Adriatik Spahiu – Dielli

Shqiptarët në Jacksonville Florida festuan 110 vjetorin e Pavarësisë, Ditën e Flamurit dhe 10 vjetorin e Degës së Vatrës

November 23, 2022 by s p

Nga Lek Gjoka/

Sigurisht që muaji Nëntor është muaji i shenjtë për shqiptaret kudo në botë. Një frymë ngrohtësie me e madhe ndjehet tek shqiptaret në mergim sepse mungesa fizikë e Memedheut është e përhershme. Të Shtunën me 19 Nëntor 2022 në një nga sallat e hotelit Ramada në Baymeadows Road I-95 Dega e Vatrës në Jacksonville Florida organizoi ceremoninë e festimit të 110 vjetorit të Pavarësisë së Shqipërisë, Ditën e Flamurit dhe 10 vjetorin e themelimit të Deges se Shoqates Pan Shqiptare Vatra. Salla ishte mbushur plot e përplot. Kryetari i Deges se Vatrës z.Adriatik Spahiu mori fjalën i ftoi të gjithë në këmbë dhe nën himnin e Flamurit Amerikan filloi sipari i hapjen. Pas tij salla gumezhiu nën Himin e Flamurit shqiptar. Gjithashtu z.Spahiu foli shkurtimisht për punën 10 vjeçare të deges se Vatrës ketu në Jacksonville. Falënderoj të gjithë ato që kontribuan si në forcimin e deges, në hapjen e shkollës shqipë, të deges së grave etj. Gjithashtu ai ftoi të gjithë të pranishmit të ngrihen në këmbë dhe të mbajnë një minutë heshtje në nder të të gjithë atyre shqiptareve anëtare dhe jo antarë të deges që kontribuan në rritjen e kësaj foshnjë tashmë dhjetëvjeçarë që fatkeqësisht pushojnë në Paqen e perjetshme. Salla u ngrit në këmbë dhe mbajti një minutë heshtje. Z.Adriatik Spahiu falendoj të gjithë të pranishmit dhe në mënyrë të veçantë është një nder për komunitetin e shqiptareve të Jacksonville Florida pjesëmarrja e ambasadores së Republikës së Shqipërisë në Shtetet e Bashkuara të Amerikës Zonja Floreta Faber, gjithashtu falënderoi grupin e valleve “Shqiponja” mundësuar nga z. Doktor Ardian Kraja i cili ka dhënë një kontribut të çmuar për komunitetin shqiptar në Clearwater si dhe ka një bashkëpunim të ngushtë me degen e Vatrës atje. Gjithashtu z.Spahiu falënderoj poetin e shkrimtarin shqiptaro-amerikan z . Lek Gjoka për pasqyrimin plot vërtetësi në Gazetën Dielli të aktiviteteve të Vatrës. Gjithashtu Z. Spahiu falenderoi pronaret restorantit D&G DELLI & GRILL për ushqimet plot pikante me shijë shqiptare që kishtë gatuar sontë për të pranishmit.

Në falënderim të veçantë ishte edhe për sponsorit e Degës së Vatrës në shume evenimentë qe nga themelimi që janë Vicens Jubani Andi Opari Ilia Mato , Sander Martini etj.

Nga Fort Lauderdale kishtë ardhur edhe z.Kolec Ndoja kryetari i deges atje dhe kryetar i Këshillit të Vatrës në New York i cili mori një falënderim të veçantë nga zoti Spahiu si sponsor i një qeku prej 1000$ për degen e Vatrës në Jacksonville për mbulimin e shpenzimeve të festimit të 110 vjetorit të Pavarësisë. Me pas zoti Spahiu ia dha fjalën ambasadorës së Republikës së Shqipërisë në Shtetet e Bashkuara të Amerikës Zonjës Floreta Faber. Pas ambasadorës së Republikës së Shqipërisë në Shtetet e Bashkuara të Amerikës Zonja Floreta Faber fjalën e mori Shefit të Kabinetit të Vatrës zoti Dr. Pashko R. Camaj, Dr. Camaj falendoj zotin Spahiu për ftesën dhe foli për frymën e bashkimit që Vatra ka për gjithë Diasporën shqiptare të Amerikës pa dallime fetare, politike e kulturore. Ai falënderoj degen e Vatrës në Jacksonville Florida dege që punoi tash sa vitë pa zhurmë pa rrahje gjoksi.Vatra në Jacksonville tha ai nder të tjerave nuk është si ajo pula që polli një veze dhe i gjithë fshati e merr vesh por si peshku që ben miliona veze në heshtje. Nder të tjera ajo tha se ngelur shumë e suprizuar nga vizita e komunitetit shqiptar në Jacksonville Florida. Dikur kisha vetem një kontakt në Jacksonville me kryetarin aktual të Vatrës z.Spahiu i cili gjithmonë me ka ftuar për të vizituar komunitetin shqiptar në Jacksonville Florida. Madje me thoshtë ke takur pothuajse të gjithë diasporën shqiptare të Amerikës perveç Jacksonvilles. Me të vërtete paska pasur shumë të drejte sepse sot u njoha me mjaft shqiptare të komunitetit të konsoliduar gjithnjë në rritje të cilët jo vetem që i bëri miq por me ftuan dhe besoj që do të rikthehem perseri me plot kenaqesi ketu jo vetem si perfaqesuese e shtetit shqiptar në Amerikë por edhe si një bijë e Shqipërisë.

