Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Të larguarit nga administrata ndërpresin grevën e urisë

by

Nga Gjergji Mima/Tirane-4 Qershor-Të larguarit nga administrata kanë ndërprerë grevën e tyre të urisë në ditën e 15-të.
Lajmi është njoftuar nga Kryetarja e Shoqatës së të Larguarve nga Puna, Nertila Qafzezi në një deklaratë për mediat pasditen e sotme.
Qafzezi ka theksuar se, “Vendosëm të ndërpresim grevën e urisë. Pritëm prej 15 ditësh një përgjigje nga kryeministri. Morëm mbështetjen e Fyles që çështja jonë do te hetohet”.
Sipas saj, janë larguar nga puna 8 mijë punonjës, teksa shtoi se, greva e urisë u zhvillua në kushte shumë të vështira, në qiell të hapur
“Sensibilizuam opinionin dhe ndërkombëtarët për grevën. Gjendja e disa grevistëve shumë e vështirë”, tha Qafzezi e cil nuk harroi pa falenderuar opozitën për mbështetjen e dhënë gjatë ditëve të grevës.
“Falenderojmë opozitën, avokatja e kërkesave tona. Do të vazhdojmë luftën për plotësimin e 5 kërkesave tona”, tha Qafzezi

SERBËT PROVOKOJNË ME FLAMURIN E SERBISË TEK KATEDRALJA

by

Ndërsa aktivistët e Aleancës Kuq e Zi protestonin kundër pjesëmarrjes së kryepeshkopit serb Irinej në ceremoninë e shenjtërimit të Katedrales “Ngjallja e Krishtit” në Tiranë, një grup të rinjsh kanë shpalosur flamurin serb në oborrin e Katedrales/
Shenjtërimi i Katedrales “Ngjallja e Krishtit” në Tiranë nuk ka kaluar pa incidente në pjesën e jashtme të saj. Policia e Tiranës gjatë kësaj ceremonie ka shoqëruar për në komisariat 3 persona, 2 meshkuj dhe një femër, News24 mundi të regjistroje shoqërimet gjatë ceremonisë. Një tjetër incident u regjistrua nga disa të rinj serbe të cilët kanë hapur flamurin e tyre ne dalje të katedrales para mediave shqiptare.
Ka qenë ora 09:00 e paradites ku një burrë rreth të 50 filloi të shtonte tonin e zërit gjatë kalimit para katedrales por menjëherë është shoqëruar për në komisariat. Pak minuta me vonë një femër e cila qëndronte përballë katedrales mbante në dorë foton e Fan Nolit në shenjë proteste dhe kundërpërgjigje për mbajtjen e meshës në gjuhën greke. Shqiptarja ortodokse Elida Jorgoni kërkon që në krye të ortodoksisë shqiptare të jetë një person me gjak shqiptar dhe jo një grek.
“Themelusi i Autoqefalisë, ai që në 10 mars 1914 mbajti meshën e parë në gjuhën shqipe. dhe është turp që sot pas 100 vitesh gjuha greke mbizotëron në kishën shqiptare. Intelektualët dhe njerëzit që jetojnë në atdhe nuk duhet të pranojnë këtë turp kombëtar. Fan Noli na e përkthehu biblën në gjuhën shqipe dhe para 100 vit4esh e mbajti. Dhe jo mesha jonë të bëhet në gjuhën Greke. Kjo është kërkesa ime, unë jam ortodokse, dhe dua një kryepeshkop shqiptar. Kaluan 23 vite, e nuk mund të presim më.”- kështu deklaroi Elida Jorgonit.
Protesta e Elida Jorgonit së bashku më një tjetër mashkull pranë saj do të zgjaste vetëm pak minuta pasi ata u shoqëruan për ne komisariat. Nderkohe prane Katedrales kishte forca të shumta policie por edhe struktura të sigurimit grek dhe serb të cilët ishin civil dhe vigjilent ndërsa nuk munguan as agjentët e shërbimeve informative shqiptare për çdo situatë të mundshme. Gjatë përfundimit të ceremonisë brenda katedrales ortodokse ku ndodheshin krerët më të larte të ortodoksisë botërore disa të rinj serb shpalosen flamurin serb në shkallët e katedrales duke bërë edhe fotografinë e rastit.
Gjë e cila nuk u prit mirë nga shqiptarët e ndodhur aty pranë. Pas shkrepjes se fotos të rinjtë serbe morën flamurin dhe e futën e në çantën e dorës duke u larguar të qetë. Ndërkohë që Aleanca KuqeZi nuk është lejuar nga policia të protestojë kundër Patriarkut të Serbisë Irinei për qëndrimet e tij kundër shqiptarëve.(TV News24)

