• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova 9 vjet me Kushtetutë shteti të pavarur

April 8, 2017 by dgreca


1 Rugova
– Kosova shtet shënon 9 vjetorin e Kushtetutës me arritje historike, në ceremoninë solemne edhe ambasadori i SHBA-ve Greg Delawie, ambasadori i Shqipërisë Qemal Minxhozi dhe të ftuar të tjerë/

SPECIALE-Gazeta DIELLI nga korrespondenti në Kosovë Behlul JASHARI/
 
PRISHTINË, 8 Prill 2017/ Është zhvilluar mbrëmë në Prishtinë ceremonia solemne e shënimit të përvjetorit të nëntë të Kushtetutës së Republikës së Kosovës, organizuar nga Ministria e Drejtësisë, ku u theksuan arritjet historike të shtetit të ri evropian.
Presidenti i Republikës, Hashim Thaçi, tha se Dita e Kushtetutës është një datë historike për Kosovën dhe se me Kushtetutën tonë po ecim përkrah botës së qytetëruar.
“Para nëntë vjetësh, ne, populli i Kosovës, miratuam Kushtetutën e Republikës së Kosovës, ku vendosëm për të ndërtuar një ardhmëri të Kosovës si një vend i lirë, demokratik dhe paqedashës, i cili do të jetë atdhe i të gjithë qytetarëve të vet. Aty shprehëm përkushtimin për krijimin e një shteti të qytetarëve të barabartë, i cili do të garantojë të drejtat e secilit , liritë qytetare dhe barazinë e të gjithë qytetarëve para ligjit”, u shpreh presidenti Thaçi.
Kryeministri Isa Mustafa tha se mund të konstatohet me bindje të fortë se Kushtetuta e Kosovës ka qenë dhe mbetet bazë e fortë dhe e dëshmuar për qëndrueshmërinë e demokracisë dhe shtetndërtimit në Kosovë. 
 “Kushtetuta e Kosovës mbetet një busull juridike dhe politike e rrugëtimit tonë drejt vlerave perëndimore, drejt integrimeve evropiane dhe lirive universale. Me këtë Kushtetutë ne kemi arrit që të zhvillojmë të gjithë sektorët tanë, të gjitha fushat tona, të sigurojmë edhe zhvillimin ekonomik, që sot është më i larti në rajon si e vërteton edhe Banka Botërore”, theksoi kryeministri Mustafa duke shprehur përkushtimin e qeverisë që të zbatojë me përpikëri çdo shkronjë të Kushtetutes.
 Zëvendëskryeministri Hajredin Kuçi kujtoi punën që është bërë në përmbushjen e vullnetit të qytetarëve, por edhe obligimeve ndërkombëtare që kishte Kosova në kohen e miratimit të Kushtetutës, e cila edhe pas sfidimeve është pikë referente për të gjithë qytetarët.
“Nuk ka individ sot, edhe pozitë edhe opozitë, edhe ata që në fillim e kanë dashur më pak Kushtetutën, që nuk referojnë veprimet e tyre në Kushtetutën e Kosovës, dhe kjo na gëzon”, tha zëvendëskryeministri Kuçi.
Ministrja e Drejtësisë, Dhurata Hoxha, falënderoi tё pranishmit pёr pjesëmarrje nё kёtё ceremoni, duke e vlerësuar kёtё përvjetor si tё rëndësishëm pёr sistemin e drejtësisë dhe Republikën e Kosovës. 
“Në këtë përvjetor si çdo herë kujtojmë me krenari  të gjithë ata që kontribuuan dhe dhanë shumë që ne të arrijmë të kemi sot një Kushtetutë modern”, theksoi ministrja Hoxha.