Pas zonjës Ambasadorë Zonja Floreta Faber zoti Spahiu ftoi grupin e valleve “Shqiponja ” që nën ritmin e valleve shqiptare të bëjnë hapjen e kësaj feste madhështore të 110 vjetorit të Pavarësisë, Ditës së Flamurit dhe 10 vjetorit të themelimit të Deges së parë të Vatrës në Florida ketu në Jacksonville. Salla u ndez flakë dukë u rikthyer si një copez Shqipëri. Pas grupit të valleve “Shqiponja ” salla u elektrizue me zërin dhe këngët plot atdhedashuri nga këngëtarja e njohur shqiptare Arberie Hardegjonaj. Askush nuk e kuptontë se sa shpejtë fluturonin minutat.

Në një pushim të shkurtër Dr. Pashko R. Camaj, Shef i Kabinetit të Federatës Pan Shqiptare “Vatra” në emer të shoqates shpërndau falënderimet për disa nga shqiptarët e Jacksonvilles për kontributin e çmuar në sherbim të Vatrës dhe kombit shqiptar të cilet janë Ariatik Spahiu, Ali Lushnja, Vicens Jubani, Gjergji Lacuku, Shpresa Gallaj, Lavdie Mato, Hasan Hakrama , Sander Martini, Boroba TV si dhe pas vdekjes zoterinjte Bukurosh Cure dhe Mark Dukaj. Gjithashtu edhe z.Kolec Ndoja dhe doktor Ardian Kraja e morën fjalën dhe përshendeten komunitetin shqiptar për festen e Pavarësisë , Ditën e Flamurit dhe degën e Vatrës në Jacksonville për për 10 vjetorin e themelimit. Erdhi mesnata dhe askush nuk e kuptoi se sa shpejt po kalojnë orët nën zërin brilant jo vetem të këngëtares Hardegjonaj por edhe këngëtarit të komunitetit shqiptar në Jacksonville Florida zoti Franc Palaj me mbështetjen e palodhur të muzikantit të talentuar Hermes. Kishte kaluar mesnata dhe 20 Nëntori kishtë trokitur por askush nuk dontë të largohej nga kjo atmosferë shqiptare e cila dukej sikur do të vazhdojë në pafundësi…

Jacksonville Florida

20 Nëntor 2022

NDËRROI JETË KOLONEL BESIM HASANAJ, DR. I SHKENCAVE EKONOMIKE…

May 27, 2020 by dgreca

-BASHKËTHEMELUS I VATRËS NË JACKSONVILL, FLORIDA/

Varrimi do të organizohet me 2 Qershor 2020, në orën 12 P.M. në Arlington Park Cemetery- në adresën: 6920 Lone Star Rd, Jacksonville, FL 32211.

Besim Hasanaj ne vitin 1997 u specializua ne Shtetet e Bashkuara te Amerikes.

NGA ADRIATIK SPAHIU/Nënkryetar i VATRËS

Besimi me vatranet e değen Jacksonville.

