TIRANË, 17 Janar/ – “Edi Rama ka shpenzuar qindra milionë lekë të taksapaguesve shqiptarë për të blerë 8 faqe reklamash në revistën më të shtrenjtë në botë, The Economist, për një artikull-reklamë që thur lëvdata për të, por që në krye tregon se është shkrim i paguar”, u shpreh sot sekretarja e Marrdhënieve me Publikun në Partinë Demokratike, Grida Duma.
Me anë të një deklarate për mediat, Duma thekson se, “Sipas rregullave britanike të reklamës, në çdo faqe ku lëvdohet Edi Rama, shkruhet Advertisement Feature, çka do të thotë, shkrim i paguar. Vetëlavdërimi 8 faqësh i Edi Ramës, është padyshim më i shtrenjti në historinë e këtyre viteve, dhe u ka kushtuar shumë taksapaguesve shqiptarë”.
“Ky shpërdorim parash, bëhet në kohën kur mijëra familje në Vlorë, Fier, Lushnjë, Durrës, Krujë dhe Lezhë që janë në kushte ekstreme nga pasojat e përmbytjes, nuk kanë marrë asnjë ndihmë nga qeveria, dhe mijëra familje të tjera janë në rrezik për shkak të motit që vazhdon të përkeqësohet. E megjithatë, Edi Rama vendos të çojë dëm qindra milionë lekë të shqiptarëve për të blerë lëvdata për vete”, shton Duma.
Shkrimi per Shqiperine ne “The Economist”
Ky shpërdorim turpshëm i parave të shqiptarëve, sipas PD, “jo vetëm nuk e ndihmon Shqipërinë dhe gjendjen e rëndë të qytetarëve, por nuk zbardh asgjë në imazhin e nxirë të një kryeministri që ka 200 milionë euro pasuri me rryshfete pallatesh, që ndau me CEZ 600 milionë euro, që fshihet pas 1 milionë dollarëve në ditë evazion në dogana, që ka detyruar 100 mijë bashkqytetarë të ikin në eksod, që mbushi zyrat e Parlamentin me kriminelë e trafikantë, që nuk deklaron pikturat e tij në doganë, që jep pasuritë e vendit me bisedime të fshehta, që shet asetet për një biletë në radhën e parë të NBA, që braktis vendin ditën kur mijëra familje janë nën ujë”.
“Edi Rama është kryeministri më i korruptuar në Ballkan, dhe nuk ka shkrim të blerë a reklamë të shtrenjtë që e shpëton nga gjykimi i drejtë i qytetarëve”, përfundoi Duma.
Archives for January 2016
Kosova mbulohet nga dëbora, pritet edhe acar- 16 deri -19 gradë Celsius
Foto Gazeta Dielli – Behlul Jashari: Prishtina ne mengjesin e 17 janarit 2016
-Instituti Hidrometeorologjik i Kosovës: Nga dita e hënë e deri të premten temperaturat minimale do të zbresin -16 deri -19 gradë Celsius/
-Në tërë Kosovën, trafiku po zhvillohet në kushte dimri, por nuk ka njoftime për rrugë të mbyllura/
PRISHTINË, 17 Janar 2016-B.Jashari/ Kosova sot është edhe më shumë e mbuluar nga dëbora që e përfshiu dje dhe reshi edhe natën, ndërsa pritet një javë edhe me acar.
Instituti Hidrometeorologjik ka paralajmërur se, në Kosovë “nga dita e hënë e deri të premten temperaturat minimale do të zbresin -16 deri -19 gradë Celsius, do të fryjë erë nga veriu dhe verilindja herë herë me vrull me shpejtësi mbi 18 metra në sekondë”.
Kryeqyteti Prishtina pas ditëve të “dimrit pranveror” përballet me ashpërsinë e motit të stinës, ndërkohë që komuna ka bërë të ditur se ka angazhuar të gjitha kapacitetet për pastrimin e rrugëve nga dëbora. Përveç 5 kompanive private të kontraktuara për pastrimin e rrugëve, është angazhuar edhe ndërmarrja publike komunale “Hortikultura”, e cila po bën pastrimin e trotuareve dhe hedhjen e kripës në rrugët kryesore të kryeqytetit. Janë 23 makina për heqjen e dëborës të angazhuara tërë kohën. Komuna e Prishtinës ka apeluar që ngasësit e makinave që të kenë kujdes të shtuar dhe të kenë pajisjet dimërore.
