kryeministri – Page 3 – Dielli

Dua Lipa koncert në Prishtinë

August 8, 2016 by dgreca

-Kryeministri Mustafa: Dua Lipa dhe talentët tjerë, burim motivimi dhe krenarie për Kosovën/

PRISHTINË, 8 Gusht 2016-Gazeta DIELLI/Dua Lipa pas 4 vitesh është kthyer në Kosovë për të mbajtur koncertin e saj humantar në Parkun e Germisë në 9 gusht në Prishtinë.

Të gjitha të hyrat e biletave do të shkojnë për Sunny Hill Foundation, fondacionin e themeluar nga ajo per të ndihmuar të rinjtë e Prishtinës dhe Kosovës veçanërisht në art dhe kulturë.

Kryeministri i Republikës së Kosovës, Isa Mustafa, priti sot në takim këngëtaren e famshme, Dua Lipa.

Gjatë takimit, kryeministri Mustafa tha se Kosova dhe qytetarët e saj janë shumë krenarë për sukseset e njëpasnjëshme të saj në skenën muzikore botërore.

Kryeministri Mustafa, po ashtu, shprehu përkrahjen e Qeverisë së Kosovës për të gjithë artistët dhe talentët e tjerë të Kosovës që veprojnë jashtë vendit.

“Dua Lipa dhe të gjithë këngëtarët dhe sportistët tanë që po arrijnë famë ndërkombëtare, fal talentit dhe punës së tyre të përkushtuar, janë shndërruar në figura motivuese dhe simbole krenarie për të rinjtë dhe të gjithë qytetarët e Kosovës. Ju, po ashtu, po i jepni imazh shumë pozitiv shtetit dhe shoqërisë tonë në botë. Andaj, Kosova krenohet me sukseset tuaja”, tha kryeministri Mustafa.Këngëtarja Dua Lipa ka falënderuar kryeministrin Mustafa për pritjen, duke theksuar lidhjen e saj të fuqishme me Kosovën.

Dua Lipa, po ashtu, e njoftoi kryeministrin Mustafa edhe për planet e saj në të ardhmen në botën e muzikës./b.j/

Kosova, shpërblim shtetëror për kampionen evropiane në xhudo Majlinda Kelmendi

April 26, 2016 by dgreca

-Çmime edhe për Nora Gjakovën, fituese e Medaljes së Bronztë, si dhe për trajnerin e xhudisteve, Driton Kuka/

-Majlinda Kelmendi: Po shpresoj shumë se do të kthehemi me sukses edhe nga Lojërat Olimpike në Rio. Sportistët janë ambasadorët më të mirë të shtetit të Kosovës/

Prishtinë, 25 prill 2016-B.Jashari/ Kryeministri i Republikës së Kosovës, Isa Mustafa, ndau sot shpërblimin shtetëror për sportisten kosovare, xhudisten Majlinda Kelmendi, fituese e Medaljes së Artë në Kampionatin Evropian të Xhudos, që u mbajt në Rusi. Gjatë kësaj ceremonie, po ashtu u ndanë çmimet edhe për Nora Gjakovën, fituese e Medaljes së Bronztë në këtë kampionat, si dhe për trajnerin e xhudisteve, Driton Kuka.

Të pranishëm në këtë ngjarje ishin edhe zëvendëskryeministri, njëherësh ministër i Kulturës, Rinisë dhe Sporteve, Kujtim Shala, kryetari i Federatës së Xhudos, Agron Kuka, zyrtarë të tjerë shtetëror dhe përfaqësues të medieve. Kryeministri Mustafa ka shprehur edhe një herë mirënjohjen dhe vlerësimet më të larta për Majlinda Kelmendin, Nora Gjakovën si dhe kryetarin e Federatës dhe trajnerin për punën e mrekullueshme dhe përfaqësimin dinjitoz të Kosovës në Rusi, por edhe në vendet tjera.

