• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Maqedonia, atdhe artificial

March 2, 2017 by dgreca

Nga Ilir Levonja/

1 MaqedoniEdhe në zgjedhjet e fundit Maqedonia hyri në të zakonshim kolaps politik. Them në të zakonshim, pasi ka qënë shqiptarët ata që i kanë dhënë udhën e duhur vendit. I pari Ali Ahmeti dhe BDI. Kësaj herë ishin prapë ata, shqiptarët. Por disi ndryshe. Më të unifikuar dhe me një kërkesë legjitime. Njohjen e gjuhës shqipe në jetën e përditshme shtetërore. Dhe në fund të fundit, nuk ka asgjë të keqe. Përderisa jetojnë në trojet e tyre, janë shumicë shtetformuese. Në një republikë, e cila qysh pas vekjes së byroistit Kiro Glikorov. I cili qe i pari dhe i vetmi që besoi e pohoi publikisht. We are slavs…, ne jemi sllavë. Sllavë të ardhur këtu në shekullin e VI pas Krishtit. Të tjerët, krejt paturpësisht. Shumë qetësisht. Shumë të bindur. Kërkojnë të ngrejnë një shtet që përpiqet të përfitojë sa nga mitet greke, sa nga ato shqiptare. Po te keni parasysh këtu Aleksandrin e madh apo Nënë Terezën etj. Aq edhe nga kultura sllave. Ku quajnë të tyren edhe logjistikën gjuhësore të bullgarishtes. Një shtet që investon gati çmendurisht në resorset e historike të nëntokës dhe mbitokës. Duke cirilizuar çdo pllakë varri. Aq sa edhe ajo pak kulture e re e një shteti shumëkombësh. Vdiq e vdes pa u rritur mirë. Kjo është një politikë absurde, e cila i bën karshillëk gjithë arsenalit botëror të akademive dhe universiteteve.

Që ta ngrin buzëqeshjen prej vetëdijes anormale të një burri shteti, i cili thotë mendje mbushur se në venat e tij rrjedh gjaku i Aleksandrit.
Ky ishte Ljubçko Gjeorgjevski. Ish kryeministri i Maqedonisë nga viti 1998-2002.
Të gjitha këto vetëm nga strategjitë e frymës së radikalizmit. Nga ata që mendojnë dhe e gjykojnë njeriun, jetën, vendin etj. Në bazë të frymës mbi rracën e pastër, besimin fetar, patriotizmin e sëmurë. Dhe superioritetin.
Jo rastësisht sot, politikat e bijëve të ish byroistëve, janë të egra se ato etërve tyre. Kështu si ky. Edhe shokët e tjerë. Deri tek ty i fundit. Që me pahirin e tij prej mbetje federate. U dha shansin shqiptarëve të dëshmojnë faqe njerëzimit. Se nuk janë ata pengesa që Maqedonia të jetë një Zvicër e dytë e Ballkanit.
Madje shqiptarët, kanë lënë pas dore edhe kombin.
Megjithëse nga ana tjetër, qe pikërisht ky mëkat që mbajti në pushtet kët nevrik me emrin Gruevski. Apo këtë president që e konsideron shantazh marrëveshjen normale, qeveri formuese. Të një koalicioni shumicë.
Të gjithëve na vinte plasja, kur shikonim se partia e një mëndje të madhe. Ajo e Arbën Xhaferrit, pakësohej. Dhe kur një tjetër, ajo e luftës së Sharrit, BDI…, qeveriste.
Na vinte plasja për shkak të grindjeve brenda shqiptarëve.
Kur njëra palë këmbëngul në zbatimin e marëveshjes së Ohrit. Dhe tjetra lëshon për të qeverisur.
Një lloj oportuniteti që nuk i shkon gjaknxehtësisë shqiptare.
Por kështu është. Kemi heshtur. Kemi pjesën tonë të mëkatit në këtë Maqedoni sllave që thotë jam greke. Që flet për kryqe, racë të pastër. Ndërsa dominohet nga salepi, nargjilet. Nga ngërdhjesha e hekurt e uniformave. Gati për dëbime e reprezalje.
Ndofta kjo edhe për shkak të një Kosove të dobët. Që bërtet se është shqiptare, por që realiteti dëshmon se po turqizohet çdo ditë. Shkon e i jep dëshmorë radikalizmit në Mosul. Shikon Erdoganin si president të vendit. Jo Hashim Thaçin.
Një Shqipëri që pasi i shtrydh OJQ-të si Soros, Gylen etj. Kryqin e kuq. Apo gjysmë hënën e kuqe. Fondacione …
Grindet e vritet për mustaqet e Çelos. Pasi ka shitur edhe gëzhojën e fundit. Nga arsenali i saj i rëndë. Një atdhe më vete me tanke, kundërtanke. Kundërajrorë. Flote detare e qiellore. Me gazerma plot. Me logjistikë e platforma mbrojtje. Sot pa asgjë…, i shet pordhë një Greqie që ushqen e mban gjysmë milioni shtetas të saj.
Ndofta në kushte të tjera…, shqiptarët e Maqedonisë do ta kishin ngritur më shpejt. Do e kishin bërë më shpejt europiane Maqedoninë. Do i kishin dhënë me kohë një president bashkëkohor. Që i përket demokracisë. Dhe jo luftës në emër të rracës së pastër. Mos bashkëjetesës. Dhe dashurisë që lind e jeton mes shqiptarëve dhe maqedonasve.

