Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

President Jahjaga met with the President of Portugal, Anibal Cavaco Silva

by

Portugalia, përkrahëse e palëkundur e  Kosovës/

President Jahjaga met with the President of Portugal, Anibal Cavaco Silva/

The President of the Republic of Kosovo, Madam Atifete Jahjaga, within the activities on the occasion of the General Assembly of the UN, met today in New York with the President of the Republic of Portugal, Mr. Anibal Cavaco Silva.

President Jahjaga and President Cavaco Silva discussed about the deepening of cooperation between the two countries, the European perspective of Kosovo and the international consolidation process of Kosovo.

President Jahjaga thanked President Cavaco Silva for the continuous support of Portugal for the European perspective of Kosovo and the processes through which Kosovo is passing. President Jahjaga informed the Portuguese President about Kosovo’s achievements and the commitment of the institutions to implement all the reforms on its path of European integration and requested the further support of Portugal for the European perspective of Kosovo and the process of visa liberalization for the citizens of Kosovo.

President Jahjaga also requested the help of Portugal in Kosovo’s efforts for the international recognition of the independence of the Republic of Kosovo and the process of membership in international organizations, including UNESCO.

President Cavaco Silva stressed that Portugal remains a steadfast supporter of Kosovo in the European integration process, the as fast as possible signing of the SAA and visa liberalization for the citizens of Kosovo. He also assured President Jahjaga that Portugal supports Kosovo’s membership in international organizations and in UNESCO and will support the efforts for international recognition of the independence with those countries with which it has good bilateral relations, in particular in Latin America.

-Presidentja Jahjaga takohet me Presidentin e Portugalisë, Anibal Cavaco Silva/

Nju Jork, 30 shtator 2015/ Presidentja e Republikës së Kosovës, Atifete Jahjaga, në kuadër të aktiviteteve me rastin e Asamblesë së Përgjithshme të OKB-së, u takua sot në Nju Jork me Presidentin e Republikës së Portugalisë, Anibal Cavaco Silva.

Presidentja Jahjaga dhe Presidenti Cavaco Silva biseduan për thellimin e bashkëpunimit mes dy shteteve, perspektivën evropiane të Kosovës dhe procesin e konsolidimit ndërkombëtar të Kosovës.

Presidentja Jahjaga falënderoi Presidentin Cavaco Silva për mbështetjen  e vazhdueshme të Portugalisë për perspektivën evropiane të Kosovës dhe proceset nëpër të cilat po kalon Kosova. Presidentja Jahjaga e njoftoi Presidentin portugez me të arriturat e Kosovës dhe përkushtimin e institucioneve për të përmbushur të gjitha reformat në rrugën e saj të integrimit evropian dhe kërkoi vazhdimin e përkrahjes së Portugalisë për perspektivën evropiane të Kosovës dhe procesin e liberalizimit të vizave për qytetarët e Kosovës.

Presidentja Jahjaga gjithashtu kërkoi ndihmën e Portugalisë në përpjekjet e Kosovës për njohjen ndërkombëtare të pavarësisë së Republikës së Kosovës dhe për procesin e anëtarësimit në organizata ndërkombëtare, përfshirë UNESCO-n.

Presidenti Cavaco Silva theksoi se Portugalia mbetet një përkrahëse e palëkundur e  Kosovës në procesin e integrimit evropian, nënshkrimit sa më të shpejtë të MSA-së dhe liberalizimit të vizave për qytetarët e Kosovës. Ai po ashtu siguroi Presidenten Jahjaga se Portugalia mbështet anëtarësimin e Kosovës në organizata ndërkombëtare dhe në UNESCO dhe do të mbështesë përpjekjet për njohjen ndërkombëtare të pavarësisë me ato vende me të cilat gëzon marrëdhënie të mira bilaterale, në veçanti në Amerikën Latine./b.j/

 

*****

 