“Është fjala për sportistët të cilat kanë arrit kulmin me medalje botërore dhe me medalje evropiane. Unë dëshiroj sot në emër të Qeverisë së Republikës së Kosovës t’iu uroj suksese, t’iu shpreh po ashtu një mirënjohje shumë të madhe për afirmimin e Kosovës, afirmimin e të rinjve të Kosovës jashtë dhe sporteve të Kosovës, që është një mënyrë shumë më e mirë e zëdhënies për atë çfarë është vlerë e Kosovës, vlerë e rinisë së Kosovës dhe qytetarëve të Republikës së Kosovës”, tha kryeministri.

Duke iu uruar për suksesin shumë të madh që e kanë arritur, kryeministri Mustafa po ashtu shprehu domosdonë që Qeveria e Republikës së Kosovës të përkrah edhe më shumë xhudon dhe sportet e tjera.

Kampionia evropiane në xhudo, Majlinda Kelmendi, tha se sot ishte hera e parë që në ceremoninë e ndarjes së shpërblimeve është prezent kryeministri i shtetit të Kosovës.

“E falënderoj shumë. Po më duket që dita ditës politikanët po e pëlqejnë shumë e më shumë sportin e xhudos dhe normal që më vjen mirë për këtë. Po shpresoj shumë se do të kthehemi me sukses pas Lojërave Olimpike në Rio. Shpresoj që sporti në Kosovë të përkrahet shumë më shumë, sepse po e dëshmojnë sportistët që janë ambasadorët më të mirë të shtetit, edhe që sporti nuk është luks, siç po e konsiderojnë disa njerëz. Duhet të përkrahet sporti në Kosovë sepse të rinjtë e Kosovës kanë perspektivë dhe munden të arrijnë shumë lartë”, tha Majlinda Kelmendi.

Fituesja e medaljes së bronztë, Nora Gjakova, theksoi se është kënaqësi për ta kur rezultatet që i arrijnë kurorëzohen me pritje të tilla, me respekt të tillë nga të gjithë, sidomos në mënyrë institucionale.

“Më vjen mirë që tani pas çdo suksesi kemi pse të kthehemi, na presin gjithmonë shpërblime të ndryshme, të cilat i vlerësojnë medaljet tona”, tha Gjakova.

Trajneri Driton Kuka, ka ritheksuar një fjali të thënë nga kryeministri Isa Mustafa gjatë konferencës në Aeroportin e Prishtinës, në pritjen pas kthimit nga Kampionat Evropian i Xhudos i mbajtur në Rusi: “Mesazhi i këtyre medaljeve është mesazh për Evropën, sepse Majlinda dhe Nora janë vlera të cilat Evropa duhet t’i ketë në mesin e tyre, dhe është mesazh ndoshta për ata që po hezitojnë të na lejojnë të lëvizim të lirë”.

Më tutje, Kuka tha se është kënaqësi që janë nxënëset e tij ato me të cilat po krenohet kombi dhe shteti i Kosovës.

“Do të vazhdojmë të punojmë edhe më tutje. Është mirë që po gjejmë mbështetje në institucionet tona shtetërore. Shpresoj se edhe në të ardhmen do të vazhdoj ky bashkëpunim i shkëlqyer. Shpresoj se edhe nga Lojërat Olimpike të kthehemi me sukses. E kemi arsyetuar epitetin që sporti është ambasadori më i mirë i shtetit”, tha Driton Kuka.

Shpërblimet shtetërore për sportistët që arrijnë rezultate kulmore janë ndarë në bazë të Rregullores për ndarjen e shpërblimeve shtetërore për sportistët që arrijnë rezultate kulminante në garat ndërkombëtare. Sipas saj, fituesja e Medaljes së Artë shpërblehet me shumën prej 20 mijë euro ndërsa fituesja e Medaljes së Bronztë shpërblehet me 8 mijë euro. Ndërsa, trajneri shpërblehet me gjysmën e shumës së fituesve, 10 mijë, përkatësisht 4 mijë euro.

