dgreca – Page 3331 – Dielli

SHTATORJA E HEROIT DEDË GJO LULI I BËN NDER KRYEQYTETIT TË KOMBIT

November 25, 2015 by dgreca

*Shtatorja Monumentale që promovohet në Tiranë me 27 nëntor 2015, është vepër e skulptorëve Kreshnik Xhiku dhe Pjerin Kolnikaj/

* Gjon Dedvukaj deklaroi për Diellin se dy Shoqatat “Malësia e Madhe” në Nju Jork dhe Michigan janë sponsorët e Shtatores dhe veprimtarisë promovuese të 27 Nëntorit 2015, që rrok shifrën e rreth 60 mijë dollarëve./

Më në fund, dëshira e malësorëve dhe e të gjithë shqiptarëve për t’i ngritur heroit Dedë Gjo Luli një Shtatore në Tiranë u bë realitet. Kjo ka qenë një ëndërr e kahershme, që në fillim të viteve ’20 të Shekullit të shkuar, kur deputeti Avni Rustemi kërkoi të nderohej kryetrimi i lirisë Dedë Gjo Luli me një shtatore në Tiranë. Kjo nuk ndodhi as në kohën e Republikës as në Kohën e Mbretërisë, e as në atë të Diktaturës komuniste, edhe pse me vonesë ia patën dhënë titullin”Hero i Popullit”. Shpresat u ringjallën në kohën e Demokracisë, por nuk qe e lehtë, u deshën 25 vite që të rrëzoheshin barrierat e vendosura nga burokracia shtetërore dhe politike.

Gazeta Dielli e ka ndjekur në vazhdimësi nismën e shqiptarëve të Nju Jorkut dhe të Michiganit për të mbledhur kontributet financiare që duheshin për finalizmin e shtatores monumentale në Tiranë.

Në një informim që morëm nga z. Gjon Dedvukaj mësuam se: Sponsorizimin e Shtatores e kanë marrë mbi vete dy shoqatat me të njëjtën emër”Malësia e Madhe” në Michigan dhe Nju Jork. Fushata synoi për të grumbulluar rreth 60 mijë dollarë, sa ishte kosotoja e llogaritur e shtatores dhe e ceremonisë promovuese në Tiranë.

Dedvukaj sqaron për lexuesit e Diellit se Shtatorja e heroit Kombëtar Dedë Gjo Luli ishte planifikuar që të promovohej me rastin e 100 vjetorit të vdekjes së tij,me 15 Shtator, por planet u shtynë për shkak të zgjedhjeve lokale në Shqipëri dhe rikonstituimin e Këshillit Bashkiak, që nxorën vendimet, lejet përkatëse.

Për z. Gjon Dedvukaj vendosja e Shtatores së Dedë Gjo Lulit në Tiranë është vlerësim i kontributit të tij kombëtar për lirinë e trojeve shqiptare. Ajo shtatore i bën nder kryeqytetit të shqiptarëve.

Gazeta Dielli, para promovimit të Shtatores, u lidh me skulptorin Kreshnik Xhiku në Tiranë dhe mori këtë informacion prej tij: Monumenti ,tha ai, do të përurohet në daten 27 Nentor 2015 dhe do te vendoset ne lulishten mbrapa Muzeut Historik kombetar ne Tirane. Aty eshte dhe rruga me emrin Dedë Gjo Luli.

Kjo vepër është fryt i bashkëpunimit të dy skulptorëve, Kreshnik Xhiku dhe Pjerin Kolnikaj.
Vepra skulpturore është inicuar nga z. Pashko Gjokaj dhe shoqatat Malesia e Madhe në Michigan dhe New York, që e kanë financuar këtë projekt, tha për Diellin Kreshnik Xhiku, ai shton se: Realizimi dhe vendosja e monumentit ka pas mbështetje të plotë nga presidenti i Republikës Z. Bujar Nishani, po kështu ka pasur mbështetje të kryetarit të bashkisë së Tiranës Z Erion Veliaj, dhe kryetarit të Këshillit bashkiak z Aldrin Dalipi.

Skulptori tregon për Diellin procesin krijues me këtë vepër arti. U desh kohë që vepra të merrte formën përfundimtare. Puna nisi me një projekt fillestar, ku u vlerësua gjithçka, duke pasë parasysh edhe vendi ku do të vendosej, madhësia e sheshit , drejtimi i dritës, sfondi, si do të përputhej figura me karakterin psikologjik të heroit, si do të ishte lëvizja, ç’të veçantë do të kishte si vepër, me qëllim që të mos dukej si të gjithë monumentet e tjerë, duke krijuar monotoni.

