Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Amerikë-Kosovë, Sekretari Pompeo pret Presidentin Thaçi

by

Amerikë-Kosovë, Sekretari Pompeo pret Presidentin Thaçi

-Presidenti Thaçi pritet nga Sekretari Pompeo në Uashington: Kosova do të vazhdojë të bashkërendojë çdo hap të saj me Shtetet e Bashkuara të Amerikës/

Uashington, 26 Shkurt 2020-Gazeta DIELLI/ Presidenti i Republikës së Kosovës, Hashim Thaçi, është pritur sot nga Sekretari Amerikan i Shtetit, Mike Pompeo, në kuadër të vizitës zyrtare të Presidentit të Kosovës në Uashington.

Presidenti Thaçi ka shprehur mirënjohjen e thellë të popullit dhe institucioneve të Kosovës për mbështetjen e vazhdueshme të Shteteve të Bashkuara të Amerikës për dekada me radhë.

“Na keni përkrahur në kohët më të vështira si dhe në ditët më të mira tona. Mirënjohja jonë është e përhershme”, është shprehur Presidenti Thaçi.

Temë e diskutimit ishte edhe dialogu në mes të Kosovës dhe Serbisë.

“Marrëveshja e përhershme e paqes, në mes të Kosovës dhe Serbisë, do të thotë paqe për tërë Evropën Juglindore, do të thotë kthim kah e ardhmja, do të thotë zhvillim dhe prosperitet”, ka thënë presidenti Thaçi në takim.

Presidenti Thaçi u shpreh se Kosova do të vazhdojë të bashkërendojë çdo hap të saj me Shtetet e Bashkuara të Amerikës.

“Duke ecur bashkë me Uashingtonin i kemi realizuar aspiratat tona”, përfundoi Presidenti Thaçi./b.j/

Kosova do mbështet më shumë shqiptarët në Luginën e Preshevës

by

-Presidenti Thaçi priti një delegacion të Këshillit Kombëtar të Shqiptarëve nga Lugina e Preshevës/

1-thaci-l-presheves

PRISHTINË, 2 Nëntor 2016-B.Jashari/ Presidenti i Republikës së Kosovës, Hashim Thaçi, ka pritur sot një delegacion të Luginës së Preshevës, të kryesuar nga kryetari i Këshillit Kombëtar të Shqiptarëve, Jonuz Musliu.Presidenti Thaçi dhe kryetari Musliu biseduan për gjendjen e shqiptarëve në Preshevë, Bujanoc e Medvegjë dhe për zhvillimet e fundit politike në rajon.Presidenti Thaçi theksoi se me konsolidimin e pozicionit ndërkombëtar të Kosovës, do të rriten edhe mundësitë për t’i mbështetur më shumë shqiptarët në Luginën e Preshevës. “Respektimi i të drejtave të pakicave është njëri prej kritereve kryesore për anëtarësim në Bashkimin Evropian dhe asnjë shtet kandidat, përfshirë këtu edhe Serbinë, nuk mund të avancojë në procese integruese pa i përmbushur standardet më të larta të respektimit të pakicave”, ka thënë presidenti Thaçi. Edhe kryetari i Këshillit Kombëtar të Shqiptarëve në Luginën e Preshevës, Jonuz Musliu, i cili shoqërohej nga kryetarja e Kuvendit Komunal të Preshevës, Ardita Sinani, si dhe nga kryetari i Bujanocit, Shaip Kamberi, duke folur për nivelin e bashkëpunimit mes autoriteteve të Kosovës dhe shqiptarëve në Luginën e Preshevës, theksoi se ekzistojnë mundësi të shumta për ta thelluar këtë bashkëpunim.Presidenti Thaçi dhe kryetari Musliu biseduan edhe për rëndësinë e veçantë të rritjes së bashkëpunimit në fushën e arsimit, kulturës dhe shkëmbimeve tregtare me këto tre komuna shqiptare, në mënyrë që të përmirësohet mirëqenia e qytetarëve shqiptarë në Luginën e Preshevës.

Sekretari amerikan i Shtetit, John Kerry në Tiranë

by

Presidenti Nishani i uron mirëseardhjen në Shqipëri Sekretarit amerikan të Shtetit, Kerry/
Tirane, 14 shkurt 2016/
Presidenti i Republikës, Sh. T. Z. Bujar Nishani i uroi mirëseardhjen në Shqipëri Sekretarit amerikan të Shtetit, John Kerry, për t’i shprehur mirënjohjen e thellë të shqiptarëve për të gjithë mbështetjen e pakursyer, veçanërisht për integrimin e vendit në strukturat Euroatlantike.
Presidenti Nishani u shpreh se kjo vizitë është dëshmi e qartë dhe domethënëse se miqtë dhe partnerët tanë më të mirë janë pranë nesh në këto momente që rreziqet dhe kërcënimet janë afruar me Shqipërinë dhe rajonin.
Kreu i Shtetit shqiptar e siguroi Sekretarin Kerry për vendosmërinë e Shqipërisë në luftën kundër krimit të organizuar dhe korrupsionit. Presidenti Nishani përcolli gjithashtu përshëndetje të ngrohta e të përzemërta për Presidentin e Shteteve të Bashkuara të Amerikës, Barack Obama.

Kosovë-FSK, e ardhme e ndritshme

by

-Presidentja Jahjaga priti oficerin Ismajl Hoxha, i cili mori çmimin “Shpata e nderit” nga Akademia Mbretërore Ushtarake e Britanisë së Madhe/
PRISHTINË, 28 Dhjetor 2015/ Presidentja e Republikës së Kosovës, Atifete Jahjaga, priti sot në takim komandantin e Forcës së Sigurisë së Kosovës, gjenerallejtënant Rrahman Rama dhe tre kadetët që morën pjesë në Akademinë Mbretërore Ushtarake të Britanisë së Madhe, Ismajl Hoxha, Fitore Fazliu dhe Besfort Kruma.
Presidentja Jahjaga e përgëzoi komandantin e FSK-së gjenerallejtënant Rrahman Rama për suksesin që ka arritur oficeri Hoxha gjatë studimeve një vjeçare në Akademinë Mbretërore Ushtarake të Britanisë së Madhe.
Presidentja Jahjaga theksoi se shpërblimi i oficerit Ismajl Hoxha me “Shpatën e nderit” si studenti më i mirë i Akademisë Mbretërore Ushtarake të Britanisë është porosi e qartë për të ardhmen e ndritshme të Forcës së Sigurisë së Kosovës. Ajo theksoi se nderimi i oficerit Hoxha është vlerësim shumë i rëndësishëm jo vetëm për të edhe për institucionin e FSK-së edhe për Republikën e Kosovës.
Presidentja Jahjaga tha se suksesi i oficerit Hoxha, është motiv shtesë për angazhim edhe më të madh të të gjithë oficerëve të tjerë të Forcës së Sigurisë së Kosovës./b.j/

Kryetari i Vatrës priti drejtorin Ekzekutiv të Institutit”Shtëpia e Drejtësisë dhe Pajtimit Kombëtar”

by

Të Shtunën në mbrëmje, 5 korrik 2014, Kryetari i Vatrës, dr. Gjon Bucaj, priti z. Agim Loci, drejtor Ekzekutiv i Institutit ”Shtëpia e Drejtësisë dhe Pajtimit Kombëtar”, nw Tiranw, i cili ndodhet për nëj vizitë në SHBA.
Kryetari i Vatrës i uroi mirëseradhjen z. Loci dhe e njohur me historinë e Vatrës dhe veprimtaritë e saj Kombëtare.
Duke vizituar ekspozitën historike të Vatrës në 102 vitet e jetës së saj, z. Loci u njoh me rrugën dhe kontributin e Vatrës për cështjen kombëtare.
Nga ana e tij drejtori ekzekutiv i Institutit ”Shtëpia e Drejtësisë dhe Pajtimit Kombëtar” tregoi për kontributin që jep institucioni që ai drejton në pajtimin dhe shuarjen e konflikteve të shumta që kanë lindur në vitet e zgjatura të tranzicionit.Z. Loci shoqerohej nga e bija student ne New York.