PUSHOI ZEMRA E MENTOR QUKUT,STUDIUESIT TË MJEDËS

by

Askush nuk do të dëshëronte të jepte një lajm gjëmë për një mik të çmuar, për një njeri të mirë, për një studiues të palodhur për një mësues të dashur. Deri ne çast të fundit me hulumtime, për një fjalë, për një varg a një kujtim, me dëshirën të publikojë gjithë çka gjetur e mbledhur nga jeta e vepra e poetit të “Gjuhës shqipe”, “Vajit të bylbylit” dhe “Andrrës së jetës”. Pertej studimit punoi bashkë me Dom Nik Ukgjinin, Astrit Totën e të tjerë edhe për Kishën e Kuklit, shtatoren e muzeun e poetit Dom Ndre Mjeda.
Mentor Quku botoi veprën e plotë të Mjedës, mblodhi dëshmi e fakte, duke krijuar korpusin e plotë mjedjan, një monument ky, që e nderon dhe e bën punën dhe emrin e tij të paharruar.
Pushoftë në Paqe miku ynë i madh, Mentor Quku!

Kolec Traboini
31 maj 2014

Komisioni Parlamentar: Arodromi i Gjadrit, bazë e transportit ajror të drogës

by

Anila Struga/.- Komisioni parlamentar publikoi sot prova që dëshmojnë se nga viti 2012 deri në vitin 2013 aerodromi ushtarak i Gjadrit në Lezhë është vënë në dipozicion të trafikut ajror të lëndëve narkotike.
Kryetarja e komisionit, Ermonela Felaj, gjatë publikimit të konkluzioneve të hetimit solli dëshmi të dokumentuara dhe të shoqëruara me prova të tjera që provojnë “katërcipërisht se pëmes aerodromit të Gjadrit, në periudhën 2012 dhe fillimviti 2013 të jetë kryer transporti në rrugë ajrore i lëndëve narkotike”.
“Kjo provohet nga dëshmia e një personi që ka parë me sytë e tij se çfarë ka ndodhur në aerodromin e Gjadrit. Sipas dëshmitarit, të identifikuar si shtetasi me iniciale S. GJ., në këtë periudhë është kryer aktiviteti kriminal i transportit me lëndë narkotike përmes avionëve të vegjël sportivë, të cilët uleshin herë pas here në pistë e aerodromit të Gjadrit. Dëshmitari ka punuar në këtë aerodrom nga 2011-2013 si ushtarak dhe nënoficer dhe për periudhën për të cilën ka dëshmuar ka qenë në detyrë në shërbimin ushtaarak në ruajtje të pistës së avionëve në këtë bazë ajrore”, tha kryetarja e Komisionit, Felaj.

Totozani: Po monitorojmë grevat, vëmendje maksimale nga institucioni ynë

by

TIRANË, 31 Maj/ Avokati i Popullit, Igli Totozani, ka vizituar të shtunën grevën e burgosurve politikë, që zhvillihet para godinës së Institutit të të Përndjekurve Politike, dhe pas bashkëbisedimit me grevistët ka kërkuar të nisin dialogun në vend të sakrificës sublime sic është greva e urisë.
Totozani u shpreh se “është në fokusin e institucionit të Avokatit të Popullit monitorimi i grevave, që kohet e fundit kanë startuar në kryeqytet, si ajo e grevisteve të pushuar nga administrata publike si dhe rasti i të përndjekurve politike”.
Po ashtu, Totozani tha se “grevistët do të trajtohen me vëmendjen maksimale nga institucioni i Avokatit te Popullit. Grevistët duhet të trajtohen me kujdes. Brenda kompetencave, ne do mbajmë qëndrimet tona. Po monitorojmë sjelljen e policisë dhe të mjekëve”, theksoi ai.