 

Filed Under: Opinion Tagged With: atdhe artificial, Ilir Levonja, Maqedonia

MAQEDONIA DUHET TE ZYRTARIZOJE GJUHEN SHQIPE

August 26, 2016 by dgreca

Përmes ligjeve (kushtetuese)shqiptarët popull i ndaluar në Maqedoni/

Reagim i SHSHA në Çikago/

Pas ndryshimeve të ashtuquajtura ,,demokratike,,në Maqedoni,gjendja e barazisë kombëtar për popullin shqiptar si popull i dytë shumicë në hapësirën e vet etnike,ka mbetur pezull dhe në duart e ,,ligjeve,,sikures në kohën e Angel Çemerskit,të Llazar Kolishevskit dhe të regjimit komunist,kështu e nis reagimin për opinion SHSHA në Çikago.

Ka vite që flitet për ,,zyrtarizimin,,e gjuhës shqipe dhe kjo më shumë ka mbetur diksurs politik për lojën e paspërdeve politike në Maqedoni,ku për fat të keq janë bërë protogonistë të nënshtrimit,të puthadorëve,të përbuzjes kombëtare edhe spektri i gjerë politik shqiptar që,për hirë të (pa)kualicioneve dhe të hyrjes sa më parë në korridorët e qeverisë(maqedonase)shantazhojnë kombin shqiptar dhe vetëvetën,thuhet në reagimin shqiptaro-amerikan.

Pse gjuha shqipe nuk është bërë (zyrtare)pyet me shqetësim SHSHA në Çikago.Kë po e pengon gjuha e lashtë e një populli më të lashtë në hapësirën e vet kombëtare.Pse kaq shumë përbyzja nga shtylla kryesore e një kombi si është shenja dalluese e gjuhës shquipe,që në kulturën botërore njihet dhe respektohet si gjuhë e lashtë,ndërsa në Maqedoni pushteti luan lojën e nënçmimit ndaj popullit shqiptar dhe ndaj gjuhës së tyre të lashtë sa vetë Evropa,thonë zeshëm në Çikago.

Kush po e nënçmon gjuhën e popullit shqiptar,po i trregojmë[ Sllave Gjergj Dimovski dhe Mile Stefoski se ,,gjuhën maqedonase,,e krijuat hiq më larg vetëm pas Luftës së Dytë Botërore që përfundoi krijimi i gjuhës letrare duke marrë për bazën e saj  e folmja e qytetit të Velesit,në sajë të angazhimit të lingusitit tuaj Blazhe Koneski(!).E tredita e shkrimit shqip,zotëri të gjuhës nëpër xhepa,në historinë e traditës së shkrimit shqip që ka nisur nga shekulli XV-XVI me Gjon Buzukun.Atëherë mos luani dhe përbuzni kulturën e lashtë të gjuhës dhe të kombit shqipar në këto hapësira,që as sot e gjithë ditën njuk e dijmë se nga keni ardhur dhe kah po shkoni pa shqiptarët në tokën e vet,thuhet në përgjigjen e SHSHA-së për përgjgjësit e Mitungut të Poezisë në Strugë.

