Nga Rexhep DEDUSHAJ/
Koheve te fubdit ka ngjallur shume debate dhe mbetet aktual ratifikimi i kufirit ne mes te Kosoves dhe Malit te zi.
Per te siguruar me mire se kah shtrihet vija kufitare e vertete,biseduame me Avdi Brahim Nokshin, Gjyshi i tij,Zhuji kishte rene ne lufte me malazezet ne vitin 1913.Babai(Brahimi(i si shte rritur bonjak.Nga Nokshi kalojne ne Rugove ,e para 35 vitesh vendoset ne Zatra te Pejes,se bashku me 7 djemet e vet.Tre prej te cileve qe nga viti 1980 ndodhen ne Suedi.Investojne ne vendlindje duke e ngritur restorantin modern qe e pagezojne me emrin = KALAJA E NOKSHIQIT = si personifikim i Luftes te Nokshiqit.
Ne ate lufte nga kjo familje kishte mbetur Zhuj Sadiku dhe dy femra – njera ne lufte dhe tjetra ishte djegur ne kulle.
– Qe nga ajo lufte e me pas asnje meshkull ne Nokshiq ,nuk i ka ba 40 vjete,por te gjithe vriteshin ne perpjekje me shkijete – thot Avdiu,
I njejti,me revolte shton se pas vitit 1944,kemi perjetuar shum vuajtje si Nokshiqi ashtu edhe krejte krahina e Plave -Gucise.Ate vit te ndihmuar nga Ferrajt e Plaves ,Imer Maliqi -Bucaj dhe zavendesi i tij ( nenkapobanda (Bali Bajrami -Mekulaj, e mbronin kufirin shume te rrezikuar.
Atbote mbeti i vrare te ura e Murines Lan Selimi i Llukes.Imer Maliqi se leshonte frontin qe nga SJEKIRICA e ne Qafe te Prijedorit ,mbi shekullar.
Prej aty e deri ne Mokna e mbronte kufirin Xheme Bajraktari i Arzhanices .Kur u vra Imer Muca ne Prijedol dhe u varros me Lan Selimin te zhamia e Arzhanices…
Prej Moknave e deri ne Qafe te Cakorrit e mbajten rugovasit.Nderkohe u vra Zheme Bajraktari e Azem Mehmeti – te Arzhanices dhe Bali Bajrami i Nokshiqit qe mbeten ne Shekullar.
Ne Cakorr egzistojne varret e 4 Kukalajve te Drenocit te Decanit dhe ai i Sahit Mehmetit te Logjes.Aty jane edhe dy + kulla te mbretit + dhe varret e Jakup Bulles te Nokshiqit e nje tjeter qe nga viti 1913.
Ne qafe Vraqevw ekzistojne mbi 20 varre deshmoresh nga Rrafshi i Dukagjinit ne krye me Hajdar Jupen e Becit te Gjakoves .Aty ka edhe nokshiqas.
Ne Cakorr si shenje i kufirit eshte edhe kulla ne + Shejtan tepe+Ne Vaganice jane 12-13 varre nga ushtaret e Shaban Polluzhes qe kishte shkuar ne mbrojtje te Sanxhakut.
Te Kershi i Harushes gjendet + Kulla e mbretit + ne bjeshken e Arzhanices ne Mokna.Pastaj + Kulla e madhe = me 52 dhoma ( shtabi kryesor i ushtrise osmane e mbronte kufirin me Malin e Zi (e gjendet ne Pod te Moknave.
Si shenje kufiri eshte edhe guri ku u vra Sokol Cela i Cel Shabanit te fameshem ,i vrare me 1913.Aty afer jane edhe nja 60-70 gur varresh te batalionit te Prizrenit e rane ne lufte ne vitin 1919.
Te Bajram Kulla( ne Qafe te Javorkut (ra dhe u varros deshmori,Grosho Ibra me Ibish Sahitin -te Rugoves me nje tjeter nga Shqiperia londoneze dhe nje nga Kusuriqi i Kosoves ,Te gjithe te gjuajtur ne nje varreze te perbashket.
