Komunitet – Page 372 – Dielli

Ëngjëjt mbrojtës të Gjuhës Shqipe në Diasporë

December 15, 2013 by dgreca

…Mezi presim shkollën shqipe/

Që të flasim dhe të mësojmë,/

Me shkronjat e alfabetit,/

Si Ëngjëjt Kombin e mbrojmë… /

Himni i Shkollës Shqipe kënduar nga Kristina Melo në disa aktivitete të rëndësishme shqiptare./

Nga Keze Kozeta Zylo/

Nxënësit e Shkollës Shqipe “Alba Life”, dhanë një program të pasur artistik në mjediset e shkollës publike amerikane 205 në Brooklyn, të përgatitur nga mësuesit e kësaj shkolle nën drejtimin e dy artistëve të mirënjohur Lindita Mezini Lole dhe Petrika Melo.

Edhe pse gjithë rrugët e Nju Jorkut ishin shtruar me tapetin e bardhë dhe pemët anash tyre dukeshin si nuse me kurorë, prindër, mësues, nxënës, miq dhe dashamirës të Shkollës Shqipe erdhën për të festuar së bashku mbylljen me sukses të semestrit të vjeshtës dhe festat e fundvitit. Nxënësit me flokët e bardhë të dëborës mbi supe dhe mbi kokë dukeshin sikur vinin nga ndonjë planet tjetër. Ata i harruan lojërat me topa bore ngase donin të ishin egzaktësisht në kohën e duhur të fillimit të programit.

Zërat e tyre fëminorë, SHQIP, ngrohnin ajrin e Brooklynit dhe shkrinin dëboren e bardhë që kishte shtruar kudo, për të mos penguar aktivitetin e tyre aq të rëndësishëm në këtë sezion të bukur festash.

Programin e hapën dy prezantuesit Kristina Melo dhe Fitim Sahipi dy nxënës të shkollës Shqipe. Fitim Sahipi ka ftuar të gjithë të pranishmit të çohen në këmbë për të kënduar dy hymnet kombëtare: amerikane dhe shqiptare intepretuar nga artistja e vogël dhe e talentuar Kristina Melo.

Pas Hymneve ka përshëndetur Dr. Valbona Zylo Watkins e cila iu ka uruar të gjithë nxënësve punë të mbarë dhe mirëseardhjen të gjithë të pranishmëve që ndodheshin në sallë. Nxënësi Brian Kacupaj ka interpretuar vjershën “Abetare”, Elisa Lumshi “Mbi degën e mollës”, Drilona Mehmeti “Rosat po lahen”. Rafael Gjona dhe kori i shkollës kënduan “Ja na erdhi Viti i Ri”. Aaron Kovaci recitoi “Gjuha jonë”, Adison Cinari “Sa të dua o Shqipëri”, Ina Cinari “Një zog të vogël”, Gabriela Përmeti dhe Edije Greva “Manushaqe”, Liza Jashari “Kosova” dhe Sarah Bandilli “Kukulla ime”.

Pas recitimeve salla është mbushur me tingujt e violinës të interpretuara nga binjaket e bukura Ina dhe Dea Stefanllari si dhe nga tingujt e pianos interpretuar nga Brian Kacupaj. Një tjetër atmosferë plot me emocion ka sjellë “Kënga e nënës” interpretuar mjeshtërisht nga sopranoja e shquar Lindita Mezini Lole shoqëruar nga e talentuara Kristina Melo. Kënga e nënës ka sjellë lot në syte blu të Linditës duke kujtuar ndërkohë që këndonte nënën e saj. Kenga eshte shoqeruar me duartrokitje nga te gjithe te pranishmit.

Hymni i shkollës “Gjuha Shqipe” kënduar nga Kristina Melo dhe kori sjellë gjithmonë gëzim, dashuri, mendim të thellë për të mësuar gjuhën Shqipe, emocion tek dëgjuesit e shumtë, ngase ata vetë e thonë me gojën e tyre si: Mezi presim shkollën shqipe/ që të flasim dhe të mësojmë/ Me shkronjat e alfabetit/ si Ëngjëjt Kombin e mbrojmë/… Pas hymnit janë recituar vjershat: Rafael Gjona “Ku kemi lerë”, Oresti Salillari

“Përse qan arushi”, Kevin Cobo “I dashur Atdhe” dhe Elda Nesimi

“Sa të dua o Shqipëri”.

