Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shtypi në Kosovë: Legalizimi i pushtetit të dyfishtë

by

-Spahiu në Koha Ditore: De facto, Asociacioni është republikë. Zeri: Serbia bleu 350 shtëpi të shqiptarëve në veri. Bahtiri: Mitrovica po bashkohet!/
PRISHTINË, 25 Tetor 2015/ “Legalizimi i pushtetit të dyfishtë”, është një kryetitull shkrimesh në shtypin e sotëm në Prishtinë për bashkësinë-asociacionin e komunave me shumicë serbe, për të cilën në dialogun Kosovë-Serbi në Bruksel është arritur marrëveshja bazë në 19 prill 2013 – raundin e 10-të dhe ajo e parimeve pikërisht para dy muajve, në 25 gusht, në raundin e 28-të kryeminsitror.
Nga “dy kapela” i mbajnë Aleksandar Spiriç, Vuçina Jankoviç, Dragan Jablanoviç, Stevan Vuloviç dhe Bratislav Nikoliç. Janë në krye të komunave me shumicë serbe dhe ushtrojnë pushtet të dyfishtë në Kosovë, pasi mandatin e tyre e bazojnë në dy sisteme – atë të Kosovës dhe në sistemin e Serbisë.
Nuk janë të vetmit këta që formalisht mbajnë mandate, të cilat burojnë nga ligjet e shtetit që i përkasin, e faktikisht punojnë për llogari të fqinjit verior, që me Kushtetutë Kosovën e definon si pjesë të territorit të vet. Ka edhe titullarë të një numri të madh institucionesh të tjera që operojnë ngjashëm. Ka edhe kompani që sa për formalitet në Kosovë janë regjistruar si të reja, e që në fakt janë degë të kompanive publike të Serbisë, shkruan sot gazeta Koha Ditore në Prishtinë.
Dhe kupola e gjithë mekanizmave të këtillë do të jetë Asociacioni i komunave me shumicë serbe, i cili është në fazë konstituimi. Marrëveshja bazë për të është mbërritur në 2013-n, e ajo që përmban parimet mbi të cilat do të ngrihet është firmosur dy muaj më parë. Marrëveshja për parimet ka nxitur reagime të forta në Kosovë, ngaqë konsiderohet se ajo ka cenuar drejtpërdrejtë fondamentet e shtetit të Kosovës – shpërbën karakterin e shtetit unitar. Opozita ka bllokuar prej atëherë punën e Kuvendit dhe zhbllokimin e ka kushtëzuar me heqjen e nënshkrimit nga kjo marrëveshje.
Juristët tërheqin vërejtjen se që nga fillimi i dialogut Serbia ka imponuar një axhendë dialoguese që për qëllim final, në vend të normalizimit të situatës në veri, kishte legalizimin e prezencës së saj në kuptimin institucional në Kosovë.
Fisnik Korenica nga Grupi për Studime Juridike dhe Politike thotë se modeli i sovranitetit të dyfishtë që Serbia po e shtyn përpara vërehet jo vetëm në kuptimin e të emëruarve të lartë politikë, por edhe në kuptimin e autorësisë, për shembull, mbi pronën publike dhe shoqërore në Kosovë.
“De facto, Asociacioni është republikë”, është titulli tjetër i gazetës ku citohet Nexhmedin Spahiu, publicist nga Mitrovica, në një intervistë. Ai është profesor i shkencave politike dhe sheh rrezik të madh nga marrëveshjet e fundit që Kosova i ka mbërritur me Serbinë, e të cilat veçmas e prekin qytetin e tij.
Vë theksin te dy nga katër marrëveshjet e firmosura gjatë muajit gusht – te Marrëveshja për Asociacionin e komunave me shumicë serbe dhe te ajo për rivitalizimin e urës qendrore në Mitrovicë, e cila ndodhet mbi lumin që ndan qytetin në dy komuna me shumicë etnike të ndryshme.
