-Komandanti i Forcave të Kosovës, gjeneralmajor, Guglielmo Luigi Miglietta, vizitoi sot Gjakovën-
PRISHTINË, 22 Janar 2016/ Komandanti i Forcave të Kosovës, gjeneralmajor, Guglielmo Luigi Miglietta, vizitoi sot Gjakovën ku u takua me kryetaren, Mimoza Kusari-Lila në ndërtesën e komunës.
Gjenerali Miglieta dhe Kusari-Lila diskuatuan për situatën e tanishme të sigurisë në Kosovë me fokus në pjesën perëndimore të vendit.
Kryetarja shprehu mirënjohje për Komandantin e KFOR-it dhe falënderoi atë për qëndrimin e paanshëm dhe të efektshëm të KFOR-it në ruajtjen e ambientit të qetë dhe të sigurtë si dhe lirinë e lëvizjes për të gjithë njerëzit në Kosovë.
Gjenerali shprehu mirënjohje për Kusari-Lilën për përkushtimin e saj si kryetare.
“KFOR-i është i vendosur të vazhdojë të punojë së bashku me autoritetet vendore, Unionin Evropian dhe bashkësinë ndërkombëtare në mënyrë që të përmirësohet procesi stabilizues”, tha gjenerali Miglietta.
“Misioni i KFOR-it mbetet i pandryshuar”, përfundoi gjenerali Miglietta, duke shtuar se “çfarëdo ndryshim i ardhshëm i prezencës së forcës së KFOR-it do të bazohet në analiza të kujdesshëme për situatën në terren”.
Komandanti i KFOR-it pat rastin që të vizitojë OJQ-ën “Medica Kosova”, organizatë kjo vendore e themeluar më 1999 për përmirësimin e gjendjes mentale dhe fizike të grave të traumatizuara në luftë, që udhëhiqet nga Veprore Shehu, drejtoreshë ekzekutive e organizatës./b.j/