RITA ORA, “AMBASADORE E NDERIT” E KOSOVËS

by

-Presidentes Jahjaga në Londër në ceremoninë e ndarjes së Medaljes Presidenciale/
Nga Behlul Jashari/ PRISHTINË, 10 Korrik 2015- Presidentja e Republikës së Kosovës, Atifete Jahjaga, në një pritje të të veçantë të organizuar në ambasadën e Kosovës në Londër, i dorëzoi artistes, këngëtares me famë botërore, me prejardhje nga Kosova, Rita Ora, Medaljen Presidenciale “Ambasadore e Nderit”, me të cilën e ka nderuar më herët.
Në ceremoninë e organizuar morën pjesë edhe ish-kryeministri i Britanisë së Madhe, Tony Blair, ish-sekretari i përgjithshëm i NATO-s, lordi George Robertson, ish-komandanti i KFOR-it, gjenerali Michael Jackson, përfaqësues diplomatikë ne Londër dhe miq të Kosovës.
Ne, tha Jahjaga, jemi të nderuar që kemi sot, këtu me ne, një grup të tillë kaq të shquar, miq të vërtetë të vendit tim, të cilët kanë kontribuar me angazhimin e tyre të jashtëzakonshëm për popullin e Kosovës.
“Kosova sot është në paqe. Është një shtet i pavarur. Sovran. Demokratik. Dhe nuk do të ishte çfarë është sot – një shtet që mishëron vlerat e lirisë, demokracisë dhe të drejtave të njeriut – po të mos ishte vendosmëria tuaj për ta çliruar Kosovën dhe besimi juaj se populli i Kosovës meriton të jetë zotërues i fatit të vet. Që Kosova të jetë e barabartë me kombet e tjera të botës, dashamirëse të paqes”, u shpreh Presidentja Jahjaga.
“Kur ne festojmë për vendin tone të ri dhe i falënderohemi Britanisë së Madhe dhe aleatëve tanë për rolin e tyre për të na ndihmuar të kthejmë një kapitull të ri në Kosovë, sot unë, gjithashtu, dua të shprehë mirënjohjen për anëtarët e diasporës sonë, të cilët mbajnë gjallë miqësinë dhe lidhjet ndërmjet kombeve tona”, vijoi ajo.
“Si Presidente e Kosovës, kam nderin që t’i ndaj sot, artistes më të suksesshme të Kosovës, të mrekullueshmes Rita Ora, dhe ta nderojë atë me titullin ‘Ambasadore Nderi’ e Republikës së Kosovës në botë. Ky titull u jepet shtetasve të huaj dhe qytetarëve me origjinë kosovare, të cilët kanë kontribuar dhe kontribuojnë për interesin kombëtar të Kosovës”, theksoi Jahjaga.
“Dua të them se sa krenare është Kosova që të ketë Britaninë e Madhe si një mike, një partnere dhe një aleate. Rita, ti përfaqëson lidhjen ndërmjet kombeve tona si një dritë që shkëlqen.
Gëzuar për miqësinë tonë të përjetshme!”, tha mes tjerash Presidentja kosovare.