Papërgjegjësia e një Kryeministri

April 11, 2016 by dgreca

Nga Alfons Grishaj/ Michigan/

Rasti i deklaratës së Kryeministrit shqiptar , përfundimisht ma mbushi mendjen se , udhëheqësit politikë të Shqipërisë janë nga më idiotërit në glob… Deklarata e Ramës ndoti Shqipërinë deri tek “The New York Times”… Ai u soll si Kryeministri i “Përrallës së Shllavarisë”* dhe aspak si Kryeministri Shqipërisë . Kaq i paaftë të jetë populli shqiptar , sa zgjedh herë një idiot , herë një super idiot… Dështaku i pikturës , i dehur nga opiumi shkapërcen logjikisht kontinentin europian dhe kërcënoi me prishje marrëdhëniesh me SHBA, nëse zgjidhet President, Donald Trump ! …

O Zot! Shekulli XXI , nxorri dhe një Enver Hoxhë tjetër…

Ky , nuk e ka idenë se si bëhen fushatat në Amerikë , dhe as idenë e politikës së tyre…Rama , kërcënon vetveten dhe popullin e vet me izolim dhe aspak Amerikën! Për Amerikën , Shqipëria është sa një lagje e një shteti, apo sipas përkufizimit të një shkrimari shqiptar : “ Për Amerikën , Shqipëria është një fshat i madh”. Amerika ka qenë dhe është aleati më i sinqertë që kanë pasur ndonjëherë shqiptarët . Amerikanët ,vendin tonë nuk e kanë parë nga ana gjeografike , por nga ana e historisë dhe tradicionit. Ata nuk kanë pasur asnjëherë nevojë për ne . Ne kemi qenë nevojtarë të një aleati të fuqishëm për ekzistencën kombëtare… Këtë aleancë e formoi Vatra e Nolit dhe Konicës, dhe e shkatërroi Enver Hoxha me partinë e tij. Tani na del sozia e Enverit dhe flet përçart …

Do të vijë Trump, Kruz, Klinton apo Sanders , politika ndaj aleatëve të NATO-s dhe vendeve mike mbetet e njëjta. Deklarata e papërgjegjshme e Ramës, ka burimin nga dy shkaqe:

1)- Aderencat e komunizmit …Kryeministri Shqiptar është rritur dhe edukuar nga një familje komuniste, ku në thelb ishte: Partia! Partia! Partia! Dhe përsëri Partia!Dhe asnjëherë Shqipëria!…

2)- Komunistët shqiptarë , nuk kanë pranuar asnjëherë edukimin e shkencave politike moderne perëndimore . E kam thënë dhe më parë, i vetmi Institucion ka qenë “Shkolla e Partisë”, që mësonte se si të edukohej politikani i ri me dashurinë ndaj Partisë dhe “shokut” Enver. Të gjitha tekstet për demokracinë , ishin e kundërta e teksteve të botës së qytetëruar . Vizioni për demokracinë dhe bërja politikë kufizohej tek bujqësia dhe mjelja e dhenve, bërja e bunkerëve për tu mbrojtur nga armiqtë imagjinarë dhe prodhimi i thekrës . Kjo shkollë e zhyti popullin në mjerim . Biçikleta kineze ishte mjeti më modern dhe më i dashur i familjes. Nëse gjendej ndonjë kanaçe Coca Cola, vendosej si relike në bufe … Njerëzve të asaj kohe u numëroheshin brinjët mbi xhaketë. Fytyrat e rreshkura 30 vjeçare ngjanin me ato 50 vjeçare …pasqyrë e mjerimit të një rregjimi çnjerëzor. Inteligjenca e asaj kohe është reflektim i politikës së sotme.

A nuk ishin “intellektualët” në takimin me Ramizin , që i thanë këtij të fundit, “Nuk e kuptojmë fjalën pluralizëm”!… E pra sot , shqiptarët qeverisen (zvarriten) nga ky soj e sorollop maskarenjsh…Pas deklaratës delirante të Kryeministrit , lindin disa pyetje :

Nesër…Çfarë mund të sjellë deklarata e një Kryeministri të tillë?

Izolimin e Shqipërisë , pasigurinë e emigrantëve ?

A është në dijeni Rama, për ligjin e aprovuar nga Kongresi Amerikan , për sistemin e emigracionit lidhur me dy vendet arabe, Irakun dhe Sirinë , gjithashtu Persinë (Irani i sotëm) ?

Këtë ligj nuk e aprovoi Trumpi “kontraversal” , “Sharlatan” etj etj … A ka dëshirë Rama ta përfshijë Shqipërinë në një listë të tillë?! Pse sillet ai sikur të ishte mbret i shqiptarëve dhe jo kryeministër dhe kryetar i një partie tranzitore? Gjoja i qan zemra për emigrantët dhe do ti mbledhë përfaqësuesit në Tiranë…Po, a ka tagër ky njeri i papërgjegjshëm që nuk ka bërë asgjë deri më sot për emigrantët, dhe jo vetëm atë , por flet me një gjuhë tipike komuniste për të prishur marrdhëniet me aleatin tonë tradicional , Amerikën ?

Çhurchilli , thoshte për socialistët : “ Socialism is a philosophy of failure, the creed of ignorance, and the gospel of envy, its inherent virtue is the equal sharing of misery…”

Ai mendon se deklarata e tij i shërben një takimi momental me Presidentin Obama , por nuk është e vërtetë …

Takimi me Obamen , do të jetë onorifik dhe për këtë takim, disa shqiptarë të Amerikës kanë punuar fort (që do të pendohen më vonë).Vetë demokratët amerikanë e shohin Ramën si një hibrid joprodhimtar…

Së fundi amerikanët, mund të shahen , të rrahen me njëri-tjetrin, por përsëri janë amerikanë. Ata nuk mbajnë inat me bashkëkombasin e vet si shqiptarët , që nuk e kanë për gjë t’a kryqëzojnë kundërshtarin. Amerikanët , kundërshtarin e shohin si zhvillim dhe jo si armik.

Amerika dhe Shqipëria , nuk prishen as nuk ndreqen nga skifot dhe praktitat e delitantizmit politik shqiptar , as nga deliri i madhështisë , as nga analistët mjeranë të vendlindjes sonë. Sot në Amerikë , jetojnë mbi 700 mijë shqiptarë, të cilët kanë krijuar emrin e tyre të mirë , kanë lidhje të shkëlqyera me Departamentin e Shtetit , Kongresin dhe Senatin Amerikan. Një ditë , shqiptarët e Amerikës do të diktojnë zhvillimin e vendit jo për ego , por për hir të Shqipërisë Etnike dhe prosperitetit nacional. Brezi që edukohet në Amerikë , nuk vuan nga sëmundja e kleptomanisë, nga deliri i madhështisë , nga ksenofobia, nga ksenomania , nga kompleksi i inferioritetit , nga inkopetenca dhe mosnjohja e zhvillimit, nga urrejtja dhe vagabondazhi parlamentar, as nga penalizimi i servilizmit të rrogës…

Mendoj se:

Diferenca e civilizimit shikohet në largpamësinë e udhëheqjes, në sjelljen dhe nivelin racional , në përgjegjësinë e qëndrimeve kombëtare e ndërkombëtare, në borxhin e të deleguarit të popullit dhe pasqyrimit të tij, në dashurinë ndaj detyrës dhe respektimit ndaj ligjit, respektit ndaj zgjedhësit dhe mosnjohja egomanisë, vetëkontrolli ndaj joshjes së ofertës negative dhe dehjes së ksenomanisë , dhe mbi të gjitha , vizioni i përsosjes së plotësimit të nevojave të popullit…Nëse një i zgjedhur nuk i plotëson këto elemente bazë, duhet të largohet urgjentisht me votë sot, nesër bëhet vonë , pikërisht se mund të lindë një diktaturë e re, që mbase duhet rrëzuar me dhunë ! Në këtë rast, humbësi i madh, populli !