Këto, dhe sfida të tjera, u kapërcyen me sukses nga dy artistët, Xhiku dhe Kolnikaj. Kështu u kalua nga bocetet deri tek monumenti me përmasat reale ,që kap lartësinë 3 metra, plus piedestalit prej 170 cm. Lartësia e përgjithshme e Monumentit shkon në 4 metra e 70 cm.
Xhiku tha për Diellin se: “Ne kemi bërë monumentin e Dedë Gjon Lulit në lëvizje, të përmbajtur , pa xheste të jashtëme demonstartive dhe në të njëjtën kohë lëvizja është shumë e natyrshme. Tjetër cilësi pozitive në këtë monument është se ka një përshtypje të freskët, nuk është (lodhur sipërfaqja, textura). Piedestali ku do të qëndrojë heroi, përbëhet nga një bllok monolit guri.

Për artistin Kreshnik Xhiku, Dedë Gjon Luli është pjesë e atij grupi personalitetesh historike, që përbëjnë krenarinë e kombit tonë, e atyre që ne u përulemi me respekt të përhershëm. E atyre që bënë historinë e Kombit Shqiptar.(Dielli, Nentor 2015)

Caption: Kjo është pamja e momumentit në atelien e artistëve gjatë procesit, dërguar gazetës Dielli nga skulptori Kreshnik Xhiku,- është pamje jo përfundimtare. Pas këtij procesi monumenti u dërgua në fonderi, ku është derdhur në bronz.

NJU JORK-Flamuri kuq e zi – u ngrit në shtizën e Bashkisë Yonkers

November 24, 2015 by dgreca

Majori i Yonkersit Mike Spano, me Proklamat nderoi festën kombëtare të shqiptarve 103 – Vjetorin e Pavarësisë së Shqipërisë – Ditën e Flamurit/

Beqir SINA New York/

YONKERS NY – Jehona festive e Pavarësisë së Shqipërisë – ka filluar të ndjehet kudo në bashkësinë shqiptare në Amerikë. Përgatitjet, për t’a festuar me madhështi këtë festë, kuq e zi, i sheh kudo në qendrat më të banuara, me shqiptar, aty ku ka më shumë shqiptaro -amerikanë, pra në shumicën e qyteteve dhe shteteve të ndryshme të Amerikës, ku edhe shqiptarët janë më shumë të organizuar.

Nën kujdesin e Bashkisë Yonkers, New York, mbrëm është bërë ngritja e flamurit shqiptarë, në shtizën para ndërtesës së kësaj Bashkie, kurse “Kulla e Sahatit”, pjesa më e lart mbi ndërtese, për her të parë është ndriçuar me ngjyrë të kuqe, shkruan faqja zyrtare e Bashkisë Yonkers, New York.

Kryetari i Bashkisë Yonkers, zoti Mike Spano, së bashku me zyrtarët e kësaj bashkie, dhe një grup përfaqësuesish të komunitetit shqiptar, banorë të kësaj bashkie, u mblodhën për të ngritur me solemnitet flamurin shqiptar në City Hall – në nderim të përvjetorit të 103 të Pavarësisë së Shqipërisë.

Kryetari i Bashkisë Mike Spano, nderoi me këtë rast me një Proklamat 103 – Vjetorin e Pavarësisë së Shqipërisë dhe veprimtarin e këtij komuniteti Henry Gjonbalaj,

Ngritja e flamurit shqiptar, u bë nga Kryetari i Bashkisë Spano dhe kongresmenin Eliot Engel – në shtizën në oborrin e Bashkisë Yonkers City

Kurse, në këtë ceremoni morën pjesë : Kryetari i Bashkisë Mike Spano, Avokati Naim Bajraktari, Angjelina Nika, Mike Breen, Harry Bajraktari, Frankie Hudak, Michael Sabatino, George Latimer, David Tubiolo, Shelley Mayer, Gezim Nika, dhe Kongresmeni Eliot Engel.

Ky është viti i dytë – me rastin e 28 Nëntorit – Ditës së Flamurit Shpalljen e Pavarësisë së Shqipërisë, komuniteti shqiptarë në Bashkinë e Yonkersit së bashku me autoritetet lokale janë mbledhur për të festuar ngritjen e flamurit kuq e zi, në shenjë solidariteti flamuri shqiptar valvitet së bashku me flamurin amerikan.

“SHTETI ISLAMIK DUHET TË ASGJËSOHET”

November 24, 2015 by dgreca

Nga Frank Shkreli /

Kështu u shpreh Presidenti i Shteteve të Bashkuara, Barak Obama gjatë një konference që zhvilloi të martën me shtypin së bashku me presidentin francez Francois Hollande, pas takimit dhe bisedimeve të tyre kokë më kokë, në Shëpinë e Bardhë. Në fillim të konferencës me shtypin, Presidenti amerikan e siguroi Presidentin e Francës dhe nepërmjet tij, popullin francez se, “Si amerikanë ne do të mbështesin miqët tanë”. Udhëheqsi amerikanë, me një gjuhë më të ashpër se çka përdorur deri më tani, u tha gazetarve se, “Terrorizmi i sponsorizuar nga Shteti Islamik nuk mund të tolerohet”, duke shtuar se ai “duhet të asgjësohet” dhe se këtë do ta bëjmë së bashku. Ai e cilësoi terrorizmin si “një murtajë që na kërcënon të gjithëve.”

Objektivi i vizitës së Presidentit francez në Washington ishte që të merrte mbështetjen e Shteteve të Bashkuara për një koalicion më të gjëtë ndërkombëtar në luftën kundër ISIS-it e që do të përfshinte edhe Rusinë në luftën kundër terrorizmit. Por rrëximi i një aeroplani rus nga Turqia të martën, që ajo tha se ndodhi në territorin e saj ajror, duket se ndërlikoi disi bisedimet midis dy udhëheqsve. Të dy udhëheqsit u bënë thirrje Turqisë dhe Rusisë që të punojnë dhe të bisedojnë së bashku për të mos e keqësuar mëtej situatën e krijuar nga rrëximi i aeroplanit luftarak rus.

Presidenti i Shteteve të Bashkuara sugjeroi gjatë konferencës me shtypin që zgjati një orë, se nëqoftse Rusia do të përqendronte disa nga këto aktivitete të fundit ushtarake kundër Shtetit Islamik, këto konflikte dhe gabime mund të evitoheshin më kollaj. Presidenti amerikan deklaroi gjithashtu se ndonëse po pret për hollësi të mëtejshme mbi incidentin që ndodhi në hapësirën turke, “Turqia ka të drejtën e vet të mbrojë territorin dhe hapësirën ajrore të saj”. Ai u shpreh gjithashtu se Moska është më e interesuar të mbështesë diktatorin sirian Bashar Al Assad se sa të luftojë kundër terroristëve të Shtetit Islamik. Ai cilësoi pak si me ironi mbështetjen e Rusisë dhe të Iranit për regjimin diktatorial të Bashar Al Assadit, si “një koalicion prej dy shtetesh”, ndërsa shtoi se Shtetet e Bashkuara kanë një koalicion prej më shumë se 60-shtetesh”, që sipas tij ka, “ndërprerë aktivitetet terroriste dhe kanë sulmuar pozicionet e Shtetit Islamik në Siri dhe në Irak.”

Ndërkaq, media citon Presidentin rus Putin të ketë reagur ndaj incidentit të rrëximit të aeroplanit rus nga forcat turke, duke thënë se rrëximi i aeroplanit rus nga Turqia “do të ketë pasoja të rënda për marrëdhënjet midis dy vendeve”, gjë që, sipas vërejtësve politikë, do të komplikojë me siguri përpjekjet e Presidentit Hollande, kur të vizitojë Putinin në Moskë mbrenda dy ditësh, me qëllim për të krijuar një front të gjërë ndërkombëtar në luftën kundër ISIS. Deri tani Rusia ka refuzuar gjithnjë tu bashkohet thirrjeve për largimin e presidentit të Sirisë Assad nga pushteti. Si rrjedhojë, zyrtarët francezë, përball kësaj situate të re të krijuar nga rrëzimi i aeroplanit rus nga Turqia, citohen nga media të jenë shprehur se në vend të bashkpunimit ata do të përpiqen të realizojnë të pakën një angazhim për një bashkrendim ndërkombëtar të aktiviteve kundër Shtetit Islamik. Megjithkëtë, Presidenti francez theksoi optimizmin e tij se “mbarë bota është e angazhuar” në luftën kundër ISIS dhe se shpreson të sigurojë më shumë bashkpunim edhe nga Rusia, e cila mbështetë regjimin e diktatorit Assad dhe aeroplanët e të cilës po sulmojnë forcat moderuese që janë kundër regjimit të Assadit, në vend që të luftojë kundër terroristëve të Shtetit Islamik.