Marvi Kostrista ka interpretuar bukur në piano “Jingle Bells”, ndërsa Fitim Sahini ka interpretuar Mora mandolinën dhe Shota, të cilët u mirëpritën me duartrokitje të fuqishme.

Kënga “Nata e shenjtë” ka sjellë një tjetër mjedis magjik interpretuar nga Lindita Mezini Lole. Vëllezërit Arion, Arbi, Arti dhe Arlin Ulaj të cilët vijnë që nga Nju Xhersi të befasojnë me mësimin e gjuhës shqipe dhe interpretimin në violinë. Ata recituan poezitë: Duart tona, “A B C”, Liqeni dhe interpretuan të katërt mjeshtërisht në violinë.

Brian Kacupaj luajti këndshëm në violinë “Perpetual Motion” dhe u shoqërua me kërcim nga Amber Nepravishta. Programi vazhdoi me recitimet nga Marvi Kostrista “Liria”, “Një gëzim kam nga brenda”, Dea Zenelaj “Si zog dua të jem”, Fitim Saipi “Atdheu”. Programi u mbyll me këngën e mirënjohur tradicionale për Krishtlindjet

“Bell rings”, përkthyer në shqip nga Lole “Zilet tringëllojnë” intepretuar nga Lindita Mezini Lole dhe kori i shkollës ishte tejet mbresëlënëse, veçanërisht kur nxënësit me byzylykët e tyre tringëllinin zilkat e vogla rreth dorës. Programi është mbyllur me plot sukses.

Pas programit themeluesi dhe drejtori i shkollës Shqipe z.Qemal Zylo ka falënderuar të gjithë nxënësit për realizimin e programit me kaq sukses dhe njëkohësisht iu ka dhuruar buqeta me lule të freskëta mësueseve që punojnë me kaq përkushtim si: Altiona Stefanllarit, Afërdita Kaçupaj, Ornela Melos dhe Valbona Kostristës si dhe artistëve të mirënjohur dhe plot profesionalizëm Lindita Mezini Lole dhe prof.Petrika Melos. Z.Zylo ka falënderuar të gjithë të pranishmit, prindërit që sjellin fëmijët dhe i janë bashkangjitur programit për mësimin e Gjuhës Shqipe duke i thënë stop asimilimit të fëmijëve në Diasporë. Njëkohësisht ka falënderuar konsullin e Kosovës z.Korab Mushkolaj, z.Ismet Kurti kryetar i shoqatës së mirënjohur “Ana e Malit”, z.Marko Kepi president i organizatës “Rrënjët”, aktivistët z.Ardian Tahiri, z.Uke Gjonbalaj, Artion Myrtaj, Theodhora Rexhepi si dhe Zef dhe Maria Dusi të cilët kishin ardhur nga larg dhe na nderonin me pjesëmarrjen e tyre në këtë ditë krejtësisht të veçantë për nga rëndësia që i jepet mësimit të Gjuhës Shqipe në Diasporë.

Z.Qemal Zylo ka ftuar në skenë Konsullin e Kosovës z.Korab Mushkolaj i cili kishte ardhur së bashku me bashkëshorten e tij.

Z.Korab Mushkolaj ka përshëndetur themeluesit, mësuesit, prindërit, artistët dhe nxënësit të cilët dhanë një program të shkëlqyer artistik në shqip. Në emër të Republikës së Kosovës dhe të Konsullatës në New York z. Mushkolaj ka falënderuar themeluesit për hapjen e dy shkollave shqipe në Staten Island dhe Brooklyn, si dhe për misionin kaq fisnik që ata kryejnë së bashku me mësuesit që ushtrojnë këtë detyrë nga më të bukurat. Fjala e tij tejet mbresëlënëse u mirëprit me duartrokitje nga salla dhe nxënësit.

Qeveria dhe Konsullata e Kosovës gjithmonë na ka mbështetur në programin e Gjuhës Shqipe dhe për këtë shprehim mirënjohjen tonë pakufishme. Pas përfundimit të aktivitetit nxënësit, të pranishmit dhe të ftuarit shkrepnin me aparatet e tyre për të pasur foto kujtimi. Një foto e përbashkët u fiksua nga TV “Alba Life” për të mbetur në fondin e aktiviteteve të ndryshme kulturore dhe atdhetare si dhe të Shkollës. Ishte një e shtunë e bukur ku një pjesë e Nju Jorkut foli shqip, ngase pranë tyre jane Ëngjëjt mbrojtës të Gjuhës Shqipe.