Nga Maja e prehte deri ne Qafe Bari ,kufirin e mbronte Zhuk Hazhia me vullnetaret e vet.
Prej Qaf Meterizit e deri ne Murgashe kufirin e mbronte Tahir Coli e Sali Rama.
Prej Murgashit e deri ne Smilevice kufirin e mbronte Rize Zymeri me Sak Fazline -bajraktarin ,qe u vra dhe u varros ne Smilevice,vet i treti.
Nga Qafa e Diellit kufiri del te Kershi i Ujkut dhe ne Qafe Vranice.
KY PRA,ESHTE KUFIRI I KOSOVES ME MALIN E ZI I MBROJTUR DHE I LARE ME GJAK,KU GJENDEN ME DHJETRA E DHJETRA VARRE TE DESHMOREVE TE CILET S-BENE TE MBETEN NEN MALIN E ZI ZGRESOT -tha malesori me zemrim…
Shitblerja e votës, varfëria dhe premtimet e pambajtura
Zgjedhjet lokale shqiptare të 21 Qershorit, fenomeni i shitblerjes,parada e premtimeve, fituesit dhe humbësit,shqiptarët dhe ndërkombëtarët, gjithcka në vështrimin e analistit Gavrosh LEVONJA/
Nga Gavrosh Levonja-New York/
“Këto zgjedhje ishin më të mira se zgjedhjet e kaluara…” ishte refreni i radhës i ndërkombëtarëve, të cilin shqiptarët e dëgjojnë prej rreth njëzet vitesh pas përfundimit të zgjedhjeve. Mjafton ky refren, shoqëruar dhe me një analizë të përciptë të zgjedhjeve të mëparshme, për të konkluduar se edhe zgjedhjet vendore të para pak kohëve nuk u kanë shpëtuar problemeve të zakonshme. Kësaj radhe, ndonëse elementët që kishin të bënin me cënimin e normalitetit të tyre si abuzimet nëpërmjet strukturave shtetërore, apo atyre zgjedhore, duke “futur duart” nëpër kuti apo manipuluar numërimin, ishin në një shkallë dukshëm më të ulët, rezultati u ndikua kryesisht nga “shitblerja” e votës dhe roli i “të fortëve” në aspektin ekonomik, numri i të cilëve sa vjen e shtohet nga një palë zgjedhje në ato pasardhëse. Janë pikërisht këta që kanë dhe mundësitë të blejnë votat, jo vetëm për të siguruar mandatet e tyre, por edhe duke “kontribuar” në përgjithësi për forcën politike që i kandidon. E keqja nuk qëndron tek biznesmenët e rregullt, aktiviteti i të cilëve është publik me asete tashmë të verifikuara, por tek ata mbi të cilët rëndojnë hije të forta dyshimesh lidhur me të kaluarën e tyre, mbi të gjitha, përsa i përket aktivitetit nëpërmjet të cilit kanë vënë pasurinë e tyre ose si kanë mundur të jenë aq “popullorë” në zonat e tyre sa të rezultojnë si faktor vendimtar për të ndikuar në prirjet e zgjedhësve për të votuar. Kandidatë të kësaj kategorie ishin dhe objekt i fushatës në kuadër të të ashtuquajturit “dekriminalizim” për të cilin po flitej gjithnjë e më dendur gjatë këtyre muajve të fundit. Duke u ndalur tek “dekriminalizimi” për herë të parë, në një fushatë elektoarle u pa dhe një angazhim direkt i përfaqsuesve diplomatikë të akredituar në Tiranë, ku natyrisht vlen të përmendet thirrja dramatike e ambasadorit amerikan i cili duke i u drejtuar elektoratit shqiptarqë të mos votonte të inkriminuarit, u shpreh hapur se “ata nuk do të merreshin më zgjidhjen e problemeve të popullit, por do ta shfrytëzonin pushtetin për “Benzat” e tyre”. Sipas një logjike fare të thjeshtë, shitblerja e votave është e lidhur ngushtë me elementë të ardhur nga “malavita” ose më e pakta nga individë që kanë arritur objektivat e tyre duke përdorur forma, mjete të pandershme e ilegale dhe marrjen e një mandati nga zgjedhësit e shikojnë si një koracë që do t’i mbronte nga cdo e papritur. Gjithashtu, nuk ka si të mos të lindë pyetja që pse duhet të hyjë në politikë dikush që nuk e ka haberin nga politika, dikush që nuk ka as më të voglin kontribut në këtë