Tek flet për Asociacionin, Spahiu pak rëndësi i kushton asaj që shkruan në marrëveshje. Thotë se funksionimi i këtij Asociacioni e bën de fakto funksionimin e “Republika Srpskas” në Kosovë, por pa emrin “republika”. Emri “republikë”, sipas tij, mund t’i vihet më vonë – në momentin kur të vijë në rend dite që Serbia ta njohë pavarësinë e Kosovës.
E tek flet për urën e Ibrit, përmend një paradoks që përmban plani për rivitalizimin e saj – hapësirën e madhe gjelbëruese, në dëm të përgjysmimit të korsive të rrugës. Me të dëmshme se këtë e vlerëson mosplanifikimin për ta ngritur xhaminë e djegur në luftë, themelet e së cilës ndodhen në brigjet veriore të Ibrit, skaj urës. Mungesa e saj thotë se do të krijojë barriera psikologjike në mes të dy pjesëve të Mitrovicës.
Në këtë intervistë Spahiu ka folur edhe për efekhtet e marrëveshjeve dhe nevojën për dialog. Po kështu, edhe për strukturat që Serbia vazhdon t’i mbajë në Kosovë. Ai ka argumentuar se, edhe nëse shpërbëhen formalisht, nuk do të jetë e vështirë ringjallja e këtyre strukturave.
Ndërsa gazeta Zëri në një titull sot thekson se, “Serbia bleu 350 shtëpi të shqiptarëve në veri” të Mitrovicës.
Sipas gazetës, mbi 350 shtëpi dhe shumë më shumë banesa të shqiptarëve në pjesën veriore të Mitrovicës Qeveria e Serbisë i ka blerë duke u ofruar shuma marramendëse të parave.
Më së shumti shtëpi, sipas burimeve të gazetës, shqiptarët i kanë shitur në “Lagjen e Boshnjakëve” mbi 120, por numër të madh të shtëpive të shqiptarëve qeveria serbe i ka blerë edhe në lagjet tjera veriore me shuma marramendëse.
Shqiptarët e veriut thonë se janë shitur mbi 60 për qind e pronave të tyre në mesin e të cilave edhe banesa, të cilat paraprakisht janë uzurpuar nga serbët.
Në këtë mënyrë, duke blerë shtëpitë e shqiptarëve Serbia bën spastrimin etnik në veri të Mitrovicës.
Sipas shqiptarëve të veriut, pronat e tyre po shiten me ndërmjetësimin e “matrapazëve dhe të avokatëve”, ndërkohë që trendin e shitjes së pronave të shqiptarëve në veri nuk mund ta ndalë askush, madje as nuk bëhen përpjekje.
“Mitrovica po bashkohet!”, është titulli tjetër i gazetës. Kryetari i Komunës së Mitrovicës Jugore, Agim Bahtiri, ka thënë se me rivitalizimin e urës mbi lumin Ibër dhe me largimin e barrikadave në këtë qytet po bashkohet Mitrovica.
Madje, sipas tij, me ardhjen e tij në pushtet në Komunën Jugore dhe të Goran Rakiçit në atë Veriore raportet në mes të shqiptarëve dhe serbëve janë duke u normalizuar edhe më shumë, pasi Bahtiri thotë se të dy kryetarët janë duke u angazhuar për një gjë të tillë.
Këto deklarata kryearti i Mitrovicës Jugore i ka dhënë në një intervistë për gazetën Zëri.
Bahtiri, gjithashtu, ka thënë se Suhodolli do të mbetet nën administrimin e Komunës Jugore, ashtu siç parashihet edhe në Planin e Ahtisarit.
Për më tepër ai ka thënë se nëse kërkohet që të tejkalohet Plani i Ahtisarit, ai do të kërkojë që çdo vendbanim me shqiptarë në veri të kalojë nën administrimin e Komunës, që ai e drejton./b.j/

