-Presidentja e Republikës së Kosovës vizitoi sot katër komuna, dy prej të cilave të banuara me shumicë nga komuniteti serb/
PRISHTINË, 25 Janar 2016-B.Jashari/ Presidentja e Republikës së Kosovës, Atifete Jahjaga vizitoi sot katër komuna, dy prej të cilave të banuara me shumicë nga komuniteti serb, Kllokotin e Ranillugun.
Ajo vazhdoi kështu vizitat që po zhvillon gjatë janarit nëpër komunat e Kosovës, në kuadër të nismës së përbashkët me odat ekonomike e me qëllim të diskutimit të sfidave të zhvillimit ekonomik, përkrahjes së bizneseve dhe krijimit të lehtësirave për to, me theks të veçantë në tërheqjen e investimeve të huaja në Kosovë.
Presidentja Jahjaga fillimisht vizitoi komunën e Kllokotit, ku u prit nga kryetari Sreçko Spasiç, pastaj komunën e Gjilanit, ku bisedoi me kryetarin Lutfi Haziri, komunën e Kamenicës, ku u prit nga kryetari Begzad Sinani, si dhe komunën e Ranillugut, ku u prit nga kryetari Gadimit Mikiç.
Kryetarët e komunave e njoftuan Presidenten Jahjaga me zhvillimet në fushën e ekonomisë në komunat e tyre, me theks të veçantë me përpjekjet që bëjnë pushtetet komunale në përkrahje të bizneseve.
Ata, gjithashtu, shtruan një varg problemesh që dalin në këtë drejtim, qoftë për shkak të problemeve që ndërlidhen me nivelin qendror të pushtetit, qoftë për shkak të problemeve të tjera.
Në takime morën pjesë edhe kryetari i Odës Ekonomike të Kosovës, Safet Gërxhaliu, kryetari i Odës Ekonomike Amerikane, Arian Zeka, dhe kryetari i Odës Ekonomike Gjermane, Albert Matoshi.
Ata paraqitën problemet kryesore me të cilat përballen bizneset, qoftë ato vendore, qoftë biznese të huaja që kanë interes për investim në Kosovë, si dhe paraqitën opsionet për mënyrat se si pushteti lokal, por edhe ai qendror, mund t’i ndihmojnë bizneset dhe me këtë të sigurojnë rritje të shkallës së zhvillimit ekonomik dhe krijim të vendeve të reja të punës.
Presidentja Atifete Jahjaga përfundon mandatin në 6 prill 2016, ndërsa sipas Kushtetutës “zgjedhja e Presidentit të Republikës së Kosovës duhet të bëhet jo më vonë se tridhjetë (30) ditë para përfundimit të mandatit të Presidentit aktual”. Zgjedhja e Presidentit të Republikës bëhet nga Kuvendi i Kosovës, me votim të fshehtë.
Dr. Ibrahim Rugova, prijës guximtar e largpamës
Reflektim ne dhjetevjetorin e ndarjes nga kjo bote te kryetarit historik te Kosoves, Dr. Ibrahim Rugoves (1944 – 2006)/
Nga Sadik ELSHANI-Filadelfia/*
Muaji i ftohte i janarit i lindi burra te medhenj kombit tone: Ismail Qemalin (16 janar, 1844), Isa Boletinin (15 janar, 1864), Fan Nolin (6 janar, 1882), Ismail Kadarene (28 janar, 1936) e ndonje tjeter. Poashtu, ky muaj i ftohte i mori ne amshim disa burra te medhenj te kombit tone: Heroin tone Kombetar, Gjergj Kastriot Skenderbeun (17 janar, 1468), Isa Boletinin (23 janar, 1916), Ismail Qemalin (24 janar, 1919), Ibrahim Rugoven (21 janar, 2006) e ndonje tjeter. Eshte pikerisht dhjetevjetori i ndarjes nga kjo bote i Dr. Ibrahim Rugoves, qe na ben te reflektojme per kete udheheqes te fazes se fundit te perpjekjeve shumeshekullore te shqiptareve te Kosoves per liri e pavaresi dhe kryetar (president) i pare i Kosoves se lire.