fushë, përjashto lidhjen nëpërmjet ndonjë afere korrupsioni, ai që nuk njihet për ndonjë aftësi në aspektin administrues etj. Përgjithsisht një person që duke mos pasur asnjë cilësi apo arsye bindëse me të cilën të justifikojë hyrjen e tij në parlament apo për të qenë në krye të ndonjë njësie vendore. Prandaj, një embargo ndaj individëve me të kaluar të dyshimtë duke u mbyllur me mjete ligjore dyert e garave elektorale do të minimizonte disi dhe shitblerjen e votave. Kjo, natyrisht nuk mund të realizohet me avazin e akuzave shpesh të pafaktuara të krahut politik kundërshtar, as nëpërmjet “zbulimeve” të mediave, por vetëm nëpërmjet institucioneve përkatëse që merren me kontrollin e pasurive si dhe prokuroria. Konkretisht, në zgjedhjet e fundit, pavarësisht nga kërkesat për t’i penalizuar, me përjashtim të një rasti, ku PD hoqi nga lista dikë, kandidatët e përfolur për të kaluarën e tyre të dyshimtë, jo vetëm nuk u hoqën nga listat, por disa prej tyre edhe u votuan nga elektorati. Tani, përsa i përket atyre kandidatëve dhe forcave politike, të cilat justifikojnë humbjen e tyre me “shitblerje vote” apo nëpërmjet angazhimit të “të fortëve” nga ana e forcave fituese, nuk kanë asnjë të drejtë të akuzojnë elektoratin pse shet votën. Pjesa dërmuese e votuesve shqiptarë duke qenë se jetojnë në një varfëri ekstreme, janë të gatshëm të pranojnë cdo lloj lëmoshe pavarësisht në c’mënyrë dhe nga cili u jepet duke mos pasur nge të mendojnë gjatë përpos faktit që me paratë e votës do të mbyllin një apo disa vrima të vogla të buxhetit familjar. Në kushtet e mësipërme, kushdo që të ishte, do të preferonte “një dorë para” një herë në dy vjet në shkëmbim të votës se sa një të ardhme të begatë, por tejet të dyshimtë përsa i përket shndërrimit në realitet. Në këtë aspekt, mund të thuhet se shitblerja e votës është në radhë të parë rrjedhojë e paaftësisë së politikës shqiptare për të bërë një shtet në shërbim të qytetarit, një shtet me ekonomi normale, ku të zbatohen rregullat e lojës dhe ku të gjithë të jenë të barabartë para ligjit. Kështu, një votues, i cili, për një kohë të gjatë ka problem mbijetesën, ku të drejtat e tij shkelen sa nga “të fortët” sa nga institucionet shtetërore tashmë “të kapura”, duke mos parë asnjë lloj ndryshimi pozitiv, nga alternimet në pushtet, ka plotësisht të drejtë të mendojë sipas parimit “më mirë një sorrë sot se një pulë mot”. Se është më mirë ta shesë votën se sa ta hedhë në ndonjë kuti votimi, në favor të ndonjë partie, përfaqësuesit e së cilës nuk do ta shohin më me sy deri në zgjedhjet e ardhshme. I stërmësuar me premtimet e pambajtura gjatë njëzet e pesë viteve duke mbetur vetë gjithmonë “trokë”, shtoji kësaj dhe dyshimet se me votën e tij mund të bëjnë c’të duan, duke filluar nga numërimi, llogaritja e saj në favor të kundërshtarit apo cilësimi si “e pavlefshme”, shqiptari i thjeshtë nuk sheh alternativë më të mirë se shitja e votës. Prandaj, partitë dhe përfaqësuesit e tyre, para se të ankohën duke akuzuar kundërshtarin për “blerje” të votave duhet të hedhin një herë shikimin prapa; sa kanë realizuar nga premtimet e tyre gjatë fushatave elektorale kur kanë qenë në pushtet. Në rast se bëjnë një gjë të tillë, ma do mendja se pakkush nga radhët e politikës shqiptare do të ketë “sy e faqe”, e të drejtë morale të shkojë t’u kërkojë vota në të ardhmen atyre të cilët i ka mashtruar duke shkelur kontratën e bërë nëpërmjet premtimeve elektorale.
