Ekonomi – Page 220 – Dielli

Kosova e përfundon në nëntor “autostradën” energjetike drejt Shqipërisë

September 13, 2015 by dgreca

-Në Kosovë është realizuar mbi 80% projekti i linjës 400 kV drejt Shqipërisë/ Nga Behlul Jashari*/ PRISHTINË, 13 Shtator 2015/ Në Kosovë, fundi i nëntorit 2015 do të shënojë përfundimin e projektit të “autostradës” energjetike drejt Shqipërisë, është bërë e ditur pas një vizite inspektuese punimeve, gjatë javës. Kështu, finalizimi i projektit pritet para afatit, ndërkohë që me qëllim të krijimit të kushteve të sigurisë në punë në kuadër të projektit për ndërtimin e linjës 400 kV Kosovë-Shqipëri, ditëve të fundit ka shkyqje në disa linja lokale në rajonin e Gjakovës, në perëndim të Kosovës afër kufirit me Shqipërinë.Dy ministra të qeverisë kosovare, Blerand Stavileci – i Zhvillimit Ekonomik dhe Ferid Agani – i Mjedisit dhe Planifikimit Hapësinor, së bashku me ambasadoren e Gjermanisë në Prishtinë, Angelika Viets, si dhe anëtaren e Bordit të Drejtorëve të Bankës Gjermane për Zhvillim (KfW), Ingrid Hengster, zhvilluan një vizitë inspektuese të punimeve që po zhvillohen në linjën 400 kV Kosovë-Shqipëri.

Kryeshefi ekzekutiv i Operatorit të Sistemit, Transmisionit dhe Tregut të energjisë elektrike të Kosovës-KOSTT, Naim Bejtullahu, ka njofuar se në pjesën kosovare interkoneksioni 400 kV Kosovë-Shqipëri deri më tani është zbatuar më shumë se 80% e projektit. Janë montuar 215 shtylla elektrike të tipit Y, janë shtruar mbi 50 km përçues elektrik, ndërsa procesi i shpronësimeve ka përfunduar për të tre segmentet.

Para fillimit të punimeve, në fazat e përgatitjeve, burimet në Prishtinë kanë njoftuar se projekti për ndërtimin e linjës interkonektive 400 kV Kosovë-Shqipëri konsiston në ndërtimin e një linje te tensionit të lartë me gjatësi rreth 238 km, prej së ciles 85.5 km në territorin e Kosovës dhe 153.5 km në territorin e Republikës së Shqipërisë.

Kosova dhe Shqipëria në vitin 2016 inaugurojnë “autostradën” energjetike, ka thënë kryeministri kosovar Isa Mustafa, i pyetur në konferencën e fundit për shtyp në muajin gusht, ku ka folur edhe për bashkëpunimet në fushën e energjetikës e të tjera.

“Rrjeti energjetik mendojmë se vitin e ardhshëm duhet të aktivizohet. Sivjet presim që të kryhen të gjitha punimet në pjesën tonë, edhe në pjesën e Shqipërisë kryhet vitin e ardhshëm dhe do e inaugurojmë”, ka theksuar kryeministri kosovar.

Kreu i qeverisë së Kosovës ka bërë të ditur se, është duke u punaur që të sigurohet edhe tregu i përbashkët i energjisë elektrike, që të bëhet këmbimi i saj.Në 21 dhjetor të vitit 2013, në praninë e ministrit të Energjetikës dhe Industrisë të Republikës së Shqipërisë, Damian Gjiknuri, ministrit të atëhershëm të Zhvillimit Ekonomik të Kosovës, Fadil Ismajli, dhe ambasadorit të Gjermanisë në Kosovë në atë kohë, Peter Blomeyer, në hapësirat e Lidhjes së Shqiptare në Prizren, në një ceremoni solemne, është nënshkruar kontrata për ndërtimin e linjës interkonektive 400 kV Kosovë-Shqipëri.