Qe ne fillim duhet theksuar se paraqitja e Dr. Ibrahim Rugoves ne skenen politike te Kosoves ishte nje dukuri e papare gjer atehere ne hapesiren shqiptare dhe ate ballkanike. Gadishulli qe kishte perjetuar drama, tragjedi njerezore, luftera e dhune te panderprere, thuaja gjate tere historise se tij, nuk ishte mesuar te ndeshej me nje qendrese (rezistence), levizje paqesore. Por ja qe Dr. Ibrahim Rugova solli dicka te re, solli nje qasje te re, rezistencen paqesore, rezistencen kembengulese burrerore – zgjodhi forcen e parimeve te larta morale mbi forcen e vrazhde fizike. E mosperfillen pushtuesin, e refuzuan nenshtrimin dhe ngriten institucionet, shoqerine paralele. Shqiptaret te cilet ishin rritur me trimerite e Ciklit te Kengeve te Kreshnikeve, Gjergj Elez Alise, bemat e Skenderbeut, tani po provonin dicka ndryshe, dicka te re, dicka qe nuk e kishin provuar kurre me pare. Edhe Dr. Rugova qysh nga lindja e kishte perjetuar fatin e rende te Kosoves, sepse sapo kishte lindur ai, cetniket serbe ia kishin vrare babain dhe gjyshin. Ai ishte rritur duke i degjuar keto histori dhe shume histori te tjera te dhimbshme qe ka perjetuar populli yne. Pa dyshim, edhe ngjarjet e Vitit te Madh 1968 do te kene lene gjurme ne ndergjegjen, kalitjen e karakterit te studentit te atehershem, Ibrahim Rugova. Me strategjine e tij, me filozofine e tij politike e kishte projektuar pavaresine e Kosoves, qellimin perfundimtar, endrren e popullit te Kosoves. Armiku yne, sic kishte bere gjithmone, zgjodhi rrugen e dhunes, rrugen e krimit, gjenocidit. Barbarizmi nuk mund ta perqafoje qyteterimin dhe vertet eshte shume e veshtire qe barbarizmi te luftohet, mposhtet me mjete paqesore. Por koherat tani kishin ndryshuar, Europa dhe bota perparimtare ishin zgjuar nga indiferenca e tyre, sepse armiku yne, dikur miku i tyre, e kishte mbushur kupen. Dr. Rugova ishte bere simboli, flamuri i kesaj levizje dhe me forcen e personalitetit, intelektualizmit te tij e beri te ndjeshme, e nderkombetarizoi ceshtjen e Kosoves, e gezoi perkrahjen dhe mbeshtetjen e demokracive, fuqive me te medha boterore. Por cka eshte edhe me e rendesishme, ai e gezonte perkrahjen, dashurine, respektin e pakufishem te popullit te vet. “Keshtu ka thene Rugova”, “Keshtu ka porositur Rugova” – thonin njerezit. Qyteterimi europian e boteror qe i mbeshteti, qe i perqafoi vlerat e tij te larta intelektuale e njerezore, sikur u pajtua qe te bente dicka per popullin, vendin e ketij njeriu qe misheronte paqen, mirekuptimin, harmonine ne mes te popujve dhe jo dhunen. Me perkrahjen nderkombetare, luften e Natos dhe te shqiptareve, kjo qasje e re solli dicka qe nuk kishte mundur te realizohej me heret – solli pavaresine e Kosoves. Te tjerat i ka thene dhe do t’i thote historia.
