Perkujtohet Fan Noli ne Kishen Katolike “ Zoja e Shkodres” ne New York/
Diten e diele me 8 mars 2015, i Perndershmi At Pjeter Popaj perkujtoi Peshkopin Fan Stilian Noli gjate mesheve te dites, me rastin e 50 vjetorit te kalimit te Tij ne jeten e pasosur, qe bie me 13 mars.
Dom Pjetri i foli gjate publikut mbi kete figure te madhe poliedrike te kombit shqiptar, duke theksuar trashigimine e madhe qe la ne fusha te ndryshme, jo vetem si bari shpirteror ku la gjurme me rendesi historike, duke themeluar Kishen e Pare Ortodokse Shqiptare ne Amerike dhe duke u sherbyer besimatrevet shqiptare ne gjuhen shqipe, perketheu liturgjine nga greqishtja dhe luajti rolin kryesor ne themelimin e Autoqefalise se Kishes Ortodokse Shqiptare. Gjithssdhtu Ai la vepra do dores se pare edhe si krijues i artit te letersise, poezise, muzikes, histories dhe zhurnalistikes, si perkethyes kryeveprash boterore dhe si intelektual i larte me parime te demokracise amerikane, parime te cilat u perpoq t’i sjelli edhe ne jetn politike ne atdhe.
(Kerespondenti i “Diellit”)
NDERROI JETE NE CALIFORNIA Prof. ELEZ NDREU
Veprimtari i njohur Shqiptaro-Amerikan, Profesor Elez Mersin Ndreu, i nipi i heroit Elez Isuf, nderroi jete me 8 Mars 2015 ne Monterey- California. I ndjeri pat lindur me 4 shkurt 1929 ne Slove te Peshopise. Nga Italia emigroi ne ShBA.
Prof. Elez Ndreu Studioi ” Indiana university”. Ai dha mesim ne DLI (Difence Language Institute- Monterey Ca!
Ai ishte nje nder bashkepunetoret e rregullt te revistes “Koha e Jone” dhe revistes SHEJZAT. Shkroi nen emrin letrar Omer Mali.
Federata VATRA ngushellon familjen Ndreu, vatranin e perkushtuar zotin Jonuz Ndreu, anetarin e Keshillit te Vatres z. Cezar Ndreu dhe te gjithe fisin Ndreu per humbjen e njeriut te tyre te dashur.
Shpirti ne Paqe!
KOMUNITET- Grupi i qëllimit të mirë i sqaroi moskuptimet
Përfundimet nga mbledhja e Kryesisë së Fondacionit Plavë – Guci dhe Grupit aktiv nga komuniteti/
Më 7 mars 2015 , Kryesia e Fondacionit Plavë- Guci (FPG) mbajti një mbledhje të zgjeruar me 13 anëtarë aktiv të komunitetit. Mbledhja u organizua si rrjedhojë e fërkimeve ndërmjet anëtarëve të Kryesisë dhe organeve udhëheqëse të saj. Sidomos publikimi i disa shkrimeve në rrjetin social FB ndikoi negativisht në rrjedhën e punës normale dhe në imazhin e Fondacionit.
Kryesia e FPG me disa anëtarë të komunitetit u shqetësuan për këtë çështje dhe e panë të arsyeshme që kjo situatë nuk i shërben interesit të përgjithshëm dhe po qe se nuk ndërmerren masa konkrete, gjerat mund të marrin drejtim të padëshiruar.
Anëtarët aktivë të komunitetit të FPG u quajtën njëzëri Grupi i qëllimit të mirë. Ky Grup i dëgjoi të përfolurit dhe pas një analize të gjendjes aktuale dhe shqyrtimit të situatës mori vendim pa prezencën e anëtarëve të Kryesisë së FPG:
1. Shuma e parave të përfolura nga FPG për Projektin ideor me tematikë shumë të ndjeshme mbi masakrën e Previsë, komuna e Plavës dhe Gucisë , është aprovuar në koncept si premtim, nga Kryesia e FPG.
Në mungesë të informimit të drejtë dhe kuptimit të fazave të procesit nga projekti ideor, në të shkruar e gjerë në ekzekutim e tij është bërë gabim procedural dhe është lëshuar çeku i premtuar. Ne të gjithë njëzëri u pajtuam dhe morëm vendim se këtu nuk ka keqpërdorim të parave, nuk ka fajtor as akuzues individual, por fajin e ka e gjithë Kryesia e FPG dhe të gjithë mbajnë përgjegjësi të njëjtë.