*Foto: Shtrirja e përçuesve elektrik në shtyllat nr 1 dhe 2 në linjën 400 kV në Kosovë drejt Shqipërisë

Kosova vend i zhvilluar, obligim dhe detyrë

September 5, 2015 by dgreca

-Presidentja e Republikës, Atifete Jahjaga në ceremoninë e festivalit të vjeljes së rrushit “Hardhfest” në Rahovec/
Nga Behlul Jashari/ RAHOVEC, 5 Shtator 2015/ Kosova vend i zhvilluar është obligim dhe detyrë jona, tha sot Presidentja e Republikës, Atifete Jahjaga në ceremoninë e festivalit të vjeljes së rrushit “Hardhfest” që u mbajt në Rahovec.
“Kjo është festa më e rëndësishme e stinës, që dëshmon një traditë të lashtë të popullit të Kosovës për të filluar mbledhjen e bereqetit të kësaj toke kaq të vlefshme të shtetit tone”, u shpreh ajo.
Presidentja Jahjaga vizitoi edhe fshatin Krushë e Madhe dhe Kooperativën Bujqësore Krusha, në kuadër të promovimit të produkteve vendore.
“Sot nuk është koha për të zgjedhur nëse duam ta bëjmë Kosovën vend të zhvilluar. Ky është obligim dhe detyrë jona! Prandaj zgjedhjet që mund të bëjmë sot janë zgjedhjet për investime në bujqësi, në një vend që jeton nga toka e tij, dhe në veçanti në vreshtari, në një vend që siguron jetesën nga ajo”, u shpreh Jahjaga.
Kosova, vijoi ajo, ka pasuri të mëdha natyrore dhe ajo mund të shndërrohet në një forcë rajonale në fushën e bujqësisë.
“Toka e Kosovës mund të shndërrohet në prodhuesen më të madhe në rajon të prodhimeve të ndryshme bujqësore dhe ne duhet ta garantojmë këtë për aq sa duhet të sigurojmë cilësinë e produkteve tona duke trasuar rrugën e pranisë së tyre jo vëtën në tregjet rajonale, por edhe në tregjet botërore”, tha Jahjaga.
Në këtë ceremoni tradicionale, të pranishëm ishin edhe ministri i Bujqësisë Pylltarisë dhe Zhvillimit Rural, Memli Krasniqi, kryetari i Komunës së Rahovecit, Idriz Vehapi, kryetari i Shoqatës së Vreshtarëve të Rahovecit, Afrim Sharku si dhe zyrtarë dhe përfaqësues të institucioneve të Kosovës.
“Vjelja e rrushit nuk është vetëm një festë e zakonshme dhe as edhe vetëm një shënim i një tradite të kësaj ane, por fillim i një viti të mbarë për familjet tuaja dhe përgjithësisht për shtetin tonë dhe shoqërinë tone”, u shpreh Presidentja e Kosovës sot në Rahovec.

