për ndryshim do sillte një pranverë tjetër me domosdo, sado të përpiqeshin ta ndalonin, pranvera do vinte. Por shoqëria është bërë palë e mykur e postulateve ç’më duhet mua? Pse për atë do të votoj unë? Ai është më i keq se ky? Ndaj dhe kjo fushatë mbanë erë të ndotur, ka prodhuar edhe një pol politik mallinj, ai i opozitarizmit karshi opozitës. Sado të kalojnë vitet në pushtet të iks grafomani, sytë janë tek lideri i opozitës, ose tek ai që ka çelsat e kashtës. Nga ana tjetër edhe shtypi a media, kanë zëvendësuar misionin me honoraret, pranojnë çdo kasetë, thonë çfarë duan ata, duke qënë vet një kufomë. Gogoli bërtet që e gjeti vendin në borxhe, megjithëse vet e ka dyfishuar atë (borxhin). Bërtet se nuk merret me tenderat e kapeleve të policivë, është kryeministër, nuk do t’ia di se një kapele ka kushtuar 328 euro. Madje publikisht heq mikrofonin, ngrihet e ikën duke i dhënë dritë kostatimit mbi kufomërinë e shtypit. Kur them se nuk e ka vrarë demokracinë tek ne vetëm Edi Rama, por edhe shoqëria, kam parasysh edhe një komision të lodhur aparatçikësh pandemie që bash disa ditë para hedhjes së votës, lëshojnë urdhëresa ndalimi. Janë edhe këto një seri kufomash a shushunjash që bën të lëngojë vendi ynë. I heqin të drejtën e votës shqiptarit që vjen nga Greqia, a Maqedonia e Veriut, me ligjin e karantinimit dy javor. Një neveri veglash që kurrë nuk i kanë shërbyer vendit, por Enverit dhe këtij Putinit gogol që nuk e di se si keni sy dhe i mbani televizorët hapur. Dikur i sillnin emigrantët me autobuzë, sot ua ndalojnë hyrjen. Ae dini pse është vendim teknik i neveritshëm, fare thjeshtë. Derisa ky dikushi vjen me resultatet e testit, që tashmë e kërkojnë shumë shoqëri udhëtimesh, ti nuk përse e detyron të karantinohet. Ndryshe duhet t’ua bëje edhe atyre turistëve që vinë nga Çekia për pak jod mesdhetar. Të gjithëve që udhëtojnë lart e poshtë këto kohë të vështira. Por kjo nuk ndodh me ata që duan të votojnë. Një komision kufomash vret demokracinë në mes të ditës. Të gjithë teseristë partie, jo specialistë.