*Dergoi Skender Karacica

Filed Under: Komunitet Tagged With: gjuhen Shqipe, Maqedonia, te zyrtarizoje

Maqedoni: Zonat e përmbytura kanë nevojë për ndihmë

August 9, 2016 by dgreca

Nga Fatos Musliu/ Në zonat e vërshimeve në Maqedoni banorët po përballen me pasojat dhe frikën e përsëritjes së reshjeve të fuqishme. Ata kanë nevojë për ndihma emergjente për riparimin e dëmeve.

Mazedonien Unwetter

Banorwt e Hasanbegut, Stajkovcit, Straçincës dhe vendbanimet e tjera të prekura nga vërshimet e së shtunës (06.08), kaluan edhe nje natë me frikën se tmerri mund të përsëritet. Rreshjet e natës se kaluar ishin me intensitet më të ulët. Gjithsesi ata vazhdojnë të përballen me pasojat e vërshimeve, që shkatërruan shumë shtëpi, biznese, e lanë pas vetura të përmbysura dhe shumë dëme të tjera që janë evidente. Banorët e Hasanbegut ankohen për neglizhencën e institucioneve si dhe apelojnë deri tek organet kompetente, që sa më shpejt të pastrohen rrugët dhe të largohen mbetjet e vëshrimeve, sepse mundë të përhapet ndonjë epidemi.

“Kjo shtëpi nuk është për banim, është shkatërruar gjithçka. Jemi në stres. Ju lutem t’i ndihmoni këta njerëëz. Kokën e mbajmë lart nga qielli, edhe pika e vetme e shiut na streson. Kemi trauma”, shprehet banori i Hasanbegut duke u munduar të pastrojë orenditë e shtëpisë.

Mazedonien Unwetter

Banorët e zonave të përmbytura thonë se kanë nevojë për gjërat elementare për ushqim dhe veshmbathje. Ata ankohen se organet e shtetit janë duke reaguar shumë ngadalë për t’u dalë dhënë ndihmë.“Apeli im është për qeverinë dhe të gjitha institucionet e tjera të na ndihmojnë, që sa më parë ta largojmë ujin nga shtëpitë e përmbytura që të mund të punojmë diçka rreth ripatimit të dëmeve të mëdha.Të gjithë ne këtu kemi nevojë për gjërat elementare, ujë të pijshëm ushqim dhe rroba, sepse kemi dalë vetëm me këto rroba që kemi”, thotë Ejup Bekteshi, banor nga lagja Hasanbeg e Shkupit.

Daut Iseni, tregon për momentet e tmerrshme kur ka humbur të motrën Zemrije Sinanin me nipin Endrit Sinanin, ndërkohë që kishte arritur të shpëtonte mbesën dhe nipin tjetër. “Shiu erdhi me shumë vrull, nuk kisha hapësirë. Motrës i thashë ma jep nipin dhe mbesën, të cilët arrita t’i hedh mbi çatinë e një garazhi. Dhe kur u ktheva të marr nipin tjetër dhe motrën, dëgjova për herë të fundit motrën teksa më tha: vëlla më kap dorën. Nuk munda ta kap, ajo shkoi me ujin dhe unë lart me nipin e mbesën mbi tjegulla kemi pritur tri orë deri sa u largua uji”, rrëfen Dauti.

Mazedonien Unwetter

Vazhdon aksioni humanitar

Në vendbanimet e përmbytura vazhdon aksioni për tërheqjen e ujit nga shtëpitë e përmbytura dhe hapësirat përreth, ku ekipet e specializuara të policisë e ushtrisë vazhdojnë kërkimet për gjetjen e viktimave eventuale. Sipas informacioneve të Ministrisë së Punëve të Brendshme të Maqedonisë, ka arritur në 22 numri i viktimave, ndërkohë që mbi 70 janë të lënduar. Qeveria vendosi që 15 ditët e ardhshme të shpallet gjendje e jashtëzakonshme në vendbanimet që u goditën më rëndë nga shirat e rrëmbyeshëm, ndërkohë që familjeve të viktimave do t’u ndihmohet me një shumë prej 300 mijë denarë rreth 5 mijë euro. Pritet që të formohet dhe një komision i veçantë, i cili do të dalë në teren për të verifikuar dëmet, që më pas do të kompensohen, ka njoftuar qeveria e Maqedonisë.

