Archives for July 2014

Dhuna në Maqedoni, ndërkombëtarët thirrje për qetësi dhe vetëpërmbajtje

July 5, 2014 by dgreca

Maqedoni- Përfaqësuesit ndërkombëtar kanë bërë thirrje për qetësi dhe qytetarët të përmbahen nga dhuna në Maqedoni. Kjo thirrje është bërë nga ambasada e SHBA-ve, delegacioni i Bashkimit Evropian, OSBE dhe misioni i NATO-s në Shkup, pas protestave të dhunshme në Shkup, kundër dënimit të gjashtë shqiptarëve me burg të përjetshëm për vrasjen e pesëfishtë në Smilkovc të Shkupit që ndodhi më 12 prill 2012.
“I bëjmë thirrje qytetarëve dhe liderëve të shtetit që të bashkohen dhe në frymën e dialogut konstruktiv t`i adresohen çështjeve që minojnë mirëkuptimin reciprok dhe marrëdhëniet ndëretnike”, thuhet në komunikatën e përbashkët të lëshuar të premten në mbrëmje.
Në deklaratë thuhet se të gjithë qytetarët kanë të drejtë të protestojnë dhe të shprehin pikëpamejet e tyre në mënyrë paqësore, por jo edhe të përfshihen në akte destruktive dhe të dhunshme.
“Derisa çdo incident ndëretnik apo tentim për të nxitur jotolerancë paraqet mundësi për politizimin apo shfrytëzimin e situatës për qëllime personale apo politike, ajo gjithashtu paraqet edhe mundësi për hapjen e dialogut dhe për forcimin e lidhjeve ndërmjet bashkësive të ndryshme ndëretnike. Kjo është një mundësi që liderët të rreshtohen në emrin e një shteti të integruar që plotësisht respekton diversitetin”, thuhet në deklaratën e përbashkët.
Njëzet persona mes të cilëve edhe policë janë plagosur gjatë ditës së djeshme nga përleshjet mes policisë dhe protestuesve në Shkup.Protestat u zhvilluan në shenjë pakënaqësie ndaj dënimit me burg të përjetshëm të gjashtë shqiptarëve për rastin “Monstra”

Çështja “Monstra”, shqiptarët përleshen me policinë në Shkup, dhjetëra të plagosur

