MIRSEDA DACI

Unë kam një ëndërr…dhe ajo është që ta shoh Shqipërinë të lirë. Të lirë nga vargonjtë e shoqërisë paragjykuese, korrupsionit, luftës për pushtet, protestave të njëpasnjëshme…Disa prej jush mund të më shohin me habi, të tjerë mund të komentojnë e të thonë se Shqipëria e lirë është, por unë dua të jap argumentin tim. Më thoni pak a mund të quhet i lirë vendi ynë, kur bijtë e bijat e tij  vazhdojnë e marrin udhët e kurbetit? A mund të quhet i lirë ai, kur ato që nuk largohen vetëm vuajnë? Po shikoja edicionet informative dhe derdha lotë kur njerëz të thjeshtë kërkonin ulje të çmimeve për produktet më jetike. E nga ana tjetër dëgjova krerë të shtetit, të cilët dalin “të larë” nga ky mëkat e ia pasojnë njëri-tjetrit gabimet e njëpasnjëshme. Eshtë e dhimshme të shohësh njerëz që kërkojnë për të ngrënë, e të tjerë që mjaftohen me xhepat e tyre të mbushura. Ka nga ato që kërkojnë të punojnë, por pasioni i shuhet kur korrupsioni ulet këmbëkryq e mbulohet nga manteli i padijes. Unë jam një më mësuese që kam pasion letërsinë. Kam kaluar shumë peripeci në jetë dhe vazhdoj “të goditem” çdo ditë nga predhat e të korruptuarve. Endrra ime më e madhe është të përhap dije tek nxënësit e mi, që janë filizat që rriten çdo ditë drejt së ardhmes. Si unë ka shumë të tjerë që përpiqen të kontribuojnë për vendin e tyre, por nuk i hedhin dot themelet jetësore sepse ato që “dridhin zinxhirët” janë më “të aftë”. Pavarësisht përmirësimeve që janë bërë dhe po bëhen në vendin tonë, ka akoma shumë gjëra që duhen ndryshuar. Pyesim e shajmë ndër dhëmbëmbë se përse kemi nxënës që nuk dinë të lexojnë, mjekë që eksperimentojnë me trupin tonë, gjykatës që lirojnë kriminelë e gazetarë që mbushin programet me lajme boshe. Hej njerëz, hapini sytë! Mos pretendoni se mund të këndoni pa zë e të fluturoni pa krahë. Mos e kërkoni ndryshimin tek të tjerët pa ndryshuar më parë veten tuaj. Ka shumë prej jush që kërkojnë  me ngulmim që fëmija juaj të jetë mbi të tjerët. Por harroni se nuk mund të kaloni tek Zh-ja pa mësuar më parë A-në. Ju vërtetë mendoni se fëmija juaj mund të drejtojë një shtet, por ai nuk mund të jetë kurrë një lider. Ai mund të fitojë një betejë, por jo një luftë. A e dini përse? Sepse ai do të jetë i korruptuari i javës. Dëgjojmë çdo ditë termin meritokraci, por unë mendoj se ajo nuk ekziston plotësisht, është akoma në hapat e parë të krijimit. Duhet shumë kohë dhe punë që të ekzistojë. Për sytë e mi Shqipëria nuk është e lirë. Rregullat dhe ligjet zbatohen vetëm kur njerëzit janë “pa krahë”. Dhe kur dikush e merr guximin të kërkojë të drejtën e tij, nëpërkëmbet e paragjykohet nga e gjithë shoqëria. Ndoshta ekziston akoma frika se të thuash hapur atë që mendon të çon drejt humnerës. Bëjmë zgjedhje të gabuara e më pas vërshojmë në protesta duke protestuar për gabimet tona. Nuk ka faj shteti kur ju heshtni përballë diçkaje të padrejtë. Nuk ka faj as populli që nuk ia del dot të jetojë. Po kush ka faj? Të gjithë jemi fajtorë pa faj. Shqipëria është një shtet i pavarur, por jo i lirë. Nuk fitohet liria me luftë, por me punë. Dhe puna jonë më e madhe është të ndryshojmë veten. Mos kërkoni drejtësi nëse ju jeni të padrejtë në radhë të parë me veten, e më pas me të tjerët. Një ndërgjegjie e pastër sjell një shpirt të lirë. E një shpirt i lirë i sjell  lirinë një populli të tërë, një shteti. Unë kam një ëndërr…dua ta shoh Shqipërinë të lirë. Të lirë nga vargonjtë e shoqërisë paragjykuese, korrupsionit, luftës për pushtet, protestave të njëpasnjëshme…E vetme nuk mund ta bëj realitet këtë ëndërr, por me ju po. Së bashku ne mundemi sepse bashkimi sjell fuqinë! 

