Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Fotoreportazh nga Biel Bienne i Zvicrës eveniment sportiv i organizuar nga Unioni i Klubeve Shqiptare të Futbollit në Zvicër dhe FC Besa mikëpritese

by

UKSHFZ dëshmoi, se të bashkuar, do të jemi më të fort edhe më të suksesshëm

Nga Kosova kishin ardhur enkas për këtë ngjarje të madhe sportive, z.Agim Ademi, kryetar i Federatës së Futbollit të Kosovës, drejtori sportiv nga FFK Muharrem Sahiti si dhe Lulzim Berisha. Përpos musafirëve nga Kosova, në këtë ditë sporti, kishin ardhur edhe sportistë të sporteve të tjera. Legjenda e futbollit të shqiptarëve në Zvicër, z.Milaim Rama, futbollisti i parë shqiptarë në kombëtaren e Zvicrës dhe shumë musafirë të tjerë.

Biel/Bienne, 10 korrik

E diela e datës 09 korrik, do të mbahet në kujtesën e secilit veprimtarë, që jeton e vepron në Zvicër. Ata sportistë, musafirë nga Kosova, dashamirës të sportit dhe bashkatdhetarë nga katër anët e Zvicrës, që ishin prezent në një eveniment sportiv edhe ate me të gjitha ngjyrat sportive në futboll, dëshmuan, se me një unitet ia dalim mbarë. Në fillim të këtij reportazhi, duhet theksuar dhe është për të vlerësuar edhe ate shumë, se thuajse në çdo lojë që është zhvilluar, nuk ka pasur rrahje mes veti apo edhe sharje. Pak me rezerva thuajse çdo dashamirës i sportit ka pritur, që gjysëmfinalet apo finalja do të jetë pak më e ashpër, siç jemi mësuar të shohim, apo normal që ndodh nëpër shumë turnire, por vërtet ishte për mrekulli, pas çdo ndeshje, ekipet u ndashin duke u përshëndetur. Edhe pse ishte e diele, ditë pushimi, edhe pse ishte shumë nxehtë, mbi 30`C, edhe pse ishte ditë që veçse në disa kantone të Zvicrës kanë filluar pushimet verore, ekipet janë përgjigjur pozitivisht, dashamirës të sportit, për ta përcjellur dhe përkrahur këtë ngjarje të madhe sportive. Jemi mësuar të shohim turnire të ndryshme në Zvicër, por kjo ishte diçka më tjetër, edhe pse ishin që të gjitha të mira, por kjo ishte medalje e organizimeve në futboll, sepse mbante një emërtim të veçant e shumë të nderuar, Union, bashkim të klubeve shqiptare. Siç dihet, në këtë union janë bashkuar 26 klube të futbollit të shqiptarëve në Zvicër dhe kanë krijuar Unionin e Futbollit Shqiptarë në Zvicër. Për këtë historikë nuk do të ndalem, sepse është e njohur thuajse nga çdo sportë dashës. Kësaj here, garuan 11 ekipe, prej 14 sa ishin paraqitur.

E diela e 9 korrikut në fushën e FC Besa në Biel Bienne u zhvillua me shumë sukses Kupa e Diasporës për Klubet e Futbollit Shqiptar në Zvicër. Ndeshjet u zhvilluan në stadium të madh me nga 11 lojtarë. Dashamirësit e futbollit patën rastin të shihnin klubet e ligave të ndryshme, duke filluar nga liga e parë FC Kosova Zürich, FC Besa Liga e 2 interregjionale, Dardania Lausanne, FC Prishtina Bern, FC Iliria Solothurn dhe shumë klube të tjera. Është për të përshëndetur, se ky Union po gjenë përkrahje edhe nga Federata e Futbollit të Kosovës. Nga Kosova kishin ardhur enkas për këtë ngjarje të madhe sportive, z.Agim Ademi, kryetar i Federatës së Futbollit të Kosovës, Drejtori sportiv nga FFK Muharrem Sahiti si dhe Lulzim Berisha. Përpos musafirëve nga Kosova, në këtë ditë sporti, kishin ardhur edhe sportistë të sporteve të tjera. Legjenda e futbollit të shqiptarëve në Zvicër, z.Milaim Rama, futbollisti i parë shqiptarë në kombëtaren e Zvicrës, Erzen Rrustemi kampion i peshave të rënda në boks, Luan Rudaj, Ridvan Murati, aktor me përmasa ndërkombëtare dhe shumë të tjerë.. Edhe nga të parët e futbollit të Kosovës, por edhe nga të pranishmit u vlerësua se Unioni i Klubeve Shqiptare të Futbollit në Zvicër dhe FC Besa mikëpritëse dëshmuan për organizim shembullor, që do ja kenë lakmi edhe në atdheun tonë. Duhet falënderuar edhe ate maksimalisht shtetin pritës, Zvicrën, që po na mundëson të organizohen edhe aktiviete sportive në fusha profesionale. Ky besim para shtetit zviceran ka ardhur, padyshim, nga imazhi i mirë i shqiptarëve që jetojnë në Zvicër dhe Zvicra siç dihet për thuajse të gjithë shqiptarët është ardheu i tyre i dytë. Në këtë rast, ju lumtë FC Besa për organizimin dhe pritjen e musafirëve. Ku kishte pije të freskëta dhe ushqim cilësor. Në çdo detaj ishte për tu vlerësuar dhe kishin fjalët më të mira të mundshme nga të pranishmit. Evenimentin sportiv e nderuan edhe disa personalitete që ishin prezent dhe ne siguruam nga një prononcim të shkurtërt nga ata:

Gjenis Haxhimehmeti, sekretar i Ambasadës së Kosovës në Zvicër:

„Falënderova në emrin tim dhe të ambasadorit dhe gjithë stafit tonë për ftesën që na kanë bërë. Këto organizime janë shumë të mira. Diaspora shqiptare e ka treguar veten dhe po e tregon edhe sot e kësaj dite, se është shumë e lidhur me vendin e të parëve dhe kurrë nuk do të shkëputen. Gjthashtu, falënderojmë edhe shtetin mikëpritës Zvicrën e cila na ka dhënë mundësi, që të ushtrojmë çdo të drejtë në këtë shtet. Padyshim, se çdo mërgimtarë i është falëndeues Zvicrës dhe popullit të saj. Ky takim sportiv i organizuar nga UKSHFZ është për të përshëndetur me fjalët më të mira të mundshme dhe duhet edhe më shumë të përkrahet, sepse është një bashkim i klubeve. Aty ku ka bashkim, kurrë nuk do të mungojnë sukseset. I përgëzoj të gjithë që kanë kontribuar në këtë eveniment shumë të rëndësishëm.

Agim Ademi, kryetari Federatës së Futbollit të Kosovës:

„ Me shumë kënaqësi kemi ardhur nga Kosova. Ne kemi një mërgatë të fuqishme. Kemi një mërgatë që e ka dëshmuar veten nëpër periudha të ndryshme, se është gjithmonë afër atdheut. Kemi talentë të shumtë edhe në futboll. Edhe ne si federatë u kemi dhënë hapësirë e do ti japim edhe në të ardhmen të gjithë talentëve që të kontribuojnë në përfaqësuesen e Kosovës. Kam fjalët më të mira për këtë organizim. Mezi se po presim, që të luhet edhe ndeshja kryesore mes fituesit të ekipeve nga Zvicra dhe asaj nga Gjermania me të parin e Kosovës në Prishtinë brenda këtij viti. Kemi parë ndeshje të mira dhe shiheshin edhe lojtarë shumë cilësor. Respekt për organizatorët“.

Feti Demolli kryetar i UKSHFZ:

„Ju falënderoj juve dhe gjithë ata që kanë kontribuar për t`u organizuar kjo ngjarje e madhe e futbollit. Falënderoj stafin e FC Besa për të gjitha dhe gjithë stafin tim. Është nder dhe kënqësi për ne që të kemi edhe musafirë nga Kosova, të parin e futbollit të Kosovës, z.Agim Ademi si dhe drejtorin sportiv të FFK-së, z.Muharrem Sahiti. Falënderoj sponzorët, sportistët, tranjerët, referët, mediat, me një fjalë që të gjithë. Padyshim, një falënderim i përzemërt shkon edhe për miqtë tanë zviceran, që na kanë mundësuar që të gjitha kushtet, që të zhvillohet turniri ashtu si do të duhej. Jemi munduar e do të mundohemi edhe në të ardhmen, që të jemi edhe më të organizuar. Kemi punuar shumë dhe ja arritëm që ta përfundojmë këtë turnir të sivjetëm shumë mirë. Ekipi nga Zvicra dhe ai nga Gjermani do të luajnë në tetor në Kosovë, konkretisht në Prishtinë dhe po besoj se do të kemi përkrahje edhe nga Kosova, që ate ditë ta kemi festë. Mërgata ishte e do të mbetet gjithmonë me atdheun. Një respekt i veçantë për gjithë drejtuesit e ekipeve si dhe futbollistët, që treguan lojëra super të mira dhe mbi të gjitha fer play. Kjo është kulmi i suksesve”.

Rini Dauti, zëvendës kryetar i Unionit:

Ne mundemi, jemi dhe do të jemi të bashkuar. Mendojmë për gjeneratat e reja që po vijnë, sepse po jetojmë në shtetin e mundësive, që nuk na pengojnë në suksese, por përkundrazi, na ndihmojnë. E dijmë, se sa futbollistë shqiptarë luajnë nëpër klube të Zvicrës, por edhe në kombëtare. Respekte.“

Musli Saiti, sekretar dhe editor i Syti Tv:

“Ju falënderoj edhe juve që keni ardhur nga Cyrihu. Të falënderoj edhe për punën që e ke dhënë në fushën e gazetarisë edhe ate profesionale jo më pak se mbi 20 vjet. Kam pasur rastin të takoj e të lexoj shkrime e shkrime për diasporën tonë. Të nderuam edhe me një mirënjohje për punën që e ke bërë. Shumë faleminderit. Ka pasur shumë punë, por jemi krenarë se ia dolëm mirë. Kishim musafirë nga Kosova, të parin e federatës së futbollit të Kosovës dhe drejtorin e përfaqësueses së Kosovës në futboll, ku i falënderojmë përzemërsisht për ardhjen e tyre por edhe për mbështetjen. Falënderoj që të gjithë që kanë kontribuar që të dalim të gjithë së bashku mirë. Falënderoj edhe Feti Demolli kryetar i UKSHFZ, stafin e FC Besa me kryetar Petrit Krasniqi, përfaqësues të ambasadë së Shqipërisë dhe të Kosovës, yllin e futbollit shqiptarë, z.Milaim Rama, babain e futbollistëve të mëdhenj që na kanë krenuar e po na krenojnë të Granit dhe Taulant Xhakës, z.Ragip Xhaka. Falënderoj edhe stafin e TV Syri me qendër në Solothurn të Zvicrës, që gjithë ditën me kamera e fotoaparata kanë qëndruar, për të përcjellur çdo detaj në këtë turnir të madh dhe të veçant. Ishte një ngjarje e madhe sportive dhe besoj se nuk do të harrohet nga të gjithë të pranishmit. Jemi munduar që t`ia dalim mirë dhe me ndihmën e të gjithëve ia dolëm mirë dhe kjo tregoi se të bashkuar dijmë dhe mundemi. Siç e patë edhe vet, nuk ka patë sjellje jo sportive. Emocionet janë normale, por të del nga binaret e mirësjelljes nuk kemi pa. Kjo është për të përshëndetur. Ju lumtë djema për lojrat që i keni treguar. Urime ekipit fitues. Shihemi në tetor në Prishtinë. Emision të gjatë dhe për më shumë detaje do të shihni së shpejti në TV Syri ku kemi siguruar edhe bashkëbisedime me shumë personalitete që ishin prezent. Nder edhe njëherë, që ishe në mesin tonë dhe shpresoj, se edhe përvoja jote, do na duhet për vitin tjetër“.