SHPRESA VARET TEK NDËRRIMI I FIZIONOMIS SË UDHËHEQËSVE

by

Nga Ramadan Bozhlani/
I gjithë aktualiteti simbolizohet me një mishmash! Më shumë shpresohet për një fatalitet se sa që ka kurajo të identifikohet filli që inkurajon zgjidhjen.
Simbas babait të tragjedisë njerzore, Eskilit: e drejta lëviz, duke u bërë pjesë herë e njërës, e herë e tjetrës palë.
Në këtë situat kaotike e drejta po lëvizë me një shpejtësi marramendëse herë te pozita, herë tek opozita sa që popullin e ka trullosur deri në menjanimin e tij. Statusi i heronjëve mishërohet me të tradhëtarëve dhe anasjelltas brenda ditës shumë herë. Aktet e pa takt justifikohen nga opozita, pastaj ligjitimohen duke e fituar simpatin e shumicës. Pozita ato i kritikon duke i konsideruar në favor të destabilitetit dhe cenimit të proceseve të rëndësishme të vendit, ku po ashtu ngjallin mbështetjen e shumicës. Një kokëcarje e këtillë, vetëm sa ja thellon popullit dëshprimin dhe e bën të mendon të ardhmen jashtë atdheut.
Thuhet se populli me stomak të zbrazur nuk mundet ta këndoj himnin pa ndërprer.
Zajdenica e pjelli gjëmën aktuale, por nuk dyshohet që do të frymëzon edhe në të ardhmën, sepse, raca e udhëheqësve serbë është avokate e denjët e së keqës dhe fatkeqësisht ajo ju triumfon siç ka ndodhur historikisht. Themelet e Zajdenicës kanë filluar të ndërtohen që nga viti i 2013-së të aprovuar nga parlamentarët tanë. Por, largpamësia e shqiptarëve nuk arriti ta tejkaloj as hundën fatkeqësisht. Këtë zgjedhje e imponuan fuqit e mëdha si një kompromis të hidhur, por deklaratat e fryera me mburrje të nënshkruesve shqiptar më tingëlluan tepër naive: ne fituam! Çfarë fituam?! Këtu u loz vetëm me shtetin e Kosovës, se shteti i Serbis ishte jashtë lojës së bixhozit.
Domethënë në Kosovë u legjitimua një mikrob infektues.
Besimi tek udhëheqsit shqiptarë është zbehur nga populli, ata kur patën pak hapsirë u shëndrruan në individ të fuqishëm, po ashtu në fise duke ja kallur datën popullit në emër të përfitimeve, sa që e sfiduan edhe shtetin me fuqi.
Shpëtimi i popullit shqiptarë është i varur nga ndërkombëtarët e pranuam apo jo. Liria e dhurume ka kushte të hidhura fatkeqësisht.
Fjalori banal i Kadri Veselit si përfaqësues i organit me autoritetin më të madhë moral, po ashtu skenat e pakëndshme në parlament janë si premisa për ta këshilluar moshën e caktuar nëpër ekrane televizive kur fillojn seancat parlamentare.
Shpresa e popullit do të lulëzon kur do të ndërrohet fizionomia e udhëheqësve tanë!

Do i godasim rrenat serbe ne UNESCO!