Në Hasanbeg të Shkupit është kryer edhe ceremonia e varrimit të viktimave nga përmbytjet.

Në qytetin e Shkupit janë ngritur disa qendra ku mblidhet dhe shpërndahet ndihmë për banorët e goditur nga vërshimet. OJQ-të humanitare kanë dalë në terren dhe po ofrojnë ndihmat e para elementare për banorët e prekur nga përmbytjet. “Kemi dërguar ndihma të ndryshme me ujë të pishëm, batanie, bukë, mjete për dezinfektim dhe pastrim. Padyshim se situata atje është alarmante dhe popullata është mjaft e dëmtuar, duhet ta fillojnë jetën nga zeroja, sepse të gjithë çfarë kanë ndërtuar për dekada, e kanë humbur. Po mundohemi t’ua kthejmë lumturinë”, shprehet Rifat Sherifi nga OH “Kalliri i Mirësisë”.

Mazedonien Unwetter

Sistemi atmosferik favorizon katastrofën natyrore

Katastrofa natyrore me përmasa shkatërruese dhe fatale u favorizua edhe nga sisitemi jo adekuat dhe i bllokuar atmosferik i kanalizmit në qarkun e Stajkovcës, thotë profesori arkitekturës Mirosllav Gërçev. Ai thot, se ai sistem është i kapaciteteve të ulta për të përcjelljë deri në 93 metra kub ujë, siç ndodhi parmbrëmë. Gërçev gjithashtu thotë se ky sistem nuk është mirëmbajtur nga autoritetet e qytetit. “Kur ju keni një sistem, i cili është i bllokuar, i lënë pas dore atëherë përmbytjet nuk mund të anashkalohen.Ky sistem në disa vende është 100% i bllokuar, në disa vende 95, por edhe 80%. Nuk do të gjeni asnjë pjesë të sistemit të kanalizmit, që t’i shkakrojë ujërat me kapacitet mbi 50%”, thotë profesori Gërçev. Gërçev përpos sistemit joadekuat atmosferik, thotë se e keqja u favorizua edhe nga pyjet e zhveshura në këtë zonë. “Sa më pak pyje që keni aq më i madh është vërshimi, pasi pyjet mbajnë jo vetëm tokën por edhe ujin. Kështu kur bie shi në tokë të zhveshur, atëherë uji depërton thellësitë, fuqizohet gjatë rënies dhe bën dëme dhe merr jetë njerëzish dhe shkatëron vendbanime”.

Gjatë ndërtimit të qarkut të Shkupit profesorë të fakultetit të ndërtimtimit kanë kërkuar që ujrat atmosferike të mos derdhen mbi ose nën qarkun e Shkupit, por të krijohet sistem që do t’i dërdhte ato në lumin Vardar. Kjo ide, gjithnjë sipas profesor Gërçev, nga kompetentët e qytetit të Shkupit është pranuar në heshtje.

Filed Under: Analiza Tagged With: Maqedonia, ndihme, zonat e eprmbytura

MAQEDONIA DHE PRANVERA E PRAGËS

April 12, 2016 by dgreca

Nga Xhelal Zejneli/

Kjo që ndodh në Maqedoni, nuk mund të ndodh në asnjë vend të rajonit. E sikur të ndodhte, atëherë populli i atij vendi do të dilte në rrugë dhe do të protestonte, deri në rënien e pushtetarëve. Në Maqedoni, përkundër një qeverisjeje autoritare dhe abuzimeve të pushtetarëve, nuk kemi reagim përkatës të shoqërisë.

Në vende të caktuara ku pushtetarët e kanë keqpërdorur pushtetin, nëpërmjet një puçi ushtarak apo grusht shteti, ka reaguar ushtria. Puçe ushtarake apo grushte shteti, në vendet evropiane nuk ndodhin apo ndodhin shumë rrallë. Në Turqi për shembull, kur politikanët nuk kanë qenë në krye të detyrës, shpesh ka ndodhur të reagojnë qarqet ushtarake.