Drejtori sportiv nga FFK Muharrem Sahiti:

„Me shumë kënaqësi kemi ardhur në këtë ngjarje të madhe sportive. Përshëndes dhe uroj organizatorët që të mos ndalen. Kam fjalët më të mira të mundshme. Gjithashtu, pash shumë të rinjë, që kishin vullnet për futboll, fëmijë që janë lindur e po rriten në Zvicër, por që po i njohin futbollistët dhe neve që kishim ardhur nga Kosova. Kjo më gëzoi shumë, se prindërit shqiptarë, po punojnë shumë, që të mos ketë shkëputje nga vendi i të parëve. Zoti e bekoftë diasporë tonë.

Milaim Rama, ish futbollisti i parë shqiptarë që ka luajtur për kombëtaren e Zvicrës:

„Siç e keni parë edhe vetë, kishte lojëra shumë të mira dhe shiheshin edhe talentë të rinjë. Kjo të gëzon shumë, se mërgata jonë kishte e do të ketë talent. E përgëzoj organizatorin, vërtet ishte një organizim shumë i mirë. Të gjitha ekipet mbi të gjitha treguan lojëra cilësore dhe fer play. Zvicra si gjithmonë na ka dhënë mundësi që të jemi si në atdhe. Besoj shumë, se këto organizime edhe në të ardhmen, do ti motivojnë edhe më shumë të rinjtë tanë që të merren me sport. Ky unitet i klubeve shqiptare është për të përshëndetur dhe përkrahur. Kam fjalët më të mira të munshme. Suksese e ju lumtë.“

Ragip Xhaka, babai i Granit e Taulant Xhakës:

„Falënderoj përzemërisht presidentin e Unionit të Klubeve Shqiptare të Futbollit në Zvicër dhe stafin që më kanë ftuar. Me shumë kënaqësi erdha. Takova shumë miq nga Kosova dhe gjithë Zvicra. Pamë ndeshje të mira. Kemi një diasporë të fuqishme. E përgëzoj organizatorin dhe mikëpritësit nga FC Besa“.

Skender Thaqi, ish menaxher FC Besa për dy mandate dhe njëherit veprimtarë i dalluar:

„U dëshmua edhe njëherë, se i gjithë stafi i FC Besa dinë të pres musafirët për një ngjarje të madhe sportive. E përgëzoj stafin e Unionit të Klubeve Shqiptare të Futbollit në Zvicër për organizimin. Kemi kaluar një ditë shumë të mirë. Duke takuar shumë miq që moti si kisha takuar dhe duke përcjellur edhe ndeshje të mira futbolli. Këto organizime dhe shumë të tjera i duhen diasporës sonë, sidomos brezit të ri. Kemi një diasporë të fuqishme dhe fati është i joni që jemi në Zvicër, në këtë shtet që na ka mbështetur me të gjitha mundësit. Ne u jemi mirënjohës. Mu kujtua, kur pata filluar në FC Besa, duke kontribuar që kishim vetëm një ekip dhe ngadal e sigurt korrëm suksese. Sigurisht se kishim vështirësi, por ia dolëm që ti japim shumë forcë. E sot, kemi një FC Besa shumë të fortë dhe që ka reputacion të mirë edhe para miqve tanë zviceran. Po shihet edhe mikëpritja e gjithë stafit të FC Besa. Për çdo lavdëratë. Vlerësoj shumë edhe prezencën e të parit të FFK-së, pastaj edhe të babait të Granit e Taulant Xhakës dhe shumë veprimtarëve të tjerë. Kështu të bashkuar kemi mundësi të realizojmë edhe shumë projekte të tjera të mira, sepse kemi profesionistë të fushave të ndryshme“.

Petrit Krasniqi, kryetar i FC Besa:

„ Ju falënderojmë që keni gjetur kohë për t`na nderuar. Falënderoj kryetarin e UKSHFZ dhe gjithë stafin e tij, që sivjet na besuan neve që ti mirëpresim për këtë organizim. Më lejoni t`ju jem mirënjohës gjithë stafit të FC Besa, që vërtet janë angazhuar që të gjithë, që të dalim me sukses. Besoj, se edhe ia kemi dalur. Falënderoj edhe miqtë tanë zviceran, që gjithmonë i kemi afër dhe falë tyre, ne kemi suksese. Jeni duke e parë edhe vet, na kanë mundësuar të gjitha kushtet. Ishte një ngjarje e madhe sportive dhe shpresoj se edhe në të ardhmen, sikur këtu të kalojmë edhe nëpër kantone të tjera. Ne kishim një ekip të mirë që shkoi në finale, por fati nuk ishte në anën tonë që të fitojmë sivjet këtë kupë. Mbi të gjitha si ekipi jonë, por edhe të gjith ekipet treguan se dijmë të luajmë dhe dijmë të respektohemi. Do të jemi së bashku edhe në organizime të tjera“.