Në ceremoninë solemne ishin të pranishëm edhe kryeparlamentari Kadri Veseli, ministra, deputetë, ambasadorë të akredituar në Republikën e Kosovës, mes të cilëve ambasadori i SHBA-ve Greg Delawie, ambasadori i Shqipërisë Qemal Minxhozi dhe të ftuar të tjerë.
  Kosova para 9 viteve miratoi Kushtetën e Republikës, e cila në nenin 1 e përcakton “shtet i pavarur, sovran, demokratik, unik, dhe i pandashëm”.  Ishte viti 2008 kur u miratua nga Kuvendi i Kosovës akti më i lartë  juridik i shtetit në ditën e 9 prillit, më pak se dy maj pas shpalljes së pavarësisë në 17 shkurtin historik, ndërsa ka hyrë në fuqi në 15 qershor.
Atëherë, dekretimi i 41 ligjeve, të  dala nga paketa e Propozimit Gjithpërfshirës për Zgjidhjen e Statusit të Kosovës të Kryenegociatorit Martti Ahtisaari – Emisarit Special të OKB-së, ishte një nga zhvillimet më të rëndësishme të ditës së hyrjes në fuqi të Kushtetutës.
Ndërsa zhvillimet më të rëndësishme brenda nëntë viteve ishin në 2012-tën, kur Kuvendi, në 7 shtator,  ka miratuar amendamentimin e  Kushtetutës së Republikës lidhur me përfundimin e mbikëqyrjes  ndërkombëtare të pavarësisë së Kosovës, ndërsa në 10 shtator pasoi vendimi i Grupit Drejtues Ndërkombëtar, i mbledhur në Prishtinë, për përfundimin e mbikëqyrjes ndërkombëtare.
Deri në 9 vjetorin e Kushtetutës Pavarësia e Kosovës është e njohur nga 114 shtete anëtare të OKB-së.
Në rrugën drejt pavarësisë Kosova ka një histori kushtetuese edhe para kushtetutës së saj të parë si shtet i pavarur me njohje ndërkombëtare.
Kosova ka pasur Kushtetutën e saj prej vitit 1974, e cila i ka siguruar mëvetësi organizative dhe të drejtë vetoje në nivelin federal, si njësi konstituive, ashtu si edhe njësive të tjera të federatës, nga shpërbërja e së cilës janë ndarë shtatë shtete.
Kosova, në vitin 1990, pas kundërshtimeve të fuqishme institucionale e gjithëpopullore të “kushtetutës së tankeve” serbe me të cilën dhunshëm e përgjakshëm në mënyrë kundërkushtetuese i suprimohej autonomia, në rrethana të okupimit,  shpalli Deklaratën e pavarësisë në 2 korrik e më pastaj Kuvendi miratoi në 7 shtator Kushtetutën e Republikës së Kosovës.
Republika e Kosovës me kushtetutën e vet atëherë nuk u njoh ndërkombëtarisht, por njihej në botë si “shteti paralel i shqiptarëve të Kosovës” për pothuaj një dekadë.
Prej vitit 2001 deri para nëntë viteve, Kosova ka pasur një Kornizë Kushtetuese, e miratuar nga OKB-ja, e cila ishte dokument më shumë inicial kushtetues, por ka mundësuar zhvillimin e vendit nga një krijesë de fakto e pavarur, ndonëse nën protektorat, në një entitet shtetëror të pavarur, edhe pse nën mbikëqyrje ndërkombëtare për një kohë.
Kosova është e lirë nga 12 qershori i vitit 1999 i hyrjes së trupave të para të NATO-s në ndërhyrjen shpëtimtare për popullin kosovar.
 Dita e Kushtetutës, 9 prilli, është festë shtetërore, sipas Ligjit për festat zyrtare në Republikën e Kosovës, të miratuar në Kuvend në 21 maj 2008 e të  shpallur me Dekretin e Presidentit të Republikës të 15 qershorit po të atij viti.