Kosova drejt themelimiit të KOSTT …

August 19, 2015 by dgreca

…si zonë/bllok kontrollues i pavarur në kuadër të Zonës Sinkrone të Evropës Kontinentale/
Nga Behlul Jashari/ PRISHTINË, 19 Gusht 2015/ Fillon procesi përgatitor për themelimin e KOSTT si zonë/bllok kontrollues i pavarur në kuadër të Zonës Sinkrone të Evropës Kontinentale. Me nënshkrimin e Marrëveshjes për Energji në mes të Kryeministrit të Kosovës dhe atij të Serbisë nën ndërmjetësimin e Komisionit Evropian në shtator 2013, e cila rezultoi edhe me nënshkrimin e Marrëveshjes për Operim (inter-TSO Agreement) në mes të Operatorit të Sistemit të Transmisionit dhe tregut të energjisë elektrike të Kosovës (KOSTT) dhe Operatorit të Sistemit të Transmisionit të Serbisë (EMS) në shtator të vitit 2014, u krijuan kushtet për fillimin e procesit të anëtarësimit të KOSTT në mekanizmat ndërkombëtar relevant siç është ENTSO-E (European Network Transmission System Operators-Electricity).
Pas aktiviteteve intenzive ndërmjet grupeve punuese të expertëve të KOSTT dhe të organizatës së Operatorëve Evropian të Sistemit të Transmisionit të energjisë elektrike (ENTSO-E), tashmë KOSTT është në proces të themelimit dhe operimit si zonë/bllok kontrollues i pavarur në kuadër të Zonës Sinkrone të Evropës Kontinentale. Operimi i pavarur i KOSTT si zonë/bllok rregullues pritet të jetësohet me nënshkrimin e Marrëveshjes për Kyçje, i cili është edhe hapi i parë drejt anëtarësimit në ENTSO-E.
Përkundër vështirësive që bëhen nga Operatori i Transmisionit të Serbisë (EMS) në proces, KOSTT dhe grupi punues i ENTSO-E janë duke punuar në procesin e vlerësimit të përmbushjes së standardeve teknike të operimit nga ana e KOSTT-it për operim si zonë/bllok i pavarur kontrollues.
Vlerësimi i përmbushjes së standardeve do t’i nënshtrohet një monitorimi gjatë muajve gusht dhe shtator dhe si kërkesë do të kenë regjime operimi që i nënshtrohen kritereve më të larta.
Gjatë këtyre regjimeve të operimit mund të paraqiten eventualisht edhe kufizime të furnizimit që mund të instruktohen nga KOSTT dhe për këtë paraprakisht kërkohet mirëkuptimi i konsumatorëve.
Njoftohet se tërë procesi është i koordinuar nga Ministria kosovare e Zhvillimit Ekonomik dhe akterët implementues përveç KOSTT janë edhe ZRRE,KEK dhe KEDS.
Në anën tjetër, KOSTT në koordinim me të gjitha palët relevante në sektorin e energjisë elektrike në Kosovë, janë duke punuar në vazhdimësi për operimin dhe balancimin e Sistemit Elektroenergjetik sipas kërkesave dhe standardeve të ENTSO-E. Njohja e KOSTT si zonë rregulluese e pavarur do të sjellë benefite si dhe obligime për të gjitha palët e sektorit të energjisë elektrike në vend.
Me finalizimin e këtij procesi, KOSTT do të mund të ushtroj mandatin e plotë si Operator i Sistemit të Transmisionit dhe Tregut të energjisë elektrike të Republikës së Kosovës. Me këtë, KOSTT do të bëjë alokimin e kapaciteteve interkonektive (linjat ndërshtetërore), do të realizojë të hyrat nga transiti i energjisë elektrike nëpër rrjetin transmetues të Kosovës dhe do të kompensohet për humbjet në rrjetin horizontal të transmetimit të energjisë elektrike. Këto çështje të cilat kanë qenë të hapura tashmë disa vite, përfundimisht do të rezultojnë me përfitim edhe për konsumatorët e energjisë elektrike të Kosovës përmes tarifave të energjisë elektrike.
KOSTT do të vazhdojë operimin dhe balancimin e Sistemit të Transmisionit në përputhje të plotë me rregullat e përcaktuara nga ENTSO-E dhe me këtë rast edhe një herë fton të gjitha palët që të vazhdojnë bashkëpunimin në këtë drejtim.
Kjo u bë e ditur në komunikatën nga takimi që Zëvendësministrja e Zhvillimit Ekonomik Besa Zogaj-Gashi ka zhvilluar me drejtues të sektorit të energjisë në Kosovë, KOSTT, KEK, KEDS dhe ZRRE lidhur me përgatitjet për themelimin e KOSTT si zonë/bllok kontrollues i pavarur në kuadër të
ENTSO-E.
ENTSO-E është organizata e Operatorëve Evropian të Sistemit të Transmisionit të energjisë elektrike e cila përfaqëson 41 operatorë të sistemit të transmisionit (OST/TSO) nga 34 shtete të Evropës. ENTSO-E është themeluar dhe i është dhënë mandat ligjor nga Pako e 3-të Legjislative e Bashkimit Evropian për Tregun e Brendshëm të Energjisë, në vitin 2009, e cila ka për synim liberalizimin e mëtutjeshëm të tregjeve të energjisë elektrike dhe të gasit në Bashkimin Evropian.
ENTSO-E promovon bashkëpunimin më të afërt në mes të OST-ve të Evropës në mbështetje të implementimit të politikës së BE-së për energji.

