Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

AAK & VETEVENDOSJA: Qeveria nuk ka Mandat për ta rikthyer nën Serbi rrjetin e telekomunikacionit

by

PRISHTINË, 18 Janar 2016/ Partia opozitare Aleanca për Ardhmërinë e Kosovës deklaroi sot se, vendimi i qeverisë së Republikës së Kosovës, në të cilin udhëzon Autoritetin Rregullativ të Komunikimeve Elektronike dhe Postare që të lëshojë autorizimin e përkohshëm dhe të kufizuar për operim të ndërmarrjet së re ‘MTS’ D.O.O., është vendim i papresedencë në praktikat e mira ndërkombëtare, në të cilin qeveria udhëzon institucionin përgjegjës për rregullimin e komunikimeve elektronike ta çregulloj atë duke shkelur normat dhe standatet në tregun evropian dhe në Ligjin për komunikimet elektronike.
“Këto standarte përcaktojnë qartë procedurat dhe mënyrën e fitimit të drejtës për të operuar, bazuar në kornizën rregullatore të BE-së, në kushte të konkurrimit të barabartë dhe të ndarjes së resurseve numerike dhe frekuencore.
Qeveria e Kosovës de fakto udhëzon Autoritetin Rregullativ i Komunikimeve Elektronike dhe Postar t’i shkelë të gjitha këto kritere e procedura për t’i mundësuar shtetit tjetër, Serbisë, të operoj në Kosovë automatikisht, një mundësi që operatorët nuk e kanë as në vet Serbi”, shprehet AAK.
Prandaj, AAK përfundon se, “e kundërshton fuqishëm këtë vendim të qeverisë, sepse ai është në kundërshtim me të gjitha rregulloret e vendit dhe ndërkombëtare që e rregullojnë këtë fushë”.
Edhe subjekti më i madh opozitar në Kosovë, Lëvizja Vetëvendosje, në një konferencë shtypi sot theksoi “dëmin dhe skandalin e lidhur me kodin telefonik dhe me lejen për operim në Kosovë sa i takon kompanisë shtetërore të Serbisë”.
“Pronësia e një shteti tjetër në telekomunikacion nuk është çështje e një mandati qeveritar, një ministri ose një Rregullatori, kjo është çështje e rëndësisë strategjike dhe duhet të ketë konsensus gjithëshoqëror”, thanë zyrtarë të VV.
—
VV: Qeveria Mustafa-Thaçi s’ka mandat për ta rikthyer nën Serbi rrjetin e telekomunikacionit
Visar Ymeri dhe Ismet Hamiti theksuan sot në konferencë dëmin dhe skandalin e lidhur me kodin telefonik dhe me lejen për operim në Kosovë sa i takon kompanisë shtetërore të Serbisë.
Më 15 janar në mbledhjen e Qeverisë është marrë vendimi ku jashtëligjshëm i ndërhyhet Autoritetit Rregullativ me orientimin për t’i dhënë licencë të përkohshme kompanisë shtetërore të Serbisë që të punojë në Kosovë. Në mënyrë tinëzare e paraqesin si sukses faktin që kjo leje për MT e Serbisë hyn në fuqi që prej momentit kur Kosova e merr kodin telefonik 383.
Kjo është një nga katër marrëveshjet e 25 gushtit, të cilat bashkë me marrëveshjen për demarkacion me Malin e Zi kundërshtohen përmes peticionit të nënshkruar nga 205 mijë 254 qytetarë.
Krerët e Qeverisë deklarohen për prioritete si zhvillimin ekonomik, ngritja e mirëqenies së qytetarëve apo luftimi i korrupsionit. Por ata vazhdimisht e kanë bërë të kundërtën. Ne për shumë vite, e veçanërisht këta muajt e protestave të Opozitës së Bashkuar, kemi sqaruar se prioritet këta kanë negociata me Serbinë dhe se marrëveshjet e fundit janë pengesë e madhe për ekonominë tonë, krahas dobësimit të sovranitetit të Kosovës.
“Kosova i ka humbur rreth 65 milionë euro në vit nga mungesa e kodit telefonik. Teksa për ta zgjidhur këtë çështje ata kanë preferuar rrugën që kalon nëpër Serbi. Kjo nënkupton një kod që nuk do të jetë i Kosovës, por do të jetë në përdorim nga Kosova. Ndërkohë që ekzistonin të gjitha mundësitë që Kosova të aplikonte për kod të sajin sipas Nenit 2, pika 2c të Kushtetutës se ITU-së” – u shpreh Ymeri.
Ministrja Tahiri dhe vetë Mustafa që e ka nënshkruar marrëveshjen, po thonë se është aplikuar për Kodin telefonik. Pse atëherë nuk publikohet dokumentacioni i aplikimit? Jo marrëveshja se atë e dimë. Në të thuhet se Austria aplikon me pajtim të Serbisë e në emër të Serbisë dhe të Kosovës.
Kompania që po duan t’i japin leje për të operuar në Kosovë është kompania shtetërore e Serbisë. Kur dhe si u vendos kjo? Për këtë nuk ka të drejtë as kryeministri e askush të negociojë. Autoriteti tash nuk luan rolin e rregullatorit të pavarur në tregun e telekomunikimeve, por po i zbaton urdhrat e Qeverisë. Kjo është një çështje përmbi mandatin qeveritar të çdo kujt.
Profesor Ismet Hamiti, tha se “asnjë arsye nuk ekziston që çështja e telekomunikacionet të bisedohet me Serbinë. Aq më pak, kur dihet që Serbia s’e ka asnjë autoritet, kompetencë, në caktimin e kodeve. I vetmi autoritet që ka kompetencë për këtë është ITU. Marrëveshja me Serbinë për telekomunikacion rrënon themelet e shtetit që po përpiqemi të ndërtojmë. Ajo praktikisht integron rrjetin e telekomunikacionit të Kosovës në rrjetin e Serbisë”.
Qeveria e Kosovës ka pasur rrugë të tjera për kodin telefonik, siç është aplikimi direkt për anëtarësim në ITU si Kosovë, ose zbatimi i Rezolutës së Kuvendit të Kosovës, për ta marrë kodin 355 të Shqipërisë.
“Rëndësia e telekomunikacionit për një vend është e dyfishtë, ekonomike dhe e sigurisë. Nuk ekziston vend në botë që lejon që një kompani shtetërore të një shteti tjetër të operojë në shtetin e vet. Për shembull, në SHBA nuk është lejuar operatori gjerman (Deutsche Telekom) ta blejë një kompani private të telekomunikacionit, për shkaqe të sigurisë edhe pse janë aleatë.
Pronësia e një shteti tjetër në telekomunikacion nuk është çështje e një mandati qeveritar, një ministri ose një Rregullatori, kjo është çështje e rëndësisë strategjike dhe duhet të ketë konsensus gjithëshoqëror”, tha në fund Hamiti.