Pas sulmeve terroriste në Paris, Franca falë ndihmës nga agjensi të zbulimit të fshehtë amerikan, ka shtuar sulmet ajrore kundër kundër objektivave kryesore të Shtetit Islamik. Ndërkaq, gjatë konferencës me përfaqsues të medias në Shtëpinë e Bardhë të martën, Presidenti i Francës, Hollande, shprehu falënderimet, solidaritetin dhe mirënjohjen e tij dhe të popullit francez për ndihmën që Shtetet e Bashkuara i kanë dhënë vendit të tij pas sulmeve në Paris. Ai deklaroi se me Shtetet e Bashkuara, “ne ndajmë të njëjtin qëndrim dhe besim ndaj lirisë”. Ai, njëkohsisht, bëri thirrje për një përgjigje të përbashkët aktvitetesh ushtarake kundër terrorizmit pas sulmeve në Paris dhe ndaj kërcënimeve të vazhdueshme nga Shteti Islamik.

Komentatorët politikë theksojnë se ishte Franca ajo që është sulmuar kësaj radhe nga terrorizmi dhe si rrjedhim është Presidenti Hollande ai i cili po kryeson përpjekjet për një koalicion të gjërë ndërkombëtar kundër ISIS dhe jo udhëheqsi i botës së lirë, Presidenti Obama, për të cilin 66% e amerikanëve shprehen se ai nuk ka një plan të qartë për të asgjësuar Shtetin Islamik. Vërejtsit politikë thonë gjithashtu se Washingtoni e Parisi mund të kenë të njëjtin objektiv për zhdukjen e kësaj murtaje, por duket se midis tyre ekziston një divergjencë e cila pasqyrohet në pikamje të ndryshme politike se si duhet dhe cilat janë masat që duhet të merren, për realizimin e këtij objektivi të përbashkët për asgjësimin e Shtetit Islamik.

Fan Noli between Albanian and America…

November 24, 2015 by dgreca

…The Symbol of self sacirifice for the sake of national interests./

By Ph.DYllka FILIPI /

Fan Noli’s name is already recognized as a multidimensional writer. There are parts of his extensive work that he accomplished, which were left almost untouched until even today, attracting researchers to shed light on different aspects, to analyze from a different point of view successes and failures of this image that served the interests of the nation, exploring and bringing convincing facts. Noli’s poetry is related to the symbolism, contains metaphor and is enriched by strong contrasts, irony and grotesque. We feel configurations and transtextual innovation through all around his work.

There is an internal power that afficcinated the bloody fighter, whose name is called in the middle of the fog, Freedom! Identifying Noli’s soul trying to unite with the character that he creates itself, symbolizing all the sacrifice of his figure in years: You are being called and they want you, o warrior!

This lejtmotiv and this appeal followed Noli all his life, paving the paths towards resolving the fate of the motherland . To that destination, white or black , however, which is repeated every year, and just changes the skin like the snake. The author had great hopes to Albanians: He said: Hey, brothers!Do not through to the enemies, the honey your heart, keep it for yourself!

Conceptualizing of the ideas is not simply a tendency of patriotism, not just verbal presentation ex phrases, there are many universal messages in the function of the Liberty of all global nations, from the point of view of human rights, serving the spirit of sacrifice. The Albanian Maratonomak is the trumpet that compels to bow diplomats, politicians, kings, leaders of the past and future, leaders and all humanity utopias around: Run oh, run, run and tell them that we won the battle…!

Here is the outcry of the last Renaissance man, desperate plea to God: Great Lord , the righteous and compassionate, save our people and our poor country, give us honor again with freedom under our flag, Skanderbeg’s flag, red flag with black eagle with two heads! Through his hard work, it was reached the national unity of Albanians States 1912, the biggest triumph of albanians’ diaspora to our days .

His ideal, the first and the last was the sublime love for Albania and the necessity to be the humble of servant of his Homeland! His multidimensionallidership was closely linked to his contribution through Albanians in America. He personified himself with symbolical names: TheofanisMavromatis, Ali Dervish Qyteza, Ali Baba Qyteza, Ali Baba Qyteza, Pesimisti, Pa emër, Protagora, Diximus, Nirvana, Meshëtariulëtpërndriçim, Hieronymus. Although a broken hearted fighter by the ill fate of his nation, he became a symbolic of an era, with his reasons, intuition, evidence, meaning, essence, to building bridges and ironing out universal disagreements of his multidimensional activity.