14 dhjetor, 2013

Brooklyn, New York

VERA QË MARTOHET NË DIMËR

December 12, 2013 by dgreca

-Ose, -SA KUJTIME MË ZGJOI KJO DASËM/

Vila Barone, 8 dhjetor 2013- Mund të bëhen video shumë interesante edhe per këtë dasëm por këto që kujtoj unë janë vetem në “videon” e ndergjegjes, ose më thjeshtë akoma, janë në kujtesen e dekadave të shkuara që po nuk i shkruam, një ditë (bashk me ne autoret) edhe mund të harrohen! At’herë nuk kishim video por i kishim mendët në kokë, e tash në prag pleqërie, kur fillojne e rrallohen ngapak edhe mendët e kokës regjistrojmë perditë edhe video .(Hahaha… Në dasëm jemi, le të bejmë edhe ndonjë shaka edhe per faktin se fjala e shkruar dhe fotoja nuk konkurohen lehtë. Në fund të fundit,mua me lejohet qe tua mbaj pak anen njerzve të mi dhe zanatit tim/

Nga Zeqir Lushaj/

Nusja Vera Grosh Matoshi, po martohet në dimer por na vjen ashtu siç e ka emrin Verë.Në Vila Barone Manor 737 Ihrogs Neck Expressivay Bronx, New York, ishim në dasmen e kusherires sime, vajzes se Groshit e te Shemsies, zonjes se nderuar Vera Matoshi e cila u martua me djaloshin tiranas Dritanin, djalin e Hamdi e Nadire Memaçi. Dasma si dasma, e aq me shumë në midis të NY, në USA. Ndaj unë krahas per dasmen e cila ishte e nivelit të lartë, dua të percjell tek lexuesit e ZSh-së edhe disa kujtime që më zgjoi kjo dasëm. Mund të bëhen video shumë interesante edhe per këtë dasëm por këto që kujtoj unë janë vetem në “videon” e ndergjegjes, ose më thjeshtë akoma, janë në kujtesen e dekadave të shkuara që po nuk i shkruam, një ditë (bashk me ne autoret) edhe mund të harrohen! At’herë nuk kishim video por i kishim mendët në kokë, e tash në prag pleqërie, kur fillojne e rrallohen ngapak edhe mendët e kokës regjistrojmë perditë edhe video.( Hahaha…E kam fjalen per vete dhe brezin tim. Në dasëm jemi, le të bejmë edhe ndonjë shaka edhe per faktin se fjala e shkruar dhe fotoja nuk konkurohen edhe lehtë. Ne fund të fundit, mua me lejohet qe tua mbaj pak anen njerëzve të mi dhe zanatit tim-

Ah, vallet tona , pambarimisht te bukura e shumë festive…

Çifti i ri, Vera e Dritan Memaçi në ketë vallëzim, si kujtim i papersëritshëm i jetës.

Ne dasem kercejne te gjithe, por ama, kercimi i çiftit eshte me i mireprituri edhe … edhe pse e mbushë dyshemene me dollarë…! Çifti i ri, Vera e Dritan Memaçi në ketë vallëzim, si kujtim i papersëritshëm i jetës.

Te shoqruar me kenget e te mirenjohurit Gezim Nika dhe orkestra e tij tradicionale edhe me tupan, joshem të kercejme edhe ne që nuk ia kemi fort zanat asaj pune.

…Te gjitha rruget te çojnë tek torta. Çifti, (per here të parë publikisht, ushqejne njeri-tjetrin jo veçse me embelsire, plor edhe me pirunin e doren e bashkshortit… Hajde, ju qofte per hajr, – urojnë të gjithë.

Dashuri e embëlsirë e paçi gjithë jeten…

…Sonte po martohet Vera, por ajo nuk e din se ketu e rreth 50 vjetesh më parë une kam qene deveri i nanes se saj, Shemsies (dever quhej ai qe merrte per dore kalin e nuses). E ku pa? Prej në Dragobi e në Gri. Në një ditë vjeshte të vonë, që nuk pushoi shiu gjate gjithe rruges. Por shiu ishte “bereqet’ dhe nusja na erdhi jo veç e mirë por edhe me bereqet. Lindi e rriti me Grosh Matoshin djem e vajza nga ma te miret qe njef fshati i Grise dhe me tej. Vertetë që at’here nuk kishim limuzina por Doria (kali) i shalës i Halil Shiqerit ishte me emer në krejt Krasniqe. Sot djali i Halilit, Zenuni, punon ketu ne USA me limuzinë moderne e merr shume para, por emërin e ka pas me te madh i ati, vellai i Groshit e Sherfiti, Halil Matoshi.