18 janar 2016
Komiteti për Telekomunikacion
Lëvizja VETËVENDOSJE!

Shërbëtoret e Serbisë hapin xhamia neper Europë

by

Nga Fahri XHARRA/
Pse shqiptarët e mërgatës nëpër Europë pa fije kontrolli ndaj vetvetes po bëhen shërbëtor të shërbimeve sekrete ruso-serbe dhe po i “ndjekin” mësimet fetare nëpër xhamitë ( pa minaret ) të hapura posaçërisht për ta? E dinë burrat e botës që fëmijët e tyre po bëhen vegla të lira po të atyre shërbimeve?
Miku nga Zvicra shkruan: “Hapja e Xhamive te shumta ne zonat ku janë përqendruar numër me i madh i mërgimtareve shqiptar ne Zvicër, paraqet një rrezik te madh për radikalizmit e tyre, sidomos te te rinjve. Sipas disa burimeve, numër jo i vogël i fëmijëve shqiptar te shtyre nga prindërit e tyre, kane braktisur apo nuk e vijojnë fare mësimin plotësues ne gjuhen shqipe, te cilin ua ka garantuar shteti zviceran, dhe vijojnë mësimet e fesë ne gjuhe arabe dhe turke. (n.h.)”
Si është e mundur që gjenerata e tretë e mërgimtarëve shqiptar në vend se të ruan identitetin e tyre kombëtar , po humbën në rrjedhat vdekje-prurëse te shërbimeve sllavo-ruse , shërbime keto të ndihmuara me kujdes të të posaçëm nga Turqia ?
“Mërgimtar, kujdes fëmijët” shkruan Nexhati . Mërgimtar kujdes , se mbështetjen nga shteti i juaj nuk e keni.
Të jeni të sigurt që shtetit tonë apo shteteve tona aspak nuk po iu intereson se ç`po ndodhë me ju në diasporë. Ju , bashkatdhetar të nderuar jeni vetëm për të sjellur para në vendlindje ; shtetit nuk i intereson se e flitin shqip , se fëmijët e juaj e ndiejnë veten shqiptar apo jo ?
“Ka kohë që mediet zvicerane shprehin shqetësimin për xhaminë në Winterthur, që sipas tyre promovon radikalizmin dhe është kthyer në qendër të rekrutimit të të rinjve zviceranë drejt ISIS-it.” por, nuk është vetëm Winterturi ( një qender e madhe universitare e Zvicrës ).
“Organizuesit e rekrutimit të tyre janë në xhaminë An’Nur,” thotë një mik i familjes shqiptare për Blick. “Ata veprojnë profesionalisht, duke mbushur valixhet me para, për të arritur qëllimet. Për këtë kanë faj edhe autoritetet zvicerane që nuk marrin masa konkrete për parandalim.”
Po kush janë këta organizuesit e rekrutimit ? I njihni ? Ata flasin shqip ,përderisa të mbushin mendjen e një njomëze të re shqiptare për punë të mbrapshta; sepse ata nën petkun e hoxhës dhe gjuhës shqipe janë shërbëtorë të rrezikshëm te Serbisë , Rusisë dhe Turqisë.
“Në radikalizmin e editave , egzonave , alabanëve, ka luajtur rol të madh edhe një grua e “papunë” dhe me shumë “kohë të lirë”, që e ka bindur se myslimanët mund të jenë të lirë vetëm në vendet Islame. Atyre i është premtuar edhe gjetja e një shtëpie në Siri, thonë miqt e familjeve të viktimave serbe-turke.

