PRISHTINË, 24 Tetor 2015/ Qeveria e Republikës së Kosovës sapo miratoi Marrëveshjen Stabilizim Asocim, bën të ditur ministri i Integrimit Evropian, Bekim Çollaku.
“Ky është hapi i fundit para nënshkrimit të kësaj marrëveshje të rëndësisë historike dhe jetike për integrimin politik, ligjor dhe ekonomik të Republikës së Kosovës ne Bashkimin Evropian”, thekson ai.
Si kryenegociator, vijon Çollaku, i falënderoj të gjithë ata që kanë qenë pjesë dhe që kanë mbështetur këtë proces.
“Pres me padurim të marten kur do të bashkë-nënshkruaj këtë marrëveshje në emër të Republikës së Kosovës. Urime për Kosovën evropiane dhe qytetarët e saj”, përfundon deklaratën Çollaku./b.j/