Dr. Rugova ishte udheheqesi i duhur, ne kohen e duhur, ne castin vendimtar, ne vendin e duhur. Kishte shume kohe qe vendi yne e priste nje prijes te tille, te mencur e guximtar. E quajten Gandi i Ballkanit. por ai ishte edhe Moisiu i Ballkanit, Moisiu i shqiptareve. Ai nuk i priu popullit te tij drejt tokes se premtuar, sepse ata ishin ne token e premtuar, ne token e tyre – ai i priu popullit drejt fitores se lirise, heqjes se prangave te roberise shekullore. Iishte i begatuar me tipare shume njerezore, kurre nuk e ka fyer askend, nuk e ka share askend, nuk e ka kercenuar askend, nuk ka folur keq per askend, edhe pse te tjeret e sulmonin vend e pa vend. Nuk ishte nje udheheqes megaloman e fjalebosh, por gjithmone i qete, nje intelektual i armatosur me forcen e argumentit, te vertetes. I kishte ngarkuar vetes nje qellim, nje mision te larte e fisnik: te mos merrej me te tjeret, por vetem me ceshtjet, interesat madhore te Kosoves dhe te kombit tone. Kete mund ta bente vetem nje intelektual, humanist me shpirt fisnik e zemer te gjere si Dr. Rugova, njeri qe me veprat e tij: “Strategjia e kuptimit” (1980), “Vepra e Bogdanit” (1982), “Refuzimi estetik” (1987), kishte sjelle nje qasje te re edhe ne fushen e kritikes, studimeve letrare dhe te mendimit kombetar. U ngrit mbi nivel, gjithmone i matur, i miresjellshem: “Qetesia cmohet teper edhe ne diplomaci. Kurre nuk duhet te flase njeriu me nje fjalor te rende, me nje arsenal fjalesh qe ka shtypi, gazetat. Eshte edhe nje parim tjeter: kurre nuk duhet paraqitur as vajtues as eksploziv. Duhet shtruar gjerat ashtu sic jane. Pra, nuk duhet imponuar, nuk duhet te jesh emocional, as ekskluziv, as te urrehen popujt e tjere”. Cili nga politikanet tane i permbahet sot ketij parimi themelor e kaq te domosdoshem per te komunikuar me njeri – tjetrin ne menyre te qyteteruar e njerezore?!
I brumosur me ndjenjat e atdhedashurise dhe i edukuar me nje fryme liberale perendimore, sidomos gjate qendrimit te tij ne Paris, ai ishte shembellture e intelektualit te angazhuar. Si njohes i mire i historise, letersise, kultures e tradites sone kombetare, ai e dinte fare mire rolin e pazevendesueshem qe kishin luajtur njerezit tane te ditur, sidomos Rilindesit tane mendjendritur, per lirine e Shqiperise. Ne caste te veshtira, ne caste vendimtare, intelektuali nuk duhet te prese per te tjeret, por duhet te prije. Bindjet e tij te thella atdhetare dhe realiteti i vrazhde, i eger, i padurueshem qe po kalonte Kosova, i dhane nje shtyse angazhimit te tij politik, duke u bere udheheqes, figure emblematike e levizjes per lirine e Kosoves. Per angazhimin e tij politik, ai ne vitin 1990 eshte shprehur keshtu: “Si kritik letrar e shkencetar politiken e kam percjelle, sepse kjo eshte detyre e cdo intelektuali, i cili duhet te kete qendrim te vetin politik, te pavarur nga politika ditore. Qendrimi ne Paris me ka pasuruar ne kete pikepamje, me ka ndihmuar qe te krijoj nje koncept modern per intelektualin, i cili jo vetem qe duhet te mendoje e te shkruaje per demokracine e lirine, por ne raste konkrete, kur ato kufizohen, duhet te angazhohet edhe konkretisht edhe praktikisht. E deshi situata, e rasti me gjeti ne vendin e kryetarit te Shoqates se Shkrimtareve qe te merrem konkretisht me politike, ne te cilen angazhohem per krijimin e kushteve te favorshme qe neser te kemi mundesi e liri politike te shkruaj libra sic dua, qe te jetojme edhe ne ne liri e demikraci. ky fat ndoshta na eshte paracaktuar ne intelektualeve shqiptare. Keshtu sikur vazhdojme nje tradite te shkrimtareve tane me te hershem, te cilet ne mungese politikanesh u detyruan te merren me ceshtjet e lirise se kombit”. Me tutje ai vazhdon: “Ka historiane qe thone se shtetin shqiptar e kane themeluar intelektualet. Le te na kujtohet puna e Samiut, Naimit, Vretos, Gurakuqit, Nolit, etj., dhe e shohim me te plote kete kuader”. Kete rruge, kete tradite, keto ideale te Rilindjes Kombetare ne menyren me te mire e me besnike i vazhdoi, i coi perpara edhe Dr. Rugova, i cili me plot te drejte cilesohet si Rilindesi i fundit.