Me 26 Maj 2020 ndërroi jetë pas një sëmundje të rëndë vatrani Besim Hasanaj, një ndër inisiatorët e krijimit të degës së Vatrës në Jacksonville, bashkthemelues i saj me 18 Nëntor 2012; ish delegat i degës në Kuvendin e Federatës Pan-Shqiptare të Amerikës ”VATRA” të vitit 2013, mbajtur në Regency Hotel, Yonkers, Neë York. Besimi ishte pjesë aktive e Vatrës në Jacksonville në të gjitha aktivitetet e organizuara. Ai ishte një qytetar shembullor, që gëzonte respektin e komunitetit shqiptar dhe atij amerikan.

Besim Hasanj u lind në Gjirokastër me 28 Qershor 1949. Kreu shkollën e mesme ushtarake “Skënderbej” me rezultate shumë të mira në vitin 1967. Po në atë vit nisi studimet në Fakultetin Ekonomik të Universitetit Shtetëror të Tiranës, të cilin e përfundoi më 1971 me rezultate shumë të mira.

Kualifikimet e mëtejshme i ka vazhduar me dhënien e provimeve Pas unversitare në Universitetin Shtetëror në vitet në vitet 1978-1983.

Në vitin 1985 ai fitoi gradën shkencore – Doktor i Shkencave Ekonomike. Punoi si ekspert i financave në Njësinë Ushatarke të Fierit, më pas ekspert dhe në Ministrinë e Mbrojtjes për Financat(Plan), më pas në Uzinën e Mjeksit në Elbasan, ku emërua edhe nën/drejtor i saj.

Ai vazhdoi punën edhe pas ndryshimit të sistemit, duke qenë një ekspert i vlerësuar. Në vitet 1993- 1995 Besimi kreu detyrën e Inspektorit në Kabinetin e Ministrit të Mbrojtjes Safet Zhulali, ndërsa në vitet 1995-1998 drejtoi Degën e Kontrollit Financiar në Ministrinë e Mbrojtjes.Gjatë kësaj periudhe ai u përzgjodh për specializim në Shtetet e Bashkuara të Amerikës(e kreu më 1997). Qeveria Socialiste që erdhi në pushtet pas ngjarjeve të ’97, nuk i dha vend pune edhe pse ai krahas gradës shkencore mbante dhe një specializim njëvjecar për njohjen e artit ushtarak amerikan. Në vitin 2003 emigroi në SHBA.

Besim Hasanaj me Kryetarin e deges Adriatik Spahiu dhe Editorine D iellit, Dalip Greca, ne Kuvendin e Vatres te vitit 2013.

U vendos në Jacksonville. Për 16 vite punoi si shofer autobuzi në Shkollat publike në Duval County. Gëzonte respektin e fëmijëve të shkollave, dhe të kolegëve të punës të cilët e thërrisnin me numrin e autobuzit të tij- 465- First Student”. U vlerësua me mirënjohje të vecantë ”Granpa Driver”.

Besim Hasanaj la pas bashkëshorten Natasha, dy djem, pesë nipër e mbesa.

Varrimi do të organizohet me 2 Qershor 2020, në orën 12 P.M. në Arlington Park Cemetery- në adresën: 6920 Lone Star Rd, Jacksonville, FL 32211.

Për kontributin e dhënë në degën e Vatrës në Jacksonville, nënkryetari i Vatrës z. Adriatik Spahiu, në ceremoninë e varrimit do t’i dorëzojë Familjes “Mirënjohjen e Vatrës-“ pas vdekjes.

Në emër të degës së Vatrës në Jacksonville, i shprehim bashkëshortes Natasha, djemëve, niëpër e mbesave, të afërmve dhe miqëve, ngushëllimet më të thella.

Kryetari i Federatës Pan Shqiptare të Amerikës z. Elmi Berisha, në emër të Kryesisë së Federatës dhe të gjithë vatarnëve i përcjell ngushëllimet më të thella familjes Hasanaj dhe miqëve.

I pushoftë shpirti në Paqë vatranit Besim Hasanaj!

Shqiptari Bektashian Feston Pashket

April 19, 2018 by dgreca

Z.Adriatik Spahiu, Bektashiani ,qe merr pjese ne Meshen e Shejte Katolike dhe me pas kremton ne shtepi Festen e Pashkve Ortodokse.Mesazhi i tij shembull per bashkejetesen nderfetare te Shqiptareve/

Nga Gjergj Lacuku/

Shqiptaret tashme njihen botnisht per bashkejetesen e tyne fetare. Jo me kot , Papa Françesku, ne viziten e tij te pare zyrtare, zgjodhi Shqipnine si vendin perfekt per te i tregue botes se trazueme prej konflikteve nderfetare dhe intrafetare se Shqipnija dhe populli Shqiptar jane deshmija ma e mire, ma e gjalle dhe ma e vertete e paqes, mirekuptimit dhe vllaznise nderfetare. “ Shqiponjat fluturojne nalt por ato kurre se harrojne folene e vet”-u shpreh Papa. Me kete thanje, Papa donte te perçonte mesazhin biblik se pavaresisht menyrave te besimit, ka vetem nje Zot , e na si bijt e tij kena nje folé qe asht vete Zoti dhe rrespekti per jeten, pra jeta asht gjaja ma sublime dhe askush nuk ka te drejte qe te ja mohoje jeten atij tjetrit sepse ai tjetri beson ne nje menyre tjeter .Kjo bashkejetese fetare asht ruejt e trashigue mbi parimet e Jezusit i cili edhe atehere kur po e gozhdonin ne Kryq, ai i drejtohet Zotit me kto fjale:” Fali At se s’dijne çka bajne.” Katolicizmi ne viset Shqiptare ishte nje besim Apostolik, qe don ne than se u perhap prej vete apostullit apo nxanesit te Jezusit, pra prej Shen Palit, i cili nepermjet rrugeve qe kishte ndertue Perandoria Anti-Kristiane Romake,ai do predikonte Ungjillin edhe ne popullsine Shqiptare te asaj kohe e sidomos ne qendrat e banume perkrah rruges se njoftun “Egnatia.” Keshtu thuhet se vitin 41 pas Krishtit ne Durres kishte rreth 60 familje Kristiane. Shume shpejt pra Kristianizmi do perhapej ne Ulpjane( Kosovë) , ne Alpet e Shqipnise se

Veriut dhe ne krejt viset ILire te asaj kohe.Pas nje periudhe prej 1500 vjetve , ne trojet Shqiptare si rrjedhoje e pushtimit Osman,do te vinte e dhe besimi musliman. Te nje pjese e Shqiptarve besimi musliman ishte siperfaqesor pasi ishte nje akt politik dhe ekonomik per ti mbijetue kushteve te pushtimin otoman . Sundimi gati 500 vjeçar sikurse e bani punen e vet saqe konvertimi ne fen islame u ba menyre mbijetese per nje pjese te popullsise ndersa pjesa tjeter arriti ta ruaje besimin Kristian ne baze te disa marreveshjve dhe kushteve qe fuqite e Medha te Kohes si Franca dhe Austro-Hungaria i kerkuan Portes se Nalte, ketu kushte quheshein “kapitulacione” e ne baze te tyne sigurohej mbrojtja e kultit, ne kete rast pra e besimtarve Katolike Shqiptarê. Mirepo, prap Shqiptaret e besimit Islam do mbeteshin Shqiptar dhe gjate peradorise osmane, elita e besimit islam e kuptonte ma se miri se e vetmja menyre per te ruajt identittetin e tyne ishte Qytetnimi Perendimor e jo me kot edhe njani prej Rilindaseve te medhaj, Naim Frashni, do jepte mesazhin ndriçues per Shqiptaret tue citue se “per Shqiptaret dielli lind ne Perendim”. Me vone korifejt e medhenj te Kombit si Fishta e Konica do jepnin shembujt ma te mire per ndergjegjesimin e ndjenjes Kombetare. Fishta do shprehej ne Konferencen e Paqes ne Paris se Shqiptaret jane vllazen pavaresisht besimeve qe kan. Ndersa Konica edhe pse djal i nje familje te madhe bejleresh u konvertue ne Fen e t’parve ,pra ne Fén Katolike per ti tregue Fuqive te medha se Shqiptaret jane dhe kan identitet Europian e nuk jan turq siç mundohej ti paraqiste shpesh here Serbia dhe kelyshet e saj.

Bashkejetesa dhe rrespekti nderfetar asht ruejt dhe vazhdon te ruhet edhe ne Diaspore.

