Meliza Haradinaj – Stublla/

Shqiptarët anembanë botës duhet t’a kuptojnë që të drejtat e mohuara të shqiptarëve në Serbi nuk fitohen vetëm duke kërkuar reciprocitet përmes dialogut Kosovë – Serbi!

Tani është momenti më i favorshëm që Shqipëria zyrtare t’i bëjë kërkesë dhe ankesë formale Serbisë – me të cilën ka marrëdhënie bilaterale – që të ndalojë shtypjen dhe shkeljet flagrante të të drejtave të shqiptarëve në Serbi.

Shqipëria do të duhej pastaj të nisë lobim ndërkombëtar deri në Këshill të Sigurimit të OKB-së për mungesën e këtyre të drejtave themelore – të cilat Serbia paturpësisht i shkelë brenda saj – por i kërkon të shumëfishuara për komunitetin serb jashtë saj (Asociacioni njëetnik në Kosovë).

Me këtë veprim, Shqipëria do realizonte detyrimin e kujdesit kombëtar për shqiptarët në Serbi, dhe detyrimin e ndihmës ndërshtetërore ndaj Kosovës – duke ia lehtësuar sadopak barrën e rëndë të presionit për themelimin e një asociacioni mbi baza njëetnike përbrenda aparatit të shtetit.

Vetëm duke fuqizuar shqiptarët në Serbi, do të dobësohen synimet nacionaliste serbomëdha në Kosovë!