                                                                                                                       MIRSEDA DACI

Nail  Draga

Vendimi i Qeverisë së Malit të Zi, në ditën kur humbi votëbesimin(4 shkurt) për të lejuar marrjën e shtetësisë malazeze qytetarëve të huaj të cilët kanë qendirm të përhershëm  ma shumë së pesë vite është kontestuar nga opozita dhe shoqëria civile, e cila një vendim të tillë e cilëson me motive politike  për të ndryshuar  strukturës etnike të popullsisë si dhe rritjen e elektoratit votues serb, që do të ndikojë në zgjedhjet e ardhshme parlamentare.

Se Mali i Zi është mjedis i pakonsoliduar politikisht dëshmon konstatimi se në ditën e votëbesimit të Qeverisë, kryemnistri Zdravko Krivokapiqi, mbajti mbledhjen elektronike të qeverisë, duke marrë vendime më rëndësi për qytetarët me shtetësi të huaj.Fjala është kryesisht për qytetarët me prejardhje nga Serbia, Bosna e Hercegovina e Rusija, të cilët në vite me parë  janë vendosur në këtë vend, duke marrë përmasa të mëdha  pas shkatërrimit të ish Jugosllavisë(1991) e më pas.

Sipas të dhënave të mëhershme  nga Ministria e Punëve të Brendshme në Mal të Zi jetojnë 63.746 qytetarë të huaj, prej  të cilëve për 30.930 iu është lejuar statusi i të huajit me qendrim të përhershëm sepse me vite jetojnë  në Mal të Zi  dhe potencialisht mund të fitojnë statusin  e shtetësisë, ndërsa 32.816 individë iu lejohet qendrim i përkohshëm në Mal të Zi.

Ndryshimi në  strukturën nacionale

Vendimi i tillë i marrë nga kryeministri Krivokapiq në mbledhjen e Qeverisë në mënyrë urgjnete vlerësohet si i qellimshëm i cili në mënyrë artificiale do të ndikojë në ndryshimin e strukturës etnike të popullsisë në Mal të Zi. Duke marrë parasysh se numri i shtetasve të huaj që presim të marrin shtetësinë malazeze i përket kombësisë serbe, ata gjithashtu do të jenë përcaktues në mbeshtetje të subjektëve politike proserbe.

Në favor të këtij konstatimi shkon edhe e dhëna  nga CEMI, të cilët parashikojnë se në pesë vitet e ardhshme në Mal të Zi do të aplikojnë nga 25.000-28.000 shtetas të huaj  për të fituar shtetësinë malazeze, e me këtë edhe të drejtën në regjistrin zgjedhor. Duke marrë parasysh raportët në mes popujve shumicë në këtë mjedis(malazezëve e serbëve), del qartë se do të ndikojë në strukturën e tyre në kuadër të popullsisë së përgjithshme. 

Politizimi i shtetësisë

Nëse supozojmë hipotetikisht se nga ky numër për dy vite do ta fitonin shtetësinë malazeze rreth 20.000 shtetas të huaj, që janë kryesisht serb, atëherë numri i deputetëve proserb do të rritej për katër deputet. Do të ishte ky numër i mjaftueshëm për të qenë përcaktues në fitorën e shumicës parlamentare, nëse për bazë merret raporti aktual i deputetëve  në mes pozitës e opozitës. Duke marrë parasysh se kemi të bëjmë me një mjedis e skenë politike të polarizuar çdo ndryshim numërik ndikon në strukturën e elektoratit votues, përkatësisht   në rezultatin përfundimtar, ku si dëshmi kemi raportin e pozitës dhe opozitës në zgjedhjet e 30 gushtit 2020, e cila diferencën e kishte të një mandat i deputetit.

