The Fan Noli Library and Cultural Center extends its sincere gratitude to everyone who joined us for our Albanian Cultural Day honoring the celebrated author, Naum Prifti.

A very special thank you goes to the young talents, Vangjush and Kimberly Dinka whose beautiful readings from “Pika e Ujit” (Water Droplet) impressed the audience. Bianca Jantilli’s interpretation of the passage from the story of Skanderbeg’s Last Wish filled the room with emotions and pride.

The tribute was designed as a conversation with the audience, including readings, a short video recording of Naum Prifti, brief readings of some of his stories.

Our appreciation goes to Director of Albania’s National Library Majlinda Toci, Biblioteka Kombëtare e Shqipërisë for her remarks via video presentation.

Thank you to Ariana Cani, Miranda Bego, Silvi Karoli Dinka and Supreme Roast Beef for satisfying the nourishment needs of everyone. And to Artan Malaj and @ Subi Cako for these very special photos.

Grateful to everyone who contributed to making this event both educational and memorable.

Together, we continue to celebrate and pass on the richness of Albanian literature and culture to future generations.

Thank you for being part of this special day!

Rafaela Prifti

Founding Director & Moderator

Peter & Naum Prifti Distinguished Book Series

“Fan Noli Cultural Center & Library”

Komuniteti Shqiptaro-Amerikan në Illinois pati nderin t’i bashkohej sot komunitetit të Çamërisë në përkujtimin e Ditës së Kujtimit të viktimave të gjenocidit ndaj Shqiptarëve të Çamërisë, duke festuar njëkohësisht forcën dhe vazhdimësinë e komunitetit tonë përmes zgjedhjes së dy përfaqësuesve të Çamërisë në Bordin Drejtues të AACI-së.

I organizuar në një atmosferë të ngrohtë familjare, pikniku mblodhi Shqiptarë të të gjitha brezave – nga të moshuarit e lindur në Çamëri, të cilët mbartin kujtime të drejtpërdrejta për vendlindjen e tyre, deri te familjet e reja, fëmijët e të cilave mbushën parkun me lojë dhe gjallëri, duke dëshmuar se historia dhe traditat tona do të vazhdojnë të jetojnë edhe tek brezat që vijnë.

Ky aktivitet u bë i mundur falë përkushtimit dhe punës së palodhur të Adelsa Hotit, anëtare e Bordit të AACI-së prej tetë vitesh, si dhe Elton Ademit, vullnetar prej shumë vitesh dhe anëtar nderi i AACI-së. Shprehim mirënjohjen tonë më të sinqertë për Adelsën dhe Eltonin për organizimin e këtij aktiviteti të mrekullueshëm.

Në këtë aktivitet morën pjesë edhe Kryetari aktual i Bordit të AACI-së, Edon Shaqiri, si dhe ish-kryetarët e Bordit, Gjaneto Harusha dhe Bujar Breznica, duke reflektuar vazhdimësinë, unitetin dhe mbështetjen e udhëheqjes së AACI-së ndër vite.

Përtej përkujtimit të një prej kapitujve më të dhimbshëm të historisë Shqiptare, ky takim shërbeu si një kujtesë se ruajtja e trashëgimisë sonë kërkon pjesëmarrje aktive. Zgjedhja e dy përfaqësuesve të Çamërisë në Bordin e AACI-së garanton që zëri, kultura dhe traditat e komunitetit çam të vazhdojnë të jenë pjesë e pandashme e misionit të organizatës sonë për të përfaqësuar të gjithë shqiptarët në Illinois.

Gjatë procesit zgjedhor, komuniteti shqyrtoi me seriozitet disa kandidatura, duke dëshmuar një frymë të fortë përgjegjësie dhe angazhimi qytetar. Në përfundim të procesit demokratik, Arlind Rojba u zgjodh si përfaqësuesi i ri i Çamërisë, duke fituar besimin dhe mbështetjen e të pranishmëve. Zgjedhja e tij përbën një hap të rëndësishëm në forcimin e mëtejshëm të përfaqësimit dhe mbrojtjes së interesave të komunitetit çam brenda AACI-së.

