Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Mustafa ngushëlloi Qeverinë Amerikane pas sulmeve vdekjeprurëse në Florida

by

Prishtinë, 12 qershor 2016/

Kryeministri i Republikës së Kosovës, Isa Mustafa, i ka shprehur ngushëllimet më të sinqerta popullit dhe Qeverisë Amerikane, pas sulmit vdekjeprurës në Florida, ku mbetën të vdekur dhjetëra njerëz dhe dhjetëra të tjerë u plagosën.

Kryeministri Mustafa ka shprehur pikëllimin e popullit dhe të Qeverisë së Kosovës pas këtyre sulmeve në SHBA.

“Populli i Kosovës bashkëndjenë dhembjen me familjarët e viktimave, me popullin dhe me Qeverinë Amerikane në këto momente të vështira”, thuhet në telegramin e kryeministrit Mustafa.

Duke shprehur solidaritetin e Republikës së Kosovës me Shtetet e Bashkuara të Amerikës, kryeministri Mustafa thekson po ashtu përkushtimin e Qeverisë së Kosovës në angazhimet e përbashkëta të botës demokratike, të prira nga SHBA-të, në luftën kundër të gjitha formave të terrorizmit.

Papa do të presë në audiencë Barak Obamën më 27 mars

by

Presidenti i SHBA-ve, Barak Obama, do të pritet në audiencë nga Papa Françesku të enjten, më 27 mars. Lajmin e jep Shtëpia e Bardhë dhe e konfirmon drejtori i Sallës së Shtypit të Vatikanit, atë Federiko Lombardi.
Obama takohet për herë të parë me Atin e Shenjtë, sepse në meshën e fillimit të papnisë, më 19 mars 2013, SHBA-të përfaqësoheshin nga zv.presidenti Xhon Bajden. Lajmi i audiencës mbërrin vetëm pak ditë pas takimit të Sekretarit të Shtetit të Vatikanit, imzot Pietro Parolin me kreun e diplomacisë amerikane, Xhon Kerri. Presidenti Obama vjen në Romë, në kuadrin e një turneu nëpër Evropë. Më 24 e 25 mars do të jetë në Hagë të Hollandës për mbledhjen mbi sigurinë bërthamore e për takime dypalëshe me qeverinë vendase. Më 26 mars, Obama do të shkojë në Bruksel për takimin SHBA-BE e për bisedime me qeverinë belge dhe me Sekretarin e Përgjithshëm të NATO-s, Anders Fog Rasmusen. Benedikti XVI e pati pritur Barak Obamën në korrik të vitit 2009.