Ëndrra e një jete më të mirë në Siri “ një mashtrim epokal në të cilin mund të ngërthehet vetëm prapambetja mendore e disa dhe shumë shqiptarëve. Të jetosh në Zvicër në një shtet mik , me të gjitha të drejtat njerëzore që i takojnë edhe një zvicerani të vërtetë, e te ëndërrosh për një jete me të mirë në shkretëtirat e Sirisë ? Ky është naiviteti prindor i familjeve shqiptare të cilat edhe për tri gjenerata në Perëndim nuk kanë mundur ta hjekin nga mendja , nga truri i tyre robërimin qindra vjeçar.
Por e kam një “ ngushëllim” për këta të mashtruar në perëndim se nuk keni nevojë të shkoni në Siri sepse ë shpejti në Tiranë dhe në Prishtinë do t`i keni xhamitë më të mëdha në botë .
“Gjaku i shqiptarëve në Siri e Irak do të materializohet në xhaminë e dhjetëra shitoreve, ndërsa kreun e BIK-ut i bëri njerëzit më të pasur në shtet, tagrambledhësit e haraçit në gjak. Xhamia do të ndërtohet në pjesën më urbane e ambientin më të arsimuar të Prishtinës. Qytetarinë shqiptare perëndimore që është pjesa dërmuese e kryeqytetasve, ka nis t’i mbërthej tmerri nga plani i qeverisë për ndërtimin e xhamisë. Ata prisnin që t’ua ndërtonin një sallë koncertesh pikërisht në vendin ku e caktoi qeveria lokacionin e xhamisë. Fondet e BE-së ishin të gatshme për këtë qëllim, por zyrtarët tonë nuk mund të zhvatnin nga BE-ja, ndërsa fondet islamike ua kishin mbushur xhepat me para. Për tmerr- Lagjja Elitare do të shndërrohet në mëhallë orientale.
Në vend të fabrikave e teatrove, shteti ndërton xhami! “ ( shkruan Gani Mehmetaj)
Përderisa piloti amerikan që e bombardoi Serbinë për ne e ngritë flamurin shqiptar , në të shpëtuarit po nga ata pilotë e ngrisim flamurin e turpit në Evropë , dhe e grushtojmë rëndë të ardhmen kombëtare . Marre !
Fahri Xharra, 18.01.16
Gjakovë

Shkrimi i “The Economist”, PD: Rama, qindra milionë lekë për të blerë lëvdata për vete

by

TIRANË, 17 Janar/ – “Edi Rama ka shpenzuar qindra milionë lekë të taksapaguesve shqiptarë për të blerë 8 faqe reklamash në revistën më të shtrenjtë në botë, The Economist, për një artikull-reklamë që thur lëvdata për të, por që në krye tregon se është shkrim i paguar”, u shpreh sot sekretarja e Marrdhënieve me Publikun në Partinë Demokratike, Grida Duma.
Me anë të një deklarate për mediat, Duma thekson se, “Sipas rregullave britanike të reklamës, në çdo faqe ku lëvdohet Edi Rama, shkruhet Advertisement Feature, çka do të thotë, shkrim i paguar. Vetëlavdërimi 8 faqësh i Edi Ramës, është padyshim më i shtrenjti në historinë e këtyre viteve, dhe u ka kushtuar shumë taksapaguesve shqiptarë”.
“Ky shpërdorim parash, bëhet në kohën kur mijëra familje në Vlorë, Fier, Lushnjë, Durrës, Krujë dhe Lezhë që janë në kushte ekstreme nga pasojat e përmbytjes, nuk kanë marrë asnjë ndihmë nga qeveria, dhe mijëra familje të tjera janë në rrezik për shkak të motit që vazhdon të përkeqësohet. E megjithatë, Edi Rama vendos të çojë dëm qindra milionë lekë të shqiptarëve për të blerë lëvdata për vete”, shton Duma.
Shkrimi per Shqiperine ne “The Economist”
Ky shpërdorim turpshëm i parave të shqiptarëve, sipas PD, “jo vetëm nuk e ndihmon Shqipërinë dhe gjendjen e rëndë të qytetarëve, por nuk zbardh asgjë në imazhin e nxirë të një kryeministri që ka 200 milionë euro pasuri me rryshfete pallatesh, që ndau me CEZ 600 milionë euro, që fshihet pas 1 milionë dollarëve në ditë evazion në dogana, që ka detyruar 100 mijë bashkqytetarë të ikin në eksod, që mbushi zyrat e Parlamentin me kriminelë e trafikantë, që nuk deklaron pikturat e tij në doganë, që jep pasuritë e vendit me bisedime të fshehta, që shet asetet për një biletë në radhën e parë të NBA, që braktis vendin ditën kur mijëra familje janë nën ujë”.
“Edi Rama është kryeministri më i korruptuar në Ballkan, dhe nuk ka shkrim të blerë a reklamë të shtrenjtë që e shpëton nga gjykimi i drejtë i qytetarëve”, përfundoi Duma.

Xhamia me e madhe në Ballkan në vendin më të varfër të Evropës!