Në tërë Kosovën, trafiku po zhvillohet në kushte dimri, por nuk ka njoftime për rrugë të mbyllura.
Sipas Qendrës Kombëtare për Menaxhim Kufitar të Kosovës, në kufirin Kosovë-Shqipëri, në vendkalimin kryesor nëpër autostradën e kombit, në Vërmicë-Morinë, sot, në këto momente fundjave, kalohet për 2-5 minuta, ndërsa në dy vendkalimet tjera, Qafë të Prushit dhe Qafë të Morinës për 1-3 minuta.
Policia e Kosovës ka bërë të ditur se referuar kushteve atmosferike me reshje dëbore dhe me qëllim të ngritjes së nivelit të sigurisë në trafik e parandalimit të aksidenteve, ka marrë masa për përforcimin e shërbimeve të Policisë së Komunikacionit Rrugor në të gjitha akset rrugore.
Policia e Kosovës kërkon nga të gjithë pjesëmarrësit në trafik, e në veçanti nga drejtuesit e automjeteve, që të respektojnë shenjat e komunikacionit rrugor si dhe t’u përshtaten kushteve atmosferike me dëborë e ngrica.
Në Kosovë kanë nisur që në vjeshtë reshjet e dëborës, e cila mungonte në atmosferën e festimeve të Vitit të Ri dhe në fillimet e dimrit me kalendar.
Në mëngjesin e 27 nëntorit 2015, më pak se një muaj para ardhjes me kalendar, kryeqyteti Prishtina zbardhi me dëborën e parë të këtij dimri, të reshur edhe në anë tjera të Kosovës. Në 3 janar 2016 Kosova është mbuluar bardh nga dëbora e parë e vitit 2016 – reshjet që nisën në orët e herëshme para mëngjesit.
Në Prishtinë dëbora e parë e dimrit të kaluar ka reshur dy muaj para ardhjes me kalendar, që në vjeshtë – natën mes 22 e 23 tetorit 2014. E dëbora e fundit nisi të reshte në ditën e parë të muajit prill, në mbrëmje, pas asaj të pragfestës së Ditës së Verës – 14 marsit 2015.
****
Kosovë-Policia: Në 24 orë, 79 aksidente trafiku – 22 me të lënduar
PRISHTINË, 17 Janar 2016/ Në Kosovë, në 24 orët e kaluara kanë ndodhur 79 aksidente trafiku, në 22 prej të cilave kishte të lënduar, ndërsa në të tjerat vetëm dëme materiale.
Numri i tiketave të trafikut të shqiptuara ishin 452, bën të ditur Policia e Kosovës në raportin 24-orësh të dërguar sot.
Ndërkohë që vazhdojnë reshjet e dëborës e ngricat në Kosovë, referuar kushteve atmosferike, gjendjes së rrugëve si dhe aksidenteve të raportuara gjatë 24 orëve të fundit, Policia kërkon nga pjesëmarresit në trafik një vigjilencë të shtuar dhe vozitje më të kujdeseshme.
“Me qëllim parandalimin e aksidenteve apelojmë tek të gjithë pjesëmarrësit në trafik që të respektojnë dispozitat ligjore, të posedojnë pajisjet e nevojshme dimërore e t’iu përshtaten kushteve të rrugës dhe atmosferike”, thekson Policia e Kosovës./b.j/
Po kallet Shqipëria dhe po heshtet
Nga Fahri Xharra/
Jemi dhe nuk jemi; po kallet Shqipëria dhe po heshtet.Shqipëria ka marrur flakë, flake e cila nuk ka të ndalur. Zjarri i madh e ka kapluar Shqipërinë dhe nënëlokja heshtë; heshtë edhe Mali i Tomorrit , heshtë malësia e Shkodrës , heshtë malësia e Gjakovës , heshtë Shkumbini, heshtë Korça, heshtë Skrapari, heshtë Vlora heshtë gjuha shqipe; heshtë lashtësia ! Po digjet Shqipëria !
Mos pyetni pse . E dini vet , pse kjo heshtje . Jeni dëshmitarë të heshtjes mbarëshqiptare. Jemi dëshmitarë të frigës mbarëshqiptare; nuk kemi më burra të nderit , te mendjes dhe te pendes qe i dalin zot kësaj nënë që po mbet velem si fosile e së kaluarës.
Ore, ju nuk shini se ç`po ndodhë me shqiptarinë? Jeni verbuar ! Jeni shurdhuar! Ju kanë lënë mëndet?
