Nga Ilda Prifti/MADRID- Rreth 400 vjet pas vdekjes, nis një projekt për kërkimin e eshtrave të Migel de Servantes Savedra (1547-1616), autori i ”Don Kishotit të Mançës”, që në jetën e tij aventureske kaloi edhe pesë vite në Itali, më saktë në Dukatin e Acquaviva të Atrit dhe në Napoli.Në këtë mision shkencor, që ka pasur një kohëzgjatje përgatitore prej rreth katër vitesh, pjesëmarrës janë Bashkia e Madridit dhe Akademia Mbretërore Spanjolle.
Synimi i misionit është gjetja e varrit me rastin e 400-vjetorit të vdekjes së babait të gjuhës spanjolle, më 23 prill, ditë që UNESCO-ja ia ka dedikuar librit dhe të drejtës së autorit.
Kërkimet do të përqëndrohen në manastirin Trinitari Scalzi, vend në të cilin Servantes kishte thënë se donte të varrosej.
Gjatë shekujve të kaluar u humbën gjurmët e varrit, ndoshta i murosur gjatë ristrukturimit ose i zhvendosur diku tjetër.
”Nuk përjashtohet as fakti që eshtrat e tij të jenë së bashku me ato të disa personave të tjerë dhe, përmes tenknologjive inovative, të jetë i mundur identifikimi”, theksuan promotorët e projektit.
”Kjo do të jetë e mundur të realizohet për shkak të një të dhëne shumë specifike. Servantesi humbi funksionet e dorës së majtë si pasojë e disa plagëve të marra”, theksuan po të njëjtat burime