by

Turqia ua futi thikë pas shpine shqiptarëve, i ktheu në mesjetë, i mbërtheu me narkozën e besimit të verbër islamik, i paralizoi si gjarpri bretkosën. Në misionin e shkombëtarizimit e debilizimit e ndihmuan komisarët (oficerët e zbulimit) nga Arabia Saudite, Irani e Egjipti, e ndihmuan edhe shtetarët tonë të korruptuar e të kriminalizuar. Për dhjetë vjet Azia e Afrika veriore u derdhen në territoret shqiptare më shumë se për pesëqind vjet sundimi të Perandorisë Otomane. /
Opinion Nga Gani MEHMETAJ/
Ndërtimi i xhamisë më të madhe në Ballkan, që do të bëhet në Prishtinë, është shpërblim për kreun e Bashkësisë Islame të Kosovës që rekrutoi shqiptarë fatkeq për luftën në Siri përmes Turqisë. Gjaku i shqiptarëve në Siri e Irak do të materializohet në xhaminë e dhjetëra shitoreve, ndërsa kreun e BIK-ut i bëri njerëzit më të pasur në shtet, tagrambledhësit e haraçit në gjak. Xhamia do të ndërtohet në pjesën më urbane e ambientin më të arsimuar të Prishtinës. Qytetarinë shqiptare perëndimore që është pjesa dërmuese e kryeqytetasve, ka nis t’i mbërthej tmerri nga plani i qeverisë për ndërtimin e xhamisë. Ata prisnin që t’ua ndërtonin një sallë koncertesh pikërisht në vendin ku e caktoi qeveria lokacionin e xhamisë. Fondet e BE-së ishin të gatshme për këtë qëllim, por zyrtarët tonë nuk mund të zhvatnin nga BE-ja, ndërsa fondet islamike ua kishin mbushur xhepat me para. Për tmerr- Lagjja Elitare do të shndërrohet në mëhallë orientale.
Në vend të fabrikave e teatrove, shteti ndërton xhami!
A ia kishim nevojën xhamisë më të madhe në Ballkan? Xhami kemi me tepri, të reja e të vjetra, më shumë se i tërë Gadishulli Ilirik së bashku. Fabrika kemi më së paku në Evropë, ose nuk kemi fare. Investimet e huaja ikin nga vendi ku ndërtohen xhami. Turqia investoi në abrika e ekonomi në shtetin serb, ndërsa në Kosovë vetëm në xhami. Shqiptarët i ktheu në mesjetë, serbët i ndihmon të përparojnë.
Janë edhe tri xhami në Prishtinë, të cilat në emër të kinse rinovimit TIKA turke, e lidhur me terrorizmin islamik, i rindërtoi nga themelet, i zgjeroi, ua dyfishoi hapësirën, i vuri në funksion në vend se ti konservonte, ashtu si nënshkroi kontratën me Ministrin e Kulturës. TIKA turke e okupoi rrugën e asfaltuar shqiptare, që lidhte një pjesë të lagjes afër Muzeut të Kosovës me pjesën tjetër, duke e futur në oborr të xhamisë rrugën e asfaltit. Ajo e zuri edhe trotuarin. Njerëzit s’dinë nga të shkojnë: të ecin në rrugë më rrezik t’i shkel makina, apo të hipin mbi murin e xhamisë që ua mori trotuarin? Nuk i pyeti TIKA që u bë shtet mbi shtet urbanistët, nuk ia vari shtetit, kur e rrëmbyen trotuarin, nuk e morën lejen e komunitetin kur ua morën rrugën e asfaltuar, nuk e përfillën Institutin për Mbrojtjen e Monumenteve, kur i prishën xhamitë e vjetra deri në themel e rindërtuan të reja me beton. Xhamia e Madhe (me emër të sulltanit më gjakatar në historinë e shqiptarëve) e ndërtuar nga islamikët e dyshimtë , nuk e përfilli Gjimnazin më të famshëm në Kosovë me mijëra nxënës, që ua ndërprenë mësimin çdo ditë nga altoparlantët ulëritës. Xhamia e Madhe prapë me fondet e dyshimta u rindërtua mbi themelet e Katedrales Katolike Shqiptare, ku u varros Pjetër Bogdani, shqiptari më i famshëm pas Skënderbeu. Nuk ia vunë as një pllakë përkujtimore në ballë të murit të xhamisë, ku do të shkruante: Këtu u varros Imzot Pjetër Bogdani, prijësi ushtarak e shpirtëror i arbërorëve që luftoi kundër hordhive turke deri në vdekje.
Dhe sikur nuk mjaftoi ky terror, tash dolën me projektin e xhamisë në qendrën më urbane të kryeqytetit për ta bërë lagje të Kandaharit a Pehshevarit, ashtu si e bënë qytetin e vjetër. S’na mbeti asnjë lagje për të qenë, të gjitha i bënë mëhalle turke.
Xhami më e madhe në Ballkan do të ndërtohet me fondet e dyshimta islamike, sikurse të gjitha xhamit në Kosovë, sepse sikur t’u lihej vullnetit e parave të besimtarëve shqiptarë, asnjë xhami nuk do të ndërtohej në Kosovë e në Shqipëri. Ato fonde që i ndërtuan xhamitë, e blenë kreun e shtetit e të partive politike, korruptuan zyrtarët e të gjitha niveleve, rekrutuan njerëz në polici e në ushtri, futen para në gazeta, portale e televizione. Kur kundërshtonin banorët shqiptarë, ua ndërsenin eksponentët e Shërbimit të Fshehtë (i)legal, i cili në dhjetëvjetëshin e fundit e bëri punën e djallit, duke u ndihmuar turqve e arabëve në islamizimin e shqiptarëve e shpërfytyrimin e tyre. Sidomos punë djalli bënë në Drenicë, ku myslimanizmi nuk zuri rrënjë në kohën e Perandorisë otomane sa i mbërtheu me presionin e SHIK-ut, të emisarëve arab e turq.