U vendos që çeku i lëshuar të kërkohet mbrapa, sepse nuk është dërguar Projekti dhe nuk është arsyetuar me shkrim. Nëse nuk kthehet çeku, atëherë Kryesia e FPG duhet t’i përcjellë zhvillimet e këtij Projekti praktikisht dhe sa do i shërbej realitetit të një historie të anatemuar deri me sot. Po që se konstatohet se Projekti në fjalë nuk i shërben të vërtetës për zbardhjen e gjenocidit malazez mbi popullsinë, atëherë shumicë shqiptare dhe boshnjake, i mbetet Kryesisë së re të distancohet publikisht nga Projekti i premtuar.
2. Shkrimet e publikuara në rrjetin social FB nga tre anëtarë të Kryesisë të fshihen menjëherë.
3. Anëtarët e përfolur të Kryesisë dhe të gjithë të pranishmit t’ia shtrijnë dorën njëri tjetri si shokë, vëllezër dhe veprimtarë të mirë.
4. Raporti i punës dy vjeçare të FPG të shkruhet, shqyrtohet dhe të aprovohet në Kryesi.
5. Menaxhimi zyrtar i rrjetit social FB dhe mediumeve tjera të bëhet nga grupi i zgjedhur prej tre vetash – Admin.
6. Vendimet nga kjo mbledhje u aprovuan njëzëri dhe u nënshkruan nga të gjithë anëtarët e Kryesisë së FPG dhe Grupit të qëllimit të mirë.
Ju dëshirojmë punë të mbarë!
Fondacioni Plavë Guci
P. O . Box 670923 Van Cott Station
Bronx NY 10467
914-439-5798
TOM DOSHI kallzon atentatorin Nr. 2, Berisha kundershtar politik
“Tjetër plan vrasje për mua, Petrit Çinari do më ekzekutonte”/
Shkruan: Tom Doshi/
Sic e keni ndjekur, une po vazhdoj me force, pavaresisht se i braktisur nga Partia ime dhe Qeveria, rrugen e veshtire te denoncimit dhe faktimit te nje akti terrorist per te vrare dy deputete nga Kryetari i Kuvendit te Shqiperise.
Dua te ndaj me ju disa fakte dhe shqetesime lidhur me kete proces, dhe dua te deklaroj disa vendime te miat.
E para, dua te hedh poshte me vendosmeri akuzat qe serviren kunder meje se gjoja jam ne bashkepunim me Sali Berishen dhe PD. Tom Doshi nuk ka bashkepunuar kurre me Sali Berishen ne te shkuaren, dhe nuk do te bashkepunoje ne te ardhmen me kete person. Jam kundershtar politik me Sali Berishen dhe keshtu do te mbetem.
E dyta, kam informacione qe hetimet qe po behen per akuzat e mia ndaj Metes jane te dekonspiruara. Nje shoqe e Monikes raporton çdo dite per ato qe ndodhin aty. Pavaresisht se une nuk i paragjykoj hetimet, konstatoj se ato po nxitohen me qellim, per tu mbyllur shpejt, pa arritur ti behet nje zberthim shkencor cdo fakti.
Do ti kerkoj qe neser me shkrim Prokurorit te Pergjithshem qe te kerkoj ekspertize nderkombetare per hetimet. Ne kushtet qe Prokurori i Pergjithshem dhe ai i Krimeve te Renda kane ngjallur dyshime per mua, se bashkepunonin me te akuzuarit, rezultatet jane te kompromentuara. Akuza qe une kam bere ndaj Ilir Metes eshte shume e rende. Ajo duhet gjykuar nga nje grup prokuroresh shqiptare dhe te huaj, ashtu sic u hetua dosja e Azem Hajdarit, me europian e amerikan, qe kane experience dhe neutralitet ndaj te hetuarve.
Idea qe ka dhene sot nje eurodeputet eshte e mirepritur prej meje dhe me jep shprese se nderkombetaret duan zbardhjen e ketyre akuzave. Qe shqiptaret te kene besim tek drejtesia, hetimi me nderkombetar eshte detyre e shtetit. Le te pergjigjet Ilir Meta nese eshte dakord qe te ftohen zyrtarisht prokurore te huaj te hetojne keto akuza. Le t’ja kerkoj dhe ai zyrtarisht kete gje Prokurorit te Pergjithshem.
E treta, kam degjuar sot se Fatjon Skenderi paska ardhur ne Tirane me garanci nga shteti se nuk do arrestohet, per te folur ne Prokurori. Cili shtet jep nje garanci te tille? Pse trajtohet ky person ndryshe nga Durim Bami? Mos ka ndikuar Ilir Meta qe drejtesia ti ofroj ketij garanci? Media ka fshehur qellimisht historine kriminale te Tonit. Nga informacionet qe me ka sjell sot nje deputet i maxhorances ne Kuvend, rezulton se Fatjon Skenderi eshte i denuar per trafik nderkombetar droge nga gjykata shqiptare.