Njëkohësisht, aktiviteti bashkoi Shqiptarë nga të gjitha trevat etnike, përfshirë shumë bashkatdhetarë nga Kosova, të cilët iu bashkuan komunitetit Çam në këtë ditë përkujtimore. Prania e tyre ishte një dëshmi e solidaritetit mbarëkombëtar dhe e bindjes se plagët historike të një pjese të kombit janë plagë të të gjithë Shqiptarëve.

Edhe pse kanë ndodhur në periudha të ndryshme historike dhe në rrethana të ndryshme politike, tragjedia e Shqiptarëve të Çamërisë dhe krimet e kryera ndaj shqiptarëve të Kosovës gjatë luftës së viteve 1998–1999 përfaqësojnë kapituj të dhimbshëm të historisë sonë. Të dyja na kujtojnë rëndësinë e mbrojtjes së të drejtave të njeriut, të ruajtjes së kujtesës historike dhe të angazhimit për drejtësi e paqe.

Për komunitetin tonë në Illinois, këto përkujtime nuk janë vetëm një reflektim mbi të kaluarën, por edhe një zotim për të ndërtuar ura mes të gjitha komuniteteve Shqiptare. Kur kujtojmë Çamërinë, Kosovën dhe çdo sakrificë tjetër të popullit Shqiptar, ne forcojmë bashkimin tonë dhe përcjellim tek brezat e rinj rëndësinë e ruajtjes së identitetit, historisë dhe dinjitetit tonë kombëtar.

Komuniteti Shqiptaro-Amerikan ne Illinois mbetet i përkushtuar në nderimin e kujtimit të të gjithë atyre që vuajtën, në ruajtjen e së vërtetës historike dhe në forcimin e lidhjeve ndërmjet të gjitha trevave Shqiptare. Teksa kujtojmë të kaluarën, ne njëkohësisht festojmë qëndresën, unitetin dhe shpresën që vazhdojnë të karakterizojnë kombin tonë.

Lavdi dhe përjetësi kujtimit të viktimave të Çamërisë. Qoftë historia e tyre gjithmonë e gjallë dhe një amanet për brezat që do të vijnë.

Zef Pergega/

Fondi Humanitar “Trieshi” festoi 10-vjetorin e themelimit në New York dhe në Detroit. U mblodhën 150 mijë dollarë. Askush nuk i ka tepër, por shpirti bujar i malësorit e kap qiellin me dorë.

Parmbrëmë në sallën e kishës së Shën Palit në Detroit u organizua në formën e një akademie 10-vjetori i themelimit të Fondit Humanitar “Trieshi” me qendër në New York dhe në Detroit, ku janë të përqendruar më shumë malësorët e Malësisë së Madhe në trojet e tyre etnike në Mal të Zi.