Filed Under: Featured Tagged With: 9 vjet, Behlul Jashari, kosova, Kushtetute

MANIFESTIM I SHKËLQYER I VATRËS DHE BASHKËSISË SHQIPTARE

February 19, 2017 by dgreca

MANIFESTIM I SHKËLQYER I VATRËS  DHE BASHKËSISË SHQIPTARE NË 9 VJETORIN E PAVARËSISË SË KOSOVËS/

1 a father11 a salle Plus

Nga Dalip Greca/1 Besiana flet

1 a Minsitri kamera

1 a Teuta
Të Premten, me 17 Shkurt, në ditën historike të Deklaratës së Pavarësisë së Kosovës në Parlamentin e saj, Federata Panshqiptare e Amerikës Vatra dhe Bashkësia Shqiptare organizuan 9 Vjetorin e pavrësisë së Kosovës. Në një ambjent të shkëlqyer të stolisur kuq e zi, nën flamujtë e Kosovës, Amerikës dhe Kombëtar, qindra pjesmarrës kanë festuar dhe uruar së bashku.1 a Marjana derjt Marjana

Vatrës në këtë manifestism iu bashkëngjitën edhe Bashkësitë Fetare, Lëvizja e Legalitetit, Shoqata”Dibra” , Shoqata “Rugova”, Rrënjët Shqiptare, The Albanian American Open Hand Association, Rrjeti i Bizneseve, Shoqata “Camëria”, Misioni Shqiptar në Kombet e Bashkuara, Konsullata e Përgjithshme në Republikën e Kosovës.

1 a Gjonaj Mark

Festën e ka hapë kryetari i Komisionit organizator, anëtar i kryesisë së Vatrës, z. Marjan Cubi. Ai ka uruar pjesmarrësit dhe mysafirët e nderit për festën e Pavarësisë dhe ka prezantuar moderatoren e darkës festive, zonjën Marjana Bulku.

1 a Muslia me grup

Moderatorja e ka nisë komunikimin e saj me shprehjen”Bacë, u krye”!- dhe ka përcjellë urimin për festën dhe ka ftuar pjesmarrësit që të përcjellin Hymnet Kombëtare të Amerikës, Hymnin Kombëtar dhe atë të Kosovës. Me 1 minut heshtje janë nderuar dëshmorët e dy kombeve.Më pas ajo ka ftuar Pastor Fr. Nathan Preston të Kishës Ortodokse “St. Nicholas” NY, i cili ka bekuar darken.I pranishëm në festë ishte edhe famullitari i Kishës”Zoja e Shkodrës” Dom Pjetër Popaj.

1 Gjoni flet

Folësja krysore e darkës ishte Konsullja e Përgjithshme e Republikës së Kosovës në Nju Jork, zonja Teuta Sahatcija. Më pas kanë përshëndetë ambasadorja shqiptare në Kombet e Bashkuara Besiana Kadare, Ministri i Diasporës në Qeverinë e Kosovës,Valon Murati, ansambëlmeni i Nju Jorkut Mark Gjonaj, kryetari i shoqatës Dibra Dashnor Miftari, Adem Muriqi i shoqatës Rugova.

1 a Gezimi ekndon

 

Studiuesi Idriz Lamaj, ish gazetar i Zërit të Amerikës, prezantoi librin”Binak Alia dhe Brezat Pas Tij” me autor Muhamet Mjeku, botuar në Nju Jork me 2016.

I pranishëm në këtë tubim së bashku me familjen dhe kushërinjë, atdhetari Mulosmanaj uroi festën e Pavarësisë së Kosovës duke përcjellë edhe një urim të vecantë për bashkimin mbarëshqiptar, realizimin e Shqipërisë Etnike, c’ka ka qenë moto e jetës së tij. Falenderim të vecantë ai ëprcolli edhe për autorin e librit Muhamet Mjeku, sponsorin botues Harry Bajraktari.Pjesmarrësve iu dhuruan kopje të librit nga Familja Mulosmanaj dhe botuesi Harry Bajraktari.

1 a bajrak musli MuhVeprimtari Dem Balidema po ashtu kishte sjellë për të pranishmit librin e Ismail Kadares”Krimi në Ballkan”, që iu dhurua pjesmarrësve.

Veprimtari Muhamet Omari ka përcjellë një mesazh nga prifti i Kishës Autoqefale Shën Mëria e Elbasanit, at Nikolla Marku, i cili po kalon caste të vështira shëndetsore. Z. Omari duke folë për përpjekjet atdhetare të priftit elbasanas, kërkoi mbështetjen e Vatrës dhe komunitetit, për ta ndihmuar priftin dhe kishën që përpiqet të mbajë gjallë autoqefalinë Kombëtare.