.
Historine e mira jane nje kenaqesi e veçante kur ato perseriten dhe kur ne mesazhin e tyne percjellin paqe, dashni, e mirekuptim. Ne kete histori te bukur nuk kishte si te mungonte edhe Kryetari i Shoqates “Vatra” ketu ne Jacksonville, z.Adriatik Spahiu., njekohesisht edhe Nen-Kryetar i Vatres se Diaspores Shqiptare ne Amerike.Ne Meshen e Shejte qe u mbajt te Dielen e pare pas Festes se Pashkve , perveç suprizes se kandshme qe i bani me viziten e tij Komunitetit tone Shkelqesia e Tij, Arqipeshkvi i Dioçezes Tiranë-Durres, Imzot Gjergj Frendo, gjitheashtu nuk mund te mos permendim edhe viziten dhe pjesemarrjen ne kete Meshe te z.Adriatik Spahiu. Kur z.Adriatik Spahiu u takua ne fund te Meshes me Imzot Gjergj Frendo dhe pasi u prezantua dhe i tha atij”eshte kenaqesi qe takohem me ju ne emen te Shoqates “Vatra” por edhe si besimtar Bektashi, Imzot Frendo menjihere i thote z. Spahiu se Baba Mondi asht nje mik i mir i imi. Imzot Frendo shprehu nje kenaqesi te veçante per pranine e z.Spahiu gjate Meshes se Shejte pasi me anen e nje gjesti te tille Imzot Frendo arriti te kuptonte se per Shqiptaret bashkejetesa nderfetare asht diçka ma se normale por qe duhet vlersue dhe marr shembull nga e gjithe Bota.
Z. Adriatik Spahiu u shpreh se “ishte hera e pare qe marr pjese ne Meshen e Shejte te ritit Katolik dhe me te vertete u ndjeva shume mire pasi fjalet e paqes dhe faljes ishin tema kryesore e predikimit”.
Z.Spahiu asht edhe vete shembull i nje bashkejetese nderfetare pasi menjehere pas Meshes ne Kishen Katolike ai do te nxitonte per me shkue ne shpi per te kremtuar Festen e Pashkve ortodokse sepse bashkeshortja e z.Spahiu, Flora , i perket besimit Ortodoks-Kristjan.E ku ka nje mesazh ma domethanes se sa vete akti dhe vepra e z.Adriatik Spahiu qe te kujton te madhin Gjergj Fishta:” Ne m’vertete kena Bajram e Pashk por Shqiptarine e kena bashke.” Pra z.Spahiu perfaqeson ma se miri familjen e Shejt Shqiptare,modelin e bashkejetes nderfetare: nje Bektashi qe merr pjese ne Meshen Katolike dhe menjehere pas meshes iken ne shtepi per te festue Pashket Ortodokse. E ku mund te gjesh nje akt ma kuptimplote se ky!

“Vatra” ne Jacksonville mban gjalle memorien e Shqiptarve

August 28, 2017 by dgreca

1 adriat Gjergj

NGA GJERGJ LACUKU/

1 faqe 3 Jack 6 Spahiu Znj 2 gerneta 2 jacks 4 Jack

Sa here qe na jepet rasti te shkruajme per ” Vatren ” Shqiptare, patjeter qe duhet te ndalojme per nji çast , te marrim fryme thelle, ne menyre qe te kujtojme dy Viganet e Medhaj te Kombit tone; Nolin e Konicen.Diplomacia e tyne nga jashte se bashku me Burrat e tjere te pendes dhe pushkes si Luigj Gurakuqi, Imzot Nikollë Kaçorri , Ded Gjo Luli e Isa Boletini , do te hidhnin themelet e Shtetit Shqiptar pothujse pas 500 vjetve ronbimi prej Perandorise Osmane.

Sod , edhe pse rruga jone per me ardhe deri ktu ku jena , mund te krahasohet me ” Udhen e Mundimeve” , ashtu si Jezusit te cilit ushtaret Romake i kishin vu mbi supe nji kryq te rande ne te cilin do ta gozhdonin edhe pse ishte i pafajshem, po ashtu edhe populli jone mbajti mbi supe Kryqin ma te rande te Shekullin XX, u rrezua disa here prej diplomacise nderkombtare dhe prej anmiqve te mbrendshem sllavo-anadollak, u gozhdue, u varros, dhe prap u ringjall. Me shpalljen e Kosoves se pamvarun , shqiponja fluturon me dy krahet ne qiellin e pafund. Nuk duhet te harrojme se kush jemi dhe te kujtojme fjalimin e Fishtes per me kuptue gjenezen tone;”Prej brigjeve gjëmuese të Euksinit e deri në borën e amshueshme të Alpeve Julie ; prej brigjeve bubulluese të Ekrakeraunve e deri ndër karma të thepisuna të Karpateve, ende të rime me gjak njeriu, në ato shekuj të kaluem, banonte ajo familja e madhe trako-ilire, në namë e në za në histori të fiseve dhe të kombeve.” Per me kuptue ma s’miri madheshtine e popullit tone po ju sjedhi edhi nji citat tjeter te Gjergj Fishtes ne Konferencen e Paqes ne Paris 1919, “Ky popull asht bash ai populli i vogël shqiptar, aq pak i njohun dhe aq zi i gjykuem në Europë. I vjetër sa fosilet, sa stalaktitat e shpellave jehuese të maleve të veta vigane, dhe i lindun të thuesh prej vetë rrenjeve të vjetra, ai asht sot zot autokton i pakundershtueshëm i tokave të veta.” Edhe pse mund te jena nji Komb i vogel ne numer, jena shume ma te medhaj me zemer. Shqiptaret rrezatojne ngrohtesi kudo qe jane. Edhe kjo ” Mbramje Festive ” e organizume prej ” Vatra” ne Jacksonville , Florida , mblodhi se bashku Shqiptare prej tana trevave . Me rastin e zgjedhjeve per Kryetarin dhe Bordin drejtues, edhe kete rradhe nuk mund te mungonte atmosfera festive me kange e valle Shqiptare. E ftume speciale ne kete mbramje ishte kangetarja Shkodrane , zonja Valbona Peraj, e cila me kangen e saj te famshme ” Jam Arbnore” qe i kushtohet 800 vjetorit te krijimit te Shtetit te Arbnit, na mbushi me krenari dhe na solli ndermend se sa e randesishme asht qe ti ruajme vlerat dhe traditat tona kombetare kudo qe jemi. Fjalen pershendetese e mbajti zoti Adriatik Spahiu, i cili u rizgjodh Kryetar i Vatra Jacksonville per mandatin e ri dyvjeçar. Zoti Spahiu, si gjithemone , edhe kete rradhe e vuni theksin tek bashkimi i shqiptarve te Diaspores ne menyre qe ardhmja e brezave te ndertohet mbi baza te shendosha atdhedadhurie. Te bashkum nen moton ” Nji Flamur , nji Komb, Nji Shtet” mund te rrealizojme andrren tone te perbashket dhe te çojne ne vend amanetin e te parve. Zoti Spahiu,paraqiti edhe Bordin e ri te Vatres ne Jacksonville ; Bukurosh Curre Nen Kryetar ,Shpresa Gallaj Nen Kryetare ,Gjergj Lacuku Sekretar, Elton Hysensani Financjer, Indrit Kellezi Keshilltar , Hasan Hakrama Antar Kontrollor , Lavdie Mato dhe Vasilika Dhimitri Drejtuse te Shkolles Shqipe ,Enkeleda Bacova koordinatore per shendetesine , Vicens Jubani Shef i Departamentit te Biznesit,Ali Lushnja Shef Kabineti,Ilir Abeshi Shef i Departamentit Sportiv, Mimoza Papa dhe Piro Raspopi koordinatore te aktiviteteve kulturore , Kristjan Jubani dhe Mikela Xhaferi nga Forumi Rinor . Me kete rast, pjese e familjes se Vatres u ban edhe tri antare te reja; zonjat Xhenora Troja Jano , e Daniela Qosja.
Zgjerimi i matejshem I Vatres mbetet prioriteti kryesor per te gjithe ne – theksoi zoti Spahiu. Ne duhem te krijojme nje memorje kolektive si shoqeri ne menyre qe te jemi ne gjendje ta ringjallim Historiografine Kombetare. Mjafton te permendim thanjet e te huajve per ne per te kuptue madheshtine e popullit tone.“Shqiptarët me kostumet e tyre bëjnë një peizazh më të mrekullueshëm në botë… Shqiptarët janë raca njerëzore më e bukur që ekziston, trima më të fortë se kështjellat e tyre”-asht shprehun Lord Byron. Ndersa kanget e vallet Shqiptare na banin te ndjeheshim sikur jemi ne Shqipni, bisedat , pershendetjet mes shokve dhe miqve , si dhe fjalimet e antarve te reja si Xhenora , Daniela e Roberta, rrezatuan ma tej miresine dhe bukurine e rraces Shqiptare.
Ne keto dy vjetet e fundit, Vatra ne Jacksonville asht mundue qe te shpalose ma se miri vlerat tona. Mjafton te permendin se per here te parë ne Jacksonville u mbajt ” Festivali Shqiptar ” per tre dite rresht, ku mori pjese edhe Majori i Jacksonville Beach. Perveç paraqitjes se muzikes, valleve , kostumeve popullore , dhe kuzhines Shqiptare, u organizua edhe nji turne futbolli ,” Kupa Pavarsia,” ku mori pjese edhe ish -futbollisti i Kombetares , Daniel Xhafa. Ne kete aktivitetet , na nderoj edhe Profesor Nusret Pllana , me promovimin e librit te tij ” Genocidi Serb kunder Shqiptarve.”
Nji tjeter risi e Vatres ne Jacksonville ishte edhe krijimi i Forumit Rinor te Vatres. Tashme te rinjte kane mundesi qe te mblidhen se bashku, te diskutojne dhe te ndajne mendimet dhe vizionin e tyne se bashku me ne.
Shqiptarimin dhe Shqipnine Etnike nuk duhet qe te jua kerkojme te tjerve. Ajo duhet te nisin nga ne sepse ajo asht e jona. Humanisti i madh , Lamartini, na kujton se,” Lamartini: “Ky komb e ky popull nuk merret nëpër këmbë… Kjo është toka e heronjve të të gjithë kohërave… Homeri aty gjeti Akilin, grekët Aleksandrin e Madh, turqit Gjergj Kastriotin, njerëz këta të së njejtës racë, të të njejtit gjak”.
Ne perfundim , nji mirenohje te veçante per gjithe ato qe na mundesuan kete mbramje te kandshme : Kangetaret Valbona Peraj e Franc Palaj, DJ Serafini, TV Borova, Restoranti ” Benito’s.”
Post scriptum.
Njoftojme te gjitha deget e Vatres ne Amerike se me daten 18 Nanduer 2017 , Vatra Jacksonville kremton pese vjetorin e krijimit te saj. Jane te mirepritun te gjithe !

At Gjergj Fishta:”Toskë e Gegë: si dy kokrra në nji shegë”

June 1, 2017 by dgreca

“Toske e Gege: si dy kokrra ne nji shegë”-(Gjergj Fishta)/

Shkruan:Gjergj LACUKU/(Foto-arkiv)/

Shqiptaret e Diaspores mbeten gjithemone nji shembull frymezimi dhe shprese se e nesermja asht ma e bukur, e ardhmja ma e ndritun dhe vlerat e lirise dhe demokracise qe ato gezojne ne vendet ku jetojne duhet te ushqejne atdheun e tyne. Ne muajin qe vjen, pra ne Qeshor, Shoqata mbare-Shqiptare e Amerikes, “VATRA”, do mbaje Kuvendin e saj te rradhes ne NY. Me kete rast, Kryetari i Shoqates ,z. Gjon Buçaj se bashku me shefin e financave z.Marjan Cubi , filluan nji vizite 3 ditore ne Shtetin e Florides. Se pari, ato vizituan deget Vatrane te Tampes dhe Orlandos.Ndersa vizita e fundit ishte pikerisht ketu ne Jacksonville, qytetin verilindor te Florides, ku jeton nji komunitet prej ma se 15 mije Shqiptaresh.Nuk ishte rastesi qe vizita permbledhese ishte ketu sepse pikerisht ketu e ka zanafillen Vatra e Florides . Me nismen e z. Adriatik Spahiut, Permetarit te palodhun ne sherbim te Vatres dhe Kryetarit aktual te deges se Jacksonville te krijueme para 5 vitesh , u ba e mundun edhe shtrirja e matejshme e Vatres ne qytetet me popullsi te konsiderueshme Shqiptaresh siç jane Orlando dhe metropoli i Tampes. Gjate ketij takimi , fjalen e mori z.Adriatik Spahiu , qe falenderoj ne emen te Shqiptarve tè Jacksonville te gjithe pjesemarresit. Si gjithemome Vatra mbetet simboli dhe misherimi i Shqiptarizmes , i ndjenjes dhe identitetit Kombetar – u shpreh z.Spahiu.
Me pas, ju dha fjala Kryetarit te Vatres mbareshqiptare te Amerikes, z.Gjon Buçaj,i cili ritheksoj edhe njihere rolin e Vatres si nji Shoqate , qellimi i se ciles asht interesi kombetar, pra nji shoqate jopolitike, e hapun per te gjitha bindjet por pa harru se pertej politikave apo bindjeve te majta apo te djathta, Vatra mbetet gjithemone ne sherbim te Shqipnise Etnike, pra te shqiptarve qe ndodhen ne trojet e tyne mijeravjeçare. Z. Buçaj bani nji vlersim te veçante per degen e Jacksonvillit , vuni ne dukje punen e palodhun te z. Spahiu me stafin e tij per promovimin e vlerave shqiptare jo vetem tue organizue festime per ngjarjet kryesore te historise tone por edhe tue ju vu ne dukje traditat dhe kulturen tone edhe te tjereve siç ishte organizimi per here te pare ne Jacksonville i Festivalit Shqiptar .Ne kete eveniment artistiko-kulturor mori pjese edhe Mayor i Jacksoville Beach. Promovimi i librit te Profersor Pllana” Terrori i Serbise mbi Shqiptaret” si dhe shfaqja e filmit “Besa” tregon anet ma te mira te Shqiptarve, ku nje njanen anë nji popull vuan nen terrorin Serb por arrin te mbijetoje dhe te fitoje lirine dhe ana tjeter e Beses Shqiptare, mbrojtja e hebrenjeve prej genocidit nazist .
Ne kete takim u diskutuan tema te ndryshme ,pasi kishte mendime se Vatra i perket spektrit
te djathte politik( dhe keshtu duhet te jete , opinioni im si nji antikomunist i perbetuem) por z. Buçaj e theksoj edhe njihere se “Vatra” asht e tan Shqiptarve pavaresisht bindjeve . Z. Hasan Hakrama, shqiptari me origjine nga Peza e Babë Myslimit, qe njifet si vendi i patriotizmit Shqiptar, e vuni theksin pikerisht ketu, pra per randesine e unifikimit te te gjithe Shqiptarve kudo qe jane nen moton ;” Nji gjuhe, Nji Flamur, Nji Komb”. Gjitheashtu edhe zonja Vasilika Dhimitri-Mato per te hequn dyshimet mbi qendrimin e Vatres, theksoj se ne duhet te shkeputemi nga e kalumja e hidhun e komunizmit qe futi luften perçarse te klasave. “Tashme ka ardhe koha qe femijve tane, brezave qe do vijne, te ju mesojme gjanat ma te mira qe na bashkojne dhe jo ato qe na ndajne. Te ju mesojme femijve tane qe kane lindun ketu gjuhen tone te bukur Shqipe sepse nepermjet gjuhes femijet tane do jene ne gjendje te i ruajne e te i çojne ma tej traditat tona Shqiptare”- u shpreh zonja Dhimitri.
Ne kete takim diskutuan edhe Zonja Shpresa Gallaj, Dr. Ali Lushnja, z.Bukurosh Curre, z. Indrit Kellezi , Nenkryetari Rexhep Gabrica , aktivisti Basri Jashari, dhe Drejtoresha e Shkolles Shqipe, demokratja e perflakun dhe antikomunistja ma e vendosun , zonja Lavdie Mato.
Me kete rast u caktuan edhe delegatet per Kuvendin e Vatres qe do mbahet ne NY me daten 10 Qeshor te ketij viti.
Ky takim konstruktiv u percoll edhe me kange e valle Shqiptare te te gjitha krahinave. Nji falenderim te veçante per grupin muzikor” Oriental” me kangetaren e mirenjohun te muzikes popullore Shkodrane, znj. Alma Velaj, e cila u tregua e gadshme per me kendue falas per ore te tera. Shpresojme qe ket shembull ta ndjekun edhe kangetaret e tjere sepse te i japesh diçka komunitetit Shqiptar asht nji detyre e secilit qe i kalon permast monetare.
Ky takim bashkeatdhetaresh te mahnit per unitetin dhe qytetarine shqiptare. Vatra ofroj edhe nji donacion per $650.00 per z. Adriatik Novaku.E mbylli kete shkrim me vleresimin ma te nalte per Diasporen sepse ne jemi misherimi dhe identiteti i ma se mires Shqiptare.