Referatin kryesor e mbajti atdhetari dhe veprimtari i çështjes kombëtare, nga trungu i një familjeje të njohur në Malësi dhe në diasporë, z. Gjon Gjokaj me cilësinë e kryetarit të këtij fondacioni. Në kornizën e një referati Gjokaj solli në vëmendje historikun e këtij bajraku me 10 fshatra me traditë në historinë e kombit, me figura me rezyme të njohura në botën shqiptare, akademi edhe në vendin tonë e në Amerikë. Ai evidentoi fatosat e dritës në Malësi e Triesh, ku ndërthuret brumi i dijes dhe patriotizmit edhe në dyert e shkollës së parë shqipe me emrin e heroit tonë kombëtar “Gjergj Kastrioti”. Ai theksoi se 10 vjet janë një dekadë, por rrugëtim plot sakrifica dhe ëndrra të realizuara për vendlindjen. Trieshi, tha ai, njihet në historinë e kombit si treva e dijes, heroizmit, luftës, mbijetesës në tradita, gjuhë e zakone, po ashtu edhe për vlera humane. Trieshi ka nxjerrë poetë, priftërinj, shkencëtarë, avokatë, biznesmenë, poetë, shkrimtarë, të cilët me veprat e tyre ia zbukurojnë fytyrën Malësisë dhe atdheut. Ne, – vijoi Gjokaj, kemi arritur të mbledhim rreth 1.5 milion dollarë, të cilat kanë shkuar në rrugën e Trieshit, shkolla, përmendoren e Gjergj Kastriotit, familjet në nevojë, botim librash, donacione për bursa të studentëve për të vazhduar degët e preferencës në universitete. Sensibilizim i çështjes kosovare në Shtëpinë e Bardhë, ku ka trieshianë të dekoruar nga institucionet amerikane dhe trieshianë që kanë marrë pjesë në UÇK. Gjithashtu janë përkujtuar me simpoziume figura trieshiane, siç qe rasti i fundit i Athanas Gegës.

Aktivitetin e hapi aktivisti Marash Lucaj, i cili ndër të tjera evidentoi në fjalën e tij se ky përvjetor është një dëshmi e gjallë e kapacitetit të Fondit Humanitar “Trieshi” për bashkimin e trieshianëve, për ndihmën në vendlindje. Dhjetë vjet kanë bërë histori dhe askush nuk mendoi për lavdi, por për dashurinë me zemër për Trieshin tonë ku kemi le, ku kemi trojet dhe amanetin e vorreve. Trieshi është toka e larë me gjak e djersë, ndaj ne duhet të jemi shtylla e mbrojtjes së tij nga asimilimi. Në jetë disa gjëra maten me para, por dashuria për vendlindje nuk ka çmim. Humanizmi vërtet nuk njeh kufi.

Sekretari Kole Cacaj i njohu të pranishmit me frymën organizuese e kombinuese në këtë fondacion dhe që lidhet me diasporën për çështje kombëtare dhe të Malësisë. Ai foli për unitetin dhe harmoninë e këtij fondacioni, cilësi këto bazë për funksionimin normal të veprimtarisë humanitare, për të plotësuar të gjitha objektivat që tash 10 vjet i kemi vënë vetes. Ky unitet malësorësh duket sot në sytë e të gjithëve edhe në këtë sallë ku janë më shumë se 300 malësorë e miq tanë, të cilët e simbolizojnë me përfaqësimin e tetë shoqatave që veprojnë në komunitetin tonë.

Biznesmeni dhe një nga donatorët kryesorë të këtij fondacioni nga New York-u, Vaso Nikprelaj, foli me fjalë të zgjedhura për traditën malësore në botën e lirë e veçanërisht për frymën bashkëpunuese të trieshianëve që kudo shpalosin vlera unitare.

Në emër të grupit të këtij fondacioni në Detroit, përshëndeti me fjalë të zjarrta dhe të zgjedhura për këtë kuvend, sa shkencor, sa artistik e humanitar, kryetari Noni Nikollaj.

Aktivitetin e përshëndetën Prof. Lulash Palushaj. Në emër të shoqatës “Malësia e Madhe”, kryetari Toni Gojçaj, “Jehona e Malësisë” Zef Berisha, “Kosova” Marjan Gjeta, “Rapsha”, Prof. Anton Lajçaj, “Këlmendi” Av. Ervin Tinaj, “Koja”, Ndue Gjelvokaj. Një program i pasur me këngëtarët Hana Nikprelaj, Marie Lajçaj, Nikoll Nikprelaj, Fran Lucaj. Mbrëmje mbresëlënëse në vlera dhe në organizim.

Saturday June 20 10:00 am Parade | 1:00 pm Festival

Parade Start: 81st Street & Central Park West