Çmendina shqiptare po na kthen në mesjetën anadollake
Asnjë xhami në Prishtinë e në Kosovë nuk u ndërtua pa zhvatje e pa korruptimin e qarqeve zyrtare e grupeve jo formale. Ky ishte haraçi në ndërtim, ndërsa xhamitë e nxorën nga haraçi në gjak. Të gjithë e dinin (pos shërbimeve tona (jo) inteligjente) se në Kosovë e në Shqipëri shumica e xhamive u bënë qendra rekrutimi për ushtarët e ISSIS-it. Xhamit u bënë kazerma, minaret raketa për armikun e islamit, sipas parimit të ideologut Gokan, kurse hoxhallarët shqipfolës kapter turko-arab. Rrënimet e varreve katolike e protestante, thyerjet e varreve të bektashinjve, përdhosja e varreve të myslimanëve tradicional, fyerje publike e personaliteteve historike etj, janë vepra të hoxhallarëve të djallëzuar. Për rrënime varresh e fyerje personalitetesh sikur shteti të mos ishte i korruptuar deri në palcë do t’i fuste në burg keqbërësit, do tua mbyllnin xhamitë e portalet. Në vend të dënimit hoxhallarët që nxisin urrejtje fetare e kombëtare u japin hapësirë në TV publike e private, në gazeta e portale. Hoxhën më mjeran e më antishqiptar që rekrutoi xhihadistë e nxiti urrejtje fetare, mediet tona e bënë yll.
Asnjë hoxhë në Kosovë, Maqedoni e Shqipëri kur bëhej luftë në Kosovë nuk bëri kushtrim kundër Serbisë. Asnjëherë nuk e thanë në predikimet e tyre se, të luftosh okupatorin e të bësh luftë atdhetare është luftë e shenjtë, ndërkaq, kur financohen nga organizatat terroriste islamike, mbajnë ligjërata për luftën e shenjtë islamike, për shpëtimin e Sirisë nga Amerika etj. Hapeni vetëm faqen islamike të Shkodrës e do të shihni se si predikohet lufta kundër krishterimit e Evropës Perëndimore. Predikimet e hoxhallarëve aziatikë kundër shqiptarëve janë për tmerr: çdo fjali e tyre është nxitje e urrejtjes kombëtare e fetare, çdo ligjëratë e tyre është kushtrim për luftë kundër “kaurit”, ndërsa kauri, sipas tyre është shqiptari katolik, shqiptari protestant, shqiptari ortodoks apo shqiptari laik. Amerika, sipas tyre është krye armiku.
Hoxhallarët kërkojnë luftë civile, sipas modelit arab. Nuk punuan me kot mbi dhjetë vjet instruktorët arab e turq: ata e përgatitën terrenin për destabilizim të territoreve shqiptare, sipas modelit të shteteve arabe. Kaçanikun, Termopilet shqiptare, ku trimat vriteshin për të mbrojtur flamurin e Gjergj Kastriotit kundër Turqisë, sot për turp islamikët e Ankarasë e bënë simbol të shëmtisë antishqiptare.
Sikur të mos e mbështesnim islamin e terrorit, sot nuk do ta kishim problemin e frikës nga terrori që po na kthehet bumerang nga Siria. Të rinjtë që i nisëm të vrisnin “të pafe” më parë i mbushëm me urrejtje, i bëmë bomba të kurdisura, i ndërsyem kundër atyre që mendojnë ndryshe. Prandaj ruhemi nga ta, sepse i shitëm në Siri, prandaj i ruajmë kishat katolike e protestante, i ruajmë sheshet e institucionet publike. Shtetarët tanë na morën në qafë.
Të gjithë e dimë se nuk ia patëm nevojën, nuk ia kemi as takatin xhamisë më të madhe. Kur nuk mund të mburremi me fabrikat më të mëdha në Ballkan, kur nuk mund të lavdërohemi me shtetin më të pasur në rajon, sepse jemi shteti më i varfër i Evropës, si nuk kanë turp kreu i BIK-u e kreu i shtetit që duan ta lejojnë ndërtimit e një luks të tillë për popullatën që po ia mbathë në Perëndim duke ikur nga xhamitë. Shqiptarët parajsën po e kërkojnë në vendin e kishave e kumbonarëve, sepse ua morën shpirtin xhamitë e minaret.
Derisa bota e qytetëruar po e lufton ideologjinë islamike, zyrtarët në Shqipëri e në Kosovë po e mbështesin. Zyrtarët e çmendur vetëm me ndërtime xhamie merren edhe në Tiranë. Shtetarët e korruptuar nuk ia qajnë hallin sallave të teatrit që nuk e kanë asnjë për be, as sallave koncertesh që u mungojnë, por angazhohen për ndërtimin e xhamisë më 200 vend parkime! Nuk e tha kryebashkiaku i Tiranës: 200 vend parkime janë për deve (gamilet) e beduinëve, që do ta ndërtojnë xhaminë, apo për makina të hoxhallarëve?