Merkel pritet në selinë e Kryeministrisë nga Edi Rama
Ne Foto:Tirana me 8 Korrik 2015 me rastin e vizites te Kancelares Gjermane Merkel-Foto nga Shefqet Kercelli/
Kancelarja Angela Merkel ka treguar përpikmërinë gjermane dhe në orën 13:50 minuta autokolona që e shoqëronte u nis nga Aeroporti i Rinasit drejt selisë së Kryeministrisë, aty ku u prit nga kryeministri Edi Rama.
Pas luajtjes së dy himneve, në pjesën e përparme të godinës së Kryeministrisë, Merkel dhe Rama ecën në drejtim të Hollit Kryeministror, për të nisur takimin kokë më kokë, që do të zgjasë rreth 15 minuta. Më pas, për 45 minuta do të mbahet takimi mes dy delagacioneve, që do t’ia lërë radhën konferencës së përbashkët për shtyp Rama-Merkel.
Në 16:15 parashikohet takimi i Merkel me Presidentin Bujar Nishani për t’iu drejtuar më pas Konferencës Ekonomike në “Tirana Business Park”, ku Merkel do të ketë një fjalë përshëndetëse, që shënon edhe fundin e vizitës.
Vizita e kancelares Merkel do të zhvillohet nën masa të forta sigurie. Policia e Shtetit ka njoftuar planin e masave, ku përfshihen ndalimi i qarkullimit të mjeteve nga ora 10:30-14:30 në aksin rrugor nga Rinasi në drejtim të Kasharit. Nga ora 13:30-14:30 segmenti rrugor nga Superstrada Vorë–Tiranë, duke filluar nga mbikalimi i Kasharit- mbikalimi i Kamzës dhe rrugët dytësore do të jenë të bllokuara.
Në vazhdim, tek segmenti rrugor nga mbikalimi Kamëz–Sheshi “Shqiponja”-Rruga e “Durrësit”, segmenti rrugor Sheshi “Skëndërbej”–Bulevardi “Dëshmorët e Kombit”- Sheshi “Nënë Tereza”, rrugët lidhëse me to, nuk do të lejohet parkimi i mjeteve dhe do të bllokohet në momente të caktuara.
/ Top Channel
Nuk na e “ mbushë “ mendjen, Oliver Schmitti!