Periudha e ndritur e Rilindjes sone Kombetare dhe veprimtaria e levizjes se Dr. Rugoves jane deshmi te qarta se, asnje qendrese e armatosur nuk mund te jete e suksesshme pa patur perkrah nje levzje te drejte e te forte politike, gjitheperfshirese dhe mbarekombetare, qe gezon edhe perkrahjen e gjere nderkombetare. Me veprimtarine e tij letrare, shkencore e politike, Dr. Rugova ka vendosur standarde te larta qe duhet te jene shembull per te gjithe intelektualet dhe politikanet shqiptare. Intelektualet nuk duhet te heshtin perpara sfidave te veshtira qe po kalon Kosova e koheve te fundit – nuk duhet te behen peng i politikes se dites dhe te ambicieve te tyre te semura per pushtet, duke e percare popullin, madje duke nxitur edhe dhune. Ngjarjet e koheve te fundit ne Kosove jane duke pasqyruar qart se Kosoves sot po i mungon nje intelektual, nje politikan i kalibrit te Dr. Rugoves. Po ndihet dukshem mungesa e prijesit emblematik te Kosoves, udheheqesit qe rrezatonte vlera kombetare e miresi njerezore. Njerezit si Dr. Rugova rralle paraqiten ne jeten publike e politike te nje vendi, nje populli te vogel dhe kam frike se per nje kohe te gjate nuk do te kemi nje njeri te permasave, autoritetit te tij. Nderimi me i madh qe mund t’u bejme figurave tona te ndritura, ne kete rast Dr. Rugoves, nuk jane vetem fjalet e mira qe themi per ta , por eshte perkushtimi per te ndjekur shembullin e tyre, per te ndjekur rrugen e tyre, per ta vazhduar punen, misionin e tyre. Dr. Rugova e ka bere te veten me dinjitet e perkushtim, tani radhen e kane te tjeret.
I paharrueshem qofte kujtimi per Dr. Ibrahim Rugoven dhe vepren e tij madhore!
Philadelphia, janar, 2016
*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.
New York Wears Albanian Creations
By: Ermira Babamusta/
New York City makes the dreams of fashion designers come true. Albanian Fashion Week NY 2016 is another top annual fashion event, not to be missed. From runway shows, to top media, publicity, designers, buyers, stylists, brand and industry leaders are dreaming to attend. (www.AlbanianFashionAgency.com)
Albanian Fashion Week 2016 provides a platform for 20 top Albanian designers from around the world to present hundreds of clothing creations at the Fashion Capital of the world – New York City. AFA is about to make history because it is the first of its kind and at this grand scale offering global business opportunities for Albanian businesses and designers from Albania, Kosovo, USA, and more.
“Albanian Fashion Agency is the first of its kind, providing a platform to success for Albanian fashion designers, models and make-up artists throughout the world. To put it simply, our objective is to promote artistry and to assist these designers/artists in their journey to success. I feel both privileged and elated to be a part of such an initiative,” said Tess Fejzula, Head of Creative Team of Albanian Fashion Week NY.
“Albanian fashion week is the first Albanian fashion event of this magnitude. I’m very excited to see Albanian designers present their work to the New Yorkers. It’s going to be an amazing week,” said Lulzim Bucolli, Fashion Manager of Albanian Fashion Week.
“Albanian Fashion Week is a project which will be presented at the end of March 2016. In this project we will have the participation of very famous Albanian Designers from around the world, who will present their new creations. This is a big opportunity that all Albanian designers have been waiting for, to present their creative work in the field of design and fashion. For this event we are proud to have some of the most popular models here in New York and elsewhere,” stated Mrika Krasniqi, Founder and CEO of Albanian Fashion Agency and Nil Production.