Në vendet evropiane, në rast krizash politike, ekonomike dhe sociale reagojnë: partitë opozitare, populli, organizmat e shoqërisë civile, shoqatat joqeveritare, sindikatat. Reagimet bëhen nëpërmjet protestave apo mosbindjes civile – pasive ose aktive. Pas revoltës qytetare, pason dorëheqja e kryetarit të shtetit ose e kryeministrit. Ka raste kur bie qeveria dhe shpërndahet parlamenti.Në vendet me demokraci të konsoliduar nuk ndodh rënia e qeverisë, as shpërndarja e kuvendit. Në ato vende jep dorëheqje pushtetari. Pas kësaj vepron ligji, veprojnë organet e rendit dhe të drejtësisë. Pushtetari që ka keqpërdorur pushtetin merret në përgjegjësi ligjore, politike dhe etike.

Në Maqedoni ndërkaq, përkundër krizës së thellë politike, ekonomike dhe morale, nuk ndodh asgjë.

  • Nuk ka revoltë apo protesta masive të qytetarëve,
  • Opozita politike nuk ka potencial politik të organizojë protesta masive,
  • Nuk reagojnë organet sindikale.

 Shoqëria civile dhe organizmat e saj, nuk janë të organizuar sa duhet, as të përkufizuar sa duhet. Të tilla janë edhe mediumet. Me një fjalë, organizmat e shoqërisë civile   dhe mediumet, si sllavo-maqedonase ashtu edhe ato shqiptare, janë:

  • të varura, dhe
  • jo mjaft profesionale.

Organizmat e shoqërisë civile dhe mediumet, qoftë sllavo-maqedonase, qoftë shqiptare, i shërbejnë çdo kujt dhe askujt. Janë në shërbim, sa të pushtetit, aq edhe të opozitës. Preokupim kryesor i mediumeve, në tregun e konkurrencës, është mbijetesa.

Një pjesë e mediumeve në Maqedoni është nën kontrollin e rreptë të pushtetit. Ndërkaq, mediumet që hiqen të pavarura, luftojnë për ekzistencë. Disa medium janë me potencial profesional të kufizuar. Ka edhe të tilla që nuk e kanë të përkufizuar politikën redaktuese. Si të tilla, ato i shërbejnë gjithkujt dhe askujt.

Në një vend me opozitë politike të dobët apo të pakonsoliduar, mediumet e kanë vështirë ta përkufizojnë politikën redaktuese.

Përse në Maqedoni, përkundër krizës së thellë politike, nuk ndodh asgjë?! Janë shumë arsye:

– Maqedonia është vend dyetnik, shqiptaro-sllavomaqedonas, ndaj homogjenizimi bëhet mbi baza etnike dhe jo mbi baza politike, ekonomike apo sociale;

– Populli sllavo-maqedonas është i ndarë më dysh, në proserb dhe në probullgar,

– Faktori politik sllavo-maqedonas është i ndarë në faktor politik proserb dhe në faktor politik probullgar;

– Shoqëria në Maqedoni është provinciale, ka mendësi provinciale dhe funksionon me kritere provincial;

– Maqedonia nuk ka kurrfarë traditash demokratike;

– Maqedonia është shtet social ku çdo individi i intereson, ose të ruajë vendin e punës, ose të zërë një vend pune, ose të sigurojë një ndihmë sociale;

– Inteligjencia sllavo-maqedonase nuk ka potencial intelektual të mjaftueshëm dhe është nën nivelin e inteligjencies së rajonit;

– VMRO-ja me politikën e saj nacionaliste, populiste, sociale dhe antishqiptare, opozitës politike – LSDM-së, ia ka ngushtuar hapësirën e veprimit;

– Faktori politik ndërkombëtar nuk lejon një destabilizim të Maqedonisë.

Duke qenë se sllavo-maqedonasit injorohen prej fqinjëve bullgarë, serbë dhe grekë, VMRO-ja mendon se nacionalizmi i saj është i arsyeshëm dhe është në funksion të ndërtimit të identitetit të këtij populli. Rrjedhimisht, politikën e LSDM-së e konsideron si antimaqedonase dhe në favor të shqiptarëve.

Politika e VMRO-së, ndonëse nacionaliste, në thelb është antimaqedonase dhe kundër interesave strategjikë dhe afatgjatë të Maqedonisë. Një politikë e tillë është retrograde, anakronike, në kundërshti me frymën e kohës, në kolizion me tendencat evropiane dhe euro-atlantike.