Rusia, embargo politike për produktet shqiptare

August 14, 2015 by dgreca

Sipas Ministrit Panariti, Embargoja ruse ndaj produkteve shqiptare ka karakter politik. Gjithesesi eksporti i produkteve shqiptare per kete vit ka shenuar nje bum te vertete. Shqiperia synon shtim te eksporteve me SHBA che Ukrainen, ne kete te fundit ministri Panariti do te realizoje se shpejti nje vizite pune per nenshkrimin e marreveshjeve tregtare.
….Rusia ka konfirmuar këtë të enjte zgjerimin e listës së vendeve të sanksionuara prej saj për shkak të qëndrimit pro-perëndimor të tyre në lidhje me çështjen e Ukrainës.
Ka qenë vetë kryeministri Dmitry Medvedev që ka deklaruar se, embargoja ndaj importit të ushqimeve do të aplikohet tashmë edhe ndaj Shqipërisë, Malit të Zi, Islandës dhe Lihtenshtejnit.
“Përfshirja e këtyre vendeve në listën e sanksioneve është një lëvizje e vetëdijshme, që do të thotë një kundërmasë nga ana jonë ndaj atyre që na kanë vendosur sanksione”, ka thënë Medvedev në mbledhjen e kabinetit qeveritar.
Ai ka shtuar se edhe Ukraina mund të përfshihet në listën në fjalë në vitin 2016 nëse marrëveshja ekonomike mes Kievit dhe Bashkimit Evropian hyn në fuqi. Embargoja e paralajmëruar më herët gjatë muajit përfshin produktet e mishit, peshkut, djathit, frutat dhe perimet. Ajo vjen pasi BE dhe Shtetet e Bashkuara vendosën së fundmi sanksione të reja ndaj Rusisë për shkak të aneksimit të Krimesë dhe aksioneve ushtarake në lindje të Ukrainës. Gjatë mbledhjes së kabinetit të tij, Medvedev ka shtuar se anti-sanksionet i kanë dhënë një nxitje të fortë agrikulturës vendase dhe nuk kanë shkaktuar shkurtime të rezervave ushqimore.

Isa Mustafa: Kosova & Shqipëria në 2016 inaugurojnë autostradën energjetike

August 13, 2015 by dgreca

– Kryeministri i Kosovës në konferencë shtypi prezanton arritjet e qeverisë në zhvillimin ekonomik/
PRISHTINË, 13 Gusht /Nga Behlul Jashari/- Kosova dhe Shqipëria në vitin 2016 inaugurojnë autostradën energjetike, hekurudha që do i lidhë është projekt i të ardhmes, tha sot kryeministri kosovar, Isa Mustafa, në një konferencë shtypi në Prishtinë, i pyetur nga ATSH, ku ka folur edhe për bashkëpunimet në fushën e energjetikës e të tjera.
“Rrjeti energjetik mendojmë se vitin e ardhshëm duhet të aktivizohet. Sivjet presim që të kryhen të gjitha punimet në pjesën tonë, edhe në pjesën e Shqipërisë kryhet vitin e ardhshëm dhe do e inaugurojmë”, tha kryeministri kosovar Mustafa.
Kreu i qeverisë së Kosovës gjatë konferencës për shtyp tha se, është duke u punuar që të sigurohet edhe tregu i përbashkët i energjisë elektrike, që të bëhet këmbimi i saj.
Isa-Mustafa-konference-shtypi-13gusht2015-foto-ATSH-Behlul-Jashari-2“Jemi shumë afër me Shqipërinë që të zhvillojnë një lloj tregu të përbashkët, për arsye të kapaciteteve të transmisionit, të cilat po i ndërtojmë, sidomos të linjës interkonektive 400 kV, ku punimet gati përfundojnë këtë vit, ndërsa presim që në vitin 2016 të përfundojë tërësisht dhe të aktivizohet kjo linjë dhe të krijohen kushte të veçanta që Kosova e Shqipëria të kenë këmbim të energjisë elektrike në sezone të ndryshme kur mund të ketë mungesë ose mund të ketë tepricë të energjisë elektrike”.
“Krahas kësaj, ne do të shohim qe të bashkëpunojmë me Shqipërinë edhe në aspektin e gjenerimit të energjisë elektrike dhe do të zhvillojmë biseda në të ardhmen edhe për këtë”, theksoi Mustafa.
“Po punojmë po ashtu edhe në planin e zhvillimit të energjisë së ripërteritshme në Kosovë, orientimet tona janë që deri në vitin 2020 të arrijmë 25 për qind të energjisë nga burimet e ripërteritshme dhe të përplotësojmë kriteret e Bashkimit Evropian. Këtu llogarisim edhe hidrocentralin e Zhurit, e po ashtu do të shohim edhe mundësinë e kombinimit me Shqipërinë”, tha kreu i qeverisë kosovare.