The event has the support of Albanian Fashion Agency (AFA) in New York. The organizer of the event is Producer Mrika Krasniqi, Founder and CEO of Albanian Fashion Agency and Nil Production. Behind this important event there is an impressive team of bright and creative individuals, namely: Arlinda Prelvukaj, CFO; Arta Qyqalla, Fashion Coordinator; Lulzim Bucolli, Fashion Manager; Juian Gjaci, Marketing Coordinator; Tess Fejzula, Head of Creative Team; Saranda Krasniqi, Creative Team; Eriola Kasemi, Creative Team; Bardha Elshani, Creative Team; Melisa Cooper, Shkurte Leka, Mirsada Krasniqi, Drita Ramadani, Consulting Team; Egzon Bunjaku, Web Developer; Gjilberta Lucaj, Board of Directors, etc.
“Words cannot describe what we are feeling right now. Albanian Fashion is coming to NYC!!!. It is truly an honor to be a part of this amazing team, this great event and witness all the hard work everyone is putting in. With Mrika’s leadership and the team working together as one, don’t expect anything less than greatness. Be prepared to be blown away with the best fashion show New York has to offer,” said Arlinda Prelvukaj, CFO of Albanian Fashion Week New York.
“Having held the co-artistic and musical director position for a few years and personally pioneering the performances for the Couture Fashion Week in NYC, which now has become a global event, I am thrilled to partake in the Albanian Fashion Week with such a dynamic crew being led by Mrika Krasniqi,” said artist Gjilberta Lucaj, AFA Board of Directors.
Albanian Film Week NY 2016 will showcase several interesting brands and collections. The show focuses on high quality Albanian designs with for opportunity for sale in front of possible American and European buyers.
The highlight of this show other than the runway and surprise performances is the Red Carpet featuring VIPs, Celebrities, models and the best of high fashion.
“Albanian Fashion Week NY is an excellent opportunity for all fashion designers, especially Albanian ones, to present their clothing line in the world capital, New York. Albanians have a lot to offer and contribute in the world of art. As history has witnessed many renowned artists, ambassadors, and other high figures are of Albanian origin who represent the best of Kosova and Albania,” said Arta Qyqalla-Fashion Coordinator of Albanian Fashion Week NY.
Julian Gjaci, Marketing Coordinator of Albanian Fashion is excited about thee show: “Being part of the AFW team makes me feel so exited since we are the first team to make it in New York City. Our crew managed by the Producer Mrika Krasniqi is so prepared and ready for this. A great opportunity for Albanian Designers to bring and sell their products in NY. A fantastic show with a lot of surprises and performances by young talented artists. I’m ready … are you … ?”
Mbrojtja e të gjitha epokave të historisë sonë disa mijëra vjeçare nuk është ISLAMOFOBI!
Letër e hapur për të pa informuarit , të mashtruarit , të stigmatizuarit , të humburit në mjegullinat artificiale dhe të porositura të historisë sonë/
Nga Fahri XHARRA/
Për të zhvilluar temën e titulluar mu deshtë pa tjetër të thirrem në Faik Konicën, kur kërkonte : Ndryshim në themel! A është edhe sot e nevojshme, e domosdoshme e menjëhershme për të kapërcyer paradoksin e kohës shqiptare, e cila nuk ka asnjë ndryshim nga ajo e para njëqind vjetëve? A mos është mendja edhe e intelektualit të sotëm një rreth i mbyllur, me një mendim dogmatik të thatë dhe të pa jetë? A mos po e kemi mendjen e frikshme të zhytur në mediokritet?