Nga Fahri XHARRA/*
….folna shqip në dheun tonë hirësi, nëse keni perëndi
nese keni fe e zot/
jemi vec nga tjetërkush, rrimë në mal edhe në fushë/
jemi vetëm në këtë botë/
në këtë botë të mallkuar, në urrejtje dashuruar/
aq përcarë e bashkë gjithmonë/
flisni shqip hoxhë e uratë, ju urojmë jetë të gjatë/
flisni shqip sa s’ është vonë…( Fatmir Gjata )
/
“Historianët turq dhe disa historianë shqiptarë pranojnë tezën që shqiptarët janë pasardhës të Pellazgëve dhe se kanë ardhur nga Kaukazi ose nga Azia.” -( Këto teori serbe gjithashtu ),kurse Hasan Kaleshi thotë se teza që Ilirët kanë qenë të parët e shqiptarëve duhet parë me rezerva dhe këtë e argumenton me atë që shqiptarët nuk kanë pasur një traditë shteti dhe një trashëgimi kulturore të mirëfilltë; në lidhje me historinë e Ilirisë nuk ka legjenda dhe epope e epika popullore; nuk është gjetur një mbishkrim i vetëm i shkruar në gjuhën ilire dhe nuk kemi një organizim të kishës ilire. (Hasan Kaleshi, “Türkler’in Balkanlar’a Girişi ve İslâmlaştırılma Arnavud halkının etnik ve milli varlığının korunmasının sebepleri”, Tarih Enstitüsü Dergisi, sayı:X-XI, sene:1979-1980, Edebiyat Fakültesi Matbaası, İstanbul, 1981, s.179.)
“Sot shqiptari ka mbetur edhe pa traditë edhe pa shtet, i është humbur orientimi, ka mbetur pa bërthamën e tij, masa shqiptare akoma është e hutuar dhe individi mundohet me rregulla at-hok të krijuara aty për aty, që t’i bëj fre egersisë së vet. Nga mungesa e trashëgimisë shpirtnore, dikush pranon një paketë sjelljesh nga ISIS, dikush përfundon në amoralitet të skajshëm, dikush mbështetet te narkotikët, dikush ja arrijnë ta zbus sado pak veten, e dikush shumë lehtë kalon në ekstremin e djeshëm. Zgjidhja për të dal nga kjo katrahur është forcimi i shtetit që t’i përafrohet besueshmerisë që ka patur shqiptari për traditën e tij, për kanunin e tij. Forcimi i shtetit nuk mund të arrihet pa instaluar vetëdijen kombëtare në arsim. Në anën tjetër, tendenca për ta përdor përsëri kanunin (edhe pse në menyrë të shkaravitur si pasoj e ndërprerjes së traditës), është tregues i dobesisë së shtetit, dhe jo faj i kanunit, prandaj elemente të caktuara të traditës duhet të rimodelohen dhe të përshtaten me arritjet e shekullit ku jetojmë, dhe te vendosen në praktikë, apo të futen në sistemin tone edikativo-arsimor, që të shërbejnë si përkahës të vet shtetit. Se aty ku nuk mund të qendroj polici mbi kry, të qëndroj morali dhe tradita. Nuk duhet të kopjojmë një model kryekëput të huaj, sepse ne kemi specifikat dhe rethanat unike, ashtu siç i ka cdo komb tjetër, prandaj zgjidhja duhet të buroj nga vet ne. ( Besir Bajrami )
Nuk jam përqendruar me këtë shkrim në tendencën që kanë armiqët tanë për ta shrytëzuar këtë huti shqiptare dhe me infiltrimin e tyre, kjo huti të na shfaqet pikerisht ku dhe kur duan ata, megjithatë, ne duhet të shohim brenda vetes që të zgjidhim devijimet tona, në mënyrë që të mos u japim material për manipulim edhe armiqëve , si ato te shmitëve dhe të tjerëve
Vijon nga dje : “Këto e shumë tjera i shmang Schmitt-i me selektivitetin e tij ne ‚librin‘ kundër Skënderbeut, duke provuar ta reduktojë Ate në ‚hakmarres e mizor‘ e „vrasësin më të madh të shqiptarëve“ ne një kohe kur tëgjitha viset e trojet shqiptare ne Evropen Juglindore e gjithë shqiptarët e asaj kohe ndjekeshin, vriteshin e pjekeshin nga Perandoria Osmane dhe vazalet e saj, derisa i masakruan, ose perndjeken ne Italine Jugore, ne feudet e Kastriotit.