Shkalla e pare dhe Apeli i kane dhene 13 vjet burg per te vuajtur 9 vjet, meqe e kishte pranuar akuzen. Gjykata e larte ja uli denimin ne 4 vjet. Ky person eshte denuar ne shkalle te pare dhe nga Gjykata Italiane me 17 vjet burg para pak kohesh, dhe ceshtja eshte akoma ne Apel. Prokuroria dhe Ministria e Drejtesise duhet te informojne dhe informohen nga autoritetet italiane per kete person te rrezikshem.
Ilir Meta ka mohuar njohjen me kete person, por mua ma ka pranuar njohjen dhe takimin tek lokali VIVA. Prokuroria per te provuar kete genjeshter duhet te verifikoj me kujdes tabulatet e Tonit ne kohen kur trafikonte droge ne Kosove dhe Itali. Sa here ka folur ky person me Monika Kryemadhin ne kete periudhe? Eshte detyrim para shqiptareve qe keto gjera te zbardhen njehere e pergjithmone. Toni i Metes dhe i Monikes ka bere dhe porosi te tjera per vrasje, te cilat fatkeqesisht jane finalizuar ne krim. Se shpejti ai duhet te sqaroi se kush ka qene porositesi i vrasjeve te tjera. Njerezit po e vrasin friken dhe kane filluar te tregojne me shume se sa dime deri tani.
E katerta, jam informuar nga nje i njohuri im, se ne Prokurorine e Krimeve te Renda dje eshte bere nje kallzim penal nga Petrit Çinari, nje ish oficer nga Skrapari. Ne kete kallzim eshte deklaruar se babai i Ilir Metes, rreth 1 vit e gjysem me pare, e ka thirrur Petritin ne Gjirin e Lalzit dhe i ka kerkuar atij me porosi te Ilir Metes, qe te vras Tom Doshin. Ky person paska punuar bashke me Rrexhep Meten ne ushtri dhe paska qene qites i shkelqyer. Pas rikthimit te tij nga Amerika, babai Ilirit e paska gjetur, ftuar ne Gjirin e Lalzit dhe bere oferten makabre, e cila duket se nuk eshte pranuar nga Petriti. Ky person, me guximin e lavderushem qytetar ka shkuar me vullnetin e tij te lire dhe ka denoncuar kete porosi te re vrasjeje. Kete informacion mund ta konfirmoje Prokuroria.
Ky person menjehere duhet mbrojtur si deshmitar i drejtesise.
Nga disa media, analiste apo politikej, jam i habitur qe vazhdojne flasin per personin tim negativisht, sikur une jam kriminel ..
Une nuk pasur dhe nuk kam asnje problem me drejtesine, prandaj i bej thirrje ketyre personave te ndalin keto sulme te padrejta ndaj meje ,pasi duhet te marre fund politika e shpifjeve ne vendin tone.
Une do te vazhdoj te bej publike, sipas rastit, te verteta qe une mendoj se nuk demtojne hetimin dhe se ndihmojne daljen e se vertetes.
Ju falenderoj per mijera mesazhe qe me keni derguar keto dite. Ju jam mirenjohes.
Ringjallja e një kufome politike
Nga Felix Steiner/
Presidenti i Komisionit Evropian Juncker, ka propozuar ngritjen e një ushtrie të përbashkët të BE-së. Me këtë ai me sa duket kërkon të impresionojë Moskën. Po kjo me siguri nuk do të arrihet, mendon Felix Steiner.
A ka Jean-Claude Juncker-i ndonjë libër historie të Evropës në zyrën e tij? Po ta ketë, do të bënte mirë të hapte atje kapitullin e Komunitetit të Mbrojtjes Evropiane. Është historia e një dështimi të trishtueshëm para më shumë se 60 vjetësh. Plani lindi – paralele interesante me sot – përballë një krize: në korrik 1950 Koreja e Veriut pati sulmuar me ndihmë kineze Korenë e Jugut, për ta bashkuar vendin nën sistemin komunist. Në Evropë ekzistonte frika se mund të ndodhnin gjëra të ngjashme dhe kështu lindi koncepti revolucionar, që forcat e armatosura të Francës, Italisë, Gjermanisë Perëndimore dhe të shteteve të Beneluksit të nxirreshin nga komanda e shteteve nacionale dhe të bashkoheshin nën një kryekomandë të përbashkët mbinacionale. Sipas parimit: vetëm së bashku jemi të fortë dhe i vetmuari nuk bëhet shumë i fortë – para së gjithash Gjermania, ndaj së cilës ekzistonte mosbesim i madh vetëm dhjetë vjet pas kohës së Hitlerit.