Gjatë kësaj krize politike, ekonomike dhe sociale në Maqedoni, faktori shqiptar dhe subjektet politike të tij, kanë qenë dhe vazhdojnë të jenë plotësisht të paorganizuar, të pakonsoliduar, të papërgatitur dhe pa kurrfarë vizioni apo ideologjie kombëtare.

Ideologjitë politike kombëtare dhe vizionet apo platformat politike kombëtare nuk janë çështje individësh apo grupesh politike – të padefinuara, të pakonsoliduara, të paorganizuara.

Krizën në Maqedoni e ka shkaktuar VMRO-ja, me ndihmën e shërbëtores së saj  të dëgjueshme dhe të devotshme – BDI-së. Rënia e VMRO-së, nënkupton automatikisht edhe rënien e instrumentit të saj, BDI-së. Ata që e kanë shkaktuar krizën e thellë politike, nuk mund të jenë pjesë e zgjidhjes së saj. Shkaktarët e krizës politike duhet të ballafaqohen me përgjegjësi politike, morale dhe ligjore, e jo të synojnë mbetjen në pushtet. Mbetja në pushtet e abuzuesve përmasash galaktike, ndodhte vetëm në vendet e Amerikës Latine në vitet ’60 të shekullit të kaluar. Në vendet me demokraci të konsoliduar kurrë s’ka ndodhur një gjë e tillë.

Vitet e fundit, Partia Demokratike Shqiptare nuk ia doli të luante rolin e opozitës në hapësirën politike. Askush nuk mund të veprojë politikisht, derisa është nën hipotekë. Grupet politike shqiptare – LR-PDSH, RDK dhe Lëvizja Besa nuk janë veçse segmente dhe fragmente të padefinuara, të pakonsoliduara dhe të paorganizuara që dalin nga zhguna e dy të parave – PDSH-së dhe BDI-së, të cilat janë nënprodukte të PPD-së së dikurshme.

Sot çështje shqiptare nuk ka. Nëse kauza shqiptare nuk u zgjidh me luftën e 2001 shit, atëherë është utopi të mendohet se këtë do ta bëjnë grupet politike të sipërthëna. Sidoqoftë, dalja e tyre në skenën politike është hap pozitiv, për t’i dhënë fund monopolit politik të BDI-së – të ngulfatur nga joprofesionalizmi, të zhytur në korrupsion, të tronditur nga skandalet e përgjimeve dhe peng i hipotekave.

Aeroplani i liderit të BDI-së ka kohë që endet mbi hapësirën politike, pa itinerar dhe pa destinacion të përcaktuar. Bashkimi i opozitës politike shqiptare, këtë fluturake pa pilot që endet e çorientuar, do ta detyronte të aterojë.

Kauza kombëtare nuk është punë partish apo grupesh politike. Kauzat kombëtare janë çështje e marrëveshjes historike midis dy popujve. Marrëveshjet e tilla nuk arrihen kur t’i kujtohet ndokujt. Ato ndodhin njëherë në pesëdhjetë vjet. Pët t’i imponuar palës sllavo-maqedonase një marrëveshje historike, nevojitet që i tërë faktori politik shqiptar në Maqedoni të krijojë një front unik dhe të ripozicionohet në hapësirën politike shqiptare. Kjo nënkupton injorimin e institucioneve të pushtetit vendor dhe qendror të shtetit, deri në arritjen e një marrëveshjeje historike. Mirëpo, partitë politike shqiptare, të etshme për pushtet, rendin pas pushtetit pa pushtet, me arsyetimin se këtë e kërkojnë ndërkombëtarët dhe qendrat politike shqiptare të vendosjes – Tirana me Prishtinën. Krejt kjo, për hir të paqes dhe të stabilitetit në rajon. Pjesë e kësaj klisheje, ç’prej kohësh banale, është edhe sintagma: politikë konstruktive, paqeruajtëse dhe stabilizuese.

BDI-ja dhe PDSH-ja që me vite kanë qenë në pushtet, nuk kanë kredibilitet të duhur, as politik dhe as moral, për të imponuar një marrëveshje politike të re. Madje përgjegjësia e BDI-së është shumë më e madhe, për arsye se:

– është parti e dalë nga lufta e 2001-shit;

– ka pasur pas vete pjesën më të madhe të elektoratit shqiptar;

– ka pasur 19 deputetë në kuvendin e këtij vendi;

– në pushtetin vendor ka qeverisur 14 komuna me shumicë shqiptare;

– prej vitit 2002 deri më sot, disa mandate është pjesë e qeverisjes, me një përjashtim prej dy vitesh.