Letra nuk iu drejtohet antishqiptarëve qëllim këqij të çdo niveli intelektual , nuk iu drejtohet falsifikatorëve te porositur të historisë sonë , disa hoxhallarëve që nuk dinë asgjë se pse së paku jetojnë, priftërve shqiptarë ortodoks që ende jetojnë në kohën e andartëve ,
Letra iu drejtohet të gjithë atyre që e shohin shtrembërimin e historisë sonë si një rrezik i e të qenurit shqiptar; por edhe atyre që vetë me të “dëgjuar” dhe me asgjë të “lexuar “ flasin keq e më keq për kombin,
Sot shqiptarët në tokat e tyre , më shumë se kurrë janë të rrezikuar nga humbja e autoktonisë së tyre me pasoja shumë të renda . Të gjitha kambanat e rrahin të njëjtën zhurmë : shqiptarët janë ardhur vonë , dikush thotë në shekullin 11-t ( serbët) e dikush pas Betejës së Kosovës ( 1389 ) (e thonë shpirtëart e shitur shqiptar )
Nëse e them që ““Sipas regjistrimeve të vitëve 1571 dhe 1591 regjioni Verilindor i Sanxhakut të Dukagjinit , ose sipas emrit të dhënë në shek.XVI-të , regjioni i Hasit ishte tërësisht i banuar nga shqiptarët . Regjioni i Hasit ishte i ndarë në tri nahije: Nahija e Rudinës (Gjakova e sotme dhe fshatrat e saja në jug), Nahija e e Domeshtiçit (fshatrat në mes Gjakovës së sotme dhe Prizrenit) si dhe Nahija e Pashtrikut ( fshatrat në lindje dhe në perëndim të malit Pashtrik).Kjo mbyllet me faktin që ngjashëm me banorët e regjioneve malore të Shqipërisë Veriore edhe banorët e këtyre tri nahijeve kishin emrat tipik Shqiptarë: Gjin, Gjon, Gac, Bac, Kol, Gjec, Doda, Prend, Biba, Nue, Dida, Shtepan, Vata,( Burimi: http://archive.is/tr44YThe albanians in Kosova through the centuries, by S.Pulaha –https://” e nëse emrat e banorëve ishin të tillë me emra të tillë , kjo nuk është “islamofobi “ por kjo është kundërshti e madhe ndaj apetiteve dhe shkrimeve të serbëve që ne jemi të ardhur shumë vonë. Stop injorancës !
Nëse shkruhet “Për grekët, shqiptarët janë mbeturina të perandorisë osmane në tokën “e lashtë greke” të Ilirisë. “Nuk mund të presim më shumë nga një komb si shqiptarët, të krijuar nga italianët dhe që mbahen nga sionistët amerikanë. Mjafton një teshtitje e Greqisë, që goja e tyre të mbyllet. Shqiptarët janë mbeturina të perandorisë osmane në tokën ilire dhe nacionalistët grekë do të vendosin rendin në tokën e lashtë greke të Ilirisë”- Kjo shënon qëllimin djallëzor të grekëve për humbjen e origjinalitetit tonë në tokat tona: kjo nuk është politikisht antigreke !
Nëse shkruhet ““ Arnautët ishin gjithmonë përfaqësuesit e denjë të çrregullimeve dhe të mos përgjegjësisë ndaj shtetit, Të tillë i njhnin edhe të krishterët( Europa,f. xh. ) e edhe Turqit. Gjatë historisë dhe në gojëdhëna, në të kaluarën dhe të tashmen për banorët e Makedonisë, Sërbisë së vjetër dhe në Sanxhak,Shqiptari ishte sinonim i dhunuesit dhe i dhunës dhe i rrëmbimit. Ata ishin të tillë edhe në kohë të luftës e edhe në kohë të paqës. ”( Jovan N. Tomić O Arnautima u staroj Srbiji i Sandžaku,1913).” Pra kuptohet që botës t`i “spjegohet “ për një popull të të pa denjë për Europë.
Nëse thuhet dhe që është edhe e dokumentuar : “…E gjithë Greqia më 1850 fliste shqip. Shateaubriand, Lamartini, Edmond About dhe të gjithë ata, që e kanë vizituar Greqinë atë kohë, të gjithë pa përjashtim kanë shkruar se në të vërtetë, duhet të cilësohet si Shqipëri” (f.213R.A.)” Kjo kë e pengon? Dihet.