Heqja dorë nga sovraniteti është e vështirë për të mëdhenjtë
Megjithëse plani ishte në prag të realizimit vetëm katër vjet pas prezantimit, ai megjithatë dështoi. Dështoi në Parlamentin e më të fuqishmit shtet anëtar të asaj kohe – në Asamblenë Kombëtare franceze. Pse? Sepse ja që “Grande Nation” nuk donte të hiqte dorë në fund nga kaq shumë sovranitet. Veç kësaj, frika akute e luftës e verës 1950, në gusht 1954 ishte qetësuar.
Na lejohet në këtë kuadër të bëjmë pyetjen banale: çfarë duhet të jetë më ndryshe në Parisin e vitit 2015 nga Parisi i vitit 1954? Si për shembull planifikon ta vazhdojë Franca angazhimin e saj të gjerë në Afrikë, po të jetë BE ai që do të vendosë për të gjitha detajet? Fare! A do ta lejojë BE këtë angazhim? Me siguri jo! Propozimi i Junckerit dështon që në premisë, aty ku dështoi njëherë.
Kush do të vendosë për angazhimin e ushtarëve gjermanë?
Po nuk është vetëm Franca. Bundestagu Gjerman ka kompetencat më të gjera të miratimit nga të gjitha parlamentet në BE, përsa i përket angazhimit të Bundeswehrit. A e beson dikush seriozisht, që deputetët gjermanë do ta kalonin këtë të drejtë në një institucion të BE, pavarësisht nëse ai do të ishte Parlamenti apo Komisioni Evropian? Jo, propozimi i Junckerit nuk ka shans, edhe sepse argumentimi i tij është thjesht i gabuar. Politika e Evropës nuk të ngjall besim dhe me një ushtri të përbashkët do të mund t’i tregohej Rusisë se Evropa e ka seriozisht mbrojtjen e vlerave të BE, pohon Junckeri. Po çfarë do të ndryshonte me një ushtri të përbashkët? Një ushtri e përbashkët, angazhimi i së cilës përjashtohet kategorikisht që në fillim të një krize, nuk të frikëson më shumë se 28 ushtri nacionale, angazhimi i të cilave përjashtohet gjithashtu që në krye. Politika e Evropës nuk është e besueshme, para së gjithash, sepse politikanët e Evropës flasin shpesh me zëra të ndryshme dhe nuk shfaqen të bashkuar. Kur shumica p.sh. do ta izolojë Vladimir Putinin, por kur persona të veçantë e presin atë ose i bëjnë atij vizita!
Edhe problemi i potencës ushtarake të Evropës nuk ka të bëjë me organizimin kombëtar të ushtrive. Kur shtetet e BE sot ende nuk janë në gjendje të mbrojnë veten dhe janë të varura nga SHBA edhe më fort se në kohën e luftës së ftohtë, atëherë kjo thjesht ka të bëjë me faktin se askush nuk dëshiron të investojë paratë për këtë. Pikërisht këtu qendron edhe ajo që i tradhëton duartrokitjet, të cilat Junckeri i mori nga socialdemokratët e Gjermanisë: një ushtri e përbashkët krijon sinergji dhe mund të kursejë në këtë mënyrë shumë para. Sepse në këtë mënyrë mund të investosh edhe më pak para në siguri.
Shtetet e vogla kanë avancuar më shumë
BE mund të mësojë shumë nga shtetet e tij të vogla anëtare: shumica e tyre i ka specializuar trupat për lloje të caktuara armësh. Vetëm shtetet e mëdha, si Franca, Gjermania, Britania e Madhe, Spanja, Polonia dhe Italia vazhdojnë t’i mbajnë dyqanet e tyre me mallra të përzier, të cilat janë në gjendje të bëjnë nga të gjitha nga pak, por asgjë më si duhet. Organet përkatëse për ta avancuar edhe më tej një specializim të mëtejshëm të trupave në nivel të BE dhe të NATO-s ka kohë që ekzistojnë. Vetëm rezultatet e punës janë modeste deri tani. Tekat prej fuqie të madhe të fuqive atomike dhe të OKB-së pengojnë çdo përparim.
Një vërejtje e vogël e fundit për Jean-Claude Junckerin: që prej dhjetë vjetësh ekzistojnë Battlegroups të BE – një trupë e shpejtë ndërhyrjeje në Evropë dhe në zonat e krizës në Lindjen e Afërt dhe në Afrikë. Përgjegjësia kalon nga një komb tek tjetri, disa njësi madje janë të organizuara në mënyrë shembullore multinacionale. Vetëm: për t’u angazhuar nuk janë angazhuar kurrë Battlegroups në këto dhjetë vjet – gjithçka është çështje e vullnetit të përbashkët politik.(DW)