by

NGA Fahri XHARRA/
Deri me ardhjen e turkut e gjerë në shekullin XV-të, nuk kishte shtet serb, nuk kishte organizim të një shteti të mirëfilltë serb. Vladimir Çoroviq, në historian serb shkruan: “Dushani e krijoi një principatë e cila nuk ishte serbe, por e përzier, e përbërë nga Serbët, Helenët dhe Arbanasit (Shqiptarët). Qëllimi tij ishte që të pushtonte Konstantinopolin dhe të bëhet trashëgimtarë i Imperatorisë së kohës. Car dhe si i tillë, sundimtar i Ballkanit dhe i serbëve të tij (?) (në atë kohë serbët ishin në pakicë e Car Dushani- arbanas ortodoks.)”. Ndërsa studiuesi tjetër serb Lazo Kostiq shton: “ Nemanasit (Nemanjiqët-sipas atij) kishin mundur të sundojnë Bizantin, por jo serbët” (Sepse nuk kishte Serbi). Historia serbe flet ndryshe, flet ndryshe dhe e gënjen historinë ndryshe.
Por kush ishte Stefan Nemanja ?
Letra e një prifti orortodoks serb “serb” për të treguar të kaluarën tonë të përvehtësuar nga serbët.
“Shokut Skender Rizajt
Nuk di a jeni te njofur me prejardhjen e dinastisë se Nemanjiqve, e cila ka sunduar me shtetin mesjetar te Nemanjiqve, nga shekulli XII -XIV .
Sipas nje teorie greke dhe te shënimeve ne Hillendar, ajo është me origjine Shqiptare dhe i ka takuar fisit Nimani. Nimanet njeher ishin katolike, pastaj ortodoks, pas ndarjes se kishave dhe te skizmes me 1054 . Me vone, me ardhjen e Turqve (osmaneve ) jane islamizuar . “
“Fisi Nimani eshte shkruar si“Nemane“(greq.) kurse Stefan Nemanea si“Stefan Nemane“(greq.) gjithashtu edhe ne Hilendar eshrte shkruar me emrin Stefan Nemane. Prandaj ne shqiptimin e me vonshem te Shqipes e ka marr leximin itacistik Nimani, e me heret eshte lexuar Nemane .
Me sllovenizimin e te lexuarit te fjales Nemane, ne mesjeten e vonshme eshte pervetsuar fjala Nemanja (nga metateza e shqipes : Nemanaj . ).
Nga fisi nimani kan mbetur trashigimtaret e Nimanasve te tanishem nga te cilet ka ne rrethinen e Prizerenit dhe ne vet Prizren …..Kjo eshte persa i perket etimologjise Nemanjiqi, ç – iqi.“
“Nimanajt kane sunduar sipas te drejtës kanunore deri me 1354, kur Car Dushani e ka nxjerr Kanunin e vet, i cili është përplot me te drejta te vjetra kanunore shqiptare . Kanuni ka pretenduar te zhduke te drejtën e vjetër kanunore te Shqiptareve dhe legjislacionin dhe jetën juridike ta rregulloj sipas shembullit bizantin, por me 1389 u përmbys shteti i Nemanajve kurse populi iu ka kthyer zakoneve, te cilet jane ruajtutur sot e ksaj dite te serbet (skizmatiket Shqiptare ) dhe Shqiptaret ne Kosove, me saktë ne metohi (dukagjin ) .
Kjo eshte dëshmia e dyte e cila vërteton se Nemanjiqet ishin me prejardhje shqiptare”. ….”Nemanja ne fillim nuk ka qene zhupan i madh por eshte quajtur“Dorezon – dëshmitar i madh“
Kurse me vone ne ndikimin e grekeve dhe sllaveve e ka marr emërtimin thirrjen e zhupanit te madh .
Si dorezon i madh shprehje shqipe = sundimtar; sinonim i shprehjes sundia e cila përdorej ne mesjete ka pasur kalorësi dhe njerez te vet, te cilët ishin kalorësit e bujaret e tij, e nëpërmjet te te cilëve ka sunduar . Kjo është dëshmia e 4 per metodën shqiptare te sundimit te dinastisë Nimani ne Seerbinë mesjetare .
Unë te gjitha këto i di sepse e zotëroj mire gjuhen e vjetër greke, dhe e di edhe gjuhen shqipe duhet te jete shqiptar skizmatik – shka dhe zakonet shqiptare . Per kete arsye ju njoftoj qe kete element dhe fakt ta keni parasysh ne punen tuaj te ardhme, nese keto gjer me tani nuk i keni te njohura . Ndersa deshmite origjinale per piken 1 mund ti gjeni ne Hilendar kurse te tjerat mund t’i gjeni ne Metohi (Dukagjin ) sidomos ne punimet e Dr. Milutin Gjuriqiqit .
“Kjo është letra anonime e një popi ortodoks i cili thotë: Na falni qe nuk mund te neshkruhem nen kete informat, sepse, si serb (shqiptar – skizmatik ) frikesohem .“ (20.IX.1985)
Pra shqiptar -skizmatik . Pra shka -shkije. . Ne i quajtëm shkije se ata ishin vetëm të fesë ortodokse dhe flisnin shqip. Pra ata ishin shqiptarë.
Kurse Vula e Stefan Nemanit , gjendet ne Muzeun e Beogradit: e shkruar greqisht .
Lexohet qartazi Nemani
Nga muzeu i Beogradit : Pečat velikog župana Stefana Nemanje, 1166–1199. (?) godine Zaveti i poruke. Stefan Nemanja – devet vekova « Narodni muzej u Beogradu
(https://www.pinterest.com/elaelam/srbija/
The seal of Grand Zupan Stefan Nemanja, one of only two verified surviving specimens, acquired in 1978 by the National Museum in Belgrade. The charter this seal was originally attached to no longer survives, but the style and Greek it is written in indicate it as part of the rich late-12th century diplomatic activity of the rejuvenated Raskan court.( http://www.srpskoblago.org/serbian-history/serbian-medieval-history/rulers/stefan-nemanja.html

