Ilir Levonja – Page 2 – Dielli

Aleanca me Gjinon

April 15, 2021 by dgreca

Nga Ilir Levonja/

A është sot Shqipëria një parti si rilindja? Kjo mbetet për t’u parë. Por unë nuk e besoj. Brenda partisë së rilindjes mund të ndodh gjithçka. Pasi Edi Rama është plotësisht Enver Hoxha. Për ditë me radhë mund të etiketosh e ta menderosësh si të duash kundërshtarin…, gjumash, Gjino, qullash që e komandon Berisha me Metën. Dhe anëtari i partisë së Rilindjes, brohoret po. Për ditë me radhë mund ta quash kundërshtarin apo Lulzim Bashën, dështak, vrasës, hajdut. Njeri që i ka provuar të gjitha pushtetet etj., anëtari i partisë çirret po. Madje të mbysin duke të dërguar meme, duke shpërndarë fjalën e Ramës me videot e mamaqëve e të tjerë, aq sa stastikat nxjerrin më shumë emrin Rama, sa oksigjen real që e ka të domosdoshëm shoqëria për të mundur degradimin. Brenda rilindjes vendos dhe vuls njëshi. Tha ai sikur 4 vjetë me radhë që filani është dështak, kështu thonë dhe gjindja. Nuk ka sot qytetarë të majtë që nuk e beson Ramën në ato që thotë për Berishën, Metën dhe Lulin. Thuajse 100%, në kor e pohojnë. Dhe po kështu në kor kanë nisur ta pranojnë ofertën publike të Ramës, (njëshit) për një bashkëpunim me qullashin, gjumashin, Gjinon e opozitës. Në këmbë Rama, në këmbë ata. Tështin Rama, gjak hundët e tyre. Sa shpall Rama një armik të popullit, plasin fletrrufetë. Pra brenda rilindjes socialiste shahesh e bastardohesh unanimisht. Pastaj ftohesh për të qeverisur si aleat, po unanimisht. Dhe a e dini përse ndodh kjo? Pasi brenda pushtimit të Partisë Socialiste nuk ka më forume, nuk ka vendim marrje kolegjiale, por një zë, një njësh, një diktator. Thotë ai, hidhuni, ata hidhen. Thotë ai mbytuni, ata nuk e kanë problem. Eshtë gjëndja e amullisë brenda dehjes ku gjithçka kthehet në orgji dhe demokracia ka vdekur një herë e mirë. Pra sot i kërkohet aleancë Lulzim Bashës me një mikrofon fushate, gjindja pohon me thirrje po. Nuk e di se si do ndihen familjet e 21 janarit, megjithëse nuk u tutën fare kur Edi Rama nënshkroi publikisht marrëveshjen me Ilir Metën në Shkodër me 2013. Mos harroni, Edi Rama ishte ai që përdori një video të fshehtë me Metën dhe Priftin, një video që solli edhe 21 janarin e 2011-ës. Nëse tek Partia Socialiste e pranojnë, nuk besoj se e pranojnë në krahun tjetër. Edhe sikur Basha ta pranoj, nuk e pranon forca e djathtë. Të paktën ka mbetur akoma ajo forcë ku njëshi nuk është bërë Enver Hoxha. Kjo për shumë arsye të cilat nuk është dhe koha t’i shpjegojmë. Por, a është bërë dhe Shqipëria, qytetaria e saj, një lloj rilindje ku të gëlltisë gjithçka që thonë kanakarët për progres social a si rruga e domosdoshme që vendi të mos shkoj me dekada me kriza politike. Nuk besoj. Dhe këto ditë janë shanci i madh. Ky ka emrin ndryshim. Dhe Edi Rama nuk duhet të flasi më për aleanca të mëdha, por është koha të japi llogari për dëmin ekonomik që i ka shkaktuar Shqipërisë me vendimarrjet jashtëligjore. Eshtë koha të japi llogari për vjedhjen e zgjedhjeve si lokale dhe të përgjithshme. Për suportin e krimit deri në futjen në Kuvendin e Shqipërisë. Kuvendet e legjislaturave të dominimit Rama, kanë civitë më të turpshme të historisë së pluralizmit shqiptar. Për mbajtjen e zgjedhjeve monisteve me pjesëmarrjen më të ulët në historinë njerëzore, duke mbytur publikisht demokracinë e një vendi. Shqiptarët duhet t’i adresohen ndryshimit për të shmanguar edhe ndonjë plan të errët të transformimit drejtë pushtetit pa kufizim. Kur ua përmend nënqeshin, megjithëse gjasat janë plotësisht një përfundim bjellorus, putinizmi, erdoganizmi a kinezërie. Dhe aspak të një demokracie perëndimore. Për më tepër që disa webe kanë publikur lista emërore me të dhëna personale të mijra qytetarëve. Ja pse sot ka frikë, ka panik dhe vota është e shitur. Një koalicion mes rilindjes dhe Partisë Demokratike do ishte një pjesëmarrje në lojën putiniste të Ramës për pushtet të pa kufizuar. Por nëse vërtetë jeni qytetarë që doni vendin tuaj, mos ua jepni këtë shanc. Votoni ndryshimin dhe vigjëloni. Nuk mbajti premtimet ai që vjen, ngrihuni e zbytheni. Nuk ka Enveristë, Ramistë apo Bashistë të përjetshëm, ka vetëm Shqipëri.