Përralla e Shllavarisë* = Një vend ku qeverisej nga banditët …Intelektualët e vërtetë ishin shërbëtorë të banditëve. Gjethet e pemëve ishin prej floriri. Mjafton t’i shkundje dhe merrje sa të duash florinj …Gardhet ishin prej suxhukësh…Puset e mbushura më verë të kuqe dhe të bardhë . Mjafton të hidhje koven dhe mund ta mbushje plot me verë të kuqe a të bardhë. Për të arritur në Shllavari, duhej të pyesje shurdhin, të spjegonte memeci dhe të udhëhiqte qorri . Pas mbrritjes , duhet të kaloje (haje) tre male me pilaf…

*Shënim i imi.

Jahjaga takon liderët e opozitës, kryeministrin dhe kryeparlamentarin

December 7, 2015 by dgreca

PRISHTINË, 7 Dhjetor 2015/ Presidentja e Republikës së Kosovës,Atifete Jahjaga priti sot në takim kryetarët e subjekteve politike opozitare, Visar Ymeri, kryetar i Lëvizjes Vetëvendosje, Ramush Haradinaj, kryetar i Aleancës për Ardhmërinë e Kosovës dhe Fatmir Limaj, kryetar i NismA për Kosovën, në përpjekje për të tejkaluar situatën e krijuar në vend.Gjatë ditës, Presidentja ka takuar edhe kryeministrin Isa Mustafa dhe kryetarin e Kuvendit, Kadri Veseli, bën të ditur njoftimi dërguar sonte nga Presidenca e Kosovës, pa dhënë hollësi gtë tjera./b.j/

*****

President Jahjaga met with leaders of the oposition parties, Prime Minister Mustafa and Speaker of the Parliament Veseli

President of the Republic of Kosovo, Mrs. Atifete Jahjaga, received today at a meeting Chairmen of the political parties of the opposition, Mr. Visar Ymeri, Chairman of the Vetëvendosje Movement, Mr. Ramush Haradinaj, Chairman of the Alliance for the Future of Kosovo and Mr. Fatmir Limaj, Chairman of NISMA (Initiative) for Kosovo, in an attempt to overcome the situation created in the country.During the day, Madam President also met with the Prime Minister Isa Mustafa and Speaker of the Parliament, Mr. Kadri Veseli.

Kryeministri Rama injoron shqiptarët e Amerikës

October 2, 2015 by dgreca

“Apeli” i Kryeministrit Edi Rama për të gjithë shqiptarët që jetojnë jashtë vendit – në diasporë “Rrini aty ku jeni se jeni mirë!”/

Nga Beqir SINA – New York/ Kryeministri i Shqipërisë Edi Rama po qëndron në një vizitë të gjatë disa ditore në Nju Jork, ku ai po udhëheq delegacionin shqiptarë në Sesionin e 70-të , të Asamblesë së Përgjithshme të Kombeve të Bashkuara.

Ai këtu është u takuar në takime bilaterale, në margjinat e OKB-së, edhe me homologët e tij, nga disa vende të botës, por për dallim nga vizitat e paraardhësve të tij dhe politikanëve të tjer shqiptar, nga Shqipëria, Kosova dhe viset shqiptare, të cilët i shfrytëzojnë këto vizita për t’u takuar dhe bashkëbiseduar edhe me shqiptarët e Amerikës, kjo i ka munguar kryeministrit të Shqipërisë zotit Rama.

Si në faqen zyrtare të Kryeministrisë, apo edhe në mendian shqiptare, që ka mbuluar vizitën e Kryeministrit Rama në Nju Jork, janë permendur të gjitha takimet, por as gjekundi nuk është permendur dhe nuk jepet se ka pasur takim Kryeministri Rama në Nju Jork me APEN dhe çfarë është biseduar aty……! Por, është permendur se ai është takuar me disa aktivistë të komunitetit shqiptaro-amerikan dhe partnerët e Qendrës për Zhvillim Ndërkombëtar të Harvard-it, me fokus studimet e përbashkëta mbi shqiptaro-amerikanët dhe rrugët e përfshirjes në aktivitetet e jetës politikë e sociale të vendit tonë, duke shtuar simbas tyre se “Qeveria do të bashkëpunojë me të gjithë të interesuarit për organizimin e Samitit të Parë të Diasporës Shqiptare, në marsin e vitit të ardhshëm në Tiranë”.