Fahri Xharra,24 10.15

Crawford- Rames: Në SHBA nuk arrestohesh për kuponin

by

Kreu i Dhomës Amerikane i përgjigjet Edi Ramës pas deklaratave të një dite më parë të kryeministrit në Këshillin Ekonomik Kombëtar./
Presidenti i Dhomës Amerikane të Tregtisë, Mark Crawford ka reaguar pas deklaratave të një dite më parë të kryeministrit Edi Rama në Këshillin Ekonomik Kombëtar. I kontaktuar nga Ora News me telefon, numri një i Dhomës Amerikane të Tregtisë në Shqipëri, Mark Crawford deklaron:“Ne nuk jemi kundër nismës anti informalitet. Nëse ka rezultat, aq më mirë për qeverinë. Nuk kemi qenë dje të ftuar në mbledhjen e Këshillit Ekonomik Kombëtar, pasi është rotacion. Qëndrimin për nismën anti informalitet e kemi dhënë. Në Amerikë ka politika fiskale të ndryshme për çdo shtet. Nuk futet njeri në burg se nuk lëshon kuponin tatimor. Madje, nuk lëshohen fare kupona apo faturë, pasi çdo transaksion kryhet me bankë. Ne ditën e enjte kemi mbledhjen e Bordit të dhomës dhe mund të dalim me një deklaratë”.
Dhoma Amerikane e Tregtisë ka lëshuar kritika të forta për mënyrën sesi qeveria po zbaton nismën anti informalitet, pasi sipas saj, biznesi po përballet me masa represive që rrezikojnë ta falimentojnë.
Rama kritikoi qëndrimin e mbajtur publikisht nga Crawford për mënyrën sesi po zbatohet nisma anti informalitet dhe i kujtoi përfaqësuesit amerikan të Dhomës sesi trajtohet moslëshimi i kuponit tatimor në Shtetet e Bashkuara të Amerikës.
” Më vjen keq që nuk e shoh përfaqësuesin e Dhomës Amerikane të Tregtisë, ti thosha se përpara se sa të bëjë deklarata pas deklaratash, duke iu kundërvënë këtij operacioni t’ju tregojë shqiptarëve se cfarë i ndodh në SHBA dikujt që kapet me evasion apo duke shitur pa lëshuar faturën tatimore. Pasi ta tregojë këtë le të na tregojë ne se çfarë të bëjmë më mire” deklaroi dje Rama.
****
JA CFARE THA KRYEMINISTRI NE KESHILLIN KOMBETAR
Në mbledhjen djeshme të Këshillit Ekonomik Kombëtar, teksa analizonte bilancin e aksionit kundër informalitetit, kryeministri Edi Rama ka shfrytëzuar rastin për të thumbuar Dhomën Amerikane të Tregtisë në Tiranë. Teksa një javë më parë, në një deklaratë për mediat, Dhoma Amerikane rendiste një sërë kritikash ndaj aksionit të qeverisë dhe ligjit të ri për gjobat ndaj evazonit fiskal. Dhe mesa duket, kritikat e ardhura nga biznesi amerikan që operon në Shqipëri nuk janë pritur mirë nga kryeministri Edi Rama. Në mbledhjen e Këshillit Ekonomik, ai është marrë personalisht me drejtuesin e kësaj organizate ekonomike, presidentin Mark C. Crawford.
“Më vjen keq që nuk e shoh këtu përfaqësuesin e Dhomës Amerikane të Tregtisë, sepse do kisha parapëlqyer që ta shikoja në sy (nënkupto: Mark C. Crawford) dhe t’i thosha që përpara sesa të bëjë deklarata pas deklaratash duke iu kundërvenë këtij operacioni dhe duke folur për masat e rrepta të qeverisë si masa penguese, t’ju tregojë shqiptarëve se çfarë ndodh në Amerikë kur dikush kapet me evazion apo kapet pa lëshuar faturën tatimore. Mbasi t’ua tregojë shqiptarëve këtë, atëherë le të vazhdojë dhe të na tregojë neve se çfarë duhet të bëjmë më mirë”, – u shpreh kreu i qeverisë.