Sigurismi i Shtetit dhe Edi Rama

April 11, 2021 by dgreca

Nga Ilir Levonja/

Para pak kohësh një emison televiz transmetonte një program mbi një rast persekutimi. Kjo ishte një mësuese diku në malësi. Operativi i zonës nuk e kishte futur dot në dorë. Mësuesja e re e kishte refuzuar prerë. Kësisoj ky funksionar i armës së Sigurimit zuri nga kërcënimet, por prapë nuk e shtiu në dorë. Përfundimi, mësuesja e re burgoset për agjitacion e propagandë, deri ditën e rënies së diktaturës. Më pas, një beqareshë e lodhur si azilkërkuese në Bruksel. Kjo është një nga metodat e preferuara ta paranojakëve a skicofrenëve, raste që mund t’i shpjegoj subkoishenca e Frojdit. Por që në Shqipëri i kanë aplikuar që nga Enver Hoxha e deri tek kapteri më i fundit. Si dëshmi reale janë Ramize Gjebreja, Sabiha Kasimati, Musine Kokalari etj., pa përmendur dhe fisniket e heshtura si mësuesja e Malsisë. Pra po nuk ma dhe apo po nuk të munda më kthehesh në një fiksim që prodhon veç intriga. Dhe nuk është çudi që vendi të ngjasi me subjektet e dramave të Shekspirit. Këtë e verteton edhe një intervistë e fundit e kryetarit të KQZ-ës kur fushatën aktuale e krahason me atë të 1997-ës. Dhe nëse doni ta dini se përse ndodh kjo, është pikërisht ai fiksimi me tu mundur a me të të mundur. Nga performanca e njëshave fillon gjithçka. Sa më brutal, vulgarë e bullistë të jenë ata, dy fish jemi ne me njëri-tjetrin. Me të mohuar gjithçka deri në asht, aq sa kurrë shqiptarët të mos kenë një model real të unifikimit. Jo rastësisht Edi Rama është i fiksuar në dy emra, si ai sigurimsi tek mësuesja që nuk ia dha. Në atë të Sali Berishës dhe Ilir Metës. Nëse dedektivi i sigurimit nuk duronte dot faktin që mësuesja nuk ja jepte. Edi Rama nuk duron këta dy emra, të cilët nuk i mundi dot. Të parin, Sali Berishën për faktin që ua hoqi shqiptarëve koracën e vizave me Europën. Do apo nuk do ai, kjo ndodhi në qeverinë e Berishës. Shqiptarët tashmë lëvizin në Europë pa vizë, mjafton pasaporta dhe kaq. Eshtë hera e dytë në historinë e shtetit të tyre, pas Ahmet Zogut. Me Enver Hoxhën donin vizë për në Konispol e Vermosh, se Italia ishte mollë e ndaluar. Po me Berishën, Shqipëria u bë anëtare e NATO-s, pra thuajse 100% perëndimore. Sot është një kuvli nën protektoratin e Ankarasë, po 100% në kundërshtim me historinë e vet, karshi asaj Perandorie shkëputja prej sëcilës i solli pavarsinë dhe një batalion me dëshmorë