Si munden një grusht matrapazësh që nuk kanë as po as jo në kokën e tyre,që ta shkrryejnë Nënën e Madhe ?
0, si nuk kam një grusht të fortë ,t’i bij mu në zemër malit që s’bëzanë, ta dij dhe ai se ç’domethanë i dobët dhe tradhtarë ?
Shqipëri , ku i ke bijtë e tu me të cilët krenoheshe , që tani ta sjellin turpin ?
“Shqipëria hesht. Edhe pse përditë mbi lëkurë të saj, në lojë varrimtare, Por më rren shaka, shpresa gënjeshtare.”
Shqipëri më dukesh se je n`agoni si një vigane e lodhur ; të lodhën bijtë e tu ,të lodhi mashtrimi i bijve të tu. Të lodhi heshtja , të lodhi mungesa e pendës që nuk di të shkruan .
Bota po tallet me ty , e ti hesht ! E di ti e mjera Shqipëri që bijtë e tu për një grusht eurosh po të shkallmojnë , po të dërmojnë , po të grimcojnë ,po të hedhin në shportën e harresës përfundimtare.!
“Shqiptarët heshtin – dhe në heshtje qesh. E vetëm dikush vuen – dhe në vuejtje vdes.
Po ai dikushi , kur? heu! kur ka për t’u qesh? Apo ndoshta duhet ma parë të vdes?
O burrani , a e dini që jemi në krizë kombëtare ?
Ju gratë shqiptare të pendës, ju ka zënë gjumi ? Dhe ju të rriturit fleni , ne gjumin e ëndrrave të pa shpresa ?
Mjerë fëmijët tanë që ende nuk kanë mësuar të lexojnë dhe të shohin të ardhmen e tyre të humbur ! (fxh )
“Shqipëria na qenkësh shndërruar befas në “Portën e Xhihadit” për në Europë; duke i sinkronizuar këto dokrra mbinjerëzore me anë të reportazheve të gazetarëve italianë që mësyjnë katundet e Tiranës në kërkim të xhamive e minareve rurale (se Tirana domosdo që nuk paraqitet dot në sytë e shikuesve italianë përtej Adriatikut si “Raqqa apo Mosuli i Ballkanit”, mes minifundeve, vajzave të hijshme shqiptare, alkoolit lumë, rinisë kozmopolite, kishave të shumta, xhamive tradicionale e bareve plot me hare e harbim modern)… apo edhe brigjet e humbura të liqenit të Shkodrës, për të gjetur “Gralin e Shenjtë” të shtypit italian në tokë shqiptare, pra “Kallashnikovin” e dashur (që të kuptohemi, të dashur veçanërisht për këtë specie të ulët të nivelit të vemjeve, të gazetarisë italike) të prodhimit shqiptar; që tanimë gjasme po u përdorkërka për të kryer atentatet terroriste nëpër të gjitha këndet e Europës!” ( Elvi S.)
Shqipëri ! a nuk e sheh që po luhet një lojë mjaft e ulët kundër imazhit tonë këto kohë në Europë duke u rrekur të na e ngecin neve tërë përgjegjësinë e Xhihadit botëror që po mësyn Europën; duke lënë kështu në hije vatra shumë më tepër të rrezikshme si Sanxhaku, Bosnja, si dhe vetë Turqinë që në nivel shtetëror e financon dhe mbështet ISIS-n. Gjithmonë ne do na i ngecin të këqijat”
0, si nuk kam një grusht të fuqishëm! Tradhtarit, që tradhton, mu në zemër me ia njesh! Ta shoh si dridhet nga grusht’ i dëshpërimit E unë të kënaqem, të kënaqem kur të shoh krenare .