Pasojat e rrezikshme të opsionit serb për ndarjen e Kosovës

by

Shkruan: Enver Bytyçi/
Mintstri i Punëve të Jashtme të Serbisë, Ivica Daçiç, duke iu përgjigjur pyetjeve të gazëtarëve lidhur me një platform të presidentit Nikoliç rreth Kosovës, ku parashtrohet kërkesa për ndërprerje të bisedimeve të Brukselit, ka theksuar se ai (Daçiç) ua ka paraqitur përfaësuesve të bashkësisë ndërkombëtare qëndrimin e tij personal për ndarjen e Kosovës.
Daçiç është shprehur disa herë në forma të ndryshme për këtë opcion. Në një rast ai kishte thënë se nuk i interesonte në sa shtete jetojnë shqiptarët, por i interesonin serbët, duke aluduar se ishte i gatshëm ta mbështeste opcionin e bashkimit të Kosovës me Shqipërinë dhe gjatë këtij procesi t’i shkëpuste Kosovës territoret e veriut të saj.
Nuk dihet nëse ky është gjithashtu projeksioni i presidentit serb,Tomisllav Nikoliç, i cili në dokumentin e tij që ia ka paraqit këto ditë kryeministrit Vuçiç,, i kërkon këtij të fundit ndalimin e bisedimeve të Brukselit për normalizimin e marrëdhënieve me Kosovën. Nëse Serbia mdërpret këto bisedime, atëherë ajo duhet të ofrojë një paketë tjetër zgjidhjeje. Dhe afër mendsh, kjo paketë do të përfshinte ndarjen e Kosovës, qoftë dhe me kompromisin e bashkimit të pjesës së mbetur me Shqipërinë.
Një zgjidhje e tillë do të ishte në shërbim të Serbisë dhe sidomos të forcave proruse në Serbi, e vendet e tjera të Ballkanit, përfshirë edhe Shqipërinë. Dobia konsiston në faktin se ndarja e Kosovës krijon precedentin e ndryshimit të kufijve në Maqedoni, në Bosnjë Hercegovinë e në ndonjë rast tjetër (Sanxhaku dhe Vojvodina potencialisht). Kjo do të thotë dezintegrim i rajonit dhe krijimi i shteteve të pastra etnike. Dikush do të pyeste se çfarë të keqe ka krijimi i shteteve të pastra etnike?
Kryesore është se krijimi i të tilla shteteve në Ballkan krijon shanse shumë herë më të mëdha për praninë e ndikimit dhe sundimit influent rus në gadishullin tonë. Do të krijohej një ndarje psikologjike gjithashtu midis popujve të Ballkanit. Por praktikisht shqiptarët humbasin territore. Veriu i Kosovës është i pasur në minerale dhe për këtë arsye Serbia insiston në ndarjen e saj, me qëllim që të grabisë pikërisht këto pasuri të mëdha të saj. Territori shqiptar i veriut të Kosovës është thesari, me të cilin kanë jetuar në mirëqenie disa breza banorësh të saj dhe mund të jetojnë edhe shumë breza të tjerë. Grabitja e këtij territori është gjithashtu ndëshkimi më i madh që u bëhet shqiptarëve.
Nga ana tjetër kjo zgjidhje nxit shqiptarët e Maqedonisë, edhe kështu të frustuar, që të kërkojnë shkëputjen nga sovraniteti i Shkupit. Por shtrohet çeshtja vetë Shkupi ku do të vendosej? Çfarë do të bëhej me qytete të tjera historikisht shqiptare, por të banuara në shumicë me popullsi maqedonase e të rrethuara nga fshatra të banuar me shqiptarë? A do të kishim në këtë rast një konflikt të pashmangshëm të armatosur, përsëri për territore. Dhe e njëjta gjë do të ndodhte me Republikën Srpska në Bosnjë-Hercegovinë. Do vihej në diskutim ekzistenca e këtij shteti. Rajoni, do të kthehej kështu afërsisht në kufijtë e vitit 1919 të kohës së krijimit të Mbretërisë Serbo-Kroate-Sllovene, shto këtu Malin e Zi si shtet. Por dy krijesat e pas Luftës së Dytë Botërore, Maqedonia dhe Bosnjë-Hercegovina, nuk do të ekzistonin si subjekte shtetërore ndërkombëtare.
Prandaj dhe duhet thënë se objeksionet e Daçiç për Kosovën e ndarjen e saj janë të rrezikshme, në radhë të parë për interesin nacional të shqiptarëve, më tej për procesin e integrimit të rajonit në NATO e në Bashkimin Europian dhe më në fund edhe për interesat gjeopolitike të Perendimit në rajon, pasiqë Rusia do të ishte e gatshme ta shtonte praninë e saj politike, ekonomike e madje ushtarake.
Politika dhe diplomacia shqiptare duhet të jetë e përgatitur dhe duhet të punojë për të evituar projekte të tilla ogurzeza, të cilat do të sjellin dezintegrimin e shkatërrimin, në vend të integrimit. Nuk mund të guxojë asnjë politikan shqiptar në Tiranë, Prishtinë, Shkup e diku tjetër që të pajtohet qoftë dhe në prapaskenë me skenarë të tillë. Mosveprimi gjithashtu do të ishte goditje e rëndë për interesat tona dhe perspektivën e shqiptarëve.
Ndërkohë NATO do të vinte në diskutim jo vetëm kredibilitetin e saj në rast dezintegrimi në rajonin e Ballkanit Perendimor. Një vatër e re zjarri në këtë rajon, kur rreth nesh janë hapur disa të tilla, si rezultat i invazionit rus në Ukrainë, do të vinte përballë njëra-tjetrës disa vende anëtare të NATO-s.
Ndërhyrja më emergjente ka të bëjë me integrimin e Maqedonisë në NATO e BE. Krahas kësaj, zgjidhja definitive është pranimi I Kosovës në OKB dhe njohja juridike e shtetësisë dhe sovranitetit të saj shtetëror. Dhe në fund zhbllokimi i ngërçit politik e kushtetues në Federatën e Bosnjë-Hercegovinës. Këto zgjidhje janë më të mirat, me më pak dhimbje, garantojnë paqen, stabilitetin dhe sigurinë në rajon dhe i japin shans perspektivës së integrimit euro-atlantik.

