Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Osmani: Kuvendi do ta mbikëqyrë rreptë procesin e dialogut me Serbinë

by

Kryetarja e Kuvendit të Kosovës, dr. Vjosa Osmani u takua me shefen e Zyrës së BE-së, Nataliya Apostolova/

Osmani: Kuvendi do ta mbikëqyrë rreptë procesin e dialogut me Serbinë/

Kryetarja e Kuvendit të Kosovës, dr. Vjosa Osmani u takua me shefen e Zyrës së BE-së, Nataliya Apostolova me të cilën biseduan për zhvillimet e fundit në vend.

Zonja Osmani dhe ambasadorja Apostolova folën edhe për rolin e Kuvendit në procesin e dialogut si dhe agjendën e Kuvendit në muajt në vazhdim.

“Procesi i dialogut me Serbinë duhet të jetë i kujdesshëm. Ne nuk pranojmë asnjë version dialogu, me të cilin negociohet tërësia territoriale e Kosovës. Kuvendi do të ketë rol të rreptë mbikëqyrës dhe do të insistojmë maksimalisht në rritjen e transparencës për procesin e dialogut. Gjithashtu
do të kërkojmë raportim në Kuvend për secilën fazë të negociatave”, ka thënë Osmani. ​

Dr. Vjosa Osmani u takua me ambasadorin amerikan Philip Kosnett

by

–Kryetarja e Kuvendit të Kosovës, dr. Vjosa Osmani në takim virtual me Këshillin e Evropës dhe Komisionin e Venecias/

Kryetarja e Kuvendit të Kosovës, dr.Vjosa Osmani, në një takim me ambasadorin amerikan Philip Kosnett, ka biseduar për agjendën e Kuvendit të Republikës së Kosovës dhe çështjet që pritet të trajtohen në seancat e radhës.

Zonja Osmani e njoftoi ambasadorin amerikan Kosnett lidhur me urgjencën e miratimit të një numri të konsiderueshëm të marrëveshjeve ndërkombëtare, me të cilat synohet përmirësimi i jetës së qytetarëve të Kosovës.

Në këtë kontekst, kryetarja e Kuvendit e informoi ambasadorin amerikan edhe për themelimin e Komisionit parlamentar, i cili do ta trajtojë menaxhimin e pandemisë Covid-19 nga institucionet përkatëse. ​

***

Kryetarja e Kuvendit të Kosovës, dr. Vjosa Osmani në takim virtual me Këshillin e Evropës dhe Komisionin e Venecias

Kryetarja e Kuvendit të Kosovës, dr.Vjosa Osmani ka mbajtur një takim njoftues online me Frank Power, shef i Zyrës së Këshillit të Evropës në Kosovë dhe anëtarë të Komisionit të Venecias.  

Në takim është diskutuar nevoja e vazhdimit të bashkëpunimit ndërmjet Kosovës dhe KE-së. Kryetarja Osmani ka thënë se Kosova është anëtare e Komisionit të Venecias, i cili gëzon respekt në vendin tonë.

Më tej, ajo ka potencuar rolin e Komisionit të Venecias në ofrimin e opinioneve në lidhje me çështjet ligjore që trajtohen në institucionet e vendit.

U diskutua edhe për çështjet ligjore, të cilat janë dërguar nga pala kosovare dhe të cilat aktualisht po trajtohen nga Komisioni i Venecias.

Në takim kanë marrë pjesë edhe anëtarë të Komisionit të Venecias: Antonio Henriques Gaspar (anëtar), Martin Kuier (anëtar zëvendësues), Cesare Pinelli (zv.anëtar), Silvia Grundmann (shefe e Institutit Demokratik dhe e Divizionit për të drejta të njeriut).​

Osmani: Inovacioni, dëshmi e shpirtit kreativ të rinisë kosovare

by

Kryeparlamentarja Osmani: Inovacioni në kohë pandemie, dëshmi e shpirtit kreativ të rinisë kosovare /

Kryetarja e Kuvendit të Kosovës, dr. Vjosa Osmani, sot ka vizituar Qendrën e Inovacionit të Kosovës (ICK). Ajo ka përgëzuar ICK-në për mbështetjen e të rinjve në zhvillimin e projekteve dhe shërbimeve inovative, teksa ka parë nga afër disa prej projekteve të realizuara të cilat kanë për qëllim të adresojnë disa prej sfidave të paraqitura gjatë pandemisë.

 “ICK është dëshmi e vizionit inovativ që ka rinia jonë. Është mirë që më këto projekte po shihet shpirti human dhe jo vetëm ai i ndëmarrësisë së të rinjve tanë”, ka thënë kryetarja Osmani, teksa ka parë nga afër modelin dhe mënyrën e funksionimit të respiratorit të ideuar nga “Formon” dhe të prodhuar në njërin nga laboratorët e ICK-së.

Gjithashtu, ndërmarrësit e rinj në ICK kanë prezantuar para kryetares Osmani disa projekte, ndër të cilat edhe platformën “Dhuro”, e cila i grumbullon kërkesat për ndihmë dhe donacionet në një vend gjatë kohës së pandemisë Covid-19.

Kryetarja Osmani ka thënë se një projekt i tillë është i mirëseardhur dhe se i njëjti është mirë të jetë në funksion edhe pas përfundimit të periudhës së pandemisë. ​

Dr. Vjosa Osmani kujton Prof. dr. Bardhyl Çaushin:Vrasësit të dalin para Drejtësisë!

by

21 vjet më parë, intelektuali e bashkëpunëtori i Presidentit Rugova, Profesor Bardhyl Çaushi ishte kidnapuar nga forcat serbe për t`iu gjetur eshtrat në shtator të vitit 2005.

Për njeriun, i cili pjesën dërmuese të jetës së tij ia kushtoi drejtësisë, sot ende nuk ka drejtësi. Ndaj duhet të bëjmë çdo gjë që përgjegjësia për kidnapimin dhe vrasjen e tij t`i nënshtrohet drejtësisë. 

Nuk mund të falen krimet, në mënyrë që të mos përsëriten ato!

Profesor Bardhyli e kishte trajtuar besën në aspektin studimor, e cila sipas tij mbështetej në vetë domethënien e fjalës së dhënë për diçka të rëndësishme.

21 vjet pasi që u ndërpre ky uragan intelektual, duhet ta përmbushim besën në mënyrë që vrasësit e tij të sillen para drejtësisë!

I përjetshëm kujtimi për profesorin e së drejtës e atdhetarin Bardhyl Çaushi!​…

Historia na mëson se zgjidhjet e idetë pa mbështetje qytetare përfundojnë me dështim

by

RRETH DEKLARATAVE PËR NDRYSHIM TË KUFIJVE/

-Bashkimi Evropian nuk mund të shërbejë thjeshtë si forum ku bëhet dialogu, por duhet doemos të ofrojë edhe udhëzime që bazohen në parimet e vlerat mbi të cilat funksionon BE. Ndryshimi i kufijve mbi baza etnike nuk bënë pjesë në këto parime e vlera…./

Shkruan: Vjosa Osmani, Kryetare e Kuvendit të Kosovës/

E çmoj lart angazhimin e miqve tanë ndërkombëtarë në lehtësimin e arritjes së një marëveshjeje përfundimtare në mes të Republikës së Kosovës dhe Serbisë. Por Bashkimi Evropian nuk mund të shërbejë thjeshtë si forum ku bëhet dialogu, por duhet doemos të ofrojë edhe udhëzime që bazohen në parimet e vlerat mbi të cilat funksionon BE. Ndryshimi i kufijve mbi baza etnike nuk bënë pjesë në këto parime e vlera.

Kosova është Republikë parlamentare. Kuvendi ka rol vendimtar në mbikëqyrjen e punës së Qeverisë, Politikës së Jashtme dhe atë të Sigurisë. Rrjedhimisht, do të ketë rol të rëndësishëm në përmbylljen e një marëveshjeje të tillë eventuale. Andaj, çdo përpjekje dhe angazhim për marrëveshje përfundimtare duhet të afirmojë edhe jetësimin e paqes, sigurisë dhe stabilitetit në rajon. Çdo pikënisje në rifillimin e dialogut në të ardhmen, duhet të bëhet mbi parimet se Kosova është projekt i pakthyeshëm në aspektin politik dhe i paprekshëm në aspektin teritorial.

Kosova është njohur nga shumica e anëtarëve të Bashkimit Evropiane dhe vendeve tjera të botës dhe e drejta për të shpallur pavarësinë është vulosur nga Gjykata Ndërkombëtare e Drejtësisë. Kosova është e palëkundur në orientimin strategjik për anëtarsim në Bashkimin Evropian. Shteti ynë është ndërtuar dhe duhet të vazhdojë të zhvillohet pikërisht mbi bazën e vlerave që i proklamon dhe i ka jetësuar Bashkimi Evropian. Prandaj, komuniteti ndërkombëtar duhet t’i refuzojë përpjekjet e individëve të caktuar për të shtyrë përpara çfarëdo propozimi për zgjidhje mbi bazën e ndarjeve etnike dhe të ndryshimit të kufijve, sepse në thelb kjo do të ishte edhe kundër vlerave të Bashkimit Evropian dhe nuk siguron paqe të qëndrueshme në rajon. Mbi të gjitha, zgjidhje të tilla nuk do të përkraheshin nga qytetarët tanë e rrjedhimisht do të mbeteshin të pazbatueshme. Historia na mëson se zgjidhjet e idetë pa mbështetje qytetare përfundojnë me dështim.