Nëse thuhet ” Shqiptarët janë mbeturina të perandorisë osmane në tokën ilire” po thonë ata të ”Agimit të artë” ?! “ , ne duhet të heshtim ? apo si musliman që jemi ( jo të gjithë ) , për mos të ngjallur “anti islamizem “ t`a pranojmë ?
Si mundemi të flemë aq pa brenga ,dhe të mos i kundërvihemi një të keqes nga e kaluara e cila po na gërryen edhe sot? Pse heshtim dhe nuk i zbardhim planet e të kaluarës për zhbërjen tonë nga ata që edhe sot vetëm se po i rifreskojnë planet e tyre, me të dhëna më të dhe metoda më të sofistikuara?
Edhe sikur të shkruanim për çdo ditë nga një libër dhe të mundohemi ta bindim botën se atë që e kanë thënë serbet për ne , nuk është e vërtetë,nuk ia dalim dot. Ata aq shumë kanë punuar por edhe sot punojnë në atë drejtim, dhe duke e krahasuar me” punën” tonë apo më mirë të them heshtjen tonë e kemi të pamundur çdo llojë përgënjeshtrimi. E bota i beson librit.
Planet e serbëve për shfarosjen tonë, bartjen tonë nga tokat tona janë shumë të hershme. Por ata nuk i bënin vetëm. E kishin mikun, i kishin miqtë të cilëve iu ndihmonin. E ne ende nuk po dimë ta zgjedhim mikun. Përplasemi sipas nevojave ditore, individuale, klanore dhe kurrsesi të ndalemi dhe të rrokemi me të vërtetin. Po, po me mikun e vërtetë.
Nëse e kaluara harrohet,mendoj se ardhmëria do të jetë shurdhmemece, ose ndërprerje e historisë, që vështirë mund të gjendet filli për t’u kapur /ngjit në vendin e këputjes,apo filluar rishtas Unë prapë qëndroj pas asaj që historia po na vret.
Të mashtruar , të përgatitur për disfatë, të përgatitur për të disfatuar , të humbur në zhurmën shurdhuese të propagandës antikombëtare, të nënshtruar pranë aktit të kryer, atëherë na duket
Mbrojtja e të gjitha epokave të historisë sonë disa mijëra vjeçare nuk është ISLAMOFOBI !
Më besoni se jeni të mashtruar , keqinformuar, stigmatizuar ju të gjithë që iu shkrova këtë letër.
Fahri Xharra
25.01.16 , Gjakovë
Vështrim rreth librit “Vite të stuhishme” të autores Remzije J. Zekolli
Nga Mevlide Saraqi/
E lindur mes shkreptimave të vitit 1968, vitit të kthesave të mëdha historike ndaj padrejtësive shekullore mbi shqiptarët, autorja Rezmije J. Zekolli vjen me librin e saj më të ri me titull “Vite të stuhishme”.
Në një libër mund të gjejmë të përmbledhura dhjetëra romane në miniaturë. Remzija me modestinë e saj, me punën përkushtuese, angazhimin e fuqishëm në të gjitha periudhat e zhvillimeve të rëndësishme shoqërore ka arritur që më në fund të na dhurojë në formë të shkruar një pjesë të përjetimit, të gërshetuar në kapituj e tituj, në një libër të veçantë i cili erdhi si shpërthim i emocioneve të saj.
Vërtetë Remzija është shumë e fuqishme ashtu seç e gjejmë edhe në shkrimet e saj. Ajo që nga lindja, në vitin historik të kthesave kombëtare por edhe të sakrificës e pati fatin që të rritet bashkë me kërkesat e drejta kombëtare, të zhvillohet dhe të rreshtohet aty ku e kërkonte nevoja por edhe si prijatare e shumë proceseve bashkë me miq e kolegë.