 

Interesat dhe privilegjet personale dhe koniunkturale janë në mospërputhje me interesin e përgjithshëm. Me fjalë të tjera, faktori politik shqiptar: BDI-ja e çorientuar dhe e pareformuar, PDSH-ja që hiqet si opozitare dhe grupet politike të padefinuara – LR-PDSH, RDK dhe Lëvizja Besa – nuk janë në nivelin e momentit historik. Po qe se BDI-ja nuk reformohet, do ta pësojë fatin e PPD-së. Ndërkaq, kur të fillojë procesi i reformimit, atëbotë klanet e saj do të shndërrohen në fraksione.

Në shtetet ku vepron ligji, edhe kryeministri vihet para përgjegjësisë, siç ishte rasti me ish-kryeministrin kroat Ivo Sanaderin. Në Maqedoninë e paligjshme, s’ka kush i nxjerr para drejtësisë Gruevskin, Mihajllkovin dhe Jankullovskën. Madje as Prokuroria speciale. VMRO-ja duket sikur kanoset: Nxjerrja para drejtësisë e Gruevskit, do të shkaktojë protesta masive të vmro-istëve. Kjo të përkujton skenarët e Millosheviqit në kohën e jogurt-revolucionit. Qeverisja autoritare e VMRO-së, e mbështetur verbërisht nga BDI-ja, i diskrediton edhe angazhimet shumëvjeçare dhe të pakursyera të qendrave politike ndërkombëtare të vendosjes për ndërtimin e një sistemi demokratik dhe multietnik në Maqedoni.

Zgjedhjet e 5 qershorit nuk do ta nxjerrin Maqedoninë nga kriza. Përkundrazi, kriza do të thellohet akoma më shumë. Maqedonia kishte nevojë për një revolucion të kadifenjtë, siç ishte dikur pranvera e Pragës.

Revolta të tilla mund të bëjnë vetëm popujt e qytetëruar.  

 

 

Filed Under: Analiza Tagged With: DHE PRANVERA E PRAGËS, Maqedonia, Xhelal Zejneli

Maqedonia po kryen krim kundër njerëzimit në Tetovë!

December 15, 2015 by dgreca

Opinion nga Bardhyl Mahmuti/

Po rikujtoj se me qëllim të krijimit të një instrumenti që do të kishte në kompetenca të veta krimet më serioze që e preokupojnë bashkësinë ndërkombëtare u themelua Gjykata Ndërkombëtare Penale. Statuti i Romës, që përbën juridiksionin dhe bazën mbi të cilën mbështetet funksionimi i kësaj gjykate, plotësoi juridiksionet penale të secilit shtet dhe pikërisht për këtë arsye shtetet morën përsipër që të nënshkruajnë dhe miratojnë këtë statut.

Më 7 tetor 1998 Maqedonia nënshkroi Statutin e Romës ndërsa më 6 mars 2002 e shtroi për miratim.

Në këtë shkrim nuk do t’i trajtoj të gjitha krimet që shqetësojnë bashkësinë ndërkombëtare por do të kufizohem vetëm në një krim që hyn në kategorinë e KRIMIT KUNDËR NJERËZIMIT.

Në nenin 7 paragrafi (k) të Statutit të Romës në kategorinë penale KRIMET KUNDËR NJERËZIMIT hyjnë aktet johumane që shkaktojnë dëmtime serioze të shëndetit fizik ose mendor. Pra, imponimi i kushteve të jetesës në të cilat cenohet shëndeti i popullsisë konsiderohet krim kundër njerëzimit.

Qe disa vite me radhë qytetarët e Tetovës dhe rrethinës së saj u janë nënshtruar kushteve tejet të rrezikshme të jetesës për shkak të ndotjes ekstreme të ambientit. Në shtete të ndryshme të botës, ku ndotja e ambientit është shumë më e vogël se ajo me të cilën përballen tetovarët, intelektualët e fushave të ndryshme dhe sidomos mjekët janë mobilizuar që të denoncojnë cenimin e shëndetit të njeriut nga ndotja si krim kundër njerëzimit.

