Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SI E PUSHTUAN 15 MIJE SHQIPTARE TIME SQUARE

by

Shpallja e pavaresise se Kosoves u festua ne menyre madheshtore edhe nga shqiptaret ne New York

Nga Beqir SINA/ 

TIME SQUARE – NEW YORK : Epiqendra e festimeve të papara ndonjëherë në historinë e SHBA-së, u bë 17 Shkurt 2008 – në mesdrekë në metropolin e botës qytetin e 12 milion banorëve , metropolin e botës New Yorkun. Mënyra se si e festuan shqiptarët në New York, është e rrallë dhe e pa parë ndonjëherë në historinë e emigracionit shqiptarë. Manifestimi i shqiptarëve i ka çuditur amerikanët, të cilët siç u shpreh edhe një ruajtës i rendit – punonjës policie me uniform veteran i NYPD,: “kurrë në jetën e time, tha ai nuk kamë parë kaq shumë njerëz entuziast, me flamurin kuq e zi dhe atë të SHBA-së, të “derdhen” si lumë në sheshin më famozë të botës Time Square.” Ndërkohë, shpallja e pavaresisë së Kosovës , lindja e shtetit më të ri të Europës, ka bërë që më shumë se 15 mijë shqiptarë t’a “pushtojnë” sheshin Time Square, për rreth shtatë orë duke kënduar e vallëzuar, në mes të sheshit, duke defiluar me veturat e tyre, valvitur flamurin kuq e zi dhe atë të ShBA-së.

Ky manifestim madhështorë, krejt spontan dhe pa ndonjë “udhëheqës”, ku binin në sy një numër i madh i nxënësve të klasave tetvjeçare, atyre të mesme dhe universiteteve amerikane, ka mahnitur për orë të tëra kalimtarët e shumtë, dhe milona turistë vendasdhe të huaj. Manifestime të ndryshme pati edhe në shoqata, organizata, institucionet fetare dhe partitë politike shqiptare në New York, e shtet e tjera përrreth tij.

Vetëm në sheshin Times Square kan qenë më shumë se 15 mijë shqiptarë  të zonë së ashtuquajtur e Tri-Shteteve, New Yorkut, New Jersey, dhe Connecticut, – shqiptarë të ardhur prej qyteteve kryesore të këtyre shteteve, ku më së shumti banojnë shqiptarët, pikërishtë ia befën në orën kur në Prishtinë, po zhvillohej mbledhja e Kuvendit të Kosovës për Shpalljen e Pavarësisë së Kosovës.

Shume prej tyre të veshur me fanelat kuq e zi, e simbole të tjera kombëtare, kostume folklorike të Kosovës, grupe – grupe “befas” ia kanë mësyer sheshit më të madh të New Yorkut, Times Square (aty ku para nje muaji rreth nje milon njujorkas festuan ndrrimin e viteve),  për të marrë pjesë në manifestimin madhështor pas shpalljes zyrtare të pavarësisë së Kosovës.

Para për të dëgjuar nga ai shesh me autorpolant fjalët më historike që kryeministri i Kosovës z. Hashim Thaçi i shqiptoi para deputetëve të Kosovës, para miliona shqiptarëve dhe para botës: “Të mbledhur në mbledhje të jashtëzakonshme më 17 shkurt 2008, në kryeqytetin e Kosovës, në Prishtinë… Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe Sovran.”

Asnjëherë, në historinë e emigracionit të shqiptarëve të Amerikës, nuk janë parë kaq shumë shqipëtarë, nga Kosova, Shqipëria, Presheva, Bujanovci, Medvegja, Çamëria, Mali i Zi , Maqedonia, Arbereshët e Italisë, diaspora e të tjerë. Asnjeherë, nuk ishin parë kaq shumë flamurë kuq e zi – që thuaje se e mbuluan kuq e zi sheshin më të madh të botës.