Thirrje për të pabesët :“Ikni sa më parë, sa më larg, sa më tepër, mundësisht të gjithë. Hiç mos u sëkëlldisni se shqiptarët pakësohen dhe Shqipëria zvogëlohet. Shqipëria nuk ka qënë kurrë më e vogël se e ka merituar. Shqiptarët nuk kanë qenë kurrë më pak se kanë mundur të jenë.E ç’ju duhen Lugina e Vjosës, Korabi, Cukali, Karavastaja, Tomorri, Devolli, Naimi, Noli, Lasgushi, Kadarea. (nga Edison Ypi )
E njëjta gjë në mos me e zgjatë asnjë dakikë edhe në Kosovë: Ik nga Kosova. Më këmbë, me vrap, me autobus, me furgon. Bjeri nga të mundesh; nga Serbia, nga Hungaria, Rusia, Kina, Indonesia, vetëm ik. Ik edhe nga Maqedonia perëndimore :msyeja nga e ke më lehtë nga Greqia , Turkija. Se edhe atje e fëlliqet “
PSE REFORMA NË DREJTËSI ËSHTË NË RRUGË TË GABUAR
LETËR PUBLIKE DREJTUESVE TË POLITIKËS DHE TË SHTETIT SHQIPTAR/
NGA LORO STAJKA-SHBA/
Duke uruar që ta keni të sinqertë dëshirën për të bërë shtet dhe nuk ju mungon partiotizmi, ju drejtohem nëpërmjet kësaj letre të hapur. Quhem Loro Stajka,jam nga Shiroka, jetoj prej ma shumë se 50 vjet me familjen time në SHBA, por ndjek me vëmendje zhvillimet e politikës në Shqipëri. Lidhur me dështimin e marrëveshjes ndërmjet PS dhe PD për problemin e reformës në drejtësi, gazeta Shqiptare dhe gazeta Shqip e dates 16 Janar 2016 ka publikuar mendimin e z. Pandeli Majko, që mbështet mendimin e Kryeministrit Edi Rama për zgjidhjen nëpërmjet referendumit. Në pamje të parë kjo duket shumë mirë por thelbi i problemit dhe i kundërshtimeve duket se është të mbrohet me çdo kusht korrupsioni pushtetar. Në rradhë të parë i drejtohem Kryeministrit z. Edi Rama, ministrit të Drejtësisë zotit Ylli Manjani, zotit Pandeli Majko dhe të gjithë drejtuesve të politikës dhe të shtetit Shqiptar, për të ju thënë troç se si të majtë dhe të djathtë po nuk korigjuat gabimet me pronat, jeni ju që po shkatëroni Shqipërinë. Ju keni 25 vjet që po flisni për drejtësi, për të drejta të njeriut, për Kushtetutë dhe shtet ligjor por jeni në rrugë të gabuar. Ju nuk keni vullnetin ti analizoni mendimet nga populli dhe kufizoni lirinë e medias. Unë jam i djathtë, por me konceptet perendimore. Ishte regjimi i diktaturës ai që më detyroi të arratisem nga vendi im dhe për këtë, pa gjyq dhe vetëm me urdhër të Komitetit të partisë më kanë sekuestruar shtëpinë në Shirokë dhe oborin rreth shtëpisë, por i atillë ishte ai sistem. Por nuk mund te justifikoj pse ky mentalitet antikombtar vazhdon edhe sot e kesaj dite
Jam i interesuar veçanërisht për problemin e pronave të konfiskuara nga diktatura që pas vitit 1991, pasqyrojnë anarki postkomuniste, shumë ma të damshme dhe antisociale se konfiskimi komuniste që për 25 vjet po rëndon mbi familjen time dhe për shumë familje të tjera shqiptare. Si mund të flisni për demokraci ju deputetët që keni 25 vjet që nuk doni ta zgjidhni problemin e pronës. E keqja eshte se pas vitit 1991, ju deputetët që populli ju ka votuar për të drejtuar Shtetin, po vazhdoni në po atë mentalitet të gabuar dhe po bëni punën e agjensive antishqiptare, po shkatërroni themelet e shtetit, njëlloj si specialistët që dërgoi Jugosllavia për ta sabotuar ekonominë dhe shoqërinë shqiptare . Çfarë emri ka sistemi që ju keni krijuar në këto 25 vjet kur Shteti nuk zbaton kushtetutën, kur gjykata nuk zbaton as ligj e as Kushtetutë . Nuk e kuptoj pse unë duhet të baj gjyq për të rimarrë posedimin e pronës që ma ka grabit Shteti, pse u dashka që gjykata të marri vendimin për të kthyer pronën time, kur shteti i ka të gjitha dokumentat se çfarë më kanë sekuestruar pa vendim