Në Konferencën Ndërkombëtare të organizuar vitin e kaluar (nëntor 2014) në kuadër të UNESCO-s ekspert të fushave të ndryshme në mesin e të cilëve edhe nobelistë të mjekësisë vunë theksin në dëmet e mëdha shëndetësore që shkakton ndotja e ambientit. Kanceri i mushkërive, astma dhe sëmundje të ndryshme janë pasojë e drejtpërdrejtë e ndotjes së ambientit. Përmes Deklaratës ndërkombëtare lidhur me rrezikun shëndetësor nga ndotja këta intelektual kërkojnë nga shtetet që të ndërmarrin të gjitha masat për parandalimin e këtij krimi

Tetova dhe rrethina e saj janë vendi më i ndotur në botë. Këtë fakt nuk e mohon as Ministria e Mjedisit Jetësor dhe Planifikimit Hapësinor të Maqedonisë. Përpjekjet e organizatës joqeveritare ECO Guerilla për të sensibilizuar institucionet shtetërore për rrezikun ekstrem që i kanoset shëndetit të popullsisë nga helmet e JUGOKROMIT fatkeqësisht kanë hasur në vesh të shurdhët.

Qe disa vite me radhë qytetarët e Tetovës dhe rrethinës së saj u janë nënshtruar kushteve tejet të rrezikshme të jetesës për shkak të ndotjes ekstreme të ambientit. Mosveprimi përballë kësaj situate dramatike dhe tejet të rrezikshme dhe imponimi që popullsia e Tetovës me rrethinë të jetojnë në kushteve të jetesës në të cilat cenohet shëndeti i  tyre është në kundërshtim me angazhimet që shteti i Maqedonisë ka marrë me ratifikimin e Statutit të Romës.

Kjo heshtje i bën institucionet e të gjitha niveleve në Maqedoni përgjegjëse për krimin kundër njerëzimit që po kryhet në Tetovë dhe rrethinën e saj.

 

Bardhyl Mahmuti

Filed Under: Opinion Tagged With: Bardhyl Mahmuti, krim kunder njerzimit, Maqedonia, Tetove

  • « Previous Page
  • 1
  • 2
  • 3
  • 4
  • 5
  • Next Page »

Artikujt e fundit

  • SHKOLLA SHQIPE NË LUGANO, RUAJTJA E GJUHËS DHE IDENTITETIT KOMBËTAR NË MËRGATËN SHQIPTARE NË ZVICËR
  • Ngjarja përuruese e Pizza-me-Polic të Shoqatës Amerikane Shqiptare të Zbatimit të Ligjit me një sukses të jashtëzakonshëm
  • PËR FLAMURIN KOMBËTAR SHQIPTAR
  • PJESË NGA HISTORIA TRAGJIKE E ANEKSIMIT TË ULQINIT NGA MALI I ZI
  • “ÇLIRIMI” QË PUSHKATOI KORIFEJTË E PAMVARSISË!
  • NORMALJA E ELBASANIT – IKONA E ARSIMIT SHQIPTAR
  • New York City Hall echoed Albanian in an incredible celebration of 111th Anniversary of Albanian Independence
  • 28 Nëntori, një prej datave më të rëndësishme të historisë sonë
  • 111 VJETORI I PAVARËSISË, VATRA BASHKOI SHQIPTARËT E AMERIKËS NË FESTËN E FLAMURIT KOMBËTAR
  • Kryeministri Kurti pas homazheve në Prekaz: Prekazi me Epopenë e UÇK-së është shndërruar në kryeqytet të kryengritjes shqiptare
  • NJË VËMENDJE PËR KLERIKUN E PATRIOTIN E MADH HAFIZ ALI KORÇA
  • Përkujtohet me madhështi 111 vjetori i Pavarësisë në Michigan
  • NË DITËN E PAVARËSISË KOMBËTARE, 2023
  • PAVARËSIA E SHQIPËRISË DHE MIRËNJOHJA PËR KLERIN FETAR SHQIPTAR
  • Gazeta Dielli uron të gjithë shqiptarët: Gëzuar ditën e Flamurit Kombëtar dhe 111 vjetorin e Pavarësisë së Shqipërisë

Kategoritë

Arkiv

Tags

albano kolonjari alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT