dgreca – Page 2517 – Dielli

Nëna shqiptare-Shën Tereza, Kosova feston

September 4, 2016 by dgreca

-Në ceremoninë zyrtare të shenjtërimit të Nënës Terezë, sot në Selinë e Shenjtë, në Vatikan, morën pjesë edhe krerët e shtetit të Kosovës: Populli ynë i dha botës një nënë të dashur për gjithë popujt/

-Media e Kosovës përkujton çka tha Presidenti Amerikan Bill Clinton në qershor të vitit 2002: “Nëna Terezë ishte e para që më bëri ta dua kombin shqiptar. Dhe tani ndihem shumë krenar që plotësova një detyrë morale ndaj saj dhe ndaj vlerave të lirisë”/

-Për nder të Shën Terezës, një meshë u mbajt sot në katedralen “Nënë Tereza” në Prishtinë/

Gazeta DIELLI nga korrespondenti në Kosovë Behlul JASHARI/

PRISHTINË, 4 Shtator 2016/ Në Kosovë është atmosferë feste për shqiptaren Nënë Tereza e shpallur sot shenjëtore nga Papa Françesku në Vatikan, në meshën e shenjtërimit që u ndoq nëpër familje e kudo në transmetimet televizive.

Në ceremoninë zyrtare të shenjtërimit të Nënës Terezë, sot në Selinë e Shenjtë, në Vatikan, morën pjesë edhe krerët e shtetit të Kosovës, presidenti Hashim Thaçi, kryeministri Isa Mustafa e kryetari i Kuvendit, Kadri Veseli, si dhe Ipeshkvi Imzot Dodë Gjergji dhe shtegtarët tjerë të nisur nga Kosova rrugës Prishtinë-Durrës-Bari-Romë. Mbrëmë, në Vatikan, morën pjesë në koncertin e madh të artistëve shqiptarë me famë botërore dhe Filarmonisë së Kosovës, organizuar me rastin e shenjtërimit të Nënës Terezë.

“Kemi fatin që të jetojmë në kohët më të mira për shqiptarët”, është shprehur presidenti Thaçi duke theksuar shenjtërimin e Nënës Terezë ndër ngjarjet më të mëdha dhe më të rëndësishme në historinë tonë.

“Populli ynë i dha botës një nënë të dashur për gjithë popujt. I dha një mrekulli, që me rrugën e saj fisnike ishte simbol i mirësisë dhe mishërim i vetive më të mira njerëzore. Sot, bashkë me shenjtërimin e Nënës Terezë u shenjtërua edhe prejardhja e saj shqiptare”, theksoi presidenti Thaçi. Deklarata u dërgua nga ceremonia e shenjtërimit e drejtuar nga Papa Françesku në bazilikën e Shën Pjetrit, ku u mblodhën liderë dhe personalitete të shumta botërore.

Më tej theksohet se, për nder të humanistes shqiptare, mbrëmë në Selinë e Shenjtë u mbajt edhe koncerti “Himni i Nënës Terezë”, ku morën pjesë artistë të njohur shqiptarë dhe botërorë.

Nëna Terezë ishte dekoruar me çmimin Nobel për Paqe në vitin 1979, ndërsa ishte lumturuar nga Papa Gjon Pali në vitin 2003, pasi që Selia e Shenjtë kishte pranuar se falë ndërhyrjes së mbinatyrshme të saj, ajo kishte shëruar një grua indiane.

Në vitin e kaluar, më 17 dhjetor 2015, Papa Françesku ia njohu Nënës Terezë edhe mrekullinë e dytë, përkatësisht shërimin e jashtëzakonshëm të një të riu brazilian, më 9 dhjetor 2008.

Njohja e mrekullisë së dytë nga Selia e Shenjtë i hapi rrugë shenjtërimit të sotëm të Nënës Terezë.

“Ky vit, i shpallur si viti i Nënës Terezë nga qeveria e Kosovës, na ka sjellë shumë mbarësi, i cili do të kulmojë me shenjtërimin e Nënës Terezë”, ka theksur kryeministri Kosovar Mustafa.

“Isha shumë i nderuar që mora pjesë sot në ceremoninë zyrtare të shenjtërimit të Nënës Terezë.
Jeta dhe vepra e jashtëzakonshme e Shën Terezës në shërbim të njerëzimit, u nderua nga qindra mijëra njerëz të mbledhur në Sheshin e Shën Pjetrit në Vatikan.
Shqiptarët tashmë e kanë shenjtoren e tyre e cila do të vazhdojë të na prijë në përsosjen e vlerave shpirtërore, morale e humane.
Bota mbarë ka simbolin e shenjtë të dashurisë, besimit, humanizmit, vetëmohimit”, shprehet kryeministri Mustafa.

“Jemi popull me fat që botës i dhamë Nënën e paqes dhe dashurisë në gjithë botën”, është shprehur kryetari i Kuvendit të Kosovës, Veseli.

“Jemi krenarë që nga sot Shën Tereza shton radhën e shenjtorëve që populli shqiptar i dha botës, duke lartësuar misionin e paqes dhe dashurinë. Shën Tereza dhe trashëgimia e saj tashmë janë shenjtëruar! Misioni i saj buroi nga ndjenja më fisnike, e mbrojtur në lashtësinë e traditën e popullit tonë, solidarizim me të pafuqishmin, kujdes për të pambrojturin dhe dashuri për të përbuzurin. Nga sot, ne dhe gjithë bota i përkulemi jetës dhe veprës së saj në dobi të njerëzimit”, thekson kryeparlamentari kosovar Veseli.

Për nder të Shën Terezës, një meshë u mbajt sot në katedralen “Nënë Tereza” në Prishtinë, ku Don Izidor Lukiç, drejtor i Qendrës “Don Bosko” falënderoi Zotin për “dhuratën më të madhe që na e dhuroi, Nënën tonë të shenjtë”.

Profesori në Fakultetin e Studimeve Islame në Universitetin e Prishtinës, Dr. Xhabir Hamiti, shprehet se ndihet i nderuar për kanonizimin e Gonxhe Bojaxhiut, e njohur tanime ne bote me emrin Mother Tereza.

“Si qytetar shqiptar, ndihem i nderuar me respektin dhe konsideraten me te larte qe po i bene selia boterore katolike ne Vatikan, misionares dhe humanistes se shquar te shekullit te kaluar, me gjeneze shqiptare.
Suksesi yne individual shqiptar ne bote, historikisht eshte shume me i shquar sesa ai kolektiv.
Uroj qe ne te ardhmen te jemi me te bashkuar per te miren tone te perbashket”, ka shkruar profesori i shkencave islame Hamiti.

Nëna Tereze u shenjtërua sot, ne na bën krenarë, shprehet kryetari i Lëvizjes Vetëvendosje, Visar Ymeri. “Ishte nder të marrim pjesë në Ceremoninë e shenjtërimit të Gonxhe Bojaxhiut – Nënë Terezës”, shkruan nga Vatikani kryetari i Vetëvendosjes, subjektit më të madh opozitar në Kosovë.

Ndër deklartatat e para është edhe ajo e Gruas Demokratike të PDK-së, e cila “përshëndetë shenjtërimin e Nënës Terezë në Vatikan si një vlerë kulmore që i bëhet një bije shqiptare, misionare e veprave të bamirësisë në shërbim të njerëzimit”.

“Nëna Terezë ishte sinteza e vlerave më të mira të civilizimit shqiptar dhe me të drejtë u cilësua si nëna e shekullit”, shprehet nga Vatikani, kryetarja e Gruas Demokratike Justina Shiroka-Pula.

Në atmosferën e festës në Kosovë, media sot shumë herë ka theksuar se Nëna Terezë u bë urë lidhëse në mes të shqiptarëve dhe botës.
Ish-Presidenti Amerikan Bill Clinton në qershor të vitit 2002 ka thënë se: “Nëna Terezë ishte e para që më bëri ta dua kombin shqiptar. Dhe tani ndihem shumë krenar që plotësova një detyrë morale ndaj saj dhe ndaj vlerave të lirisë”.

Papa Françeskut në Meshën e Shenjtërimit të Nënë Terezës, sot në Vatikan, i kanë shërber edhe diakonët e Kosovës, Don Daniell Markprekaj dhe Don Meriton Dedaj.

“Ky privilegj i bukur i dy diakonëve të Ipeshkvisë sonë është një shenjë e kujdesit që Selia e Shenjtë tregon për popullin e Nënë Terezës në festën e madhe të 4 shtatorit”, theksohet në Ipeshkvinë e Kosovës.

Në 26 gusht, në Katedralen “Nëna Terezë” në Prishtinë, organizuar nga InfinityArt dhe Ipeshkvia e Kosovës u hap ekspozitë punimesh të artistëve të rinj të Kosovës me portretet e Nënë Terezës për të shënuar ditëlindjen e saj dhe për festën e shenjtërimit të të njohurës në botë edhe si laureate e Çmimit Nobel për Paqe, për ndihmën të varfërve, shqiptares Gonxhe Bojaxhiu, e lindur në 26 gusht 1910 në Shkup.

Prizreni, qyteti më i madh jugor i Kosovës, afër kufirit me Shqipërinë, është qyteti i prindërve të Nënë Terezës. “Unë jam prej Prizreni, prindërit e mi kanë lindur në Prizren”, kujtonte fjalët e Nënë Terezes, nga takimi në vitin 1975, Kancelari i Ipeshkvisë së Kosovës Don Shan Zefi, derisa bisedonim në verën 2010 në Prishtinë – Katedralën në ndërtim, ku udhëheqte punimet.

“Edhe të mitë janë nga këto vende, diku”, ishin fjalët e Nënës Terezë në Prishtinë, të kujtuara në 3 shtator 2010, rreth 30 vjet pas vizitës, nga akademik Pajazit Nushi, i cili kishte organizuar pritjen si një nga drejtuesit e lartë të Kosovës.

Në 10 dhjetor 1979 Nana Terezë, pasi kishte pranuar Çmimin Nobël për Paqe në Oslo, siç ka shënuar në atë kohë gazeta tradicionale e Kosovës Rilindja, ka deklaruar: “Përsa i përket prejardhjes, unë jam shqiptare, indiane përkah nënshtetësia, motër murgeshë katolike, përkah thirrja, që i përkas tërë botës…”

Ishte viti 1995, kur në 7 dhjetor Presidenti historik i Kosovës, Ibrahim Rugova, gjatë rrugës për në Uashington, në Aeroportin e Romës, ka pasur një takim, të vetmin, me nobelisten shqiptare Nënë Terezen. “Do të lutem për popullin e Kosovës”, i ka thënë Nëna Tereze.

Në 2 korrik 2002, Presidenti Rugova ka zbuluar shtatoren e Nënës Tereze në sheshin me emrin e saj në qendër të Prishtinës. “Simboli i Nënës shqiptare, Nënës Tereze, do ta ndiçojnë zemrën e Prishtinës dhe të Kosovës së lirë, ashtu siç e ka dashur ajo”, shprehej Presidenti i parë i Kosovës, Rugova.

Në 26 gusht 2005, gjatë ceremonisë së vënies së gurthemelit të Katedrales katolike në Prishtinë, Presidenti Rugova theksonte: “Sot është një ditë e madhe për kryeqytetin dhe për gjithë Kosovën, sepse po e bekojmë gurin e themelit të një tempulli të shenjtë, që i kushtohet Nënës së dashur shqiptaro-kosovare dhe Nënës së Njerëzimit – të lumturës Nëna Tereze – asaj që lartësoi nderin e Kosovës dhe të shqiptarëve në gjithë planetin duke i afirmuar vlerat tona dhe duke ndihmuar gjithë njerëzimin”.
Gurthemeli i Katedrales u vu për nder të 95 vjetorit të lindjes së Nënës Tereze nga ana e Presidentit Ibrahim Rugova, Ipeshkvit të Ipeshkvisë së Kosovës Imzot Mark Sopi dhe Kardinalit të Uashingtonit Teodor Mekkerik, në oborrin e Gjimnazit “Xhevdet Doda” në Prishtinë. Katedralja nisi të ndërtohet në 600 vjetorin e lindjes së kryeheroit kombëtar shqiptar Gjergj Kastrioti-Skënderbeu

Presidenti aktual i Kosovës, Hashim Thaçi, në ceremoninë e inaugurimit në 8 prill 2016 theksonte: “Vendi ynë është krenar që sivjet po bëhet e shenjtë një grua e bekuar, që para 90 viteve, si 17-vjeçare në Kishën e vogël të Letnicës, ndjeu urdhrin e Zotit dhe nga Gonxhe Bojaxhiu u bë Nënë Terezë, humaniste me përmasa globale”.

Viti 2016 është Viti i Nënë Terezës në Kosovë, i deklaruar në 15 janar nga qeveria kosovare, e cila më pas në mbledhjen e 22 korrikut vendosi të ndajë mjete financiare me qëllim të mbështetjes së aktiviteteve që lidhen me kanonizimin dhe shpalljen e shenjtërisë së Nënës Terezë.

Kosova ka shpallë 5 Shtatorin “Dita e Bamirësisë – Nëna Terezë”. Për këtë, Kuvendi i Republikës së Kosovës në seancën plenare në 11 korrik, me votim unanim, ka miratuar propozimin e Kryesisë së Kuvendit.
Asambleja e Përgjithshme e Kombeve të Bashkuara në vitin 2012 ka shpallë datën 5 shtator, ditën kur kaloi në amshim Nënë Tereza, si Ditën Ndërkombëtare të Bamirësisë.

Rezoluta e OKB-së bënte thirrje që në 5 shtator, të gjitha shtetet anëtare të OKB-së, organizatat e Kombeve të Bashkuara, organizatat e tjera ndërkombëtare dhe rajonale, shoqëria civile, si dhe individët, të përkujtojnë Ditën Ndërkombëtare të Bamirësisë.

Our Mother Teresa stands out as one the greatest humanitarians and Saints in our world’s history

September 4, 2016 by dgreca

“By blood, I am Albanian. By citizenship, an Indian. By faith, I am a Catholic nun. As to my calling, I belong to the world. As to my heart, I belong entirely to the Heart of Jesus.” –Mother Teresa/

By Ilir CUBI/

Mother Teresa was born in 1910, in Shkup (today the capital of Macedonia) to an Albanian Family. Her Birth name was Gonxhe Bojaxhiu. In Albanian Gonxhe is the name of a flower. Her father was Nikola (Kola) Bojaxhiu. He was born Prizren, an important Albanian city in Kosova. Her mother, Drandafile (Drane) was from a town called Gjakova, which is also located in Kosova. Kola was a successful businessman who was raised with traditional Albanian values. Drane Bojaxhiu was a traditional Albanian housewife and always showed love and compassion for the poor and the sick. Through action she became a role model to her kids and to others.

Mother Teresa was the youngest of three children. Her brother Lazër was the oldest of the three. Age, her sister, and Mother Teresa would go to Albanian Catholic church “Zemra e Krishtit” in Shkup. Both Mother Teresa and Age were part of the church’s chorus and were very talented in singing, drama and very involved with the church’s activities.

Mother Teresa received a calling to become a nun during a pilgrimage to St. Mary’s Church in a Letnica, a picturesque village in southwest of Kosova. Each year, on August 15^th, the young Gonxha Bojaxhiu, visited the church that inspired her. Every time she visited the church, she was filled with more and more of the holly spirit. Subsequently, at age 17, she set about her mission of charity.

In 1919, when Mother Teresa was only 8 years old, her father Kola, a proponent of Albanian independence, had been poisoned and died in Belgrade. Her father was a representative of the city of Shkup, at the time populated by a majority Albanian population. After the loss of her father, Drane had to fill in her husband’s shoes -to not only being a mother to the three children but also a father.

In 1928, Gonxhe (Mother Teresa) joined the congregation of Loretos in Zagreb, Croatia. From Zagreb she was transferred to Dublin in Ireland, then soon after she was transferred to Calcutta. She taught history and geography at Saint Mary’s High School for Girls, a school run by the Loreto Sisters. She learned Bangali and Hindi fluently and dedicated herself to teaching children Calcutta’s poorest kids.

On September 10, 1946, Mother Teresa experienced a second calling, the “call within a call”. This happened while she was riding a train to a retreat to the Himalayan region. Mother Teresa said that Christ spoke to her and asked her to work in the slums of Calcutta to help the city’s poorest and sickest people. She needed permission to leave the convent. She requested permission from the archdiocese. Through persistence, and more requests, it took nearly a year and a half for her to receive approval from the Vatican to pursue her new calling, to help the poor, “the unwanted, the unloved, the uncared for.”

Mother Teresa took action to help the city’s poor. She quickly convinced the city officials to donate to her a dilapidated building to establish a home for the dying destitute. In 1950, she was given canonical recognition, resulting in the formation of the Missionaries of Charity, a Roman Catholic congregation of women dedicated to helping the poor, which she founded with a few members, mostly students and former teachers from St. Mary’s school.

In the words of Mother Teresa, the purpose of the Missionaries of Charity was to care for “the hungry, the naked, the homeless, the crippled, the blind, the lepers, all those people who feel unwanted, unloved, uncared for throughout society, people that have become a burden to the society and are shunned by everyone.”

For over 50 years, Mother Teresa dedicated herself to helping the poor and to spreading the word that God is Love and that He loves us all.

Today, an Order that started with 12 members in Culcutta, has over 5,000 dedicated women and volunteers in helping the poor and sick in over 135 countries around the world, wearing the traditional color that she designed, the WHITE AND BLUE. Their presence is in orphanages, hospices, caring for refugees, the blind, disabled, aged, alcoholics, the poor and homeless and victims of floods, epidemics and famine all over the world

Mother Teresa received various honors for her tireless work of charity. She was also awarded the Jewel of India, the highest honor bestowed to an Indian Civilian. And 1979, Mother Teresa won her highest honor when she was awarded the Nobel Peace Prize in recognition of her tireless work in giving help to the poor and sick. In 2003, she was beautified and on September 4^th, 2016, Mother Teresa will become one of our greatest Saint’s and will always be remembered for all she has done for humanity.

Thank you all for coming to this miracle of miracles and being part of History

May God Bless You All

From a Proud AMERICAN ALBANIAN

ILIR CUBI

NEW YORK

NISI RRUGETIMIN SHKOLLA SHQIPE NE TAMPA, FLORIDA

September 4, 2016 by dgreca

Te Shtunen me 3 Shtator 2016 nisi rrugetimin Shkolla Shqipe ne Florida, nje sipermarrje patriotike e deges se Vatres ne Tampa, Florida.Urime me te mira per nxenesit dhe mesuesit!

Federata Vatra e pergezon degen e Vatres ne Tampa dhe grupin nismetar per kete nisme dhe i jep mbeshtetjen dhe do ta suportoje me te gjithe mundesite. Nga qendra u nisen per kete shkolle materialet e para shkollore perfshi Abetaren e njesuar dhe fletet e punes, por se shpejti presim nje furnizim me te plote nga Bashkia e Kamzes, e cila edhe me pare e ka ndihmuar Vatren per te mbeshtetur shkollat shqipe qe jane hape me mbeshtetjen e Vatres ne Shtetet e Bashkuara te Amerikes.

Me kete rast falenderojme edhe Konsullaten e Republikes se Kosoves ne Nju Jork, e cila ka ndihmuar degen e Vatres ne Jacksonville, Florida, e hapur vitine kaluar.

Do te donim qe edhe Shqiperia, me institucionet e saj arsimore dhe diplomatike ketu ne SHBA, te behej e gjalle per te dhene kontributin qe i takon.

Nga ana e saj, Dega e Vatres ne Tampa, ka percjelle nje komunikate te shtunen me rastin e hapjes se Shkolles Shqipe atje. Po e percjellim:

Shkolla Shqipe Vatra u inagurua sot me sukses. Falenderojme të gjithe bashkeatdhetaret qe me pjesemarrjen e tyre e bene kete event me mbreselenes. Falenderojme mesuese Zj. Yllka Bejo qe me aktin e saj patriotik po ndjek gjurmet e Nene Terezes, “Cfare te jap une per Kombin, jo cfare të japi Kombi per mua” u shpreh Zj. Bejo. Nje thenie shume domethenese qe na frymezon të gjitheve. Nje falenderim të vecante per Z. Martin Marra per kontributin e tij dhe qe ndjehet krenar ne mesimdhenien e gjuhes Shqipe femijve tane. Hapja e Shkolles nuk do behej e mundur pa kontributin e pashtershem te Z. Tasim Ruko, Z. Isuf Spahiaj, Zj. Greta Monty, Z. Jason Sulisufaj, Z. Arian Kushta. Z. Piro Poloska, Z. Lulezim Nurka l, Z Mario Mihaj dhe Zj. Zamira Rubjeka. Falenderojme per kontributin material dhe moral të Z. Ed Sucaj , Z. Fadil Shehu, Z. Fadil Neziri, Z. Ari Abdi, Z. Hasan Rubjeka dhe Z. Lander Lena qe gjithmone perkrah cdo aktivitet patriotik. Falenderojme nenat Shqiptare ne Diaspore qe ushqejne Shqiponjat me dashurine per gjuhen dhe Kombin. Jemi mirenjohes të gjithe dashamiresve qe me urimet na inkurajojne të punojme me shume. Jemi mirenjohes Vatra NY per materialet dhe deget te Vatra Orlando, Vatra Michigan, Vatra Queens dhe Vatra Jacksonville. Zoti e bekofte Shqiperine dhe Bijte e saj kudo qe ndodhen!

“Është shenjte Tereza, por do të vijojmë ta quajmë Nënë”

September 4, 2016 by dgreca

Formula e Shenjtërimit/

Për nderimin e së Shenjtnueshmes Trini,/

për lartimin e fesë katolike/

dhe thellimin e jetës së krishterë,/

me autoritetin e Zotit tonë, Jezu Krishtit,/

të Shenjtorëve Apostuj Pjetër e Pal e Tonin,/

Pasi reflektuam gjatë,/

kërkuam shumë herë ndihmën hyjnore/

e dëgjuam mendimin e shumë prej vëllezërve tanë në Ipeshkvni./

e deklarojmë dhe e quajmë Shenjte

Të Lumen Terezë të Kalkutës

Dhe e shkruajmë në Librin e Shenjtorëve,

duke vendosur që Ajo të nderohet nga Kisha universale

me devocion ndërmjet shenjtorëve.

Në shenjtërimin e Nënë Terezës, “murgeshës së të fundmëve” Papa Françesku e nxiti Kishën t’ia shtrijë dorën refugjatëve e të burgosurve”. Më se 120 mijë besimtarë në Meshën, kremtuar në Sheshin e Shën Pjetrit, pjesëmarrës në një nga çastet më të rëndësishme të Jubileut të Mëshirës.

Papa i njohu, kështu, meritat Motrës së vogël, e cila ngriti zërin aq, sa të dëgjohej nga të pushtetshmit e tokës, që t’i pranonin fajet përballë krimit të varfërisë së krijuar prej tyre. Dora e saj shtrëngoi mijëra duar, që shtriheshin për të kërkura ndihmë. E kudo shtrihet një dorë, që kërkon ndihmë për t’u ngritur përsëri në këmbë, atje duhet të jetë edhe prania jonë e prania e Kishës, që mbështet e jep shpresë! – kujtoi Ati i Shenjtë Bergoglio, duke shtuar jashtë tekstit fjalët, që e prekën aq turmën, sa ta ndërpriste me duartrokitje të fuqishme:

“Mendoj se ndoshta do ta kemi pakëz vështirë ta quajmë Shën Tereza. Shenjtëria e saj është aq pranë nesh, aq e dhembshur dhe e frytshme, sa, vetvetiu do të vijojmë ta quajmë Nënë Tereza!”

Këto, fjalët e Papës, që e ka bërë mëshirën program të papnisë së Tij e që në vijim të homelisë kujtoi: “Gjatë gjithë jetës së saj, Nënë Tereza, qe bujare e shpërndarëse e mëshirës hyjnore, gjithnjë e gatshme për të gjithë, mikpritëse e mbrojtëse e jetës njerëzore, jetës së braktisur e të flakur tutje. U angazhua në mbrojtje të jetës, duke theksuar vazhdimisht se “kush nuk ka lindur akoma, është më i ligshti, më i vogli, më i mjeri” e duke ua njohur dinjitetin, që ua jep vetë Zoti; e ngriti zërin aq, sa të dëgjohej nga të pushtetshmit e tokës, që t’i pranonin fajet përballë krimit të varfërisë së krijuar prej tyre:

“Bamirësia është thirrje. E mëshira për të ishte “kripë” që i jepte shije çdo vepre, ishte “dritë”, që ndriçonte errësirën e njerëzve, të cilët nuk kishin më as lot për të qarë mbi varfërinë e tyre, mbi vuajtjen e tyre”.

Kështu Papa, i shoqëruar nga duartrokitjet e mijëra të pranishmëve, në një Shesh që sot skuqte nga Flamujtë Kuq e Zi, pranë e pranë të cilëve, ato blu e verdh të Kosovës, që valëviteshin kudo.

Françesku theksoi në vijim edhe se “Misioni i saj në rrethinat e qyteteve e në periferitë ekzistenciale, mbetet, në ditët tona, dëshmi që flet vetë për afërsinë e Zotit pranë të varfërve më të varfër.

“Le të jetë Ajo modeli juaj i shenjtërisë!” – u tha Papa vullnetarëve, duke ia dorëzuar këtë figurë simbolike mbarë botës së vullnetariatit, në sa kremtonte, i rrethuar nga 70 kardinaj, 400 ipeshkvij, 1700 meshtarë.

Por vendet më të zgjedhura sot i ruajti për të varfërit: ata qenë në krye të vendit në festën e shentjërimit të Nënës së tyre në shpirt, e edhe në krye të gostisë së festës, që shtroi për ta Françesku në tremen e Sallës Pali VI.

Kështu, me këtë ceremoni madhështore, Papa Begoglio e shkroi Nënë Terezën në librin e shenjtorëve të Kishës katolike, që mbarë bota të mund ta kundrojë.

Do ta marrin me vete, në kthim, qindra mijëra besimtarët, jehonën e paharrueshme të formulës së shentjërimit:

e deklarojmë dhe e quajmë Shenjte

Të Lumen Terezë të Kalkutës…

duke vendosur që Ajo të nderohet nga Kisha universale

me devocion ndërmjet shenjtorëve….(Radio Vatikani)

Papa: Nënë Tereza është Shenjte

September 4, 2016 by dgreca

Papa Françesku: Homelia e Meshës për Shenjtërimin e Nënë Terezës në Sheshin e Vatikanit, 4 shtator 2016 (tekst i plotë).

“E kush mund ta përfytyrojë se çka do Zoti? (Ur. 9,13). Kjo pyetje nga Libri i Urtisë, që e dëgjuam në leximin e parë, na e paraqet jetën tonë si mister, çelësin e shpjegimit të të cilit nuk e kemi ne. Protagonistët e historisë janë gjithnjë dy: Zoti në njerën anë, njeriu, në tjetrën. Detyra jonë është ta perceptojmë thirrjen e Zotit e, më pas, ta pranojmë vullnetin e tij. Por, për ta pranuar pa ngurrim, duhet të pyesim: Cili është vullneti i Zotit në jetën time?

Në të njëjtin fragment të Librit të Urtisë, gjejmë edhe përgjigjen: “Vetëm kështu njerëzit mësuan çfarë të pëlqen”(v 18). Për ta vërtetuar thirrjen e Zotit, duhet të pyesim e të kuptojmë ç’i pëlqen Atij. Shpesh herë profetët kumtojnë ç’i pëlqen Zotit. Mesazhi i tyre përmblidhet mrekullisht në shprehjen: “Mëshirë dua, jo fli!”(Os.6,6); Mt 9,13). Zotit i pëlqen çdo vepër mëshire, sepse në vllain, që ndihmojmë, shikojmë fytyrën e Zotit, që nuk mund ta shikojë askush (cfr Gjn 1,18). Sa herë përkulemi mbi vëllezërit nevojtarë, i japim të hajë e të pijë vetë Jezusit: e veshim, e ndihmojmë, e vizitojmë Birin e Zotit (krh Mt 25,40).

Jemi, prandaj, të thirrur ta jetojmë konkretisht, atë që themi në lutje e që e shpallim në fe. Nuk ka rrugë tjetër, përveç dashurisë së krishterë: gjithsa vihen në shërbim të vëllezërve, edhe pa e ditur, janë ata që e duan Zotin (khr 1 Gjn 3,16-18; Gc 2,14-18). Jeta e krishterë, gjithsesi, nuk është ndihmë e thjeshtë, që jepet në çastin e nevojës. Po të ishte kështu, do të qe sigurisht një ndjenjë solidariteti njerëzor, që sjell dobi të menjëhershme, por do të ishte shterpë, sepse pa rrënjë. Angazhimi që kërkon Zoti, përkundrazi, është ai i thirrjes për atë bamirësi, me të cilën çdo dishepull i Krishtit vë në shërbim jetën e vet, për t’u rritur çdo ditë në dashuri.