Jeta private e Remzijes i ngjan jetës kolektive, sepse çdo përjetim i saj lidhej me atdheun. Përkrahja e madhe nga familja është pjesa më e fuqishme e përshkruar në këtë libër ngase aty mori hov edukimi atdhetar, zhvillimi shpirtëror dhe intelektual, socializimi, humaniteti dhe lufta për të drejtën, për jetën.
Në një familje ku zhvillohen mijëra ngjarje dhe sakrifica po aty zhvillohen edhe shkëndijat e rezistencës duke marrë parasysh angazhimet e autores në një moshë relativisht të re, rreth përkujdesjes për nënën e sëmurë dhe të palëvizshme, ndërkaq që nga i ati kishte një shtytje dhe mbështetje heroike.
Asgjë nuk ka ardhur rastësisht në jetën e Remzijes. Janë vlera si trashëgimi brezash dhe vazhdimësi e angazhimit atdhetar.
Ishin kohëra të vështira për të përballuar vështirësitë për njerëz të rritur e të pjekur e lëre më për një vajzë si Remzija, megjithatë ajo me vetëdije sakrifikoi të gjitha ëndrrat dhe dëshirat individuale për ta bërë realitet aspiratën kombëtare.
Remzija i dha shkëlqim edhe gjeneratës së saj, shpalosi virtytet dhe guximin e shokëve dhe shoqeve studentë, në vitet e vështira dhe të rënda për Kosovën dhe veprimtarinë e tyre në përkrahje të kërkesave të drejta të protestuesve por edhe minatorëve grevistë, të cilat e tronditën botën.
Autorja e këtij libri ka përshkruar ngjarje dhe data historike që kanë shkëlqimin e vet në raport me kohën dhe hapësirën duke paraqitur me modesti edhe veprimtarinë e saj në raste dhe momente të ndryshme gjatë proceseve historike kombëtare.
Mbase ata që e njohin autoren në përditshmëri e gjejnë të tillë edhe në librin e saj, sepse aq natyrshëm ka shënuar dhe përshkruar gjërat sa që mund të themi se është modesti e tepruar. Ajo nuk ka dëshirë të flet shumë për veten e saj por pasi ka lënë dhe po lë gjurmë të pashlyera në historinë më të re të Kosovës konsideroj se duhet të zgjerojë rrëfimet e saja dhe ngjarjet e përshkruara, mbase edhe libri i saj jetëshkrim mund të jetë edhe si një projekt i fuqishëm dhe paralajmërim për botime të reja të cilat mund të dalin nga kapitujt dhe titujt e paraqitur në këtë libër.
Remzija edhe në jetë edhe në këtë libër është atdhetare, modeste, madhështore, intelektuale e guximshme, humanitare, profesioniste, njohëse e mirë dhe luftëtare e pa epur e të drejtave të njeriut.
Remzijen e kam njohur në kohëra të vështira dhe fuqinë e guximin e saj e kam parë në sytë e saj, jam bindur gjatë angazhimeve të pandalshme, në rrugëtimin e saj duke kaluar nëpër barrikada kriminelësh, të cilat asnjëherë nuk kanë mundur t’ia ndërprenë aktivitetin.
Në jetë njeriu mund të ketë sukses kur e di çka do dhe kur ka guxim të punojë në atë drejtim. Këto virtyte e karakterizojnë autoren e librit “Vite të stuhishme”, Remzije J. Zekolli.
Ajo është personazh real, në të gjitha përshkrimet në librin e saj jetëshkrim del madhështore, sepse gjithmonë vë në pah të tjerët.
Kjo është Remzija, e cila si në rininë e hershme, në kohërat e okupimit, në luftë, në fazën e ndërtimit të institucioneve të Kosovës por edhe tani nuk ndalet por punon me përkushtim dhe dashuri ndaj atdheut.
Përveç anës profesionale ajo reflekton përmes poezisë dhe shkrimeve në prozë përmes së cilave njihet si krijuese dhe poete që depërton suksesshëm në letrat shqipe.
Uroj që Remzija të na gëzojë edhe me tituj tjerë të rinj të cilët padyshim që lexuesi i pret me padurim.