Pak dhe aspak shkencore kjo, për më shumë e më keq, me shumë elemente te një ‚shkence selektive‘ dhe brum për agjenda percarese (nderfetare), spin ky tash që sillet ne kokat e ‚imameve‘ si mullaosmaneve, irfansaliheve, mazllammazllameve, shefqetkrasniqve, apo naimternavave, apo të politikaneve si gezimkelmendet e feridaganet, e deri tek publikues te tjere si lubonjet, (kloset), putot, ceket etj.
Vendimi i ASHAK-ut për pranim te Schmitt-it si anëtar të saj ishte shpallur dy vite më pare, kështu vonesa e ardhjes së tij ne Prishtinë per ceremoninë e pranimit nuk ka të beje me shqyrtimin e punimeve te tij, por me kohën e mungur të ketij për te pranuar një nderim të tillë, prandaj deklarimet e tij me kete rast, si me të ‚buta‘ nuk kane te bejne me ndryshim, apo afrim te qendrimeve me ASHAK-un, por me shperfaqje të kontradiktave në shkrimet dhe deklarimet e tij, si psh nga qendrimet e tij se ‚nuk ka fakte te mjaftueshme qe shqiptaret kane prejardhje nga ilirët“ (kuptohet se nuk ka ne shkencen e tij selektive) ne deklaraten e tashme ne Prishtine se ‚shqiptaret nuk ishin cliruar nga Perandoria Osmane, pasiqe ata nuk ishin te pushtuar‘, duke iu pervjedhur keshtu pranimi e fakti se ne Kohen e Skenderbeut dhe para ardhjes se Osmaneve ne Gadishullin Ilirik kishte shqiptare, Zot të vehtes, dhe atë pra të besimit orthodoks dhe katolik, dhe si i tille duke demantuar vet shkrimet e tij për Familjen Kastrioti në tendencën per ti nxjerr si sllav e serbë, gjoja per shkak te nenës “serbe “ Vojsaves, kur dihet se në kohen e feudalizmit paternalizmi ishte ne kulmin e tij dhe percaktimi i familjes sipas babait, aq me shume kur ishte fjala per feudale e princer !
Pra në një kohë kur në Gadishullin Ilirik kishte shqiptarë Zot të vehtes, ishin paria e tyre që u bashkua te mbrojë po këta shqiptare nga sulmet dhe pushtimet e Perandorise Osmane dhe vazaleve te saj, ishte e perbashketa shqiptare, gjuhesore, kulturore, territoriale e politike qe i bashkoi në një luftë të perbashkët për mbrojtje te ketyre vlerave dhe te vlerave te Evropes ne një Udheheqje të zgjedhur politike dhe ushtarake ne krye me Gjergj Kastriotin Skenderbeun dhe me nje organizim ushtarak, ekonomik dhe diplomatik te perbashkët, atribute këto te një Mbreteria në bazë kombetare.
Të tjerat janë fabula te treguara me tekst te formuluar në formate shkencore të shquar me selektivitet dhe njëanshmeri. ASHAK-ut nuk i ka bërë mirë ky vendim dhe ky perafrim qe paralajmerohet.
“…Prandaj, jo rastësisht, tendenca e poligonit qitës, i cili në vazhdimësi rrjedhë nga ujërat e zeza që burojnë nga tokat sllave dhe agjenturat e tyre sekrete, të orkestruara nën psikozën e shkencës së urrejtjes, mundohen me mish e me shpirt për t`i zhvlerësuar dhe çmitizuar figurat më eminente të kombit shqiptar së bashku me identitetin tonë kombëtar, që nga Skënderbeu e deri tek Nëna Terezë e Kadareja dhe shumë personalitete tjera të shquara kombëtare me reputacion ndërkombëtar, të cilët dhanë një kontribut të jashtëzakonshëm në mozaikun e përgjakur të popullit shqiptarë për të arritur deri tek e sotmja dhe për të qenë vetvetja…! (Remzi Limani )”
Fahri Xharra ,08.07.15
Gjakovë
-Pjesa 3
Kosova në një fazë tejet të rëndësishme të integrimit evropian
Kryeministri i Republikës së Kosovës, Isa Mustafa, mori pjesë në takimin e pestë plenar të Dialogut për Procesin e Stabilizim Asociimit/
Nga Behlul Jashari/ PRISHTINË, 8 Korrik 2015- Kosova ka hyrë në një fazë tejet të rëndësishme të procesit të integrimit evropian, theksoi sot kryeministri kosovar Isa Mustafa.