Mirëpo ajo që të bie në sy dhe lë për të dëshiruar në këtë vizitë , është se :” Në një kohë që Kryeministri Rama, është takuar në Nju Jork, me disa grupe shqiptarësh, në dreka dhe darka private ( me dyer të mbyllyra) sidomos ai ka shfrytëzuar ato të grupeve të interesit, që mendohet se Ramam ka lidhje biznesi, me diasporën nuk është takuar fare.

Ndërsa, ai ka qenë i ftuar në fund të javës që shkoi edhe takimin 7-të vjetor të organizatës APEN – një organizim profesionistësh shqiptarë me edukim të lartë dhe pozicione pune të spikatura në Nju Jork, e rreth saj – ky takim është censuruar nga shtypi i cili paraqet vetëm “sukseset” e takimeve në Nju Jork,

Kryeministri i Shqipërisë Edi Rama gjatë këtij takimi – i cili ka formën e një bashkëbisedimi me rrjetin e sipërmarrësve, gjatë përgjigjeve të tij, nuk ka treguar aspak respekt, dhe etikën e një lideri, por ai ka injoruar dhe “ofenduar” madje në një mënyrë skandaloze – të gjithë ata që e kan pyetur Kryeministrin dhe prisnin përgjigje prej tij.

“Apeli” i Kryeministrit Edi Rama për të gjithë shqiptarët që jetojnë jashtë vendit – në diasporë “Rrini aty ku jeni se jeni mirë!”

Kështu ka ndodhur në përgjigjen me pyetjen :”Se a ka kërkuar më shumë angazhim të shqiptarëve, që kanë lënë gjurmë në shtetet ku kanë vajtur dhe ku kanë ngritur karrierat e tyre profesionale? Rama, i është përgjigjur se : “Jeni mirë këtu në Amerikë, lerëni Shqipërinë, për ata që janë atje – rrini këtu se mirë jeni – këtu – s’keni çka me bër atje ju nga diaspora” u përgjigjë Rama.Skandali i Kryeministrit Rama – ka qenë edhe ofendimi i tij në përgjigjen që i jep e një studenteje të farmacuetikës,: “Asaj i ka thënë kryeministri Rama se ndoshta ajo i ka marr ato hapa që i bën vet si faramaciste!”. Të pranishmit janë “shashstisur” mbasi asnjeri nuk e kuptojë se çfarë donte të thoshte me këtë përgjigje Kryeministri i Shqipërisë.

Të befasuar kan qenë të pranishmit edhe më atë shprehjen banale kur Kryeministri i Shqipërisë, zoti Edi Rama i thotë njerit prej atyre që e pyesnin “Bullshit” një fjalë kjo që vejn nga fjalori vulgar i anglishtes, që në shqip përkthehet “Çfarë mu…po flet”.

Ky thanë disa nga pjesëmarrësit e këtij takimi ishte shumë larg nga dëshira e jashtëzakonshme shqiptarëve në SHBA , të cilët kan kontribuar në Shqipëri drejtpërdrejtë dhe prisnin përgjigje inkurajuese dhe mirënjohëse të Kryeministrit të Shqipërisë , zotit Edi Rama i cili së bashku me qeverinë e tij duhet të bëj më shumë që investimet e shqiptarëve të Amerikës të mos jenë simbolike në Shqipëri.

Sepse, ndryshimi që Shqipëria dhe shqiptarët presin nuk mund të bëhet pa prezencën dhe pjesmarrjen edhe të diasporës – shqiptarëve të Amerikës.