Sfidat e qeverisë së re

Në sajë të reagime të shumta del qartë se Qeveria e re e cila do të formohet së shpejti në lidhje me këtë çështje do të jetë para sfidave të mëdha, sepse nga ajo do të kërkohet të anaulojë vendimin e Qeverisë të datës 4 shkurt, sepse është me pasoja në Mal të Zi. Madje ekziston ideja e ngritjës së padisë penale ndaj ish kryeministrit Z.Krivokapiqi, në shkelje të procedurës dhe ligjshmërisë në lidhje mbi këtë çështje. Mbetët të pritet të formohet qeveria e cila është emërtuar si e pakicës si dhe gadishmëria të merret me këto çështje që cilësohen të kontestuara, ku duhet të vendoset me profesionalizëm dhe ligjshmeri. Ndërsa deri sa qeveria e re të formohet nuk ka dilemë se në numër i konsideruar i shtetasve të huaj që i plotësojnë kushtet formale do të marrin shtetësinë malazeze, e cila iu është mohuar vite më radhë nga motive politike.

Kujtojmë me këtë rast se sipas të dhënave   të përgatitur më parë nga CEMI, se në sajë të Ligjit për shtetësinë malazeze, është lejuar pranimi i saj për   rreth 31.000 shtetasve të huaj  për 15 vite që janë rreh 5% e popullsisë së përgjithshme në Mal të Zi, ndërsa sipas Ligjit për të huaj , sipas të dhënave nga Ministria e Punëve të Brendshme, ka lejuar  30.052 shtetas me qëndrim të përhershëm dhe   29.042 me qëndrim të përkohshëm.

Shtetësia sipas ligjit e normave ndërkombëtare

Pasi vendimi për marrjen e shtetësisë malazeze është botuar në Fletën zyrtare me 11 shkurt, ndërsa ka hypur në fuqi me 19 shkurt, sipas informacionëve nga  ditët e para me kërkesë për shtetësi janë paraqitur një numër i konsideruar i shtetasve të huaj. Një veprim i tillë nuk paraqet befasi, sepse ata kanë pritur vite me radhë, edhe pse këtu kanë jetuar e punuar, por pa të drejta si qytetarët e tjerë. Ndërsa tash janë kriuar  rrethana tjera duke u barazuar me qytetarët tjerë në Mal të Zi. Nëse në ndërkohë nuk ka ndonjë reagim nga qeveria e re e cila do të formohet së shpejti, marrja e shtetësisë së tyre do të ndikojë në strukturën e  përbërjës  etnike të popullsisë në Mal të Zi, si dhe do të ndryshojë regjistrin zgjedhor në favor të partive politike proserbe. 

Përfundimisht në lidhje me këtë çështje përgjegjësi nuk ka qeveria aktuale apo ajo që do të formohet së shpejti, por e mëparshmja e cila për tridhjetë vite në pushtet nuk është angazhuar për ta zgjidhur këtë çështje sipas ligjit në fuqi dhe normave ndërkombëtare, por e kanë trajtuar sipas interesit të tyre politik.

(Mars  2022)