Hirësia e tij, Aleksandër, nga Argjentina, uroi Kosovën në Ditën e Pavarësisë

by

Buenos Aires Argentina : Hirësia e tij Aleksandër, Kryepeshkop i Kishës Ortodokse të Shqiptarëve të Diasporës në Amerikën Latine, e thënë ndryshe pasuesen e kishës së Nolit, por në pjesën jugore të kontinentit – aty ku kjo kishë, ka komunitetet e veta në Argjentinë, Brazil, Kili, Uruguai,nuk e harron gjakun e tij shqiptar.
Më 17 Shkurt, në 7 – Vjetorin e Shpalljes së Pavarësisë së Kosovës, Kryepeshkopi Aleksandër, ka gjetur një mënyrë të veçantë për të uruar Kosovën – në ditën e pavarësisë së saj. Ai madje nga një përrua me emrin “Kosovë”, në Ushuaia, provinca e Tierra del Fuegos, në Patagoni të Argjentinës, ka postuar në rrjetin social face book, një set me fotografi, me flamurin kuq e zi, dhe shkabën me dy krena, dhe një tabel ku sinjalistike ku shkruhet Arroyo – Kosova – të cilin ai e ka postuar si një “kartolinë me një urim të veçantë për shtatë vjetorin e shpalljes së Pavarësisë së Kosovës”.
Më poshtë në postimin e tij – Hirësia e tij Aleksandër, shkruan se : “Urime për të gjithë vëllezërit e mi dhe motrat e shqiptarëve të Kosovës, sidomos pasi shumë miq kam atje në ditën e Pavarësisë së Kosovës së lavdishme, të gjithë ju jeni në zemrën time. Kosova një popull dje, sot dhe përgjithmonë shkatrroi zinxhirët e robërisë. Të gjithë shqiptarët, në bot ë në se ne jemi të bashkuar, kemi për të ndërtuar Kombin e Madh dhe shtetin që quhët Shqipëria. Vetëm ajo Shqipëra, ka atë që na bashkon, që na integron. Çeshtja e Popullit të Shenjtë Shqiptar, nese shtyhet,vazhdon përndjekja, populli nuk papërmbahet, e kuqe dhe zi : Rrno Kosova! Rrno Kombi Shqiptarë! Rrno sa malet e Shqiperise! Shqipëria! Rrno ftë populli shqiptar – me lavdi përgjithmonë! Zoti e beko ftë Shqipërinë dhe Shqiptarët kudo që janë” thotë Kryepeshkopi Aleksandër” në postimin e tij në face book me rastin e 7 Vjetorit të Pavarësisë së Kosovës./Beqir SINA/