gjyqi. Mjafton që të analizoni vendimin e Gjykatës Shkodër ku gjyqtari që duhet të japi drejtësi sipas ligjit, në kundërshtim me sa përcaktohet qartë në dokumentin e sekuestrimit, në Vendimin në emër të Drejtësisë dhe Shtetit ma kthen shtëpinë por nuk ma kthen oborrin për rreth saj. Avokati im mbrojtës në ujdi me gjyqtarin, ka heshtur dhe nuk e ka kundërshtuar vendimin, sikur nuk din me i lexu dokumentat. Këtë allishverish dhe absurditet ku gjyqtari e ka formuluar vendimet sipas porosive që ka marrë, unë e kam kap me vonesë pasi jetoj kryesisht në SHBA. Kështu mua më duhet një elikopter per të hyre në shtëpi nga çatia kur të kthehem në Shtëpi, ose të strehohem persëri në hotele. Por ju pyes A ka filtra per këta gjyqtarë që abuzojnë në mënyrë kaq flagrante ? Ministrit të Drejtësisë dhe Kryeministrit i kam shkruar disa herë për problemin e pronës time, por ata nuk kanë vepruar. Në këto kushte ju pyes publikisht: A mund të flitet për drejtësi atje ku gjyqtari dhe avokati mbrojtës i lexojnë keq dokumentat dhe nuk zbatojnë ligjin. Në Shqipëri ka shumë njerëz të ndershëm në të gjitha nivelet e jetës, por ata kanë frikë të flasin se i heqin nga puna. Këtë e kuptoj dhe më vjen keq për disa nga kryeredaktorët e gazetave, që kanë frikë ti botojnë shkrimet kritike që ju kam nis. Po nuk ja nisët me pronën e grabitun, ju jeni të dështuar dhe nuk mund të flisni për reformë në drejtësi sepse sistemi vetëm emrin ka drejtësi sepse brendine e ka horrllek, që mbron kastën e politikanëve që pasunohen me allishverishe dhe abuzime.
Për ju që drejtoni shtetin Shqiptar, si dhe për ambasadorët e BE, të Gjermanisë dhe SHBA që përpiqen të ndihmojnë, Unë si qytetar i thjeshtë, që mendoj si shqiptar për të mirën e vendit dhe të popullit tim, ju adresoj këtë kërkesë publike, duke theksuar se nëse doni zgjidhjen e problemit të pronës, vizitoni faqen e internetit të pronarëve, ku do të gjeni letrat e shumë pronarëve të tjerë dhe ma me randësi aty do të gjeni edhe zgjidhjen që ju ka ofruar Shoqata Pronësi me Drejtësi. Gjej rastin të falenderoj ata intelektuale shqiptarë që kanë hapur faqen e internetit të Shoqatës www.defendingproperty.com ku gjej shumë informacion. Kjo faqe interneti sqaron ma së miri çdo drejtues shteti dhe çdo politikan që kërkon të punojë për të mirën e demokracisë, të popullit dhe vendit të tij.
Po përsëris disa gazetarë që theksojnë se burim i të gjitha të këqijave për popullin janë deputetët që pas vitit 1991 miratuan për pronat ligje antikushtetuese dhe nuk po reagojnë për ti korigjuar ato edhe kur zgjidhja ju jepet e gatëshme. Mendoj se ju të majtët keni gabuar rendë duke kaluar çdo kufi në dhjetor 2015, kur miratuat ligjin për pronat duke pretenduar se me atë ligj do zgjdhet përfundimisht problemi i pronës. Ata që e kanë përgatit këtë ligj, kërkojnë të justifikojnë të gjitha veprimet e paligjëshme të Shtetit dhe të individëve për 25 vjet. Kjo është jo vetëm antidemokratike por hellësisht antinjerëzore dhe antishqiptare dhe pasojat bien mbi popullin. Ju e keni deklaruar me gojën tuaj në Kuvend se shqiptarët janë në konflikt me njëri tjetrin dhe vriten me njëri tjetrin për pronën. Ju lutem ta deklaroni sa është numuri i saktë i të vrarëve dhe kur do marri fund vëllavrasja dhe ky genocid. Mua më çudit fakti se si ju arrini ta mashtroni edhe opinionin ndërkombëtar. Ju të majtë a të djathtë nuk mund të keni sukses për reformën në drejtësi nëse nuk analizoni kërkesat e kushtetutës dhe propozimin ose alternativeën e pronarëve për problemin e ligjit të pronës. Me siguri që për ambassadorët