Shqipëtarët nga New Yorku, dhe shtetet për rreth tij – dolën në rrugët e sheshet e Amerikës,  për të festuar këtë ditë të madhe – ditë historike, e cila vjen menjëherë pas asaj të viti 1912, kur Shqipëria mëmë e shpalli pavaresinë e saj më 28 Nëntor 1912. Manifestimi i New Yorkut, në sheshin e famshëm Time Square u zhvillua me moton festojmë pavarësinë e Shtetit më të ri të Europës – Kosovës duke mos harruar asnjëher se kemi me vete edhe mikun e madh dhe të përjetëshëm Amerikën! si na e ka lënë amanet Presidenti historik i Kosovës – Rugova

Shpallja e Pavarësisë së Kosovës më 17 Shkurt, për konçidencë ishte në të njëjtën ditë kur edhe vetë amerikanët ishin duke e festuar ditën e Presidentit te SHBA- Presidnent Day . Çdo shqiptarë në Amerikë nuk ka për ta nxjerr nga mremorja e tyre, këtë manifestim madhështor duke u bërë edhe ai pjesë e historisë së kombit tonë. Manifestimi i New Yorkut, do të mbetet në histroinë e emigracionit shqiptarë , për gëzmin, entusiazmin , dashurinë për Kosovën. Ai kaloi pa as më të voglin incident ose problem me punonjësit e ruajtjes së rendit.

Policia njujorkeze megjithse nuk kishte dhënë lejen për të festuar në sheshin e famshëm Times Square, me ndihmën e policive shqiptarë të cilët shërbejnë në rradhët e uniformave të policisë NYPD , ua lëshoi sheshin shqiptarëve për më shumë se 5 orë.

 

NË QYTETIN E AUCKLANDIT, ZELANDE E RE, U SHËNUA DITA E PAVARËSISË

by

Si gjithandej botës edhe këtu në Zelandën e Re shqiptaro-zelandezët kremtuan Ditën e Pavarësisë. Shqiptarët me ketë rast u mblodhën në parkun e bukur të qytetit në drekë të përbashkët që nga ora 11:00 e ditës. Shtruan tryezën me pije, fruta e gatime tradicionale tona dhe ashtu  së bashku kokë më kokë përgëzuan njëri tjetrin për festën, folën për hallet e jetës, vendlindjen qeshën e u kënaqën deri në orët e vona të ditës. Silva Tërnava dhe Ilir Hoxha krijuan e ngjallën atmosferë emocionuese tek të pranishmit duke recituar poezitë e tyre. Duhet përmendur këtu edhe Osman Lleshin, që tamam si artist estrade për disa minuta me humor nga Gjakova i argëtoi manifestuesit.

Sabit Abdyli, Auckland, 16 shkurt 2014

I AFËRMI I HASAN PRISHTINËS ME BASHKËSHORTEN AMERIKANE VIZITUAN VATRËN

by

Të shtunën me 15 Shkurt 2014, Ferki Veliu Berisha, i lindur në Kosovë, me bashkëshorten e tij amerikane, Patricia, me banim në Portland, Orgeon, të shoqëruan nga kryetarja e degës së Vatrës në Washington D.C, Zonja Merita B McCormack, vizituan Shtëpinë e Vatrës. Ata u pritën nga zv/ kryetari i Vatrës, z. Asllan Bushati dhe editori i Diellit, Dalip Greca.

Z. Bushati u uroi mirëseardhjen mysafirëve dhe u prezantoi historinë 102 vjecare të Federatës Panshqiptare të Amerikës “VATRA”. Ai u ndal në momentet historike kryesore të Vatrës, krijimin e saj 7 muaj para se të shpallej Pavarësia e Shtetit Shqiptar, roli i saj i jashtzakonshëm gjatë viteve të Luftës së Parë Botërore dhe pas saj, ku luajti rolin e shtetit të munguar, mbulimi i shërbimit diplomatik në Evropë dhe ShBA me shpenzimet e Vatrës,fushatat e madhe e Vatrës” Për Shpëtimin e Shqipërisë” me 3 qershor 1917, Lufat e Vatrës në Konferencën e Parisit, organizimin e një huaje Kombëtare në ndihmë të shtetit shqiptar në vitet 1920-23, dërgimi i Bandës muzikore të Vatrës në Shqipëri, dërgimi i Trupave vullnetare në përbërje të të cilëve ishin djemtë e vatranëve, kontributi i tyre në mbrojtjen e kufijëve jugorë si dhe pjesmarrja në Luftën e Vlorës e Bandës së Vatrës dhe Trupat vullnetare.

Z. Bushati i njohu mysafirët edhe me zhvillimet fundit në Vatër, qëndrimet e saj për cështjen kombëtare, zhvillimet demokratike në vendlindje, mbrojtjen e të drejtave të shqiptarëve në Ballkan, bashkimin Kombëtar në rrugë paqësore nën Bashkimin Europian etj.

Mysafirët bënë pyetje rreth Vatrës, të djeshmes dhe të ardhmes së saj.

Editori i Diellit prezantoi shkurtimisht historinë e Gazetës më të vjetër të Botës Shqiptare, që është ende në botim, në print dhe online, Diellit, që pikërisht, në ditën e sotme, 15 shkurt mbush 105 vjec. Mysafirët vizituan edhe ekspozitën e rrugëtimit 102 vjecar të Vatrës, bënë fotografi në mjediset e saj, morën foto nga objektet fotografike të ekspozuara etj.

Ferki Veliu Berisha tregoi shkurtazi jetën e tij, familjen, e cila ka lidhje gjaku me familjen e Hasan Prishtinës, ai tregoi edhe për projektin e librit për historinë e familjes që mendon ta botojë gjatë këtij viti.

Nesër, me 16 shkurt, ata do të ejnë pjesë e festimit të 6 vjetorit të Pavarësisë së Kosovës, organizuar nga Vatra dhe Bashkësia shqiptare. Ferki sjell edhe mesazhin e 83 vjecarit Hakan berisha, kusheri i Hasan Prishtines.

 

RUGOVASIT E NJU JORKUT FESTUAN 6 VJETORIN E PAVARËSISË SË KOSOVËS

by

   Të shtunën në mbrëmje, 15 Shkurt 2014,në mjediset e Shoqatës “Rugova” në Arthur Ave në Bronx, u organizua festimi i 6 vjetorit të Pavarësisë së Kosovës. Kryetari i Shoqatës “Rugova” z. Adem Muriqi u uroi mirëseardhjen të pranishmëve në festën e përvjetorit të pavarësisë së Kosovës. Ai tha për gazetën Dielli se rugovasit ndjehen të gëzuar në këtë festë pasi Kosova është e lirë dhe e pavarur. Cdo vit shoqata e Rugovws nw New York e feston pwrvjetorin e pavarwsisw. Më pas e ka marrë fjalën Idriz Celaj i cili ka mbajtur një kumtesë. Folësi u ndal gjatë kontributin që dha arkitekti i Kosovës së pavarur, presidenti i parë i saj, dr. Ibrahim Rugova.

Celaj e përshkoi me detaje jetën e dr. Rugovës, që nga lindja me 2 dhjetor 1944,  në fshatin Cerrcë, komuna e Istogut, në Kosovë. Dihet fakti, tha Celaj, se më 10 janar 1945, komunistët jugosllavë ia pushkatojnë babain Ukë Rugova dhe gjyshin Rrustë Rugova, luftëtar i njohur kundër çetave çetnike që po depërtonin gjatë Luftës së Dytë Botërore në krahinën e Rugovës. Celaj evidentoi faktin se gjyshi Rrustë dhe baba Ukë, ishin pjesë e batalionit të major Zhukë Haxhia.
Ibrahim Rugova mbaroi shkollimin e mesëm në Pejë më 1967. Diplomoi në Degën e Albanologjisë të Fakultetit të Filozofisë të Universitetit të Prishtinës më 1971. Zoti Rugova qëndroi gjatë një viti akademik (1976-77) në Paris, në Ecole Pratique des Hautes Etudes, nën mbikëqyrjen e Prof. Roland Barthes-it, ku ndoqi interesimet e veta shkencore në studimin e letërsisë, me përqëndrim në teorinë letrare. Ibrahim Rugova mori doktoratën në letërsisë në Universitetin e Prishtinës më 1984.
Më 1996, Dr. Ibrahim Rugova u zgjodh anëtar korrespondent i Akademisë së Arteve dhe të Shkencave të Kosovës.

Po në këtë vit ai u shpall doktor nderi i Universitetit të Parisit VIII në Paris.

Dr. Ibrahim Rugova ishte redaktor në gazetën e studentëve “Bota e re” dhe në revistën shkencore “Dituria” (1971-72), që botoheshin në Prishtinë. Pastaj për afro dy dekada, Dr. Rugova punoi në Institutin Albanologjik të Prishtinës si hulumtues i letërsisë. Për një kohë ka qenë kryeredaktor i revistës “Gjurmime albanologjike”, që e nxirrte ky Institut.

Dr. Rugova është zgjedhur kryetar i Shoqatës së Shkrimtarëve të Kosovës më 1988, i cili u bë bërthamë e fuqishme e lëvizjes shqiptare që po kundërshtonte sundimin komunist serb në Kosovë. Permes deklaratave dhe intervistave et shpeshta ne shtypin e huaj dhe ate shqiptar kerkon trajtimin ndryshe te shqiptareve dhe denoncon dhunen serbe.
Si intelektual me emer që i jepte zë kësaj lëvizjeje intelektuale e politike, Dr. Rugova u zgjodh më 23 dhjetor 1989 kryetar i Lidhjes Demokratike të Kosovës (LDK), partisë së parë politike në Kosovë që e sfidoi drejtpërdrejt regjimin komunist në fuqi.LDK-ja u bë shpejt forca politike prijëse në Kosovë, duke mbledhur shumicën e popullit, edhe pse në ndërkohë u shfaqën në skenë edhe edhe parti e grupe të tjera.

Nën udhëheqjen e Dr. Ibrahim Rugovës, LDK-ja, në bashkëpunim me forcat e tjera politike shqiptare në Kosovë dhe me Kuvendin e atëhershëm të Kosovës, përmbylli kornizën ligjore për institucionalizimin e pavarësisë së Kosovës.

Deklarata e Pavarësisë (2 korrik 1990), shpallja e Kosovës Republikë dhe miratimi i kushtetutës së saj (7 shtator 1990), referendumi popullor për pavarësinë dhe sovranitetin e Kosovës mbajtur në fund të shtatorit të vitit 1991, qenë prelud për zgjedhjet e para shumëpartiake për Kuvendin e Kosovës dhe zgjedhjet presidenciale në Republikën e Kosovës më 24 maj 1992.

LDK-ja fitoi shumicën dërrmuese të deputetëve në Kuvend, në të cilin përfaqësoheshin edhe tri parti të tjera, ndërsa Dr. Ibrahim Rugova u zgjodh Kryetar i Republikës së Kosovës me shumicë dërrmuese të votës.

Dr. Ibrahim Rugova u rizgjodh Kryetar i Republikës së Kosovës në zgjedhjet e mbajtura në mars të vitit 1998. Partia e tij, LDK, fitoi shumicën e vendeve në Kuvendin e Republikës së Kosovës në atë vit.

Z. Celaj u ndal gjatë edhe në krijimtarinë letrare artistike të dr. Ibrahim Rugovës. Ai solli fragmente nga libri I bajrush Morinës”Dy personalitete”, kushtuar dr. Rugovës dhe akademik Mark Krasniqi.Vecanërisht në focus të fjalës të ligjëruesit ishin simbolet shtetërore,Flamurin e Dardanisë,  që kanë për krijues dr. Rugovën, fjalori politik të tij, gurët…etj.Në rezonancë me me mentalitetin dhe filozofinë e I Rugovës vijnë edhe urtësitë e fjalëve dhe shprehjeve të nënë terezës, që Rugova e vlerësoi shumë.

Gjatë festimit rugovasit, kënduan dhe kërcyen bashkë. Festa u shoqërua me ushqime tradicionale dhe pije. Foto nga aktiviteti. .(Korresp i Diellit)

 

Ndërtimi i Katedrales në Tivar : Besimtarët shqiptarë mbledhin 245 mijë dollar në New York

by

Nga Beqir SINA/

BRONX NEW YORK : Edhe pse kaq largët gjeografikisht, besmitarët shqiptarë katolik, në Amerikë, kanë dhënë kontribute të mëdha financiare në ndërtimin e objekteve të tyre të kultit – Kishat dhe Katedralet në vend origjinën e tyre. Është, për t’u vënë në pah se sa të mëdha kan qenë, prej tyre, ndihmat prej se kur ata erdhën në kurbet. Ndihmat, që kan dhënë këta besimtar, të cilët dallohen si fetar dhe patriot, kan zënë një vend të rëndësishëm në blerjen e tokës, projektimin dhe ndërtimin e disa prej Kishave në Shqipëri, Kosovë dhe Mal të Zi. Kontributi i besimtarve katolik në Shtetet e Bashkuara në shumë të përgjithëshme është prej disa miliona dollarë. Një kontribut i këtillë, ishte ai që u mbajtë ditën e djelë nga Kisha Katolike Shqiptare Zoja e Shkodrës, ku besmitarët e saj – mblodhën çerek milion dollarë – ndihma për të ndërtimit të Katedrales së Tivarit. Një ndihmë, kjo, si premtuan edhe besimtarët, ka për të vazhduar deri në përfundimin e plotë të kësaj Katedrale.

Darka për ngritjen e fondeve të Katerdales së Tivarit, u organizua me datën 9 Shkurt në ora 6:00 të mbrëmjes, në restorantin e njohur ku mblidhen përherë shqiptarët  Eastwood Manor, në Bronx – Nju Jork. Morën pjesë më shumë se 400 shqiptar, kryesisht të besimit katolik,por duhet theksuar se moren pjesë edhe shqiptar të besimeve te tjera fetare, për mbledhjen e fondeve për përfundimin e ndertimit të Katedrales së Tivarit. Edhe kësaj darke për grumbullimin e ndihmave financiare, inisiativa ishte nga Kisha “Zoja e Shkodërs”, me në krye mikëpritësin Dom Pjetër Popaj.

Në këtë darkë te ftuem special ishin argjipeshkvi i Tivarit Monsinjor Zef Gashi, dhe famullitari i kishës së Tuzit pater Pashko Gojçaj. Në këtë darkë ishin të prenishem rreth 400 musafir anëtar të fammullis Zoja e Shkodrës në Hartsdale – Nju Jork.

Përveç famullitarit Dom Pjeter Popaj dhe Dom Viktor Dedaj në këtë darkë ishin të pranishem mysafirët e nderuar nga vend origjina –  Kryeargjipeshkvi i Tivarit Monsinjor Zef Gashi,  famullitari i kishës së Tuzit, pater Pashko Gojçaj, famullitari i Kishës së Durrsit Dom Gjergj Meta, përfaqësuesi i Zonës Zgjedhore 80të në Asemblenë e shtetit të Nju Jorkut në Albany – z.Mark Gjonaj, Kryetarja e Këshillit të Kishës “Zoja e Shkodrës” znj. Margarita Gazivoda Koçaj, Kryetari i Qendres “Nënë Tereza” z. Mark Shkreli, Drejtoria e qendrës ndërkombëtare të kultures “Arbnori” – Tiranë – Shqipëri, znj.Floriana Odhise Paskali dhe Art menaxheri I Qendrës ndërkombëtare të kulturës “Arbnori” Tiranë- Shqipëri z. Leonardo Voci.

Udheheqës i darkës ishte Kryetari i Komisionit pregaditor për ndërtimin e Katedrales z. Leonardo Berishaj

Në fillim të fjalës z. Berishaj – ka përshendetur mysafirët e nderuar të përndershmin Monsinjor Zef Gashi, patër Pashko Gojçaj – nikoqirin e kësaj darke Dom Pjeter Popaj, klerikët e nderuar, vëllezerit e motrat, besimtarë, të cilët erdhën për t’u bashkuar në darkën e ngritjes së fondeve për përfundimin e punës në katedralen Shën Pjetri në Tivar – një mbrëmje kjo që ështe e organizuar nga Kisha Zoja e Shkodrës.

“Fillimisht, tha zoti Berishaj në emër të Komisionit të katedrales së Shën Pjetrit dhe në emrin tim personal, përshëndes të gjithë të pranishmit. Përshëndetje dhe falenderim i veçantë për mysafiret tonë – Imzot Zef Gashin dhe patër Pashko Gojçajn. Është privilegj dhe kënaqësi t’ju kemi sonte në mesin tonë. Ju falenderojmë të gjithëve për praninë tuaj, të gjithë donatorët, si dhe sponzorët e kësaj mbrëmje.”

Pas intonimit të dy Hymnve Kombëtare të SHBA dhe Shqipërisë, darkën e Bekoi ndimhës/famullitari i Kishës Zoja e Shkodrës Dom Viktor Dedaj
Fjalën përshëndetëse, si organizator i kësaj mbrëmje, e mbajti mikëpritësi i darkës së ngritjes së fondeve Dom Pjeter Popaj. Kurse. në emër të Këshillit të Kishes “Zoja e Shkodrës” u është drejtuar Kryetarja e Këshillit znj. Margarita Gazivoda Koçaj. Poashtu të pranishmëve ju është drejtuar me përshëndetje rasti edhe zotëri Mark Shkreli – kryetari i Qendrës Nëna Tereze., asambleisti shqiptar Mark Gjonaj, Famullitari i Kishës se Tuzit Pater Pashko Gojcaj, dhe në fund Imzot Zef Gashi

Në emër të Këshillit të Kishës “Zoja e Shkodrës ju drejtua të pranishmëve  Kryetarja e Këshillit znj. Margarita Kocaj.

Udhëheqësi i kësaj darke z Leonard Berishaj, duke prezantur në foltore të flasë në emër të Këshillit të Kishës “Zoja e Shkodrës  Kryetaren e Këshillit znj. Margarita Kocaj theksoi se:  “Është kjo aktiviste e shquar e komunitetit tonë, dhe përkrahëse e madhe e Kishës dhe shoqatave humanitare të cilat gravitojnë në SHBA. Përkrahja e saj është e mirëseardhun dhe e çmuar për ne, meqenëse vjen nga një intelektuale e cila pergaditjen universitare e mori ne Pace University ne New York ” tha Berishaj.

Në darkën e organizuar më këtë rast u mblodhen 245 mijë dollar, tha Berishaj dhe ne mënduam të veçojmë disa nga ata që dhanë shuma të konsiderueshme dollaresh në këtë donacion:

-z. Ndoc Zef Simonlacaj $70,000.00

-z Paloke Nike Rudaj $50,000.00

-Familja e Noc Mati Gjonaj $10,000.00

-Leke dhe Pashko Gojcaj $5,000.00

-Rrok Pjeter Zadrima $5,000.00

-Dode Prec Curanaj $5,000.00

-Simon Zef Simonlacaj $5,000.00

 

Sponzoret te cilet kane siguruar çmimet për lotarinë që sonte organizojmë:

 

– Palokë Rudaj (55” TV),
– Luan Isufi (Punim Artistik),
– Ciao Restaurant pronar Zef Gjelaj ( darkë për 4 persona),
– LaChic pronare Leze Curanaj (çertifikate me vlerë $200.00),
– Gjuro Markolaj (1 box verë),
– LaVera Kuzina pronar Tony Raja ( darkë për 4 persona),
– Anton Boga (iPad),
– Lule Gjokaj (çertifikate me vlerë $200.00) dhe
– Tony Palushaj (kamere).

Në këtë darkë një vend të veçantë zunë edhe pjesët argëtuese artistët të cilët ishin në disponimin e Darkës për grumbullimin e fondeve për ndërtimin e Katedrales së Tivarit. Të angazhuar për argëtim ishin : Ansambli muzikor Ceka me këngëtarin Hajro Ceka dhe këngëtari Gëzim Nika. Ndërsa, me disa valle  argëtuan edhe vallëtarët e Grupit Razafati. Një natë më vonë për mysafiret e nderit biznesmeni i njohur i komunitetit shqiptar në New York Dedë Kol-Miri, shtroi një darkë nderi.

Në fund të kësaj darke për ngrtijen e fondeve për ndërtimin e Katedrales së Tivarit, udhëheqësi i Komisionit të fushate në Nju Jork, zoti Leonard Berishaj, i tha gazetës tonë se:” Darka përfundoi me shumë sukses, andaj dëshiroj që në emër të Komisionit organizativ ti falenderoj të gjithë donatorët dhe pjesëmarrësit  që me kontributin dhe angazhimin e tyre, bënë që rezultati të jetë i tillë ku të mblidhen 245 mijë dollarë. Ishte privilegj dhe kënaqësi të bashkëpunoj me te gjithë” u shpreh ai.