Presidenti Nishani nderon personalitete të shquara të Kosovës

by

Presidenti NISHANI dekoroi Ahmet Krasniqin (pas vdekjes) Dekoratën “Gjergj Kastrioti Skënderbeu”./
Kreu i Shtetit vlerësoi me Dekoratën “Nderi i Kombit” pas vdekjes veprimtarët e shquar, luftëtarët, ushtarakët, atdhetarët: Salih Çekaj, Zahir Pajaziti, Tahir Zemaj, Agim Ramadani, Ekrem Rexha (Drini), Indrit Cara, Luan Haradinaj, Bekim Berisha (Abeja), Fehmi Lladrovci, Xhevë Krasniqi-Lladrovci, Smajl Hajdaraj.
Dhe me “Dekoratën e Artë të Shqiponjës” Enver Malokun, Xhemal Mustafën, Shaban Manajn, Latif Berishën, Ukë Bytyqin si dhe me Titullin “Për merita të veçanta civile” Ismet Rracin, Agim Hajrizin, Haki Imerin.
Me rastin e 7-vjetorit të Pavarësisë së Kosovës, Presidenti i Republikës, Sh.T.Z. Bujar Nishani vlerësoi sot gjatë një ceremonie të veçantë të organizuar në mjediset e Pallatit të Brigadave personalitete të shquara me kontribute në luftën për çlirim dhe pavarësi të saj.
Presidenti Nishani i akordoi intelektualit elitar, i dëshmuar me publikime të rëndësishme profesionale, por edhe artistike; Oficerit madhor, kërkuesit shkencor të teorisë dhe praktikës në artin e luftës; Njërit nga ideatorët dhe projektuesit e bërthamave të strukturave të para institucionale ushtarake; Ministrit të parë dhe themeluesit të Forcave të Armatosura të Republikës së Kosovës, Ahmet Krasniqit (pas vdekjes) Dekoratën “Gjergj Kastrioti Skënderbeu”.
Kreu i Shtetit vlerësoi me Dekoratën “Nderi i Kombit” pas vdekjes veprimtarët e shquar, luftëtarët, ushtarakët, atdhetarët: Salih Çekaj, Zahir Pajaziti, Tahir Zemaj, Agim Ramadani, Ekrem Rexha (Drini), Indrit Cara, Luan Haradinaj, Bekim Berisha (Abeja), Fehmi Lladrovci, Xhevë Krasniqi-Lladrovci, Smajl Hajdaraj.
Dhe me “Dekoratën e Artë të Shqiponjës” Enver Malokun, Xhemal Mustafën, Shaban Manajn, Latif Berishën, Ukë Bytyqin si dhe me Titullin “Për merita të veçanta civile” Ismet Rracin, Agim Hajrizin, Haki Imerin.
Në fjalën e rastit Presidenti Nishani u shpreh:
“I nderuar Zoti Kryetar i Kuvendit të Republikës së Shqipërisë,
I nderuar ish-President Sejdiu,
I nderuar zoti Zëvendëskryeministër i Republikës së Kosovës,
I nderuar zoti Kryetar i Bashkisë së Tiranës,
Të nderuar ish-Kryeministra,
Ish-Ministra, Deputetë, Parlamentarë, miq dhe të ftuar!
Historia botërore e veçmas historia evropiane ka dëshmuar se, historitë e popujve të vegjël kanë kaluar nëpër portat e tragjedive të mëdha. Ky vlerësim i përgjigjet edhe historisë së popullit shqiptar, që si rrallë ndonjë popull është ballafaquar me robërinë e rëndë dhe iu desh të kalojë rrugë të gjata e me sakrifica të jashtëzakonshme për mbijetesë.
Kështu flasin faktet historike nga lashtësia ilire e deri në ditët e sotme, plot me ngjarje e kthesa të mëdha, ndër të cilat më e shquara ishte epoka e Skënderbeut, kur Shqipëria e vogël, ngadhënjeu plot 25 vjet radhazi ndaj perandorisë më të madhe të kohës, për t’ia rikthyer shpresën e qëndresës për mbijetesë popullit shqiptar, i cili nga shkëlqimi i shpatës së Skënderbeut, u vesh me krenari dhe vetëbesim për ta vazhduar udhën e lirisë, e cila, siç e dimë të gjithë, ishte e gjatë dhe me sakrifica të mëdha. Mirëpo, pikërisht në sakrificat e mëdha, qëndron edhe krenaria jonë e veçantë kombëtare, që, gjithnjë e gjithmonë bëri lufta të drejta dhe të pastra çlirimtare, dhe kurrë lufta robëruese.