është absurde kur Kuvendi shkel Kushtetutën, duke miratuar ligj që në vend të kthimit fizik të pronës së grabitur, pronarit të ligjshëm i kthehet fizikisht ndonjë pjesë brenda pronës së tij të njohur, përkundrejt disa formulave mashtruese, ndërsa pronën e tij e trajtojnë dhe e perfitojne ata deputetë që u futën në politikë për tu pasuruar. Nëse doni të bëni një veprim efektiv për dekriminalizimin e Kuvendit dhe pastaj të shtetit duhet të filloni me pronën tek i zoti, se kjo është themeli i shtetit dhe i demokracisë. Për sa kohë Kuvendi nuk bën një ligj me të cilin Shteti kthen pronën e grabitur tek i zoti, nuk do të ketë as drejtësi dhe as demokraci, por vjedhje prej klaneve që sigurojnë pushtetin. Ju po përdorni fjalët legalizim, zona informale, ndërtime informale etj. Raste të veçanta mund të ketë por kur ato inkludohen nënë ligje dhe vendime qeverie, kjo asht nji nga mënyrat për vjedhje të mbrojtur me ligj. Në këto 25 vjet ju vetëm sa keni ndryshuar fasadën por me pronën e keni perkeqësu thelbin e sistemit sllavokumunist. Tradhëtia dhe prona nuk falen për interesa të politikanëve. Nuk e njoh personin por jam i bindur se drejtori i ALUIZNit Artan Lame, kur firmos dhe legalizon ndërtimet pa leje të bëra në tokën e tjetrit, e kupton se çfarë dertyre po kryen. Ai e kupton shumë mirë se çfarë Agjensie po drejton dhe se çfarë njolle i vendos fytyrës dhe familjes së tij, me këtë veprimtari që shkel çdo nen të Kushteturës. Mendoj se dorëheqja dhe arsyetimi publik i tij, mund ta shlyente dhe lehtësonte diçka nga barra që ka. Eshtë turp dhe nuk mund të ketë demokraci kur Shteti favorizon shkelësin e ligjit. Në mbyllje ju kujtoj se Mark Twain ka thanë “No man’s life, liberty, or property is safe while the legislature is in session”.. Por këto 25 vjet ju me bindjet tuaja të gabume po bani mbi atë popull, atë që nuk e ka ba asnji armik i tij.
Besoj në kthjellimin tuaj, për respektin dhe detyrimin për të zbatuar Kushtetutën.
Me respekt
Loro Stajka
Xhamia me e madhe në Ballkan në vendin më të varfër të Evropës!
Turqia ua futi thikë pas shpine shqiptarëve, i ktheu në mesjetë, i mbërtheu me narkozën e besimit të verbër islamik, i paralizoi si gjarpri bretkosën. Në misionin e shkombëtarizimit e debilizimit e ndihmuan komisarët (oficerët e zbulimit) nga Arabia Saudite, Irani e Egjipti, e ndihmuan edhe shtetarët tonë të korruptuar e të kriminalizuar. Për dhjetë vjet Azia e Afrika veriore u derdhen në territoret shqiptare më shumë se për pesëqind vjet sundimi të Perandorisë Otomane. /
Opinion Nga Gani MEHMETAJ/
Ndërtimi i xhamisë më të madhe në Ballkan, që do të bëhet në Prishtinë, është shpërblim për kreun e Bashkësisë Islame të Kosovës që rekrutoi shqiptarë fatkeq për luftën në Siri përmes Turqisë. Gjaku i shqiptarëve në Siri e Irak do të materializohet në xhaminë e dhjetëra shitoreve, ndërsa kreun e BIK-ut i bëri njerëzit më të pasur në shtet, tagrambledhësit e haraçit në gjak. Xhamia do të ndërtohet në pjesën më urbane e ambientin më të arsimuar të Prishtinës. Qytetarinë shqiptare perëndimore që është pjesa dërmuese e kryeqytetasve, ka nis t’i mbërthej tmerri nga plani i qeverisë për ndërtimin e xhamisë. Ata prisnin që t’ua ndërtonin një sallë koncertesh pikërisht në vendin ku e caktoi qeveria lokacionin e xhamisë. Fondet e BE-së ishin të gatshme për këtë qëllim, por zyrtarët tonë nuk mund të zhvatnin nga BE-ja, ndërsa fondet islamike ua kishin mbushur xhepat me para. Për tmerr- Lagjja Elitare do të shndërrohet në mëhallë orientale.
Në vend të fabrikave e teatrove, shteti ndërton xhami!
