Përgatiti: Albano Kolonjari/
U hodh sot Frankfurt të Gjermanisë eliminatoret e Kampionatit Europian 2024. Kuqezinjtë janë në grup me Poloninë, Republikën e Çekisë, Ishujt Faroe dhe Moldavinë. Duke parë edhe kualitetet e lojtarëve duket se rivali kryesor për kuqezinjtë në këto eliminatore do të jetë Çekia. Tekniku në detyrë Edi Reja theksoi direkt nga Frankfurti në një lidhje direkt për “SuperSport” se:”Polonia dhe Çekia janë skuadra që i njohim dhe janë të vështira. Është një grup që do ta luajmë me të gjitha, mjafton të jemi mirë dhe mos të kemi dëmtime. Polonia është shumë e veshtirë, por Çekia mendoj që do të jetë kundërshtari ynë. Jemi të kënaqur disi sepse kemi evituar Anglinë, Italinë.”. Ende nuk dihet se kush do të drejtojë Shqipërinë në këto eliminatore pasi kontrata e Rejas skadon në muajin Nentor 2022 pas miqësores me Italinë. Presidenti Duka theksoi se në momentin e duhur do të ulet me trajnerin Reja për të diskutuar vazhdimësinë: “Këtu sot jemi për shortin dhe më pas do të diskutojmë për vazhdimin, siç e kemi bërë gjithnjë me trajnerin. Do të bisedojmë për më të mirën e Shqipërisë. “Nuk mund të mendosh nga shorti që je kualifikuar, por duhet të shohësh fushën. Kur kemi marrë shortin për Euro 2016, menduam se ishte i pakalueshëm, por ia dolëm. Tani nëse mendojmë se është një grup i lehtë atëherë do të bëjmë më keq se më parë. Janë skuadra të forta, Polonia është pjesëmarrëse në Botëror, edhe Moldavia e Ishujt Faroe janë në rritje, – tha Duka.
Përfaqësuesja e Kosovës mësoi edhe ajo emrat e kundërshtarëve për kualifikimet e Kampionatit Evropian “Euro 2024”. Dardanët janë në Grupin I. Përballë tyre do të jenë Zvicra, Izraeli, Rumania, Bjellorusia dhe Andorra. Interesant është fakti që skuadra zviceriane ka në gjirin e saj shumë lojtarë kosovarë të cilët kanë zgjedhur të luajnë për Zvicërën dhe do të jenë të detyruar të luajnë përballë vendëlindjes së tyre ose origjinës. Presidenti i FFK-së (Federata e Futbollit të Kosovës), në një lidhje direkte me SuperSport. “Zvicra? Ka shqiptarë në ekip, por edhe shqiptarë që jetojnë atje. Do të ketë spektakël, besoj se dëshira do të jetë më e madhe për fitore për të gëzuar edhe tifozët që do na mbështetin. Besoj shumë tek ekipi dhe djemtë. Kemi një grup shumë të mirë, djemtë janë në formë. Nuk ka asnjë short dhe grup të lehtë, por besoj shumë tek ekipi. Short korrekt dhe grup korrekt, patjetër që pres kualifikimin. Dua të dalim në vendin e parë në këtë grup. Besoj shumë që do të kemi sukses, pasi kemi atmosferë të mirë dhe dëshirë të madhe për të kualifikuar Kosovën në Euro 2024. Jam shumë i kënaqur me shortin. Kam besim te lojtarët dhe trajneri.