VDEKJA KA NJËSUAR HERONJ DHE TRADHTARË

by

Nga Rasim BEBO/
Një vështrim i shkurtër i jetës politike sociale të shqiptarëve, të evolucionit dhe të fatit të figurave historike, duke vëzhguar nga viti 1912 deri në ditët tona, një histori e mbushur me gjysma heronjsh dhe gjysma tradhtarësh. Një histori e mbushur me heronj-tradhtarë dhe tradhtarë-heronj. Figurat politike që dolën gjatë Luftës së Dytë Botërore, kur Partia komuniste dhe Ushtria Nac.Çl. dolën fitues, gjithë udhëheqja e Ballit Kombëtar, u cilësuan“Tradhtarë” ndërsa fituesit u cilësuan “heronj”.
Mbas 45 vjetëve, trokiti në derë “Demokracia”, në vitin 1992 erdhi Partia Demokratike. Dukuria e parë, ata që ishin shpallur deri dje tradhtarë u shndërruan në atdhetarë dhe martirë. Ndërsa ata që deri dje ishin heronj atdhetarë, u shpallën tradhtarë. Ish tradhtarët u zhvarrosën dhe po varrosën me nderime si atdhetarë dhe martirë. Ish heronjtë u zhvarrosën dhe u varrosën pa nderime. Në këtë artikull dua të rreshtoj figura nga viti 1941 deri në ditët tona, kur vazhdon komunizmi, me një dorëshkrim që të pasqyrojë tradhtinë e tradhtarët e këtij kombi, por ne jemi ende në komunizëm, për këtë Enveri dhe Ramizi u mbuluan si heronj, pas tyre dhe Sabri Godo. Zotërinjtë e gjallë si Fatos Nano, Sali Berisha, Edi Rama, Ilir Meta, Nexhmie Hoxha, dhe Janullatosi, po qëndroi në Shqipëri, do të varrosen me bandë funerale si heronj, por jo si shqiptarë, por heronj të agjenturave të huaja dhe të greko-serbit.
Po kur të ndryshojë sistemi dhe të vinë shqiptarët e vërtetë nacionalistë, të gjithë këto figura që përmendëm do të zhvarrosen dhe do të varrose si armiq e tradhtarë të kombit shqiptar,të dënuar nga nëna Shqipëri me themele të forta mijëravjeçare.
Evropa thotë: “Përse ankoheni, kur ju shqiptarët nuk keni zgjidhur akoma konsolidimin kombëtar, Përse thoni ju se për zgjidhjen e problemit të Kosovës fajin e ka Evropa. Ju vetë keni pohuar se Kosovën ia shiti Enver Hoxha Jugosllavisë dhe Çamërinë Greqisë. Prej këtej fillon tradhtia më madhe ndaj kombit shqiptar. Në vend të bashkoheshin trevat etnike shqiptare, u tradhtuan nga vetë udhëheqja komuniste shqiptare me në krye Enver Hoxhën. Nga viti 1941 dhe deri sot, tradhtarët e kombit shqiptar, që e kanë shkatërruar dhe vazhdojnë ta shkatërrojnë janë: Enver Hoxha, Ramiz Alia, Sali Berisha, Fatos Nano, Edi Rama, Ilir Meta, etj.
Enver Hoxha, ia kaloi edhe greko-sllavit, si armik ndaj kombit shqiptar. Sepse ai i pari u la serbëve Kosovën dhe Çamërinë, Greqisë, ai nuk deshi të shpërngulte minoritetin grek nga Shqipëria, si përgjigje të genocidit të Çamërisë nga Greqia. (Lezo: Jorgos Margaritis f. 149).
Divizioni shqiptar në Kosovë, me Ramiz Alinë Komisar, u paraqiten te luftëtarët e Komandantit legjendar, Shaban Palluzhës, si vëllai te vëllai “tradhtar”. Forcat e Ramiz Alisë i grumbulluan ata, i çarmatosën dhe ua dorëzuan oficerëve serbo-malazezë, të cilët i çuan në Tivar, ku masakruan rreth 4000 frymë, pothuaj gjithë ajkën e rinisë Kosovare. A ka tradhti më të madhe se kjo?
Enveri me Ramizin filluan luftën e klasës kundër inteligjencës dhe shtresës së pasur dhe mbasi mbaruan me këta, filluan t’i hanin kokën njëri-tjetrit. Filluan shpronësimin e tokës dhe e kthyen në “Kooperativa bujqësore”. Pra, “Toka e gjithkujt – toka e askujt”. Fshatarit i lejuan vetëm 3 dynym tokë dhe 10 bagëti të imta, ose një lopë. Më vonë dhe këto ua hoqën, bile edhe pulat. Fshatari nuk kishte të drejtë të hante një frut, edhe po ta kishte në oborrin e shtëpisë. Filluan luftën e ateizmit, duke prishur kishat, xhamitë, teqetë, etj, duke i kthyer në stalla bagëtie dhe depo. U hakmorën më shumë ndaj krerëve katolikë, sepse këta ishin më të zgjuar dhe njiheshin si ajka e kombit. Shkatërruan çdo pasuri të nëntokës dhe mbitokës. Shqipëria u kthye në vendin më të varfër të botës. Mjerimin më të thellë e shikoje te fshatari, që punonte për një copë bukë misri, e cila ishte si guri, që nuk hahej, etj, etj. A duhet të ridënohet Enver Hoxha?…
Ishte një gabim i madh që Ramiz Alia, nuk mori ndëshkimin nga drejtësia pas vitit 1991, por u mor në mbrojtje nga Sali Berisha, Fatos Nano, Ilir Meta, Bamir Topi, Rexhep Mejdani etj. Dhe më 7 tetor 2011, në moshën 86 vjeçare vdiq, pa u ndëshkuar nga lotët, vuajtjet e viktimave të popullit shqiptar. Ishte Ramiz Alia ai që i dha listën e terroristëve, agjentë të sigurimit shqiptar, ambasadës amerikane në Tiranë , pas vitit 1991, për t’i ruajtur jetën vetes dhe gjithë klasës komuniste.