Shkup-Njëzet persona mes të cilëve edhe policë janë plagosur gjatë ditës së sotme nga përleshjet mes policisë dhe protestuesve. Lajmi është konfirmuar nga zëdhënësi i policisë Ivo Kotevski në një konferencë për shtyp.
Protestat u zhvilluan në shenjë pakënaqësie ndaj dënimit me burg të përjetshëm javën e kaluar të gjashtë shqiptarëve për rastin “Monstra”.
Sipas mediave maqedonase zëdhënësi i policisë tha se gjashtë persona nga protestuesit janë arrestuar, njëri prej të cilëve është ankuar për lëndime dhe është dërguar në spital. Gjithashtu janë dëmtuar disa institucione, automjete dhe një dyqan. Gjatë ditëve në vijim
kundër rasteve të montuara për shqiptarët dhe dënimet e fundit me burgim të përjetshë.
Pasi turma e protestuesve është shpartalluar, ata shprehën hapur mllefin kundër rastit “Monstra”.
Gazeta Zhornal thotë “se Njësite speciale kryen kontrolle e bastisje nëpër shtëpi të shqiptarëve në disa lagje të Çairit, duke tmerruar pa masë qytetarët e kësaj ane. ”
Ora 16:00 Protestuesit janë shpërndarë rreth orës 16.00, dhe se policia është pozicionuar pranë qendrës tregtare “Çairçanja” në Shkup.
Por turma të të rinjve vazhdojnë të qëndrojnë rrugëve të maskuar. Ministria e Punëve të Brendshme ka shtuar praninë nga udhëkryqi tek gjykatat deri në hyrje të komunës së Çairit.
Aktualisht policia ka bllokuar daljet nga Çairi dhe po tenton të neutralizojë protestuesit. Nga MPB-ja thonë se deri tani nuk kanë bilanc të saktë të të lënduarve dhe arrestuarve.
Ora 15:00 Dhjetëra protestues janë plagosur në përleshjet me policinë në protestat e sotme që po vazhdojnë akoma në Shkup kundër rasteve të montuara dhe dënimet e fundit me burgim të përjetshëm.
Situata ka degjeneruar para gjykatës themelore Shkupi 1, kur protestuesit kanë gjuajtur me gurë drejt gjykatës dhe se me këtë është nxitur edhe reagimi i njësieve speciale policore.
Protesta ka vijuar edhe më tutje dhe se policia ka përdorur gazë lotsjellës, shok bomba dhe topa me ujë kundër demonstruesve që janë tubuar para Bit Pazarit në Shkup.
Në këtë pjesë po vijon përleshja e policisë me protestuesit dhe se janë djegur disa kontejnerë, ndërsa protestuesit janë shpërndarë edhe në pjesë tjera të rrugëve.
Protesta nisi para faljes së namazit të xhumasë në Shkup, kur mbi 5 mijë qytetarë u drejtuan drejt gjykatës, për të shprehur revoltën lidhur me dënimin me burgim të përjetshëm të gjashtë shqiptarëve lidhur me vrasjen e pesëfishtë në Smilkovc të Shkupit, që kishte ndodhur më 12 prill të 2012, raporton Ina.
Protesta ka nisur par Xhamisë së Jahja Pashës në Shkup, duke vazhduar me marshin protestues me thirrjet ““Ne nuk jemi teroristë, duam drejtësi”, “Jankullovska teroriste”, “Mijallkovska drzhava”, “UÇK”, “Stop Rasteve të Montuara” etj.
***
Shkup-Njëzet persona mes të cilëve edhe policë janë plagosur gjatë ditës së sotme nga përleshjet mes policisë dhe protestuesve. Lajmi është konfirmuar nga zëdhënësi i policisë Ivo Kotevski në një konferencë për shtyp.
Protestat u zhvilluan në shenjë pakënaqësie ndaj dënimit me burg të përjetshëm javën e kaluar të gjashtë shqiptarëve për rastin “Monstra”.
Sipas mediave maqedonase zëdhënësi i policisë tha se gjashtë persona nga protestuesit janë arrestuar, njëri prej të cilëve është ankuar për lëndime dhe është dërguar në spital. Gjithashtu janë dëmtuar disa institucione, automjete dhe një dyqan. Gjatë ditëve në vijim
kundër rasteve të montuara për shqiptarët dhe dënimet e fundit me burgim të përjetshë .
Pasi turma e protestuesve është shpartalluar, ata shprehën hapur mllefin kundër rastit “Monstra”.
Gazeta Zhornal thotë “se Njësite speciale kryen kontrolle e bastisje nëpër shtëpi të shqiptarëve në disa lagje të Çairit, duke tmerruar pa masë qytetarët e kësaj ane. ”
Ora 16:00 Protestuesit janë shpërndarë rreth orës 16.00, dhe se policia është pozicionuar pranë qendrës tregtare “Çairçanja” në Shkup.
Por turma të të rinjve vazhdojnë të qëndrojnë rrugëve të maskuar. Ministria e Punëve të Brendshme ka shtuar praninë nga udhëkryqi tek gjykatat deri në hyrje të komunës së Çairit.
Aktualisht policia ka bllokuar daljet nga Çairi dhe po tenton të neutralizojë protestuesit. Nga MPB-ja thonë se deri tani nuk kanë bilanc të saktë të të lënduarve dhe arrestuarve.
Ora 15:00 Dhjetëra protestues janë plagosur në përleshjet me policinë në protestat e sotme që po vazhdojnë akoma në Shkup kundër rasteve të montuara dhe dënimet e fundit me burgim të përjetshëm.
Situata ka degjeneruar para gjykatës themelore Shkupi 1, kur protestuesit kanë gjuajtur me gurë drejt gjykatës dhe se me këtë është nxitur edhe reagimi i njësieve speciale policore.
Protesta ka vijuar edhe më tutje dhe se policia ka përdorur gazë lotsjellës, shok bomba dhe topa me ujë kundër demonstruesve që janë tubuar para Bit Pazarit në Shkup.
Në këtë pjesë po vijon përleshja e policisë me protestuesit dhe se janë djegur disa kontejnerë, ndërsa protestuesit janë shpërndarë edhe në pjesë tjera të rrugëve.
Protesta nisi para faljes së namazit të xhumasë në Shkup, kur mbi 5 mijë qytetarë u drejtuan drejt gjykatës, për të shprehur revoltën lidhur me dënimin me burgim të përjetshëm të gjashtë shqiptarëve lidhur me vrasjen e pesëfishtë në Smilkovc të Shkupit, që kishte ndodhur më 12 prill të 2012, raporton Ina.
Protesta ka nisur par Xhamisë së Jahja Pashës në Shkup, duke vazhduar me marshin protestues me thirrjet ““Ne nuk jemi teroristë, duam drejtësi”, “Jankullovska teroriste”, “Mijallkovska drzhava”, “UÇK”, “Stop Rasteve të Montuara” etj.
PDIU: Dhuna ndaj shqiptarëve, akt barbar, të ndërhyjë shteti shqiptar

Partia Drejtësi, Integrim, dhe Unitet ka reaguar ndaj dhunës së ushtruar ndaj shqiptarëve gjatë ditës së sotme në Shkup. PDIU dënon në mënyrë të ashpër aktin dhe trajtimin e bashkëkombasve tanë si terrorist. PDIU fajëson qeverinë maqedonase, se nuk e sheh shqitarët si pjesë e Maqedonisë.
Ajo kërkoi ndërhyrjen e shtetit shqiptar dhe sipas saj këto akte tregojnë se qeveria maqedonase nuk i sheh shqiptarët si pjesë integrale e shtetit maqedonas.
“Aktet e sotshme barbare tregojnë se qeveria maqedonase nuk i sheh shqiptarët si pjesë integrale të shtetit maqedonas. Shteti shqiptar duhet të ndërhyjë sa më shpejtë për të treguar se shqiptarët kanë mbrojtje dhe nuk janë në mëshirë të fatit të tyre në trojet e tyre etnike autoktone. Shteti maqedonas duhet të marri përgjigjen e merituar për këtë trajtim çnjerëzor të shqiptarëve sot ne Shkup”, thuhet në reagimin e PDIU-së.
PDIU e konsideroi Shkupin si kryeqëndrën e shqiptarëve të Maqedonisë dhe si qytetin e çliruar një shekull më parë nga banorët e vetë autoktonë, “shqiptarët”.
“Qyteti që u çlirua një shekull më parë nga banorët e vetë autoktonë: shqiptarët! Aktet e fundit nuk do ta dëmtojnë këtë të vërtetë të patjetërsueshme. Bashkëkombasit tanë do të dalin ngadhënjimtar nëse Maqedonia dëshiron t`i futet spirales së padëshiruar të dhunës ndëretnike”, tha në reagimin e saj PDIU.

BERISHA: Berisha: Autoritetet maqedonase të ndëshkojnë autorët
Ish-kryeministri Berisha ka reaguar ndaj protestës ditën e sotme në Shkup. Ai u bëri thirrje autoriteteve maqedonase të ndëshkojnë autorët e kësaj dhune.
Sipas tij dhuna dhe terrori ndaj shqiptarëve në Shkup është shtuar muajt e fundit.
Ai ftoi qytetarët shqiptar të ruajnë gjakftohtësinë dhe të shmangin përkeqësimin e marrëdhënieve ndëretnike në Shkup.
“ Të dashur miq, shqiptarët në Shkup muajt e fundit janë përballur me dhunë dhe terror, sit ë ekstremeve albanofob maqedonas ashtu dhe të autoriteteve policore të këtij vendi. Pak kohë më parë një krim i dënueshëm, vrasja e një të riu maqedonas nga një i ri shqiptar, u përdor si pretekst nga ultranacionalistët maqedonas për të djegur, shkatërruar, plaçkitur pa dallim të gjitha lokalet, dyqanet, pronat e shqiptarëve të lagjes ku ndodhi krimi. Autoritetet maqedonase ndërhynë por me plogështi dhe vonesë ndaj këtyre akteve që të sillnin në mendje një mininatë të kristaltë në Shkup ndaj shqiptarëve, Sot, një protestë paqësore e shqiptarëve kundër dënimit të përjetshëm të 6 shqiptarëve si autor të një krimi monstruoz, vrasjes së dy viteve më parë të 5 maqedonasve, degradoi në një dhunë të egër policore ku pati dhjetra protestues të lënduar, madje dhe rëndë nga policia. Duke dënuar me ashpërsi dhunën ndaj protestuesve paqësorë u bëj thirrje autoriteteve të Maqedonisë të ndëshkojnë me forcën e ligjit autorët e kësaj dhune. Ftoj qytetarët shqqiptar të ruajnë gjakftohtësinë dhe shmangin përkeqësimin e gjendjes tejet të nderë në marrëdhëniet ndëretnike në Shkup”, tha Berisha.

Një Komb, nën Perëndinë, i Pandashëm, me Liri dhe Drejtësi për të Gjithë

July 4, 2014 by dgreca

Nga Aleksandër Arvizu/*
Mirëse keni ardhur në festimin e përvitshëm të Pavarësisë Amerikane, të festës sonë kombëtare. Dhe faleminderit që duruat radhët e gjata. Si fillim, më lejoni të shpreh vlerësimin tim të sinqertë për sponsorët tanë të shumtë. Ata shfaqen në programin tuaj dhe në tabelën tonë ekspozuese. Pa bujarinë e tyre, nuk do të kishim qenë në gjendje t’iu ofronim këtë nivel mikpritjeje. Falënderime të mëtejshme vijojnë. Falënderime për z. Artan Shabani dhe Galerinë Kombëtare të Arteve, Bashkinë e Tiranës, Kryetari Basha, faleminderit Drejtorit të Përgjithshëm të Policisë Artan Didi dhe Policisë së Shtetit Shqiptar. Shumë anëtarë të RENEA-s dhe të Forcës së Ndërhyrjes së Shpejtë që spikatën në mënyrë të admirueshme në Lazarat dy javë më parë ndodhen sonte këtu, duke u kujdesur që të gjithë ne të jemi të sigurtë. Ju lutem bashkohuni me mua për t’i përshëndetur me një duartrokitje anëtarët e mrekullueshëm të forcës policore që ndodhen këtu. Më lejoni të shtoj dhe falënderimet e mia Vikena Kamenicës për intepretimin prekës të të dy himneve kombëtare, si atij amerikan edhe atij shqiptar. Mund t’ju siguroj që me argëtimin e ofruar prej Vikenës dhe Keli Band, të gjithë do të kënaqeni shumë këtë mbrëmje. Dhe të fundit, por jo për nga rëndësia, më lejoni të falenderoj stafin e mrekullueshëm të Ambasadës së Shteteve të Bashkuara për punën e tyre të madhe e veçanërisht për vëmendjen ndaj detajeve, në mundësimin e kësaj mbrëmjeje. Ata i kuptojnë pritshmëritë që shfaqen kur dikush përfaqëson Shtetet e Bashkuara të Amerikës. Unë jam krenar që punoj me kolegë me një reputacion kaq të merituar për përkushtimin, profesionalizmin dhe integritetin.
Disa prej jush pa dyshim po pyesin: “Përse po festoni më 2 korrik?” Epo, këtë vit të paktën, përgjigja është fare e thjeshtë, e sotmja është e vetmja mbrëmje në këtë javë në të cilën nuk ka të planifikuara ndeshje të Kampionatit Botëror të Futbollit. Nuk donim t’i jepnim askujt justifikimin për të mos ardhur e festuar me ne. Me që ra fjala te Kampionati Botëror, përgjigja është po, e pashë ndeshjen mbrëmë. Ambasadorja belge është në vizitë këtu. Ajo është akredituar në Shqipëri. Siç i thashë dhe asaj, ata ishin skuadra më e mirë kështu që urime. Të gjithë ju e dini që Shqipëria përshkruhet si një prej vendeve më pro-Amerikan në botë, gjë që ne e vlerësojmë. Po atëherë, si ka mundësi që ekipet më popullore, përveç “Kuq e Zinjve”, janë Gjermania, Italia dhe Brazili, sipas kësaj renditjeje? Çdokush që pyes më thotë Gjermania, Italia dhe Brazili. Seriozisht, ku janë Shtetet e Bashkuara? Sikurse e thotë shprehja: “Mendoja se na donit?” Miqtë e mi të dashur: E parë nga Europa, Amerika është një vend shumë i ri. Kjo mund të jetë e vërtetë, por prapëseprapë 238 vite mua më duken si një kohë shumë e gjatë. Kur mendoj mbi Shpalljen tonë të Pavarësisë 238 vite më parë nga Britania e Madhe, dhe të gjithë historinë e viteve të shkuara, është e natyrshme t’u kthehesh pasazheve të caktuara të pavdekshme, të cilat çdo amerikan i arsimuar duhet t’i dijë përmendësh. E kam fjalën për vetë Deklaratën e Pavarësisë, Kushtetutën e Shteteve të Bashkuara, Fjalimin e Abraham Lincoln në Gettysburg, fjalimin e Dr. Martin Luther King “Unë kam një ëndërr”.
Këtë vit, vendosa t’i rikthehem dhe të rilexoj pjesë të një dokumenti embrional që është kriteri i vetë krijimit të Republikës Amerikane. Pavarësisht rëndësisë së tij, është diçka që shumë prej jush mund të mos e kenë dëgjuar kurrë më parë. Pres që amerikanët në ambasadë t’i njohin dhe nëse nuk i njohin, duhet të ndjehen të turpëruar, por gjasat janë që nuk njihen mirë jashtë Amerikës. Po flas për diçka që njihen si “Letrat Federaliste”. Ato ishin një seri artikujsh, 85 gjithsej, të shkruara dhe të përhapura gjatë viteve 1787 dhe 1788. Autorët e tyre ishin tre amerikanë të hershëm të jashtëzakonshëm: James Madison, Alexander Hamilton dhe John Jay. Në “Letrat Federaliste” ata u përpoqën të bindnin qytetarët e Shteteve të Bashkuara të sapoformuara që të miratonin Kushtetutën e propozuar.