…Mbaj mend shume gjera te bukura nga ajo dasëm e prinderve te Veres qe po martohet sonte, e ku kafet e piqte Ramë Selmani e kapuça kam luajtur deri vone në mes-nate me Avdi Rexhen e me Agë Imerin. Kengetar i dasmes ka qene talenti i asaj kohe Hasan Avdia. At’herë une isha nxenes ne pedagogjiken e Shkodres dhe more leje veç per ate dasem per te cilen Groshi me dergoi telegram, bile te vertetuar nga keshilli popullor i fshatit. E sot, në dasmen e Veres, jam 64 vjeçar, ne prag-pensioni e kam ardhur ketu ne NY, jo fort nga larg, nga NJ-fqinjë.

Si lidhen kujtimet, si lidhen ngjarjet me emrin Jetë!…

Vallet tropojane nuk kane te sosur. E dua te theksoj se kesaj familje i shkojne kaq shumë vallet. Vet Groshi që marton sot vajzen por më shumë edhe vellai i tij Sherifi i paharruar e kanë dashur fort kengen e vallen, fyellin e çifteline dhe kane qene te preferuar ne familjet griçore ne shume gëzime e festa. E po, jane nipat e të famshmit kengetar të Gashit, Murat Alisë se paharruar laurat i disa festivaleve Kombetare të Gjirokastres. Ne kete familje ku jeta ka çarë me veshtiresit e kohes jo pa vuajtje e halle, ashtu si edhe per shume e shume te tjerë, kane munguar shume here e shume gjera deri edhe te domosdoshmet, ama kurr nuk ka mungue çiftelia e fyelli, defi e tupani. Pra, kurr nuk ka munguar hareja e gezimi. Me Groshin e me motren tjeter Zhujen kam edhe aq kujtime te bukura nga vitet e rinise kur kullosnim bagetit ne bjeshken tonë të dashur, në shpellat e Agës në Shtyllë të Grisë.

…Djali i Sherifit bashkë me dy hallat, sot e ndjekin dasmen e kusherires nga Grija, nga kullat e Matosheve poshte plantacionit gjigand të geshtenjave, ballperballë e në kufi me Qytezen e lashtë të Rasujës. Koha e re ka krijuar mundesi te medha komunikimi e nderlidhjeje qe deri vone ishin as te menduara as të para në enderr sidomos në malet tona.

…Per ne emigrantet keto dasma jane edhe me shume se gëzim i zakonshem se po takohemi, shiheni e shmallemi edhe me njeri-tjetrin, me shokë e miq që na kane ndarë jo veç vite por edhe dekada. E lidhjen mes koheve na e bëjnë edhe me mirë sidomos brezi i vjeter i emigranteve qe kane hequr edhe me shume larg atdheut e ne kushtet e informacionit thuajse te pamundur per familjet e te afermit e tyre. Dhe nje shembull tipik eshte edhe vet motra e Groshit, motra Pulë Shiqerja me te cilen kam kenaqesi te ju percjell edhe kete foto më poshtë.

Pulë Shiqerja, ma e madhja bijë e familjes së Matosh Lushës

Kur u arratis motra Pulë nga Shqipëria në vitin 1949, në Gri linda unë (Z. L.)

Është më e vjetra bijë e Matoshëve të Grisë në USA. At’here motra Pule u arratis, ndersa sot Vera qe po behet nuse eshte shtetase amerikane me krejt familjen e Grosh Matoshit mbi 20 veta djem e vajza, nipa e mbesa. Kohet e reja hapen rrugë e mundesi të reja. Dhe kjo familje jane nje nder shembujt me te mire se si duhet te shfrytezohen keto mundesi me pune te ndershme e sjellje shembullore. Pulë Shiqerja, ma e madhja bijë e krejt familjes së Matosh Lushës. Si per koinçidencë por më pelqen të shkruaj poshtë kesaj fotoje-kujtim se; -Kur u arratis motra Pulë nga Shqipëria në vitin 1949, në Gri linda unë (Z. L.)

