– Komunizmi ka stil bombardues të karakterit, aludime,shpifje, degradim, marhinalizim e persekutim. Agron Tufa është viktimë e kësaj taktike.
-...stili komunist i kërcënimit ndaj tij është pjesë e sulmit ndaj figurave kyçe të së Djathtës është provë që komunizmi është mirë e bukur , këmbëkryq e në lulëzim në mëmëdhe.
Nga Merita B McCormack-Washington/*
Nuk ka shembull më ilustrativ se sa shkrimi i Spartak Brahos për ikjen e Agron Tufës , që vërteton se komunizmi është shëndoshë e mirë në Mëmëdhe. Përmendja dy herë pa qenë nevoja e KM Rama është interesante. Personalisht nuk e njoh Agronin. Njoh figurën e tij publike e pozicionin që kishte në Institut , pra njoh përfaqësimin e institucionit të Djathtë shqiptar që për momentin ka emrin Agron Tufa. Figura e pozicioni i tij është simbol i qëndresës dhe simbol i antikomunizmit. Gabimi që u bë ishte të qenit të varur nga shteti i këtij institucioni. Përllogaritjet e gabuar politike te dikujt tjetër kjo… Ky institucion duhet të jetë i pavarur. Nuk duhet mbajtur nga shteti, perveçse te financohet. Agroni si person siç e akuzon Braho , me stilin e njohur komunist mund të jetë i keqi i çdo lloji si njeri, por Agroni si figurë në pozicionin që kishte është simbol i klasës që ka 75 vite që vuan. E ky Braho nuk e ka problem ta persekutojë verbalisht në vazhdimësi. Komunizmi ka stil bombardues të karakterit, aludime,shpifje, degradime, marhinalizim e persekutim. Agron Tufa është viktimë e kësaj taktike. Unë nuk di nëse Agroni ka vjedhur ose ka kryer krime, siç akuzon Braho. Drejtësia mund ta zgjidhë. Por vrasja e karakterit për politikë është gjëja më e shëmtuar që mund ti bëhet një personi. Agroni si njeri është bashkëshort e baba i pesë fëmijëve, rol shumë madhor e i admirueshëm. Agroni në këtë rol mund të planifikojë ç’të dojë për jetën e tij e familjen e tij. Por stili komunist i kërcënimit ndaj tij është pjesë e sulmit ndaj figurave kyçe të së Djathtës është provë që komunizmi është mirë e bukur , këmbëkryq e në lulëzim në mëmëdhe. Eshtë e dhimbshme të lexosh çfarë flet Braho për Mithat Frasherin. Nuk e bën kot lidhjen . Ka një qëllim! E ska se si të mos thotë i gjori shqiptar në mërgim. “Na mungojnë eshtrat e Mid’hatit në Nju Jork! “.
Diaspora që do vendin duhet të mos humbë busullën. Vatra me problemet e saj mund të merret sa herë të dojë por për momentun duhet të rifokusohet në çështjen kombëtare e të mbrojë drejtësinë , të mbrojë e ti dalë në krah kauzës antikomuniste dhe të jetë si dikur pishtari që hedh dritë mbi të vërtetën e ta mbrojë atë fortësisht.
* Autorja është ish kryetare dhe themelusja e degës së Vatrës në Washington, anëtare e Këshillit të Vatrës.