Rafet Ademi, veprimtarë i kahershëm i kauzës kombëtare;

„ Shkurt e shqip jam kënaqur. Edhe pse ishte shumë nxeht, kur shihja këtë organizim të bukur, më vinte freski shpirtërore. Plot e plot ekipe, plot e plot, sportistë, sa rini të mirë që kemi. Më la shumë përshtypje që nuk dëgjova sharje. Se shpesh nëpër turnire nga nervoza edhe shahen futbollistë, apo edhe rrahen. Kjo ishte ditë e madhe. E përgëzoj mikëpritsin dhe stafin e UKSHFZ, që kishte organizuar perfekt. Kemi një mërgat të artë dhe presim suksese. Nuk është koha e gjeneratës sime, që punonim e jepnim për tu bërë shtet. Tani kemi dy shtetet tona dhe me përkrahjen e tyre, do të jemi edhe më të fortë. E ky shtet ku po jetojmë, na ka dëshmuar se e kemi mikun e përbetuar. Ne u jemi falëndeues Zvicrës dhe popullit të saj. Bashkatdhetarë të të gjitha trevave shqiptare, sepse na bashkon flamuri. Të punojmë për gjeneratë e re edhe ma shumë“.

Adi Hebibi, 9 vjeçar që donte të luante edhe ai ku kishte marrë topin për të luajtur dhe bënte foto me shumë personalite që ishin prezent:

“Pse nuk po muj me lujt edhe unë? A guxoj ta bëj shqiponjën aty te flamuri kuq e zi? Pse nuk po organizohet një turnir edhe për neve që jemi ma të vegjël? Sa mirë shqip po dëgjoj këngë për Adem Jasharin. A krejt shqiptarë janë këta që po luajnë a? Sa mirë që po luajnë. Shqiptarë paska plot Xherdan Shaqira e Granit Xhaka. A i shohim edhe këta nëpër televizione? Si mundem ta mar edhe unë një T-shirt të ekipit Kosova, Albania dhe Luginës së Preshevës? Unë po du me e përcjell ekipin e Luginës së Preshevës, sepse Albania e Kosova janë më të mëdhaja, Lugina e Preshevës nuk është edhe aq e madhe. Po du me fitu Lugina e Preshevës dhe pastaj me u përmend ma shumë edhe në Zvicër. U kënaqa sot. Ma dhanë edhe mua një medalje në qaf. Mora edhe nënshkrime nga presidenti i FFK-së, nga futbollisti i mirënjohur, Muharrem Sahiti, Milaim Rama legjenda, babai i Granit Xhakes, nga presidenti i UKSHFZ. A shkojmë me e pa finale në Kosovë? A organizohet edhe vitin tjetër?. Shumë e shumë pyetje të tjera na bëri Adi. Adi dhe shumë të rinjë të tjerë, falë edhe këtyre organizimeve, po i japin edhe më shumë energji shpirtërore për krenarinë se jemi shqiptarë. U ndanë edhe disa mirënjohje, ku në mesin e tyre u nderua edhe Dr.sc.Dashnim HEBIBI, për kontribut në art, kulturë dhe sport, që mbi 20 vjetë ka përcjellur dhe shkruar për shumë aktivitete të ndryshme për të mirën e kombit tonë, jo vetëm në Zvicër, por edhe në gjithë diasporën tonë. Edhe shumë e shumë të shkruash, prap është pak, nga ajo që pamë në këtë ditë të shënuar sportive. Edhe gjysëm finalet ishin të mira dhe me shumë meritë, në finale u takuan FC Kosova/ Cyrih dhe FC Besa/ Biel. Fjalë të mira meritojnë edhe referët që ndajtën drejtësi në fushë në mënyrë shumë profesionale dhe me një mirëkuptim të veçant. Pas një ndeshje shumë të mirë dhe me shumë emocione, fitues doli FC Kosova nga Zürich, duke e mundur FC Besa me rezulat 2:1. Loja ishte fer play dhe la mesazh të mirë për të gjithë, se triumfoi futbolli. Kampione e Kupës së Diasporës 2023 dhe më e mira nga ekipet shqiptare të futbollit në Zvicër, FC Kosova, pranuan kupën dhe medaljen nga i pari i FFK-së, z.Agim Ademi. Krejt në fund ekipet fituese morën edhe foto kujtimi. Vlenë të përmendet edhe kontributi nga Shoqëria Kulturo Artistike Albakult me qendër në Bern, që me disa valle me veshje kombëtare i dhanë hijeshi artistike këtë evenimeti sportiv. Kryesia e Unionit të Klubeve Shqiptare të Futbollit falënderoi, musafirët nga Kosova të parin e FFK, Ministrinë e Punëve të Jashtme dhe Diasporës, stafin e klubit Besa, ekipet pjesmarrëse, mediat, sponsorët dhe të gjithë të pranishmit. Ky eveniment sportiv vërtet le për të dëshiruar dhe besuar, se edhe në vitet që do të vijnë, do të jetë mirë e më mirë dhe jetëgjatësia e saj do të jetë, sa të jetoj shqiptaria në Zvicër.

Përgaditi: Dashnim HEBIBI

Foto: Adi HEBIBI

E megjithatë bravo Eva…

by

“Kur noton gjatë natës dhe sheh kur lind dielli eshte shume bukur” u shpreh Eva përpara sfidës. Dhe kur dielli lindi ajo pa ne horizont token e te pareve te saj. Ishte aty shume prane vetem 10 mije mile larg. Endres se saj.