The spirit of the Noli’s intercontinental marathon, will be felt with the anguish among readers of many generations to come, but with a difference: His running will go through the ages as marathon of eternity where the global freedom is sheltered. It will reach the speed of light:

Yes, he lives! Yes, he lives! Albanian never dies !

Ph.DYllka FILIPI

October 2015

U.s.a

Dy shokë klase

November 24, 2015 by dgreca

Nga Ilir Levonja-Florida/Dy shokë klase, nga Ottawa, djem të Universitetit Carleston, Kanada. Jae Deen dhe Karter Zaher, në janar të këtij viti, nisën një projekt pas shkollor. T’i përçonin njerëzimit mesazhe të gëzueshme. Këtë përmes pasionit të tyre, që është muzika rep. Sinonim i moshës djelmore në mbarë globin. Veçse prirja e tyre iu dedikua botës myslimane. Ndofta për faktin se sot, besimi mysliman është më shumë se asnjëherë tjetër në një periudhë gjykimi, mallkimi, përçudnimi dhe ftohje me shpirtin njerëzor.
Ata po identifikohen kudo nëpër botë si njerëz të xhihadizmit, Al Qaedas, Hamasi, Isis-it etj. Qytetari perëndimor ka frikë të rrijë pranë atij njeriu, që për së pari, qoftë edhe nga një mjekërr e gjatë. Nga veshja,kefie në kokë apo tab, ajo roba e gjatë e bardhë që tregon se nga vjen. Ka frikë pasi mendon se nën atë mund të ketë dinamit. Mund të ketë bomba me kurdisje, a ku di tjetër se çfarë.
Këngët e djemve nga Ottawa si, ”Shkoj në xhami çdo të premte” ”Më prit Mekë” ”Nuk jam terrorist” ”Burri mysliman” ”Brenda Teqes” etj. Janë bërë sot hite të suportuara nga gjigandëd e produksionit botëror, si ai britanik BBC dhe ai kanadez CBC.
Mirëpo krahas suksesit, aktiviteti virtual i tyre. Edhe pse me mesazhe të thekshme, për çfarë është në të vërtetë njeriu mysliman. Çfarë është terroristi…, çfarë është mallkimi dhe përçmimi që i bëjnë të tjerët Islamit. Prapë ka nëmje të tipit muzika juaj është haram në vëndet tona myslimane.
E thënë shkurt, sot, thuajse e gjitha bota islame është në një krizë të ekzistencës së besimit. Lufta e ashpër midis të indinjuarve dhe të atyre që vrasin në publik, në emër të Allahut, e dëshmon më së miri këtë. Shto edhe indinjatën botërore, solidaritetin në masivitet, mallkimin. Dashur pa dashur kanë ngritur konturet e plotë të një krize besimi. Nga ata që vërtet Allahun e shikojnë si paqe shpirtërore. Përballë atyre që e përdorin si mjet frymëzues për vepra terroriste. Duam apo nuk duam ne, koha e kryqëzatave është prezente. përmes tritolit, panikut dhe xhihadit. Ndofta jo me fronte taboresh.por me vatra zjarri gjithandej. Dhe më së pari fajin e kanë vetë besimtarët myslimanë. Sot të bisedosh me një sheet, apo me një sunit. E kupton shumë shpejt se përse ndodhin të gjitha këto. Në mes është një urretje e madhe. Paragjykimi se kush dhe qysh e posedon Allahun apo veprën e tij.
Dy shokët e klasës së Ottawës duhet të shpikeshin në Damask, Bejrut, Riad, Teheran, Kajro, Bagdat, Tripoli, Kabul, Jerusalem etj. Jo në Kanadanë e skajshme. Por koha i mban çuditërisht larg fenomet. Kjo thjesht edhe për shkak të nështrimit, dorëzimit…, që një shoqëri ia imponon vetvetes.
Këtë dukuri e shoh të ndodhi edhe në Shqipërinë tonë. Ka një ngucje të futjes së islamit radikal.
Qoftë përmes veshjes, mjekrave. Aq sa një besimtar shqiptar, më shumë i pëlqen të duket arab se sa shqiptar mysliman.
A do ia dalin shokët e klasës të fusin në rrugën e duhur shoqërinë islame? Kjo është një pyetje që nuk i dihet fundi. Të paktën përpjekja e tyre është sa njerëzore, aq dhe bukur, aq dhe e artë.