– U inicua formimi i grupit ndërinstitucional për integrimin Republikës së Kosovës në NATO. Ky grup synon të intensifikojë punën dhe të bashkërendojë veprimet për realizimin e aspiratës shtetërore të Republikës së Kosovës për integrime Euro-Atlantike; të përforcojë bashkëpunimin me partnerët ndërkombëtarë dhe të avancojë praninë e Kosovës në mekanizmat tjerë rajonalë dhe ndërkombëtarë të sigurisë dhe mbrojtjes/
PRISHTINË, 9 Mars 2022-Gazeta DIELLI/ Qeveria e Republikës së Kosovës dërgoi sot këtë komunikatë:
Mbledhja e 67-të e Qeverisë
Prishtinë, 9 mars 2022
Qeveria e Republikës së Kosovës ka zhvilluar mbledhjen e rregullt, të 67-tën me radhë.Në të këtë mbledhje, miratimin e kabinetit qeveritar e mori formimi i grupit ndërinstitucional për integrimin Republikës së Kosovës në NATO, dy nisma për lidhjen e marrëveshjeve ndërkombëtare në fushën e sigurisë dhe mbrojtjes, Programi kombëtar për zbatimin e marrëveshjes së Stabilizim-Asociimit 2022-2026, dy projektligje, emërimi i bordeve të dy ndërmarrjeve publike, pezullimi i vizave hyrëse për qytetarët e Ukrainës, propozimi i anëtarëve për Organin e Shqyrtimit të Prokurimit Publik, Komisionin e Autoritetit të Konkurrencës, dhe vendime të tjera të fushës së përgjegjësive kushtetuese dhe ligjore.
Në përputhje me zotimin e Qeverisë për reformë substanciale në drejtësi, që siguron pavarësi të sistemit gjyqësor e prokurorial nga ndikimi politik, në këtë mbledhje u miratua Projektligji për ndryshimin dhe plotësimin e Ligjit për Këshillin Prokurorial të Kosovës, si dhe Koncept Dokumenti për Ekspertët Gjyqësorë.
U inicua formimi i grupit ndërinstitucional për integrimin Republikës së Kosovës në NATO. Ky grup synon të intensifikojë punën dhe të bashkërendojë veprimet për realizimin e aspiratës shtetërore të Republikës së Kosovës për integrime Euro-Atlantike; të përforcojë bashkëpunimin me partnerët ndërkombëtarë dhe të avancojë praninë e Kosovës në mekanizmat tjerë rajonalë dhe ndërkombëtarë të sigurisë dhe mbrojtjes.
U miratua nisma për lidhjen e marrëveshjes ndërkombëtare në fushën e sigurisë dhe mbrojtjes për “Statusin e Forcave” (SOFA) ndërmjet Republikës së Kosovës dhe Republikës së Turqisë, si dhe nisma për lidhjen e marrëveshjes teknike në mes të Republikës së Kosovës dhe Republikës së Polonisë.
Miratimin e kabinetit qeveritar në mbledhjen e sotme e ka marrë edhe Programi kombëtar për zbatimin e marrëveshjes së Stabilizim-Asociimit 2022-2026, që ka për qëllim përcaktimin e masave dhe prioriteteve të institucioneve shtetërore për zbatimin e marrëveshjes mes Republikës së Kosovës dhe Bashkimit Evropian.
Qeveria e Republikës së Kosovës ka pezulluar përkohësisht regjimin e vizave hyrëse në Republikën e Kosovës për shtetasit e Ukrainës. Me këtë vendim Kosova do të vazhdojë përcaktimin në përkrahje të koalicionit mbështetës për kundërshtimin e invazionit dhe agresionit ushtarak rus në Ukrainë dhe do të lehtësojë strehimin e të gjithë atyre shtetasve të Ukrainës që zgjedhin si vendstrehim të tyre Kosovën.
Qeveria ndau 7.149.864 (shtatë milionë e njëqind e katër dhjetë e nëntë mijë e tetëqind e gjashtëdhjetë e katër) euro për zbatimin e Pakos së Ringjalljes Ekonomike, masa 2.4 – Mbështetja e Eksportit. Këto mjete do të alokohen dhe transferohen në programin përkatës sipas listës së përfituesve të përzgjedhur në bazë të kritereve të përcaktuara për projektin “Konkurrueshmëria dhe Gatishmëria për Eksport”, përkatësisht te “Programit të Granteve të Përputhshme”.
Me propozimin e Ministrisë së Punëve të Jashtme dhe Diasporës, është miratuar vendimi për fillimin e procedurave për blerjen e objekteve të ambasadave të Republikës së Kosovës në Uashington, ShBA dhe në Londër, Mbretëri të Bashkuar.
Miratimin e mori edhe Projektligji për pyjet, i cili rregullon planifikimin, mbrojtjen, shfrytëzimin e produkteve drunore dhe jo-drunore, pronësinë, përgjegjësinë e organizatave dhe detyrat e institucioneve pyjore, financimin publik dhe hulumtimet mbi pylltarinë dhe mbikëqyrjen e këtij sektori në Republikën e Kosovës.
Është miratuar vendimi për t’i propozuar Kuvendit të Kosovës kandidatët për kryetar dhe anëtarë të Bordit të Organit Shqyrtues të Prokurimit, si dhe kandidatët për kryetar, zëvendëskryetar dhe anëtarë të Komisionit Kosovar të Konkurrencës.
Miratimin e kanë marrë edhe vendimet për emërimin e Bordit të Drejtorëve të Ndërmarrjes Publike NPH Infra Kos dhe emërimin e Bordit të Drejtorëve të Kompanisë Rajonale të Ujësjellësit Hidromorava në Gjilan.
Pas shqyrtimit nga kabineti qeveritar, miratimin e ka marrë Rregullorja për pranimin, vlerësimin dhe disiplinën e nëpunësve të lartë drejtues.
Në mbledhjen e sotme u miratua edhe Programi për Zyrën e Çështjeve të Komuniteteve. Me qëllim mbështetjen dhe promovimin e të drejtave të komuniteteve jo-shumicë në Republikën e Kosovës.
Me vendimin e miratuar sot në mbledhjen e Qeverisë është ndryshuar dhe plotësuar vendimi i Qeverisë Nr. 03/34 i datës 07.10.2020 , sipas të cilit znj. Elizabeth Katherine Gowing është nominuar përfaqësuese e Qeverisë së Republikës së Kosovës në Këshillin Konsultativ për Komunitete, i cili funksionon nën mbikëqyrjen e Presidentes së Republikës së Kosovës.
Qeveria ka miratuar pesë vendime që kanë të bëjnë me shpronësimin e pronave për interes publik:
– Vendimin përfundimtar për shpronësimin për interes publik të pronave dhe zotëruesve të interesit që preken nga ndërtimi i “Poligonit Kryesor të Trajnimeve për nevojat e Forcës së Sigurisë së Kosovës” në Babaj të Bokës, Shishman i Bokës, Popoc, Ponoshec, Çerret dhe Devë të Komunës së Gjakovës;
– Vendimi përfundimtar të shpronësimit për interes publik të pronave ish shoqërore dhe të cilat preken nga ndërtimi Objektit të Gjykatës Themelore në Pejë, ndërtimi i objektit të ri të Gjykatës Themelore në Prizren; dhe renovimi i ish objektit të “Jugobanka” në Mitrovicë për nevoja të Gjykatës Themelore të Mitrovicës.
– Anulimi i vendimit përfundimtar të shpronësimit për interes publik Nr.08/47 të datës 02.09.2015 dhe vendimit 02/73 të datës 05.02.2016, që kanë të bëjnë me shpronësimin për interes publik të pronave të paluajtshme të pronave të Ndërmarrjeve Shoqërore “Auto Moto Kosova” dhe “INA Zagreb”. Ky vendim do t’i hap rrugë evitimit të gabimeve dhe inicimit të ri për shpronësimin e këtyre pronave për nevoja të ndërtimit të objekteve qeveritare.
– Vendimi për shqyrtimin e mëtejmë të kërkesës për shpronësim për interes publik të pronave të cilat janë të nevojshme për ndërtimin e “Rrugës Shtetërore” në pikën e kalimit kufitar të Hanit të Elezit, pikë kalimi kufitar në mes të Republikës së Kosovës dhe Republikës së Maqedonisë së Veriut.
– Vendimi për shqyrtimin e mëtejmë të shpronësimeve për interes publik të pronave të paluajtshme dhe zotëruesve të interesit të cilat gjenden brenda lokacionit të “Aeroportit të Gjakovës” dhe të cilat janë të nevojshme për realizimin e projekteve infrastrukturore të Ministrisë së Mbrojtjes.
Në përputhje me Ligjin për ndarjet buxhetore për vitin 2022 dhe të analizës së planifikimeve të prokurimit nga agjencitë buxhetore, është miratuar vendimi për ndryshime dhe plotësime të listës së artikujve për përdorim të përbashkët dhe që janë objekt i procedurës qendrore të prokurimit.

Mr. Chair,

I thank the UAE Mission for organizing this Meeting on the linkages of climate change and pace and security.Thank you, Minister Sultan Al Jaber, for chairing and for your insightful remarks.Chair,While we all would like to devote our time to crucial issues like the one proposed today, which affects us all, we may not miss from voicing – at the outset – our outrage about the Russia’s unprovoked aggression against Ukraine, for all the good and fundamental reasons we all are aware of. If we fail to do so, we would agree, willingly or by silence, that the very foundations of this house, of the UN System and the International rules-based order, are put into question.When we finally saw some light at the end of the tunnel of the long, disastrous and tragic Covid-19 pandemic, the act of aggression by Russia on Ukraine has caused a new and enormous tragedy, the ones that we thought are, in our part of the world, once and for all left behind.As we see every day, the escalating and deteriorating situation on the ground does not just have disastrous humanitarian consequences; bombardments, explosions, ammunitions, large scale destructions have also a negative impact on the environment, and, as we have seen in recent days, also endangers nuclear security in Europe.Further, the distraction and shift of focus away from the other great global threat that has been looming – climate change – may be catastrophic in the long term. Mr. Chair,Climate change and environmental degradation act as threat multipliers, amplifying security risks and threatening human rights already under attack all over the world.They have profound negative consequences for peace and security, our well-being and ultimately our survival.We already see a fight for resources, a rise in intercommunal violence, and a growing threat of terrorism in many areas affected heavily by climate change.Mr. Chair,Climate plans for 2030 are politically very ambitious. This is right and welcome. But they will fail unless they are appropriately financed. In accordance with their capacities, countries need to increase their contributions and close the financing gaps for the adoption and resilience plans for low- and middle-income countries, especially those in fragile and post-conflict setting.Here are some key elements in what we think should be a common to-do list:We must strengthen partnerships, especially with the private sector and international financial institutions, as Secretary Kerry highlighted.We must strengthen theunderstanding on the climate and security nexus at the UN. We need to consistently incorporate the effects of climate change into the planning and implementation of the UN Mission. This will help the UN Missions to increase their capacities to analyze threats arising from climate change and the resulting loss of land or extreme weather events and at the same time help donors to better understand the co-benefits of climate action, for peace and security.It was not a long time ago that many of us tried to have this issue rightfully sanctioned by a resolution of the Security Council, which was unfortunately vetoed by Russia. This prevents the Council’s ability to deal with the negative effects of Climate Change and the resulting security threats significantly. We must therefore use the IEG more strategically to mitigate this loss in the Council’s toolbox.Finally, we need to include civil society consistently in our efforts to address climate related risks.Mr. Chair,Let me conclude by highlighting what we are doing in this respect. Although a small country with a low emission contribution, Albania is absolutely determined to do its part in this very important process and has taken several concrete actions to support green growth and revitalization.Albania is the first country in the Region with an endorsed Strategy on Climate Change and related Action Plans, with policy objectives and concrete actions to reduce greenhouse emissions.A special law on “Climate Change” has been adopted on December 2020. Further, in support of the objectives of the European Union Green Deal, Albania has signed two Declarations in November 2020: the Western Balkan countries on the Green Agenda, as well as the creation of a Common Regional Market, which aim at making the economy sustainable and climate-neutral by 2050. Albania has committed to reduce greenhouse gas emissions by 45% in the next decade, and to achieve net zero emissions by 2050.Mr. Chair,We are responsible for what we do, but also for wat we do not do. With respect to climate change, with what we know now, there is not excuse. Albania is already doing its part. Thank you!

Elonia Lasku themeluese, organizatore dhe sponsore e mësimit shqip dhe shkollës shqipe në Arizona të Amerikës “Albanian Civic Center of Arizona”, në një bashkëbisedim me Editorin e Diellit të Vatrës në New York Sokol Paja, rrëfen organizimin e mësimit shqip në Arizona, aktivitetet patriotike, kulturore dhe edukative pranë “Albanian Civic Center of Arizona”, sfidat për ruajtjen e gjuhës, kulturës, traditës dhe identitetit kombëtar në mërgatën shqiptare të Arizonës në Amerikë.

HISTORIKU I SHKOLLËS SHQIPE “ALBANIAN CIVIC CENTER OF ARIZONA

”Shkolla Shqipe “Albanian Civic Center of Arizona” filloi mësimin rreth vitit 2008. Në fillim ishin 3 femijë: Abi B 6 vjeç, Nikolas K. 7 vjeç dhe Klevis L. 4 vjeç. Shkolla filloi aktivitetin në shtëpinë e Genta Botkës, mësuesja e parë ishte Marinela Konomi me iniciativën e Elonia Lasku, Marinela Konomi, Genta Botka hodhën një hap historik duhet thënë. Pastaj mbas nja 6 muajsh mësimi shqip vazhdoi në Aviano Community Center, Phx, AZ me fëmijët: Nikolas K, Altin e Elisabeth A, Marilyn e Kristian F, Bianca dhe Ambra M, Klevis e Andi L, ku mësuese ishin: Marinela Konomi dhe Fiqiret Zela. Nxënësit që iu bashkuan shkollës më vonë janë Enis V., Euron F., AmeliaF, Rinor G, Alban G, Emma e Besara P, Ana B, Viktorja B, Alma T, Ardita T, Amir D, Adrian D, Daniel D, Valza e Toska R, Anisa V, Ema dhe Era K. Arjana, Alexander, Domenic, Gabriela, Isabela, Eljana, Conner dhe Serana L, Josephine dhe Andersen, Corun, Aya, Emily, Skylar, Alex and Brady nga Pensilvania. Shkolla vazhdoi mësimin rrëgullisht me program gjithëpërfshirës përafërsisht deri ne 2013 dhe organizimi bëhej nga Elonia Lasku si mbështetëse kryesore. Përgjatë viteve 2013-2016 shkolla pushoi së funksionuari dhe ka rifilluar fuqishëm në gusht të vitit 2016 në zonën e Horizon Park Community Center, Scottsdale, Az me mësuese Fiqiret Zela, Doriana Pëllumbi, Xhesina Fidani. Organizatore dhe sponsor i dhomës dhe mjeteve materiale të mësimit për shkollën shqipe“Albanian Civic Center of Arizona” ishin Elonia e Arben Lasku dhe Doriana Pëllumbi. Fëmijët pjesëmarrës në këtë periudhë ishin Josef e Daniela K, Andi e Klevis L, Emma B, Tana, Siena e Anisa H, Rinor, Alban G, Euron F të cilët mësonin gjuhën e bukur shqipe 2 herë në muaj.

ORGANIZIMI I MËSIMIT SHQIP, KURRIKULA, TË VEÇANTAT E SHKOLLËS SHQIPE“ALBANIAN CIVIC CENTER OF ARIZONA

”Organizimi i mësimit shqip në shkollën shqipe “Albanian Civic Center of Arizona” bëhej i miratuar në detaje prej organizatorëve dhe ishte një program shumë solid që ndihmonte nxënësit për mësimin e gjuhës sonë amtare, historisë dhe për argëtim. Programi përmban: 1)Himni i Flamurit, 2) Mësimi i abetares 1 orë 10:30-11:30am Fiqiret Zela, 3) Punë dore 1/2 ore 11:30-12pm Doriana Pëllumbi, 4) Valle popullore/ shah, basketboll 1 orë 12-1pm, Xhesina Fidani. Mbas mësimit fëmijët hanë drekë së bashku (sponsorizim nga Arben dhe Elonia Lasku). Mësimi shqip në vitin 2017 u zhvendos në ambjentet e Club House Aviano. Programi mësimor ishte i njëjtë 10:30-1pm. Numri i fëmijëve u rrit deri në 15 veta falë mbështetjes së sponsorëve, rritjes së interesit dhe punës së palodhur të mësuesve.

GJUHA SHQIPE SI FORMË E IDENTITETIT KOMBËTAR

Në shkollën shqipe“Albanian Civic Center of Arizona” lëvrohet gjuha amtare dhe historia e Shqipërisë nga pellazgët, ilirët, arbërit dhe shqiptarët e sotëm. Etapat në të cilat ka kaluar kombi ynë e shteti ynë shqiptar është shumë i rëndësishëm për fëmijët tanë. Në shkollë trajtohen figura të shquara të kombit tonë e personalitete që kanë dhënë shumë për çështjen kombëtare shqiptare. Sipas moshave të nxënësve bëjmë edhe kombiminim e mësimit në mënyrë që çdo grupmoshë të marrë atë që meriton dhe atë që i nevojitet. Në vazhdojmë përgjatë gjithë kohës komunikimin direkt me prindërit duke i nxitur që ti sjellin fëmijët në shkollë, dhe njëkohësisht të bisedojnë dhe me të afërmit e tyre që kanë fëmijë të moshës shkollore. Është domosdoshmëri që të forcohet rrjeti apo lidhja shpirtërore apo atdhetare që vjen nëpërmjet mësimit shqip dhe organizimit të komunitetit tonë në dobi të fëmijëve tanë dhe të çështjes kombëtare e identitetit tonë kulturor.

SFIDAT E MËSIMIT SHQIP MES TEKNOLOGJISË, PANDEMISË DHE VËSHTIRËSIA E FËMIJËVE ME DY GJUHË

Gjatë pandemisë globale në vitin 2021 mësimi u zhvillua në platformën dixhitale zoom. Pedagoge Linda Mëniku e drejtoi mësimin nga Tirana së bashku me Znj. Fiqiret Zela. Gjatë gjithë kohës ne nxisim prindërit që të flasim shqip në shtëpitë e tyre në mënyrë që nxënësit ta vazhdojë mësimin edhe në shtëpi jo vetëm në klasë. Në pandemi dhe në çdo kohë është një sfidë shumë e vështirë mësimi i shqipes por me këmbënguljen e prindërve po përparojmë shumë në këtë drejtim. Falë punës së jashtëzakonshme të mësuesve dhe neve si organizatorë, kemi krijuar një lidhje të fortë dhe mësimi i gjuhës shqipe në Arizona po krijon një traditë të qëndrueshme dhe shumë rezultative për të ardhmen.

GJUHA SHQIPE SI TRASHËGIMI SHPIRTËRORE DHE IDENTITARE KOMBËTARE

Gjuha shqipe është trashëgimi shpirtërore dhe identitare kombëtare e popullit shqiptar. Është domosdoshmëri që kjo gjuhë e bukur e shenjtë dhe e shtrenjtë tu trashëgohet bijëve e bijave tanë. Nëse nuk ruajmë gjuhën do shuhemi si komb. Investimi për gjuhën shqipe është investim për kombin. Të gjithë ne si patriotë dhe Institucionet përgjegjëse si në Shqipëri dhe në Kosovë duhet të përkrahin nismat që ruajnë gjuhën dhe identitetin tonë kultuor e kombëtar. Përgjatë orëve mësimore në shkollën shqipe “Albanian Civic Center of Arizona” gjithmonë mundohemi që të ngrejmë lart krenarinë tonë kombëtare duke folur për lashtësinë e Shqipërisë dhe të gjuhës shqipe si dhe për figura të shquara të kombit shqiptar në botë që frymëzojnë çdo shqiptar.

KUSH JANË MËSUESIT E SHKOLLË SHQIPE?

Shkolla shqipe “Albanian Civic Center of Arizona” në Arizona është themeluar, ka ekzistuar dhe forcohet çdo ditë falë punës dhe përkushtimit të investitorëve, mbështetësve dhe punës së shkëlqyer të mësuesve: Elonia Lasku DDS që është dentiste me klinikë private në Amerikë. Fiqiret Zela mësuese e përkushtuar edhe pse në moshe 85 vjeçare ka 35 vjet në arsim. Doriana Pellumbi – e specializuar në administrim të zyrave mjekësore. Xhesina Fidani – studente në degën farmaci. Në 2018 shkolla shqipe është e regjistruar me IRS si “Albanian Civic Center of Arizona” si organizatë non for profit. Shkolla është pa pagese për nxënësit që nga fillimi i saj. E ardhmja e shkollës shqipe në Arizona duket shumë premtuese dhe ne shpresojmë të zgjerojmë mundësitë për fëmijët tanë, numrin e nxënësve dhe mbi të gjitha kushtet për një mësim sa më dinjitoz dhe tërheqës në shërbim të gjuhës dhe kulturës sonë kombëtare.