Realisht ligjet amerikane për biznesin janë të ashpra dhe nuk krijonë asnjë lloj tolerimi për evazionin fiskal. Por debati që realisht hapi Dhoma e Amerikane e Tregtisë nuk kishte të bënte me kuponat, por me gjobat dhe modelin ekonomik që po vendoset në aksionet tatimore në vend. Si një institucion me traditë në financat e vendit biznesi amerikan i kujtoi kryeministrit se reformat e ministrit Shkëlqim Cani mund të sjellin efekte negative. Rasti më konkret ishte ai sesi një biznesi me 5 milionë lekë të reja xhiro në vit mund t’i vendoset një gjobë 10 milionëshe. Praktikisht, një masë e tillë do të thoshte falimentim. Në fakt Mark C. Crawford, pavarësisht kritikave për reformat e qeverisë, në fjalën e mbajtur pak ditë më parë për 15-vjetorin e krijimit të këtij institucioni deklaroi se kishte marrë kupon edhe për printimin e fjalimit të mbajtur. Ironi e egër ishte ndaj Edi Ramës ! Nuk kishte me shumë se kaq të tregonte Mark C. Crawford inatin dhe mërinë ndaj kësaj mënyre pune të tatimeve, gjithnjë sipas tij.
Nga ana tjetër, qëndrimi i Dhomës Amerikane të Tregtisë ka një forcë tjetër po të kemi parasysh se biznesi vendas ka një sjellje vasaliteti ndaj qeverisë. Këtu nuk flitet vetëm për qeverinë Rama, por për të gjitha qeveritë. Sa herë janë ndërmarrë reforma biznesi vendas është rreshtuar me qeverinë, jo se janë gjithmonë dakord me reformat, por se mbështetja e mazhorancës për biznesin përkthehet në përfitime të tjera që kanë të bëjnë me tenderat dhe me lehtësira ekonomike. Merrni shembullin e mbledhjeve në Këshillin Ekonomik, ku dhjetëra biznesmenë të fuqishëm në vend ulen dhe dëgjojnë njëlloj si të ishte mbledhja e qeverisë dhe nuk thonë atë që mendojnë. Të paktën publiku nuk dëgjoi gjë dje, live. Kjo është pa sens. Biznesi ka një mal me vërejtje ndaj qeverisë, por këto i thonë nën zë. Kur dalin në takime publike i miratojnë në heshtje reformat, duke i legjitimuar formalisht dhe duke pritur shpërblimin nga qeveria. Realisht, këta lloj biznesesh i dëmtojmë më shumë reformat sesa qëndrimet si ai i Dhomës Amerikane.
Basti i qeverisë në këtë aksion që dje mbushi 45 ditë nuk është vetëm marrja e kuponit, por se çfarë do të ndodhë kur aksioni të përfundojë. Biznesi nuk formalizohet me aksione, por me rregulla dhe ndëshkime të sipërmarrjeve të mëdha që deri më sot kanë abuzuar me miliarda lekë. Sfida e qeverisë është nëse do të arrijë të godasë edhe ato biznese që janë rreshtuar si fasadë në krah të saj, ndërkohë që deri dje kanë bërë evazion duke vjedhur jo vetëm qytetarët, por dhe arkën e shtetit. Sinjalet e fundit janë që gjërat po lëvizin në këtë drejtim. Ka njoftime se prokuroria po heton dhe pritet të bëjë arrestime të mëdha nga biznesi VIP. Por a do të cënohen e penalizohen VIP-at që rrijnë pas e para qeverisë? Të shikojmë!

Drejtoria e Tatimeve paralajmëroi arrestime në radhët e emrave të njohur të biznesit në vend. Arrestimet do të kryhen me akuzën e evazionit fiskal dhe emrat e përfolur janë në radhët e bizneseve që janë konstatuar me shkelje në fazën e parë të aksionit kundër informalitetit. Emrat e biznesmenëve që do t’u vihen prangat do të tregojnë edhe sesa seriozisht është gjithë aksioni i nisur prej 45 ditësh.
Dje kryeministri ia ktheu reston Mark C. Crawford për ironinë dhe reagimin e tij të para disa ditëve.
-Ku është ai ?- pyeti kryeministri- që ta shikoj përballë e në sy.
Në të vertetë debati dhe kundërshtimet nuk bëhen me deklarata shtypi, por direkt e në tavolinë aty ku ishte dje mbledhja në fjalë. Nëse Mark C. Crawford do të shkonte dje në takim dhe ti thoshte problemet e shqetsimet në sy ai do të fitonte pikë. Fakti që nuk shkoi tregon që ose kishte frikë ose indiferencë për ligjet shqiptare. Por ligjet janë mbi këdo, edhe mbi amerikanin Mark C. Crawford, edhe mbi çdo biznes tjetër të huaj që operon në Shqipëri.
Në të vertetë ka biznese të huaja ( nuk e dijmë për rastin në fjalë) që nuk paguajnë apo fshihen nën emrin të “huaj” dhe mbushin thasët me euro e ikin, duke mos paguar. E shikojnë Shqipërinë si një “Afrikë”, por Rama nëse arrin të jetë i drejtë dhe i barazlarguar nga të gjithë në zbatimin e ligjit ka bërë një akt të mirë për vendin.
Ndonëse taksat e tarifat kanë vend për diskutime. Dhe duhen riparë. Por kjo nuk do të thotë të mos zbatosh ligjin që është në fuqi. Një ligj sado i keq të jetë duhet zbatuar. Beteja mbetet që të marrësh vota e ta rrëzosh qeverinë ,nëse njërëzit janë të pakënaqur me politikën e taksave të qeverisë.
Rrugë tjetër nuk ka ! As në Amerikë.

Kukan: Dekriminalizimi, kusht për negociatat

by

Lulzim Basha i kërkoi grupimit politik europian ku bën pjesë, Partive Popullore Europiane, që të mbajnë nën monitorim të vazhdueshëm Shqipërinë, sepse – sipas tij, – Qeveria e Tiranës po shkel standardet themelore demokratike dhe po bashkëqeveris me persona të inkriminuar.
Edhe në takimet me drejtuesit më të lartë të Bashkimit Europian dhe të Komisionit Europian, që i përkasin Partive Popullore Europiane, Lulzim Basha denoncoi zvarritjen e dekriminalizimit nga qeveria dhe pasurimin e klaneve kriminale nëpërmjet fondeve dhe pasurive publike.
Shqetësimin e Lulzim Bashës e reflektoi Eduard Kukan, që ndërmjetësoi 10 muaj më parë marrëveshjen e dekriminalizimit. “Dekriminalizimi duhet të merret shumë seriozisht dhe të zgjidhet. Kjo ishte marrëveshja, që ne ndërmjetësuam. Ne nuk duhet të lejojmë, që çështja e dekriminalizimit të harrohet. Zoti Fleckenstein është sot në Tiranë. Kur të kthehet, ne do të diskutojmë së bashku sesi mund të ndihmojmë për këtë proçes, për të ndihmuar partitë politike në Shqipëri që të trajtojnë këtë çështje. Fatkeqësisht, ju keni gjithnjë nevojë për mbështetjen nga jashtë. Ne jemi këtu për t’iu ndihmuar, sepse duam shumë që Shqipëria të ketë një datë për hapjen e negociatave, por së pari duhet zgjidhur çështja e dekriminalizimit. Jemi informuar së fundmi edhe për çështjen e mandatit të zotit Frroku. Si gjithnjë ka përpjekje për të gjetur justifikime për ngadalësimin e procesit. Duhet t’i jepet fund njëherë e mirë”, tha eurodeputeti Kukan. Pothuajse një vit pas marrëveshjes ende të pazbatuar për dekriminalizimin, Eduard Kukan mbështeti qëndrimin e Gjermanisë se, dekriminalizimi është një kusht i panegociueshëm për hapjen e negociatave për anëtarësim në Bashkimin Europian.
“Ndaj unë thashë se Shqipëria mund të ecë përpara, vetëm nëse zgjidhet dekriminalizimi. Jo në mënyrë të pjesshme, por tërësore dhe sistematike. Është shumë e rëndësishme, që Gjermania mbështet përmbylljen e çështjes së dekriminalizimit. Nëse zgjidhet çështja e dekriminalizimit dhe reforma e drejtësisë, atëherë kjo do të jetë vërtet një hap përpara për Shqipërinë dhe, atëherë ambiciet e Shqipërisë mund të jenë të larta dhe asnjë nuk do të bëhet pengesë në këtë rast”, deklaroi eurodeputeti Eduard Kukan.