“Tashmë kemi hapur kapitullin e marrëdhënieve zyrtare mes Kosovës dhe Bashkimit Evropian, përmes Marrëveshjes për Stabilizim Asociim. Miratimi nga ana e Këshillit të Bashkimit Evropian dhe Parlamentit Evropian, dhe më pastaj nënshkrimi si dhe hyrja në fuqi e saj në fillim të vitit 2016, do shënojë marrëdhënien e parë kontraktuale ndërmjet Bashkimit Evropian dhe Kosovës”, u shpreh kreu i qeverisë.
Kryeministri Mustafa tha se Marrëveshja për Stabilizim Asociim do të shërbejë si themel i procesit integrues të Kosovës dhe mundësi për zhvillim ekonomik.
“Miratimi i propozimit të Marrëveshjes për Stabilizim Asociim nga ana Komisionit Evropian, është një arritje shumë e rëndësishme për Kosovën, që tregon përkushtimin e institucioneve të Republikës së Kosovës në zbatimin e reformave në kuadër të axhendës evropiane, dhe tregon perspektivën evropiane të Kosovës”, theksoi ai.
Kreu i qeverisë, vlerësoi përkushtimin e madh të të gjitha institucioneve të Kosovës për zbatimin e kritereve nga udhërrëfyesi për liberalizim të vizave, si dhe zbatimin e rekomandimeve të misioneve vlerësuese të Komisionit Evropian, duke shprehur besimin që vlerësimet e fundit të jenë pozitive dhe që Kosova më në fund të marr rekomandimin për liberalizimin e vizave.
“Sa i përket procesit të liberalizimit të vizave jemi dëshmitarë të një përkushtimi të madh të të gjitha institucioneve të Republikës së Kosovës për zbatimin e kritereve nga udhërrëfyesi për liberalizim të vizave, si dhe zbatimi i rekomandimeve të misioneve vlerësuese të Komisionit Evropian”, tha Mustafa.
Kryeministri i Republikës së Kosovës, Isa Mustafa, mori pjesë sot në Prishtinë në takimin e pestë plenar të Dialogut për Procesin e Stabilizim Asociimit, ku ishin të pranishëm edhe drejtori për Ballkanin Perëndimor në Komisionin Evropian, Jean Eric Paquet, ministra, deputetë dhe përfaqësues të tjerë të institucioneve vendore e evropiane.
“Në procesin e integrimit evropian, nga Kosova sikurse edhe vendet tjera të Ballkanit kërkohet të adresojnë reforma konkrete, të cilat përmblidhen në tre shtylla: Reforma e Administratës Publike, Qeverisja Ekonomike dhe Konkurrueshmëria, si dhe Sundimi i Ligjit dhe të drejtat themelore. Këto shtylla janë të ndërlidhura me njëra tjetrën dhe janë vendimtare në mënyrë që vendi ynë të justifikojë gatishmërinë për anëtarësim në Bashkimin Evropian”, theksoi Mustafa.
Ai falënderoi Komisionin Evropian dhe të gjitha vendet anëtare të BE-së për mbështetjen e vazhdueshme që i kanë ofruar Kosovës në kuadër të procesit të integrimit në përgjithësi. “Dhe poashtu të nënvizoj që qeveria e Republikës së Kosovës mbetet e përkushtuar që të zbatojë obligimet e saj karshi kërkesave të axhendës evropiane, në mënyrë që qytetarët e Kosovës të gëzojnë vlerat e shumta të familjes së bashkuar Evropiane, dhe poashtu të kontribuojnë edhe në pasurimin e këtyre vlerave”, përfundoi kryeministri Mustafa.