Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Thaçi takon ambasadorët e UNESCO-s në Paris

by

Paris, 18 shtator 2015/ Zëvendëskryeministri i parë i Kosovës dhe ministër i Punëve të Jashtme, Hashim Thaçi, pas Londrës ka vazhduar vizitën në Francë.Në Paris, zëvendëskryeministri Thaçi ka zhvilluar takime të shumta me ambasadorë të shteteve të ndryshme të botës, që janë anëtare të UNESCO-s.

Ai i ka falënderuar ambasadorët për përkrahjen që po i japin procesit të anëtarësimit të Kosovës në këtë organizatë të rëndësishme të OKB-së dhe ka treguar që edhe Kuvajti e Luksemburgu janë nënshkruar në kërkesën e Kosovës për anëtarësim në UNESCO.”Kosova është angazhuar në një fushatë pozitive, sistematike dhe të fokusuar në promovimin e zhvillimit tonë social, kulturor dhe ekonomik, derisa shumica e shteteve kanë shprehur mirënjohje për qasjen tonë”, ka thënë zëvendëskryeministri Thaçi.Ditë më parë, zëvendëskryeministri Thaçi ka qëndruar edhe në Britani të Madhe, ku po ashtu ka marr mbështetje për anëtarësimin e Kosovës në UNESCO./b.j/

Shqipëria, Kosova dhe vendet tjera themelojnë Qendrën e Ballkanit Perëndimor për Hulumtime dhe Inovacione

by

PRISHTINË, 18 Shtator 2015/ Shqipëria, Kosova, Kroacia, Bosnja e Hercegovina, Serbia dhe Mali i Zi kanë nënshkruar marrëveshjen për themelimin e Qendrës së Ballkanit Perëndimor për Hulumtime dhe Inovacion.Nënshkrimi u bë gjatë Konferencës Ministrore të Ballkanit Perëndimor për Hulumtime dhe Inovacion, e cila është mbajtur sot në Split, Kroaci. Ministri kosovar i Arsimit, Shkencës dhe Teknologjisë, Arsim Bajrami, në Konferencë theksoi se bashkëpunimi në sferën e hulumtimit dhe inovacionit është një domosdoshmëri e kohës për vendet e rajonit dhe një mundësi shumë e mirë që të bashkuara të ecin rrugës së integrimeve evropiane.Sipas njoftimit dërguar nga Ministria kosovare, Qendra e Ballkanit Perëndimor për Hulumtime dhe Inovacione do të jetë një organizatë ndërkombëtare, e pavarur, jo-fitimprurëse dhe në pronësi të palëve nënshkruese të marrëveshjes rajonale.

Kjo qendër do të mbështesë fuqizimin e bashkëpunimit në nivel rajonal dhe ndërkombëtar, duke përmirësuar klimën e Ballkanit Perëndimor për hulumtim dhe inovacion. Për më tepër, kjo Qendër do të promovojë mobilitetin e hulumtueseve të rinj dhe kandidatëve për doktoratë në kuadër të rajonit të Ballkanit Perëndimor, si dhe mes rajonit dhe vendeve tjera.Themelimi i kësaj Qendre dhe asistenca teknike rajonale për të është e paraparë edhe në kuadër të Strategjisë Rajonale të Ballkanit Perëndimor për Shkencë dhe Hulumtim në të cilën është e përfshirë edhe Kosova.Është paraparë që Bashkimi Evropian të mbeshtesë këtë qendër me 200 milionë euro, fond në të cilin do të mund të përfitojnë përmes projekteve edhe hulumtuesit kosovarë./b.j/

Presidenti Obama takohet në Zyrën Ovale me dy ushtarakët

by

Foto lajm/

Presidenti Obama takohet në Zyrën Ovale me dy ushtarakët dhe shokun e tyre, të cilët ndalën një njeri të armatosur në trenin nga Amsterdami në Paris disa javë më parë.

President Obama meets in the Oval Office with the two servicemen and their friend who subdued a gunman on a train from Amsterdam to Paris a few weeks ago.

Italia e do Kosovën në BE

by

-Kosova me vlerat e saj, ishte, është dhe duhet të jetë pjesë e Evropës/-Përkushtim i qeverisë së Kosovës për forcimin e bashkëpunimit me Italinë/

Nga Behlul Jashari/.-PRISHTINË, 18 Shtator 2015/ Kryesuesi i delegacionit të senatorëve italianë në Komisionin për Politika të BE-së, Vannino Chiti, tha sot në Prishtinë se,  në Senatin italian Kosova gëzon përkrahje nga çdo përbërje e tij. “Ndërsa takimet e deritashme Senat-Kuvend i Kosovës, dëshmojnë se Italia e do Kosovën në BE”, shtoi ai në takim me kryetarin e Kuvendit kosovar, Kadri Veseli, ku  u diskutua për intensifikimin e bashkëpunimit të gjithanshëm Kosovë-Itali, me theks në procesin e integrimit të Kosovës në BE dhe bashkëpunimin ekonomik.  “Senati italian dhe shteti ynë është në anën tuaj në procesin e integrimeve, është aleati juaj besnik në këtë rrugë, duke mos ndalur që bashkëpunimi të forcohet në të gjitha lëmenjtë. Italia e do Kosovën në BE”, theksoi senatori Chiti.

Kryetari Veseli e informoi senatorin Chiti se së shpejti formalisht do të konfirmohen krijimi i grupeve të miqësisë brenda Kuvendit të Kosovës dhe pritet intensifikim i bashkëpunimit.

Kryetari Veseli falënderoi senatorin Chiti, nëpërmjet tij edhe senatin e Republikës së Italisë që u gjend vazhdimisht pranë Kosovës dhe popullit të saj. Në takim u theksua nevoja e përmirësimit të informacionit në Bashkimin Evropian për Kosovën.

Ndërsa, për sa i takon investimeve,  Veseli tha se prania e Italisë në fushën e ekonomisë duhet të jetë më e dukshme, jo vetëm me banka, ndërmarrjet e vogla dhe të mesme por edhe në binjakëzimin e qyteteve.

Kryetari Veseli tha se përvoja nga Senati italian në eurointegrime është e mirëseardhur.

“Kosova me vlerat e saj, ishte, është dhe duhet të jetë pjesë e Evropës. Ne kemi nevojë për integrim dhe prania jonë në Bashkimin Evropian do të jetë vlerë e shtuar për demokracinë e madhe evropiane. Është e padrejtë që rinia jonë të ketë kufizime, kur dihet rëndësia e lëvizjes së lirë”, theksoi kryetari i Kuvendit të Kosovës, Veseli.

Edhe Komisioni për Integrime Evropiane i Kuvendit të Kosovës priti në takim delegacionin e senatorëve italianë nga Komisioni për Politika të Bashkimit Evropian.

 PËRKRAHJE E SENATIT DHE SHTETIT ITALIAN PËR KOSOVËN

Kryeministri i Republikës së Kosovës, Isa Mustafa, priti në takim një delegacion të senatorëve italianë në Komisionin për Politika të BE-së, të kryesuar nga senatori Vannino Chiti.

 Kryeministri Mustafa i informoi senatorët italianë për progresin në Kosovë, fokusimin e Qeverisë në zhvillimin ekonomik, krijimin e vendeve të punës, si dhe reformat në shumë sektorë me qëllim të përmirësimit të jetës së qytetarëve.

 Kryeministri Mustafa po ashtu theksoi angazhimin e qeverisë Kosovës për avancimin e proceseve integruese euroatlantike, duke theksuar rëndësinë e nënshkrimit sa më të shpejtë të MSA-së dhe liberalizmin e vizave për qytetarët e Kosovës nga ana e Bashkimit Evropian.

 Në këtë kontekst, kryeministri Mustafa shprehu mirënjohje për përkrahjen që shteti italian po jep për Kosovën në proceset integruese dhe aspekte tjera zhvillimore.

 Kryeministri Mustafa po ashtu shprehu përkushtimin e qeverisë së Kosovës për forcimin e bashkëpunimit me Italinë, në shumë fusha.

 Kryesuesi i delegacionit të senatorëve italianë në Komisionin për Politika të BE-së, Vannino Chiti, vlerësoi progresin në Kosovë, duke shprehur përkrahjen e senatit dhe shtetit italian për Kosovën.

 Gjithashtu, senatori Chiti shprehu gatishmërinë për thellimin e bashkëpunimit ndërmjet dy vendeve si dhe për mundësitë e investimeve italiane në Kosovë.

ÇELËS I STABILITETIT, INTEGRIMI I VENDEVE TË BALLKANIT PERËNDIMOR NË BE

Çelës i stabilitetit është integrimi i vendeve të Ballkanit Perëndimor në Bashkimin Evropian, tha sot ministri kosova i Integrimit, Bekim Çollaku,  në takim delegacionin e senatorëve italianë, të kryesuar nga Vannino Chiti, kryetar i Komisionit për Politika të BE-së në Senatin e Italisë.

Ministri Çollaku, duke i falënderuar për mbështetjen e vazhdueshme që Italia i ka ofruar Kosovës, ka konfirmuar se Kosova ka përmbushur të gjitha obligimet dhe me të drejtë pret që BE-ja të lëviz me nënshkrimin e MSA-së dhe rekomandimin pozitiv për liberalizimin e vizave.

Kryesuesi i delegacionit të senatorëve italianë në Komisionin për Politika të BE-së, Vannino Chiti ka rikonfirmuar mbështetjen e Italisë për rrugën integruese të Kosovës në BE e në veçanti për dy prioritetet kryesore të axhendës evropiane që lidhen me liberalizimin e vizave dhe MSA-në. Senatori Chiti ka përgëzuar ministrin Çollaku dhe qeverinë e Republikës se Kosovës për vendimet e fundit të guximshme dhe përgjegjshme, të cilat padyshim se forcojnë sovranitetin dhe perspektiven evropiane të vendit, thekson njoftimi i dërguar nga Ministria kosovare e Integrimit Evropian.

Po ashtu bashkëbiseduesit u dakorduan për nevojën e intensifikimit të komunikimit me qëllim të rritjes së shkëmbimeve tregtare, investimeve direkte, bashkëpunimit kulturor dhe bashkëpunimit ekonomik në përgjithësi.

Haradinaj fton qytetarët e Kosovës që ta nënshkruajnë peticionin

by

  Kryetari i AAK-së, Ramush Haradinaj, i ka ftuar qytetarët e Kosovës që ta nënshkruajnë “peticionin kundër qeverisjes së keqe dhe marrëveshjeve të fundit që qeveria e Kosovës i ka bërë me Serbinë dhe me Malin e zi”. Ai tha se, “ky peticion është i të gjithë qytetarëe dhe jo i partive politike, kështuqe të gjithë ata që e konsiderojnë të nevojshme nënshkrimin e këtij peticioni, me këtë e forcojnë kundërshtimin e përbashkët të marrëveshjeve që po e dëmtojnë Kosovën”.

Haradinaj tha se, “këto marrëveshje nuk janë të dëmshme vetëm në fushën e rendit dhe të ligjit, por janë marrëveshje të dëmshme ekonomike dhe financiare, të cilat po e degradojnë Kosovën”.

“Peticioni që nisi të nënshkruhet sot është projekt i përbashkët i tre partive opozitare VV, AAK dhe Nisma”, ka thënë Haradinaj.(bJ)