Të nderuar pjesëmarrës në këtë ceremoni, vëllezër dhe motra,
Në faqet e historisë se kombit shqiptar, kapitulli më i veçantë i krenarisë kombëtare është Kosova, martirja heroike, që, ndonëse ka kaluar nëpër portat e tragjedisë së madhe, si feniksi, me shekuj është ringjallur nga hiri dhe nuk është ndalur deri në kurorëzimin e fitores së plotë, duke u bërë shtet i lirë dhe i pavarur.
Sot, kur Kosova shënon 7-vjetorin e Pavarësisë, e kujtojmë me krenari qëndresën heroike të Adem Jasharit, i cili, me mënyrën e flijimit historisë sonë kombëtare ia pasuroi faqet dhe me një akt qëndrese legjendare, unike në historinë botërore, si për nga forma ashtu dhe për nga përmbajtja e saj.
Historianëve u përket që ta bëjnë vlerësimin, por, le të më lejohet edhe mua ta konsideroj unike në historinë e re botërore edhe filozofinë politike dhe vizionaritetin e strategjisë çlirimtare të Dr. Ibrahim Rugovës, i cili ia imponoi njerëzimit doktrinën e re të mposhtjes së robërisë, duke u përcaktuar për ‘luftën paqësore’ për çlirim me porosinë për ‘mbrojten e pragut të shtëpisë’ që koha e vërtetoi se ishte çelësi efikas për realizimin e kauzës kombëtare të Kosovës. Dhe, pikërisht këtu vjen në shprehje tradita luftarake shqiptare, e cila reflekton veprime paraprakisht të konceptuara strategjike, siç është qëndresa heroike e Kullës së Jasharajve në Prekaz, që sikurse Oso Kuka në Kullën e Barotit, e kishte të prerë vendimin: për së gjalli të mos lejohej cenimi i pragut të shtëpisë! Ky guxim nuk është i rastit, por vazhdimësi e heroizmit tradicional të Drenicës, nga Isa Boletini e Hasan Prishtina, Azem Bejta e Shaban Palluzha e deri te Aziz Zhilivoda dhe pinjolli i familjes së tij, Heroi i Kosovës, Kolonel Ahmet Krasniqi.
Ky heroizëm u shpreh fuqishëm edhe nga heronjtë e ri të luftës së fundit çlirimtare, që lartësuan namin e Kosovës anembanë: si komandantët Agim Ramadani, Zahir Pajaziti, Sali Cekaj, Tahir Zemaj, Luan Haradinaj, e Smajl Hajdaraj, si Fehmia dhe Xheva, veprimtarët dhe luftëtarët atdhetarë Ukë Bytyqi, Ismet Raci, intelektualët atdhetarë misionarë të demokracisë dhe shërbestarë të devotshëm të idealeve liridashëse: Latif Berisha, Xhemail Mustafa, Enver Maloku, e deri te Indrit Cara nga Kavaja, që u flijua për çlirimin e Kosovës; Bekim Berisha-Abeja që me emrin e tij na bën të gjithëve të ndihemi krenarë.
Për çlirimin dhe lirinë e Kosovës u flijuan bijtë dhe bijat më të mira, që me punën dhe jetën e tyre janë vlerat e lavdisë dhe krenarisë së përjetshme të kujtesës historike, që, kam besimin e plotë se do të ushqejë brezat e ardhshëm për jetësimin e idealeve të tyre, sot dhe nesër.
Kjo ceremoni e sotme dekorimi, le të jetë një shenjë nderimi dhe respekti për të gjithë ata që kanë dhënë jetën për liri, demokraci, të drejta dhe prosperitet të kombit shqiptar!
Kjo ceremoni dekorimi, le të jetë edhe mesazhi ynë për të gjithë shqiptarët, se ne i vlerësojmë dhe respektojmë ata që luftuan për ditë më të mira të kombit tonë si dhe të gjithë miqtë dhe aleatët e shqiptarëve që iu bashkuan në këto sakrifica kombit dhe përpjekjeve shqiptare!
Zoti i bekoftë të gjithë ata burra dhe gra që kontribuuan për të mirën, zhvillimin, lirinë dhe demokratizimin e shqiptarëve! Ju faleminderit!”