…Duke parë Pulen sot, kujtoj edhe motrat e saj te dashura ne Gri qe mosha i ka lodhur jo pak, Zhujen e Fatimen, çikat e nderuara te Shiqer Izlamit. Sot te dyja jane kthyer ne trojet e babes per te ndihmuar njera tjetren e per te qene afer njera tjetrës. Eshte e dalluar kjo familje per dashurine ndaj gjakut te vet, per dashurine ndaj njerezve ne çdo kohe e situate. Jane modeli i mirensjelljes e korrektesisë tash sa breza në katundin e Grisë.

Babai i Pules dhe i Groshit si dhe axha i tyre, Shiqer e Sadri Izlami permenden edhe sot ne krejt zonen per fisnikeri e dashuri njerezore, per unitet familjar e ndershmeri. Atë ju urojme edhe ketyre kusherinjeve, djem e vajza, nipa e mbesa…Te duam njeri tjetrin. Te shkojme mire e te mbajme gjalle shprehjen qe perdoret jo veç ne Gri kur eshte fjala per unitetin e dashurine vellazerore: “Si Sadria e Shiqeri”. E aq me teper kjo lypset sot qe jemi ne dhe’ te huaj, udheve të botes në kerkim të një jete pak më të mirë.

…Sot, 8 Dhjetor eshte rradha e festimeve tek dhenderri, por une si i krahut te bijes (nuses), urimin me kete reportazh modest e nisa heret per revisten ZemraShqiptare ne Londer, pra flas nga dasma e percjelljes se Vera Matoshit… Dhe ndoshta ju mbajta pak si mbrapa ne kohë me kete paralelizem kujtimesh rreth gjysemshekullore por pa ato kohe, ato vuajtje dhe arritje nuk kishim ardhur si duhet deri tek kjo dasem e hareshme e Veres ne NY-USA.

…!

Faleminderit Kushja ime Vera Matoshi (sot e mbrapa Memaçi), që më ftove në dasem, që na kenaqe me një dasem të mrekullueshme, por, faleminderit sidomos qe me zgjove keto kujtime qe shkrova me lart e qe them se e zbukurojne e pasurojne edhe kujtimin tuaj (e neser te femijeve tuaj), per vet jeten e te parve tu e martesen e sotme per te cilen urojme perseri e perseri: “qoftë jetëgjatë”, ose siç thone andej nga Toska “u trashëgofshi per fare!”.

Ndersa ne revisten ZSh, mbetet ky shkrim kujtim si kesaj dasme, ne kompjuterin e kusherires Vera e te familjes Matoshi ne USA, them se do mbetet ky kujtim i derguar ne adrsen e tyre, dje me 7 dhjetor 2013, nga NJ, USA:

URIM PER MARTESË

E DASHUR KUSHE, VERA GROSH MATOSHI

-Të trashëgoheni në lumturi!

-Zoti ju dhashtë shëndet e fat në jetë!

-NJ, USA, 7 Dhjetor 2013-

-Fotot nga: Gëzim Ramë Ymaj-

-Per Gazeten DIELLI, 11 dhjetor 2013-

Michigan : Policia në kërkim të vrarësit të pronarit shqiptar në Detroit

December 9, 2013 by dgreca

Një ngjarje rrëqethëse e cila është regjistruar nga kamerat e sigurisë ka ndodhur të premten mbrëma në Detroit, ku mbeti i vrarë një shqiptar nga Kosova, Altin Avdyli 31 vjeç/

Nga BEQIR SINA, New York/

Harper Woods – Detroit : Policia thotë se po “gjurmonë” për vrasësin e Harper Woods pronarit shqiptar të lokalit që u vra të premten në mesnatë prapa derës së retorantit Royal Grill në Kelly Road – Harper Woods, Detorit në Miçigan. Shtypi lokal shkruan se konsumatorët thanë se Altin Avdyli ka punuar shumë gjatë vitit të kaluar për të rimodeluar restorantin e blerë prej tij shkruan Macomb Daily
Një letër e shkruar me shkrim dore në derën e qelqit të dielën konsumatorët kan shkruar në mënyrë të përmbëledhur se si mendonin fqinjët për vrasjen me armë të pronarit të këtij lokali që ata e frekuetonin çdo ditë.
” E tmerrshme , tragjike , e pakuptimtë ” është shkruar me gërma të mëdha në letër.
Policia Harper Woods sipas gazetës Macomb Daily thonë se po vazhdon të hetojë vrasjen e Altin Avdylit në Roseville , i cili u qëllua për vdekje të premten vonë në rrugicën prapa restorantit të tij në Kelly Road afër me State Fair Road. Për policinë kjo është një vrasje në një grabitje të dukshme .
” Z. Avdyli ishte anëtar i njohur i komunitetit Harper Woods, bujaria e tij dhe zemërmirësia do të mbahen mend në masë të madhe , ” tha drejtori për Siguri Publike në Harper Woods zoti Jim Burke në një deklaratë për shtyp .
Sipas njoftimit Policia ka thënë se pronari i këtij restauranti, është 31 vjeçari Altin Avdyli, i cili mendohet të jetë vrarë të premten, natën në parkingun tek dera e prapëme e lokalit të tij “Kelly Road”, ndërsa procesi i vrasjes është kapur nga kamerat e sigurisë.