Pergatiti: Albano Kolonjari

Eva Buzo, notarja shqiptaro-australiane ndërpreu sfidën e notit, pas më shumë se 28 orësh në det të hapur dhe pa ndërprerje. Ekipi shoqërues dhe tranjeri i saj duke pare situatën shëndetësore vendosën te ndërpresin sfidën rreth 10 mile larg Karaburunit. Sipas te dhenave Eva Buzo u pickua nga një kandil deti dhe pati vështirësi në të folur për shkak të kripës se akumuluar gjate notimit. Ajo u dërgua me urgjencë në spitalin e Vlores për të marrë ndihmë mjekësore. Edhe pse Eva Buzo nuk arriti te mbyllte me sukses sfiden e saj duhet thene bravo. Eva Buzo vendosi te përshkruaj me not distancën nga Bari, Itali, për në Vlorë. Eva Buzo është gruaja e parë që ndërmerr një sfidë të tillë. Ajo është 35-vjeç, dhe jeton në Australi. Pikerisht ndersa ajo ka hypur ne varken e ndihmes se ka pare edhe pamjet e para te atdheut te saj. Dhe pse nuk arriti te finalizonte me sukses kete sfide asaj i duhet thene bravo. Eva Buzo vendosi të përshkojë me not distancën prej 91 km Otranto-Vlorë, sipas të gjitha rregullave, që përfshijnë qëndrimin larg varkës, ushqim dhe uje duke notuar si dhe mos pajisjen me kostum noti . 91 km e distances Otranto-Vlore u parashikuan te pershkroheshin nga nje sfidë që mund të zgjaste nga 35-40 orë. Eva Buzo është me origjinë nga Shqipëria dhe me profesion është juriste. Sipas biografisë së saj në Linkedin, Buzo ka shërbyer si Drejtore Ekzekutive në Victim Advocates International që nga viti 2019.Po kështu, Buzo ka punuar si avokate në Black Chambers. Eva Buzo është një avokate me eksperiencë shumëvjeçare. Duke folur për formimin e saj arsimor, Buzo shkoi në UNSW dhe fitoi diplomën e saj BA në Politikë dhe Marrëdhënie Ndërkombëtare. Ajo është një nga personalitetet më me shume përvojë që ka punuar në kompani të ndryshme. Ajo eshte avokate e të drejtave të njeriut dhe ka më shumë se pesëmbëdhjetë vjet përvojë pune me viktimat e shkeljeve të të drejtave të njeriut në vende të ndryshme, duke përfshirë Afrikën Lindore, Azinë Jugore dhe Australi. Buzo u bë e njohur mediatikisht kur u përpoq të thyente një rekord historik në not, por e ndaloi sfidën e saj për të notuar nga brigjet e Italisë në Vlorë, për shkak të problemeve shëndetësore 10 milje larg Karaburunit.

Moldavia asit kuqezinjve. Shqipëria fluturon në vendin e dytë. Polonia bie në Stadionul Zimbru

by

Asllani:” Unë jap zemrën në fushë”.

Kryetrajneri Sylvio Mendes”: Shanset janë njësoj siç ishin dhe më përpara”.

Muçi:”Trajneri na bën që të ëndërrojmë Europianin”.

Pergatiti: Albano Kolonjari

Shqipëria nuk fitonte dy ndeshje radhazi që nga tetori i vitit 2021. Pas fitores 2-0 me Moldavine në Tiranë, ndeshja në transfertë përballë modestëve të Ishujt Faroe u prit me interes të madh nga opinion sport dashës. A do të thyente Shqipëria tabunë apo do të vazhdonte të njëjtën melodi, të gabonte në momente dhe ndeshje që nuk duhen humbur. 45 minutat e para vertetuan sëmundjen e vjetër të kuqezinjëve. 1-4-3-2-1 eshte prefernca e teknikut kuqezi Sylvio Mendes ne kete takim perballe 1-4-4-2 klasik te kundershtarit tone. “Ne kishim dy-tre dyshime para ndeshjes, edhe pse brenda tre ditësh te luash dy ndeshje nuk është e lehtë. Shto këtu dhe faktin që Ishujt Faroe është një vend i largët dhe rruga eshte e lodhshme. Asllani bëri një ndeshje e mirë, por dhe Seferi gjithashtu. Kemi bërë zgjedhjet e duhura. Të gjithë jemi të rëndësishëm në këtë rrugëtim’, thote Sylvio Mendes pas ndeshjes. Një gol i shënuar nga Sokol Cikalleshin ne minute e pare te takimit dhe qe u anulua me te drejte për pozicion jashtë loje dhanë sinjalin për një fitore të lehtë të kuqezinjëve por minutat në vazhdim treguan se asambli kuqezi nuk funksionon sic duhet. Ne minute e 20 Jasir Asani jep një asist të bukur për Nedim Bajramin, i cili me një të djathtë tokazi dërgoi sferën ne rrjeten e Teitur Gestsson. Sokol Cikalleshi fitoi penallti por gaboi nga pika e bardhë minutën e 30-të të takimit. Humbja e penalltise dhe rastet e hubura njera pas tjetres lene shije te hidhur. Sulmuesit kuqezinj nuk jane altruist dhe kerkojne te shenojne per te bere heroin kur kane mundesine qe te pasojne tek shoku qe ka pozicion or zgjidhje me te lehte shenimi. Nga ana tjeter kundershtari shikon drejt portes kuqezi duke krijuar raste dhe rene kembanave te alarmit ne mbrojtjen tone. Vendasit vendosin ekuilibrat me një gol me kokë të Fareo ne minute e fundit te pjeses se pare. Ne te njejten kohe rivali yne per nje bilete ne Euro 2024 Polonia udheheq perballe Moldavise 0-2. Pjesa e dyte nis me sulm nga ana e vendasve te cilet kane marre energji nga goli i barazimit. Ne minute e 51-te Kristjan Asllanit shenon nje eurogol dhe kalon kuqezinjte ne avantazh 1-2. Kampi kuqezi merr fryme, nderkohe Moldavia shkurton rezultatin ne 1-2 perballe Polonise.Ishujt Faroe shikojne sherisht perpara drejt portes tone. Sylvinhos nuk eshte i qete. Ajo cfare ka ndryshuar ne fushen e lojes eshte fakti qe kuqezinjte jane me altruist, nuk ka me gjuajtje individuale. Frika ekziston dhe per me teper kur Moldavia barazon 2-2 me Polonine. Kundershtaret tane bejne cfare eshte e mundur per te barazuar. Pikerisht ne kete moment Muçi vuloi suksesin, e Shqipërisë ne 1-3. E ndersa kuqezinjte perqafonin njeri-tjetrin dhe pershendesnin tifozet e paket ne ishullin e larget, Moldavia i jep asit kuqezinjve duke shenuar golin e trete dhe nxjerre ko Polonine 3-2.