I drejtohemi me thëniet e një hoxhe, si mysliman që është: “Nuk ta bëjmë hallall për tradhtinë e mijërave shqiptareve që u pushkatuan në Tivar në mars të 1945-sës, nuk ta bëjmë hallall për gjakun e djemve të Shkodrës, të vrarë në kufi që me urdhrin tënd i zvarritët të lidhur pas kamionit ushtarak, nuk ta bëjmë hallall, që komplotove deri në vdekje kundër demokracisë me pionierët e tu: Nano, Rama, Ruçi e Berisha. More pjesë në dënimet e klerit Katolik dhe ata të mallkojnë: “Mos paç dritë atje ku po shkon. Zoti është me ne për ridënimin pas vdekjes me kufomën të varur në trekëmbësh bashkë me Enverin tënd. Ramiz Alia u akuzua për përvetësim fondesh shtetërore bashke me Adil Çarçanin, Manush Myftiun, Rita Markon, kur Ramizi u dënua 9 vjet dhe në burg qëndroi më pak se 2 vjet. (nga Pellazgilirarbër/Proletari.Com.)
Nga Muharrem Xhafa, shef i sektorit të edukimit në K.Q. të PPSH, citojmë: “Ramiz Alia ka qenë agjenti i vjetër, ky ka orkestruar lëvizjen e studentëve, që filluan më 8 dhjetor 1990, ngjarjet e ambasadave më 2 korrik 1990, eksodin e shqiptarëve drejt vendeve perëndimore. Pas vdekjes së Enver Hoxhës, më 11 prill 1985, drejtoi kthimin e Shqipërisë në kapitalizëm. Më 9 dhjetor foli hapur për pluralizmin dhe krijimin e PD. Ramiz Alia u komandua prej agjenturave të shteteve të huaja. Ramiz Alia infiltroi njerëzit e sigurimit, si Xhelil Gjoni që ka qenë pasuesi i tij edhe në krijimin e PD dhe PR (Partisë Republikane), përgatiti Sali Berishën dhe Azem Hajdarin, të cilët, sipas Xhelil Gjonit, mbetën të dy shqiptarët më antishqiptarë, e më antikombëtarë. Kur erdhi në pushtet Sali Berisha, futi në burg Ramiz Alinë dhe Nexhmije Hoxhën, për t’u siguruar jetën, pasi u bë “Gjyqi i kafeve”. (nga Xhevdet Shehu 20 janar 2015).
Servet Pëllumbi citon: “Në një mbledhje të Byrosë Politike, Ramiz Alia u zbuloi platformën e Katovicës”, ardhur nga Gorbaxhovi dhe u tha: “Socializmi ka dështuar. Cila do të jetë strategjia jonë për kalimin në demokraci?… Do të nxisim të krijojnë parti sa të duam, gjithsesi këto parti duhen kontrolluar nga ne”. Dhe kështu u bë. Vijon Ramizi: “Në krye të këtyre partive duhet të vendosen njerëz që të përkrahin strategjinë tonë. Të përndjekurit politik, të dënuarit politik, duhet të përkrahen, por ne nuk mund të bëhemi hyzmeqarët e tyre. Të shpronësuarve do t’u japim letër në dorë që t’u njihet prona, por asnjëherë nuk do t’ua japim. Dhe përfundimi do të jetë ky: Me këtë strategji, brenda dy apo tri legjislaturave, do të kemi ish-klasën komuniste në klasë kapitaliste” . Kjo u arrit – thotë Pullumbi./DITA/.
Rrëzimi i Berishës, më i rëndësishëm se i Ramiz Alisë. Një deklaratë bombë është ajo e ambasadorit Amerikan, i cili krahasoi rrëzimin e Sali Berishës nga pushteti, si me përmbysjen e Ramiz Alisë më 1992, i cili ka turbulluar ujërat e politikes shqiptare, ndërsa ka fundosur dhe përvëluar kryeministrin në ikje. Kur Sali Berisha u rrëzua me votat e një milion shqiptarëve, deklarata e ambasadorit Arvizu, i ka dhënë një dimension historik fitores së të majtës, duke e konsideruar regjimin e Berishës më të rrezikshëm se të Ramis Alisë. Ish-kreu i Shërbimit Informativ Shtetëror, Fatos Klosi, ka deklaruar: “ … Sali Berisha ka mbyllur zyrtarisht epokën e diktaturës në Shqipëri. Sipas deklaratës së ambasadorit Arvizu, ne u ç liruam nga një gjendje e padurueshme … Sali Berisha ishte pjellë e regjimit komunist dhe hyri në politikë nga zyrat e Ramiz Alisë, si njeri i besuar, për të shmangur hakmarrjen ndaj kupolës komuniste, pas përmbysjes së regjimit. Sali Berisha instaloi një shtet kleptokrat, një shtet policor, terrori, korrupsioni dhe spiunazhi. Thyerja e embargos së OKB dhe furnizimi me naftë i makinës gjakatare të Milosheviçit, ishte tradhtia më e rëndë kombëtare e Sali Berishës, e cila do të mbetet një damkë turpi e përjetshme. Zhdukja e biznesmenit shqiptaro-maqedonas, Remzi Hoxha, për të zhdukur dëshmitarët e takimeve të tij me Milosheviçin, ishte një tjetër krim i rëndë, që sfidoi çdo veprim kriminal të Ramiz Alisë… Ka rezultuar se Sali Berisha ka qenë agjenti i UDB-së Jugosllave për vite me radhë. Një tjetër arsye, është tentativa e Berishës për të bombarduar Vlorën me avionë luftarak në ‘97. Akuzohet për të paktën 30 vrasje në Gërdec dhe 21 janar. Akuzohet për shitjen e 300 km2 Greqisë në mënyrë të fshehtë. Duke përdorur si maskë Ligjin Agrar 7501 të ndarjes tokës në Shqipëri, dekretoi dhënien në porosi të tokave shqiptare, për familjet minoritare greke në Jug të vendit, duke i kthyer ato në “Troje greke”. Në vitin 1994, pas një pakti me qeverinë greke, lejoi me ligj regjistrimin e këtyre territoreve shqiptare edhe në kadastrat pronësore greke. Vrau Kosta Trebickën, dëshmitarin e Gërdecit. Më 28 dhjetor 2011, speciale nga AMA News: Kisha Greke (Janullatosi) i jep Sali Berishës, titullin e lartë: “BEKIMI YNË I ARTË”, Për shërbime të shquara ndaj Greqisë”.