Videoja tregon viktimën duke ecur për te makina e tij dhe një person tjetër i fshehur i cili shkonte pas. Pas një përballje të shkurtë, personi që i kishte zënë “pritë”, kishte shtënë me armë në viktimën.Sekonda më vonë, i armatosur kishte ikur bashkë me makinën e viktimës

Fqinjët dje gjatë ditës kan vendosur një buqetë me lule të freskta dhe një tullumbace në shenjë respekti ndërkaq në derën e parë së bashku me një letër ata shkruajnë : ” Zoti ju bekoftë . Ne jemi ndjer aq shumë keq për humbjen tuaj . Kjo është :”e Tmerrshme , tragjike , e pakuptimtë – Fqinjët tuaj !. ”
Një klient i rregullt në Royal Grill ka thënë Avdyli kishte marrë përsipër biznesin nga pronari i mëparshëm rreth një vit më parë dhe kishte punuar shumë që të rimodeloj lokalin .
William Jones nga Detroiti , i cili jeton disa blloqe larg e përshkroi Avdylin si një njeri ” të respektueshëm ” dhe ” të miqësor me të gjithë klientët të tij . ”
Policia në Harper Woods të dielën tha se deri tani askush nuk ishte në paraburgim dhe se automjeti nuk është gjendur ende. Automjeti i vjedhur i viktimës është ngjyrë gri, tipi “Chevy Camaro” 2010, me shirita të zinj. Targa e makinës është: CFZ 9555. Çdokush që ka informacion duhet të telefonojë në numrin: 911, ose policinë në Harper Woods 313-343-2530 ose në mënyrë anonime numrin 1-800-SPEAKUP.

Vritet pronari shqiptar i një restoranti në Detroit

December 8, 2013 by dgreca

Një ngjarje rrëqethëse e cila është regjistruar nga kamerat e sigurisë ka ndodhur të premten mbrëma në Detroit/

Harper Woods – Detroit : Gazetat amerikane shkruajn se lajmi u mësua pasi u gjetë trupi i vdekur i viktimës nga një klient të shtunën në mëngjes. Gazetarët nga vendngjarja thonë se të shtunën restauranti “Royal Grill” në Harper Woods të Detroitit do të ishte i mbushur me klientë, por tani është i mbyllur, e nisë kronikën FoxNews2, në Detroit për shqiptarin i cili u vra në rrethana misterioze mbrëmjen e së premtes.

Ato thonë se pronari i këtij restauranti, është 31 vjeçari A. A, i cili mendohet të jetë vrarë të premten, natën në parkingun tek dera e prapëme e lokalit të tij “Kelly Road”, ndërsa procesi i vrasjes është kapur nga kamerat e sigurisë.

Videoja tregon viktimën duke ecur për te makina e tij dhe një person tjetër i fshehur i cili shkonte pas. Pas një përballje të shkurtës personi kishte shtënë me armë në viktimën.

Sekonda më vonë, i armatosur kishte ikur bashkë me makinën e viktimës.

Policia thotë se janë në kërkim të makinës dhe vrasësit.

Policia e qytezës Harper Woods jo shumë larg Detroiti, ka bërë të ditur se pronari i restorantit “Royal Grill” në rrugën “Kelly Rd” është shqiptar, ai u qëllua më armë dhe u vra në rrugicën mbrapa restorantit. Policia ende nuk e ka zbuluar dot vrasësin dhe po kërkon automjetin që autori e vodhi pasi kreu vrasjen. Viktima, sipas medias lokale është shqiptari A. A. nga Roseville, Michigan.

“A.A. ishte një anëtar i njohur mirë i komunitetit të Harper Woods, i dalluar për bujarin dhe zemërgjerësinë e tij çka do të u mungojë shumë këtij komuniteti”, ka deklaruar për medien lokale Jim Burke, Drejtori i Sigurisë Publike në Harper Woods.