Kryetari i Vatrës dr. Gjon Bucaj, falenderoi Muhamet Omarin për përcjelljen e mesazhit dhe u tregoi të pranishmëve për mbështetjen që Vatra i ka dhënë priftit atdhetar At Nikolla Marku.Ai apeloi që sipas mundësive të ndihmohet Kisha e Elbasanit. Kontributet nisën që aty. Kush ka mundësi mund t’i dërgojë ndihmat në Vatër.Pjesmarërsit janë argëtuar nga i talentuari Gëzim Nika, i cili së bashku me këngëtaret Valbona Peraj dhe Entela Iliriani, e kanë ndezë atmosferën festive dhe pista e vallëzimit ka qenë përherë e mbushur nga vallzuesit.(Për më shumë lexoni në Gazetën e printuar”Dielli”)

Filed Under: Featured Tagged With: 9 vjet, dalip greca, Kosova e Pavarur, MANIFESTIM I SHKËLQYER I VATRËS DHE BASHKËSISË SHQIPTARE

VATRA DHE FESTIMI I PAVARËSISË SË KOSOVËS-17 SHKURT 2017

January 15, 2017 by dgreca

VATRA DHE BASHKËSIA SHQIPTARE DO TA FESTOJNË 9 VJETORIN E PAVARËSISË SË KOSOVËS ME 17 SHKURT 2017/

1 Dielli1

Njoftohet Komuniteti Shqiptar në NY, NY, NJ dhe CT se Bashkësia Shqiptare dhe VATRA, në vijim të traditës do ta festojnë Përvjetorin e 9-të të Pavarësisë së Kosovës Ditën e Premte, 17 Shkurt 2017, në orën 6.00 PM.

Festimi do të organizohet në Eastwood Manor, në adresën:

3371 Eastchester RD

BRONX, NY 10469

Tel: (718) 654-4200

Do të ketë argëtim me muzikë nga të gjitha Trevat Kombëtare, këngë e valle, pije pa kufizim dhe ushqime të bollshme dhe shërbim me kamarierë.

Bileta e Hyrjes:$ 70.00 për të Rriturit dhe $25.00 për Fëmijët nën 12 vjec.

KOMISIONI I FESTËS

KRYETAR

MARJAN CUBI

ANETARE

Agim Rexhaj, Asllan Bushati, Nazo Veliu, Skender Murtezani, Hakik Mena, Marko Kepi, Isuf Rexhaj, Adnan Mehmeti,Aleksander Nilaj, Marija Kajtazi, Ariana Elezaj, Haxhi Dauti, Lavdrim Cami , Albert Pernocaj, Dalip Greca

Filed Under: Opinion Tagged With: 9 vjet, pavaresi e Kosoves, Vatra dhe Bashkesia shqiptare

Artikujt e fundit

  • NË VEND TË NJË KARTOLINE, SOT NË DITËLINDJEN E TIJ
  • ASOCIACIONI I PROPOZUAR E SHNDËRRON KOSOVËN NË FUÇI BARUTI 
  • GJASHTË KUSHTET E KRYEMINISTRIT KURTI JANË TË ARSYESHME
  • VACE ZELA ( 7 prill 1939 – 6 SHKURT 2014)
  • NJË BIBLIOTEKË PËR QYTETIN E ALFABETIT SHQIP
  • Hapja e shkollave të para shqipe në vitet 1941 – 1944, ngjarje e rëndësishme, kyçe në historinë e Kosovës
  • Ekspozita “Gjergj Kastrioti Skënderbeu-kalorësi i lirisë së shqiptarëve”
  • TECHNOLOGY REVIEW (1981) / ÇFARË ËSHTË NJË FOTOGRAFI? — PËRGJIGJJA E FOTOGRAFIT SHQIPTAR ME FAMË BOTËRORE GJON MILI DHE NJË KOMENT PËR LIBRIN E TIJ “FOTOGRAFI DHE KUJTIME”
  • Rreth rëndësisë së përkthimit në gjuhën angleze të librit “Koja në rrjedhën e kohëve” të autorit Fran Gjeloshaj
  • Kryeministri Kurti priti në takim ambasadorët e akredituar në Kosovë
  • THE SIX CONDITIONS OF PRIME MINISTER KURTI ARE REASONABLE
  • Momenti që drejtësia në Shqipëri që të tregojë se sa është e pavarur
  • MISIONI I VATRAVE SHQIPTARE NË SHBA. NË VEND TË NJË URIMI…
  • Pentagoni godet dhe rrëzon balonën ‘spiune’ kineze. Po tani ?
  • Tërmeti në Turqi, Vatra shpreh solidaritet dhe lutet për viktimat e të plagosurit

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT