Përgatiti:Albano Kolonjari/
“Granada” 3.5 milion eurosh e Myrto Uzunit. Mallorca “teston” Vedat Muriqin.
Sulmuesi kuqezi Myrto Uzuni do të luajë në La Liga për skuadrën e Granada-s. Lajmin e bëjnë të ditur gazetat sportive spanjolle. Sipas tyre:” Granada ka firmosur me Uzunin. Rojiblancos do të paguajnë 3.5 milionë për këtë sulmues të dytë dhe ka nënshkruar për katër sezone. Si zakonisht, Granada di të godasë në ditën përfundimit të merkatos së dimrit. Këtë fundjavë ata sollën shqiptarin Myrto Uzuni në Granadanjë, një futbollist që luan në futbollin hungarez me Ferencvaros. 26 vjecari shqiptar luan edhe si anësor edhe si sulmues i dytë. Garanada do ta zyrtarizojë blerjen e saj këtë të hënë. Asgjë nuk ishte publikuar derisa një gazetar sportiv pa sulmuesin kuqezi pranë zyrave të klubit Granada”. Sipas gazetave spanjolle:”Në moshën 26-vjeçare, Uzuni është zgjedhje e parë në radhët e kombëtares kuqezi. Në këtë sezon ka shënuar 23 gola, 7 gola në kampionat, 8 në Kupë në 2 ndeshje, 4 në Ligën e Kampioneve dhe 2 në Ligën e Europës”. Transferimit e Uzunit ne La liga i kanë bërë jehonë dhe gazetat hungareze. “Nuk do të ishte befasi. Uzuni u paraqit mjaft mirë te jeshilët kur shënoi 36 gola në 67 ndeshje dhe patjeter që kjo do të binte në sy të skuadrave dhe ligave më të forta. ” Po sipas hungarezeve:”Lojtari i transferuar konsiderohej si një nga lojtarët më të mirë të ekipit të tij dhe sipas Transfermarkt, vlera e tij në treg ka arritur së fundmi tre milionë e gjysmë euro, por ka mundësi që ekipi i kampionatit hungarez të mund të fitonte shumë më tepër se kaq”. Në këtë transferim i fituar ka dalë klubi i Ferencvarosh, i cili bleu Uzunin në merkaton verore të vitit 2020 nga Likomotiva e Zagrebit për 1.8 milion euro dhe e shiti në janarin e 2021 për 3.5 milion euro.
LAZIO “gjen shtëpi” për Vedat Murriqin. Sulmuesi kosovar do të luajë për Mallorcan.
Sulmuesi i Lazios, Vedat Muriqi ka mbërritur në Spanjë për të përfunduar transferimin e tij te Real Mallorca, në formë huazimi me opsion blerjeje për një total prej 13 milionë euro. Ai pritet të luajë me huazim për gjashtë muaj me një kosto prej 1 milion €, dhe me një opsion për të blerë për 12 milion € të tjera në fund të periudhës së huazimit. Tek Real Mallorca, Muriqi do të marrë pagën e plotë për gjatë qëndrimit të tij në kete klub. Ai raportohet se tashmë është në Spanjë për testet mjekësore dhe për të nënshkruar kontratën përpara prezantimit zyrtar të nesërm në media. 27-vjeçari kosovar u transferua nga Fenerbahce në shtator të vitit 2020 për 20 milionë euro, por është e sigurt të thuhet se ai nuk pati shkëlqim në Stadio Olimpico. Muriqi shënoi vetëm dy gola në 49 paraqitje konkurruese me fanellën e Lazios dhe kuriozisht që të dy ishin kundër Atalantës gjatë sezonit 2020-21 në Serie A dhe çerekfinalen e Coppa Italia. “Jam shumë i lumtur që jam këtu dhe se mezi pres të takojë shokët e rinj dhe trajnerin”, shkruan Muriqi në Twitter. Sulmuesi i Lazios, Vedat Muriqi, e ka refuzoi ofertat e ardhura nga klubi francez Saint-Etienne por edhe klubin CSKA e Moskës