Kualifikimi ? “Shanset janë njësoj siç ishin dhe më përpara. E rëndësishme ishin të fitonim dy fitore radhazi. Ka ndodhur para dy viteve kur Shqipëria fitonte dy ndeshje radhazi. E kam thënë që në fillim që është një grup shumë i vështirë, shumë i ekuilibruar. Jemi të kënaqur për dy fitoret dhe jemi tërësisht në garë për kualifikimin”, u shpreh pas ndeshjes tranjeri Sylvio Mendes Campos Júnior. Sipas kryetrajnerit:” Është shumë e vështirë të luash këtu. Një pasim i gjatë mund të vendosë në vështirësi. Nuk ka nevojë për shumë zotërim topin, me një top të gjatë mund të sjellë situata të padëshiruara.

Duhet të shohim anën pozitive. Kemi fituar me rezultatin 1-3. Ndoshta ka qenë në 2021 që Shqipëria fitonte dy ose më shumë ndeshje radhazi. Djemtë kanë bërë shumë mirë. Të gjithë kohën që ishim këtu kanë bërë një punë shumë të mirë.” Goli i Asllanit apo i Muçit? Të dy ishin gola shumë të bukur. Stafi teknik punon, kemi bërë një punë të mirë, por lojtarët janë ata që bëjnë punën kryesore. Sigurisht në aspektin taktik i Asllanit ishte më i bukur, por unë nuk mund të rri pa përmendur lojtarët që kanë hyrë dhe kanë dhënë kontributin e tyre”, shprehet braziliani. Por vete Asllani cfare thote:” Unë jap zemrën në fushë. Kam gjithmonë dëshirë të luaj. Po mësoj shumë te Interit nga lojtarët që kam përpara. Kam luajtur pak, por kam mësuar shumë gjëra. Falenderoj trajnerin Silvinjo, që më dha shansin të luaja sot.Të gjithë e dinë, që unë kam qejf të gjuaj nga larg, shkoi 3 herë keq, më pas erdhi fati dhe shënova”. Jam shumë i lumtur që shënova. Ishin 3 pikë shumë të rëndësishëm për ne. Mes Polonisë dhe Shqipërisë është lufta, shpresoj që t’i mundim në shtator. Ndihem shumë mirë , trajneri na bën që të ëndërrojmë akoma më shumë për tu futur në Europian. Sa herë që do të futem, do të jap më të mirën për të ndihmuar kombëtaren”, u shpreh Muçi

Çekia 7 pike

Shqiperia 6

Moldavia 5

Polonia 3

Ishujt Faroe 1

Ishujt Faroe-Shqiperi 1-3

Moldavi-Poloni 3-2

Çekia pushim.

7 shator 2023

Çekia-Shqiperi

Poloni- Ishujt Faroe

Moldavia pushim.

10 shtator 2023

Shqiperi-Poloni

Ishujt Faroe-Moldavi

Çekia pushim.

Euro 2024” / Ditën e martë luajmë për herë të parë me Ishujt Faroe

by

Kuqezinjtë : Thjeshtë një natë perfekte

Jasir Asani:” Goli im i parë? Jam më i lumturi në botë që po luaj me Shqipërinë, ishte endra ime e femijerise”.

Nedim Bajrami:” Jam shumë i lumtur që shënova golin e pare. Ky gol ishte për të gjithë tifozët kuqezinj “

Silvinjo:” Mendoj që kemi bërë një ndeshje shumë të mirë. Të gjithë lojtarët kanë dhënë maksimumin. Këtë u kishim kërkuar, të hynin në fushë dhe të luanin me 100 kilometra në orë, dhe e bënë këtë”.

Nga i dërguari ynë special: Albano Kolonjari

Shqipëria fitoi ndeshjen e parë në kualifikueset e “Euro 2024”. Kuqezinjtë triumfuan 2-0 ndaj skuadrës së Moldavisë në “Air Albania. Ishte një mbrëmje prefekte, mbrëmja e të gjitheve. Jasir Asani dhe Nedim Bajrami realizuan golat e pare kuqezinj në karrieren e tyre. Braziliani Silvinjo arriti fitoren e pare ne krye te kuqezinjeve. Shqiperia morri 3 pikët e para në kualifikueset e “Euro 2024”. Ndersa ne fundin e takimit rreth 20 mije te pranishmit shperthyen ne festen kuqezi. Jasir Asani do ta zhbllokonte ndeshjen në minutën e 52-të me një goditje të fortë nga distanca duke realizuar një super gol që u vendos në faqen e UEFA-s për votim si goli më i bukur i mbremjes. “Jam me i lumturi ne bote qe po luaj me Shqiperine, ishte endra ime e femijerise dhe kete ndeshje nuk do ta harroj kurre”, u shpreh Jasir Asani. “Është hera e dytë që po vij me Kombëtaren, gjithë çunat kanë dhënë maksimumin, jam i lumtur për golin. Duhet të punojmë që të arrijmë objektivin. Duhet të fokusohemi për ndeshjen e radhës. Ky është goli më i rëndësishëm në karrierën time, do e mbaj mend gjithmonë, është një gol i veçante për mua.

Dyert e stadiumit Air Albania u happen ne ora 6:00 PM. Te paret qe mberiten ishin tifozet kurreshtare kuqezinj, ndersa miku me i paftuar ne kete takim ishte nje shi i imet. E ndersa tifozet benin fotografite e zakoneshme, tekniku brazilian i kuqezinjeve Silvinjo ka zhgjedhur edhe 11-te te besuarit e tij. Strakosha, Mitaj, Ismajli, Gjimshiti, Hysaj, Bare, Ramadani, Bajrami, Asani, Uzuni, Cikalleshi. “Është situatë e vështirë se as Berisha as Strakosha nuk luajnë me klubet. Kur erdhën këtu ishin në situatë të barabarta, Berisha ishte ajo që na bindi më shumë gjatë përgatitjeve’, tha tekniku Silvinjo pas ndeshjes duke shpjeguar zhgjedhjen e tij per porten kuqezi. Mendoj që kemi bërë një ndeshje shumë të mirë. Të gjithë lojtarët kanë dhënë maksimumin. Këtë iu kishim kërkuar, të hynin në fushë dhe të luanin me 100 kilometra në orë, dhe e bënë këtë. Ata kanë dhënë maksimumin, bënë gjithçka që i kisha kërkuar unë, bënë një ndeshje shumë të mire, tha Silvinjo i cili e rreshtoi skuadren ne nje skeme te re. 1-4-1-4-1. Ndryshe nga parardhesi I tij Reja qe luante me tre ne mbrojtje. “Ky sistem ka sjellë entuziazëm, kjo është e rëndësishme. Nuk preferoj ndonjë zgjedhje për sa i përket partnerit në mbrojtje. Ishte më e përballueshme me Edi Rejën, por edhe me 4 mbrojtje nuk kam probleme ”, u shpreh Gjimishti. Në mesfushë është Bare, Ramadani dhe Bajrami ndërsa tredhëmbëshi i sulmit me Asanin, Cikalleshin dhe Uzunin. Moldova u rreshtua ne 1-5-3-2. “Moldavia luante me forca të shumta mbrapa, ishte shumë e vështirë për t’i çarë, me durim ia dolëm mbanë dhe ia arritëm qëllimit’, tha Silvinjo. 45-te minutat e para te takimit u mbyllen ne brazim 0-0. Moldavia tregoi se dy piket e para ate siguruara ne grupin tone i ka merituar plotesisht.Ekipi i drejtuar nga braziliani Silvinjo bëri gjithçka mirë në pjesen e dyte. Goli i pare do te vinte pas një gjuajtje spektakolare të Asanit, duke i dhënë qetësinë që i duhej skuadrës . Pak minuta me vone nje gjuajtje e shkëlqyer e Bajramit, do te dyfishonte shifrat dhe do te vuloste fatin e kësaj ndeshje, për t’u dhënë kuqezinjve tre pikë të rëndësishme për të vazhduar ndjekjen e dyshes së kreut Ceki-Poloni duke patur si synim kualifikimin që të çon në Euro 2024.” Jam shumë i lumtur që shënova golin e parë dhe e ndihmova skuadrën, por rëndësi kanë 3 pikët. I ndërruam rolet në fushë, kalova sulmues, gjeta hapësira dhe në fund doli mirë dhe në fund morëm 3 pikë. Ky gol ishte për të gjithë tifozët kuqezinj.” Ky gol do të mbahet mend gjatë nga mesfushori, pasi ishte i pari me fanellën kuqezi, per Bajramin.

“Ndeshja tjetër është shumë shpejt, duhet të shikojmë me kujdes gjendjen e lojtarëve. Shumë shpejt do të analizojmë gjendjen e lojtarëve, për të krijuar një ide të qartë për Ishujt Faroe”, u shpreh Silvinjo. Shqipëria i gëzohet kështu fitores së parë por nuk ka kohë për festë, pasi tri ditë më pas na pret . transferta me Ishujt Faroe, një tjetër ndeshje ku marrja e tre pikëve është detyrim, për të ëndërruar Europianin e 2024. Këta të fundit nuk janë përballur asnjëherë më kombëtaren kuqezi sa i përket përballjeve me Kombëtaren A. Ekipi kombëtar i futbollit i Ishujve Faroe merr pjesë në garat europiane që pas anëtarësimit në UEFA në 1990 dhe përfaqëson vendin e katërt më të vogël të UEFA-s për nga popullsia.

Ishujt Faroe- Çekia 0-3

Shqiperia-Moldavia 2-0

Te Marten 06i20/2023

Ishujt Faroe-Shqiperia

Moldova-Polonia

Polonia Pushim

Çekia 7

Polonia 3

Shqiperia 3

Moldavia 2

Ishujt Faroe 0

Shqipëria:”Ndaj Moldavisë vlen vetëm fitorja”

by

Moldavia:”Edhe kundërshtari kërkon të marrë pikë”

Nga i dërguari ynë Albano Kolonjari

Tirana është përfshirë nga temperaturat e larta, që arrijnë në 26-28 Celsius. Ndeshja që fillon shtunen në ora 20:45, do të luhet në stadiumin Air Albania, në një temperaturë 20 Celsius. Është përcaktuar edhe ekipi i gjyqtarëve të cilët do të gjykojnë sfidën. Kryesor Dennis Higler NED., ndihmes Joost van Zuilen NED, Roy De Nas NED dhe gjyqtar i katert Ingmar Oostrom NED nga hollanda. Kryesori Dennis dy vite më parë, ka gjykuar ndeshjen e Ligës së Konferencës mes Bazelit dhe Partizanit, ku të kuqtë mundeshin në Zvicër me rezultatin 3-0. Trajneri Brazilian Silvinjo zgjodhi “Elbasan Arenën” për të bërë edhe një test tjeter brenda grupit. Trajneri Silvinjo kishte marre ne kete stervitje edhe kater lojtare nga U21. Bëhet fjalë për Arda Kurtulan, Medon Berisha, Adi Dajko dhe Elmando Gjini.Ne konferencë për shtypin sportiv dolen Kristjan Asllani, dhe Ylber Ramadani . “Nuk është ndeshje e lehtë për ne. Duhet t’i marrim me seriozitet këto ndeshje dhe të japim 100% për të fituar dhe shpresojmë të marrim rezultat pozitiv” thote Ylber Ramadani. Moldavia mbrohet shumë. Ne duhet ta luajmë topin sa më shpejt që të gjejmë hapësira dhe të shënojmë gol. Është ekip që luan shumë në mbrojtje dhe ne duhet të bëjmë atë që na kërkon trajneri. Duhet të bëjmë atë që thotë ai. Të luajmë topin sa më shpejt dhe t’i sulmojmë më lehtë. Besoj që do të arrijmë ta bëjmë këtë gjë. Në këtë ndeshje duhet të shënojmë gol dhe të marrim tre pikët” theksoi Ramadani. Me interes u prit edhe lojtari kuqezi i Interit Kristjan Asllani;”Kam qenë brenda një grupi që donte t’I fitonte të gjitha ndeshjet. Kemi fituar dy kupa. Vij këtu dhe dua të jetë një grup që do të fitojë çdo ndeshje, të mendojmë ndeshje për ndeshje dhe të arrijmë te ëndrra jonë, që është Europian. Kam marrë pak minuta, por të shohësh lojtarët që luajnë para meje, është një endërr vetëm të luash me ta. Kam mësuar shumë dhe kam ardhur këtu me objektivin të marrim tre pikët me Moldavinë. Pastaj shohim ndeshjen tjetër”. Merkato për futbollistët e kombëtares shqiptare duket se është hapur me portierin Etrit Berisha. Gardiani i kombëtares kaloi një sezon të keq me Torinon ku nuk ka luajtur asnjë minutë. Berisha qe kërkon një fanelë titullari ka pranuar të zbresë në Serie B por skuadra nuk behet e ditur. Moldavia pretendoi ne tre ndeshjet e fundit. Ata e nisën duke humbur 0-5 nga Rumania, përpara se të barazonin 1-1 me Ishujt Faroe. Ata siguruan një pikë në përballjen e tyre të fundit, një barazim 0-0 kundër Republikës Çeke. “Jam krenar që luaj për Moldavinë. Kemi dy ndeshje të rëndësishme përpara, ndaj Shqipërisë dhe Polonisë. Ne duam të vazhdojmë ndeshjet kualifikuese në Tiranë me një tjetër rezultat pozitiv, tha sulmuesi, i Moldavise Vitali Damashkan. Duke shfaqur një formë jokonsistente, Shqipëria humbi dy nga tre ndeshjet e fundit, duke mposhtur 1-3 kundër Italisë, përpara se të mundte Armeninë 2-0. Gëzimi ishte jetëshkurtër, pasi Polonia u tregua shumë e fortë në humbjen 1-0. Në 14 nga 16 ndeshjet e fundit të Shqipërisë, shuma e golave ​​ishte nën 3.5

Shqipëria nuk ka fituar 13 nga 15 ndeshjet e fundit

Në 10 nga 12 ndeshjet e fundit të Shqipërisë në shtëpi, shuma e golave ​​ishte nën 3.5

Në 7 nga 9 ndeshjet e fundit të Shqipërisë në shtëpi, shuma e golave ​​ishte nën 2.5

Në 5 nga 6 ndeshjet e fundit të Shqipërisë shuma e golave ​​ishte nën 2.5

Moldavia nuk ka fituar 19 nga 21 ndeshjet e fundit jashtë fushe

Moldavia ka pranuar në 19 nga 21 ndeshjet e fundit jashtë fushe

Në 8 nga 10 ndeshjet e fundit të Moldavisë, shuma e golave ​​ishte nën 3.5

Në 5 nga 7 ndeshjet e fundit që Moldavia luajti jashtë, të dyja skuadrat shënuan

Në 7 nga 9 ndeshjet e fundit jashtë Moldavisë, shuma e golave ​​ishte nën 3.5. Historia e i rezultateve të ndeshjeve

29 Mars 1995 Shqipëri – Moldavi W 3-0 Kampionati Evropian UEFA

07 qershor 1995 Moldavia – Shqipëria W 2-3 Kampionati Evropian UEFA

15 gusht 2012 Shqipëri – Moldavi D 0-0 Miqësore Ndërkombëtare

11 qershor 2019 Shqipëri – Moldavi W 2-0 Kampionatin Evropian UEFA

14 tetor 2019 Moldavia – Shqipëria W 0-4 Kampionati Evropian UEFA