Policia sqaron se :”A A, sapo kishte mbyllur restorantin e tij për atë natë, kur e qëlluan në kokë, rreth orës 10:00 të natës. Pasi që sulmuesi e ka plaçkitur dhe vrarë të riun A.A, ai është larguar nga vendi i ngjarjes me veturën e viktimës, duke kaluar mbi trupin e pajetë të viktimës. Një fqinj e ka gjetur të vdekur dhe ka lajmëruar”, thotë policia e Detroitit.

Një tjetër, që punonte në këtë restorant e që nuk deshi të identifikohej i tha kanalit televiziv “Fox2” se A.A. kishte ardhur nga Prishtina – Kosova në kërkim të ëndrrës amerikane.

Ndërsa policia në një lajmërim u lutet të gjithë qytetarëve që të lajmërojnë, nëse shohin automjetin e vjedhur.

“Automjeti i vjedhur i viktimës është ngjyrë gri, tipi “Chevy Camaro” 2010, me shirita të zinj. Targa e makinës është: CFZ 9555. Çdokush që ka informacion duhet të telefonojë në numrin: 911, ose policinë në Harper Woods 313-343-2530 ose në mënyrë anonime numrin 1-800-SPEAKUP.

Por, policia paralajmëron që qytetarët të mos ndërmarrin veprime personale nëse e dallojnë automjetin; mjafton të njoftojnë policinë. Autori i vrasjes dhe vjedhjes mund të jetë i armatosur dhe i rrezikshëm”, shkruhet në njoftim.(B Sina)

U zhvillua ceremonia e çmimit Lantos 2013 – Hillary Clinton laureate e çmimit Lantosh 2013

December 8, 2013 by dgreca

Ish Sekretaria e Shtetit Clinton e mori këtë çmimin për përpjekjet e saj të palodhshme për të promovuar të drejtat e njeriut për gratë, nga Iraku, Afganistani, Afrika, Kosova dhe në mbarë botën dhe të punës së saj novatore në promovimin e të drejtave të njeriut përmes lirisë, thuhet në dekleratën për shtyp të Fondacionit Lantos./

NGA BEQIR SINA, New York/

UASHINGTON , DC-Ish-Sekretarja e Shtetit Hillari Klinton bëri një komentet pas marrjes së Çmimit vjetor Lantos për mbrojtjen e të drejtave të njeriut për gratë dhe nxitjen e lirisë në Internet. Një përmbledhje të fjalës së saj u shfaq edhe në kanalin televizivë kombëtarë C-SPAN – Cable-Satellite Public Affairs Network, rrjeti televisiv i cili emnton çdo ditë 24 orë drejtëpërsëdrejti ngjarjet politike të SHBA, veçanërisht ato që thirren këtu “”gavel-to-gavel” në mbulimin e saj të Kongresit amerikan, si dhe punimet e herë pas hershme me Parlamentin kanadeze dhe britanikë, ngjarje të mëdha në mbarë botën.

Në mesin e folësve të nderit në këtë ceremoni të marrjes së Çmimit vjetor Lantos për mbrojtjen e të drejtave të njeriut për gratë dhe nxitjen e lirisë në Internet ishte dhe ish Sekretaria e Shtetit Madeleine Albright.

Ish-Sekretarja Klinton, dhe folës të tjerë, gjithashtu nderuan me këtë rast me një minutë heshtje ish-presidentin e parë të zi të Afrikës së Jugut, fituesin e Çmit Nobel për Paqe, Nelson Mandela, i cili vdiq një ditë më parë se zonja Clinton të merrte çmimin Lantos.

Ish-sekretarja amerikane e Shtetit Hillary Clinton , ish-Sekretarja amerikane e Shtetit, Madeleine Albright, dhe Annette Lantos, u shfaqen në ekran me kokën përkulur gjatë një minutë heshtje për ish-presidentit të Afrikës së Jugut Nelson Mandela para se zonjës Clinton të i prezantohej Çmimi Tom Lantos për të drejtat e njeriut 2013. Çmimi iu dha më 6 dhjetor 2013 në Uashington, DC. për punën e saj në fushat e të drejtave të grave dhe lirinë e internetit.

Ceremonia e Çmimit Tom Lantos 2013 për të drejtat e njeriut për të nderuar, zonjën Hillary Rodham Clinton u mbajt në Dhomën e Perfaqësuesve të Kongresit në ndërtesën Capitol Hill – Zyrën Cannon House.

Fondacioni Lantosh për të Drejtat e Njeriut dhe Drejtësi në mbar botën, njoftoi në faqen e saj të internetit se ka dhënë “Çmimin Lantos 2013 për të Drejtat e Njeriut” , nderi më i lartë i këtij fondacioni, për Hillary Rodham Clinton . “Ish Sekretaria e Shtetit mori këtë çmimin për përpjekjet e saj të palodhshme për të promovuar të drejtat e njeriut, sidomos e dalluar për gratë, nga Iraku, Afganistani, Afrika, Kosova dhe në mbarë botën dhe të punës së saj novatore në promovimin e të drejtave të njeriut përmes lirisë,” thuhet, në dekleratën për shtyp të Fondacionit Lantos.

Më tej në deklerat thuhet se ” Hillary Rodham Clinton ka fituar njohje globale për lidershipin e saj në shumë arena kritike , por ne jemi veçanërisht krenarë për të njohur kontributet e mëdha që ajo i ka bërë për shkaqe të të drejtave të njeriut , ” ka theksuar në dekleratën e saj Katrina Swett Lantos , Presidente e Fondacionit Lantos . ” Shpallja e saj si kampione për të drejtat e grave, të cilat janë të drejta të njeriut për të ndryshuar mënyrën e botës, dhe dyer të hapura për gratë në një mënyrë që vetëm Hillary Clinton mund të mendojë dhe punojë. Për më tepër , puna e ish Sekretares Klinton në internet për Lirinë e Grave, e ka përqëndruar vëmendjen e saj në mbarë botën në nevojë urgjente që të ” shemb muret ” e shoqërive të mbyllura, dhe që kërkojnë të burgosin qytetarët e tyre, prapa kësaj bote të mahntitëshme të internetit, që janë bërë perde hekuri e kësaj bote ” virtuale ” të shekullit , ajo ka dhënë edhe një kuadër të fuqishëm intelektual për avancimin këtyre të drejtëve të njeriut të kohës sonë .” ka deklaruar Katrina Swett Lantos.

Në gati katër dekada të shërbimit publik , përmendet në deklerat zonja Hillary Rodham Clinton, ka shërbyer si një avokate , nga koha kur ishte- Zonja e Parë e Shteteve të Bashkuara , senatore dhe më së fundi si Sekretare e Shtetit të Shteteve të Bashkuara . Edhe, pse ajo e ka përkrahur një numër çështjesh – duke filluar nga arsimi në kujdesin shëndetësor , ish- Sekretarja Clinton, është nderuar në komunitet, të ndryshme si ai për të drejtat e njeriut – për fjalën e saj të Pekinit 1995 , ku ajo qëndroi me guxim mbas për të drejtat e grave dhe u bë një kampione e vërtetë e çështjeve globale për gratë në mbarë botën . Ajo gjithashtu ngriti zërin e saj në vitin 2010 , kur ajo deklaroi se “qeveritë që dështojnë për të lejuar për liritë e internetit, nuk janë vetëm duke u përpjekur për të shtypur disidentët , por ato janë për të mohuar të drejtat e njeriut “.

Fondacioni Lantosh thuhet në fund të dekleratës për shtyp , ka themeluar Çmimin Drejtave të Njeriut të Lantos në vitin 2009, përkatësisht për të nderuar dhe për të sjellë vëmendjen e të gjithëve, heronjtë e lëvizjes për të drejtat e njeriut anë e mbanë botës. Ky, Çmim jepet çdo vit për një individ ose një organizatë që ilustron më së miri misionin e Fondacionit Lantos , qëllimin dhe mision për të cilin ai është ngritur. Përkatësisht, që të jetë një zë jetikë për ata që luftojnë për vlerat e mirësjelljes , dinjitet , liri dhe drejtësi në çdo cep të botës . Çmimi Lantos gjithashtu shërben për të përkujtuar të ndjerin kongresistin Tom Lantosh , i vetmi i mbijetuar i Holokaustit i zgjedhur ndonjëherë në Kongresin e SHBA dhe një avokat i shquar për të drejtat e njeriut gjatë gati tre dekadave tij – si Përfaqësues i Kongresit të SHBA .

Ish- marrësit e çmimit Lantos, sipas dekleratës përfshijnë Dalai Lama , Elie Wiesel , Paul Rusesabagina dhe Chen Guangcheng