të atdheut. Pas Enver Hoxhës, ky është shtetari i dytë që ka oreintuar Shqipërinë 100% nga Lindja. Me Ilir Metën vuan dështimin që nuk e nxorri dot në pension. Mendoi se duke e bërë president, komplet kundër vullnetit të shqiptarëve, do e nxirrte në pension. Kësisoj do e kishte më të lehtë rrugëtimin e ndryshimit të Kushtetutës, jo kufizimin e mandatit dhe dyfishin e afatit qeverisës deri sa një ditë të shpallet mbret. Do minimizonte elektoratin e LSI-is duke ruajtur çdo votë socialiste sado fanatike e majtë, sado radikale, sado enveriste, mjaft t’i grumbullonte tek vetja. Nuk është e rastësishme sot që një numror në Kuçovë, a në Berat, reklamohet nëpër dhjetra televizione si fitore deri në rang kombëtar. Paralel me këtë i shkonte për shtat emoragjia e PD-ës, partiçkat e të qejfmbeturëve që sot u kujtuan t’u tregojnë shqiptarëve, se sa të degraduar janë faktori 30 vjeçar politik i vendit tonë. Në fakt raca më e poshtër për stanjacionin e progresit të një vendi, janë pikërisht dy drejtime, (1) të persekutuarit që i thonë përdhunuesit baba. Dhe (2) teserexhinjtë e posteve, komisioneve, kryetarëllkut, ata që i bëjnë opozitë shtëpisë që i polli. Që të bëj karshillëk një anëtar i thjeshtë, nuk ka dëm, por progres. Dëm ka kur të bën karshillëk karrike thyeri. Por jemi tek egërisa e fushatës, tek Edi Rama. Dhe siç e vutë re, insistimi i Edi Ramës është pikërisht ai i kapterit të Sigurimit të shtetit. Pra Edi Rama duhet përzënë pikërisht për këtë, se, në vend që të japi llogari se çfarë bëri dhe çfarë nuk bëri për shqiptarët në 8 vjet, çirret për nepset e munguara me Sali Berishën dhe Ilir Metën. Nuk është problem i shqiptarëve humbja e Edi Ramës me Sali Berishën dhe Ilir Metën, është problem i Edi Ramës. Shqiptarët dhe Shqipëria duan tjetër drejtim, tjetër horizont, tjetër natyrë etj. Sot Shqipëria nuk është anëtare e Komunitetit Europian dhe pikë. Shkon në Europë pa viza, por nuk është anëtare e saj. Sipas mendjes së Edi Ramës, ju duhet të votoni Edi Ramën se ai nuk ju futi në Europë. Duhet të votoni Edi Ramën se po ju izolon. Brutalizmi real i Sali Berishës qëndron në një fakt historik, jo në ato që thotë Edi Rama, por në atë që i dha të drejtën e lëvizjes së lirë edhe komunistit që sot shkon ku do i do kokrra qejfit. Por e tillë është demokracia, nuk ke çfarë i bën. Shkurt, jo ta votosh Edi Ramën, por sikur nëpër mend ta çosh, dëmton vendin dhe fëmijët.

Rroftë Rama, rroftë mbreti!

April 3, 2021 by dgreca

Nga Ilir LEVONJA/ Jo, 110 milion euro dëm ekonomik, por sikur edhe Shqipërinë të djegi, nuk e arreston njeri Ramën. Mos mbani shpresa kot. Mos prisni të hapen dyert e SPAK-ut. Kjo nuk është një humbje e re. Ka gati dy vjet që gëlon lart e poshtë. Dhe veç Webeve gjoja të djathtë askush nga e majta nuk e komenton dëmin e ekonomik. Madje Webet e majta janë kapur me dremitjet e Lulit në një Rang Rover etj. Ose me faktin që Luli është Gjinoja dhe mbrapa tij qëndron Berisha apo Ilir Meta me Monikën. Dhe këmbëngulin kaq shumë, të çojnë sms me shumicë, se ata janë me të vërtetë nga pas. Këmbëngulin të mbushin mendjen se pas tij janë me të vërtetë ata kriminelët e Gërdecit dhe hajdutët e Thesarit etj. Por që ne naivët nuk duam të besojmë. Dhe se kur u thua, po mirë, përse nuk i denonconi në organet përkatëse apo arrestojini, si Berishën, si Metën e të tjerë, nuk të kthejnë përgjigje. Megjithatë këta janë çfarë janë dhe janë pikërisht këta që komandojnë Lulin. Në fakt dëmi ekonomik që Rama i ka shkaktuar vendit nuk është vetëm gjoba e këtij investitorit italian. Por është trefish a katërfish dhe kjo do të vërtetohej kollaj nëse do të kishim vërtetë një sistem drejtësie të pavarur. Por nuk e kemi. Dhe fakti që SPAK hesht e merret me kontenirët e bananeve dhe porositësin shqiptar një mësues pensionist, është propagandë e përkryer e specialistëve të nomeklaturës për të krijuar skenarë ku ta arrijnë e të zhvendosin vëmendjen e publikut nga dështimi real. Dhe kjo shkon për veshët e atyre që besojnë se, vërtetë ne kemi bërë reformë në drejtësi? Po të kishim bërë, sot në Shqipëri, nga dosja 339 nuk do të hetoheshin 21 komisonerë të Durrësit. Ku dy nga të cilët kanë ndërruar jetë, por Damian Gjiknuri. Madje duhej të ishte në burg, se u kap me telefon në vesh, me zë e me figurë si i thonë fjalës. Por e keni kandidat, e kemi kryetar reforme etj. Drejtësia Shqiptare e ”reformuar” nuk shikon asnjë dëm ekonomik, madje është shpifje e ndyrë sipas Ramës. Dhe shqiptarët urra, burra, Lul gjumashi, këlyshi i Berishës dhe i Metës. Uaaaa, mësues, 72 vjeç merret me tregtinë e drogës nga Ekuadori. Pra jo 110 milion euro dëm por Shqipërinë të djegi, ai prapë është në këmbë. Nuk i preket fije nga parruajtja e tij. Eshtë kalur Zotit. Dhe këtë të drejtë ia keni dhënë ju që tmerroheni nga ndryshimi. Tmerroheni ta zgjidhni presidentin nga populli, tmerroheni ta kushtëzoni mandatin e shtetarit etj. Tmerroheni të keni institucione të pavaruara etj. Tmerroheni të votojnë djemtë e vajzat tuaja nga janë e ku janë nëpër botë. Dhe rrihni gjoksin se jeni patriotë që e doni vendin dhe gjakun tuaj. Kësisoj mos u habisni kur të vij dita që Edi të shesi edhe Shqipërinë. Madje të bëj ndonjë referendum për shpalljen e tij mbret. Ju me qejf do ta votoni. Se e keni gjetur vegjën. Kë të votojmë thoni, Lulin që fle. Është fare e thjeshtë, votoni ndryshimin. Por kush e kupton. Kush gjykon kështu, rroftë Rama, rroftë mbreti.

Mjaft me Robertin, faktoni ndryshimin!

March 27, 2021 by dgreca

Nga Ilir Levonja/

Robert Ndrenika është ikonë e teatrit dhe e kinematografisë shqiptare. Kthejeni nga të doni, si të doni, qysh ta doni. Eshtë një nga korifejtë e fjalës apo batutës, të karakterit etj., mbi të gjitha tipik shqiptar. Ndaj nuk keni asnjë të drejtë ta mbani në gojë. Ka zgjedhur Edi Ramën, punë e tij. Shqipërisë dhe shqiptarëve nuk i prish punë, zgjedhja e Robertit. Por të tjera indicje. Përshembull një makineri e tërë nanalistësh qeveritarë që megjithëse Sali Berisha nuk u duk fare në çeljen e fushatës së PD më 25 mars, ata vërshuan, Berisha në krye. Kjo është opereta më vrastare e progresit të Shqipërisë dhe shqiptarëve. Kujtohuni se Enver Hoxha mbajti pushtetin 45 vjet vetëm me propagandën e luftës së klasave, kulakun, armikun e popullit. Arrestoi e vrau sa deshi në emër të popullit. Sot fajin e ka Saliu është kthyer në një operetë gangrenë koralesh, blu e thellë. Berisha nuk ishte fare në çeljen e fushatës, por në shtëpi, kurse këta vërshojnë në kor, Berisha në krye. Ti i thua ekonomia, ata Berisha. Berisha është, nuk është Basha. Berisha nga pas Bashës etj. Shqipërisë dhe shqiptarëve nuk i prish punë fare monologu i Bertit, që megjithëse nuk e ka shkëlqimin e mëparshëm, prapë është Robert Ndrenika. Jemi me fat që e kemi. Por janë të tjera indicje, propaganda mbi kiminë e opozitës me popullin. Lulin që shkon me vonesë në miting etj. Po e përdorë Edi Rama aktorin ikonë të shqiptarëve, Robert Ndrenika…, është punë e, së pari e Bert Ndrenikës pastaj e Edi Ramës, ama jo e shqiptarëve. Shqiptarët duhet të kuptojnë një gjë se pëshpërimat me, ishe me mua, nuk je me mua, i duhen vetëm një personi, ky është Edi Rama. Nuk i duhen as Shqipërisë dhe as shqiptarëve. Dhe nëse vazhdoni e merreni me Robertin bënin punën e Edi Ramës, jo punën e Shqipërisë dhe shqiptarëve. Të gjithë duhet të kuptojnë një gjë, që Shqipëria ka nevojë për ndryshim. Vini re Kosovën, nuk fitoi programi politik i Albin Kurtit, por ndryshimi. Nuk ishte Albini që u dha njerëzve kimi, këtë përcaktor kaq qejfdashës të kanalistëve të qeverisë. Ishte shoqëria, populli. Nanalistët e qeverisë thonë, janë nervozë opozitarët. Nuk janë opozitarët nervozë. Nuk kanë përse të jenë. Nuk merret qeveria me opozitën e shqiptarëve, por me popullin. Tregojuni dhe faktojani si firot dhe arritjet, aty i keni, janë të shkruara e zeza mbi të bardhë. Një fakt të thjeshtë përshembull, sa e gjetët borxhin publik kur erdhët në pushtet më 2013-ën, sa është aktualisht. Ose një fakt tjetër, me indeksin 10% të të ardhurave në ekonominë shqiptare, motorin e emigracionit. Ngritët një dikaster me emrin e Diasporës. Sot emigrantët nuk votojnë akoma. Kreu i KQZ-ës, tha dje mbrëma se, kujtoja se sa do të ishin, por nuk gjeta më tepër se 300 vetë, 300 aplikime. Pse aq janë emigrantët shqiptarë nëpër botë? Jo asesi! Ky ishte dështimi i radhës që nën emrin e emigrantit, të paguhej një qokë ministrore me emrin Majko. Sot qeveria ia hedh fajin KQZ-ës, sikur ky institucion të jetë i alienëve, jo i shqiptarëve. KQZ-ja e Prishtinës, telefonoi e verefikoi për plot 1 muaj gjithë emigrantët kudo ku ishin dhe ata votuan. Kurse ne të dheut amë, faqa e zezë e Shqipërisë. Gjithsesi, opozitarizmi është post komod, nuk ka se si të të bëj nervoz, nervozë është Edi Rama që merret me vonesën e Bashës, me komisionerët e Europës etj. Jo vetëm Bert Ndrenikën por gjithë lukuninë e tallavasë të merrni nuk ka mandat të tretë, ka ndryshim. Doni apo nuk doni ju me kiminë e munguar të Lulzim Bashës etj., do, ndryshimi. Oksigjeni i domosdoshëm për një popull. Këtë bëri edhe Kosova, këtë do bëjnë të gjithë shqiptarët.

Një qeveri shëmb nga që nuk është qeveri e juaja

March 23, 2021 by dgreca

Nga Ilir Levonja/

Shumë nga shqiptarët habiten se si është e mundur që një qeveri si kjo Edi Ramës ngrihet e shëmb menatë objekte të një rëndësie kulturore etj. Edhe pse zgjedhjet janë tek dera, ai prapë shëmb, me një llogjikë sikur të mos ekzistojnë zgjedhjet fare. Ashtu sikur ka shumë të tjerë që ngrihen me gojën plot shtrëngim, e të thonë, mirë ja bën, është burrë ky. Mirë ja bën qënit Berisha dhe këlyshëve të tij. Njësoj ansambli grusht bashkuar rreth gjoja partisë pavarsisht se akoma veshin kostumet e gabit, presin me sytë nga kalamajtë etj. Kanë një solidaritet të çuditshëm karshi logjikës se ka mbaruar si objekt, duhet prishur. Ndërsa nga ana tjetër po me këtë logjikë të kollajshme postojnë foto restaurimesh qëndrash, siç është edhe rasti i lagjes Muradie në Vlorë, apo rruga e çifutëve. Ore zotërinj, kuptoni një gjë që Shqipëria nuk është as Edi Ramës as e Sali Berishës. Eshtë e juaja. Një qeveri që prish e ndërton pa miratimin e komunitetit, nuk ka se si të jetë e juaja. Dhe kur nuk është e juaja nuk është as për Shqipërinë. Kur bëhej lufta e nervave, deklaratave e protestave për mos shëmbjen e Teatrit Kombëtar, ku sigurisht unë isha kundër, shumë njerëz më shkruanin dhe më pyesnin pse je kundër një teatri të ri. Asesi nuk jam kundër së re-së, a keni mundësi e financa të ndërtoni. I heq kapel kujdo qeverie. Ka boll tokë plotë. I vini në punë arkitektët tuaj, inxhinjerët, projektuesit. Se kështu nderoni universitetet tuaja. Hapni qëndra të reja, Roma nuk është vetëm piazza Venecia. Por e vjetra duhet ruajtur për rëndësinë kulturore, historike. Eshtë puna e gjyshërve, e baballarëve tanë. Mos u mburrni me dekoratat në valixhe, por edhe me atë që ata e ndërtuan. Sa herë kaloja në Llogara, shikoja detin, mbaja frymën dhe kujtoja tim gjysh. E hapi atë rrugë kur na kishte pushtuar Italia (1920). E kemi edhe sot. Nuk ka rëndësi se u ndërtua nga italianët, fashistët. Nuk ka rëndësi se u ndërtua nga Enveri. Ku duhet theksuar se që në terma jemi gabim. Nuk ndërtoi as fashizmi as Enveri, por krahu juaj. Fashizmin dhe Enverin dënojini, por jo të prishim gjithçka që ka mbi vete një barrë afro shekullore ku shoqëria është lidhur në lulka kujtimesh dhe emrash. Merrni rastin e hekurudhës, mund të shkatërrohen lokomotivat, vagonët. Dhe zëvendësohen ato, por jo transeja, udha e hekurt. Tek ne u la të shkatërrohej qëllimisht. Sot ndalon treni që të kaloj një gomar i ngarkuar. Lokomotivat nuk fishkëllejnë më. Përse? A nuk ka ai vend nevojë për transport publik? Të gjithë keni makina tek dera ju? Ajo aty është vetëm duhet mirëmbajtur, lokomotivat dhe vagonët zëvendësohen. Kurse sot qeveria shqiptare del e reklamon si sukses se do e rilidhi rishtas Tiranën me Durrësin. Madje mburret dhe e quan një sukses se po afron një investitor të huaj ta bëj këtë. Në 30 vjet demokraci mezi po rilidhim Tiranën me Durrësin. Shqiptarët vet , e theksoj shqiptarët, jo Enveri, lidhën thuajse gjithë Shqipërinë. Me kazma e lidhën. Por nganjëherë shqiptarët e identifikojnë punën e tyre me Enverin dhe madje grinden për këtë. Pra me kazma thuajse gjithë Shqipërinë, kurse këta pas 30 vjetëve akoma nuk po rilidhin Durrësin me Tiranën. Bëjeni vet ndryshimin. Po ta kishin vërtet në dorë shqiptarët sot do të qe lidhur me transe Tirana me Prishtinën. Por metropolet tona janë sot privilegj i arritshëm vetëm i kontigjentit të studiove show, politike, modistave të tallavasë, jo i shqiptarëve qytetarë. Prishtina dhe Tirana për ta janë akoma të pa arritshme. Pra nuk e kanë. Që shëmbet një maternitet është pjesë e deklaruar, e qeverisë prej kohësh. Pjesë e kluturës vrastare të shtetarit që gjithçka fillon me mua. Që kur lali Eri thoshte se Tirana do bëhet si qëndrat e botës, me pallate të larta. Kështu janë qëndrat e qyteteve të rëndësishme. Është njësoj si të shkosh e tu thuash francezëve që Parisin do e bëjmë me gradaçela. Shkoni e provojeni se dru kokës do hani. Mirëpo në Shqipëri fërkojnë duart dhe thonë le të plasi qeni Sali Berisha, ashtu do e bëjnë Tiranën, si New Yorku. Le të jenë zgjedhjet nesër, le të thotë ligji që në fushatë kështu e ashtu. Një vend që bëri zgjedhje një partiake nuk ka si ta dojë vetveten, do partinë dhe kultin e idividit. Eshtë kjo arsyeja që ne jemi një makineri me ingrazhe që zhurmojnë, por punë nuk bëjmë. Jemi një shoqëri që e trajtojnë vendin sikur të jetë pronë e Ramës dhe e Berishës, jo e jona. E trajtojnë vendin me glorifikimin e xhaketave të vjetra, pavarsisht diplomave dhe medaljeve që marrin fëmijët tanë në universitetet më në zë të botës. Shkurt jemi të mjerë, internacionaliste, pa atdhe.