A ia kishim nevojën xhamisë më të madhe në Ballkan? Xhami kemi me tepri, të reja e të vjetra, më shumë se i tërë Gadishulli Ilirik së bashku. Fabrika kemi më së paku në Evropë, ose nuk kemi fare. Investimet e huaja ikin nga vendi ku ndërtohen xhami. Turqia investoi në abrika e ekonomi në shtetin serb, ndërsa në Kosovë vetëm në xhami. Shqiptarët i ktheu në mesjetë, serbët i ndihmon të përparojnë.
Janë edhe tri xhami në Prishtinë, të cilat në emër të kinse rinovimit TIKA turke, e lidhur me terrorizmin islamik, i rindërtoi nga themelet, i zgjeroi, ua dyfishoi hapësirën, i vuri në funksion në vend se ti konservonte, ashtu si nënshkroi kontratën me Ministrin e Kulturës. TIKA turke e okupoi rrugën e asfaltuar shqiptare, që lidhte një pjesë të lagjes afër Muzeut të Kosovës me pjesën tjetër, duke e futur në oborr të xhamisë rrugën e asfaltit. Ajo e zuri edhe trotuarin. Njerëzit s’dinë nga të shkojnë: të ecin në rrugë më rrezik t’i shkel makina, apo të hipin mbi murin e xhamisë që ua mori trotuarin? Nuk i pyeti TIKA që u bë shtet mbi shtet urbanistët, nuk ia vari shtetit, kur e rrëmbyen trotuarin, nuk e morën lejen e komunitetin kur ua morën rrugën e asfaltuar, nuk e përfillën Institutin për Mbrojtjen e Monumenteve, kur i prishën xhamitë e vjetra deri në themel e rindërtuan të reja me beton. Xhamia e Madhe (me emër të sulltanit më gjakatar në historinë e shqiptarëve) e ndërtuar nga islamikët e dyshimtë , nuk e përfilli Gjimnazin më të famshëm në Kosovë me mijëra nxënës, që ua ndërprenë mësimin çdo ditë nga altoparlantët ulëritës. Xhamia e Madhe prapë me fondet e dyshimta u rindërtua mbi themelet e Katedrales Katolike Shqiptare, ku u varros Pjetër Bogdani, shqiptari më i famshëm pas Skënderbeu. Nuk ia vunë as një pllakë përkujtimore në ballë të murit të xhamisë, ku do të shkruante: Këtu u varros Imzot Pjetër Bogdani, prijësi ushtarak e shpirtëror i arbërorëve që luftoi kundër hordhive turke deri në vdekje.
Dhe sikur nuk mjaftoi ky terror, tash dolën me projektin e xhamisë në qendrën më urbane të kryeqytetit për ta bërë lagje të Kandaharit a Pehshevarit, ashtu si e bënë qytetin e vjetër. S’na mbeti asnjë lagje për të qenë, të gjitha i bënë mëhalle turke.
Xhami më e madhe në Ballkan do të ndërtohet me fondet e dyshimta islamike, sikurse të gjitha xhamit në Kosovë, sepse sikur t’u lihej vullnetit e parave të besimtarëve shqiptarë, asnjë xhami nuk do të ndërtohej në Kosovë e në Shqipëri. Ato fonde që i ndërtuan xhamitë, e blenë kreun e shtetit e të partive politike, korruptuan zyrtarët e të gjitha niveleve, rekrutuan njerëz në polici e në ushtri, futen para në gazeta, portale e televizione. Kur kundërshtonin banorët shqiptarë, ua ndërsenin eksponentët e Shërbimit të Fshehtë (i)legal, i cili në dhjetëvjetëshin e fundit e bëri punën e djallit, duke u ndihmuar turqve e arabëve në islamizimin e shqiptarëve e shpërfytyrimin e tyre. Sidomos punë djalli bënë në Drenicë, ku myslimanizmi nuk zuri rrënjë në kohën e Perandorisë otomane sa i mbërtheu me presionin e SHIK-ut, të emisarëve arab e turq.
Çmendina shqiptare po na kthen në mesjetën anadollake
Asnjë xhami në Prishtinë e në Kosovë nuk u ndërtua pa zhvatje e pa korruptimin e qarqeve zyrtare e grupeve jo formale. Ky ishte haraçi në ndërtim, ndërsa xhamitë e nxorën nga haraçi në gjak. Të gjithë e dinin (pos shërbimeve tona (jo) inteligjente) se në Kosovë e në Shqipëri shumica e xhamive u bënë qendra rekrutimi për ushtarët e ISSIS-it. Xhamit u bënë kazerma, minaret raketa për armikun e islamit, sipas parimit të ideologut Gokan, kurse hoxhallarët shqipfolës kapter turko-arab. Rrënimet e varreve katolike e protestante, thyerjet e varreve të bektashinjve, përdhosja e varreve të myslimanëve tradicional, fyerje publike e personaliteteve historike etj, janë vepra të hoxhallarëve të djallëzuar. Për rrënime varresh e fyerje personalitetesh sikur shteti të mos ishte i korruptuar deri në palcë do t’i fuste në burg keqbërësit, do tua mbyllnin xhamitë e portalet. Në vend të dënimit hoxhallarët që nxisin urrejtje fetare e kombëtare u japin hapësirë në TV publike e private, në gazeta e portale. Hoxhën më mjeran e më antishqiptar që rekrutoi xhihadistë e nxiti urrejtje fetare, mediet tona e bënë yll.
Asnjë hoxhë në Kosovë, Maqedoni e Shqipëri kur bëhej luftë në Kosovë nuk bëri kushtrim kundër Serbisë. Asnjëherë nuk e thanë në predikimet e tyre se, të luftosh okupatorin e të bësh luftë atdhetare është luftë e shenjtë, ndërkaq, kur financohen nga organizatat terroriste islamike, mbajnë ligjërata për luftën e shenjtë islamike, për shpëtimin e Sirisë nga Amerika etj. Hapeni vetëm faqen islamike të Shkodrës e do të shihni se si predikohet lufta kundër krishterimit e Evropës Perëndimore. Predikimet e hoxhallarëve aziatikë kundër shqiptarëve janë për tmerr: çdo fjali e tyre është nxitje e urrejtjes kombëtare e fetare, çdo ligjëratë e tyre është kushtrim për luftë kundër “kaurit”, ndërsa kauri, sipas tyre është shqiptari katolik, shqiptari protestant, shqiptari ortodoks apo shqiptari laik. Amerika, sipas tyre është krye armiku.
Hoxhallarët kërkojnë luftë civile, sipas modelit arab. Nuk punuan me kot mbi dhjetë vjet instruktorët arab e turq: ata e përgatitën terrenin për destabilizim të territoreve shqiptare, sipas modelit të shteteve arabe. Kaçanikun, Termopilet shqiptare, ku trimat vriteshin për të mbrojtur flamurin e Gjergj Kastriotit kundër Turqisë, sot për turp islamikët e Ankarasë e bënë simbol të shëmtisë antishqiptare.
Sikur të mos e mbështesnim islamin e terrorit, sot nuk do ta kishim problemin e frikës nga terrori që po na kthehet bumerang nga Siria. Të rinjtë që i nisëm të vrisnin “të pafe” më parë i mbushëm me urrejtje, i bëmë bomba të kurdisura, i ndërsyem kundër atyre që mendojnë ndryshe. Prandaj ruhemi nga ta, sepse i shitëm në Siri, prandaj i ruajmë kishat katolike e protestante, i ruajmë sheshet e institucionet publike. Shtetarët tanë na morën në qafë.
Të gjithë e dimë se nuk ia patëm nevojën, nuk ia kemi as takatin xhamisë më të madhe. Kur nuk mund të mburremi me fabrikat më të mëdha në Ballkan, kur nuk mund të lavdërohemi me shtetin më të pasur në rajon, sepse jemi shteti më i varfër i Evropës, si nuk kanë turp kreu i BIK-u e kreu i shtetit që duan ta lejojnë ndërtimit e një luks të tillë për popullatën që po ia mbathë në Perëndim duke ikur nga xhamitë. Shqiptarët parajsën po e kërkojnë në vendin e kishave e kumbonarëve, sepse ua morën shpirtin xhamitë e minaret.
Derisa bota e qytetëruar po e lufton ideologjinë islamike, zyrtarët në Shqipëri e në Kosovë po e mbështesin. Zyrtarët e çmendur vetëm me ndërtime xhamie merren edhe në Tiranë. Shtetarët e korruptuar nuk ia qajnë hallin sallave të teatrit që nuk e kanë asnjë për be, as sallave koncertesh që u mungojnë, por angazhohen për ndërtimin e xhamisë më 200 vend parkime! Nuk e tha kryebashkiaku i Tiranës: 200 vend parkime janë për deve (gamilet) e beduinëve, që do ta ndërtojnë xhaminë, apo për makina të hoxhallarëve?
- « Previous Page
- 1
- …
- 39
- 40
- 41
- 42
- 43
- …
- 87
- Next Page »