Dëgjuam në Ungjill se “një turmë e shumënumërt shkonte me Jezusin” (Lk 14,25), Sot, kjo “turmë e shumënumërt” përfaqësohet nga bota e gjerë e vullnetariatit, që u mblodh tani këtu, me rastin e Jubileut të Mëshirës. Jeni ju, kjo turmë, që ndjek pas Mësuesin dhe e bën të dukshme dashurinë e Tij konkrete për çdo njeri. Po jua përsëris fjalët e Shën Palit Apostull: “Dashuria jote ka qenë për mua gëzim i madh dhe ngushëllim, sepse i ke përforcuar zërat e shenjtorëve”(Fm 7). Sa zemra ngushëllojnë vullnetarët! Sa duar ndihmojnë; sa lot terin; sa dashuri ka në shërbimin e fshehur, të përvuajtur, pa pikën e interesit! Ky shërbim i lavdërueshëm i jep zë fesë e shpreh mëshirën e Atit, që bëhet i afërt me të gjithë nevojtarët.

Ndjekja e Krishtit është angazhim serioz e njëkohësisht, i gëzueshëm; kërkon radikalitet e guxim për ta njohur Mësuesin Hyjnor në më të varfërin e për t’u vënë në shërbim të Tij. Prandaj vullentarët, që u shërbejnë të fundmëve e nevojtarëve për dashuri të Krishtit, nuk presin kurrfarë falënderimi, kurrfarë shpërblimi, por heqin dorë nga të gjitha këto, sepse kanë zbuluar dashurinë e vërtetë. Ashtu si Zoti erdhi tek unë e u përkul mbi mua në çastin e nevojës, ashtu edhe unë shkoj tek Ai e përkulem mbi ata, që e kanë humbur fenë ose jetojnë sikur të mos kishte Zot, mbi të rinjtë pa vlera e ideale, mbi familjet në krizë, mbi të sëmurët, mbi të burgosurit, mbi refugjatët, mbi emigrantët, mbi të ligshtit e të pambrojturit në korp e në shpirt, mbi të miturit e të lënët në mëshirën e vetvetes, ashtu si mbi pleqtë e braktisur. Kudo shtrihet një dorë, që kërkon ndihmë për t’u ngritur përsëri në këmbë, atje duhet të jetë edhe prania jonë e prania e Kishës, që mbështet e jep shpresë!

Nënë Tereza, në gjithë jetën e saj, qe bujare e shpërndarëse e mëshirës hyjnore, duke qenë gjithnjë e gatshme për të gjithë, përmes mirëpritjes e mbrojtes së jetës njerëzore, jetës së braktisur e të flakur tutje. U angazhua në mbrojtje të jetës, duke theksuar vazhdimisht se “kush nuk ka lindur akoma, është më i ligshti, më i vogli, më i mjeri” e duke ua njohur dinjitetin, që ua jep vetë Zoti; e ngriti zërin aq, sa të dëgjohej nga të pushtetshmit e tokës, që t’i pranonin fajet përballë krimit të varfërisë së krijuar prej tyre. Mëshira për të ishte “kripë” që i jepte shije çdo vepre, ishte “dritë”, që ndriçonte errësirën e njerëzve, të cilët nuk kishin më as lot për të qarë mbi varfërinë e tyre, mbi vuajtjen e tyre.

Misioni i saj në rrethinat e qyteteve e në periferitë ekzistenciale, mbetet, në ditët tona, dëshmi që flet vetë për afërsinë e Zotit pranë të varfërve më të varfër. Sot po ia dorëzoj këtë figurë simbolike gruaje e rregulltareje mbarë botës së vullnetariatit; le të jetë Ajo modeli juaj i shenjtërisë! Mendoj se ndoshta do ta kemi pakëz vështirë ta quajmë Shën Tereza. Shenjtëria e saj është aq pranë nesh, aq e dhembshur dhe e frytshme, sa, vetvetiu do të vijojmë ta quajmë Nënë Tereza! Kjo veprimtare e palodhur e mëshirës na ndihmoftë ta kuptojmë gjithnjë më mirë se i vetmi kriter i veprimtarisë është dashuria pa shpërblim, e lirë nga çdo ideologji e nga çdo lidhje, që u përket të gjithëve, pa dallim gjuhe, kulture, race, feje. Nënë Terezës i pëlqente të thoshte: “Ndoshta nuk e flas gjuhën e tyre, por mund t’u buzëqesh”. Ta mbajmë në zemër buzëqeshjen e saj e t’ua dhurojmë atyre, që takojmë në udhën tonë, posaçërisht njerëzve, që vuajnë. Do të hapim, kështu, horizontet e gëzimit e të shpresës për mbarë njerëzimin, që e ka humbur besimin e ka shumë nevojë për mirëkuptim e dhembshuri!