Aleanca me Gjinon

April 15, 2021 by dgreca

Nga Ilir Levonja/

A është sot Shqipëria një parti si rilindja? Kjo mbetet për t’u parë. Por unë nuk e besoj. Brenda partisë së rilindjes mund të ndodh gjithçka. Pasi Edi Rama është plotësisht Enver Hoxha. Për ditë me radhë mund të etiketosh e ta menderosësh si të duash kundërshtarin…, gjumash, Gjino, qullash që e komandon Berisha me Metën. Dhe anëtari i partisë së Rilindjes, brohoret po. Për ditë me radhë mund ta quash kundërshtarin apo Lulzim Bashën, dështak, vrasës, hajdut. Njeri që i ka provuar të gjitha pushtetet etj., anëtari i partisë çirret po. Madje të mbysin duke të dërguar meme, duke shpërndarë fjalën e Ramës me videot e mamaqëve e të tjerë, aq sa stastikat nxjerrin më shumë emrin Rama, sa oksigjen real që e ka të domosdoshëm shoqëria për të mundur degradimin. Brenda rilindjes vendos dhe vuls njëshi. Tha ai sikur 4 vjetë me radhë që filani është dështak, kështu thonë dhe gjindja. Nuk ka sot qytetarë të majtë që nuk e beson Ramën në ato që thotë për Berishën, Metën dhe Lulin. Thuajse 100%, në kor e pohojnë. Dhe po kështu në kor kanë nisur ta pranojnë ofertën publike të Ramës, (njëshit) për një bashkëpunim me qullashin, gjumashin, Gjinon e opozitës. Në këmbë Rama, në këmbë ata. Tështin Rama, gjak hundët e tyre. Sa shpall Rama një armik të popullit, plasin fletrrufetë. Pra brenda rilindjes socialiste shahesh e bastardohesh unanimisht. Pastaj ftohesh për të qeverisur si aleat, po unanimisht. Dhe a e dini përse ndodh kjo? Pasi brenda pushtimit të Partisë Socialiste nuk ka më forume, nuk ka vendim marrje kolegjiale, por një zë, një njësh, një diktator. Thotë ai, hidhuni, ata hidhen. Thotë ai mbytuni, ata nuk e kanë problem. Eshtë gjëndja e amullisë brenda dehjes ku gjithçka kthehet në orgji dhe demokracia ka vdekur një herë e mirë. Pra sot i kërkohet aleancë Lulzim Bashës me një mikrofon fushate, gjindja pohon me thirrje po. Nuk e di se si do ndihen familjet e 21 janarit, megjithëse nuk u tutën fare kur Edi Rama nënshkroi publikisht marrëveshjen me Ilir Metën në Shkodër me 2013. Mos harroni, Edi Rama ishte ai që përdori një video të fshehtë me Metën dhe Priftin, një video që solli edhe 21 janarin e 2011-ës. Nëse tek Partia Socialiste e pranojnë, nuk besoj se e pranojnë në krahun tjetër. Edhe sikur Basha ta pranoj, nuk e pranon forca e djathtë. Të paktën ka mbetur akoma ajo forcë ku njëshi nuk është bërë Enver Hoxha. Kjo për shumë arsye të cilat nuk është dhe koha t’i shpjegojmë. Por, a është bërë dhe Shqipëria, qytetaria e saj, një lloj rilindje ku të gëlltisë gjithçka që thonë kanakarët për progres social a si rruga e domosdoshme që vendi të mos shkoj me dekada me kriza politike. Nuk besoj. Dhe këto ditë janë shanci i madh. Ky ka emrin ndryshim. Dhe Edi Rama nuk duhet të flasi më për aleanca të mëdha, por është koha të japi llogari për dëmin ekonomik që i ka shkaktuar Shqipërisë me vendimarrjet jashtëligjore. Eshtë koha të japi llogari për vjedhjen e zgjedhjeve si lokale dhe të përgjithshme. Për suportin e krimit deri në futjen në Kuvendin e Shqipërisë. Kuvendet e legjislaturave të dominimit Rama, kanë civitë më të turpshme të historisë së pluralizmit shqiptar. Për mbajtjen e zgjedhjeve monisteve me pjesëmarrjen më të ulët në historinë njerëzore, duke mbytur publikisht demokracinë e një vendi. Shqiptarët duhet t’i adresohen ndryshimit për të shmanguar edhe ndonjë plan të errët të transformimit drejtë pushtetit pa kufizim. Kur ua përmend nënqeshin, megjithëse gjasat janë plotësisht një përfundim bjellorus, putinizmi, erdoganizmi a kinezërie. Dhe aspak të një demokracie perëndimore. Për më tepër që disa webe kanë publikur lista emërore me të dhëna personale të mijra qytetarëve. Ja pse sot ka frikë, ka panik dhe vota është e shitur. Një koalicion mes rilindjes dhe Partisë Demokratike do ishte një pjesëmarrje në lojën putiniste të Ramës për pushtet të pa kufizuar. Por nëse vërtetë jeni qytetarë që doni vendin tuaj, mos ua jepni këtë shanc. Votoni ndryshimin dhe vigjëloni. Nuk mbajti premtimet ai që vjen, ngrihuni e zbytheni. Nuk ka Enveristë, Ramistë apo Bashistë të përjetshëm, ka vetëm Shqipëri.