Alexander Hamilton, John Jay dhe James Madison argumentonin fuqimisht përkrahjen e krijimit të një sistemi qeverisës të ri, më të fuqishëm dhe të centralizuar, por të balancuar.
Duke hulumtuar Letrat Federaliste, ndesha këtë pasazh kuptimplotë. Gjendet në Letrën e parë, e njohur si Federalistja Nr. 1. Më lejoni të citoj: “Është thënë shpesh, që duket sikur njerëzve të këtij vendi, përmes sjelljes dhe shembullit të tyre, iu është rezervuar e drejta që të vendosin mbi çështjen e rëndësishme, nëse shoqëritë e njerëzve janë me të vërtetë të afta ose jo, për të krijuar një qeveri të mirë si rezultat i reflektimit dhe zgjedhjes, apo nëse ata janë përgjithmonë të destinuar të varen të nga rastësia dhe forca për strukturat e tyre politike”.
Pak më shumë se 100 vite më parë, forca shkatërrimtare të tmerrshme u lëshuan në këtë pjesë të botës duke çuar në vdekjen e milionave dhe mjerim të parrëfyeshëm njerëzor. Ju lutem, ndaluni një çast dhe mendoni mbi gjithçka që ka ngjarë në kontinentin europian që prej asaj kohe. Pavarësisht përparimit të jashtëzakonshëm, na duhet që ende të përmbushim qëllim e vyer të një Europe që është e plotë, e lirë dhe në paqe. Ky kërkim është i vazhdueshëm, dhe progresi i vërtetë që është arritur deri më sot drejt përmbushjes së këtij qëllimi duhet të jetë një frymëzim për të vazhduar këtë kërkim të pandërprerë.
Javën e shkuar, Shqipëria arriti një gur kilometrik domethënës drejt përmbushjes së një pjese të këtij vizioni të ardhshëm. Vendimi i Këshillit Europian për t’i dhënë Shqipërisë statusin e vendit kandidat për në BE ishte i mirë për Shqipërinë. Ishte i mirë për Europën. Dhe ishte i mirë për Shtetet e Bashkuara. Ishte i mirë për Shtetet e Bashkuara, pasi ne jemi përgjithnjë të lidhur me Europën me anë të Atlantikut, dhe jo të ndarë prej tij.
Më lejoni ta mbyll duke iu drejtuar veçanërisht miqve tanë shqiptarë, të cilët kanë qenë kaq dashamirës kundrejt Amerikës kaq gjatë. Më lejoni t’iu lë me një pyetje, një nxitje në të vërtetë, me një perifrazim të lehtë dhe huazim zemërgjerë nga Federalisti nr. 1:
“A ndiheni të paracaktuar të lejoni që zgjedhjet tuaja politike të diktohen prej rastësisë dhe forcës? Apo do të provoni se jeni të aftë dhe të gatshëm për të vendosur drejtimin dhe përparësitë tuaja politike në bazë të reflektimit dhe zgjedhjes?”. Cilido që ka folur me brezin e të rinjve shqiptarë, duhet ta dijë përgjigjen. Dhe përgjigja duhet t’i qetësojë zemrat dhe mendjet tona. Ky brez – dhe ata që do të vijnë – do të nderojnë traditat dhe trashëgiminë krenare të Shqipërisë. Ata do ta respektojnë të shkuarën. Por nuk do të ngelen në të, si një shpirt i pashpresë i kyçur në një ndërtesë kinemaje, i dënuar të shohë sërish e sërish të njëjtat sekuenca të vjetra të një filmi të konsumuar tashmë.
Abraham Lincoln ishte ndoshta presidenti më i madh amerikan që ka jetuar ndonjëherë. Thuajse të gjithë janë të familjarizuar me historinë e tij, se si ai u rrit në një kasolle të vogël druri, modeste dhe të varfër, sesi ai nuk kishte zgjedhje tjetër veç të përshkonte distanca të largëta vajtje-ardhje për në shkollë qoftë këmbëzbathur ose me këpucë të grisura.
Abraham Lincoln u bë njeri i madh pasi ai nuk qëndroi në atë kasolle druri. Ai e la kasollen dhe vazhdoi ta përkushtonte jetën e tij për ndërtimin e një Republike më të fortë.“ Një Komb, nën Perëndinë, i Pandashëm, me Liri dhe Drejtësi për të Gjithë”.
Të rinjtë e Shqipërisë janë të destinuar të përmbushin premtimin e një të nesërmeje më të mirë. Koha për të nisur është sot. Ju falenderoj të gjithëve. Do të jem përgjithmonë mirënjohës për mbështetjen tuaj, për inkurajimin tuaj dhe për urtësinë tuaj, gjatë kohës sime këtu, në Shqipëri.
*Nga Aleksandër Arvizu
*Fjala e Ambasadorit të SHBA Aleksandër Arvizu, mbajtur dy ditë më parë, në ceremoninë e organizuar për Ditës së Pavarësisë së SHBA

SHBA-të kremtojnë sot 238-vjetorin

July 4, 2014 by dgreca

*Presidenti Nishani: Mbetemi përkrah SHBA-ve!/
* Presidentja Jahjaga: Falë SHBA-ve, ne sot jetojmë në paqe/
Shtetet e Bashkuara të Amerikës kremtojnë sot 238-vjetorin e Deklaratës së Pavarësisë, nënshkruar pikërisht më 4 korrik 1776. Ky dokument themeltar njeh si autor kryesor të tij, Thomas Jefferson, sipas të cilit, vetëqeverisja është “status i veçantë dhe i barabartë”, që një popull ka të drejtë sipas ligjeve të Zotit dhe të Natyrës. “Ne i mbajmë këto të drejta si të vetëkuptueshme, se të gjithë njerëzit janë krijuar të barabartë, se Krijuesi u ka dhënë atyre disa të drejta të patjetërsueshme, se mes tyre janë jeta, liria dhe kërkimi i lumturisë. Se për të siguruar këto të drejta njerëzit krijojnë qeveri, të cilat i marrin fuqitë e tyre me pëlqimin e të qeverisurve”. Këto fjalë, së bashku me Kushtetutën e Shteteve të Bashkuara dhe të njëzetë e shtatë Amendamentet e Kushtetutës, formojnë themelin filozofik të sistemit amerikan të qeverisjes. Të marra së bashku, ato kanë frymëzuar breza amerikanësh.
Presidenti Nishani: Mbetemi përkrah SHBA-ve!
“Me rastin e Ditës së Pavarësisë së Shteteve të Bashkuara të Amerikës, kam kënaqësinë e madhe që, në emër të popullit shqiptar dhe në emrin tim personal, t’Ju përcjell Juve dhe popullit mik amerikan përshëndetjet e sinqerta dhe urimet më të përzemërta!”. Kështu e ka nisur mesazhin e tij të urimit kreu i shtetit shqiptar, Bujar Nishani, drejtuar sot Presidentit amerikan Barack Obama me rastin e Festës së Pavarësisë së Shteteve të Bashkuara. Duke nënvizuar më tej lidhjet e forta njerëzore dhe miqësore, të pasura dhe jashtëzakonisht dinamike, në të cilat bazohen marrëdhëniet mbi njëshekullore shqiptaro-amerikane dhe duke ripohuar angazhimin e vendit tonë për vazhdimësinë dhe pasurimin e mëtejshëm të tyre. “Përfitoj nga rasti, Zoti President, t’ju siguroj se vendi im do të vazhdojë të luajë një rol konstruktiv në mbështetje të paqes e stabilitetit të qëndrueshëm në rajonin e Ballkanit Perëndimor dhe se do të jetë përkrah Shteteve të Bashkuara të Amerikës dhe aleatëve tanë, në Afganistan e kudo ku kërkohet përballja me sfidat e sigurisë dhe paqes, mbrojtjes së vlerave të lirisë e demokracisë. Ne vlerësojmë lart dhe mbetemi të përkushtuar në partneritetin strategjik me Shtetet e Bashkuara të Amerikës dhe jemi mirënjohës për mbështetjen e madhe amerikane në anëtarësimin e Shqipërisë në Aleancën e Atlantikut të Veriut dhe përkrahjen e vazhdueshme ndaj integrimit evropian të Shqipërisë. Duke ju uruar edhe një herë festime të gëzueshme, si edhe duke ju ripohuar ndjenjat e miqësisë së thellë të popullit shqiptar, ju lutem pranoni, i nderuar Zoti President, shprehjen e konsideratës sime më të lartë!” theksohet gjithashtu në mesazhin e urimit të Presidenti Nishani, drejtuar homologut të tij amerikan.
Presidentja Jahjaga: Falë SHBA-ve, ne sot jetojmë në paqe
“Dëshiroj që të gjithë së bashku të ngremë një dolli për t’ju uruar Shteteve të Bashkuara të Amerikës Ditën e Pavarësisë, dhe për të shënuar dhe për të festuar miqësinë dhe partneritetin e përjetshëm në mes të popullit të Kosovës dhe popullit amerikan. Të bashkuar në qëllimin tonë të përbashkët, për liri, barazi dhe demokraci ”. Kështu është shprehur Presidentja e Republikës së Kosovës, Atifete Jahjaga, gjatë një pritje të organizuar nga Ambasada e SHBA-ve në rezidencën në Prishtinë, në kremtimin e Ditës së Pavarësisë së Shteteve të Bashkuara të Amerikës. “Në emër të qytetarëve të Republikës së Kosovës, institucioneve të vendit dhe në emrin tim personal, ju uroj juve dhe popullin amerikan për Ditën e Pavarësisë”, ka shtuar ajo. Për të nënvizuar më tej gjithashtu se falë ndihmës amerikane, populli kosovar sot jeton në paqe. E kjo, sipas saj, ka një domethënie të veçantë për popullin e Kosovës dhe për të gjithë qytetarët e Republikës së Kosovës. “Ju falënderoj për besimin e vazhdueshëm në vizionin tonë që të ndërtojmë një shtet dhe të ndërtojmë një demokraci dhe një vizion tonin të mëtejshëm që dita-ditës, ne po ia japim formën dhe po e fuqizojmë gjithnjë e më shumë”, përfundoi ajo.

Ish-të përndjekurit lidhen me zinxhirë para Kuvendit

July 4, 2014 by dgreca

“Presim të marrim dëmshpërblimet. Jemi ende të burgosur politikë”. Kështu janë shprehur katër ish-të përndjekur politikë, të cilët janë lidhur me zinxhirë pranë Kuvendit ditën e sotme. Duke ripohuar në këtë mënyrë kërkesat e tyre të vazhdueshme për përfitimin e dëmshpërblimeve mbi vitet e burgut që kanë bërë gjatë diktaturës komuniste. Vetë përfaqësuesi i tyre, Skënder Tufa, ka deklaruar se janë lidhur me zinxhirë në shenjë proteste pasi nuk kanë marrë ende dëmshpërblimet.

Uragani Arthur , autoritetet paralajmërojnë qytetarët për masa

July 4, 2014 by dgreca

Stuhia tropikale ‘Arthur’, i formuar në Atlantik, tashmë është klasifikuar si uragan i kategorisë së dytë dhe kërcënon të gjithë bregun lindor të Shteteve të Bashkuara. Me erëra që i kalon 100 km në orë, “Arthur” uragani i parë për këtë sezon, vjen në një kohë kur sot SHBA-të festojnë Ditën e Pavarësisë, 4 korrikun.
Pasi kaloi në Karolinën e Veriut uragani po vazhdon në drejtim të veriut dhe mund të godasë Nju Jorkun në orët e ardhshme. Shërbimi meteorologjik ka njoftuar se një shi i rrëmbyer ka rënë në disa qytete gjatë pasdites së të enjtes dhe për pasojë ka pasur përmbytje. Pas kalimit të stuhisë në Karolina nuk ka pasur njoftime për viktima, por dëme materiale janë raportuar në disa zona.
Shumë persona në zonat bregdetare të SHBA janë evakuuar. Uragani Artur që pritet të godasë SHBA-të, vjen pas uraganit Sandy në 2012 që shkaktoi dëme të mëdha, të cilat vlerësoheshin në 70 miliardë dollarë.
Si pasojë e Uraganit, parashikohet të ketë edhe ndërprerje të energjisë elektrike. Është paralajmëruar për mbylljen e lokaleve dhe ambienteve të tjera publike,ndërsa pritet të ketë edhe përmbytje.
Gjithsesi sipas qëndrës kombëtare të uraganeve, stuhia pritet të lëvizë në det të hapur në orët në vijim në drejtim Veri-Lindje të SHBA-ve dhe kështu do të dobësohet, ndaj dhe nuk do të përbëjë rrezik serioz, gjithsesi banorëve I është bërë thirrje të shmangin daljet dhe festimet në të gjithë bregun lindor.