Prof. H. F. e quan Fatos Nanon: “nacionalist serbo-grek”, por aspak një nacionalist shqiptar. Gazeta “ILLYRIA” 18-21 maj 2012, f. 14 shkruan: “Partitë greke janë pro Nanos për president”. Vangjel Dule ka deklaruar se forca që drejton, i qëndron kandidaturës së Fatos Nanos për president i tërë vendit”. Kush është Fatos Nano? … Kryeministër i parë post-enverist, i dënuar me burg, për përvetësimin e ndihmave humanitare dhe dalë i pafajshëm, pas ndërhyrjes greke për ta çburgosur, e për ta vënë prapë kryeministër. Në qershor të vitit 1993 nënshkroi një deklaratën e përbashkët me liderin grek të PASOK-ut, Andrea Papandreu, në të cilën konfirmoi pretendimin serb se, “Kosova është për Serbinë, njësoj siç është Jeruzalemi për Izraelin”. Po në vitin 1993 me formulën greke: “Çfardo që Shqipëria do të kërkojë për shqiptarët në Kosovë, Greqia do të kërkojë për grekët në Shqipëri”. Kontrasti i këtij reciprociteti me grekët, risolli në pushtet Fatos Nanon, pikërisht për të bërë politikën greke pa rezerva. Janullatosi, Sali Berisha dhe Fatos Nano kurdisën firmat “piramidale” për shkatërrimin e vendit. Nano kryeministër, po në vitin 1998, iu lut sekretarit të përgjithshëm të NATO-s Javier Solanës, për ta lënë me duar të lira kasapin serb Milosheviçin në Kosovë, për pastrimit të shqiptarëve nga trojet e tyre amtare dhe NATO të qëndronte për paqe dhe demokraci.
Sipas gazetës italiane “Korriera della Sera” më datën 7 prill 1997 shkroi: “Në Tiranë vepron organizata “Hakmarrje për drejtësi” me vrasje dhe grabitje, me drejtues Hajredin Shyti, Klement Koloneci, Gramos Ruç etj. Gjendet një porosie Fatos Nanos … të hidhet në erë një furgon policie, një komsariat policie, një ndërtesë bashkie … të vritet një prokuror, një gjyqtar. Fatos Nano si drejtues i organizatës “Hakmarrje për drejtësi”, po zbaton udhëzimet të marra nga këshilltarët grekë. Hodhi në erë një supermarket në qendër të Tiranës, humbën jetën 4 persona dhe u plagosen disa të tjerë, Më vonë vranë drejtorin e përgjithshëm të burgjeve, Bujar Kaloshin, hodhën në erë shtëpinë e kryetarit të gjykatës së apelit në Tiranë, Prel Martini dhe sulmuan bankën e kursimeve, duke grabitur një sasi të madhe parash. (U publikua në revistën “Koha”, nr. 79, datë 24 qershor 2002, f. 152-153).
“Edi Rama anti-shqiptari dhe shkatërrimtari.(13 dhjetor 2012).Tiranë – Ministrja e Integrimit, Majlinda Bregu, ka akuzuar sot kryetarin e Partisë Socialiste, Edi Rama, për mosmarrjen e statusit kandidat për në Bashkimin Evropian. Në një konferencë për shtyp, Bregu e ka cilësuar Ramën si “antishqiptar” dhe “shkatërrues”. “Për dy vite rresht Rama bllokoi integrimin e Shqipërisë, duke mos miratuar 3 ligjet e kërkuara. Opozita e tij nuk votoi asnjë nga rekomandimet e BE-së. Rama për dy vite rresht bllokoi dhe nuk votoi heqjen e imunitetit për zyrtarët e lartë. E vetmja mënyrë e tij, është shkatërrimi”, tha Bregu. Duke shtuar se Rama është “anti-shqiptar”, “pasi të gjithë janë pro Shqipërisë, vetëm Rama është kundër Shqipërisë”. Duke argumentuar, që edhe Parlamenti Evropian theksoi, se sot Shqipërisë duhet t’i jepet pa vonesa statusi, por vetëm me plotësimin e 3 kushteve.(Bregu, 13 dhjetor 2013).
“Fatkeqësisht, Janullatosi mbetet preferenca pseudofetare dhe e mirëfilltë politike e shovinizmit grekomadh edhe për politikën shqiptare. Kryeministri Edi Rama, para disa kohësh, bëri një vizitë në Patriarkanën e Stambollit. Nuk u dha asnjë transparencë se çfarë bisedoi me Bartolemeun. Ilir Meta dhe presidenti presin për darkë në fund të vitit Janullatosin”.
Përgjigje për At Markun nga Prof.Dr. Eshref Ymeri: “Kemi tradhtinë në krye të vendi, or mik i shtrenjtë, prandaj dhe Shqipëria nuk po bën prokopi me Janullatosin nëpër këmbë. Shqipëria qenka një ofiçinë e fuqishme me rendiment të latë, për prodhimin e politikanëve tradhtarë.”(Prof. Dr. Eshref Ymeri 8 janar 2016”).
Rasim Bebo Addison ILL. USA Janar 2016.